غدوة عندي فرض في الرياضيات ياترى واش هي الاسئلة المتوقعة

[اميرة]

ياااااااا جماعة الباكالوريا غدوة عندي فرض في الرياضيات
على بالي انو الاسئلة ماشي كيف كيف لكن معليش نتعلم شوية الاسئلة الواعرة
الرجاء من التلاميذ الذين دارو فرض هاذ السمانة يعطوني الاسئلة المتوقعة او الواعرة باش غدوة نروح اون فورم ....
اوكييييي]

[ساحر النهى]

متقدريش تعرفي
ربما يقولك
عرف المشتقة ، عرف النهاية
والسؤال لااصعب هو عرف نقطة الانعطاف

عرف الخوارزمي ايضا :)

يا اختي هادي سموها رياضيات كيفاش نتوقعوا الاسئلة الصعبة ؟ هادي تاريخ و جغرافيا ولا تربية اسلامية ؟

:)

[اميرة]

متقدريش تعرفي
ربما يقولك
عرف المشتقة ، عرف النهاية
والسؤال لااصعب هو عرف نقطة الانعطاف

عرف الخوارزمي ايضا :)

يا اختي هادي سموها رياضيات كيفاش نتوقعوا الاسئلة الصعبة ؟ هادي تاريخ و جغرافيا ولا تربية اسلامية ؟

:)
وعلاش تزعق بيا
ااااااااه وعلاش هاكدا انا قاعدة من الصباح وانا مقلقة نحل في التمارين ماخليت سيري ماحليتهاش وانت تتمسخر حسبيا الله ونعم الوكيل فيك

ولا تستظرف في دمك على بالي انو هاذي رياضيات مش تاريخ وجغرافيا لكننننننننن كاين اسئلة يتشابهوو روتينية مثلا =المستقيمات المقاربة

وزيد اذا ماراكش عارف اظن لاداعي لابداء راي انت تعلم انه غير مرغوب فيه...........

[جلال المياسى]

احنا ما زال ما عديناش بصح نتوقعها على شكل مساله تشمل كل دروس النهايات و الاشتقاقيه ة الاستمراريه

[اميرة]

شكراااااااااااليك خويا يعطيك الصحة........

[ساحر النهى]

ههههه يا ختي هيا واضحة بلي يعطولكم دالة تدرسوها فيها التغيرات و الاستمرار و مبرهنة القيم المتوسطة
كاين شيئ من غير هذا ؟ لا

طبعا رايحين يعطولكم دالة مالا كيفاش تقولينا ماهي الاسئلة الروتينية وما الى ذلك ؟
وانتي شفتي دالة ماتدرسيش فيها الاشتقاقية مثلا ؟

على كل حال الله يوفقك والمنتدى راه مساحة حرة :) وين تحب شارك برأيك :)

[✗ ┋ وَړْﮃَةُ آلـﭴَزآئـړْ ┋ ✗]

وعلاش تقلقي روحك أختي
بالشوبة ما تضغطيش على روحك ماراكيش راك تعقبي الباك غدوة

الفرض في هاذ العام قد ما يكون صعيب قد ما يكون مليح

انتي وجدي روحك مليح وحلي التمارين وغدوة اخدمي اللقي قدرتي عليه

كاعاد الفروض والامتحانات لهذا العام ماراهيش للمعدل راهي لتحضير البكالوريا

أنا راح نقولك واش راح يجي عموما

باين راح يجيكم تمرين فيه دراسة دالة يعني أولا النهايات و الاستمرارية والمشتق وشكل جدول التغيرات

وضرك يقولكم بين أن نهاية الدالة ناقص معادلة مستقيم تساوي 0 وماذا تستنتج يعني مستقيم مقارب مائل

قادر مثلا يقولك أدرس وضعية المنحنى بانسبة للمستقيم

أثبت أن الدالة تقبل حل وحيد

أنشئ المنحنى و المستقيم المقارب



هاذو أبسط الأسئلة بصح قادر يصعبولكم مثلا يقولولكم أدرس إشارة الدالة

ومبعد يحطولكم دالة جديدة ناطقة مثلا والمشتقة تاعها تكون الدالة السابقة على عدد معين

وتستنتجي إشارة المشتقة من إشارة الدالة السابقة

.............................. إلخ


أنا عطيتلك شوية أسئلة قادر يجيوا وهاذو هوما يعني أغلبية الأسئلة اللي تلقايهم في التمارين قادر فرضكم يكون أسهل وقادر يكون أصعب

بالتوفيق غدا وكي تكملي الفرض حطيلنا الموضوع من فضلك

[اميرة]

شكراااااااااااا اختي وردة ويعطيك الصحة ....
الفرض دارهولنا الاستاذ من الكتاب قاللنا عجزت ..... التمرين 86 ص68 واعر شوية مي هايلللللل