تسجيل الدخول

مشاهدة النسخة كاملة : كيف تقيم نفسك من 15 سبتمبر إلى الان ؟

imane1
2010-10-28, 19:03
السلام عليكم ورحمة الله وبركاته


هاهي أولى محطة للراحة النفسية على الأقل ، عطلة 5 أيام ..


كيف كان آدائكم من 15 سبتمبر إلى نهاية أكتوبر ؟


ماهي الأمور التي ترغب أن تراجعها في /مع نفسك ؟


ماهي الاخطاء التي ارتكبتها وتريد تسويتها / عدم تكرارها ؟

ماهي المادة التي تجدُ أنك " ضائع " فيها ؟

هل أنت راض عن آدائك لحد الآن ..أم أنه كان هناك تقصير شديد من قِبلك ؟


وماهي مخططاتكم لهذه العُطيْلة إن صح التصغير ؟



في انتظاركم
*هبةالرحمن*
2010-10-28, 19:08
الاخطاااء ماكلااااه نحكيلك بالجملة و المشكل اخطاء تحشم من روحك كي تتفكرهم بصاح نقولو الحمد الله ياربي ان شاء الله ياربي خير هدا ماكان حنونتي
اني راضية و الحمدددددلله ياربي
ربي ينجحك ختي ايمان
ساحر النهى
2010-10-28, 19:17
هي باش الانسان يكون صريح
مهما تدرس تصيب نفسك ناقص ، مهما تزيد تتعلم حاجة تصيب صوالح اكثر ناقصتك
وهذا هو المشكل الي يخليك دائما في شك في قدراتك
وطبعا دائما نقولو الحمد لله ، ربما اخطائي شخصيا هو أني منيش نخصص وقت كلو للدراسة
يعني الوقت الي راني ندرسو قليل بزاف بالنسبة للكثير من الناس
كاين لي راه يقرى صباح و مساء مي انا مانيش نتجاوز 3 ساعات اليوم ككل بنهارو وصباحو وهذا شيئ قليل حقيقة
شيئ آخر هو انني حاليا لا ادرس سوى الفيزياء والمشكل فقط السرعة الحجمية النووي والله لحد الان لم اطلع عليه
لكن ان شاء الله خير
اشراقة ميمي الصبح
2010-10-28, 19:23
انا ما عندي ما نقلك لست راضية عن نفسي حتى الان لم ابدا الدراسة بجدية
جزائرية و اعتز
2010-10-28, 19:28
اولا شكرا على طرح الموضوع
كيف كان آدائكم من 15 سبتمبر إلى نهاية أكتوبر ؟

بالنسبة للاداء لحد الان لازلت لم اتاقلم

كيف تقيمون آدائكم ؟
الاداء راهوشوي بنظري

ماهي الأمور التي ترغبون في مراجعتها في أنفسكم ؟
اقنع نفسي بالدراسة اكثر

ماهي الاخطاء التي ارتكبتموها وتريدون تسويتها ؟
نحاول نكون جدية اكثر

هل أنتم راضون عن آدائكم لحد الآن ..
كلمة الحق لا

وماهي مخططاتكم لهذه العُطيْلة إن صح التصغير ؟
مراجعة مشددة ههه
imane1
2010-10-28, 19:54
الله يبارك

حسناً ، اللي راهو روطار يحاول يلحق

أميرة الظلام حاولي اختي تحفظي أخطائك باش ما تعاوديهاش

مليح كي تغلطي ضركا خير من تغلطي في جوان

الأخ أنيس 3 ساعات راهي كافية ، لوكان تحافظ عليها برك راح تكون في القمة

لانو مالازمش اتعب روحك بزاف من ضركا العام مازال طويل


إشراقة والأخت جزائرية

معليش حاولو تستفادو من الأخطاء وتستغلو العطلة للمراجعة

هكذا ان شاء الله تلحقو الدروس اللي راكم روطار فيها ..



أسأل الله أن يوفقكم جميعاً لما فيه خير وصلاح

ننتظر الباقيين

والسلام عليكم ورحمة الله وبركاته
achou1992
2010-10-28, 20:04
السلام عليكم اخبار كم والله يا ايمان نشكروك بزاف خليتيني نسقسي نفسي هاد الأسئلة لي لو ماطرحتيهاش كنت بلاك مانخممش فيها خلاص وانا والله مانيش عارفة واش هي مشكلتي نفهم مليح ونراجع ومن بعد نحس روحي فارغة كلي مادرت والو وفالفروض ندير حوايج صحاح ومن بعد نخربط وندير الخطا ومن ناحية المراجعة والله نراجع حتى نعيا يعني من المغرب حتى لل12 انتاع الليل ومازال منيش قاتبضة راسي
ساحر النهى
2010-10-28, 20:06
هههه اودي 3 ساعات هي حل دالة و تمرينين في الفيزياء هذا هو برنامجي اليومي
هادي واش تكفي ؟؟ كاين لي راه يحل اكثر من 10 تمارين يوميا

المهم الحمد لله راني حاس راني مع الخط راني كيما المنحنى الرتيب مازالاش موصلتش للذروة و نبقى ثابت فيها
نسمة النجاح
2010-10-28, 20:09
السلام عليكم

مشكورة اختي ايمان على الطرح الرائع

راح نتكلم على روحي
انا في هاذ الأيام قريت غير المواد العليمة وتناسيت المواد الأخرى
قلت أنو لازم عليا نكون آجور في المواد العلمية
وقلت نخلي حتى العطلة تاع 15 يوم باش نحفظ العلوم الشرعية والتاريخ والجغرافيا
لكن لما شفت الكراريس صبتها معمرة

المهم أنا لست راضية ابدا عن
آدائي

ربما كانت هي مرحلة انتقالية من العطلة الصيفية وأعوام دراسية سابقة
لم تحمل جدية كبيرة؟؟؟

