يا ناس عاونوي على وجه الله

[نسرين1]

السلام عليكم و رحمة الله تعالى و براكاته اسمحولي بزاف ادا هادا الموضوع ماراهوش في القسم ديالو المهم انا فتاة تبلغ من العمر 16سنة ادرس في اكمالية وهاد العام البيام انشاء الله انجيبو انا والمؤمنين و المؤمنات كاين واحد يقرى معايا نموت اعليه بزااااااااااااااااف في عمرو 16سنة كيما انا ماقدرتش نصارحو في البداية بصح نصحوني وقررت نقولو بصح ماشي وجه لوجه قوتلو فلفايسبوك عبرتلو عن مشاعيري وقالي انت كيما اختي حتى فلقسم ولاو يقولولو راهي تشوف فيك باش يهبلوه راني حاساتو كره من هاد لحكاية مادا افعل حتى قريب انتحرت ممكن تنصحوني مادا افعل هل اكلمه واوضح له ام اترك الموضوع

[ضوء القـمر]

إذا كان هذا سنك الحقيقي فأنت مجرد مراهقة أما التصرفات الي راكي تتكلمي عليها فهذا هو حال بناتنا في الاكماليات
اتلهاي بفرايتك خير لك

[سمية طا]

ربي يهديك فهمتي ياختي اكي صغيرا والحب او كبير عليك مازلتي ما تعرفيلوش اشغلي بالك بحوايج ينفعوك ونسايه لانوا كلش بقدر الله وقضاءه لاكان حابة تخرجي من رحمة ربي وتدخلي للنار انتحري سع ما تربحيها ني دنيا واخرة صلي واقراي لقران وتفرجي حصص دينية وما تصاحبيش لبنات تلي ماش ملاح واحكي لانسان حكيم وقريب ليك لي يشتيلك الخير ربما يعاونك سلام

[نسرين1]

شكرا اختي
سمية قاستيني في كلمة لبنات ماشي ملاح عندك الحق كيفاش حتى عرفتي

[نسرين1]

اين انتممممممممممممممممممممممممممم

[نسرين1]

اخي هو علابالو بصح قالي راكي كيما اختو وقالي بالك كاش نهار نحببك مارانيش قادرة نصبر اعليييييييييييييييييييييييييه

[سعااد]

والله ياختي انتي صغيرة على هدا الكلام وانتي ايضا في مرحلة حرجة اقصد المراهقة وديري في بالك كي تكبري شوي تولي تضحكي على روحك واش كتبتي هنا

[hamzadaksi]

ههههههههههههههههه واش بيك قوادالوبي بالاك تحبي ينحيوك من المنتدى

[soumia88]

ارجو يا انسة ان تشغلي وقت الفراغ بامور مفيدة فلا انت اهل للحب و لا الحب اهل لك و انت لم تبلغي سن الرشد تأكدي ان اختيارك ليس سليم في هذا الحين فلن تستطيعي تكوين عائلة في الوقت الحالي و سوف تملين من الوضع ان اقمت علاقة حب معه انصحك بنسيان الموضع و توفير الوقت للدراسة و الرياضة الخ والله يوفقك

[فاطمة الزهراء7]

انا نشوف بلي هذا غير من الفراغ والحب هذا اللي راهو في قلبك حاولي تعلقيه بربي اولا و نبينا محمد صلى الله عليه وسلم و الوالدين هما اللي رايح ينسوك في هذا الحب و نزيد نقولك بلي راهو رايح يجي نهار تضحكي على روحك و تقولي انا كيفاش كنت كيما هاك و تاني ما تزيديك ترسليلو مع اي واحد بالك ادا خمم فيك وشافك تقيسي في روحك عليه كيما هاك يقول عليك بلي بنت متهورة و خفيفة و عقلها مشي عندها غير اخطيني منها
تهلاي في روحك و قبل ماديري اي حاجة تندمي علها خمي كيفاش ريحة تلقاي ربي وكيفاش تخلي والديك من بعدك

[الفقيرة الى الله]

