رسالة من القلب اتمنى ان تصل الى قلوب المقبلين على شهادة البكالوريا

[قلم : داعية]

السلام عليكم ورحمة الله وتعالى وبركاته
صحيح ان هدفنا هذه السنة هو نيل شهادة البكالوريا بنجاح
لكن هل يمكنننا تحقبق هذا الحلم ?
وكيف تفوق الدين سبقونا ?
انا اجزم انك لو وضعت احسن برنامج مراجعة
أو قرات مئات او الملايين من النصائح او الارشادات حول النجاح او التفوق في الباك اوفي حياتك
لا يمكن تحقيق هذا الحلم الى بالتقلب على اعدى عدوك الا هو النفس
ولان ساضع بين يديكم برنامج حول الدراسة
لكن يجب ان تلتزم بهذا البرنامج وتصبر
لكي تحقق ماتتمناه ويجب ان تثق في نفسك على انك قادر على التحسن الى الافضل
وهذي نصيحة ليخرجوا في الليل غير ماتكثروج القعدة في الشارع راهي يجي الصيف ورانا نكرهوا من الشارع
وكذلك بعدم استخدام النت او الجلوس امام التلفاز كثيرا لانه لقدر الله لو خسر احد ما سيندم على تلك الاوقات التي كان يقضيها حول النت ...
كيما يقولوا سقسي المجري وما تسقسيش الطبيب انا خسرت الباك وندمت على كنت نتفرج في ماتش نتاع الجزائر ....كاس العالم ........واستخدا م النت ..........................الخ اان شاء الله ماتندموش برك
المهم وش رايكم في هذا البرنامج نتاع المراجعة *
السبت علوم
الاحد ادب +شريعة
الاثنين فرنسية او انجلزية
الثلاثاء رياضيات
الاربعاء فلسفة
االخميس اجتماعيات
الجمعة فيزياء

ملاحظة انا هذا البرنامج راه مساعدني بزاف الحمد لله راني درك متهني من الاجتماعيات +المصطلحات نتاع الفصل الاول
يقدر اي شخص يغير البرنامج على حساب المواد لي راه ضعيفة فيها كيما انا اختر ت الفيزياء يوم الجمعة لاني شويا ضعيف فيها عكس الرياضيات
مثلا يوم الخميس الخميس الاولى نحفظ الدروس الخاصة بالفصل الاول الخميس الاخرى المصطلحات + الشخصيات الخميس لي بعدها نزيد نعاود وش احفظت .................الخ
وحاولوا طبقوا البرنامج ولو نسبة 40/100
بالنسبة لطريقة الحفظ نحفظ من بعد نكتب وش احفظت اكثر من 10 مرات
بالنسبة للمواد العلمية نحل في التمارينات
فائدة نتاع البرنامج ماتكرهش المراجعة .....و............الخ

وفي الختام اسال الله لي ولكم نيل شهاة البكالويا بتفوق واستحقاق

[سلسبيل2492]

جزاك الله خيرا
ساحاول ان اجعل جدول للمراجعة
مع ان الوقت لا يكفي

[سلسبيل2492]

ولكن لدي مشكله
هي انني عندما اريد مراجعة مادة ادبية
ابقى افكر في المواد العلمية
هل هذا معي انا فقط ام ماذا

[قلم : داعية]

ولكن لدي مشكله
هي انني عندما اريد مراجعة مادة ادبية
ابقى افكر في المواد العلمية
هل هذا معي انا فقط ام ماذا

سلام عليكم

كذلك انا لدي نفس المشكل
لكن مع مرور الوقت تخلصت من هذا المشكل
مع العلم اني بدات اطبق هذا البرنامج من بداية اول يوم للدخول المدرسي

[wafaa bel]

maerciii bcp

[مروة الايمان]

أنا مستحيل يساعدني هدا لبروقرام ....المواد العلمية ماخذه كل وقتي وزيد نخرجو من الليسي لعشية على 17.30 نوصل للدار نصلي العصر يأذن المغرب من بعد نتعشى و نحل الواجبات و نخدم الفروض الدورية و المشاريع و مااااااااااااااااا أكثرها هذا العام منذ البداية و نراجع مادة علمية و نطيح كاااااااااااو نرقد و الله ساعات 19.30 انتا الليل راني راقدة نتعب خلاص ...........زيد مع ليكور ايام الجمعه و السبت و الثلاثاء لعشية تاني ماكانش الفيد خلاص الواحد يتوكل على ربي ويدير يالي عليه باه ما يندمش من بعد و يالي مكتوب على الجبين ما تشوفو العين ....و سلاااااااااااااااااااااااااااااااااااااام

[قلم : داعية]

أنا مستحيل يساعدني هدا لبروقرام ....المواد العلمية ماخذه كل وقتي وزيد نخرجو من الليسي لعشية على 17.30 نوصل للدار نصلي العصر يأذن المغرب من بعد نتعشى و نحل الواجبات و نخدم الفروض الدورية و المشاريع و مااااااااااااااااا أكثرها هذا العام منذ البداية و نراجع مادة علمية و نطيح كاااااااااااو نرقد و الله ساعات 19.30 انتا الليل راني راقدة نتعب خلاص ...........زيد مع ليكور ايام الجمعه و السبت و الثلاثاء لعشية تاني ماكانش الفيد خلاص الواحد يتوكل على ربي ويدير يالي عليه باه ما يندمش من بعد و يالي مكتوب على الجبين ما تشوفو العين ....و سلاااااااااااااااااااااااااااااااااااااام