المهم في هذه العطلة أريد ان انظم وقتي واعطي كل المواد حقها
أريد كذلك ان أستدرك ما لم أحفظه من الدروس
كما أستدرك ما لم أفهمه من بعض الدروس

مــشــكــورة عــلــى الـــطــرح
imane1
2010-10-28, 20:14
الأخت achou

لا بد من مراجعة النفس ، ووضعها في أُطرها الخاصة بها

بزاف ناس يقولو هكذا ، نتعبو ونراجعو وممبعد في الفرض ما نخدموش

أنا نظن أن سبب الهزيمة في الفروض أحد الأمرين

1- طريقة سيئة في المراجعة

2- تسبيق الخوف

والطريقة السيئة تاع المراجعة هي اللي تتسبب بزاف في رسوب الطلبة في امتحاناتهم

نعم الناس كامل تراجع وتحفظ بصح المراجعة أنواع

كاين ناس يسهرو حتى يكرهو مع المراجعة ويصبحو نايضين للفرض

أكيد ما يخدموش

كاين ناس تتراكم عليه الدروس ، ليلة الامتحان يروحو للتمارين ويبداو يحفظو فيهم

نهار يجو يجاوبو يتخلطلهم الجواب

كاين ناس يراجعو شفهيا بدون كتابة

نهار يجو يجاوبو يقولو رانا فاهمين لكن ماعرفناش نعبرو


وكاين ناس اللي تروحلهم بسبب نقص تركيز وهذا نحن جميعا معرضون له

أمر عادي يمكن تجاوزه بإذن الله ..



فانتي شوفي وين الخلل تاعك واضبطيه مليح ، 5 أيام ماهيش فترة كبيرة بزاف لكنها كافية إذا توفرت الإرادة

وفقكِ الله
tahiri
2010-10-28, 20:14
كيف كان آدائكم من 15 سبتمبر إلى نهاية أكتوبر ؟
نقراااااااا و نقول ما قريتش
كيف تقيمون آدائكم ؟
بعد الفروض أقيم نفسي على حساب النقاط
ماهي الأمور التي ترغبون في مراجعتها في أنفسكم ؟
النسيان نحفظ و ننسى بطريق سريعة

ماهي الاخطاء التي ارتكبتموها وتريدون تسويتها ؟
النسيا ن و التسرع في الإجابة بدون تمعن

هل أنتم راضون عن آدائكم لحد الآن ..
لحد الآن ليس بعد


وماهي مخططاتكم لهذه العُطيْلة إن صح التصغير ؟
الحفظ " العلوم الإسلامية " فلسفة " تاريخ "و حل التمرينات المعطات
✗ ┋ وَړْﮃَةُ آلـﭴَزآئـړْ ┋ ✗
2010-10-28, 20:17
كيف كان آدائكم من 15 سبتمبر إلى نهاية أكتوبر ؟

يعني مازال ما تأقلمتش مليح


كيف تقيمون آدائكم ؟

نقدر نقولك جيد


ماهي الأمور التي ترغبون في مراجعتها في أنفسكم ؟

نحاول نظم وقتي أكثر ونخصص أوقات محددة لكل مادة لأن مراجعتي عشوائية

ماهي الاخطاء التي ارتكبتموها وتريدون تسويتها ؟


التسرع، الخوف هاذو هوما مشكلتي اللي تخليني نضيع نقاط في أبسط الأمور

هل أنتم راضون عن آدائكم لحد الآن ..


بصراحة لا

وماهي مخططاتكم لهذه العُطيْلة إن صح التصغير ؟


سوف أقوم بحفظ مواد الحفظ (خليتها للعطلة لأن كل فروضها في الفترة الثانية) تخصيص أوقات لحل تمارين الرياضيات والفيزياء
مراجعة العلوم و حل مواضيع من أجل تعلم منهجية الإجابة( نصيحة أستاذتي في العلوم)
imane1
2010-10-28, 20:19
هههه اودي 3 ساعات هي حل دالة و تمرينين في الفيزياء هذا هو برنامجي اليومي
هادي واش تكفي ؟؟ كاين لي راه يحل اكثر من 10 تمارين يوميا

المهم الحمد لله راني حاس راني مع الخط راني كيما المنحنى الرتيب مازالاش موصلتش للذروة و نبقى ثابت فيها

أضحك الله سنك

صح 3 ساعات مانديروش فيها حوايج بزاف

بصح شوف

كاين ناس يقتلو روحهم بالمراجعة ، تسقسيه البارح واش درت يحسبلك 7 ساعات مراجعة مثلا

ممبعد أسبوع كامل ما يدير والو !!

كاين ناس وحد اخرين عندهم 3 ساعات يومية يحافظو عليها ، يربحو حاجتين :

1- صحتهم
2- قرايتهم

كي اجي تحسب تلقاهم مستفادين على هاذوك اللي يقراو 7 ساعات على جيه ممبعد يتوقفو لفترة ، ويرجعو 6 ساعات على جيه ويتوقفو لفترة !

يعني إذا توقفو برك 4 أيام (وهو أمر وارد نتيجة التعب ) راح تتفوق عليهم بـ 8 ساعات !!

كمل بالطريقة اللي راك بيها .. واذا حبيت تزيد زيد ساعه مع الصباح كيما انا

للقيام بالامور الخففيفة كيما تمارين المواد الثانوية او تحضير درس او كتابته ..


