الفرق بين الماجيستير والماستر

[سارة البوسعادية]

والله حاله
راني نشوف في الغاشي كامل يجري ويبعث في دوسياتو
وكون تسقسيه وشني هو الماستر مايعرفش وش يقلك
وكون تروح تسقسي الادارة في حد ذاتها ماتلقاش اجابه
يا جماعه افطنو الماستر ماهوش الماجيستير
راه تقريبا معتبرينو كيما اليسانس
باسكو الي كمل 3 سنين تاع الا ل ام دي قالولو ماعندكش لاليسونس راها شاهادتك معادلة لشهادة التكوين المهني
كمل الماستر من بعد جوز مسابقات التظيف


ممكن دكا تقولوي الفرق باسكو راني حايرة

دارو الكلاسيكي ودارو في رايهم
راحا نهبل

[سمير 13]

والله يا أختي انا دفعت الماستار غير باش نهرب شوية من ضغط عقود ما قبل التشغيل

[le chardon]

نقولك اختي انا نفضل تبقاي حايرة خير ماتزيدي تتحيري أكثير
ولاواحد في الجزائر راهو قاد يفهمك ولا يفهنما
ربي يسهل

[سارة البوسعادية]

والله يا أختي انا دفعت الماستار غير باش نهرب شوية من ضغط عقود ما قبل التشغيل

الهروب ليس حل:dj_17:

[حزن بحر]

الفرق انه سوف يتم الغاء المجيستار ويعوض بالماستر
وهو الماستر =المجيستار
الماستر يكون ترتيب حسب المعدلات اي الاوائل فقط
المجيستار يكون بمسابقة.
نظام الكلاسيك اندثر.

[سارة البوسعادية]

نقولك اختي انا نفضل تبقاي حايرة خير ماتزيدي تتحيري أكثير
ولاواحد في الجزائر راهو قاد يفهمك ولا يفهنما
ربي يسهل

لالا حايرة دكا احسن من يخدعوني في عامين ويقلولي روحي
ومن بعد نلوح ايديا في وجهي
راهم متعودين يديروها

[المهندس هلال]

الاكمال في الطريق خير من الانتظار ....مع ان الاخبار تشير الى ان عواصف ربما تهب قريبا
فيا اختي اركبي اي مركب ينجيك لان ه\ه اللاد نتاع اصحاب الاموال فقط

[سارة البوسعادية]

الفرق انه سوف يتم الغاء المجيستار ويعوض بالماستر
وهو الماستر =المجيستار
الماستر يكون ترتيب حسب المعدلات اي الاوائل فقط
المجيستار يكون بمسابقة.
نظام الكلاسيك اندثر.

لالا خويا الماجيستير مش هو الماستر
ورانا نتلاقاو
ربي يهديهم هدونا وكرهونا في القراية اكثر مانا كارهين

[attaoui]

قالو الماستر نقرو الماستر

[freeman2008]

الله على الظالم و المفتري و ينصر خوتنا انتاع الكلاسيك و ترجع المياه الى مجاريها وتسقم لوتورود بين الماستر و الكلاسيك

[طهراوي ياسين]

سياسة فرق تسد .........افهمتوا

[mustapha_500]

شكرا يا أخي

[chebhi34]

.................................................. .................

[qasseml2003]

عندي صديق ... عندو ماستر راح مع واحد دفعو دوسيات باه يعودو يقريو كمستخلفين ....
الماستر راهو يقري والمهندس راهو قاعد

هادا مجرد مثال ...

ثانيا: من يحدد المستوى ؟؟؟؟؟؟؟؟؟ هل السنوات أم ما يقال في الجريدة الرسمية أو ما يقوله الكلاسيكيون أو ما يقوله طلبة ل م د ؟؟؟؟؟؟؟؟؟؟؟؟؟؟

صراحة: مستوى طلبة الماستر أفضل من المهندسين بيسك راني قريت ماستر والزملاء تاعي كامل بمستوى أفضل من الكلاسيكيين ... وبشهادتهم أنفسهم

ثالثا: لا يهم النظام ... يهم أمران فقط:

هل يتم التوظيف يتلك الشهادة ؟؟؟ وهل الدولة تدعم تلك الشهادة ؟؟؟

بالنسبة للتوظيف الكل كيف كيف ... بالنسبة للدولة راهي مع ل م د

الماستر vs ماجيستر

ما نقدروش نقارنو ... هادا نظام وذاك نظام مختلف ...