سلام عليكم
انا معاك ان المواد العلمية تاخذ كل وقتك
لكن هذا برنامج المربعات نتاع اليابان
والله اخي كان مستواه متوسط
وطبق هذا البرنامج تحصل على 15 في الباك
وانا خسرت الباك بيا كنت نرقد بكري وهو كان يرقد مع 23 او 00
انا كنت مع 21 فقط
لكن لا يوجد مستحيل مع العزيمة والارادة والاصرار والعناد
شوفي انا نقرا عندي كل 2 سا اخذ استراحة بين 10 الى 20 د
والله ماهو رايح يصير فيك والوا
علاه خسارة تكوني خالة او عمة يفتخرو بيك يقولي
عدنا عمة مثلا او خالة طبيبة
حالتك راهي ماتبشر بالخير
لازم تستغلي هذي العطلية مليح
وخليك من الصوالح لي مافيهومش حتى فائدة
النت راهي تدي وقت كبير
خليك ايجابية وغيري حياتك
سلام

[قلم : داعية]

ماتنسايش رمضان راه يجي في الصيف
لقد الله وتخسري الباك كيفاه راح تفوتي الصيف ورمضان

[cànstontino]

بارك الله فيك الاخ
ممكن تعطيونا توقيت اسبوعي تاع واحد يقرى علوم تجريبية

[قلم : داعية]

بارك الله فيك الاخ
ممكن تعطيونا توقيت اسبوعي تاع واحد يقرى علوم تجريبية

السلام عليكم

وفيك بركة اخي

صحيح نقدر نعطيك برنامج

لكن انت

نظامي ام حر

واذا حبيت تعيطلي في ال***** باه نتفاهمو مليح

موفق في شهادة البكالوريا

سلام

[narouma]

انا ثاني علوم تجريبية

[ميس الجزائر]

السلام عليكم برنامج هايل انا راي نقراو المواد العلمية حتى العيشاء ومن بعد نقراو المواد الادبية نرقدو عل 21 والنوض صباح عل 4 نقراو ساعة مواد علمية ومن بعد نصليو الصبح وندعيو ربي ينجحنا (ادعيولي نجيب الباك ب18)
ومن بعد نكملو المواد العلمية نفطر ونروح الليسي

[شيماء13]

اعجبني برنامجك اخي وساحاول ان اطبقه باسكو مانيش مرتبة روحي كامل
بارك الله فيك

[قلم : داعية]

السلام عليكم برنامج هايل انا راي نقراو المواد العلمية حتى العيشاء ومن بعد نقراو المواد الادبية نرقدو عل 21 والنوض صباح عل 4 نقراو ساعة مواد علمية ومن بعد نصليو الصبح وندعيو ربي ينجحنا (ادعيولي نجيب الباك ب18)
ومن بعد نكملو المواد العلمية نفطر ونروح الليسي


و عليكم السلام اختي

اولا اذا كنتي حابة تجيبي الباك ب 18

لازم عليكم ما تحكيش على برنامج نتاعك لصحاباتك

راكي عارف بلاك يحسدوك او تصيبك عين لقدر الله

من الافضل اذا سقساوك تجاوبيهم بالتي هي احسن

2/ اذا وضعتي احسن برنامج لازم عليك

الالتزام و الصبر

3/ لازم عليك تنامي على الاقل 8 سا

4/ انا شخصيا نراجع يوم السبت والجمعة

من 7 نتاع الصباح حتى 11 ليلا

وباقي الايام راهي في البرنامج السابق

ونوض مع الفجر

وكذلك مانيش نقرا في الدروس الخصوصي


وعندي كل 2 سا اخذ 15 دقيقة راحة

وماتنسايش الدعاء لي هو سلاحنا

موفقة في شهادة البكالوريا ان شاء الله

[قلم : داعية]

اعجبني برنامجك اخي وساحاول ان اطبقه باسكو مانيش مرتبة روحي كامل
بارك الله فيك

السلام عليكم

حالة نتاعك راهي تخوف يا شيماء

وش راكي تستناي

الناس راهي بدات تحضر من قبل رمضان

هذا راه الباك ماهيش

شهادة التعليم الابتدائي او المتوسط

خليك ايجابية وغيري حياتك

موفقة في شهادة البكالوريا

[قلم : داعية]

انا ثاني علوم تجريبية


السلام عليكم

انا كذلك مثلك

ربي يوفقك في شهادة البكالوريا

[قلم : داعية]

maerciii bcp


:mh92:

موفقة في شهادة البكالوريا انشاء الله :19:

[دعاء اية]

انا من شعبة التقني رياضي والبرنامج ديالي هكدا
السبت والاحد رياضيات
الاثنين والثلاثاء فيزياء
الاربعاء والخميس هندسة مدنية
الجمعة المواد الي بقات

[دعاء اية]

انا البرنامج ديالي هكا
السبت والاحد .....فيزياء
الاثنين والثلاثاء....رياضيات
الاربعاءوالخميس.....هندسة مدنية
الجمعة ........باقي المواد

[h'mida]

السلام عليكم أنا حبست من الدروس الخصوصية في math ولكن أنا ضعيف فيها سعات نفم الدرس و ساعات منفهمش ارجوا ان تعطيني الحل مع العلم أني لا أريد الدروس الخصوصية و السلام عليكم

[nousseiba.d]

السلام عليكم

بارك الله فيك على اابرنامج ولكـــــن حبذا لو كان مكثفـ أكثر أقصد مثلا يوم السبت : علوم ومادة ادبية أعني هنا تنويع المواد كي نتجنب الملل