وفقك الله
imane1
2010-10-28, 20:22
كيف كان آدائكم من 15 سبتمبر إلى نهاية أكتوبر ؟
نقراااااااا و نقول ما قريتش
كيف تقيمون آدائكم ؟
بعد الفروض أقيم نفسي على حساب النقاط
ماهي الأمور التي ترغبون في مراجعتها في أنفسكم ؟
النسيان نحفظ و ننسى بطريق سريعة

ماهي الاخطاء التي ارتكبتموها وتريدون تسويتها ؟
النسيا ن و التسرع في الإجابة بدون تمعن

هل أنتم راضون عن آدائكم لحد الآن ..
لحد الآن ليس بعد


وماهي مخططاتكم لهذه العُطيْلة إن صح التصغير ؟
الحفظ " العلوم الإسلامية " فلسفة " تاريخ "و حل التمرينات المعطات

الله يبارك

شوف جرب الوصفة التالية ، كي تحفظ حاجة قول :

"اللهم إني استودعتُك ما علّمتنيه وحفّظتنيه فرُده إلي وقت حاجتي إليه "

جرب وادعيلي
اميرة الابتسامة
2010-10-28, 20:25
شكرا لك ايمان ع الموضوع المميز..........

بالنسبة لي واجهتني عدة صعوبات خاصة في الفيزياء وانا بصدد تذليل هذه الصعوباات وان شاء الله اوفق باذن الله....نوعا ما راضية عن نفسي والحمد لله ....

موفقة اختي ايمان.......
°واحد من الناس °
2010-10-28, 20:27
معدلي يطلع في 7 الى 8

ميديباسيش
imane1
2010-10-28, 20:31
أختي وردة

مشكلة التسرع نعانو منها كامل للأسف

ولا عصمة منها إلا بالله

اما الخوف فالمفروض تخليه عند الباب كي تدخلي لقاعة الامتحان

وعلاش واش راح اديري ؟ فرض عادي اختبار لمعلوماتك تعرفي اجاوبي ما تعرفيش تتعلمي

لانو الهدف تاع الاختبارات هاذي ماهيش النقطة ، إنما المعلومة

الفصول هاذي للتجريب برك ، إذا مليح كي تكون الاختبارات واعرة ومليح كي نغلطو باش نشفاو على أخطائنا وما نعاودوهاش


أسأل الله لكِ التوفيق والسداد
**مريم _22**
2010-10-28, 20:31
علاه بعيدالشر انشاء الله نحققو نتائج مرضية
imane1
2010-10-28, 20:35
السلام عليكم

مشكورة اختي ايمان على الطرح الرائع

راح نتكلم على روحي
انا في هاذ الأيام قريت غير المواد العليمة وتناسيت المواد الأخرى
قلت أنو لازم عليا نكون آجور في المواد العلمية
وقلت نخلي حتى العطلة تاع 15 يوم باش نحفظ العلوم الشرعية والتاريخ والجغرافيا
لكن لما شفت الكراريس صبتها معمرة

المهم أنا لست راضية ابدا عن
آدائي

ربما كانت هي مرحلة انتقالية من العطلة الصيفية وأعوام دراسية سابقة
لم تحمل جدية كبيرة؟؟؟

المهم في هذه العطلة أريد ان انظم وقتي واعطي كل المواد حقها
أريد كذلك ان أستدرك ما لم أحفظه من الدروس
كما أستدرك ما لم أفهمه من بعض الدروس

مــشــكــورة عــلــى الـــطــرح




قريب نسيتك حنونه

قريب ضاع ردك بين ردودي وردود الإخوة ..:)

أنا ايضا اختي نسمة اهتميت بالمواد العلمية أكثر

شيء بديهي طبعاً ، بما أنك علمية فأنت مطالبة بهضم المواد العلمية أولاً

لكن كيما التاريخ والجغرافيا كنت نلخص ، كل ما نكملو وضعية نروح نلخصها ونتبع مع الأستاذة

علابالك 70 بالمية تديه في القسم

انا ماذا بيا ما ندي حتى مادة ادبية للدار

نفهمهم ونحفظهم في القسم ..

لأن الوقت لا يكفي لكل المواد

احنا 3 مواد علمية وما كفيناهمش !!:d

الله المستعان


ضركا جات العطلة استغلي يومين منها للحفظ و3 أيام للمواد العلمية

كل مادة علمية خصصي لها يوما بذاته


وفقكِ الله وسدد خطاك
theorthopidique
2010-10-28, 20:37
السلام عليكم
الاخطاء اهمال المواد الادبية ضرك جيت نحفظ لقيت مجلد ماش كراس
حتى المواد العلمية معطيتهاش حقها
التنظيم مكانش
الوقت اصلا مكانش مع الدروس الخصوصية يديو الوقت كامل نهار كامل وحنا رايحين جايين
حاسة روحي منيش باك
منعرف علاه
ساحر النهى
2010-10-28, 20:37
اواه صباح منقدرش نقرى
لانو اذا قريت الصباح منقراش فالمساء
imane1
2010-10-28, 20:39
شكرا لك ايمان ع الموضوع المميز..........

بالنسبة لي واجهتني عدة صعوبات خاصة في الفيزياء وانا بصدد تذليل هذه الصعوباات وان شاء الله اوفق باذن الله....نوعا ما راضية عن نفسي والحمد لله ....

موفقة اختي ايمان.......

صحيتي ريتاج

عجبني ردك بزاف كي قلتي : راضية على نفسي

نعم ..

مادامت اجتهدتي وتعبتي لازم ترضاي على نفسك

لأن الرضا هو اللي راح يمهدلك الطريق لمزيد من العمل المثمر بإذن الله

أما لوكان تقولي والله راني محبطة وراني مستاءة من آدائي وانتي تكوني قد اجتهدت وسعيت

فإنك تظلمين نفسك وتغلقين أمامها الأبواب



لا لليأس

العام مازالو طويل



ياما رقدو ناس وفطنو في فيفري ومارس ودارو القلب وقراو ولحقو واداو الباك ديالهم


وفقك الله أختي
نسمة النجاح
2010-10-28, 20:40
قريب نسيتك حنونه

قريب ضاع ردك بين ردودي وردود الإخوة ..:)

أنا ايضا اختي نسمة اهتميت بالمواد العلمية أكثر

شيء بديهي طبعاً ، بما أنك علمية فأنت مطالبة بهضم المواد العلمية أولاً

لكن كيما التاريخ والجغرافيا كنت نلخص ، كل ما نكملو وضعية نروح نلخصها ونتبع مع الأستاذة

علابالك 70 بالمية تديه في القسم

انا ماذا بيا ما ندي حتى مادة ادبية للدار

نفهمهم ونحفظهم في القسم ..