أرجوك أختي الغالية نتمنى تسمعيلي مليح . أقسم لك انني نتمنالك الخير ونحبك في الله
أول شيء أدعي بزاف باش ربي يعينك ويكون معاك ويساعدك باش تتخلصي من هدا الامر
لان صعيب بزاف هدا السن ادا معرفتيش تتصرفي فيه . والصحبة السيئة للاسف تزيد تأثر فيك . جربي انت تأثري فيهم بأخلاقك الاسلامية الحسنة هكدا ان شاء الله يكتبلك الاجر.
أحكي لامك هي أقرب مخلوق ليك ريح تريحي صدقيني وهي تعاونك وتفهمك ان شاء الله
ومتخليش وقت فراغ روحي للمسجد اسمعي حلقات علم واقراي قرأن وجربي تحفظي رايح ربي يكون معاك بادن الله
أرجوكي حبيبتي . ابتعدي عن هدا لامر. مازالك صغيرة لازم تقراي وتفهمي وعرفي بلي هدا اللي تحسي بيه خرطي ووسوسة شيطان
تقبلي مروري وكلامي كله لك بدافع الحب والله على ما أقول شهيد . أحبك في الله أسأل الله ان يهدينا ويهديك ويهدي جميع بنات وشبات المسلمين آمين

[الفقيرة الى الله]

[quote=dj-iron;4010354]اختي نسرين ادا كان حابك انت ابعثيلوا مع صاحبو ولا صديقتك و انشاء لله يقبل هو بيك[/qu
اسمحلي اخي الفاضل تقبلها لاختك ؟؟؟
الله المستعان . ياريت لو تخاف على بنات الناس كيما تخاف انت على محارمك
شايف هدا الامر عادي ؟؟؟ أسأل الله ان يردنا اليه ردا جميلا آمين

[msteelwater]

المودة والحب يأتيان بعد الزواج وقصص الغرام هذه والترهات من حبائل الشيطان
احرصي على دينك وعفافك وشرفك
اشتغلي بدراستك وهذه الأمور توصل للمحظور


بعدي عليك اولاد الحرام وبالاك لا تجيبيها في عشك
واللي ما جاكش على طريق الحلال اللي تجي منها قاع الناس غير بعديه واهربي منو
ما يهفك حتى واحد هو ماهو خوك وانتي ماكي اختو



الله يهديك للخير

[** دنيا الأمل **]

السلام عليكم
اختي انت صغيرة جدا على قصص الحب و تبعاته
دراستك اهم من كل شيء في الوقت الحالي
هذا سن خطير جدا عليك الانتباه جيدا
اتركي لكل شيء وقته
هذا من ناحية
من ناحية اخرى اختي العزيزة
مستقبلا يعني كي تكبري
ضعي عزة نفسك فوق كل اعتبار
من الخطأ ان تكون المبادرة من المرأة
اللي حابك هو اللي يجي ليك ماشي انت اللي
تروحي ليه
نحن مجتمع عربي ...ماتنسايش هذا الأمر
للتنبيه فقط اختي الصغيرة
زميلك الذي تتكلمين عنه
قد يوافق على طلبك هذا لاحقا
لكن وفق شروطه ...حذاري

[عُضو مُحترم]

انتي يلزملك طريحة كحلة

و اذا ما نفعتش معاك

يلزم باباك يحبسك من القراية

باش تترباي مليح

ياخي حالة

لا حيا و لا حشمة

[مصريه جدا]

ياختى العزيزه لساتك صغيره على الكلام ده
16 سنه صغيره اوى اوى كمان
ودى كلها مجرد مشاعر مراهقه
بلاش تجرى نفسك فى السكه دى

فكرى فى مستقبلك ودراستك وبس

اوعى تسمحى لاى حد مهما كان يجرك فى الطريق ده


ربنا ينور بصيرتك ياااااااااارب

[•~ندية الجوري~•]

أســأل الله أن يقوي إيمانك
و يبعد عنكِ رفقة السوء




صغيرتي حافظي على نفسك ...
و كرامتك ...و سمعة أهلك...



حاولي أن تكوني قدوة للأخرياتـــ لا أن يستهزء بكِ الصغير و الكبير...

إنما هي وسوسة شيطان ليجركِ للهلاك
فلا تتبعي خطاهـ فتهلكي ....




استعيني بالله و أكثري الدعاء
تضرعي لهـ سبحانهـ أن يرفع عنكِ هذا...




و ابتعدي ما استطعتي عن سماع الأغاني و متابعة الأفلامـ و المسلسلاتـــ..


..