شكرا لك واتمنى ان تقبل نصيحتي بصدر رحب فانا ايضا طالبة في الباكالوريا واتمنى للجميع ان ينالوا الباك وبمعدلات هايلة ان شاء الله

[قمر10]

انا راح نطبق بزنامجك لاني لحد الان ما دخلتش في المزاجعة الحقيقية و باذن الله من هالاسبوع ادعيلي بالنجاح و

[قلم : داعية]

السلام عليكم

بارك الله فيك على اابرنامج ولكـــــن حبذا لو كان مكثفـ أكثر أقصد مثلا يوم السبت : علوم ومادة ادبية أعني هنا تنويع المواد كي نتجنب الملل

شكرا لك واتمنى ان تقبل نصيحتي بصدر رحب فانا ايضا طالبة في الباكالوريا واتمنى للجميع ان ينالوا الباك وبمعدلات هايلة ان شاء الله


السلام عليكم

كلام صحيح اختي كلامك صحيح

لكن يوجد الكثير من اتلاميذ مستواهم سيئ يعتي لا يستطعون ان يراجعوا لمدة طويلة

وهذا البرنامج مدروس

يعني لو كنا صريحين مع بعضنا لا نستطيع ان نضعوا برنامج مكثف

وهذا البرنامج يساعد المتوسط والممتاز

موفقة في شهادة البكالوريا

[قلم : داعية]

انا راح نطبق بزنامجك لاني لحد الان ما دخلتش في المزاجعة الحقيقية و باذن الله من هالاسبوع ادعيلي بالنجاح و


السلام عليكم

اختي قمر لقد تاخرتي كثيرا كثيرا كثيرا في المراحعة

ماهي الاسباب والححج التي منعتك من الدراسة

لا تنسي انه مستقبلك وليس مستقبل شخص اخر

موفقة في شهادة البكالوريا

[قلم : داعية]

السلام عليكم أنا حبست من الدروس الخصوصية في math ولكن أنا ضعيف فيها سعات نفم الدرس و ساعات منفهمش ارجوا ان تعطيني الحل مع العلم أني لا أريد الدروس الخصوصية و السلام عليكم


السلام عليكم

صحيح اخي انا كذلك لا استعمل الدروس الخصوصية

ليس انه ليس لدي المال

بل الاعتماد على النفس والالتزام بالوقت
يمنعاني من ايتعمال الدرو س الخصوصية
اما مشكلتك
لايوجد لها حل
سوى
الاكثار من التمارينات
بعد فهم الدرس جيدا
وكذلك مناقشات التلاميذ او الاستاذ في الاشياء المبهمة
ولا تلتفت من حولك اذا سخورا منك
موفق في شهادة البكالوريا

[z2009]

انا كل يوم نقرا الرياضيات في المساء نرقد في المجال من 9 الى 10 و نوض على 5 نراجع يا اما العلوم يا اما الفيزيا على هذاك الوم وش عندي اما المواد لخرين و الله ماراني ندور بيهم قاع خاصة الفلسفة مانيش عارفة وش ندير فيها نحفظ الدروس ولا المقالات و لا نفهم برك?????????????????????? ساعدوني بليز

[قلم : داعية]

انا كل يوم نقرا الرياضيات في المساء نرقد في المجال من 9 الى 10 و نوض على 5 نراجع يا اما العلوم يا اما الفيزيا على هذاك الوم وش عندي اما المواد لخرين و الله ماراني ندور بيهم قاع خاصة الفلسفة مانيش عارفة وش ندير فيها نحفظ الدروس ولا المقالات و لا نفهم برك?????????????????????? ساعدوني بليز


السلام عليكم
اختي يوجد مثل يقول
لي يحقر العود يعوروا

شوفي ياختي البرنامج راه مدروس

والله شحال من ناس جربوه وجابو الباك بنقطة مليحة

اذا مشيتي بالبرنامج نتاعك

راكي رايحة تجيبي الباك بصح بمستوى متوسط 10 او 11 فقط :sdf:

انا ننصحك باه تجربي البرنامج في الفصل الاول اذا ما ساعدك بدلي البرنامج :1:

اما الفبسفة احفظي طريقة عمل مقالة فلسفية بالمقارنة او الجدلية ..............الخ

وكذلك احفظي شويا من الكراس باه تستعمليهم في الباك

وشفي باه ينصحوك الاساتذة بالمقالة لي محتمل تجي في الباك :19:

موفقة في شهادة البكالوريا

[xp.14]

سلام الله عليكم ,
بارك الله فيك على كل ما قدمته من مجهود
هل بإمكانك أن تقدم لي *****؟؟؟

thnx ; i wish u a good luck :)

[قلم : داعية]

شوف درك يحظروك احذف ال***** نتاعك

راني درك نضيفك عندي

[أم محمد العربية]

بارك الله فيك أخي لقد استفدت كثيرا من مشاركاتك .ففي هذا المجتمع لا يوجد من ينصحنا .كثر الله من أمثالك

[أم محمد العربية]

السلام عليكم...... أخي إلى حد الآن لم أعرف كيف أدرس مادة الفلسفة .فهلا ساعدتني بارك الله فيك

[قلم : داعية]

بارك الله فيك أخي لقد استفدت كثيرا من مشاركاتك .ففي هذا المجتمع لا يوجد من ينصحنا .كثر الله من أمثالك