لأن الوقت لا يكفي لكل المواد

احنا 3 مواد علمية وما كفيناهمش !!:d

الله المستعان


ضركا جات العطلة استغلي يومين منها للحفظ و3 أيام للمواد العلمية

كل مادة علمية خصصي لها يوما بذاته


وفقكِ الله وسدد خطاك

ههه ماعليش اختي ايمان

نعم كيما قلتي بالنسبة للتاريخ والجغرافيا
حتى أنها ماهيش مواد صعبة ولا صعبة الحفظ في دقيقة تدخل الراس
وواش رانا نقراو ضرك حاجات نعرفوها من ثقافتنا العامة

لكن المشكل بالنسبة للعلوم الشرعية
بالنسبة ليا لما نكون فاهمة فكرة نقدر نشرحها عادي
والحمد لله انا متمكنة من اللغة العربية
لكن المشكل في الإستشهاد بالآيات
مانقصدش الآيات المؤطرة في اول الدرس
انما الآيات التي يتضمنها التحليل والإيضاح
صعب أنك تحفظي كل الآيات
خاصة في حالتي وأني عندي بلاك أكثر من سنتين ما حفظتش كنت نجوز الفروض والإختبارات غير على حساب فهمي

وان شاء الله نستدرك الأمور في هاذ العطلة

والله المعين


وفقنا المولى
ساحر النهى
2010-10-28, 20:41
الدروس الخصوصية حقيقة مضيعة للوقت
لي نضيعها كل يوم دروس خصوصية نحلها تمارين في المنزل
imane1
2010-10-28, 20:41
معدلي يطلع في 7 الى 8

ميديباسيش

اواه انت تعرف تقرا الله يبارك

راح تبعد في العين ولا واش؟

:d
°واحد من الناس °
2010-10-28, 20:43
علاه بعيدالشر انشاء الله نحققو نتائج مرضية


اذا فت 9

اني ملييح

خدمتي ونعرفها اختي
imane1
2010-10-28, 20:44
علاه بعيدالشر انشاء الله نحققو نتائج مرضية

ايه ما تخافيش

تقراي وتنجحي ان شاء الله

اجتهدي برك
°واحد من الناس °
2010-10-28, 20:44
اواه انت تعرف تقرا الله يبارك

راح تبعد في العين ولا واش؟

:d


هههه
يباانلك برك

اختي
كون جيتي معااانا تشوفي بلي ولا علااااقة
°واحد من الناس °
2010-10-28, 20:47
الدروس الخصوصية حقيقة مضيعة للوقت
لي نضيعها كل يوم دروس خصوصية نحلها تمارين في المنزل
سي فري خويااا عندك الحق
asma1856
2010-10-28, 20:48
انا في الحقيقةمانيش راضيةعلى نفسي اطلاقا علاخاطرما حليتش قع تمارين لكتاب بالاضافة مانيش قع نراجع
imane1
2010-10-28, 20:49
السلام عليكم
الاخطاء اهمال المواد الادبية ضرك جيت نحفظ لقيت مجلد ماش كراس
حتى المواد العلمية معطيتهاش حقها
التنظيم مكانش
الوقت اصلا مكانش مع الدروس الخصوصية يديو الوقت كامل نهار كامل وحنا رايحين جايين
حاسة روحي منيش باك
منعرف علاه


وعليكم السلام ورحمة الله وبركاته

ياختي المواد الأدبية ما ديروهاش مشكلة

ديريلها برك وقت وتحفظيها بكل سهولة بإذن الله

هاذيك لوكان برك تخصيلها وقت مع الصباح راح تحفظيها

ديجا لوكان برك تراجعيها ليلة الإمتحان راح تحفظيها

كيما كنا الاعوام اللي فاتو ، مكان حتى فرق

ممبعد في عطلة 15 يوم راح تعاودي تراجعيها أكيد وهكذا وحدها تترسخ

ماديريهاش مشكلة الصح كامل المواد العلمية لانو هي اللي افكارها ما تنتهيش ..


وانتي ختي شاطرة ما نخافش عليك

لازم تخلي عندك ثقة في نفسك ، بالاك تفشلي من ضرك

أنتِ قادرة على استدراك كل النقائص بإذن الله

فقط استعيني بالله وارسمي جدولاً ( مخططا ) ينظم نشاطاتكِ في هذه العطيلة ..

واستفادي من الدروس الخصوصية لانها تنقص أعباء كبيرة

والافكار اللي تهضميهم في الدروس الخصوصية ما تروحيش تعاوديهم في الدار

في الدار ديري الحاجة اللي ما اديتيهاش في الدروس الخصوصية ..


أسأل الله لك التوفيق والسداد
asma1856
2010-10-28, 20:49
لالا راكو غالطين كي تحصلوا في الدار و ما قدرتش تح لتمرين واش تدير .ليكور لازم باش كل انشغال تقولهولو تم
theorthopidique
2010-10-28, 20:50
انا زعما درت من الاول برنامج كل يوم نحل 5 تمارين علوم 5 فيزياء 5 رياضيات
بديت بالرياضيات التمرين لنلقاه منفهمش اصلا علاه يهدر
كنروح للاستاذ يقولي غير مقرر تاع التقني
مالا بطلت سبة وولاتها حدور
اميرة الابتسامة
2010-10-28, 20:51
صحيتي ريتاج

عجبني ردك بزاف كي قلتي : راضية على نفسي

نعم ..

