يوميات فتاة جزائرية متجدد [الأرشيف] - الصفحة 3 - منتديات الجلفة لكل الجزائريين و العرب

نينا الجزائرية

2011-01-26, 13:12

السلام عليكم

مهم بزاف تكون علاقتك مع الله مليحة وتكوني صافية وضميرك مرتاح بصح مهم تان تكون علاقتك مع الناس وخاصة لي قراب ليك مليحة وعلى هذاك كنت مع كل لي درتو باش نقرب من الله محتاجة لشيئ اخر باش تكمل فرحتي وراحتي النفسية وهذا الشي كان هو قربي من الناس وخاصة اهلي و صحاباتي يعني اقرب الناس ليا ولي خلاني نتأكد اكثر من هذي الفكرة كي شفت برنامج تع مصطفى حسني وسمعتو يقول كيف لازم الانسان يعامل خلق الله بما يحب ان يعامله الله به وانو الواحد باش يكتمل ايمانو لازم يعيش وسط الناس ويتحمل اذاهم ويحاول يصلحهم بالتي هي احسن تعلمت منو بزاف حاجات وخلاني نرتاح اكثر ونلقى الحل لي بيه نرجع نكسب اهلي وصحاباتي ونعطيلهم صورة احسن عن الالتزام والملتزمين

بديت نتقرب من جديد من اختي ونحاول نتعامل معاها كيما كنت من قبل ومرة على مرة كي نكونو نتفرجو ندير شيخ من المشايخ لي نبغيهم ونخليها تشوف معايا ومع الوقت بدات توالف وعقلها يتقبل هذا المواعظ وتدريجيا بدات ماتشوفش المسلسلات ولا الافلام وبطلت حتى الغنا والمفاجاة الهايلة انها لبست الحجاب الشرعي فرحت بزاف بيها وولينا زوج في الدار يعني خيرمن كي كنت وحدي وكان بابا مسكين افضل مساند لينا واول حاجة درناها انا واختي طلبنا من بابا يمسح كامل القنوات تع الافلام والاغاني ويخلي برك قنوات الدينية والعامة لي مافيهاش حاجات مخلة بالحياء بصح وقتها ماوليناش نلقاو دايما واش نتفرجو خاصة واننا كنا في العطلة الصيفية وايام الصيف طويلة ومملة على هذاك بدينا نقراو الكتب الدينية لي كانت في مكتبة ابي وهو عمرو ما رفض يعطيلنا كتاب مع انو كانو بزاف عزاز عليه بصح كي حس انو رانا في الطريق الصحيح حب يعاونا وزاد اقترح علينا يدخل الانترنت وهذي كانت اجمل هدية من عند ابي الحنون

فرحت بزاف على خاطر من بكري كنت نتمنى تكون عندي انترنت في الدار واخيرا بابا قبل وهو من نفسو اقترح علينا ندخلوها وبعد شهر دخلنا الانترنت وكي العادة كان لازم نجتمعو كل افراد العائلة باش السيد بابا يحط الشروط والبنود لي لازم نقبلوها من الاول والشروط كانت هي اننا نستعملوها اولا في ما يرضي الله وللدراسة واذا تراجع مسوى الدراسي لاي واحد فينا ينحرم الجميع من الانترنت ويصنع توقيت لكل العائلة كل واحد عندو وقت محدد يقعد فيه وكي يخلاص وقتو ينوض ويخلي اللي بعدو وذا صرات مشاكل بينا نتعاقبو يوم كامل ننحرمو من الانترنت الشروط كانت واضحة ومحددة و قبلناها واحنا فرحانين انا في البداية كنت نقول ايه حتى بابا وماما وراهم دخلو معانا في التوقيت زعما اكيد ماراحش يقعدو بصح لقيت بلي كنت غالطة في حساباتي وكي يلحق وقت بابا او ماما نلقاهم واقفين على راسي ويستناو باش نوض

بعد العطلة الصيفية دخلت للجامعة في السنة الأخيرة ليا وهذا كان اكثر شيئ مفرحني يعني بقالي سنة وحدة ونودع الجامعة كل صحاباتي كانو يقولو رح نتوحشو الجامعة وياماتها الا انا لي كنت نعد في الايام باش نتهنى منها مع اني ماشفت فيها الا كل خير بصح ماعرفتش علاه حسيت روحي تعبت بزاف من القرايا ممكن لأني من وقت لي نعقل على روحي وانا نقرى يعني بعد 17 سنة دراسة الواحد من حقو يرتاح

علاقتي بصحاباتي كانت مزالها في توتر دائم وكان من الصعب ترجع المياه لمجاريها خاصة بعدما زاد التزامي والوحيدة لي كنت نحسها تتقبل فيا بالعقل هي فاطيمة رغم الاختلاف لي بيني وبينها كانت دايما تحافظ على هدوء اعصابها معايا وتعاملني بما يرضيني ومن وقت عرفت اني ماوليتش نسمع الغنا عمرها ما شعلت قدامي غنية بالعكس كي تكون تسمع وتشوفني جيت تطفيها على هذاك كنت دايما نقعد معاها اكثر شي مع انو بدات وجهات النظر تاعنا تختلف بصح كنت نلقى بعض المواضيع المشتركة لي نقدرو نحكو فيها ومع الوقت بدات تكون هي افضل صديقة ليا لأنها الوحيدة لي فهمتني وتقبلت التغير لي حدث في حياتي وساندتني ووقفت معايا زاد حبي ليها اكثر وحاولت دايما ننصحها بصح بلا مانظغط عليها ومع الوقت حسيتها بدات تبعد على الغنا والمسلسلات وبعدما خطبها هذاك لي كانت تحكي معاه في تلفون دارت حجاب فرحتلها بزاف وتمينت ربي يهنيها ويحفظها

في الدار كنا كلنا ماشيين على الاتفاق لي عقدناه مع بابا وانا اول حاجة درتها اني سجلت في منتديات اسلامية وبديت نبحث عن مواقع اسلامية وكل ماتغيبلي في فتوى او امر من امور الدين او حتى الدنيا نروح للانترنت وفي المواقع الاسلامية بديت نتعرف ونتعامل مع بنات ملتزمات ومتدينات وبدات تنشأ بيني وبينهم صداقة وعلاقة محبة واخوة في الله

وصلى اللهم وسلم على سيدنا محمد

نينا الجزائرية

2011-01-26, 13:15

merci bcp ma ninouch

الله يحفظك خدوش

نينا الجزائرية

2011-01-26, 13:16

merci...................

العفو شكرا لمرورك بلبلة

نينا الجزائرية

2011-01-26, 13:18

file:///f:/2.gif

merci a toi tu
déclare tout mes félicitation pour la fille du journal
et dieux accepte luis accepte sa ncha2 691*1060 image giflah

ربي يحفظك سوسو هي دايما تسال عليكم
وعندي لكم مفاجئة حححتتواصل يوميات فتاة جزائرية بعد الجامعة ورايحين تعيشو معها البطالة ثم العمل وحتي تتزوج وتولي عجوزة
يعني حياة كل جزائرية
سلام

fatouma alg

2011-01-26, 17:08

روووووووووووووووووووووووووووووعه
شكرا اختي
ننتظر الجديد

فراشة المحبة

2011-01-26, 17:34

في القمة ماشاء الله والله يوميات رائعة وفرحتيني بهادي المفاجأة .
ربي يحفظها ويوفقها لما يحب ويرضاه
الحمد لله مازال الخير في الكثير من فتيات الاسلام
والله صح نشوفو واحد عابث لاهي في الدنيا ناسي لأي وظيفة خلق قلوبنا تتقطع

ربي يهدي كل فتاة وكل فتى في كل ربوع العالم انشاء الله يارب

الوسيلة

2011-01-26, 17:57

راهي غير تزيد تحلى هذي اليوميات
ااااااااااااااواه مؤكد فيها ان هذي
راني نسنى في الجديد
نينا هل انت من الشلف؟

خدووجة

2011-01-26, 18:01

merciiiiiiiiiiiiiiiiiiiiiiiiiiii

نينا الجزائرية

2011-01-26, 18:19

روووووووووووووووووووووووووووووعه
شكرا اختي
ننتظر الجديد

مرورك لاروع
ان شاء الله عن قريب الجديد

نينا الجزائرية

2011-01-26, 18:21

نينا الجزائرية

2011-01-26, 18:21

راهي غير تزيد تحلى هذي اليوميات
ااااااااااااااواه مؤكد فيها ان هذي
راني نسنى في الجديد
نينا هل انت من الشلف؟

ان شاء الله عن قريب الجديد
لالا منيش من الشلف:)

نينا الجزائرية

2011-01-26, 18:22

merciiiiiiiiiiiiiiiiiiiiiiiiiiii

شكرال مرورك الوفي خدوووجة

جوهرة نفيسة

2011-01-26, 20:12

يوميات رووووووووووووووعة

وفقك الله يا نينا وو فق صاحبة اليوميات

ننتظر المزيد بكل شوق

سلالالالالالالالالام

ماجيك بوقرة

2011-01-26, 23:54

مشاء الله
ربي يبارك فيها و يوفقها للخير
و يحفظك أنتي تانى ختي نينا رانا هبلناك
انا بعد الغياب قريت كامل التكلمة دربة وحدة مشاء الله رائعة
نحن في الانتظار

نينا الجزائرية

2011-01-27, 08:46

يوميات رووووووووووووووعة

وفقك الله يا نينا وو فق صاحبة اليوميات

ننتظر المزيد بكل شوق

سلالالالالالالالالام

اللهم امين اختي ربي يحفظك ويفقك انتي تاني

نينا الجزائرية

2011-01-27, 08:47

مشاء الله
ربي يبارك فيها و يوفقها للخير
و يحفظك أنتي تانى ختي نينا رانا هبلناك
انا بعد الغياب قريت كامل التكلمة دربة وحدة مشاء الله رائعة
نحن في الانتظار

اهلا بيك اختي واهلا بعودك ان شاء الله تكوني بخير
ان شاء الله حلقات جديدة عن قريب

البرعم الندي

2011-01-27, 15:01

والله التكملة رائعة جدا جدا

والدي زادها روعة الصراحة والعفوية

جزاكما الله كل الخير

نينا الجزائرية

2011-01-27, 15:36

واياكي اختي مرحبا بكي
نورتي

البتول سمية

2011-01-27, 16:24

روعة
لكن أين المزييييييييييييييييد
و الله متشوقة لمعرفة المزيد

نينا الجزائرية

2011-01-27, 18:52

صبر ا جميل
اختي
عن قريب سيكون الجديد

الوسيلة

2011-01-27, 20:22

سلام
مررت من هنا علني اجد الجديد لكن ليس بعد
انا في الانتظاااااااااااااااااااااار
سلام

الوسيلة

نينا الجزائرية

2011-01-27, 20:37

سلام
مررت من هنا علني اجد الجديد لكن ليس بعد
انا في الانتظاااااااااااااااااااااار
سلام

الوسيلة

وعليكم السلام ورحمة الله وبركاته
انا قلت تسلمي عليا
:rolleyes:

بربرية و أفتخر

2011-01-27, 22:45

wOooOooOoow
موضوع هايل
مشكورة اختي و الله حولتيني إلى مدمنة
راني متابعاتك

نينا الجزائرية

2011-01-28, 00:51

الله يخليك اختي ربي يحفظك

خدووجة

2011-01-29, 12:40

merciii nina continue
come on

وردة مـن ذهـب

2011-01-29, 14:26

واااااااااااااااااااو..

رووووعة..

علآبآلكـ أختي نينآ و الله كنت مدآيرآ في بآلي بآش على 11و نص ننوض نراجع مي القصة شدتني ..

هاداوين قريت الصفحآت كآآآمل من 1 إلى 36 ..

ماتتصوريش قدش عجبوني

و الله رووووعة خاصة تاع جورج و تاع الدرا في بلاصة الطابلية و زيد الرحلة تاع وهران و باتت للشر ..

ههههههههههههههههههه

مآلقيتش الكلمة المنآسبة اللي توصف إعجابي بهذه الفتاة..

أنآ أنتظر التكملة على أحر من الجمر ..

روووووووعة و أكثر ..