السلام عليكم

شكرا اختي ان شاء الله تستفيدي منا ونستفيد منك

لاتحرمينا جديدك

موفقة في شهادة البكالوريا

[أم محمد العربية]

من فضلك أريد مساعدة في مادة الفلسفة

[قلم : داعية]

من فضلك أريد مساعدة في مادة الفلسفة


السلام عليكم

اختي اانا علمي واراجع الفليفة كما يلي

في اليوم المحدد لها حيب البرنامج السابق

اولا يوجد 4 مقالات

مقارنة + جدلية + استقصاء بالرفع واستقصاء بالوضع

اولا لازم عليك تعرفي طريقة كل مقارنة وتحفظيها

ثانيا احفظي الاشياء لي تحفظ من الكراس الاشياء المهمة فقط

ثالثا شوفي وش يقلك الاستاذ وركزي معاه مليح في القسم التركيز مهم

رابعا انا هذي هي طريقة في المراجعة وتزتلزم الصبر والالتزام

موفقة في شهادة البكالوريا

والله اعلم

[أم محمد العربية]

شكرا جزيلا

[romioo]

السلام عليكم ،،
انا لا اريد ارهاق نفسي من الآن ،، ادرس عاديا و اراجع كل ليلة ما درست في اليوم
و احضر ما ادرس غذا ،، كما كنت ادرس في الاعوام السابقة ...
بالنسبة للحفظ ،، اتركه للعطلتين الشتوية و الربيعية ..

و ارى انك اذا اتبعت هذا البرنامج ستجد نفسك في منتصف العام غير قادر على المواصلة
فعليه، نصيحتي لك اخي الا ترهق نفسك .. دع لها مجالا ولو بيوم واحد راحة
كيف تدرس في المدرسة 8 ساعات و ترجع للبيت دراسة في دراسة ..
"و الله بزاااااااااف "
و ان شاء الله ربي يوفقنا و اياكم

[ميس الجزائر]

و عليكم السلام اختي

اولا اذا كنتي حابة تجيبي الباك ب 18

لازم عليكم ما تحكيش على برنامج نتاعك لصحاباتك

راكي عارف بلاك يحسدوك او تصيبك عين لقدر الله

من الافضل اذا سقساوك تجاوبيهم بالتي هي احسن

2/ اذا وضعتي احسن برنامج لازم عليك

الالتزام و الصبر

3/ لازم عليك تنامي على الاقل 8 سا

4/ انا شخصيا نراجع يوم السبت والجمعة

من 7 نتاع الصباح حتى 11 ليلا

وباقي الايام راهي في البرنامج السابق

ونوض مع الفجر

وكذلك مانيش نقرا في الدروس الخصوصي


وعندي كل 2 سا اخذ 15 دقيقة راحة

وماتنسايش الدعاء لي هو سلاحنا

موفقة في شهادة البكالوريا ان شاء الله

علاه خويا منحكيش لصحباتي مكة ربي يحميها عمري مخفت من لحسد على خاطر علبلي بلي لن يصيبنا الا ماكتب الله لنا
ربي ينجحك بالمعدل الي تتمناه

[ميس الجزائر]

السلام عليكم ،،
انا لا اريد ارهاق نفسي من الآن ،، ادرس عاديا و اراجع كل ليلة ما درست في اليوم
و احضر ما ادرس غذا ،، كما كنت ادرس في الاعوام السابقة ...
بالنسبة للحفظ ،، اتركه للعطلتين الشتوية و الربيعية ..

و ارى انك اذا اتبعت هذا البرنامج ستجد نفسك في منتصف العام غير قادر على المواصلة
فعليه، نصيحتي لك اخي الا ترهق نفسك .. دع لها مجالا ولو بيوم واحد راحة
كيف تدرس في المدرسة 8 ساعات و ترجع للبيت دراسة في دراسة ..
"و الله بزاااااااااف "
و ان شاء الله ربي يوفقنا و اياكم

اختي والتمارين وقتاش تحليهم

[قلم : داعية]

السلام عليكم ،،
انا لا اريد ارهاق نفسي من الآن ،، ادرس عاديا و اراجع كل ليلة ما درست في اليوم
و احضر ما ادرس غذا ،، كما كنت ادرس في الاعوام السابقة ...
بالنسبة للحفظ ،، اتركه للعطلتين الشتوية و الربيعية ..

و ارى انك اذا اتبعت هذا البرنامج ستجد نفسك في منتصف العام غير قادر على المواصلة
فعليه، نصيحتي لك اخي الا ترهق نفسك .. دع لها مجالا ولو بيوم واحد راحة
كيف تدرس في المدرسة 8 ساعات و ترجع للبيت دراسة في دراسة ..
"و الله بزاااااااااف "
و ان شاء الله ربي يوفقنا و اياكم

السلام عليكم

شكرا اختي اظنك انك ارافتي لحالتي

فلا تقلقي فهذا البرنامج مدروس

وابسط مثال على ذلك صديقي الذي تحصلت العام الماضي ب 15.96

اما بالنسبة للراحة فانا ااخذ قيلولة من 12.40 الى 13.20

وبين كل 2 سا اخذ 15 دقيقة راحة

والراحة الحقيقية بعد الباك

موفقة في شهادة البكالوريا

[قلم : داعية]

علاه خويا منحكيش لصحباتي مكة ربي يحميها عمري مخفت من لحسد على خاطر علبلي بلي لن يصيبنا الا ماكتب الله لنا
ربي ينجحك بالمعدل الي تتمناه

السلام عليكم

صحيح لن يصيينا الا ماكتب الله لنا

لكن العين تسبق القدر

[سارق القلوب]