مادامت اجتهدتي وتعبتي لازم ترضاي على نفسك

لأن الرضا هو اللي راح يمهدلك الطريق لمزيد من العمل المثمر بإذن الله

أما لوكان تقولي والله راني محبطة وراني مستاءة من آدائي وانتي تكوني قد اجتهدت وسعيت

فإنك تظلمين نفسك وتغلقين أمامها الأبواب



لا لليأس

العام مازالو طويل



ياما رقدو ناس وفطنو في فيفري ومارس ودارو القلب وقراو ولحقو واداو الباك ديالهم


وفقك الله أختي

ايه صح مازال العام طويل بصح اللي يبداها من الاول جدية خير..........ع الااقل يلقى الراحة النفسية من البداية.......ميشي يخلي لمنبعد وتتخلط عيه الحالة..........حابة نزيد نكمل كلامي بصح الله غالب راني ميتة من الغلبة سلااااااااام مرة اخرى ان شاء الله وربييوفقك انت والاعضاء .........
imane1
2010-10-28, 20:52
اواه صباح منقدرش نقرى
لانو اذا قريت الصباح منقراش فالمساء

ياو غير ولّف روحك من ضرك على ساعه قبل الـ 7

اللي ما والفهاش في الصيف ما يوالفهاش في الشتا

:1:

النوم تاع الشتا عزيز

انا نرقد في الليل بكري وانوض الصباح على الـ6

للصلاة وللدراسة (كاش كتيبة ولا تمرين خفيف ولا تحضير درس )
asma1856
2010-10-28, 20:52
ياو المشكل لكبير قع في الفلسفة هاديك المادة مصيبة من عند اليونان يعطيهم غمة حصلونا معاهم
**مريم _22**
2010-10-28, 20:53
انا في الحقيقةمانيش راضيةعلى نفسي اطلاقا علاخاطرما حليتش قع تمارين لكتاب بالاضافة مانيش قع نراجع علاه ختي الا الوقت ماراهش يكفيك نضمي وقتك ويخص ارادتك في النجاح تكون قوية وربي يوفقك ويوفقنا جميعا
°واحد من الناس °
2010-10-28, 20:54
لالا الحصلة مكاانش اختي

واذا حصلنا

كاين سكاايب
كااين بورطااابل

وكاين وكااين

لي زامي يعني
theorthopidique
2010-10-28, 20:55
وعليكم السلام ورحمة الله وبركاته

ياختي المواد الأدبية ما ديروهاش مشكلة

ديريلها برك وقت وتحفظيها بكل سهولة بإذن الله

هاذيك لوكان برك تخصيلها وقت مع الصباح راح تحفظيها

ديجا لوكان برك تراجعيها ليلة الإمتحان راح تحفظيها

كيما كنا الاعوام اللي فاتو ، مكان حتى فرق

ممبعد في عطلة 15 يوم راح تعاودي تراجعيها أكيد وهكذا وحدها تترسخ

ماديريهاش مشكلة الصح كامل المواد العلمية لانو هي اللي افكارها ما تنتهيش ..


وانتي ختي شاطرة ما نخافش عليك

لازم تخلي عندك ثقة في نفسك ، بالاك تفشلي من ضرك

أنتِ قادرة على استدراك كل النقائص بإذن الله

فقط استعيني بالله وارسمي جدولاً ( مخططا ) ينظم نشاطاتكِ في هذه العطيلة ..

واستفادي من الدروس الخصوصية لانها تنقص أعباء كبيرة

والافكار اللي تهضميهم في الدروس الخصوصية ما تروحيش تعاوديهم في الدار

في الدار ديري الحاجة اللي ما اديتيهاش في الدروس الخصوصية ..


أسأل الله لك التوفيق والسداد

شكرا على التشجيع
اكيد وضعت برنامج وراني بديت فيه حفظت العلوم الاسلامية
راكي غالطة اختي لازم كنروحو من الدروس الخصوصية نراجعو باه تترسخ المعلومة
قالهانا استاذ الفيزياء ولقيت عندو الحق
خاصة استاذ الفيزياء للدروس الخصوصية ماشاء الله عليه يزراب بزاف متفهميش منين جاب الحل وميعطيكش حتى فرصة تقراي التمرين خاصة الوحدة الاولى حتى الضرك باه بديت نوالفو شوي
ساحر النهى
2010-10-28, 20:55
ههههههههه
هاو المشكل الرقاد على 11 :(
كي تولي 9.30 و لا 10 نطفي ميكرو ونقابل التيلي حتى نرقد
والصباح فالمطرق و البالية ويقيسو الماء باش نوض
imane1
2010-10-28, 20:56
انا في الحقيقةمانيش راضيةعلى نفسي اطلاقا علاخاطرما حليتش قع تمارين لكتاب بالاضافة مانيش قع نراجع

انا ثان ما حليتش تمارين الكتاب

ماراكيش وحدك

بصح راح نحل منهم ان شاء الله هاذي العطلة

ماشي لازم تحليهم كامل أكيد

كاين ناس عندهم عقدة ، لازم يحلو كامل تمارين الكتاب المدرسي باش يحسو بلي راهم يقراو

الكتاب يا جماعة راهم فيه تمارين مكررة الأفكار ، واش مالفايده كي تحل 5 تمارين بفكرة وحدة ؟

نفضل نحل تمرين بـ5 أفكار !

