مادا فعلت لاعامل هكدا

[tatouha86]

[هادى القصة نتاع بنت خالتى المهم تمت الخطبة و كانت مدة 3سنوات لانه محطم ماديا تم تم الزواج بعد معاناة متلا كان يقوللها راكى خادعتنى و رانى غادى نبطل الزواج معاك المهم ساعفاته حتى تم الزواج وبعد عام قللها راكى مطلقة خاطرش دابزت معاه علا والو و قالت ماعليش و راحت طلبت السماح منه و لمعلوماتكم كى كان يتغبن تمدله الدهب نتاعها يبيعو و يسلك الدين و فى العام التالت كانت حامل ب طفلة المهم بنت خالتى ربحت على العائلة مدولهم سكنى و هو مدلو خاله 60 مليون باش يشرى سيارة المهم شرا السيارة و يرجع يخدم طاكسى بلاد تعرف على امراة عاملة يرجع يرفدها باطل و مرته ما علابالها بوالو سخفاته ب الدراهم خونا تبدل على مرته المهم مرته ولدت طفلة و تانى يوم ماتت خونا بعد 15 يوم من النفاس قال لمرته راكى مطلقة ب الثلاث بلا سبب مابغاتش تروح لدارهم خاطرش بايعا دهبها بلا علم امها قعدت تبكى و تحاول فيه باش ما يطلقهاش ما حبش المهم قاللها روحى ضيفا و غدوا نجى نديك بلعانى و فى هديك الليلة لايملها قشها هو و امه و اخته و طلقها وبعد اسبوع من الطلاق راح خطب الطفلة الخدامة و بطل عليها تم رجع لطليقته يبكى و قاللها سحرتنى المهم سامحته و تفاهمو يرجعو و بعد مدة خرجت هى و امها تشرى رسللها ميساج عايرها فيه و فاتها تانى بلا سبب و راه يمشى ويهدر فيها ب الكدب المهم هاد الناس تزوجو عن حب 6 سنين و لمعلوماتكم يتعاطى المخدرات اى الزطلة قدام امه باع السيارة ب 30 مليون باش يطلق بنت خالتى و هو شاريها ب50 ملين ارجوكم ادعو عليه هادا انسان ظالم و مازال يظلم حسبيا الله و نعم الوكيل ونسيتكم امه كانت تقوللها بنتى من بعد لى خطب الطفلا عيطت عايرت ما فهمنا والو سمحولى طولت عليكم:sdf:B][/B]

[couscousa]

بسم الله الرحمن الرحيم
دعاء المظلوم
(من دعا به في كل صباح لم يكن لأحد عليه سبيل)

وهو بسم الله الرحمن الرحيم ..بسم الله خير الأسماء, بسم الله الذي لايضر مع إسمه أذى,باسم الله الكافي ,باسم الله المعافي ,باسم الله الذي لايضر مع إسمه شيء في الأرض ولا في السماءوهو السميع العليم. باسم الله عل نفسي وديني باسم الله عل أهلي ومالي باسم الله على كل شيء أعطانيه ربي الله أكبر الله أكبر الله أكبر أعوذ بالله مما أخاف وأحذر . الله ربي ولا أشرك به شيئا عز جارك وجل ثناؤك وتقدست أسماؤك ولا إله غيرك اللهم إني أعوذ بك من شر كل جبار عنيدوشيطان مريد ومن شر قضاء السوء ومن شر كل دابة أنت آخذ بناصيتها إن ربي علىصراط مستقيم)
جبتو للفائدة

[نورة]

سلام : ياختى قولى لبنت خالتك ربى فكك من واحد يتعاطى مخدرات وخاصتا كى مكانش اولاد بيناتكم احمدى ربى وانسايه وربى يعوضك باحسن منو ان شاء الله

[alkhansaae]

السلام عليكم
وهذا راهي زعفانة عليه اصلا اخطات تدي واحد متعاطي المخدرات
وزيد غير من المعاملة نورمالمو هي ما تقبلش تبقى معاه وبعد هذا كامل تبني حياتها من جديد وربي يرزقها بما خير منو
ربي يفرج عليها ان شاء الله

[عُضو مُحترم]

و علاه هي تبغي واحد زطايلي

تستهل

[fatouma alg]

معليش اختي ادعيوله بالهداية وان شاء الله ربي العالمين يستجيب وهي ان شاء الله ربي يمدللها واحد كيما يحب خاطرها وخير من طليقها