كلامهمـ المكذوبــ المعسول هو من جرّ بناتنا
لــ طريق ليس من شريعتنا و لا في اعرافنا





ربي يحفظك يا أختي ...

أنظري في وجه أمك و أمعني النظر
مــا الذي تستحقهـ منكِ فعلاً

و تخيلي حزنها عنك إن فعلتـِ بنفسك أمر مشين

تخيلي حالكِ إن فعل بكِ ما فعل
إلى من تلجئي و هل سينفعك الندمـ حينها

يا أختي تخيلي نفسك دائما في أسوء المواقف
لا في أحلامـ أوهمتكمـ المسلسلاتــ انها حقيقة



ستكبرين إن شاء الله
و
يرزقك الله الزوج الصالح

الذي يستحق حبك

فحافظي على قلبكِ

فــ القلبــ ليس بــ الرخيس

...

[shadow30]

اسلالالالالالالام
اختي نسررييييين هده نصييحة من اخت اكبر منكي ودات خبرة من الحيااة==ايااااكي ثم ايااااااااكي من هد الطريق الاعوج لراااح يضيعلك قراايتك ومستقبلك==هد الفكرة كامل خاااااااااطئة لراها فباالك ياليت تقدري تنحيهااا نهائياا =الحب وجد للزواج== وانتي مزالك بعييدة كل البعد على هد المواضييع ==ردي بالك لخااطر تع صح راح تندمي لسمح الله ادا كملتي في هد طرييق تع الاوهاام والمرااهقة كما سماها بعض الاخوة==حاولي تنسااي هدا موضوع وبعدي عليه قد متقدري ==وصدقيني ماراح تلقااي الراحة والحلاوة والسعاادة الا في دراستك وتفوقك==وسيرتو راه عندك البيام هد العاام دك تغمدي عينيك يقلك غدوة البياام=فياليت تخلي شغلك الشاغل هو الدراسسة ==تقبلي مروري ربي يرفقك في دراسستك

[الخالدي59]

تلميذتي الكريمة

درست الكثير من كانوا في سنك وفي مستواك وفي عدة مناطق ووجدت بعض الحالات التي تمرين بها

درست مايقارب 28 سنة وجدت أن الذين نجحوا وحققوا مستقبلا زاهرا هم الذين كان همهم الوحيد هو طلب العلم

والسعي من أجل تحقيق مستقبل زاهر أما الذين كان همهم الوحيد هو هذه العلاقات المشبوهة التي تتحكم فيها

العواطف ونزوات المراهقة للأسف كلهم توقفوا في منتصف الطريق ولم يخطو خطوة واحدة للأمام لأنهم نظروا للمدرسة كأنها مرتعا

للعلاقات والمواعيد والحب والغراميات

والشيء الذي أثار دهشتي لم أسمع ولم أرى أن تلميذين قد تزوجا فيما بعد وكانت تربطهما علاقة عاطفية

علاقات طواها الزمن وأصبحت في خبر كان لأن العقل أصبح السيد وغابت العاطفة وانتهى دورها مع نهاية سن المراهقة

تلميذتي الكريمة لا تظلمي زميلك دعيه يكمل مشواره الدراسي ونافسيه في العلم وهو أراد ذلك ولم يحب أن يجرح مشاعرك

حينما وضعك في درجة واحدة مع أخته

تلميذتي لا تحصري حياتك ومصيرك في زاوية واحدة ولو كانت لك بنت في مستقبل الايام وعندما تصل سن 16 سنة

وقالت لك أماه لا أفكر إلا في زميلي كذا ولا يهمني الدراسة ولا أتصور أن أعيش دونه

أجيبي هل ترضين وفي هذا السن تقول لك هذا وأنت التي ضحيت وسهرت وذقت مرارة الحياة من أجلها

تلميذتي عودي الى رشدك ولا تدعي الشيطان يتلاعب بك مرة يأخذك جهة اليمين ومرة جهة اليسار

الله أعلم

[حلاوة_87]