وهذا تلقايه في المسائل عادة ، وفي تمارين البكالوريا النموذجية


أسأل الله لك التوفيق :)
ساحر النهى
2010-10-28, 20:56
واش من حصلة ؟
انا اصلا نحل التمارين لي عندي احل تاعهم فقط
باش نعرف روحي اذا راني صح ولا غالط
asma1856
2010-10-28, 20:57
لالا الحصلة مكاانش اختي

واذا حصلنا

كاين سكاايب
كااين بورطااابل

وكاين وكااين

لي زامي يعني


ماكانش منها قع تحصل في تمرينتعيط فيالبوتابل شحال راح يهدر معاك نص ساعة و زعما لوكانحتى فمهك ما يقدرش يفهمك في البورتابل ولا ال*****
asma1856
2010-10-28, 20:58
واش من حصلة ؟
انا اصلا نحل التمارين لي عندي احل تاعهم فقط
باش نعرف روحي اذا راني صح ولا غالط

يعني ماتخدمش راسك بزاف كي ماتلقاش الح لتطل في الحلول نتع لكتاب
theorthopidique
2010-10-28, 20:58
ياو المشكل لكبير قع في الفلسفة هاديك المادة مصيبة من عند اليونان يعطيهم غمة حصلونا معاهم
حصلونا وسكتي انا راني لا علاقة والاستاذة تقولي ممتازة شكتني في روحي
سبحان الله كيفاف يخمو الفلاسفة
ساحر النهى
2010-10-28, 21:00
يا اسما يعني يعيط لصاحبو يتلاق معاه

المشكل انا ماكانش لي ناقشو في التمارين الصعاب سوى الاستاذ ( جامي درتها ) و كاين تلميذة ماشاء الله لي نقدر ناقش معاها التمارين اما الباقي للاسف كون تناقشو في تمرين صعيب يعقدك نورمال يكتشف نضرية بلامايفيق غي يشوف السؤال يقولك هادي مقريناهاش
asma1856
2010-10-28, 21:00
انا ثان ما حليتش تمارين الكتاب

ماراكيش وحدك

بصح راح نحل منهم ان شاء الله هاذي العطلة

ماشي لازم تحليهم كامل أكيد

كاين ناس عندهم عقدة ، لازم يحلو كامل تمارين الكتاب المدرسي باش يحسو بلي راهم يقراو

الكتاب يا جماعة راهم فيه تمارين مكررة الأفكار ، واش مالفايده كي تحل 5 تمارين بفكرة وحدة ؟

نفضل نحل تمرين بـ5 أفكار !

وهذا تلقايه في المسائل عادة ، وفي تمارين البكالوريا النموذجية


أسأل الله لك التوفيق :)

ان شاء الله شكرا اختي على الاهتمام و ربي يخليك
ساحر النهى
2010-10-28, 21:01
الفلسفة درتلها سياسة اضرب على الحيط و لي كاتبها ربي ديك هي
قبل الامتحان ان شاء الله نقرى اية الكرسي ونفتح الكراس عند مقالة واحدة نقراها 10 مرات ونتكل على ربي
اذا جات ندي 10 واذا ماجاتش ندي 4
imane1
2010-10-28, 21:02
انا زعما درت من الاول برنامج كل يوم نحل 5 تمارين علوم 5 فيزياء 5 رياضيات
بديت بالرياضيات التمرين لنلقاه منفهمش اصلا علاه يهدر
كنروح للاستاذ يقولي غير مقرر تاع التقني
مالا بطلت سبة وولاتها حدور


بزاااااااف

لازم المخططات تطابق الواقع وإلا فهي فاشلة

واحد يخرج على الـ 5 تاع العشيا

يوصل للدار على 5 ونص كأقل تقدير

يبدا يقرا على 7 كأكبر تقدير

يحل 15 تمرين !!!


مستحيل اختي ..

خير الأعمال أدومها وإن قل ( مقتبس من حديث شريف )

أما في ما يخص مراجعة الدروس الخصوصية

انا نحل التمارين تاع السلسلة في الدار

في الدروس الخصوصية تكون عملية تثبيت وتصحيح للمعلومات

بالنسبة ليا هذه هي الطريقة المُثلى للتعلم ..

أما أنك تبقاي تقراي وتعاودي واش قريتي في الدار

راح تضيعي بزاف وقت ..

والحاجة كي تفهميها عمرها ما تروح من بالك

حتى إذا حبيتي تعاودي ما تعاوديش كل شيء

الوقت ما يكفيش ..
asma1856
2010-10-28, 21:03
يا اسما يعني يعيط لصاحبو يتلاق معاه

المشكل انا ماكانش لي ناقشو في التمارين الصعاب سوى الاستاذ ( جامي درتها ) و كاين تلميذة ماشاء الله لي نقدر ناقش معاها التمارين اما الباقي للاسف كون تناقشو في تمرين صعيب يعقدك نورمال يكتشف نضرية بلامايفيق غي يشوف السؤال يقولك هادي مقريناهاش


بصح يا خويا كاين لي يحب يفهم و كاين لالا اناعلاخاطر شحال من خطرة نسقسي صحاباتي علا حوايج ما فهمتهمش ساعات يجاوبو ساعات يمكرو مالا نروح للاستاذ ما يتكبرو عليا ما والو
asma1856
2010-10-28, 21:06
الفلسفة درتلها سياسة اضرب على الحيط و لي كاتبها ربي ديك هي
قبل الامتحان ان شاء الله نقرى اية الكرسي ونفتح الكراس عند مقالة واحدة نقراها 10 مرات ونتكل على ربي
اذا جات ندي 10 واذا ماجاتش ندي 4


ههههههههههه هاذي ماهيش طريقة مع اني نكره مادة الفلسفة بصح راجعي كلش باش تضمني 10 في جميع الحالات وربي يوفقك بصح واش نقلك ختي قتلتيني بالضحك
imane1
2010-10-28, 21:06
ياو المشكل لكبير قع في الفلسفة هاديك المادة مصيبة من عند اليونان يعطيهم غمة حصلونا معاهم

الفلسفة فهم + حفظ لمصطلحات المادة

ماشي حفظ للمقالات ..