شككككرا و الله فووووور ههه

نينا الجزائرية

2011-01-29, 14:39

السلام عليكم

في المنتديات الاسلامية وليت نلقى راحتي اكثر خاصة لما نتلكم مع بنات نحسهم يفكرو مثلي ويحسو بيا لقيت لي فقدتو في الجامعة الصحبة والشلة الملتزمة ولي ماتحسسنيش بالنقص او بأني راني نبالغ في تديني كنت نحكي معاهم في مواضيع مختلفة ونتناقشو وحتى اختلافنا في وجهات النظر كان منظبط و كل وحدة تعبر على رايها بكل حرية واحترام للرأي الاخر بعض البنات لي كنت نتفق معهم مليح في بزاف حاجات تبادلت معاهم الايميلات وبدينا نحكو كل وقت وتعرفنا على بعض اكثر واكثر

واول بنت تعرفت عليها كان اسمها ايناس من الاردن حكيت معاها مرة او اثنين ومن بعد خفت منها تكون راجل ومتنكر باسم بنت خاصة بعد ماقريت موضوع كاتباتو وحدة صرا معاها مشكل بسبب بنت تعرفت عليها بالانترنت وخرجت راجل مش متخلق ويتلاعب ببنات الناس بديت نشك في اي وحدة نحكي معاها و بعد ما ايناس قالتلي بلي تبغي القهوة كحلة وليت نشك فيها على خاطر احنا عندنا في الجزاير لي يبغو القهوة كحلة اكثرهم رجال قلت احسن حل باش نعرف ايلا هي بنت او ولد نقلها بلي انا رجل ماشي بنت ونشوف ردة فعلها واول ماحكيت معاها قلتلها انو انا ولد ومنتنكر باسم بنت ومن يومها مازدتش حكيت معاها!!!!!!!!! نظن blokatni

ماكانتش ايناس البنت الوحيدة لي عرفتها تعرفت من بعدها على بنات اخرين ولقيتهم بزاف ملاح كنت نبغي نتعرف على ناس من خارج الجزائر بصح المهم يكونو بنات خاطر ماكنتش نبغي نحكي مع شباب واكثر بنات عرفتهم من خارج الجزائر كانو من فلسطين الشقيقة حبيتهم بزاف لأنهم كانو sensible وحنان وعقيلتهم ماشي كيما احنا هوما عاطفيين اكثر ومن اكثر البنات الفلسطينيات لي حبيتهم من قلبي وفاء و رغد و صفاء و بسمة و فدوى وتعرفت تان على بنات من بلدي الجزائر والصراحة كنت ناخذ راحتي ونرتاح اكثر كي نحكي معاهم خاطر مانكونش مظطرة باش نترجم كلامي او نحس روحي غريبة وهنا عرفت الفرق بين لما تحكي مع شخص من نفس بلدك وشخص من بلد ثاني عندو ثقافة وبيئة مختلفة احنا الجزائريين نفكرو تقريبا بنفس الطريقة مثلنا مثل أي شعب في بلد اخر يكون عندهم طريقة تفكير معينة تميزهم عن غيرهم ومايفهمها غير هوما وكانت أميرة أول بنت جزائرية تعرفت عليها بالانترنت حبيتها بزاف وبعد ما كنت نحكي برك مع ناس المشرق وليت لبلادي وحسيت بالراحة اكثر كي لقيت تقارب وتفاهم بيني وبين اميرة وهي تان كانت ترتاحلي وتبغي تحكي معايا من وقت لي شافت ردودي في المنتدى لي من خلالو تعرفنا على بعضانا

أميرة عرفتني على صحاباتها ووليت نحكي مع بزاف بنات بصح بقات اميرة هي الاقرب لقلبي نحكيلها على كلشي في حياتي وحتى هي ماكانت تخبي عليا ولا شي وهنا بدات تنشأ علاقة صداقة حقيقية بيني وبينها في الاول كنت نحس بلي بزاف بنات يبغوها ويعتبروها اقرب وحدة ليهم وكنت نتمنى وسط كامل هذو لبنات نلقى مكان في قلبها ومع الوقت بديت نحس اني لقيت مكان مميز عندها وبديت نستغنى على صحاباتي تع الجامعة مدام لقيت البديل البنت لي تفهمني مليح وتساندني كي نقلها ما نسمعش الغنا ومانشوفش المسلسلات ومانحكيش مع شباب في النت كانت هي تان عندها نفس المبادئ والافكار وفي بلاصة مانقعد كامل الوقت نقنع فيها هذا حلال وهذا حرام كنا نقعدو نحكو في مواضيع اخرى اكثر اهمية وقتها بديت نحس بلي ربي عوضني بصديقات الانترنت عن صديقات الجامعة بصح مالازمش ننسى انو هذو الصديقات رح يبقاو برك وراء الشاشة ولازم نبدا نحوس على بنت تكون شريكتي في ال mémoire تاعي ونلقى انا وهي الpromoteur لي يأطرنا ويشرف علينا في رسالة التخرج

ما احتاجش الامر الى تفكير كبير بسرعة اخترت فاطيمة لأنها كانت الأقرب ليا واكثر بنت نتفاهم معاها كنت متأكدة بلي حتى هي مارحش تختار وحدة اخرى من غيري وغير قلتلها قالتلي اذا راكي تسقسي فيا اكيد تكون هبلتي هذا امر مايحتاجش سؤال اكيد انتي اعز صديقة ليا انا اخترتك وما كنتش حتى رح نسقسيك اذا تقبلي او لا انا كنت رح نسقسيك واش تبغي ندو كموضوع للبحث وقتها فرحت بزاف وكبرت في عيني وقلت اذا ماخرجت من الجامعة بحتى حاجة بزاف عليا اني خرجت وانا عندي صديقة هايلة كيما فاطيمة

بدينا مع بعض رحلة البحث عن استاذ يقبل ي encadraina رحنا في الاول لأستاذة قلت انا احسن تكون مرا باش يكون التواصل معاها افضل وفاطيمة وافقتني الراي مع انو ماكنش عندها مانع لو كان استاذ وكي حكينا معاها قالتلنا انو ماتقدرتش لانو عندها بزاف طلبة يعني الناس اختارت promoteur من نهاية العام لي فات واحنا رانا في نهاية الفصل الاول كل الاساتذة كانو occupé وكل ما نروحو لواحد نلقاو عندو مايكفيه حتى بدينا نكرهو وخاصة كي كامل القسم كانو لقاو promoteur تاعهم ماعدا انا وفاطيمة بدات تحكمني الخلعة والخوف وبديت نكره بصح الحمد لله كانت فاطيمة معايا وفكرت في استاذ يقولو عليه قبح بزاف ولسانو ماشي ليه وعلى هذا ولا طالب تجرأ وراح ليه وحتى انا كي قالتلي في الاول عليه رفضت خاطر كنت نخاف منو بزاف بصح فاطيمة قالتلي بلي يسلكها في خدمتو وعندو في الراس والأهم انو ماعندناش حل اخر

وصلى اللهم وسلم على سيدنا محمد

نينا الجزائرية

2011-01-29, 14:43

merciii nina continue
come on

راني حطيت حلقة جديدة:)

نينا الجزائرية

2011-01-29, 14:46

وردة مـن ذهـب

2011-01-29, 14:48

إن شاء الله حبيبتي

ضرك نقرى القصة هادي و نروح

شكككككرا

أنا اسمي ياسميين وردة فالمنتدى برك

نينا الجزائرية

2011-01-29, 14:49

اهلا بيك ياسمين
ترقبي المزيد من حلقات ان شاء الله

البلبلة

2011-01-29, 15:03

مشكووووووووووووووووورة

نينا الجزائرية

2011-01-29, 15:04

العفو
شكرا لمرورك

وردة مـن ذهـب

2011-01-29, 15:30

الله يسللمك حنونتي نينا

البتول سمية

2011-01-29, 17:29

جميييييييييل جدا

البلبلة

2011-01-29, 17:31

متى الحلقة القادمة؟
باش ندخل على جالها
سلام

fatouma alg

2011-01-29, 19:41

ننتظر الجديد بفارغ الصبر

نينا الجزائرية

2011-01-30, 09:48

جميييييييييل جدا

الله يسللمك حنونتي نينا

متى الحلقة القادمة؟
باش ندخل على جالها
سلام

ننتظر الجديد بفارغ الصبر

اهلا بيكم بنات
بلبلة وضع الحلقات مراهش محدد بالوقت
الاخت لتكتبها يوم تضعها انا نجي ننقلهم هنا
وعادة بليل تحطها لانها خدامة

نينا الجزائرية

2011-01-30, 09:49

السلام عليكم

ترددت بزاف قبل مانروح مع فاطيمة لعند الاستاذ هذاك وبعدما استجمعت كل شجاعتي رحنا وطبطبنا عليه في bureau تاعو بصح مالقيناهش قلت في قلبي الحمد لله على الاقل ريحت مؤقتا mais فاطيمة اصرت باش تستناوه حتى يرجع بقينا تقريبا ساعتين واحنا قدام باب المكتب وكي حسينا بلي اكيد مارحش يرجع رحنا واتفقنا نرجعو ليه غدوة بكري باش نلقاوه وفي اليوم التالي وصلت انا قبل فاطيمة لقيت باب المكتب تاعو مفتوح وسمعتو يزقي على وحدة من الطالبات لي عندو ماتجرأتش ندخل ونحكي معاه قلت الاحسن نستنى فاطيمة حتى تجي ونقلها اهدري انتي معاه

فاطيمة كي العادة دايما متاخرة عن الموعد بصح هذي المرة ماكانتش عندي فرصة باش نلومها او نعاتبها غير وصلت قلتلها اغصبي ندخلو ونحكو معاه قبل مايخرج

تنفست بعمق ودخلت وراء فاطيمة لي كانت اشجع مني وبعدما قالت السلام بدات مباشرة تحكي في الموضوع الشيخ خلا فاطيمة تهدر وبدا يطل عليا انا لي كنت واقفة موراها وقالها وهذي لي جبتيها معاك شكون بنتك ؟؟؟

قلت في قلبي الله اكبر اكيد راه عليا حشمت بزاف وطليت من وراء فاطيمة وقلتلو السلام عليكم وما أمنتش كي شفتو ضحك استغليت الفرصة وتقدمت شوية ووقفت حذا فاطيمة قالنا هكة على الاقل نشوفكم مع بعض ماشي ورا بعض ومن بعد جاوبنا على الموضوع الرئيسي لي على جالو رحنا ليه وكان جوابو ماشي مريح ابدا قاللنا بلي هو عندو وظيفة ادارية وممكن تشغلو وقتو كامل على هذاك مارهش يفكر يأطر طلبة في هذا العام بصح هذا ماشي قرار نهائي يعني لي فهمتو انا بفهامتي البسطية ان راه باغينا نبقاو نتبعو فيه شوية حتى يقرر سيادتو ويتكرم ويوافق يعطينا شرف تأطيرنا من قبله

ماعجبنيش الحال كامل من هذا الاستاذ وقلت لفاطيمة يالله نشوفو واحد اخر وبالفعل حوسنا وسيينا زهرنا مع اساتذة اخرين بصح كل مرة نرجعو بخيبة امل يا اما الاستاذ مشغول او المواضيع لي عندو ماهيش من اهتمامنا او من تخصصنا المهم مالقيناش ولا استاذ يريحني من الغمة لي كنت رح نعيشها مع هذاك الاستاذ القبيح لي قاللنا ارجعو ليا بعد ايام نعطيكم الرد النهائي

بعد ثلاث ايام رجعت فاطيمة وحدها للأستاذ وقالها نفس الكلام انو مزال ماقررش واعطاها موعد بعد اسبوع كي حكاتلي على الرد تاعو قلتلها اكيد ما راهش قابلنا وراه يجيب بينا في الوقت وانا بيني وبين نفسي كنت برك نحوس نقنعها كيفاش تبطل منو حتى لو كلفني هذا اني ما نتخرجش هذا العام

مر الاسبوع ولحقنا لليوم الموعود رحت وانا نجر في رجليا ونتمنى يقولنا مانقبلكمش اكثر مما نتمنى انو يقبلنا وكي لحقنا للبيرو تاعو مالقيناهش تم قالك عندو اجتماع مهم في الادارة باش يسلموه الوظيفة واتفقت انا وفاطيمة نرجعو ليه في الغد ان شاء الله

في الليل خممت بزاف و قلت لازم نتغلب على خوفي ونقبل بهذا الاستاذ هذا اذا هو طبعا قبل بينا وجات في بالي نصلي صلاة استخارة لأني حسيت بلي برك ربي سبحانه لي قادر يسلكني من هذي الورطة ويقدرلي لي فيه الخير وفي الصباح رحت وانا لأول مرة مرتاحة وغير وصلت استنيت فاطيمة شوية وكي جات دخلنا للاستاذ لقيناه شوية مشغول وقاللنا اصبرو عليا نص ساعة ونفرغلكم حسيت بلي خلاص هذي اخر فرصة وغير خرجنا من عندو قلت لفاطيمة خلاص مانزيدوش نرجعو ليه راكي شفتي بعينك كيفاش يتعامل معانا هذا من اولها راه مشيبنا كيفاش من بعد قلت هذي الهدرة وانا نغلي من الداخل وحتى فاطيمة حسيتها زعفت وباغية تبطل منو
فكرنا بزاف في حل يسلكنا وقلنا نروحو لل chef de département ونحكو معاه ونطلبو من يقترح علينا استاذ او يلقانا حل وكي حكينا معاه تفاجأنا انو اقترح علينا الاستاذ هذاك نفسو لي كنا عندو وبدون تعليق خرجنا من مكتب ال chef de département مباشرة لمكتب الاستاذ وعلى غير العادة هذي المرة انا لي قلت السلام وبديت نحكي مع الاستاذ قلتلو من فضلك يعني لازم تقلنا على قرارك النهائي اذا تقبلنا لينا الشرف واذا لالا نروحو نشوفو من جيهة اخرى خيرمن يفوت الوقت ومانلقاو حتى استاذ يأطرنا والشي لي لاحظتو انو من وقت لي بديت نحكي والاستاذ يتبسم مافهمتش وعلاه وكي كملت هدرتي قالي والزعاف علاه يا لالة راني قبلتكم ورح ناطركم ان شاء الله بصح لازم تزيرو رواحكم وتكونو شاطرات راكم تعرفوني بلي sérieu بزاف في الخدمة ومانبغيش تمسخير

اكيد هذو الكلمات الاخيرة انا ماكنتش نسمع فيها وكنت برك فرحانة بلي اخيرا لقينا promoteur لي يشدنا ونسيت كامل الخوف تاعي وقعدت نحمد في ربي ونشكر فيه

وصلى اللهم وسلم على سيدنا محمد

وردة مـن ذهـب

2011-01-30, 12:49

شكرآ لكـ نينآ..