اختي انت صغيرة جدا في السن
ان كان هذا الفتى شاغل كل عقلك فاني اشك ان هناك مكان في عقلك لدراستك و نجاحك في شهاة التعليم الاساسي..لذا انصحك بنسيان هذه الامور والتي هي مجرد مشاعر مراهقة نبعت من الفراغ الذي تعيشينه وممكن باختلاطك وايضا المحيط الذي تعيشين فيه...
املائي جل وقتك بدراستك حتى تنجحي في الامتحان فلا يمكنك دعاء المولى عز وجل بالنجاح وانت لا تفكرين سوى بالتفاهات...
ابتعدي عن رفقاء السوء..واهم شيء تفكرين به هو سمعتك وسمعة اهلك..وخصوصا والديك اترضين ان يتكلم احد عنك بسوء او يقول بنت فلان فعلت كذا وكذا.....
ولا اريد ان اجرحك لكن هل اعجبك وضعك حينما علم انك تهوينه وهو قال انه لا يحبك الم تشعري باحراج كونك انقصت من كرامتك..
اختاه احفظي كرامتك وسمعتك ولا تكوني السبب في تشويهها..
نصيحة من اخت تحبك في الله.

[ام إثري]

أرجوك أختي الغالية نتمنى تسمعيلي مليح . أقسم لك انني نتمنالك الخير ونحبك في الله
أول شيء أدعي بزاف باش ربي يعينك ويكون معاك ويساعدك باش تتخلصي من هدا الامر
لان صعيب بزاف هدا السن ادا معرفتيش تتصرفي فيه . والصحبة السيئة للاسف تزيد تأثر فيك . جربي انت تأثري فيهم بأخلاقك الاسلامية الحسنة هكدا ان شاء الله يكتبلك الاجر.
أحكي لامك هي أقرب مخلوق ليك ريح تريحي صدقيني وهي تعاونك وتفهمك ان شاء الله
ومتخليش وقت فراغ روحي للمسجد اسمعي حلقات علم واقراي قرأن وجربي تحفظي رايح ربي يكون معاك بادن الله
أرجوكي حبيبتي . ابتعدي عن هدا لامر. مازالك صغيرة لازم تقراي وتفهمي وعرفي بلي هدا اللي تحسي بيه خرطي ووسوسة شيطان
تقبلي مروري وكلامي كله لك بدافع الحب والله على ما أقول شهيد . أحبك في الله أسأل الله ان يهدينا ويهديك ويهدي جميع بنات وشبات المسلمين آمين

انا من راي اختي الفقيرة الى الله
ربي يحميك اختي

[zaki4482]

أنت في منعرج الحياة ألا و هي المراهقة
إما في الطريق السليم و إما إلى بئس المصير
إياك من هذه الفترة ، تقربي من عائلتك أكثر و خذي النصح من أمك .أو أختك أو ممن فيهن الصلاح
و أملئي فراغك بالقرآن و الدراسة ، و أنسي أمر هذا الفتى

هاكــــــــــــــــــــــــــــــــــ الحبـــــــــــــــــ الحقيقي ، إن أردتي النجاح في الدنيا و الأخرة
أريد حبا و حبيبا
لمَ العجب...نعم أريد حُب!!
أريد حبيباً يشعرني بالأمان.. !!
أريد حبيباً معي في كل حين.. !!
أريد حبيباً لا يكذب..!!
أريد حبيباً لا يغدر..!!
أريد حبيباً يصفح عني زلاتي !!
يغفر لي هفواتي
لا يلومني على ما اقترفته فيما ماضى ..!!
حبيباً رحيم
يسمع لي في كل حين ولا يمل..!!
وأبث إليه شكواي فلا يكل !!
برأيكم أين سأجد كل هذا.!!
وهل مطالبي كثيرة.!!
وهل هي مواصفات تعجيزيه.!!
بالرغم من ذلك وجدت ما أصبوا إليه
إنــــــه :
حــــــــــــــــــــــــــ *الله* ـــــــــــــــــــــــــــب
وياااله من حــــــب..!!
لنرى معاً جزءً يسير جداً من دلآلآت حب الله لنا..
كل انسان يعاملك ليأخذ منك ويستفيد..!!
أما الله تعالى يعاملك لتكون انت الرابح والمستفيد..!!
فالحسنة بعشرة امثالها على سبعمائة ضعف إلى اضعاف كثيرة
[ لأنه يحبك ]
(( إذا هم عبدي بحسنة ولم يعملها كتبتها له حسنة فإن هو عملها كتبتها له عشر حسنات إلى سبعمائة ضعف وإذا هم بسئية ولم يعملها لم أكتبها عليه فإن عملها كتبتها سيئة واحدة ))
(( ينزل سبحانه إلى السماء الدنيا نزولاً يليق بجلالته فينادي بلطيف قوله : هل من سائل فأعطيه سؤاله هل من مستغفر فأغفر له )) ..[ لأنه يحبك ]
أرشدك إلى الطريق الصحيح ودلك عليه ووعدك بثوبة عظمى مابعدها مثوبة .. [ لأنه يحبك ]
كان من الممكن أن تكون حطباً لجهنم ( عافاكم الله وايانا ) ولكنه جعلك مسلماً. .
[ لأنه يحبك ]
كم عــافاك ؟؟
كم سترك ؟؟
كم أعطاك ؟؟
كم حماك ؟؟
كم رحمك ؟؟
كم امنك ؟؟
كم رزقك ؟؟
كم وهبك ؟؟
لماذا !!؟
[ لأنه يحبك ]

