يا جماعة لدي سؤال مهم جدا في الفيزياء

[✗ ┋ وَړْﮃَةُ آلـﭴَزآئـړْ ┋ ✗]

السلام عليكم ورحمة الله تعالى وبركاته

طبعا كامل قريتا درس السرعات في الفيزياء في الوحدة الأولى لأن الجميع الآن دخلو الوحدة الثانية الآن

سؤال في الوحدة الأولى حول السرعات

قرينا قوانينهم نورمال في سرعة تشكل نوع كيميائي وسرعة اختفاء نوع كيميائي وسرعة التفاعل
ولقينا فيهم السرعة المتوسطة والسرعة اللحظية والسرعة الحجمية وكتبنا السرعة الحجمية بدلالة التركيز وكتبنا قوانينهم
أنا غابتلي ف ليكور ( بالمناسبة أستاذ ليكور في القمة عندو مدة وهو يقري وماكانش اللي قرا عندو وجاب تحت المعدل في الباك)
قالنا باللي في العلاقات هاذو كي يكون عنصر في المعادلة عندو عدد ستكيومتري نضربو العلاقة في 1 على العدد الستكيومتري يعني ترجع العلاقة هكذا مثلا نعتبرو عندنا عدد ستكيومتري 3

V= 1/3 *1/v* dn/dt

يعني السرعة تساوي واحد على العدد الستكيومتري في مقلوب الحجم في مشتق كمية امادة على مشتق الزمن

ونفس الشيء في باقي العلاقات ماعدا في سرعة التفاعل اللي تكون بدلالة x

ضرك أنا غابتلي كاعاد الأستاذة في القسم ما هدرتلناش خلاص على هاذ الشيء وما لقيتش الفرصة باش نسقسيها وأنا حبيت نسقسيكم هل فعلا كاينة منها هاذي وهكذا قريتوها ولا لالا؟؟

[sba_seddik]

ايه حنا تاني
استاد القسم ما دارهالناش لكن في ليكور قالهانا

[نسمة النجاح]

نعم أختي حنا قريناها وقرينا كيفاه جبدناها

اذا حبيتي تستناي شوية نسكانيهولك

[اميرة]

ويييييي حتى حنا قالهالنا استاذ ليكور تاعنا مي الاستاذة تع الكلاصا ماقالتهالناش
قولولي واش راكم فاهمين من النووي

[✗ ┋ وَړْﮃَةُ آلـﭴَزآئـړْ ┋ ✗]

ايه حنا تاني
استاد القسم ما دارهالناش لكن في ليكور قالهانا

شكرا لك أختي على التوضيح

[sba_seddik]

النووي رانا عادا مع الدروس الاولى

[✗ ┋ وَړْﮃَةُ آلـﭴَزآئـړْ ┋ ✗]

نعم أختي حنا قريناها وقرينا كيفاه جبدناها

اذا حبيتي تستناي شوية نسكانيهولك



شكرا أختي ربي يعيشك راني نستنى

[✗ ┋ وَړْﮃَةُ آلـﭴَزآئـړْ ┋ ✗]

ويييييي حتى حنا قالهالنا استاذ ليكور تاعنا مي الاستاذة تع الكلاصا ماقالتهالناش
قولولي واش راكم فاهمين من النووي

الكلاسة رانا لا علاقة الأستاذة راهي تجري وحنا ما فهمنا والو لولا أستاذ ليكور راني في خبر كان والمصيبة الكبرى دخلنا التناقص الاشعاعي اللي فيه الدوال الأسية واللوغارتمية وحنا مازال حتى ما قريناهاش في الرياضيات

[نسمة النجاح]

ها هو واش درنا الطريقة من المفروض مفهومة


ان شاء الله يكون واش قصدتي

http://dc12.arabsh.com/i/02195/hjx1xwqmclmy.jpg

[✗ ┋ وَړْﮃَةُ آلـﭴَزآئـړْ ┋ ✗]

النووي رانا عادا مع الدروس الاولى

حنا رانا قريب نخلصو الوحدة الثانية الأستاذ راهي طيارة لكان كملنا هكذا المقرر كامل نخلصوه في الثلاثي الأول

[امونة28]

حنا ماقالناش عليها
ضرك نهار الاثنين نسقسي الاستاذ عليها

[امونة28]

وحتى في الباك حلينا السيجيات كامل بصح ما كانش العفسة هذي

[اميرة]

الكلاسة رانا لا علاقة الأستاذة راهي تجري وحنا ما فهمنا والو لولا أستاذ ليكور راني في خبر كان والمصيبة الكبرى دخلنا التناقص الاشعاعي اللي فيه الدوال الأسية واللوغارتمية وحنا مازال حتى ما قريناهاش في الرياضيات

راكم كيما حنايا انا راني عندها والو نقعد كي لحجرة
وزيد مرة تدخل تبكي عينيها حمورة عجوزتها دايرة فيها حالة هههههه

[اميرة]

فاااش نستحقوها نقدرو نحلو التمرين بلا بيهاااااا؟؟؟؟

[sba_seddik]

يا ختي وردة انتم على الاقل تفهموا
حنا لا فهامة لا والو
أقل حاجة تفهم أبسط الامور في القسم و الباقي في ليكور لكن حنا عندنا أستاد مهبول للاسف

[✗ ┋ وَړْﮃَةُ آلـﭴَزآئـړْ ┋ ✗]

ها هو واش درنا الطريقة من المفروض مفهومة


ان شاء الله يكون واش قصدتي

http://dc12.arabsh.com/i/02195/hjx1xwqmclmy.jpg

بارك الله فيك أختاه وجعله في ميزان حسناتك ووفقك في البكالوريا

[نسمة النجاح]