و الله هادآوين جيت قلت خلي نضرب طلهـ..
وفرحت بزآآآف كي لقيت حلقهـ جديده..

رآني نستنآ في الحلقهـ القادمهـ ..

إن شآء الله ..

سلآمـ..

البتول سمية

2011-01-30, 13:24

روووووووووووووعة

حضنية28

2011-01-30, 15:35

شكرا يا اختي والله يوميات رائعة جدا ربي يحفضك ويسترك ويخليك لوالديك دمت متالقة دوما اختي الكريمة

نينا الجزائرية

2011-01-30, 15:57

شكرا يا اختي والله يوميات رائعة جدا ربي يحفضك ويسترك ويخليك لوالديك دمت متالقة دوما اختي الكريمة

اللهم امين اختي ربي يحفظك

نينا الجزائرية

2011-01-30, 15:58

روووووووووووووعة

يعطيك الصحة علي مرور

نينا الجزائرية

2011-01-30, 16:29

شكرآ لكـ نينآ..

و الله هادآوين جيت قلت خلي نضرب طلهـ..
وفرحت بزآآآف كي لقيت حلقهـ جديده..

رآني نستنآ في الحلقهـ القادمهـ ..

إن شآء الله ..

سلآمـ..

اهلا ياسمين
صح عطاوكم اسبوع عطلة:confused:

محامية العدل

2011-01-30, 16:53

شكرااااااااااااااااااااااااااااااااااااااااااااااا اااااا نينا

نينا الجزائرية

2011-01-30, 17:48

العفو الشكر لك

وردة مـن ذهـب

2011-01-30, 18:00

اهلا ياسمين
صح عطاوكم ابوع عطلة:confused:

و الله مافهمتكـ حنونتي نينآ ..

ممكن توضيحـ..؟

خدووجة

2011-01-30, 19:11

merciiiiiiiiiiiiiiiiiiiiii

نسمة الورود

2011-01-30, 21:00

مع انني وصلت ربما متاخرة لانني جديدة معكم

الا ان دالك كان في صالحي ههههههههه

قرات اليوميات متسلسلة

والله روعة

شكرا لك نينا

وشكرا لصاحبة النص الاصلية

وفي انتضار المزيد

نينا الجزائرية

2011-01-31, 13:58

و الله مافهمتكـ حنونتي نينآ ..

ممكن توضيحـ..؟

قصدت مدولكم اسبوع عطلة في مدارس

نينا الجزائرية

2011-01-31, 14:19

merciiiiiiiiiiiiiiiiiiiiii

العفوووووووو

وردة مـن ذهـب

2011-01-31, 14:29

قصدت مدولكم اسبوع عطلة في مدارس

لآ مآمدولنآش ..
أنآ اللي غبت بركـ ههه ..
نفحتلي قلتلهمـ فالدآر هآد العشية مآنيش رآيحة نقرى..

ههههههه

شككرآ و الله مآلقيت طريقة نشكركـ بيها حنونتي ..
سلآمـ

نينا الجزائرية

2011-01-31, 14:59

مع انني وصلت ربما متاخرة لانني جديدة معكم

الا ان دالك كان في صالحي ههههههههه

قرات اليوميات متسلسلة

والله روعة

شكرا لك نينا

وشكرا لصاحبة النص الاصلية

وفي انتضار المزيد

اهلا بيك ختي
انتي مزهرة بزاف
انتظري المزيد من الحلقات عن قريب

نينا الجزائرية

2011-01-31, 15:01

لآ مآمدولنآش ..
أنآ اللي غبت بركـ ههه ..
نفحتلي قلتلهمـ فالدآر هآد العشية مآنيش رآيحة نقرى..

ههههههه

شككرآ و الله مآلقيت طريقة نشكركـ بيها حنونتي ..
سلآمـ

الله يخليك حنونة
لالا انا سمعت مدولكم عطلة في فيفري سمانة:confused: بسبب المظاهرات لي رايحة تصري

خدووجة

2011-01-31, 17:28

ايه كاينة عطلة من 10 الى 15 فيفري

نينا الجزائرية

2011-01-31, 18:47

صحيتي خدوجة

البلبلة

2011-01-31, 20:24

العطلة في 10 فيفري
يعني لخميس هذا لالا
لخميس اللي بعدو
رانا نستناو فيها بفارغ الصبر
وان شاء الله كاين اللي يسلينا
رانا كامل نستناو في الجديد
ربي يوفقك ختينينا
ختك بلقيس

نينا الجزائرية

2011-01-31, 20:46

ربي يهنيكم وينجحكم في قرايتكم
بلقيس
هاكي حلقة جديدة

نينا الجزائرية

2011-01-31, 20:47

السلام عليكم

بعد رحلة البحث المتعبة عن استاذ لي اخيرا لقيناه كان علينا نختارو موضوع للبحث وهذي المرة ماكناش في موقف صعب لان الأستاذ هو لي خير الموضوع المناسب واعطانا الضوء الاخضر باش نبداو نبحثو ونوجدو واحنا ما استنيناش اول ما اعطانا الموضوع رحنا للسيبار باش نعرفو على واش راح نخدمو وجمعنا شوية معلومات وعرفنا الخطوط العريضة للبحث

جاءت امتحانات الفصل الأول وأخر إمتحانات كنت رح نفوتها في حياتي أكثر حاجة كنت نكرها في القراية هي الإمتحانات كنت دايما نقول لو انهم بداو يحاسبونا على اساس الحضور والمتابعة ومايديروناش امتحان نفوت حياتي كلها نقرى وما بلا ما نمل او نكره قريت مليح كيما يلزم لأنو هذي المرة عندنا امتحان واحد فقط ماكانش فصل ثاني للتدراك والامتحان الاستدراكي كان رح يضيعلي الوقت لي نبدا فيه نوجد البحث تاعي ونهار أخر امتحان فوتو وانا فرحانة بزاف كنت نقول هذا اخر امتحان يعني مارحش تجي حاجة اسمها مراجعة وخوف وقلق رح نرتاح من كل هذي الامور وكي خرجت من قاعة الامتحان تنفست وقلت الحمد لله ياااااارب وبفضل الله قدرت نتحصل على معدل كان افضل معدل جبتو خلال الخمس سنوات لي قريتها

وبعد شهر كان علينا ندخلو للمخبر باش نوجدو المرحلة العملية والتجريبية وبما انو بحثنا كان في مجال النباتات كنا نستمتعو بالخدمة بزاف لأن الخطأ ما رحش يكلفنا غير تغيير النبتة أحسن من لو كان على الانسان او حتى الحيوان وقتها لا مجال للأخطاء

كان العمل المخبري التجريبي متعب بزاف وكل يوم نلقاو خدمة تستنى فينا ولازم نكملوها قبل ما نخرجو وبما انو ماكانش دايما امكانيات في الجامعة كان لازم كل حاجة احنا لي نجرو عليها ونجيبوها لرواحنا هذا اذا كانت في متناول الجميع لانو مرات كنا نحبسو عن الخدمة على جال نقص الامكانيات وكل هذا كان على حساب تخرجنا في هذا العام

مرت الشهور ولحقنا على العطلة الصيفية كنا مزال مانكملو الخدمة في المخبر ومزال مانكملو كتابة ال mémoire يعني بدينا شو ية بصح كان مزاللنا التصحيح من قبل الأستاذ لي كان يلزملنا دايما خمس او ست مرات رايحين جايين باش نقدرو نسقسوه ايلا عندو وقت يستقبلنا فيه او لا وفي اغلب الاحيان يكون جوابو : والله ماعندي وقت ارجعو غدوة

معاملة الاستاذ لينا ماكانتش مشجعة ابدا باش نبذلو جهد كبير بصح انا وفاطيمة كنا مصرين نكملو خدمتنا على اكمل وجه ونتخرجو بعلامة مليحة على هذاك تقاسمنا المحاور وكل وحدة كتبت في دارهم وتفاهمنا كي نكملو نبعثوهم للاستاذ عن طريق الايمايل

هذا الصيف ماكانش للراحة والاستجمام عندي حتى شهر اوت باش قعدت وماوليتش نروح للجامعة وكي قعدت كان لازم نكتب في الميكرو كامل واش خدمنا في المخبر وقتها بدات المشاكل مع خاوتي لي كانو يبغو يقعدو في الانترنت وماكنتش نخليهم بحجة عندي خدمة ولازم نكملها واكيد بابا وماما كانو يجو في صفي حتى وحد اليوم بعد الظهر وبعد ما كامل رقدو من السخانة وال digotage قلت انا ندخل للإيميل نشوف لبنات ونسلم عليهم وقعدت نحكي مع اميرة وصحاباتي لخرين وكي ناضت اختي لقاتني فاتحة جماعة كبيرة بدات تقول لماما بلي راني نقعد في الشات ماشي نكتب في البحث وقتها مالقيت مانقول على هذا رجعنا لل système القديم وهو التوقيت وباش مانزعفش عطاوني وقت اكبر منهم لأني نحتاجو وانا بديت نقسم وقتي بين الجماعة مع صحاباتي وبين البحث

كي خلصنا الكتابة جات عندي فاطيمة وبعثنا المحاور كلها للأستاذ في الايمايل لي عطاهلنا هو وطلبنا منو كلما يصحح محور يبعثولنا نعدلوه ومن هذاك الايمايل مازدنا شفنا لا الاستاذ ولا المحاور حتى جاء شهر سبتمبر وفتحت الجامعة رحنا باش نشوفو الاستاذ ونقولولو على المحاور وكي هدرنا معاه قاللنا مزال الحال واش بيكم مقلقين انا والله ماشفت حتى محور وماصححت والو كنت في مستغانم نفوت في العطلة الصيفية مع العائلة تاعي وضروك بما اننا رانا في رمضان يعني استناو حتى لبعد العيد ويديرلها ربي تاويل

غاضنا الحال بزاف انا وفاطيمة ولي غاضتنا اكثر هي اننا ماكناش نقدرو نعترضو او نردو في وجهو وكنا نسكتو ونقولو غير ايه وماعليش وهو كان عايش حياتو بالطول وبالعرض واخر حاجة يفكر فيها هي احنا

وبعد ما فات شهر رمضان الكريم وعيدنا بالصحة والهنا بدات مرحلة التصحيح لي انا شخصيا ما كنتش حاسبتلها حساب وكانت تبانلي حاجة ساهلة ماعرفتش بلي الاستاذ يجيبنا قدامو ويولي يصحح كلمة بكلمة وكل غلطة يسقسي شكون لي دارتها ويولي يزقي ويقولها تقول جامي قريتو هذي من وين جبتيها فات اسبوع كامل كنا نقعدو في مكتب الاستاذ من الصباح حتى لل 2 بعد الظهر وكل يوم نخرجو منهارين نفسيا ومعنويا وجسديا وماكنش عندنا حتى فرصة باش نحسو او نفكرو اذا كان اختيارنا لهذا الاستاذ من الاول صح او غلط بصح بعدما كملنا التصحيح ولقينا انو بحثنا صار واجد ومصحح كيما يلزم فرنا حنا بزاف وقلنا كان عندنا الزهر كي خدمنا مع استاذ مزير وزيرنا هكة خاصة بعدما شفنا بلي كامل صحاباتنا كانو يعانو مع اساتذتهم وحتى التصحيح كانو يصحولهم شوية وخلاص يعني ماشي تصحيح شامل وكامل كيما احنا

بعد ماكملنا التصحيح وimprimina ووجدنا كلشي لل la soutenance حددنا الموعد وكان بعد اسبوع بالضبط

وصلى اللهم وسلم على سيدنا محمد

جوهرة نفيسة

2011-01-31, 22:00

:19:شكرااااااااااااااااااااااااااا

نستناو نهار la soutenance بفارغ الصبر .......................