وغيرها من الدلائل كثير لا أستطيع حصرها في طرحي هذا
أخواني وأخواتي ..
إن حــب الله سبحانه هو أسمى أنواع الحــب وأعلاها...
ومتى أحــب العبد ربه سار على درب الصلاح..!
وقد روى مسلم عن أبي هريرة ( رضي الله عنه ) قال: قال رسول الله صلى الله عليه وسلم: " إن الله إذا أحب عبداً دعا جبريل، فقال: إني أحب فلاناً فأحبه، قال : فيحبه جبريل ثم ينادي في السماء فيقول: إن الله يحب فلاناً فأحبوه فيحبه أهل السماء، ثم يوضع له القبول في الأرض "
بعد هذا ..ألا تطمع وتطمح أن تكون ممن يحبهم الله.!!
.:: اخيراً وليس آخراً ::.
ماذا لو سُئلت يوماً ماهو الحب الأول في حياتك .!!؟
هل سيكون جوابك ... حــب الله !!؟؟

[فريد عزوز]

السلام عليك ورحمة الله وبركاته

اولا فلنتق الله في هاته البنت التي فتحت قلبها لإخوانها من اجل النصيحة

فلا خير في قوم لا يتناصحون ولا خير في قوم لا يقبلون النصيحة

اختي الغاليه..

إن الذي تعيشينه حاليا ما هو إلا رذاذ من شهوة الشيطان

يريد بذلك أن يظلك عن طريق الحق
فلا تتبعيه

فاجعلي الله الواحد صوب عينيك

واكثري من الذكر

خاصة

( اللهم يا مقلب القلوب ثبت قلبي على دينك وأصرفه إلى طاعت وطاعة رسولك)

وأشغلي تفكيرك بالله ومن ثم بدراستك

وبإذن الله راح تجدين الراحة من مرض القلب

شكرا وبارك الله فيك ودمت طيبة

[أسماء البرج]

أختي هذه المرحلة حرجة ومعظم الناس يمرو بهذه الوضعية لكن رح يجي يوم تضحكي على روحك أو تتمناي لوكان ماقلتيلوش على خاطر راح يولي بالنسبة ليك مجرد إنسان عادي أنا في رأيي تحاولي تتجنبيه قد ماتقدري وتبينيلو بلي نحتيه من بالك و إذا قدرتي روحي لعندو و قوليلو إسمحلي راني سحبت كلامي ومن وجاي راك كي خويا .......صدقيني راح تكسبي إحترامه أكثر ..صحيح راح تعاني شوي بصح تحسي بقيمتك أكثر....ربي يعينك أختي.

[دارين14]

مساء الخير أعتبريني اختك الكبيرة وانصحكي بالتفكير في دراستك لانكي مازلت صغيرة على هذا فكري بمستقبلك واشغلي نفسك بامور اخرى فهذه مرحلة تمر بهاالكثير من المراهقات ، وحاولي التقرب اكثر من عائلتك اذ ستشعركي بالحنان واالحب وشكرا

[استاذة التاريخ]

يابنتي وش هاذ الكلام انتحار وما انتحار انت مزلتي صغيرة والدنيا قدامك هاذا وش صرالك من الفراغ ركزي على دراستك وعلى صلاتك وحفظ القران ربي يسرلك كل شيء

[روح القلم]