بالنسبة ليا نورمال ، كيفها كيف المواد الاخرى لم أجد أي مشكلة والحمد لله

لاني ملي بدا العام وانا نتابع فيها باهتمام

كونها مادة جديدة

كيما الـbébé صغير

لازملو عناية مع الاول ..
pitcho
2010-10-28, 21:06
اني حاس روحي مانيش راضي على روحي خلاص

سيرتو حذيك الفيزياء يا اختي راهي رايحا تهبلي

وعلى المواد الادبية مانحكيلكش حتى حاجا ماني حكمها

لكن ان شاء الله ربي يجيبها فالصواب
ساحر النهى
2010-10-28, 21:08
بصح ا اسما راني كاتب aniss مشي anissa :)
asma1856
2010-10-28, 21:09
الفلسفة فهم + حفظ لمصطلحات المادة

ماشي حفظ للمقالات ..

بالنسبة ليا نورمال ، كيفها كيف المواد الاخرى لم أجد أي مشكلة والحمد لله

لاني ملي بدا العام وانا نتابع فيها باهتمام

كونها مادة جديدة

كيما الـbébé صغير

لازملو عناية مع الاول ..



ههههههههههههه كي الطفل الصغير نشريلها كتاب خارجيو خلاص
asma1856
2010-10-28, 21:11
بصح ا اسما راني كاتب aniss مشي anissa :)


سمحلي خويا لحالة معمرة غير بلبنات اتخلطتلي سمحلي يا الاخ انيس
asma1856
2010-10-28, 21:18
ايا نخليكم على خير و تهلاو في روحكم و في مخاخكم هههههههه احفضواشوية وريحوا شوية و السلام عليكم
imane1
2010-10-28, 21:19
اني حاس روحي مانيش راضي على روحي خلاص

سيرتو حذيك الفيزياء يا اختي راهي رايحا تهبلي

وعلى المواد الادبية مانحكيلكش حتى حاجا ماني حكمها

لكن ان شاء الله ربي يجيبها فالصواب

المواد الأدبية ما اديروهاش كمشكلة

المواد العلمية نعم ، إذا راك مخصوص فيها لازم تتدارك النقص اليوم قبل غدوه

لأن الدروس تتراكم وكل درس عندو مجموعة هائلة من التمارين ..

الفيزيا حاول ادير فيها دروس خصوصية

انا من بكري ضعيفة فيها هاذ العام وين جبت روحي فيها شوية

بفضل الله وحده ، ثم بسبب :

قوة الإرادة والعزيمة والإستعانة بالدروس الخصوصية

والحمد لله .. راني كيما انا كيما الغاشي ..


نقولك حاجة

ماتقولش مارانيش راضي على نفسي بلغة الإحباط

يعني ما تخليش هاذ الاحساس يسيطر عليك

حاول تبدا من جديد ، راني نقولك ناس ابداو في فيفري ومارس ودارو القلب وقراو ولحقو وجابو الباك

واش يمنعك تكون خير منهم اذا بديت من الآن ؟

المادة اللي راك ضعيف فيها ركز عليها ، ماشي على حساب مواد اخرى ..

واستعين بليكوغ وابذل ثاني مجهود فردي في الدار

الوقت يجوز يجري راهو ديجا عندنا شهر ونص ملي دخلنا ..

شكون يقول ..



وختاماً

أسأل الله لك التوفيق
RAYANE22
2010-10-28, 21:23
والله ماكان ماكان قراية
°واحد من الناس °
2010-10-28, 21:25
ماكانش منها قع تحصل في تمرينتعيط فيالبوتابل شحال راح يهدر معاك نص ساعة و زعما لوكانحتى فمهك ما يقدرش يفهمك في البورتابل ولا ال*****


لالا متخاافيش لا لين

والسكاايب يخي بااطل

ولالا نفهمو عاادي


مشي حابسين للدرجة هاذي
pitcho
2010-10-28, 21:29
المواد الأدبية ما اديروهاش كمشكلة

المواد العلمية نعم ، إذا راك مخصوص فيها لازم تتدارك النقص اليوم قبل غدوه

لأن الدروس تتراكم وكل درس عندو مجموعة هائلة من التمارين ..

الفيزيا حاول ادير فيها دروس خصوصية

انا من بكري ضعيفة فيها هاذ العام وين جبت روحي فيها شوية

بفضل الله وحده ، ثم بسبب :

قوة الإرادة والعزيمة والإستعانة بالدروس الخصوصية

والحمد لله .. راني كيما انا كيما الغاشي ..


نقولك حاجة

ماتقولش مارانيش راضي على نفسي بلغة الإحباط

يعني ما تخليش هاذ الاحساس يسيطر عليك

حاول تبدا من جديد ، راني نقولك ناس ابداو في فيفري ومارس ودارو القلب وقراو ولحقو وجابو الباك

واش يمنعك تكون خير منهم اذا بديت من الآن ؟

المادة اللي راك ضعيف فيها ركز عليها ، ماشي على حساب مواد اخرى ..

واستعين بليكوغ وابذل ثاني مجهود فردي في الدار

الوقت يجوز يجري راهو ديجا عندنا شهر ونص ملي دخلنا ..

شكون يقول ..



وختاماً

أسأل الله لك التوفيق

بارك الله فيك يا اختي والله غير تلعتيلي المورال
RAYANE22
2010-10-28, 21:32
لالا متخاافيش لا لين

والسكاايب يخي بااطل

ولالا نفهمو عاادي


مشي حابسين للدرجة هاذي

***** .......وعلاش لالا
ساحر النهى
2010-10-28, 21:33
يا جماعة انا دي قاع منحملهاش ( دروس خصوصية )
اضاعة للوقت فقط
عليها المستوى راه فتدني
انشتاين تاني دار دروس خصوصية
douniazed_setif
2010-10-29, 09:00
كيف كان آدائكم من 15 سبتمبر إلى نهاية أكتوبر ؟
ليس بالممتاز ولا بلجيد بالنسبة ليا الكثير من الوقت راح في التسجيلات الجامعية وو الطلعة و الهبطة فيها المهم نقولو الحمد الله

ماهي الأمور التي ترغب أن تراجعها في /مع نفسك ؟
نلقا حل بين قراية الجامعة و الباك

ماهي الاخطاء التي ارتكبتها وتريد تسويتها / عدم تكرارها ؟
الاخطاء ترك بعض المواد لحد الساعة arabe/fr/ang/philo بسبب ضيق الوقت في هده الفترة فقط و ليس اهمال
ماهي المادة التي تجدُ أنك " ضائع " فيها ؟
بالنسبة ليا كمترشحة حرة و نعاود في الباك الحمد الله ماكانش ....................
هل أنت راض عن آدائك لحد الآن ..أم أنه كان هناك تقصير شديد من قِبلك ؟
بنسبة 60% برك و مع مرور الوفت جي هاديك 30 ان شاء لله و كي نحوس ع 10 نكون مغرورة بزاف..........