سلالالالالالالالالالالالالالالالالالالالام

نينا الجزائرية

2011-02-01, 10:33

وعليكم السلام
ان شاء الله
اهلا بيك

نينا الجزائرية

2011-02-01, 13:31

للاسف غلقو منتدي لتحط فيه الاخت اليوميات لان الاداريين من مصر
فلا يمكن ان يسير من غير مشرفين وايداريين
فغلقوه حتي يرجع النت لمصر

girl.soft

2011-02-01, 14:18

شكرًآآ أُختـِ]ـي مي متقدريشْ تقولِيِ لصاحبةْ اليومياآآتْ تسجل هتنَآآ معآآنَآآ .. ..
سَلَّآآمـْ .. ..

نينا الجزائرية

2011-02-01, 15:29

معنديش ايمايلها للاسف

خدووجة

2011-02-01, 19:25

merciiiiiiiiiiiiiiiiiiiiiiii

البلبلة

2011-02-01, 20:15

ربي يهنيكم وينجحكم في قرايتكم
بلقيس
هاكي حلقة جديدة
الله يسلمك ختي نينا
يعطيك الصحة
حلقة هايلة كالعادة
مشكوووووووورة

ماجيك بوقرة

2011-02-01, 21:40

ممم للأسف اختي نينا
والله كنت نستنى في التكملة و يوم مناقشة المذكرة
المهم ربي ينصر أخوتنا في مصر و تتحقق كل مطالبهم

نينا الجزائرية

2011-02-02, 09:40

اللهم امين
واش نقول وقيلا الدعوة تطول هناك
بسبب تعنت مبارك
حسبي الله ونعم الوكيل فيه

حضنية28

2011-02-02, 11:04

ننتظر الجديد يانينا الجزائرية

لؤلؤة تلمسان

2011-02-02, 12:48

السلام عليكم ورحمة الله وبركاته

حياك الله أخيتي نينا

وحيا الله الاخت كاتبة اليوميات الرائعة وبطلتها

وحيا الله كل من مر بهذا الموضوع الاكثر من رائع

كنت كلما امر بالمنتدى المح عنوان هذا الموضوع لكن لم اكن لامر به لاني لم اكن اعرف المحتوى حتى يوم اول امس ليلا

اعجبتني كثيرا اليوميات و طريقة سردها التي تشد القارئ سبحان الله

ولما هممت بالتعليق انقطع الاتصال بالنت ...الله المستعان

وها انا اعود اليوم لاثبت وجودي كمتابعة لاحداث حلقات هذا المسلسل المشوق الذي لو عرض على الشاشة لخطف جل الانظار

بارك الله في الاخت كاتبة اليوميات واحييها لالتزامها ثبتها الله وسدد خطاها وهداها سواء السبيل وإيانا

موفقة بإذن الله أختي نينا

***** أختك في الله *****

نسمة الورود

2011-02-02, 13:28

ربي يجيب الي فيه الخير

وقلوبنا جميعا مع اخواننا المصريين

ونحن ننتضر رجوع المياه الى مجاريها ان شاء الله

نينا الجزائرية

2011-02-02, 14:42

شكرا اخواتي علي التشجيع
اخت لؤلؤة الكاتبة ماشاء الله موهوبة
اللله يتقبل دعواتكم عزيزاتي
الحالة لا تشكر
الفتنة في مصر
حسبنا الله ونعم الوكيل
في كل من يريد الفتنة بهذا البلد الطيب بشعبه

لؤلؤة تلمسان

2011-02-02, 19:13

http://www.3bsy.com/up/Mb255285.gif

نينا الجزائرية

2011-02-03, 10:38

الله يحفظك لؤلؤة

arbkhay

2011-02-03, 12:35

يومياتك رائعة ..........

لؤلؤة تلمسان

2011-02-03, 12:36

الله يحفظك لؤلؤة

اللهم ءامين وإيااك يا طيبة

أَمِـيِنْ}رَاآدْكّــِليِفْـﮧ!

2011-02-03, 12:39

http://center.jeddahbikers.com/uploads/jb12806874011.gif
http://center.jeddahbikers.com/uploads/jb12806874012.gif

نينا الجزائرية

2011-02-03, 13:09

شكرا لمروركم بورك فيكم

قطر الندى17

2011-02-04, 08:37

http://img690.imageshack.us/img690/3651/8g5f8ol8.gif (http://img690.imageshack.us/my.php?image=8g5f8ol8.gif)
ولا واحد عجباتو اليوميات
رووووووووووووووووووووووووووووووووووووعة

جززائرية

2011-02-04, 11:32

هااااااااايليييييييييين كملي راني من التتبعين بشغف
حبيت نقول ربي يهدينا كيما هداها أميييييييييييين

نينا الجزائرية

2011-02-04, 12:44

اللهم امين الله يهدينا كاملين
للاسف منتدي الذي تضع فيه اليوميات اغلق بسبب ثورة مصر

لؤلؤة تلمسان

2011-02-04, 13:33

اللهم امين الله يهدينا كاملين
للاسف منتدي الذي تضع فيه اليوميات اغلق بسبب ثورة مصر

اللهم ءاميــــــــــــــن

نسأل الله أن يهدينا أجمعين وان ينصر اخواننا المسلمين في كل مكان وان يكفينا واياهم شر من يريد بنا سوءا

اللهم ءامين

الوسيلة

2011-02-04, 16:11

سلام نينا
كيف الحال؟
انا انتظر الجديد
سلام

نينا الجزائرية

2011-02-04, 16:55

اهلا وسيلة
والله يا اختي
غلقوه المنتدي منيش عارفة
ممكن خايفين من فتنة بين اعضاء

نعمة القدوس

2011-02-04, 18:17

الله يبــــــــــآركـ ..
قصة رآئـــــعة .. والله عجبتــــــني ..

بالصح زهري مـــــــــــآعنديش ..
كي قعدت بــــــآه نكمل البــــــــــــآقي ..
ضهرو يقفلـــــــــــو المنتدى ..

المهــــــــــــم ..
مشكــــــــــورة نـــــينا .. دائمـــــآ مميزة ..
والله عندي بزآف مــــــــــــآلقيتكش ..
من منتدى الرابعة متوسط وليت مـــــــــــــــــآ نخرجش ..
ربي يوفقنــــــــــي ..

نينا الجزائرية

2011-02-04, 18:54

اهلا نعمة القدوس
توحشناك
واش تحبي
علجال واش صاري في مصر
خافو من فتنة بين معارض ومؤيد
ربي يوفقك في بيام وكي تربحي
ارجعي تلقاي حلقات بزاف
شابين ان شاء الله

وردة مـن ذهـب

2011-02-04, 19:26

و الله رانا كيف كيف نعمة

حتى جيت زعما نقرى ياخي مالقيتش

ماعليش

رانا نستناو أختي نينا

نينا الجزائرية

2011-02-04, 19:43

معليش ختي ليصبر ينال
رانا صابرين معاهم

وردة مـن ذهـب

2011-02-04, 22:03

إن شاء الله يكون في عونهمـ

لؤلؤة تلمسان

2011-02-05, 07:46

لاااااااااااااااااااا اله الا الله محمد رسول الله
وحسبنا الله ونعم الوكيييييييييييييييل انت حسبنا ووكيلنا

البلبلة

2011-02-05, 17:00

كاش جديد ختي نينا؟

نينا الجزائرية

2011-02-06, 13:16

مزال مغلوق بلبلة
لان الداعية صاحب المنتدي مؤيد لبقاء مبارك
فممكن خافو تكون مناوشات وجدالات بين معارض ومؤيد والله اعلم

ملكة-الجزائر

2011-02-06, 17:43

سلام اختي نينا ممكن تعطيني المنتدى لراكي تتكلمي عليه و شكرا

نينا الجزائرية

2011-02-06, 21:13

سلام اختي نينا ممكن تعطيني المنتدى لراكي تتكلمي عليه و شكرا

مصطفي حسني

وردة مـن ذهـب

2011-02-10, 17:56

واش كاش جديد أختي نينا ...

راني نستنا فييييييييييييك

احلام سك

2011-02-10, 20:03

عجبتني بزااااااااااف شكرااااااااااااااااااااااااا

نينا الجزائرية

2011-02-10, 20:16

عجبتني بزااااااااااف شكرااااااااااااااااااااااااا
يعيشك ختي صحيتي
واش كاش جديد أختي نينا ...

راني نستنا فييييييييييييك
والله ياحنونة راني ندخل نلقي منتدي هذاك مغلق

البلبلة

2011-02-10, 21:02

ختي نينا
المشكل مازال مطول؟
وهاذ العضوة ماهيش مشاركة في منتديات اخرى؟

نينا الجزائرية

2011-02-11, 13:58

والله ماعلابالي معندي حتي اتصال معها
معليش اصبرو مابيد حيلة

نينا الجزائرية

2011-02-11, 18:18

اولا نحب نهني الشعب المصري علي تنحية مبارك
واخيرا
ههههههههه
وثانيا
نحب نقوللكم قدرت نتصل بالاخت الكاتبة وراهي تسلم عليكم البنات
وخلاص
مراحش تطول عليكم بزاف وراحة تتهلي فيكم
تولي تبعتلي الحلقات
ونبشركم غدوة نحط حلقة جديدة

[كبْرياء]

2011-02-11, 20:34

السلامـ عليكمـ؛؛

كيف الحال خيتو نينا؛؛

آه معلبليش كيفاش نسيت الموضوع ربما الامتحانات مخلاتليش عقل:d

المهمـ لقيت باقة كبيرة من الحلقات عجبتني بزاااف

وبالمناسبة ألف مبروووكـ للشعب المصري

سلامـــ ي..

*رذاذ المطر*

2011-02-11, 21:08

الحمد لله ,,,,,الحمد لله
الف الف مبروك للشعب المصري
ننتظر التكملة اختي نينا

وردة مـن ذهـب

2011-02-11, 21:19

و أخيييييييييييييييييييييييييييرا

ألف مبروك للشعب المصري أولا

و الله فرحت و راني نستنا في الحلقة الجديدة بفارغ الصبببببببببببر

البلبلة

2011-02-11, 21:20

ok
ربي يصبنا لغدوا ختي نينا
بارك الله فيكما

نينا الجزائرية

2011-02-12, 06:43

نينا الجزائرية

2011-02-12, 06:44

و أخيييييييييييييييييييييييييييرا

ألف مبروك للشعب المصري أولا

و الله فرحت و راني نستنا في الحلقة الجديدة بفارغ الصبببببببببببر

كامل فرحنا تقول حنا لعملنا الثورة ه:1:سبحان الله
اصبري صبر جميل هههههه

نينا الجزائرية

2011-02-12, 06:45

ok
ربي يصبنا لغدوا ختي نينا
بارك الله فيكما

وفيك بركة بلقيس
اليوم راحة تكون حلقة حصرية لمنتدي الجلفة :1:

*أم كوثر*

2011-02-12, 08:36

رانا نستناو:):)

البلبلة

2011-02-12, 09:19

في الانتظار............

لؤلؤة تلمسان

2011-02-12, 11:01

في انتظار جديدك يا اختنا نينا

انا ارى انه علينا توسيع عمل هذا المسلسل ما راي كاتب السيناريو والمنتج الفني؟

[كبْرياء]

2011-02-12, 11:36

نحن في الانتظار خيتو

سلامـــ ي..