السلام عليكم أختي المومو
أولا و الله أحييك على شجاعتك في طرح مشكلتك برغم من انها قصة تخجل بعضنا إلا أنكي أبيتي ألا ان تحكيها لنا و هذا لأنكي فعلا أنتي الان في حالة ندم و تريدين أن تنهي كل هذه الحكاية أوبالاحرى يعني تشيليها من دماغك خلاص ... أي انكي أصبحتي تدركين الحجم الحقيقة للمشكلة التي وقعتي فيها وتريدين أن تجدي حل ...
في الحقيقة أستغربت من بعض الردود و الاكيد أنها تنم عن مصادر جهل لا غير بتعاليم الدين ..
المهم لا علينا
أرجو فقط أن تضعي نصب عينيك أن مثل هاته العلاقات هي من امر الشيطان أي انها حالة الفراغ التي تعيشينها بين اهل ومحيطك جعلتكي تفكرين في طريقة لملئ هذا الفراغ العاطفي
لكن بطريقة الخطاء
لانكي الان في مرحلة تسمى مرحلة المراهقة و تتحرك العديد من الاحاسيس لدى الانسان ومنها الاحساس بالاعجاب او الحب .. بالموازات مع صفتك الاحالية و هي تلميذة و عمرك لم يتجاوز 20 سنة انتي الان في مرحلة نضج و تعلم لا يجب أنتسبقي كل المراحل لتصلي الى الحب و الزواج ...
سأسألك سؤال :
ما هي طموحاتك في الحياة ؟
أهدافك و احلامك ؟
عندما تفكرين جيدا في كيفية تطوير و بناء مستقبلكي ستجدين نفسكي انكي إستعجلتي في الحب او الاحساس به
و سترين أن الحياة و العمر مازال أمامك ممتدا على مدي البصر و ان القدر يخبئ لكي الكثير و المزيد من المفاجأت
و ما أنتي عليه اليوم ما هو إلا نزوة من الشيطان فعليكي
بإحتضان والدتك و مصادقتها أو اختكي الكبرى اوأي أحد تثقين به ليكون سندكي و مستمعا جيدا لهمومك و تساؤلاتك
و ناصحا و راشدا لكي ....
أما بنسبة للذي أنتي عليه اليوم فعليك ببعض الشجاعة و ثقة بالنفس و أن تذهبي لزميله و تعتذري منه و تطلبي منه أن ينسى ما حدث و أن تبين له أنه مجرد نزوة من الشيطان و أنكي تعتزين بأخوته ..
أما الذين مازالوا يثرثرون في الموضوع فعليكي أن تضعي حدا لأصحاب الالسنة الطويلة منهم ليكفى ليخاف البقية و يكفوا شرهم عنكي ....
يجب أن تبين لهم أنكي قوية و لست ضعيف أمام كلامك و سخريتهم ...
و أثبتي لهم أنك جدية بإلتزامك بدروسك
و لاتنسى أبدا أن الله معكي
فدعاء و الاستغفار سر ذهاب الهموم و الاحزان
و قراءة القرآن تحرسك من وساوس الشيطان
و نسي التفكير في المشكلة و في كل الامور السلبية و صعي نصب عينيكي النجاح في الدراستك و أحلامك التي تنتظركي لكي تحققيها بإذن الله
و بالتوفيق

[rachid_west]

السلام عليكم

[rachid_west]

اتركي الموضوع

[ZORRO__DZ]

مادا افعل حتى قريب انتحرت

قال تعالى بعد بسم الله الرحمن الرحيم { وَإِذَا الْمَوْؤُودَةُ سُئِلَتْ بِأَيِّ ذَنبٍ قُتِلَتْ }

ماذا سوف تقولين لربك عندما يسألك ؟

تنصحوني مادا افعل

نصيحتي هي جوابك على سؤالي !!!

لماذا لم تحبي كلام الله وكلام الرسول ؟؟؟؟؟؟

[تبوب سوسن]

انتي يلزملك طريحة كحلة

و اذا ما نفعتش معاك

يلزم باباك يحبسك من القراية

باش تترباي مليح

ياخي حالة

لا حيا و لا حشمة

انتا راك تزيد تعمي فيها

هاذا مشي اسلوب تع واحد متحضر يفهم الاولا د و البنات اللي يمروا بهذا السن الحرج نظن نتا تاني مريت بهاد المرحلة .. و واش من حق يسمحلك باش تهدر معاها بهذا الاسلوب حتى الاباء و ما يديروهاش

نورمالمو تنصحها باش تتقبل الفكرة في راسها و تبعد على هاد الطريق ماشي تخاطبها باسلوب العنف و التخويف

المراهق بطبعو كي تهدر معاه هكا يزيد يتعاسر

الدين يســر و ليــس عســر يا أخي ..