وماهي مخططاتكم لهذه العُطيْلة إن صح التصغير ؟
ماعنديش عطلة للأسف مي درت 4 أيام نقرا فيهم لل bac w manro7ech la fac حتى نلقا روحي ماشية خاطر حابة نزرب ليكيدي عليا
حبيت ننصحكم ماتضيعوش الوقت في فلان دار وأنا والو...............الوقت راح و أنا 0 .......لي مابداش يبدا و لي بدا يكمل و هدي هي لي لقا روحو 4 مايلاشيش يكمل و لي لقات روحا ناقصة تزيد و......bac راهو ساهل و الله تحطلو شهر تخلص ل programme وحدك أقراو max تاعكم و توكلو على ربي برك أيا سلالالالالالالالالالالالام وبالتوفيق
°واحد من الناس °
2010-10-29, 09:23
صباح الخير دنياا

او تبانلي اكي نااوية هذاا العااام

وزيدي هذا راسيزم تنصحي غير البنااات
أنوار لجين
2010-10-29, 09:28
صباااااااااااااااااااااااااااااح الخير و الأنوار و أسعد الله يومكم و جمعة مباركة للجمييييييييييييييييييييييييييع
°واحد من الناس °
2010-10-29, 09:32
صبااح النور
ويومك مباارك ايضا اختي
أنوار لجين
2010-10-29, 09:35
قولولي هاد السمانة غادي تقراو
°واحد من الناس °
2010-10-29, 09:37
بانسبة لياا مزااال مقررت حتى حاااجة

اني تعبااان بزااااف
أنوار لجين
2010-10-29, 09:40
حنا رانا نقراوا ..................... نتوما شحال تخلصوا في الشهر عندكم ؟
°واحد من الناس °
2010-10-29, 09:42
اااه قصدك على دروووس الدعم

لالا خاطيني وخااطيها



هنا كاين من 60 الف حتى لربعمية هاذو لي رااهم يقرااو عندهم صحااابي
أنوار لجين
2010-10-29, 09:47
حنا رانا نديروا الدعم مع الأساتذة تاوعانا في لمسيل و 20 ألف في الشهر
أنوار لجين
2010-10-29, 09:48
و كامل التلاميذ يقراوا
°واحد من الناس °
2010-10-29, 09:53
وشمن دعم هذاااا

؟؟
لمسيل ؟؟
وشنو هذا
؟؟


كي يولي 30 وااحد يقرا مش دعم هذااا




انا الحمد له الاستااذ يمدلنا على اكمل وجه
ومعنديش صعوباات في الفهم

ونزيد نقراا لرووحي
أنوار لجين
2010-10-29, 10:02
20واحد برك و ما نيش نهدر عليك يا أخي أنا برك قتلك علنا هدا مكان
°واحد من الناس °
2010-10-29, 10:05
اوكي اسمحيلي مالا اختي
اسف اذا معرفتش نهدر

سلاااام
douniazed_setif
2010-10-29, 10:33
صباح الخير دنياا

او تبانلي اكي نااوية هذاا العااام

وزيدي هذا راسيزم تنصحي غير البنااات

صباح النور واحد من الناس أو لازم ننويو و حنا مانبعدوش العين ...................ههههههه و الله والو لكان نصحت بالمؤنث حولها للمذكر و الله غيبة خويا كي راك؟؟؟؟؟؟؟؟؟ واش مداير فيها ماتبعدش العين برك .................
goual mohamed
2010-10-29, 14:34
انا نقول على كل هذا ربي يستر في الفيزيا
اما عن باقي المواد راني نحمد ربي ونشكرو
michou93
2010-10-29, 18:44
انا شخصيا منيش راضية على ادائي ككل زملائي اللي هدرو قبلي بصح نحاول نصحح اخطائي اللي ميتحسبوش ام بالنسبة للعطيلة فاني قررت الابتعاد عن الانترنيت..... اما المادة الوحيدة اللي نحس روحي ناقصة فيها بزاف هي الفيزياء
yakumo
2010-10-29, 20:58
الحمد لله...بداية موفقة
asma1856
2010-10-30, 21:00
لالا متخاافيش لا لين

والسكاايب يخي بااطل

ولالا نفهمو عاادي


مشي حابسين للدرجة هاذي


اوكي هادي وجهة نظرك وانا وجهة نظري مختلفة عادي "الاتجاه المعاكس"
sarah_funky
2010-10-30, 21:18
السلام عليكم مشكورة اختي على هذا الموضوع القيم
انا الي مقلقني اني لدرك مابديتش نقرا بجدية وماانعرف كيفاه انظم وقتي وقتي كله في دروس الدعم اما مواد الحفظ لم اجد اليها وقتا مناسبا ........ نجي لعشية نلقى روحي تاعبة نكمل نصلي العشاء نرقد ونشدها نوم حتى 7.00 مانقدرش انوض بكري ابدا ممكن تنصحوني في هذا الشان خاوتي ونا قاصدتكم الا باه تنصحوني. بالمختصر انا لدرك وقتي ماعرفتش كيفاه انظموا وكل منين نخمم برك بلي وقتي مش منظم نزيد نتقلق اكثر.............مشكورين من اختكم البائسة من اول بداية السنة سارة.