هام بخصوص مفتش رئيسي للبريد

[جلول81]

يا اهل الخير عندي مسابقة في الجزائر في الكاليتوس تاع مفتش رئيسي في البريد راني حاير وين نقعد الى الذين عندهم معلومات يفيدوني انا من الاغواط لي راه رايح يرد هنا او يترك رقم الهاتف للاتصال به واجر الله على الجميع

[toufik28ms]

أرقد برة
في الخلاء
وفي الشارع
من طلب العلا بات في الخلا

[mounir.b]

chof l'hotel rabi ysahalek dirbarnamaje wadima hot ihtimalat zayda

[kimaf]

كاين في الكاليتوس فندق

[hamiclio]

ياو ربي ايسهلك لكن من فوق قلبي لان المنصب واحد وانا مشارك ايضا لكن عن الايواء راني انروح الاثنين في الليل ربما اخرج بطاقة انخراط من بيت الشباب تسمح لك بالاقامة في اي بيت شباب اظنها مجانا لانك منخرط ايضا يمكن تروح للجامعة كاش ما تعرف واحد من لبلاد

[warrior1984]

يا خي جايح راك في الجزائر في بلادك ماكش في نيويورك هههههههههههههههههههه
و الله ضحكتني باين أنت جامي خرجت من الدار إإإإإإإإإإإإإإإإإإإإإإيييييييييييييييه يا الدنيا ياو صعيب الحال عليك

[toufik28ms]

ياو الماتش مبيوع يا صاحبي ......
بصح واش تدير.... كيما قتلك من طلب العلا...... بات في الخلا
راني نجي ثم ونتلاقاو.....

[hamiclio]

ياو تبات في الجليد والمطر الي راهم لونصاوه في النشرة لكن وبدون اي تثبيط نعافرو الحالة هاك وهاك وراها انشاء الله تسير رحت العشوة لبيت الشباب وقالولي بلي البطاقات اخلاصو ولازم تروح للجلفة ثم راك تلقى والوقت ما بقاش

[جيدول]

:1:ياو الماتش مبيوع يا صاحبي ......
بصح واش تدير.... كيما قتلك من طلب العلا...... بات في الخلا
راني نجي ثم ونتلاقاو.....


:1::1::1::1::1:


مليح هذا الرد


:1::1::1::1:

[pink_heart]

يا خي حالة.الاخ يسأل من اجل المساعدة فيستقبل كا من الردود الحمقاء المثبطة للعزيمة و المستهزئة .ارحموا من في الأرض يرحمكم من في السماء .على هكا سلط عليكم ربي حكام كيما نتوما الله لا يرفد عليكم .كيفما تكونو يولى عليكم.أما الاخ أنصحك بالبحث عن احد اولاد بلادك في الإقامات الجامعية .توكل على الله و انشاء الله بالتوفيق.و االه غير فكرتني في واحد معسكري حيث كنت في يوم من الأيام في زيارة لصديق بالإقامة الجامعية في الشلف و إذ بشاب مستحي و باين عليه زوالي يطبطب و يدخل علينا و سألنا إذا نعرفوا كاش واحد معسكري في الأقامة قلنا لا و سقسيناه واش يحوس قالنا بلي عندو كنكور تاع متصرف اداري و جا يديرو في شلف.قالو صاحبي ريح معانا حنا تاني ولاد بلادك.بات معنا و قتلو قداش من منصب كاين قالي واحد.قتلو على جال واحد جيت من معسكر لهنا وكان انا والله منحرك رجل.قالي حنا نسببو و اللي يجيبها ربي فيها خير.تمنيتلو من قلبي يربح كان شاب حشومي و باين عليه زوالي مسكين.راح الصبح على 7 يجوز الكونكور و هو غير يدعينا و يقولنا يلي خيرنا مينساهش.مرت الأيام حتى لحق يوم و عيط هذا المعسكري لصاحبي و قالو راني ربحت في الكونكور و بديت نخدم.و الله القصة واقعية و الله شاهد على ما أقول.فعلى كل شاب الصبر و التوكل على الله هو نعم المولى و نعم النصير.