[فتـ حييةـاة]

اختي الصغيرة ننصحك تتقربي من اختك الاكبر منك وصارحيها ولا امك المهم هذا السن واعر بزاف ويلزم يكون جنبك واحد كبير باش يعقلك

[أميرة الزمرد]

أســأل الله أن يقوي إيمانك

و يبعد عنكِ رفقة السوء

و يهديكي الى الطريق المستقيم

[imene08]

اختي نسرين ادا كان حابك انت ابعثيلوا مع صاحبو ولا صديقتك و انشاء لله يقبل هو بيك


واش هاذ الرد؟؟؟
يا نسرين يا أختي مازلت صغيرة على هاذ الأمور
رايحة تكبري و تعرفي معنى الحب تاع الصح و رايحة تضحكي على نفسك
بالاكي تشوهي السمعة تاعك يا ختي لوكان تخرج عليك الهدرة رايحة تبعك حتا تكبري صدقيني
و رايحة تندمي بزاف (نهار تكبري و تلقاي لي يحبك و يتقدم للزواج تاعك و من بعد كي يسقسي عليك واش يقولولوا الناس؟؟؟)
حلي عينيك مليح و ألتهاي بقرايتك هي مفتاحك و الحب لاحقة عليه
راني اختك لكبيرة و لوكان جيتي قدامي لوكان عطيتك طريحة

تعرفي شحال في عمري 25 سنة و كي حتا وليت في عمري 22 سنة باش عرفت واش معنتها الحب و تخطبت بيه و راه مخرجلي عمري، قوليلي واحد 16 سنة وقتاش رايح يخطبك هاذا إذا كاشما كان بيناتكم أصلا
أخزي الشيطان و التهاي بقرايتك يا ختيتي لعزيزة

[اشبيلية]

السلام عليكم ...............الاخوة والاخوات اللي قبلي ...قاموا بالواجب .لكن لابأس ان أضيف.....اختي نسرين ..مررنا على هذه السن ..والكثير منا وقع في اشياء كهذه...لذا انصحك باخذ العبرة ...لا ان تجربي بنفسك وبعدها تندمين
خمي معايا شويا للبعيد....صارحتيه اومبعد ماذا؟ تمشي معاه.....اومبعد شويا يامات ملاح...انتي تكدبي عليه وهو يكدب عليك....ماتقوليليش لالا.....لانو هذا الواقع..
اومبعدد؟؟؟؟تداربو...وتمرضي روحك ومااليك.....هادا ماكان .....وديري تيكيات لروحك ....وتشوهي صورتك هذا ماكان؟؟؟؟؟ مايغركش واش راكي تحسي دوك.......علابالي ...حبيتيه وخلاص.....بصح المهم ماتكمليش في هاذ الطريق وما تبعيش واش يقولو البنات ...لانها طريق ماتخرجش.
واولا وقبل كل شيئ...هل هذا امر يرضي ربي.....هل يرضي والديك ؟خمي مليح.....علابالي بلي انتي عاقلة وفاهمة..;)
ونقول للاخ اللي شجعها باش تصارحو...اتق الله في نفسك وفي اعراض الناس ....هل هذا امر ترضاه لاختك او ابنتك....؟
والسلام عليكم ورحمة الله وبركاته...

[alaa edine]

ماذا أقول بعد كل الردود الناصحة
أرجو أن تكون الأخت ياسمين قد اقتنعت بالفعل
ربي يبعد عليها رفقاء السوء و يسهل عليها و ينسيها
حاولي تحويل تلك الطاقة إلى الدراسة تفوقي فيها
و في الوقت المناسب ستجدين الحب الحقيقي الذي سيركض إليك بالطريقة التي ترضي الله لتسعدي في الدنيا و الآخرة

[alaa edine]

عفوا أختي نسرين لقد أخطأت في الإسم
بالتوفيق نسرين