تسجيل الدخول

مشاهدة النسخة كاملة : الى الاخت remadna

meriemestar
2010-10-28, 17:23
السلام عليكم ورحمة الله تعالى وبركاته
أختي العزيزة حبيت نسقسيك على جامعة بسكرة مازال فيها النظام الكلاسيكي بالنسبة للغة الانجليزية و الا لا؟
احكيلي على الاساتذة تاع اللغة الانجليزية بالنسبة للسنة الثالثة
هل يوجد في المكتبة الجامعية كتب تخص اختصاص اللغة الانجليزية؟
احكيلي على مستوى الاساتذة وكيفاه تقرو؟
وعلى الاقامة الخاصة بالبنات جديدة والا قديمة؟
واش يتوفر فيها وواش ناقصها؟
لاشومبر شحال فيها من طفلة؟
واسمحيلي على الاسئلة الكثيرة وجزاك الله الف خير
remadna
2010-10-28, 17:45
السلام عليكم ورحمة الله تعالى وبركاته
أختي العزيزة حبيت نسقسيك على جامعة بسكرة مازال فيها النظام الكلاسيكي بالنسبة للغة الانجليزية و الا لا؟
احكيلي على الاساتذة تاع اللغة الانجليزية بالنسبة للسنة الثالثة
هل يوجد في المكتبة الجامعية كتب تخص اختصاص اللغة الانجليزية؟
احكيلي على مستوى الاساتذة وكيفاه تقرو؟
وعلى الاقامة الخاصة بالبنات جديدة والا قديمة؟
واش يتوفر فيها وواش ناقصها؟
لاشومبر شحال فيها من طفلة؟
واسمحيلي على الاسئلة الكثيرة وجزاك الله الف خير
السلام عليكم
أولا نظام كلاسيكي ماكانش آخر عام كان في 2008
ثانيا هنا في بسكرة الأساتذة مستوى عالي في الثقافة و الأخلاق يعني الدرس مفهوم مليح و التواضع عندهم ما شاء الله ، الأستاذ الكبير في العمر نحسو بيه كانه أبونا و الأستاذة الكبيرة نحسوها كأمنا و الأساتذة الصغار في العمر نحسوهم كإخوتنا و رئيسة القسم تاعنا (شاف ديبارتمن) هي أستاذتنا تاع phonetics عندها عقلية روعة، مستوى عالي ، تفهم مليح ، مكانش الغش و المعريفة كل واحد يدي حقو، و دائما توصينا و تقول لي عنو اقتراح أو مشكل يقول لرئيس القسم تاعكم و يوصل الخبر. المهم أنا الأساتذة تاع العام الماضي و هذا العام تقريب نفسهم و كل ملاح ، هم حفظو أسامينا في الأسبوع الأول ماشي ألقابنا ( يعني الأستاذ ينادي للطالب باسمه باه يحس بأنه قريب ليه) و زيد كاين لي حفظو عقليتنا ، و نقاط TD كل واحد يدي حقه ، نقطة TD كاين اللي يقسمها على 4 و كاين على 3 مثلا ( 5 نقاط على الغياب، 5 على الفرض الكتابي ، 5 على المشاركة ، 5 على الفروض المنزلية ) ، و كاين لي يقسمها على 2 ، و الماستر سنة أولى هذا العام بمعدل القبول هو : 12.5/20 للسداسيا ت في 6 .
و نزيدك، الأساتذة لي ناجحين جدد في الماجستير عندما يطلبو خدمة أو معلومة من الأساتذة الكبار يساعدوهم ماشي يبخلوهم.
بالنسبة لأساتذة سنة ثالثة لا أدري ، انا كنت سنة 1 و هذا العام سنة 2 و تقريبا نفس الأساتذة تاع العام الماضي زادو حكمونا هذا العام و كلهم ملاح
المهم هذا رأي و كل واحد ربما عنده رأي مخالف تماما لرأي .
اسمحيلي من بعد 20 دقيقة ان شاء الله نكمل على المكتبة و الإقامة
remadna
2010-10-28, 18:32
عدت :)
بالنسبة للمكتبة كل الكتب متوفرة خاصة في linguistic, grammar, phonetics........ بالإضافة novels .
بالنسبة للإقامة كاين 3 في شتمة (بلدية تبعد على الجامعة 15د بالنقل) و 3 بجانب الجامعة على العموم كل الضروريات متوفرة الماء، النقل، النظافة ، الانترنت مجانا للمقيمات .....
إذا احتجت أي شئ راني هنا
meriemestar
2010-10-28, 21:07
شكرا جزيلا أختي العزيزة وربي يوفقك ان شاء الله