[abda]

بالتوفيق للجميع

[raownak]

السلام عليكم أتمنى التوفيق للأخ من الأغواط وأتمنى أن يوافينا بمواضيع المسابقة عندما يجتازها
بالتوفيق إنشاءالله

[fateh16]

السلام عليكم
أخي يوجد فنادق في دائرة الحراش وهي قريبة من بلدية الكاليتوس حوالي 20دقيقة في الحافلة .وهي رخيصة الثمن .
أما في الكاليتوس لا يوجد فندق.
بالتوفيق أخي و شكرا

[sisi87]

يا خي حالة.الاخ يسأل من اجل المساعدة فيستقبل كا من الردود الحمقاء المثبطة للعزيمة و المستهزئة .ارحموا من في الأرض يرحمكم من في السماء .على هكا سلط عليكم ربي حكام كيما نتوما الله لا يرفد عليكم .كيفما تكونو يولى عليكم.أما الاخ أنصحك بالبحث عن احد اولاد بلادك في الإقامات الجامعية .توكل على الله و انشاء الله بالتوفيق.و االه غير فكرتني في واحد معسكري حيث كنت في يوم من الأيام في زيارة لصديق بالإقامة الجامعية في الشلف و إذ بشاب مستحي و باين عليه زوالي يطبطب و يدخل علينا و سألنا إذا نعرفوا كاش واحد معسكري في الأقامة قلنا لا و سقسيناه واش يحوس قالنا بلي عندو كنكور تاع متصرف اداري و جا يديرو في شلف.قالو صاحبي ريح معانا حنا تاني ولاد بلادك.بات معنا و قتلو قداش من منصب كاين قالي واحد.قتلو على جال واحد جيت من معسكر لهنا وكان انا والله منحرك رجل.قالي حنا نسببو و اللي يجيبها ربي فيها خير.تمنيتلو من قلبي يربح كان شاب حشومي و باين عليه زوالي مسكين.راح الصبح على 7 يجوز الكونكور و هو غير يدعينا و يقولنا يلي خيرنا مينساهش.مرت الأيام حتى لحق يوم و عيط هذا المعسكري لصاحبي و قالو راني ربحت في الكونكور و بديت نخدم.و الله القصة واقعية و الله شاهد على ما أقول.فعلى كل شاب الصبر و التوكل على الله هو نعم المولى و نعم النصير.
انا كي نشوف منصب واحد ما ننويش كامل نجوز

[pink_heart]

بهذا المنطق متروحيش بعيد.صحيح أن البيروقراطية و المعرفة تنخر مسابقات التوظيف نخرا.لكن توكلي على ربي و الله متندمي.و اللي يثق في ربي و الله لن يخيبه.لكن عليك بالسعي فالسماء لا تمطر ذهبا او فضة.

[hamiclio]

يا خويا رحت فوتت الامتحان وتوكلت على الله ياخويا كان الامتحان مبرمج ثلاث ايام لكن تم تقديم القانون مع الثقافة العامة في يوم واحد واللغات في اليوم الموالي وفاتت الحالة كيما كتب المكتوب لكن نقول للاخت sisi87 واش رايك في منصب واحد خاص بمفتش رئيسي في اليزي وجاو ايفوتوا في الامتحان من ادرار وحتى جانيت وشوفي الخريطة تفهمي اما عن الاسئلة للاخ ستجدها لاحقا هنا

[hamiclio]

بالنسبة لاسئلة امتحان مفتش رئيسي فيpttفي مادة الثقافة العامةفكان السؤال حول ظهورتكنولوجيات الاعلام والاتصال اي كمادة في التخصص

[hamiclio]

اما في مادة الفرنسية والانجليزية فكان الميضوع على الماء والاسئلة كما اعتدناها في السوجيات اتاع اللغات

[hamiclio]

اما اسئلة القانون الاداري فكانت ثلاث اسئلة تختار لك منها اثنين لتجيب عنه ا

[hamiclio]

السؤال الاول .,ما الفرق بين المرسوم والقانون.......................................... .................................................. .............................................. السؤال الثاني .,فيما تتمثل الاهمية الاجتماعية والاقتصادية لقوانين المالية........................................... .................................................. .... السؤال الثالث.,ادكرحقوق وواجبات الموظف............................................ .................................................. ............................................... لكن ننوه الى انه تم تسديد حقوق التسجيل في مركز الامتحان "30000" وبالتوفيق للجميع

[شهيد غزة]

بالتوفيق للجميع