وردة مـن ذهـب

2011-02-12, 16:10

واش مازال ؟؟؟

ههههههههههههههههههه

اليوم راني فرحااااااااااااااااااااانه و راني نستنا فالقصة الجديدة

راني نستناااااااا

أختي نينا واش راكي لاباس ؟

قولي لهاديك الطفلة تمدلك إيمايلها باش مانبقاوش حاصلين و هكا تولي على اتصال معاها

أوكي ؟

راني نستناااااااااااااااااااااا

نينا الجزائرية

2011-02-12, 17:30

مساء الخير البنات
البارح جبت ايمالها واتصلت وحكيت معها
ووعدتني اليوم تمدلي حلقة
مبانتش حتي ضوك وراني فاتحة الايمايل ونستني فيها
لؤلؤة تلمسان فكرة مليحة
ونسيت نقوللكم
قاتلي نسجل في جلفسة ورايحة تشكركم

نينا الجزائرية

2011-02-12, 19:34

السلام عليكم

بقات أيام قليلة ونوقف قدام اللجنة ونلقي العرض لي تعبت عليه شهور وشهور وجدنا كلشي ستة نسخ اربعة للجنة تع الاساتذة و واحدة ليا والأخرى لفاطيمة وطلعنا البحث لي نلقوه في flach diskو تفاهمت مع فاطيمة نتلاقاو في الجامعة ونقعدو في كلاصة فارغة ونلقو البحث كلي رانا قدام اللجنة

وقبل يوم من la soutnouse رحت للجامعة وماكنتش باغية نتلاقى بحتى واحد يعرفني باش حتى حاجة ماتقلقني حكمت بلاصة بعيدة وقعدت نستنى في فاطيمة لي كي عادتها دايما تجي روطار وقبل ماتوصل بشوية شافتني نورة وحدة تقرا معانا جات لعندي وبدات تقلي ايلا راني خايفة او لا وحكاتلي حكايات على نهار la soutnouse وعلى واش قادر يصرا فيه من كوارث تخلع وتخوف وانا اكيد كنت ماشي خايفة ولا معمرتها في راسي وكنت نقول اكيد هذو يصراو للناس لي مايكونوش محضرين روحهم مليح

بعد شوية لحقت فاطيمة وقبل ما تبدا نورة تحكيلها في الحكايات هذوك لي يطيحو morale ديتها ورحنا لقسم كان فارغ وبدينا نتدربو على الإلقاء تع la mémoire وتخيلنا الاساتذة مقابلينا انا ماكنتش حافظة مليح وطريقة الإلقاء تاعي كانت شوية رديئة وكل مرة تصححلي فاطيمة حاجة او زوج بقينا على ذيك الحالة حتى كي شفت للساعة لقيتها 4 تع العشية خرجنا من الجامعة ميتين بالعيا وانا شخصيا كان المورال هااااااابط 20 درجة تحت الصفر وزيدلها الجوع والعيا كنت مستعدة في ذيك اللحظة نتخلى كامل على المشروع والتخرج ونروح نخزن في أي بلاصة حتى يفوت نهار غدوة وقبل مانروحو للدار قلنا ندخلو le cyber باش نزيدو شوية تعديلات وغير دخلنا flach disk مالقينا ولو....

انخلعت ومن بعد قلت ممكن ما بلصيتوش مليح نحيتو وعاودت درتو بصح الكارثة انت صح وقعت والفلاش كان فارغ والمشكل كنت دايرة نسخة واحدة وفاطيمة كان عندها نسخة بصح ناقصة بزاف تصحيحات واضافات ولكن مكاانش عندي لا حل ولا عقل باش نلقى الحل وحكمتي صدمة عصبية ونفسية وقبل لحظة من الانهيار قالتلي فايمة ماتخافيش مايكون غير الخير نعيطو للاستاذ ونقولولو واش صرى واذا مالقاناش الحل نروح معاك للدار ونعاودو نخدمو عرض اخر وان شاء الله يخرج كيما الاول ولا احسن وتماك عرفت شحال مهم انك تختار الشخص المناسب باش يكون شريكك ماشي شرط يكون عندو ذكاء خارق بصح المهم تكون عندو القدرة انو كي يشوفك على وشك الانهيار يوقف معاك ويساندك وكي عيطنا للاستاذ قللنا ماعندي حتى حل المشكلة مشكلتكم دبرو ريسانكم كنت رح نقفل تلفون حتى سمعتو يضحك وقالنا ماتخافوش راهي عندي نسخة من البحث وقتها طرت من الفرحة وتعانقت مع فاطيمة ونسينا كامل باش نشكروا الشيخ وهو مسكين بعثلي نسخة من العرض في ايمالي وكي رجعت طلعتها في فلاش اخر

كي رجعت للدار كامل لقيتهم يوجدو في رواحهم وفرحانين تقول رح يديرو عرس القاطو والمشروبات ووجدو حتى اللبسة لي رح يلبسوها اما انا كنت مقلقة ومش قادرة نحكي زوج كلمات صحاح اول حاجة درتها كي دخلت حكمت بلاصة بعيدة كامل على الضوضاء ورقدت و وقت العشا نوضتني ماما باش نتعشى معاهم تعشيت وقصرت شوية مع العائلة لي بداو يزعقو عليا وكل واحد يقلي كيفاش رح نبان غدوة بصح انا ماكنتش كامل معاهم كنت بزاف خايفة ايلا نتبهدل قدام عائلتي وصحاباتي والشيوخة

رحت لشمبرتي وقعدت وحدي شعلت le microوقعدت نراجع وحدي وكل مرة نغلط نعاود من الاول ومارقدتش حتى لقيت روحي مادرت حتى غلطة

الصباح نضت انا اول وحدة لبست لبستي الجديدة لي شريتها مخصوص لهذا اليوم حجاب وخمار شرعي وخرجت بكري وفي الجامعة رحت لقسم وحدي وبقيت نراجع على خاطر la soutnouse كانت العشية يسمى كان قدامي بزاف وقت و مع ذلك كنت خايفة وحاسة قلبي رح يحبس ومزية لي جات فاطيمة باش نتونس بيها قعدنا مع بعض حتى بقات نص ساعة لموعد الالقاء عيطلي بابا وقالي راه هو وكامل العائلة قدام الدخلة تع الجامعة قلتلو اقعدو كيما راكم ضروك نبعث فتيحة تجي تديكم للقاعة لي رح نسوتنو فيها

وقت الظهر صليت انا وفاطيمة ورحنا للقاعة لي بدات تتعمر وبقى برك يلحقو الاساتذة صحاباتي بالتعاون مع لولاد لي يقراو معانا وجدو كلش الكراسي والمائدة الشرفية لي يقعدو فيها لجنة الاساتذة و حتى la sale de réceptionووجدوها

وصلو كامل الاساتذة وبعدما قعد معانا استاذ المشرف علينا خمس دقائق طلعلنا morale وعطالنا courage باش نقدمو حاجة مليحة قلت بسم الله الرحمن الرحيم وبديت

كان قلبي يدق فوق ال 1000 وماكنت شايفة حتى واحد غير واش كنت حافظة كنت متقاسمة الفقرات مع فاطيمة ومرة انا نقرا ومرة هي وفي بصح فاطيمة كانت بزاف خايفة وباين عليها القلق حتى قطعها الاستاذ وقالها مالكي رح تموتي اهدري normale مارحش ناكلوك ومن الظغط والقلق حولتلي فاطيمة الكلمة في فقرة كان مفروض هي لي تقراها ووقتها مالقيت مانقول بديت نقرا فيها حتى لحقت لشرح الجدول و ماكنتش محضرة الشرح تاعو حبست فجاة لمدة دقيقة وحدة وكاملة و انا ساكتة حسيتها فاتت اعوام ولقيت الاساتذة والحضور يخزرو فيا كشغل يطلبو مني نكمل وانا ضايعة ومتمنية تنشق الارض وتبلعني ضربت يدي على الطابلة بلا مانحس ووقتها باش لالة فاطيمة فطنت من غيبوبة لي كانت فيها و فهمت روحها وسلكتني بتكملة الشرح تع الجدول

وجات الخاتمة مع كلمة شكرا لانتباهكم تنفست وحسيت بالراحة وضحكت من قلبي كنت وقتها مستعدة لكل اسئلة اللجنة لي شكرونا على حسن الالقاء وعلى mémoire الغنية بالمعلومات والمنظمة وطرحو علينا بزاف اسئلة وكنا مرات نجاوبو صح ومرات نخبزوها حتى يقطعنا الشيخ ويجاوب هو في بلاصتنا وفي الاخير خرجونا خمس دقايق وقعدو الاساتذة تشاورو بيناتهم وبعد عيطولنا باش يعطولنا النقطة

بدا رئيس اللجنة يشكر فينا وفي الحضور وماطولش علينا وقالنا قررنا نعطوكم علامة 17/20 على مجهوداتكم وربي يوفقكم في حياتكم

فرحت بزاف وتعانقت مع فاطيمة وبكينا حسيت بلي تعب الخمس سنوات ماضاعش باطل وبقيت نسلم على كامل صحاباتي وعائلتي شفت بابا من البعيد يشوف ليا وحسيت في عينيه نوع من الافتخار رحت ليه وسلمتلو على يدو وقلتلو صحة وماما تان سلمت عليها وعنقتها ورحنا كملنا حتفالنا في لقاعة الاستقبال مع كامل الحضور

وصلى اللهم وسلم على سيدنا محمد

نينا الجزائرية

2011-02-12, 19:40

البنات امينة تسلم عليكم
وتقولكم راني كتبت اليوميات رغم Le clavier ديالها مخسر
راهي مسلملة عليكم وعن قريب تسجل هنا

جوهرة نفيسة

2011-02-12, 19:48

يا الف مرحبا بك نينا و بأمينة

17من20 !!!!!!!!!!!!! و الله هايلة

ماجيك بوقرة

2011-02-12, 19:49

مشاء الله
الف مبروك التخرج بعلامة جيدة
وشكرا لكي اختي نينا على مجهوداتك

ماجيك بوقرة

2011-02-12, 19:52

البنات امينة تسلم عليكم
وتقولكم راني كتبت اليوميات رغم le clavier ديالها مخسر
راهي مسلملة عليكم وعن قريب تسجل هنا

يعطيها الصحة
عليك و عليها السلام
انا عجبتني و حبيتها هدي البنت من غير منشوفها او نعرفها ربي يحفظها
اختكم في الله حفصة

نينا الجزائرية

2011-02-12, 20:02

يا الف مرحبا بك نينا و بأمينة

17من20 !!!!!!!!!!!!! و الله هايلة
الله يسلمك ختي ربي يحفظك

نينا الجزائرية

2011-02-12, 20:03

مشاء الله
الف مبروك التخرج بعلامة جيدة
وشكرا لكي اختي نينا على مجهوداتك

الله يخليك حنونة
:):19:

نينا الجزائرية

2011-02-12, 20:04

يعطيها الصحة
عليك و عليها السلام
انا عجبتني و حبيتها هدي البنت من غير منشوفها او نعرفها ربي يحفظها
اختكم في الله حفصة

اكيد هي حبوبة وتدخل للقلب
وكل ليعرفها ويحبها وانتي متعرفهاش وحبتيها كي تعرفيها تحبيها كثر وكثر:)

نينا الجزائرية

2011-02-12, 20:15

امينة تبعت سلامها ليكم
وتقول لحفصة و جوهرة نفيسة الله يخليكم ويحفظكم
فرحتني بزاف ردودكم ومشاعركمم الطيبة:)

جززائرية

2011-02-12, 20:16

لا أزال في متابعة اليوميات وأرحب كثييييييييرا بأمنية حتى إسمها وجميل ومرح مثلها

نينا الجزائرية

2011-02-12, 20:23

اهلا جزائرية
ربي يعيشك واكيد كلماتك افرحتها كثيرا

fatouma alg

2011-02-12, 20:31

مرحبا بامينة بيناتنا تشرفنا بتسجيلها
شكرا اختي على اليوميات ورانا نستناو البقية بفارغ الصبر

وردة مـن ذهـب

2011-02-12, 20:33

شكرا حنونتي نينا

والله هاداوين كان هابطلي المورال مي كي جيت و لقيت الحلقة فرحححححححححت

الله يسجيك يالزينة

و مرحبا بأمينة في أي وقت هي اللي نحاتلنا على قلوبنا سلميلي عليها أوكي ؟

سلام

في انتظار حلقة أخرى

نينا الجزائرية

2011-02-12, 20:47

الله يحفظكم البنات
ربي يعيشكم
ويحفظ بلادنا الغالية
يا وريدات الجزائر
الغاليات
http://store3.up-00.com/Feb11/pqi39651.jpg (http://www.up-00.com/)

بسمة2009

2011-02-12, 20:47

السلام عليكم
أولا أبارك للشعب المصري الفرحة عقبال الدول التي تعاني الدكتاتورية
أختي نينا أنا أيضا مشاركة في هذا المنتدى باسم بسمة الجزائر
أحببت هذه الفتاة جدا من خلال يومياتها الرائعة وخاصة عند التزامها
لم لا تشارك في منتدى الجلفة ...............
تحياتي لها ولك
أختك بسمة

نينا الجزائرية

2011-02-12, 20:56

اهلا بيك بسمة
منعرفكش هناك
انا مسجلة باسم منيرة الجزائرية
رايحة ان شاء الله تسجل في الجلفة

جوهرة نفيسة

2011-02-12, 21:05

امينة تبعت سلامها ليكم
وتقول لحفصة و جوهرة نفيسة الله يخليكم ويحفظكم
فرحتني بزاف ردودكم ومشاعركمم الطيبة:)

و الله مشاعري أعمق و أجمل مما كتبتُ ، ما أروع الصحبة الطيبة ،

و منتدى الجلفة سيزداد نورا بتسجيلها فيه

أريد أن تعلم امينة أنّ الحلقة التي ذكرت فيها أنّها ختمت القرآن الكريم 6مرات وحفظت 5أجزاء منه في رمضان أبهرتني و جعلتني أراجع نفسي في هذا الشهر الفضيل ، نتمنى أن تفيدنا لاحقا بخطتها و برنامجها الرمضاني .
اللهمّ بلّغنا رمضان

نينا الجزائرية

2011-02-12, 21:09

و الله مشاعري أعمق و أجمل مما كتبتُ ، ما أروع الصحبة الطيبة ،

و منتدى الجلفة سيزداد نورا بتسجيلها فيه

أريد أن تعلم امينة أنّ الحلقة التي ذكرت فيها أنّها ختمت القرآن الكريم 6مرات وحفظت 5أجزاء منه في رمضان أبهرتني و جعلتني أراجع نفسي في هذا الشهر الفضيل ، نتمنى أن تفيدنا لاحقا بخطتها و برنامجها الرمضاني .
اللهمّ بلّغنا رمضان

ان شاء الله اختي جوهرة:o:)

[كبْرياء]

2011-02-12, 21:50

باركـ الله فيكـ خيتو نينا

سلمينا بزاااف على أمينة

ربي يحفظكمـ إن شاء الله

سلامــ ي..