ونظام ل م د معمول به في جميع الدول في العالم ... ليس فقط فرنسا المتخلفة ... حتى ولو إختلفت التسميات

فمثلا في الولايات المتحدة عندهم:

Bachelor's Degree + Master's Degree + PhD

وهو نفس نظام ل م د

ليسنس + ماستر + دوكتوراه

هاذا من ناحية الشهادات . أما من ناحية المستوى ... فالجميع يشهد وحتى الأساتذة بأن ل م د أفضل

[AKIS]

qasseml2003
-------------------------------------
أخي الكريم في أمريكا الليسانس في أمريكا 4 سنوات السنة الأولى تسمى سنة تحضيرية ومن بعذ ذلك ثلاثة سنوات
أخي لا نمتلك عدد من الأساتدة لتأطير طلبة الليسانس فكيف نؤطر طلبة الماستر ، أخي كان هناك أستاد في جامعة دالي إبراهيم كان هو المؤطر لأكثر من خمسين طالب أثناء إعداداهم لمدكرة التخرج ، أخي تخيل كيف سيكون مستوى مدكرات التخرج بعد سنوات ، في بعض البلدان مدكرة تحرج الماجيستر أو الماستر كما تسمى حاليا يتم طباعتها من طرف الجامعة أما في بلدنا فكلها متشابهة نسخ لصق

[brahim444]

qasseml2003
==================
فهمني كيفاش .....مستوى طلبة الماستر أفضل من المهندسين....
واش بيك ؟ باين ما شفتش 3 سنين تاع TRONC COMMUN.
المرة الجاية كي تقارن قارن بين 2 اشياء في نفس التخصص....مش تقارن مهندس بالليسانس

[khaledbiochimie]

هناك بروفيسور في جامعة بسكرة في قسم الهندسة المعمارية قال النظام الجديد غير صالح ابدا لسببين
الاول بعدما تحصل على الماستر 2 وتدخل الدكتوراه مدة 3 سنوات غير كافية ابدا لانو في النظاك الكلاسيكي باش تحصل على الدكتوراه لازمك 7 سنين على الاقل 2 ماجستير و5 بحث الدكتوراه
الثاني يوجد عدد محدود جدا من البروفيسور في الجزائر لكي يؤطرو الدكاترة معناه دكتوراه في الجزائر مستحيله

[حساموفيتش]

منا و جاي الماستر هو لي يمشي و شكون قالكم بلي الماستر ماشي مليح، الى عندكم دليل قولوه و لا قولو ماعدناش فكرة عليه، باسك كون غير نهدرو برك انا قريتو و كملتو و نقولكم مليح

[qasseml2003]

qasseml2003
==================
فهمني كيفاش .....مستوى طلبة الماستر أفضل من المهندسين....
واش بيك ؟ باين ما شفتش 3 سنين تاع tronc commun.
المرة الجاية كي تقارن قارن بين 2 اشياء في نفس التخصص....مش تقارن مهندس بالليسانس

أخي الكريم
بالممارسة ... والملاحظة ... لاحظت أن مستوى الماستر أفضل من المهندسين ... هادي لا تحتاج إلى دليل
3 سنين تاع طرون كومان ... ما فهمتش واش راك تخرط
واش من تخصص تقصد ... أنا قارنت بين الماستر والمهندس

[malek malik]

الى سارة البوسعادية........................ ممكن بعد الماستر تكملي الدكتوراه والقوانين تختلف من عام الى عام بلاك الماستر تولي حاجة مليحة منا على عامين ولا 3... زيد على هذا لقراية مليحة وما تخسريهاش.. على فكرة ناس بوسعادة يعزوا عليا ياسر لأني فوت معاهم أيامات ملاح وكلينا عندهم الزفيطي......تحياتي.