ممكن تعاونوني راني علوم تجريبية وراني حاير بزاف في المراجعة
مع العلم اني نقرى الدروس الخصوصية السبت و الجمعة و الثلاثاء لعشية
فهل يمكن تساعدوني بليييييز

[zaki-93]

جزاك الله خيرا

[douniazed_setif]

يعطيك الصحة يا أخي mohmaster91 والله 10000000 تحية ليك نصائح قمة و برنامجك هايل واصل وسوف تنجح بمعدل يكسر حاجز طموحاتك
بالنسبة ليا أنا مترشحة حرة + ديتباك 2010 ب11.02 وياريت ماديت و الله راني نقرا في الجامعة td é tp يومين في السمانة نهار صب ا ح ولوخر لعشيا الوقت عاد عندي و في المراجعة تاعي قريب نخلص دروس ت/ا كامل و شوي مصطلحات و حالة تمارين الكتاب المدرسي للوحدة1 و2 في الفيزياء + تمارين ليكور ندير غير الفيزياء و الرياضيات ثاني حالتهم كامل حتى لنهاية تمارين الاشتقاقية العلوم مدايرة و1 و الباقي و الله ماطليت عليهم نقول الحمد الله بصح هذا برنامج مش منظم حابة نظمروحي و خاصة كي وليت قاعدة 4 أيام في الدار ان شاء الله تعاونوني فيه بالتوفيق ليكم و لينا....................سلام في انتظار الرد

[اسوومة]

بارك الله فيك

[قلم : داعية]

ممكن تعاونوني راني علوم تجريبية وراني حاير بزاف في المراجعة
مع العلم اني نقرى الدروس الخصوصية السبت و الجمعة و الثلاثاء لعشية
فهل يمكن تساعدوني بليييييز

السلام عليكم
كيف استطيع مساعدتك
اظن انه لا توجد عندك اي مشكلة في المواد
لانك تدرس فس الدروس الخصوصية
اما اذا كنت لم تستفيد من الدروس الخصوصية فهناك لي راي اخر
اما بالنسبة للبرنامج فلا يوجد عندي برنامج اخر خاص بالعلمين سوى البرنامج السابق
موفق في شهادة البكالوريا

[سارق القلوب]

يا اخي كي نقرى الدروس الخصوصية نتعب و ما نرجعش المواد الاخرى اي الادبية
و نقصت طاقة الاستعاب لدي و لم استطع تنظيم وقتي فهل لديك و لو فكرة بسيطة
مشكور

[قلم : داعية]

السلام عليكم
انا شخصيا لا استعمل الدروس الخصوصية
لانها تاخذ اوقات من وقتي
لكن بالنسبة لك مثل يوم الجمعة والسبت تستطيع استغلال وقت فراعك في المواد الاديبة
وننصحك ماتقراش بالمورال او تقل اني فاشل فلاتترك الياس يتسلل الى قلبك
او انشاء في هذاه الايام راني نحضر في همسات لطلاب البكالوريا

فنا اهديك بعض منها
..................................
خليك ايجابى وغير حياتك
---------------------------
اذا اردت الفوز .....
فلابد من الفشل...
فان الفشل يعطيك مقومات النجاح.....
----------------------------
ولابد ان تتعلم من اخطائك الماضية.......
لكى تتفادها فى المرات القادمه...
-----------------------------

[قلم : داعية]

يعطيك الصحة يا أخي mohmaster91 والله 10000000 تحية ليك نصائح قمة و برنامجك هايل واصل وسوف تنجح بمعدل يكسر حاجز طموحاتك
بالنسبة ليا أنا مترشحة حرة + ديتباك 2010 ب11.02 وياريت ماديت و الله راني نقرا في الجامعة td é tp يومين في السمانة نهار صب ا ح ولوخر لعشيا الوقت عاد عندي و في المراجعة تاعي قريب نخلص دروس ت/ا كامل و شوي مصطلحات و حالة تمارين الكتاب المدرسي للوحدة1 و2 في الفيزياء + تمارين ليكور ندير غير الفيزياء و الرياضيات ثاني حالتهم كامل حتى لنهاية تمارين الاشتقاقية العلوم مدايرة و1 و الباقي و الله ماطليت عليهم نقول الحمد الله بصح هذا برنامج مش منظم حابة نظمروحي و خاصة كي وليت قاعدة 4 أيام في الدار ان شاء الله تعاونوني فيه بالتوفيق ليكم و لينا....................سلام في انتظار الرد

السلام عليكم

اانا لم ماذا تقصدي بالضبط

ممكن تعيدي طرح السؤال مرة اخرى

[قلم : داعية]

شكرا جزيلا

السلام عليكم

عفوا اختي

موفقة في شهادة البكالوريا ان شاء الله

[قلم : داعية]

جزاك الله خيرا

السلام عليكم

شكرا اخي ولك بالمثل ان شاء الله

موفق في شهادة البكالوريا ان شاء الله

[قلم : داعية]

بارك الله فيك

السلام عليكم

شكرا اختي ولك بالمثل ان شاء الله

موفقة في شهادة البكالوريا ا نشاء الله

[سارق القلوب]

شكرا اخي ممكن تعطيني ***** نتاعك حاب نتحاور معاك ...ممكن

[douniazed_setif]

السلام عليكم

اانا لم ماذا تقصدي بالضبط

ممكن تعيدي طرح السؤال مرة اخرى
و عليكم السلام سؤالي هو ادا تقدرو تعاونوني لتنظيم برنامجي وخاصة كي عجبني التنظيم تاعك
أكيد ادا كنت تقدر انت أو باقي الأعضاء و شكرا

