راني حاب نسمع رايكم

[programmeur]

السلام عليكم ورحمة الله يا جماعة

راني حاب نستفسر على حاجة وياريت تعطوني رايكم بصح كلامي موجه لأصحاب الاختصاص
واللي مايعرفش يلتزم الصمت خير لي وله

مرة روحت للبلدية تاعنا صبت واحد مسؤول وانا كنت داير لاشان حتى قالي خويا بعد عليا راك غامني
أنا تنارفيت و قعدت نرفع في صوتي عليه وقتله انت جايح ورخيس وخرجت وخليته

حتى مرة من أيام وجا عندي صاحبي قالي راه حاب يشكي بيك لشرطة و يقوللهم بلي انا قلتله كلام السوء
انا ماديتهاش فيه وقلتله يروح يشكي ولا يلعب ........ الله يسهل عليه

وكل مرة يلقى صاحبي ويقوله كنت حاب نشكي بيه ..... وهادي الكلمة يقولها بزاف
قلت في راسي اذا حب يشكي يروح يشكي واش راه يقارع و على ما اظن الهدف من كلامه هو تخويف

مع العلم ان عنده شاهدة مراة حابة تشهد شهادة زور ولا زوج نساء والله ماعلابالي
وهادي الحادثة عندها شهر ملي حدثت وانا نسيتها وهو مسكين مازال متفكرها

قولولي وحتى وان قلتله كلام السوء في مكتبه هل القانون يحميه هو
أم يحميني أنا اللي هو ما احترمش مواطن
رغم انني عندي أنا تانيك شهود بلي ماقلتلهش كلام السوء

وهل الصحيح واحد يقدر يشكي بالاخر لانه قاله كلام السوء
لخاطرش هادا الشيئ مادخلش في راسي ..... لوكان جا اي واحد يقول كلام السوء يقدرو يشكو بيه
لوكان كل الناس راهي في الحبس هههههههههه

وياريت تعطوني كتاب فيه هدا الشيئ من القوانين وياريت يكون الكتاب معتمد من طرف المحامين و الدولة
لخاطرش هادو النوع من العباد راهم غيل يهفو في الناس بالباطل

وهل تجوز شهادة المرأة في القانون الجزائري ؟؟؟


هدا الانسان راني ناسيه خلاص وكل مرة نسمع هادي تاع كنت حاب نشكي بيه نتخلع فيه غيل جاوبوني يا اهل الاختصاص
وشكرا لكم

[كلمات_قاسية]

ممكن يرفع بيك دعوى القدف او اهانة موظف اثناء تاديته لوظيفته
مفهمتش هل هدا المسؤول كان يؤدي في عمله
ولا جاء يقضي صوالحو كيما انت

[عبدالرحيم75]

اذا حاب يشكي خلي يشكي ،ومايخوفكش ،اذا ماقلتلوش كلام فيه اهانة من دون سبب او قذف وتجريح بلا دافع ،هذا كله تهديد لك واعلم بان التهديد الذي تتعرض له منه هو الاخر يعتبر جريمة ارتكبها ضدك .........غرضها الابتزاز.......................................كل شئ في وقته ولا تخاف ابدا واذا راح وشكى احنا هنا ،وحقك ما يروحش وهو يجي للفخة

[programmeur]

شكرا لكم وبارك الله فيكم

[m_djilali]

lممكن يقدم شكوى بتهمة إهانة موظف أثناء تأدية مهامه .
إن شاء الله مايكون غير الخير . فقط أنصحك أخي الكريم بأن تضبط أعصابك لأن كل الإدارات هكذا لا تعامل الناس جيدا .