فاااش نستحقوها نقدرو نحلو التمرين بلا بيهاااااا؟؟؟؟

تقدري تعملي بيها اذا كان عندك
سرعة التفاعل وتحوسي على سرعة اختفاء متفاعل او تشكل ناتج
تجبديها مباشرة من المعادلة دون اللجوء الى المنحنى أو الى جدول التقدم

وكذلك بالنسبة اذا كانت عندك سرعة تشكل ناتج او اختفاء متفاعل وتجبدي بيها سرعة التفاعل

[نسمة النجاح]

بارك الله فيك أختاه وجعله في ميزان حسناتك ووفقك في البكالوريا

وفيك بارك الله اختي

وفقك الله وايانا

[✗ ┋ وَړْﮃَةُ آلـﭴَزآئـړْ ┋ ✗]

تقدري تعملي بيها اذا كان عندك
سرعة التفاعل وتحوسي على سرعة اختفاء متفاعل او تشكل ناتج
تجبديها مباشرة من المعادلة دون اللجوء الى المنحنى أو الى جدول التقدم

وكذلك بالنسبة اذا كانت عندك سرعة تشكل ناتج او اختفاء متفاعل وتجبدي بيها سرعة التفاعل

يعني هذه العلاقة نستخدموها برك كي ما يمدلناش منحنى بياني؟؟؟
يعني كي يكون عندنا منحنى ما نضربوش في مقلوب العدد السكيومتري نخرجو كلش من المنحنى؟؟؟؟

[اميرة]

شكراااااااا ليك نسمة نجاح ووردة

[نسمة النجاح]

يعني هذه العلاقة نستخدموها برك كي ما يمدلناش منحنى بياني؟؟؟
يعني كي يكون عندنا منحنى ما نضربوش في مقلوب العدد السكيومتري نخرجو كلش من المنحنى؟؟؟؟

شوفي يقدر يمدلك المنحنى تاع التقدم ويقوللك خرجيلي سرعة انتهاء المتفاعل عند اللحظة t=... او سرعة تشكل ناتج

نتي بلا ماتروحي تديري جدول التقدم استعملي هاذ العلاقة فقط

ونفس الأمر بالنسبة اذا عطاك سرعة اختفاء متفاعل او تشكل ناتج ويقوللك اجبديلي سرعة التفاعل

أو يعطيك سرعة تشكل ناتج ويقوللك اجبديلي سرعة اختفاء متفاعل

[نسمة النجاح]

أختي تقدري تستخدمي العلاقة في التمرين الثامن عشر السؤال جـ

وكذلك التمرين الخامس عشر السؤال 5-جـ
وفي هاذ التمرين تقدري ماتديريش كامل جدول التقدم

[✗ ┋ وَړْﮃَةُ آلـﭴَزآئـړْ ┋ ✗]

شوفي يقدر يمدلك المنحنى تاع التقدم ويقوللك خرجيلي سرعة انتهاء المتفاعل عند اللحظة t=... او سرعة تشكل ناتج

نتي بلا ماتروحي تديري جدول التقدم استعملي هاذ العلاقة فقط

ونفس الأمر بالنسبة اذا عطاك سرعة اختفاء متفاعل او تشكل ناتج ويقوللك اجبديلي سرعة التفاعل

أو يعطيك سرعة تشكل ناتج ويقوللك اجبديلي سرعة اختفاء متفاعل

بارك الله فيك يا أختاه راح نتعبك معايا شوية

يعني كي يمدلنا المنحنى البياني الخاص باختفاء متفاعل أو تشكل ناتج ويقولك اجبد سرعة التفاعل في لحظة نرسمو المماس عادي ونستعملو القيم اللي في المنحنى بلا ما نقسموها على العدد الستكيومتري؟؟
يعني نستعملو العلاقة هاذي نورمال: v = 1/v * dn/dt

أو دايما لازم نقسمو على الاعداد الستكيومترية حتى كي يمدلنا المنحنى؟؟؟

[نسمة النجاح]

بارك الله فيك يا أختاه راح نتعبك معايا شوية

يعني كي يمدلنا المنحنى البياني الخاص باختفاء متفاعل أو تشكل ناتج ويقولك اجبد سرعة التفاعل في لحظة نرسمو المماس عادي ونستعملو القيم اللي في المنحنى بلا ما نقسموها على العدد الستكيومتري؟؟
يعني نستعملو العلاقة هاذي نورمال: v = 1/v * dn/dt

أو دايما لازم نقسمو على الاعداد الستكيومترية حتى كي يمدلنا المنحنى؟؟؟

ما تعبتيني ما والو اختي حتى انا راني نسترجع في المعلومات


شوفي كي يعطوك منحنى خاص باختفاء متفاعل ويقولولك اجبديلنا سرعة التفاعل

ديري المماس واحسبي سرعة اختفاء هذاك المتفاعل ثم كي تصيبيها.....نسموها مثلا V1

عوضي في العلاقة اللي راهي في التعميم اللي مديتهولك بـ V1 والمعامل الستوكيومتري تاع هذاك المتفاعل اللي حسبتي سرعتو....نقولو انو معامله هو 2

وبالتالي تولي العلاقة

V(t)=http://www.helperteam.com/cgi-bin/mimetex.cgi?\frac{1}{2}V1

[نسمة النجاح]

أختي وردة فهمتي او لا

؟؟؟؟؟؟؟؟

[ايمان15]

نحنا تاني قالهالنا مي قال غير مين نكتبوها بدلالة التركيز

[احساس2009]

شكرا لك على الشرح

[✗ ┋ وَړْﮃَةُ آلـﭴَزآئـړْ ┋ ✗]

أختي وردة فهمتي او لا

؟؟؟؟؟؟؟؟

شكرا أختي راني فهمت
بارك الله فيك