[douniazed_setif]

و أنا أريد ايميلك لأنو ماعنديش ال***** ادا لم يكن هناك مانع أخي الكريم و وبالتوفيق للجميييييييييع

[قلم : داعية]

السلام عليكم

يانسة بالنسبة للبرنامج اعلمي انك لو وضعت احسن برنامج فيجب عليك ان تلتزمي به

فانا انصحك بحل الدورات واذا استطعتي ان تعطيني توقيت فراغك

اما بالنسبة اذا احتجت الى نقاش في اي تمرين فسوف اساعدد ك قدر المستطاع

[عاشقة الدراسة]

والله حااااااااااااابة ميتة على القراية مي كنت نظااااام قديم وماديتهاااااااش وكرهت كلش وعاهدت نفسي هدا العام ندرس الجديد وحدي في الداااااااار وعلى نكره حاااااجة اسمها الدعم وراني جبت كتب مي كراريس معندييييش ممكن تساعدني
وتعطيني نصيحة ونقدر نقراااااااغير بالكتب مع اني اطلعت على الجديد ولباس غير الرموووووووز الي مقلقتني
شكرااااا على الموضووع وربي يعطييييييييك ويعطينا مانتمنوااااااااااااااااااااااااااا

[قلم : داعية]

شكرا اخي ممكن تعطيني ***** نتاعك حاب نتحاور معاك ...ممكن

السلام عليكم

يااخي راني خايف لاتسرقلي قلبي ههه

غير نتمسخر فكر شويا راك تعرف ال***** نتاعي

[asma1856]

جزاك الله الف خير و انجحك في حياتك

[djam-27]

شكرا على هاذا البرنامج بصح انا كل ما نجي نقرا المواد الادبية نكره و نروح للمواد العلمية

[سارق القلوب]

السلام عليكم

يااخي راني خايف لاتسرقلي قلبي ههه

غير نتمسخر فكر شويا راك تعرف ال***** نتاعي

جابلي ربي انوا ال***** نتاعك هو الاسم ولا راني غالط

[koukou9260]

المشكلة مش في تنظيم الوقت
لالالالالا المشكلة في كيفية تطبيق البرنامج
صحيح
اذا كان الواحد يمل فييييييييييييييسع
وش يدير في رايكم؟؟؟
انا دايرة طريقة جديدة و ما شفت حتى واحد مطبقها هنا











تحبو نقولها و لى مكلاه؟؟؟
انتم احرار
هي تنفع ايضا
ربي يجيبها زينة

[قلم : داعية]

المشكلة مش في تنظيم الوقت
لالالالالا المشكلة في كيفية تطبيق البرنامج
صحيح
اذا كان الواحد يمل فييييييييييييييسع
وش يدير في رايكم؟؟؟
انا دايرة طريقة جديدة و ما شفت حتى واحد مطبقها هنا











تحبو نقولها و لى مكلاه؟؟؟
انتم احرار
هي تنفع ايضا
ربي يجيبها زينة


السلام عليكم

تقدري تقولينا وش هي طريقتك الجديدة

[nassima18]

ربي اوفقنا كامل

[nabil5000ci]

شكرا الاخ جزيل الشكر على البرنامج عندي مدة وانا نحوس على برنامج يساعدني وان شاء الله نتجاوب مع هذا البرنامج ويكون مليح وان شاء الله نحاول اني نصبر و نطبق ونلتزم بالبرنامج كنت حاب نلقى واحد عندو برنامج ومجربو ويرشدني اذا خرج عليه بصح عندي اشكال؟ ساعات نقول الليلة هذه ندير هذيك المادة تطلع عندي واجبات اخرى لاومها تتقدم من غدوة هكا يفسدلي البرنامج ما العمل ارشدوني وجزاك الله خيرا

[douniazed_setif]

السلام عليكم

يانسة بالنسبة للبرنامج اعلمي انك لو وضعت احسن برنامج فيجب عليك ان تلتزمي به

فانا انصحك بحل الدورات واذا استطعتي ان تعطيني توقيت فراغك

اما بالنسبة اذا احتجت الى نقاش في اي تمرين فسوف اساعدد ك قدر المستطاع
:dj_17: لاداعي لأن أتعبك معي شكرا على النصيحة و جزاك الله 1000 خير

[douniazed_setif]

المشكلة مش في تنظيم الوقت
لالالالالا المشكلة في كيفية تطبيق البرنامج
صحيح
اذا كان الواحد يمل فييييييييييييييسع
وش يدير في رايكم؟؟؟
انا دايرة طريقة جديدة و ما شفت حتى واحد مطبقها هنا









تحبو نقولها و لى مكلاه؟؟؟
انتم احرار
هي تنفع ايضا
ربي يجيبها زينة

:dj_17: الأخت b1 suuuuuuuuuuuuuuuuuuuuuuuure نحبو تحطيهلنا و شكرااااااااااااااا

[قلم : داعية]

:dj_17: لاداعي لأن أتعبك معي شكرا على النصيحة و جزاك الله 1000 خير


السلام عليكم

عفوا بااختي اظن انك لم تفهميني من قبل

انا درك مانلعبهالكش مدين

لكن لا اريد ان اخالف فوانين المنتدى

ثانيا انا متاكد اننا لو تعارفنا على بعضنا

اننا لن نتابدل الافكار في المراجعة فانا انصحك

انا تدرجي اي مشكل هنا في المنتدى افضل

موفقة في شهادة البكالوريا ان شاء الله

[douniazed_setif]