[سارة البوسعادية]

مليح ولا مش مليح
مش دكا تهدر منا على عامين ردولي بالخبر
ومانسجلش فيه
خايفة بعد عامين نتاع الماستر سي حراوبية يزيد يدور في رايو
ويرجع مسابقة الماجيستير ويقلك ارواح عقب بلاك تربح
ه\ا النظام الغي من الدول الاوربية لانو غير صالح للاستعمال من الاخر
ومازلت اندد واقول رجعو مسابقات الماجيستير

[سمير 13]

مليح ولا مش مليح
مش دكا تهدر منا على عامين ردولي بالخبر
ومانسجلش فيه
خايفة بعد عامين نتاع الماستر سي حراوبية يزيد يدور في رايو
ويرجع مسابقة الماجيستير ويقلك ارواح عقب بلاك تربح
ه\ا النظام الغي من الدول الاوربية لانو غير صالح للاستعمال من الاخر
ومازلت اندد واقول رجعو مسابقات الماجيستير

لالا هادا ماشي حل .اختي لقد خلق مشكل لدى الوظيف العمومي فقد نجد ليسانس ل.م.د غير معترف به لانه هناك بض المسابقات يطلبو 8 سداسيات وليس 6 .ومن هذا المنطلق راهم يبثو باش يوحدوا الشهادات مثل النظام القديم

[حساموفيتش]

مليح ولا مش مليح
مش دكا تهدر منا على عامين ردولي بالخبر
ومانسجلش فيه
خايفة بعد عامين نتاع الماستر سي حراوبية يزيد يدور في رايو
ويرجع مسابقة الماجيستير ويقلك ارواح عقب بلاك تربح
ه\ا النظام الغي من الدول الاوربية لانو غير صالح للاستعمال من الاخر
ومازلت اندد واقول رجعو مسابقات الماجيستير

شكون قالك ختي بلي نحاو الماستر في الدول منا و منا لي اقلك هكا يكذب عليك، نعطيك معلومة الدولة الوحيدى لي تستعرف بالماجستير هي ف-رنسا لو كان تروحي منا ولا منا بالماجستير يهبطوهولك، و اذا حبيتي تجربي ادخلي لمواقع الجامعات ولا شوفي مواقع الهجرة خاصة في الإستمارة كان لقيتي كلمة ماجستير قوليلي

[سارة البوسعادية]

خويا نقلك حاجة اذا مارجعناش كيما المصاروة مانتسماش
يولي الكناس بالماستر
خلات هكا الدزاير كومبلي تولي عالمة
مش حاقة نتاع الصح

[حساموفيتش]

الغيب مانعرفوش انا رديتلك على حاجة متاكد منها، و لي فيه الخير يجيبو ربي

[الحلم المستحيل]

سلام أختي التي تقول أني حايرة نعم الدولة تشجع الماستر على حساب المهندس لكن هدا لن يدوم خاصة بسبب العددالكبير من خريجي الماستر عكس المهندسين والماجستر ،وطبقا لقانون العرض والطلب ادا زاد العرض ينخفض السعر وهنا السعر هو قيمة الشهادة فربما بعد 10 سنوات تصبح القيمة =0 ، ويصبح حامل شهادة الماستر غير مقبول حتى ك\\\\\استاد في الابتدائي

[shadow30]

مااااااااااستر===========مهندس ====خمس سنسن قرااااااااااااية

[SAAD_62]

لا بد أنه هناك فرق و خاصةً ان الجزائر سوف تعتمد نظام ل م د في شتى التخصصات و سوف يكون محتمًا عليها إعتماد شهادة ل م د كشهادة أولى بالتوظيف و العمل بالمؤسسات و الشركات

لهذا أنصح كل من له القدرة على التسجيل بالماستر أن لا يفوت الفرصة

و جزاكم الله خيرًا

[SAAD_62]

لا يمكنكم معرفة الفرق الآن لكن بعد بضع سنوات عندما ينقرض النظام الكلاسيكي و تصبح شهادة ل م د هي الشهادة الأولى بالجزائر و المعترف بها على الصعيد المهني و التوظيفي

حينها سوف يكون الفرق جليًا

لهذا أنصح كل من له القدرة على التسجيل بهذا النظام و الماستر الخاص به فلا يضيع الفرصة

هاته نصيحتي لكم إخواني الكرام

و جزاكم الله خيرًا

[simmou]

بكل بساطة الماجستير مصنف في الدرجة14 اي يمكن لصاحبه الترشح لمسابقة توظيف الاساتذة الجامعيين، بالنسبة للماستر فهو مصنف في الدرجة 13 وحامله يمكن ان يترشح لمسابقة توظيف اساتذة الثانوي كاعلى رتبة اي ليس له الحق في التدريس في الجامعة حتى حصوله على الدكتوراه كما يمكنه الالتحاق بمسابقات الوظيف العمومي مع اصحاب الليسانس والماستر وليس الماجستير لانه اقل بدرجة من الماجستير وبرايي ماستر احسن من ليسانس.