البلبلة

2011-02-12, 22:22

مبروك عليها التخرج
ومبروك علينا انضمامها
ربي يحفظك ختي نينا

نينا الجزائرية

2011-02-13, 10:07

الله يبارك فيكم ايمان وبلقيس
ربي يحفظكم

حضنية28

2011-02-13, 13:39

اختي مبروك عليك التخرج وعقبال لحوايج وحدا خرا

نينا الجزائرية

2011-02-13, 14:31

مشكورة ختي
نورتي

canard

2011-02-13, 19:59

canard

2011-02-13, 20:00

oh j'ai oublie de dire meciiiiiiiiiii ''a looooot

ماجيك بوقرة

2011-02-13, 23:55

اكيد هي حبوبة وتدخل للقلب
وكل ليعرفها ويحبها وانتي متعرفهاش وحبتيها كي تعرفيها تحبيها كثر وكثر:)

ان شاء الله نتعرف عليها

ماجيك بوقرة

2011-02-14, 00:02

امينة تبعت سلامها ليكم
وتقول لحفصة و جوهرة نفيسة الله يخليكم ويحفظكم
فرحتني بزاف ردودكم ومشاعركمم الطيبة:)

عليك و عليها السلام
ربي يخليها هي تاني فرحتنا بزاف
واتمنى نتعرف عليها و على كل الناس الطيبة هناااا

*أم كوثر*

2011-02-14, 07:37

الحمد لله على سلامتها
نفتخر بها حقا كفتاة جزائرية
سلامي وودي لكما:mh31:

نينا الجزائرية

2011-02-14, 11:06

vraiment haja foooooooooooor
mwalfa nakra yawmiat 3arabia mais el jaza2iria 3omri masabt mnha ...w min chaft hady habitha bazaaaaaaf psk kriba 3lia w nfamha mlih w en plus tahdar 3la la nessite de l'islam w el istikama fi hyatna

oh j'ai oublie de dire meciiiiiiiiiii ''a looooot

اهلا بيك اخي قارئة جديدة لليوميات
ان شاء الله
مزال هناك بقية ممتعة وشيقة
تحياتي لك:mh31:

نينا الجزائرية

2011-02-14, 11:07

يعطيكم الصحة ماجيك وام كوثر

جززائرية

2011-02-14, 13:00

السلام عليكم كيف حالكم
راني كنت عاقبة قلت ندخل نشوف مي ملقيت والو راني نستنا في الجديد

نينا الجزائرية

2011-02-14, 16:17

عن قريب ختي متقلقيش روحك

أريج ماريا

2011-02-15, 19:43

جميل كتابة ذكرياتك وماضيك وإن شاء الله يكون المستقبل واعد والصحكة متفارقكش
http://www6.0zz0.com/2010/03/04/09/202854605.gif

نينا الجزائرية

2011-02-15, 20:49

شكرا ماريا لكن ليست بيومياتي هي منقولة

حواء1996

2011-02-16, 16:43

صحصح اثرت فيا يومياتك وكما خرجت من قلبك دخلت لقلبي
ربي يجازيك كمليها عجبتني بزاف بزاف
راني متشوقة نعرف البقي

نينا الجزائرية

2011-02-16, 19:10

شكرا حنونة اشعدتني لانها اعجبتك
عن قريب سيكون تكملة
باذن الله

[كبْرياء]

2011-02-16, 19:53

إن شاء الله خيتو؛؛}

سلامــ ي..

نينا الجزائرية

2011-02-16, 20:38

أهلا ايمان ان شاء الله تكوني بخير

[كبْرياء]

2011-02-16, 21:26

نقول الحمد لله أخيتي؛؛

>>> في انتظار مزيد من الحلقات لازالة القليل من ...:19:

سلامـــ ي..

نينا الجزائرية

2011-02-17, 12:21

الحمد لله
واش نقولك ايمان
معليش اصبري

البلبلة

2011-02-17, 14:12

..............................................

نينا الجزائرية

2011-02-17, 15:46

واش بيك بلقيس

fatouma alg

2011-02-17, 20:28

مازال اختي
راني نقارعو

حضنية28

2011-02-17, 22:36

رانا نستناو اختي نينا

البلبلة

2011-02-18, 11:05

......................................

نينا الجزائرية

2011-02-18, 22:06

اسفة اخواتي جهازي تعطل هذا وين دخلت

البلبلة

2011-02-18, 22:29

اهلا ختي نينا
كشما جبتي؟

نينا الجزائرية

2011-02-18, 23:07

والو
بلقيس
الاخت حطت الحلقة هذي في منتدي اخر

اذا كان هناك جديد راكم عارفين رايحة حطو
اذا مكانش
الله غالب
مزال مكتبتوش

سعيد بذكر الرحمان

2011-02-18, 23:12

http://img254.imageshack.us/img254/6808/047.gif (http://img254.imageshack.us/my.php?image=047.gif)

نينا الجزائرية

2011-02-19, 00:02

هههه
اضحكتني ايها الاخ
بورك في مرورك
لااضنها مملة لدرجة نش الذبان

سعيد بذكر الرحمان

2011-02-19, 00:08

هههه
اضحكتني ايها الاخ
بورك في مرورك
لااضنها مملة لدرجة نش الذبان

دائما متألقة ومزيدا من مواضيعك الجميلة والرائعة

نينا الجزائرية

2011-02-19, 00:13

شكرا اخي
شرفني مرورك وتعليقك الجميل

نينا الجزائرية

2011-02-19, 00:36

السلام عليكم

كملت قرايتي وريحت من المنوض تع بكري وتعب وقلق الامتحانات والبنت لي دخلت للجامعة وقرات بيولوجي بلا ما تخيرها ولي كانت ماتعرف ولا كلمة تع فرنسي وتقعد بالساعات تهز في راسها قدام الشيخ وتلعبها فاهمة ناقشت رسالة تخرج كاملة بالفرنسية من غير ماتلقى أي صعوبة ولا تحس بالنقص تفكرت تان كيفاش دخلت وحدة طايشة وبعيدة على ربي ونهار خرجت راني انسانة ملتزمة وتخاف ربي وهنا تفكرت الدعاء لي دعيتو كي دخلت اول يوم للجامعة
اللهم ادخلني مدخل صدق واخرجني مخرج صدق

بعد اسبوع رجعت للجامعة باش نخرج وراقي وندي دبلوم تاعي وبعد جري وتعب وكمية أوراق وإجراءات طويلة تقول رح نخرج كامل من الجزائر ماشي غير من الجامعة قدرت بعد عناء دام أسابيع ندي الدبلوم ونخرج نهائيا بصح قبلها فكرت انا ولبنات لي قراو معايا باش نجتعو قبل ما كل وحدة تروح في طريقها وتشق حياتها حطينا كامل دراهم وشرينا فطور وقاطو ومشربات وخيرنا بلاصة شابة وبعيدة على الغاشي قعدنا فيها وفوتنا نهار عمري ماننساه حكينا على ذكرياتنا وكل وحدة قالت واش هي اجمل ذكرى ليها وحتى أسوء ذكرياتنا وضحكنا كيفاش كلش فات وحكينا تان كل وحدة واش باغية تدير في حياتها وطبعا كلهم اتفقو على ضرورة البحث عن عمل ايلا ماشي في مجال تخصصنا كبيولوجيين في مجال اخر المهم اننا نثبتو انفسنا وانا ماوافقتهمش في الراي ماكنتش باغية نخدم وقلتلهم تقدر المراة تثبت نفسها في بيتها ومع عائلتها بلا ماتظطر تخرج برا كل يوم وتحتك بناس تسوا وناس ماتسواش هدرتي ماعجبتش بزاف صحاباتي وقالولي هكة وعلاه قريتي كون قعدتي من بكري في داركم وريحتي روحك جاوبتهم بلي الدبلوم تاعي سلاح في يدي نخرجو وقت لي نحتاجو وقرايتي في الجامعة خلات عندي عقل واعي وثقة في النفس وتعلمت بزاف صوالح في الحياة تخليني نعرف نختار شريك العمر ونعرف كيفاش نربي اولاد صالحين وهنا بداو يقولولي انتي راكي باغية تزوجي وتعيشي خدامة لزوجك ودارهم ويجي نهار وتكرهي وترجعي لراينا ووقتها يكون راح الحال حاولت نقنعهم بلي المرأة ربي خلقها باش تقوم برسالة شريفة ولي هي تربية اجيال على طاعة الله والرسول وهذا الشي مارحش يكون عندها وقت ايلا شغلت نفسها بحاجات اخرى ومؤكد أي مراة عاملة رح يكون عندها تقصير إما تجاه زوجها او أولادها أو بيتها أو نفسها وصحتها ودينها ومستحيل تقدر توفق بين الخدمة والدار وتربح صحتها وراحتها في نفس الوقت

انتهى اليوم هذاك وانتهى معاه النقاش وكل وحدة احتفظت برايها وقناعاتها الى ان يثبت العكس اما انا رجعت للدار ومع الايام بدات قعدة الدار تعجبني نكمل شغل الصباح ونقعد اما قدام تلفزيون او النت لي زاد عدد صديقاتي فيه ووالفتهم بزاف حتى بدون مانشوفهم الا فردوس الوحيدة لي تعرفت عليها بالانترنت ولقيتها تقرا في نفس الجامعة لي قريت فيها ومن محاسن الصدف كنت نقرا مع بنت خالها ومرة قررنا نتلاقا قبل ما نتخرج من الجامعة وحددنا موعد وتبادلنا ارقام تلفون باش نقدرو نلقاو بعض و طلبنا من بنت خالها تكون همزة وصل بيناتنا وفي اليوم لي تواعدنا فيه رحت وتلاقيت بصحبتي لي تقرا معايا وهي لي داتني لعند بنت خالها و قبل مانشوفها خفت وترددت حسيت كاين فرق بين انسان تعرفو فقط من وراء الشاشة ومن خلال واش يقرر هو يكتبلك اكيد رح ترتسم صورة خيالية في ذهنك وهو تان يرسملك صورة في ذهنو انا خفت نكون بعيدة بزاف على الصورة لي رسمتهالي فردوس بصح غير شفتها نسيت تماما صورتها الخيالية وحبيت فردوس صورة وصوت اكثر من فردوس لي كانت مجرد خيال ولقائي بيها خلاني نتقرب منها اكثر ووليت نفهمها اكثر من قبل وكانت الوحيدة من صديقات النت لي حضرت حفلة تخرج تاعي وشاركتني الفرحة عن قرب
وصلى اللهم وسلم على سيدنا محمد

نينا الجزائرية

2011-02-19, 00:40

اسمحولي البنات
امينة بعتتلي الحلقة في ايمايل وكان جهازي تعطل
وفتحت الايمايل متاخر الان ولقيت اليوميات موجودة
هي تبعتلكم سلامها
وقاتلكم اسمحولي
مكانش عندها وقت
اعذروها
سلام

*أم كوثر*

2011-02-19, 08:30

بارك الله فيك و في أمينة

حواء1996

2011-02-19, 09:59

يوميات رااااااااااااااااااااااااااااائعة عندك الزهر حياتك مليئة بالمفاجئات انا نقرى في المتوسطة دايما في نفس البروقرام نادراااا ميسراولي حوايج خارج عن العادة وادا صراوي يصراوي كوااااااااااااااااااارث

نينا الجزائرية

2011-02-19, 11:53

بارك الله فيك و في أمينة
وفيك بارك الله:)
يوميات رااااااااااااااااااااااااااااائعة عندك الزهر حياتك مليئة بالمفاجئات انا نقرى في المتوسطة دايما في نفس البروقرام نادراااا ميسراولي حوايج خارج عن العادة وادا صراوي يصراوي كوااااااااااااااااااارث

ان شاء الله ربي يطول عمرك وتطلعي لليسي ولجامعة وتعيشي مغامراتها
بوركت حنونة

amouna24

2011-02-19, 12:08

فهمت عليك كلشي والله لا تقتلي بضحك ربي يوفقك سلام

جوهرة نفيسة

2011-02-19, 14:18

شكراااااااااااااااااااااااااااااااااا

وتحياتي لكما نينا وأمينة

سعيد بذكر الرحمان

2011-02-19, 14:24

هذا يومياتك وليست يوميات ...............فأنت......