السلام عليكم

عفوا بااختي اظن انك لم تفهميني من قبل

انا درك مانلعبهالكش مدين

لكن لا اريد ان اخالف فوانين المنتدى

ثانيا انا متاكد اننا لو تعارفنا على بعضنا

اننا لن نتابدل الافكار في المراجعة فانا انصحك

انا تدرجي اي مشكل هنا في المنتدى افضل

موفقة في شهادة البكالوريا ان شاء الله
ايه ممكن خويا و أكيد اداكان كاين مشكل نطرحو و انت ثاني ربي يوفقك

[koukou9260]

برناااااااااااااامجي بسيط جد
هو مش برنامج تلتزم بيه لالالالالالالا ابدا و ما يتعب حتى واحد و رووووعة
انا دايرة قصاصات اوراق يعني دايرة اوراق بشكل مستطيلات كبيرة شوي و كاتبة فيها الايام من السبت لغاية الجمعة
و مثلا اليوم راني : الاحد و غدوى الاثنين نكتب في الورقة الخاصة بالاثنين وش رايح ندير غدوى يعني عندي اليوم من 8 الى غاية 5 دراسة ساعة راحة و من بعد مراجعة مواد ادبية (مادتين) فقط و ممكن لغات ايضا على حسب وش عندك
مثلا اليوم عندي الثلاثاء و غدا الاربعاء و يوم الخميس عندي فرض ندير اليوم وش كان لازم ندير نهار الاربعاء و نختصر في كلش باش يوم الاربعاء نتفرغ لمراجعة و تحضير وش كاين فرض
و ثاني حاجة ثانية لو كان عندك عرضة حاجة جديدة و عارف انت قبل دير كلش قبل و تلقى روحك مش خاسر في لافير قع
و تحبو نجيبلكم صور من القصاصات و شكلها
و *****
koukou9260
للي حاب يتاكد و المراجعة الجماعية
شكرا على التفاعل معي

[koukou9260]

انتظر رأيكم و حكمكم على برنامجي المتواضع

[constantinoise]

Ana Mazal manich na9ra fe darrrrrrrr sa3aaaaaaaaaaaaat win nakra meme pas sa3a noughlab!!!! wnroh nourgad!! e

mé lwa9t trooooooop chargé makanch khlass le vide


koul youm na9raw me 8 le 4:30 nji te3bana noug3ad m3a net

be Tlat la3cheya na9raw hatta le 3:30

Be jem3a les cours me 8h le 12 w me 1 le 4

Be sabt Les cours Mel 10 le 12

wektah rah na9ra nji fatiguééééééééé khlah


Dabrou 3liya kifah ndir

[القارئ الجزائري]

انتبه ياكاتب الموضوع الى الاخطاء الاملائية فكرتك لرائعة شكرا لتذكير الغافلين بها

[brahimzadi]

بارك الله فيك ياأختي و فقني الله وإياكم

[hichame406]

انا نقولك حاجة الله ينجحك في الباك على هذه النصائح بصح انا شعبة ادب و فلسفة كيفاش ندير

[اسعى لرضى الله]

صح خويا عندك الحق , كيعاد دك والله ميحسو تجيهم نورمال ويقولو نورمال لا مديناش لعام الجاي انا نقراو مي كي يعاودو يحسو

وانا ثاني يا خويا خسرت لباك من التمسخير تاع النت ومنقراش


يمالا اقراو خيرلكم

[miss-angelina]

السلام عليكم
راني نشوف الناس راها مهولة
صح الوقت راهو ماكاش
لكن هادي ماكاش منها
هادا هو التحدي تاعنا لازم نعرفة كيفاش نتثمرو الوقت اللي عدنا
انا متلا
ديما نخرج على 5
حتى 7 راحة فيها نصلي ناكل ونكونيكتي نريح بالي مليح
في ساعة ونس نشوف واش عدنا من المواد الاخرى ونراجع فيها مادة علمية من واش يبقى حتى 10
نرقد نود الصباح على 4
ندور فيها شويا ونراجع مادة علمية بحيت
مع الليل متلا نراجع رياضيات مع الصباح فيزياء اليوم التاني علوم و رياضبات التالت فيزياء وعلوم
هكدا ناطي كلمادة حقها
ايه التلاتاؤ مع العشيا فيها دروس والسبت تاني
عندك الخميس نراجع فيه كلش معليش نسهر لانو نهار التالي جمعة نود على 7 نراجع شويا نولي نرقد والعشيا كل مرة وكيفاش مرات نحفظ المصطلحات ومرات نحفط الشريعة
وماش نحفظ كلش يعني هادا هو البرنامج ديالي مقسمة الوقت بين المواد العلمية وحتى الادبية ونريح تاني مين داك
وعفسة درتها باش نحفط المصطاحات هي درتهم في mp4 هكدا باش نسمعهم ديما
نديرو اللي علينا والباقي على ربي
وغير الباك اللي جايبينو

[أمنية الجزائر]

أنا مترشحة حرة لبكالوريا 2011 شعبة علوم تجريبية ، نقرا هندسة معمارية في كلية قسنطينة ، حابة تعاونوني باه ندير برنامج لروحي كيفاه نوفق بين الجامعة و الباك ، مع العلم أنني نقرا ليامات كامل و ماعندي غير الجمعة و السبت فارغين؟؟؟؟؟؟؟؟؟؟؟