[طرطار رضا]

ربما لأنك قريت ماستير راك قاعد تدافع عليه ........ تبانلي شوف للموضوع من عدة زوايا وراح تتضح ليك الصورة أفضل على كل حال أحترم رأيك

[jaja21]

السلام عليكم يا اختي انا عندي ماستير ودرك نفهمك
ليسانس كلاسيك راهي كيما ليسانس lmd واحد مايغلطك انا شارك في عدة مسابقات متصرف اداري باليسانس الجديد ماش لازم الماستير باش تشارك وماراهوش كي تاع التكوين كيما قلتي
اما فيما يخص الماستير في الوقت الحالي ليس معادل للماجستير بل هو معادل لشهادة مهندس دولة ، لكن منا وفوق بلاك يولي معادل للماجستير لان الوزارة سوف تلغي هذه المسابقة نهائيا ,

[دلوعة فرجيوة]

[b]في الحقيقة شهادة الماستر تعتبر معادلة للماجيستار و إن لم تكن كذلك فكيف لحامل شهادة الماستر أن ينتقل إلى الدكتوراه بدون أن يدرس سنوات اضافية بعد الماستر

[أحمد علي الجزائري]

كيف لكم ان تقارنوا الماستر بالماجستير فشهادة الماستر يمكن ان تتحصل عليها عن طريق الترتيب اما الثانية عن طريق المسايقة و اذا كانت تعادلها فسألوا أنفسكم هل أنتم اهل للتدريس بالجامعة واذا كان كذلك لماذا اقام الطلبة الدنيا ولم بقعدوها بسبب قرار وزاري يلزم طلبة الماستر اجراء مسابقة للدخول للدكتوراة.............. لا تقارنوا انفسكم بالدول الاخرى لان جامعتنا لايوجد لها تصنيف علي المستوى العالمي
صدقوني انا لا اتحامل على احد ولكن الاقرار بالحقيقة خير من الاستمرار بالكذب على النفس ومن يعتقد عكس ذلك فليجرب الدرلسة قفي الخارج حينها بكبتسف مستوى التحصيل العلمي الذي نملكه . =

[سارة البوسعادية]

قولولي الفرق دوكا بعد عامين

[أحمد علي الجزائري]

لا تكذبوا على انفسكم

[عيسى قيرش]

الفرق بين الماجستير والماستر : انا ارى ان الفرق الوحيد هو في مسابقة الدخول للماجستير فقط ، اما المعادلة فذلك امر اداري معهود لوزارة التعليم العالي فبمجرد جرة قلم تصبح الماستر تعادل الماجستير فكل كل شئ ممكن في الجزائر

[faraday_dz]

ماستير ليس بدرجة الماجيستير اللهم اداريا و حسب الاهواء للوزارة و الاشخاص
اما معرفيا لا مجال للمقارنة بين من يدرس 6 او 7 سنوات ليسانس + ماجيستير كلاسك
ومن يدرس 4 سنوات (فاست فوود)
هل 4=7

[عيسى قيرش]

المستقبل للنظام الجديد وحسب ماهو معمول به في الخارج لاننا بكل بساطة نقلدوا فيهم نحن ناس نتبع فقط

[maya2011]

أنا درست خمس سنوات نظام كلاسيك وندمت وأؤكد بأن برنامج المهندس ينتهي في السداسي الأول للماستر 1 أي أن الماستر2 يعادل الماجستير وعن قريب عندما يندثر النظام الكلاسيكي مع تخرج آخر دفعة في الليسانس أو المهندس على الارجح سيصبح الدخول للماستر بالمسابقات الكتابية بدل الترتيب فقط لرفع درجته وتقليل العدد مثل ما حدث مع دكتوراه ل م د لذلك أنصح كل من استطاع أن يسجل في النظام الجديد أن يغتنم الفرصة لأن مسابقات الماجستير لن تستمر لأكثر من سنتين كأبعد تقدير

[kamal77]

تستطيع أن تحصل على شهادة الماستر في كل التخصصات من المدارس الخاصة و هي كثيرة في الجزائر و هذه هي الحقيقة

و هذا انت و دراهمك.........

الماجيستير= دكتوراه lmd

اما شهادة الماجيستير و لكي تتحصل عليها يجب أن تتعب و تشتهد ........و تمنح من طرف المؤسسات التابعة للدولة ....و هي معترف بها عالميا........