بغير منازع انت لؤلؤة المنتدى وبلبلته وشمسه

نينا الجزائرية

2011-02-19, 15:14

فهمت عليك كلشي والله لا تقتلي بضحك ربي يوفقك سلام

لم افهم جيدا
لكن مع ذلك مرحبا بيك ختي امونة:)

نينا الجزائرية

2011-02-19, 15:15

شكراااااااااااااااااااااااااااااااااا

وتحياتي لكما نينا وأمينة

العفو
اهلا بيك ختي جوهرة

نينا الجزائرية

2011-02-19, 15:22

هذا يومياتك وليست يوميات ...............فأنت......

بغير منازع انت لؤلؤة المنتدى وبلبلته وشمسه

شكرا علي الاطراء رغم اني لا اضاهي صاحبة اليوميات ’ انا العبدة الفقيرة لربها
ولمرة مليون انا مجرد ناقلة لها
ولست صاحبتها
بورك مرور

نينا الجزائرية

2011-02-19, 21:13

السلام عليكم

والفت القعدة في الدار وريحت بزاف نفسيا وجسديا ومن بعد لي ديت دبلوم تع الجامعة اصبح لازم ندي دبلوم تع الكوزينة ممضي من عند السيدة ماما لي ما معاهاش الغش او اللعب ومع اني كنت شاطرة بزاف في الطياب وماكنش لي يعرف يقلي البيض خير مني قلت معليش نزيد نتعلم ماخسرت والو تعلمت بزاف اطباق تقليدية وحتى الجديدة وبالطبع الوالدة الكريمة مانساتش تعلمني القاطو وخاصة بعدما كان رمضان قريب خممت باش تتخلى نهائيا عن الكوزينة وتسلمني مفاتيح الحكم اه قصدي المطبخ.....

في شهر رمضان صنعت جدول كمخطط للعبادات لي لازم نقوم بيها في هذا الشهر الفضيل هكة باش مانتهاونش وباش تكون عندي خطة ومنهجية صحيحة نتبعها وبعثت الجدول هذاك لكامل صحاباتي لي تعرفت عليهم في الانترنت وبالطبع توقفت عن الدخول للنت باش نقدر نتبع الجدول ونتفرغ تماما للعبادة

نور كانت البنت الوحيدة من صديقات النت لي اتصلت بيا وشكرتني على الجدول الرمضاني قالتلي بلي راهي تبعو مليح وحست بحلاوة الايمان والعبادة كي داومت عليها وبدا عندها اقبال وحماس يتجدد كل يوم باش تنفذ كامل واش كاين في الجدول فرحت بزاف وشجعتها باش تواصل وهي بقات على تواصل معايا وكل نهاية اسبوع تعيطلي وتقلي وين راهي واصلة وبعد انتهاء شهر رمضان نشأت علاقة صداقة قوية وحقيقية بيناتنا انا ونور وبقى تواصلنا دايما في التلفون والفرق بين انك تتكلم مع انسان في النت واخر في تلفون هو انو الشخص لي تتواصل معاه في التلفون تحس بيه اكثر واكيد الحب لي كان بيني وبين نور كان حب في الله وخالص لوجه الله وكنت نعاملها على انها اخت وصديقة حقيقية وهي تان كانت تعتبرني من اعز صديقاتها مع انو كل وحدة فينا كانت تعرف صديقات ثانيين في النت لكن صداقتنا كانت مختلفة تماما وماهيش مرتبطة لا بزمان ولا بمكان محدد لان تواصلي معاها كان في تلفون يعني وين ماتروح و وين مانروح تلحقني اخبارها ومع ذلك عمري ماحسيت انو صداقتها مقيدتني او تخليني دايما خايفة نفقدها مثل ماكان يصرا معايا في علاقتي بوفاء ورغد الفلسطينيات كانو كل وحدة فيهم تبغي نكون صديقتها المقربة و الوحيدة وانا حسبت انهم يعاملوني انا برك هكة بصح حتى اميرة كانت تلقى منهم نفس المعاملة اما انا كنت نعاملهم مثل بعض وما نميز حتى وحدة عن الاخرى ومع انو ننزعج مرات من حبهم للتملك ونظرتهم المختلفة علينا للصداقة الا اني كنت نحاول دايما نوصللهم فكرة انو الحياة فيها بزاف حاجات مهمة اكثر من مجرد صديق تعرفنا عليه في النت والوحيدة لي كانت ماتحاسبنيش ولا تقيدني بصداقتها هي بسمة من غزة دايما نفتحو محادثاتنا بحب وود ونغلقوها وحنا متحابين وبدون اي حساسيات او مشاكل

فاتت الايام وبعض صحاباتي لي قراو معايا لقاو خدمة بصح بزاف منهم لي مالقاوش اما فاطيمة تزوجت ونسات تماما فكرة العمل وحقوق المرأة لي كانت تأمن غير بيهم وانا عجبتني بزاف كيفاش ولات وتمنيت يرزقني ربي بزوج صالح ونتهنى بصح انا شروطي قاوية وعلى هذا حتى عريس من لي تقدمو عمرلي عيني وكنت دايما نقولهم اذا ماكانش سلفي ملتحي ومتدين بزاف مانديهش خاطر كنت باغية انسان ياخذ بيدي للجنة ويخليني نرتقي لمستواه الديني ويعلمني ويثقفني اكثر في الدين ويساعدني ويشجعني اكثر على الالتزام وهذا الرأي كانت توافقني عليه بزاف سعاد و أميمة خواتات مرت خالي ولي بفضلهم بعد الله تغيرت حياتي للاحسن ولي خلاني نصر على رايي ونتمسك بيه اكثر لما تزوجت سعاد من رجل سلفي ملتحي على خلق ودين فرحتلها من كل قلبي وبقيت دايما ندعي ربي يبعثلي مكتوب كيما هي وهي مسكينة من كثر ماشافتني متمسكة برايي ورفضت أي واحد مش ملتزم قلبا وقالبا قالت لزوجها اذا كان واحد صاحبو حب يتزوج يقلو عليا وبالفعل كان واحد معرفتو من البعيد يحوس على بنت الحلال و زوج سعاد قالو عليا والسيد وافق وبعث امو واختو يخطبو وانا اكيد بعد ما خبرتني سعاد طرت من الفرحة وماسقسيت حتى على حاجة بعدما قالتلي انو كيما نحب ونتمنى ملتزم جدا وملتحي ومطبق السنة في كل امور حياتو
وصلى اللهم وسلم على سيدنا محمد

جوهرة نفيسة

2011-02-19, 22:38

شكرا لكما على هذا الكرم : حلقتان في يوم واحد :19::19:

كنت متأكدة باللي دايرة برنامج رمضاني خاص ........ ما تقلقيش روحك نينا راني نحوس عليه و إن شـــــــــــــاء الله نلقاه .....
:):):):):):)

نينا الجزائرية

2011-02-20, 11:11

في انتظار البقية من الف نينه ونينه
:19::19::19:
بارك الله فيك اخي:)
شكرا لكما على هذا الكرم : حلقتان في يوم واحد :19::19:

كنت متأكدة باللي دايرة برنامج رمضاني خاص ........ ما تقلقيش روحك نينا راني نحوس عليه و إن شـــــــــــــاء الله نلقاه .....
:):):):):):)

تستحقون ذلك اختي جوهرة
لما تسجل اختنا ممكن تتكرم وتعطيك برنامج رمضاني ولكل الاخوات في منتدي

بسمة2009

2011-02-20, 11:19

ننتظر البقية بفارغ الصبر

نينا الجزائرية

2011-02-20, 11:38

ان شاء الله بسمة
مقلتليش اذا عجبوك حلقتين الجداد

جززائرية

2011-02-20, 18:13

سلام نينا وش راكي فرحت بزاااف كي لقيت زوج حلقاااااات مي أنا طماعة نحوس على ما كثر ههههههههه

شكرااااااااا جزيلاااااا عجبوني بزاف وربي يعطيها ما تتنمى

حااااابة نعرف بزاف إذا تزوجت ولا لالا هههههههه

أياراني نتبع فيك كش جديد راني هنا

والسلام عيكم ورحمة الله وبركاته

نينا الجزائرية

2011-02-20, 18:21

وعليكم السلام ورحمة الله وبركاته
اهلا حنونة
انتي قرعاجة بزاف
ان شاء الله عن قريب ستكون حلقات جديدة
بالنسبة للزواج
ستكون خيالية

fatouma alg

2011-02-20, 18:24

حلقتان رائعتان بس يا ريت لوكان تتكرم علينا وتزيدنا حلقتان واحدوخرين هههه
تحياتي لصاحبة الموضوع
شكرا لك وننتظر البقية

نينا الجزائرية

2011-02-20, 19:10

متكونيش طماعة فطومة ههه
عن قريب يخرجو حللات رايعين
باذن الله

ماجيك بوقرة

2011-02-20, 23:52

مشاء الله
ربي يحفظك ختي نينا على مجهوداتك
و رائعة امينة صاحبة اليوميات ان شاء الله متبخلش بالتكلمة عن قريب
بارك الله فيكما

بسمة2009

2011-02-21, 12:44

ان شاء الله بسمة
مقلتليش اذا عجبوك حلقتين الجداد

سلاااام
سي نورمال عجبوني
ربي يسعدها
ربي ينورك ويسعدك اختي نينا
ننتظر التكملة :19:

نينا الجزائرية

2011-02-21, 12:52

مشاء الله
ربي يحفظك ختي نينا على مجهوداتك
و رائعة امينة صاحبة اليوميات ان شاء الله متبخلش بالتكلمة عن قريب
بارك الله فيكما
ربي يهنيك
اكيد امينة فرحانة لانها عجبتكم
وانا تاني فرحانة لاني قدرت نوصلكم حاجة تعجبكم وتسليكم

سلاااام
سي نورمال عجبوني
ربي يسعدها
ربي ينورك ويسعدك اختي نينا
ننتظر التكملة :19:

اللهم امين وانتي تاني بسمة
ربي يحفظك

نينا الجزائرية

2011-02-21, 13:07

السلام عليكم

زوج مثالي كيما كنت نحلم ونتمنى استنيت يوم يجو اهلو يخطبو وحتى هوما ماطولوش غير قالهم وليدهم عيطو في تلفون باش يقولولنا على نهار لي يجو فيه وتفاهمو على نهار الخميس لي كان باقيلو برك يومين وجدنا القاطو و خممت نلبس جوب وبودي بصح ماما مابغاتش وقالتلي البسي جبة خير وماحسيتش كيفاش فاتو اليومين وجا الخميس

كنت بزاف مقلقة وخايفة وحشمانة وكي وصلو جرينا باش نطلو من الشق تع الباب انا واختي بانولي ناس بسطاء وماشي متكبرين خاطر نحاو سبابطهم قدام الباب وامو هبطت وباست خويا الصغير لي كان واقف تم

بعد ما قعدت معاهم ماما شوية داتلهم القهوة وقالتلي وجدي روحك راهم يسقسو عليك وبعد عشر دقايق عيطتلي و وقتها قلبي بدا يخبط وحكمتني الحشمة وماحسيتش بروحي كيفاش دخلت عليهم سلمت على امو وبعدها اختو ومن الحشمة قريب سلمت تان على ماما حتى ضحكو كامل عليا و وقتها احمرت وقعدت ساكتة حتى بدات اخت العريس تسقسي فيا واش راكي و وكملتي قرايتك او لا ويلا راني باغية نخدم او لا وانا نجاوبها برك على قد السؤال وبعد شوية شفت لماما لقيتها تغمزلي فهمت بلي راهي تقلي زعما نوضي خلاص نضت وجيت خارجة حتى سمعت ام العريس تعيطلي ارجعي يابنتي احنا وليدنا وصانا على شروط لازم نسقسوك ايلا تقبليها رجعت وبديت نسمع

لازم تديري جلباب ونقاب قلتلها ايه معليش

تقعدي في الدار ماتخدميش قلتلها ماذا بيا

ماكانش تلفزيون لا اذاعة اذا ضاقت روحك اقراي قرآن ولا أي كتاب وخلاص هذي كشغل شوية ماعجبتنيش بصح هزيت راسي زعما ايه

الاعراس ممنوع الا لي مافيهاش الغناء والاختلاط وهذي وليد عمي ووليد خالي انسايهم وزيارة والديك هذي واجبة ولازم بصح ماشي دايما وهنا بديت نتقلق وقلتلها انا بلا ماتوصي ولاد عمتي نلقاهم بالخمار والاعراس لي فيها معازف مانحضرهاش هي قالتلي هذي الشروط ودارت لماما لي لقيناها عاقدة حواجبها وباينة لي ماعبهاش الحال وقالتلها قبل ماننسى ماذا بيكم ماتغلوش علينا في المهر اقلهن مهورا اكثرهن بركة وهذي المرة انا لي نظت وبلا ماتغمزلي ماما بالعكس انا كنت باغية نغمزها باش تنوض