[بلقاسمي1991]

الله يبارك فيكم إخوتي وإلتزمو الصمت في المراجعة وطريقتها

[قلم : داعية]

ربي اوفقنا كامل


اللهم امين

[قلم : داعية]

[QUOTE=miss-angelina;4292785]السلام عليكم
راني نشوف الناس راها مهولة
صح الوقت راهو ماكاش
لكن هادي ماكاش منها
هادا هو التحدي تاعنا لازم نعرفة كيفاش نتثمرو الوقت اللي عدنا
انا متلا
ديما نخرج على 5
حتى 7 راحة فيها نصلي ناكل ونكونيكتي نريح بالي مليح
في ساعة ونس نشوف واش عدنا من المواد الاخرى ونراجع فيها مادة علمية من واش يبقى حتى 10
نرقد نود الصباح على 4
ندور فيها شويا ونراجع مادة علمية بحيت
مع الليل متلا نراجع رياضيات مع الصباح فيزياء اليوم التاني علوم و رياضبات التالت فيزياء وعلوم
هكدا ناطي كلمادة حقها
ايه التلاتاؤ مع العشيا فيها دروس والسبت تاني
عندك الخميس نراجع فيه كلش معليش نسهر لانو نهار التالي جمعة نود على 7 نراجع شويا نولي نرقد والعشيا كل مرة وكيفاش مرات نحفظ المصطلحات ومرات نحفط الشريعة
وماش نحفظ كلش يعني هادا هو البرنامج ديالي مقسمة الوقت بين المواد العلمية وحتى الادبية ونريح تاني مين داك
وعفسة درتها باش نحفط المصطاحات هي درتهم في mp4 هكدا باش نسمعهم ديما
نديرو اللي علينا والباقي على ربي
وغير الباك اللي جايبينو[/QUOTE

شكرا اختي

توقيعك رائع

[روح القدس]

شكرااااااااااااااااااااااااااااااااااااااااااااااا ا نجربو ونردلك بالخبر

[ZINOU 28]

merci khoya

[DàRҚ_ǤЦRĿ]

انا بصراحة لحد الان لم احفظ اي درس و لم احل اي تمرين انا متهاونة كثيرة كل يوم نقول يوم غدوى اليوم غدوى و هي رايحة... نجي تعبانة من ليسي و زيد ليكور و قتي في النت و التلفزيون.. وهدا بسبب ضعفي و تهاوني و عدم ثقتي بنفسي و مللي.....
الحاجة اللي نطلبها دعولي ربي يصل بالي و يقوني على المراجعة.
و ساتبع هدا البرنامج لنه يناسبني.
شكرا لكم

[عاشق الصمت]

شكرا أخي إن شاء الله ننجحوا كامل

[salam92]

شكرا أخي على النصائح شكرا لك ان شاء الله ربي ينجحنا و يوفقنا كامل

[slim1990]

جزاك الله خيرا
ساحاول ان اجعل جدول للمراجعة:19:

[H-M-L]

حاولت ماقدرتش صاحبي علوم فيزيا رياضيات اكلت الاخضر واليابس

[الانيق 1991]

ربي يوفقكم لانكم تعنون من القلق لاني ممررة بها اه من ايام البك

[ابيض القلب]

جزاك الله خيرا

[arije92]

انا تخطو رايي خليكم من قرايت الصيف ريحوا قد ما تقدرو في الصيف وراهوا جاي العام طويل وعريض اقراو فيه ابداو من اول العام برك هاني انا جبت 16.38 علوم تجريبية وما قريتش في الصيف بالعكس ريحت روحي قد ما نقدر باش ندخل مريحة مورالمو خير من تبدى الباك قدام وقتو وزيد يلحق نص العام تفشلوا ادا بديتوا من دوكا

[Mohamed Anés]

أخي جزاك الله خيرا على هده النصائ و أدعو الله أن ييسر لك في مراجعتك و تحضيراتك للبكلوريا و لجميع اخواننا الدين سيجتازون البكلوريا.
يا أخي هل بامكانك تتحفنا بتجربتك و ما هو البرنامج الدي سأتبعه في رمضان و في أيام الدراسة و مايجب علي أن أركز عليه في رمضان لأعوض نقصي في المواد العلمية و خاصةا الأدبية .
و الله لا يضيع أجر من عمل حسنا و أدعو الله أن ينجحك في البكلوريا و يجعلك تعمل أمالا صالحتا تدخلك الفردوس الأعلى و تنجيك من جهنم و عداب القبر.

[قلم : داعية]

السلام عليكم

اللهم امين

موفقون في شهادة البكالوريا ان شاء الله

[cànstontino]

وكيف يعني ما نخدموش غير قراية انا برنامج تاعي كالتالي العام كله عمل نجيب دراهم تبقى اسبوع الاخير اراجع تمرين رياضيات واقراء العلوم مرة واحدة فقط والعرببية لا انظر لها مطلقا ومعدلها سهل بدون نظر للكراس مضمون معدل ان شاء الله والانحليزي كدلك وهو صراحة لم تبقى دراسة الان يعني مثل بعض بوزيد خلط الدنيا في بعضاها اواصبح المستوى ضعيف جدا جدا والكل ينهب الاساتدة تفكر في المال فقط و الاولاد كلهم في اللهو يمرحون وهكدا دواليك يعني لما تنظر لي موضوع يكفي شهر دراسة فقط ومع بن بوزيد سينحط تعليم في الجزائر اكثر

[ayoub21 rm]

مشكووووووووووووووور