انتهت الزيارة وماكنتش بزاف راضية على الموضوع وماما وافقتني الرأي بصح بابا قال لازم نسقسي عليهم ونشوف ممكن هو ناس ملاح هذيك الليلة ماجانيش رقاد قلت هذا عريس ملتزم كيما نبغي واذا رفضتو الله اعلم ايلا يتقدملي واحد كيفو او لا وقررت اني نصلي استخارة ونخليها على ربي سبحانه

بعد ايام بابا دار التحريات تاعو ولقى انو العريس المحترم المدعو فيصل شخصية معقدة ومتعصبة دينيا كان يخدم وعندو منصب لاباس به في شركة حكومية واستقال لاسباب غامضة وضروك راه عاطل عن العمل وطبعا بعد كل هذي المعطيات صار واضح رد بابا وردي انا اكيد كان ملثو non

وكي فاتت سمانة عيطو اهل فيصل باش يعرفو ردنا وتفاجئو بزاف كي قالتلهم ماما باباها ماقبلش وقالولها لازم نعرفو الاسباب وكي قالتلهم بلي ماقبلناش على خاطر وليدكم ماهوش خدام كان ردهم بسيط ومقنع الرزق لى ربي

يعني فهمت في النهاية بلي هذو ناس يستعملو الدين برك وين يساعدهم حافظين غير الايات والاحاديث لي تسهل عليهم ونظن بلي اية مثل ( وَقُلِ اعْمَلُوا فَسَيَرَى اللَّـهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَىٰ عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ ) يمرو عليها مرور الكرام

وصلى اللهم وسلم على سيدنا محمد

محامية العدل

2011-02-21, 16:42

وااااااااااااااو شكرا نينا انا انتظر التكملة بفارغ الصبر

نينا الجزائرية

2011-02-21, 16:44

اهلا محامية العدل
ان شاء الله عن قريب
راح تعيشو مع الاخت
يومياتها مع العمل

محامية العدل

2011-02-21, 16:49

انشاء الله يا رب ولعقوبة لينا الخدمة اميييييييييييين

نينا الجزائرية

2011-02-21, 17:45

اللهم امين يا رب
انا كرهت الدار والانترنيت هههه

rafahe2012

2011-02-21, 18:18

وووووووووووووووووووواووووووووووووووووو

رووووووووووعة يوميات ررررررررررررررررائعة
ننتظر التكملة

جوهرة نفيسة

2011-02-21, 18:28

الآية : (( و قل اعملوا فسيرى الله عملكم و رسوله و المؤمنون))

أنا رجعت من الخدمة عيانة بزاف و هذ الحلقة نحات لي شوي على خاطري

شكرا جزيلا و رب ّ يعطيك ما تتمناي نينا ، أنا و الله حاسة بيك و نامّن على دعائك

نينا الجزائرية

2011-02-21, 21:13

وووووووووووووووووووواووووووووووووووووو

رووووووووووعة يوميات ررررررررررررررررائعة
ننتظر التكملة
اهلا اختي نورتي
ابقي في متابعة
الآية : (( و قل اعملوا فسيرى الله عملكم و رسوله و المؤمنون))

أنا رجعت من الخدمة عيانة بزاف و هذ الحلقة نحات لي شوي على خاطري

شكرا جزيلا و رب ّ يعطيك ما تتمناي نينا ، أنا و الله حاسة بيك و نامّن على دعائك

ربي يخليك نفيسة ويحفظك ويتقبل منك

ماجيك بوقرة

2011-02-21, 21:20

روعة اختي نينا
ربي يحفظك انتي و صاحبة اليوميات
أختك حفصة

اميرة زندل

2011-02-22, 01:28

لفتني العنوان فدخلت اذ اجد قصة تستحق ان تكون سيناريو لمسلسل
سرد قصصي رائع ومشوق ربي يحفظك اختي نينا والاخت امينة احببتكما كلتاكما

ونن ننتظر الى اين وصلت الاخت امينة في مشوارها متمنية لها حياة سعيدة

نينا الجزائرية

2011-02-22, 11:53

روعة اختي نينا
ربي يحفظك انتي و صاحبة اليوميات
أختك حفصة
الله يخليك حفصة نورتي
اليوم حلقة جديدة
لفتني العنوان فدخلت اذ اجد قصة تستحق ان تكون سيناريو لمسلسل
سرد قصصي رائع ومشوق ربي يحفظك اختي نينا والاخت امينة احببتكما كلتاكما

ونن ننتظر الى اين وصلت الاخت امينة في مشوارها متمنية لها حياة سعيدة

الله يعيشك ويخليك
اختي اميرة نورتي
احبك من احببتني من اجله

نينا الجزائرية

2011-02-22, 11:54

سلام عليكم
بعد حكاية العريس الاخير تخليت مؤقتا على فكرة الزواج اما بابا وماما بداو يقولولي لازم تحوسي على خدمة ماقريتيش في باطل وانا بعد ما كملت مع حيلة راني باغية نريح من تعب القرايا مالقيت مانقول خاطر ريحت بما فيه الكفاية بديت نتحجج بلي الخدمة ماراهيش تتطايش ولي جا يخدم ولازم المعرفة وحتى مرات الرشوة باش الواحد يلقى بلاصة
هدرتي هذي كانت تسكتهم مؤقتا بصح ماشي بزاف بابا وين مايلقى اعلان عمل ولا concours يقلي عليه وانا طبعا كل مرة نلقى حجة باش مايقليش روحي حتى لليوم لي كان رح يشري الدوا من صيدلية قدامو وين يخدم لقاهم حاطين اعلان بحث عن vendeur قالي روحي راني هدرت معاهم وقالولك ارواحي وقتها مالقيت حتى مهرب قلتلتو ايه حتى نفرغ ونروح ليهم وماعرفتس علاه بدى بابا يزقي عليا ويقلي كيفاش هذي ايلا فرغت كامل هذا الفراغ لي راكي فيه ومازلتي تهدري من واش راكي باغية تفرغي من الرقاد ولا من تفراج تع رسوم متحركة ولا من قعاد والجمايع في النت وانا اكيد بعد كل هذه المحاضرة قلتلو خلاص غدوة ان شاء الله نروح
في الصباح لقيت ماما واقفة عند راسي على 8 قلتلها راني رايحة نشوف ايلا يقبلوني ماشي رح نخدم باش نروح هكة بكري و رجعت رقدت وبعد نص ساعة لقيت بابا يزقي ويقلي وقتاش راكي باغية تروحي لي يحوس يخدم ليق يبكر
رحت وانا كارهة وكي وصلت لقيت بزاف غاشي ماقدرتش نهدر معاهم قلت في قلبي خلاص ربي ماكتبش نرجع وخلاص وقبل مانكمل هذي الهدرة عيطلي بابا في تلفون وقالي وين راكي قلتلو لقيت بزاف غاشي نرجع للدار و غدوة نجي ليهم وما علاباليش واش زعفو قالي تقعدي تم حتى ينقص الغاشي واهدري معاهم وسقسيهم على مول ال pharmacie واهدري معاه و بعد مانقصو سقسيتهم ايلا راهم يحوسو عاى vendeuse قالولي ايه بصح لازم تستناي السيد فؤاد صاحب الصيدلية قتلهم وقتاش يرجع قالولي العشية
فكرت باش نستناه بصح لقيتها قاوية فكرت نرجع للدار بصح كي تفكرت واش رح نسمع من بابا تراجعت استنيت شوية وبعد نص ساعة قلت احسن حل نرجع ونقولهم ماجاش السيد فؤاد
بابا ما فقدش الامل وقالي معليش ارجعي ليه غدوة قلتلو ايه وفي الغد رحت حوست مليح وشريت صوالح كنت محتاجتهم ورجعت للدار وكي سقساني قلتلو اليوم تان ماجاش بصح بابا فاق وحس بلي راني نتهرب وخلاص وقالي واش عليه غدوة نروح معاك ونستناوه
في الغد رحنا بكري ومن هذاك الزهر لقيناه تم قالو بابا واش لقيتو vendeur قالو لالا والله مزال وقتها دار ليا بابا وقالي اتفضلي
انا تأتأت شوية ومن بعد قلتلو انا قريت بيولوجي تخرجت هذا العام وما خدمتش كامل من قبل وراني باغية نخدم هنا معاكم
قالي يعني ماعنكش خبرة
قلتلو ايه ماعنديش
رد عليا الله غالب لازم تكون عندك خبرة
وانا رديت عليه بكل فرح وسرور صحيت بارك الله فيكم وجيت خارجة تقول خايفة ايلا يرجع في رايو ويوافق وقبل مانخرج سمعت بابا يزقي عليه ويقلو وضروك ايلا انت ماقبلتها وغيرك ماقبلها من وين رح تجيب هذي الخبرة والسيد قالو الله غالب هذا دوا ماشي حانوت تع كسوة
انا طبعا ما تجرأتش ننطق بحتى كلمة وبابا بقى زعفان مني خاطر حس انا لي راني رافضة الخدمة وهو كان يخمم بلي لازم نخدم باش ماتروحش قرايتي باطل ونلايم شوية دراهم نجهز بيهم روحي
بعد ايام عيطتلي صحبتي قرات معايا تسقسي عليا وكي سقسيتها واش اهي تدير قالتلي بلي لقات خدمة في depot تع الدوا وراهم يحوسو على بيولوجيين
باش نفرح بابا وماما قلتلهم على هذي الخدمة وهوما شجعوني باش نروح وفي الغد نضت بكري ديت دبلومي ورحت وكي لحقت دخلت لعند المسؤول وقلتلو بلي راني نحوس على خدمة قالي خدمتي من قبل قلتلو لالا بصح مستعدة نتعلم ومعليش في البداية نخدم بلا خلصة حتى نتعلم بعدها انتم قررو ايلا تقبلوني او لا
هدرتي قنعاتو مبدئيا قالي معليش حطي رقم تلفونك وبعد ايام نعيطولك خرجت فرحانة وفرحت بابا وماما وقعدنا كامل الاسبوع نستناو وقتاش يعيط وبعدما فات اسبوع وايام قالي بابا معليش ارجعي ليه وسقسيه ممكن يكون ودر رقم تاعك
رحت وكي سقسيتو ايلا قبل العرض تاعي تردد شوية وبعد قالي اسمحيلي اختي انتي تباني عاقلة بزاف وخدمتنا تحتاج واحد قبيح
عجبتني هذي تع عاقلة
يعني جواب دبلوماسي ومع انو رفض بصح ماجرحنيش وخلى اثر طيب في نفسي
وصلى اللهم وسلم على سيدنا محمد

نينا الجزائرية

2011-02-22, 15:41

حســـــــــــبنا الله ونعــــم الوكــــــيل
اللهم يا مغيث اغــــث اهل ليــــبيــا
اللهم يا مغيث اغــــث اهل ليــــبيــا
...اللهم يا مغيث اغــــث اهل ليــــبيــا

بسمة2009

2011-02-22, 15:47

شفتي الدنيا بالوجووووه
ههههه
بصح الاخرة بالافعال

بسمة2009

2011-02-22, 16:00

حســـــــــــبنا الله ونعــــم الوكــــــيل
اللهم يا مغيث اغــــث اهل ليــــبيــا
اللهم يا مغيث اغــــث اهل ليــــبيــا
...اللهم يا مغيث اغــــث اهل ليــــبيــا
اللهم امين يارب العالمين

نينا الجزائرية

2011-02-22, 16:03

شفتي الدنيا بالوجووووه
ههههه
بصح الاخرة بالافعال

اكيدة كي نموتو ماندو معنا والو
الا افعالنا
يا سعدو فاعل الخير

canard

2011-02-22, 19:54

merci nina c'est tres beaux
b_y_e
:)

نينا الجزائرية

2011-02-22, 20:46

وعليكم السلام
بطة
نورتي الموضوع

ماجيك بوقرة

2011-02-22, 21:45

يعطيك الصحة ختي نينا
ان شاء الله يوفقنا كامل نصيبو خدمة
سلامي و حبي لك و لأمينة
أختك في الله حفصة

allmaza

2011-02-23, 12:05

في انتظار البقية

جوهرة نفيسة

2011-02-23, 12:50

نينا الجزائرية

2011-02-23, 13:59

شكرا جزيلا نينا على الحلقة الجديدة نسينا للحظات الهمّ تاع هذاك الملعون القذافي

اليوميات هذو و الله خير من كل المسلسلات و أنا عندي سنوات م اللي هجرتهم كامل بالاك على هذا نحب بزاف رائعة أمينة و الفضل لك أنّك جبتيها لنا

تحياتـــــــــــــــــــــــــــــــــــــــــــــ ــــــــــي
:)
ربي يحفظك جوهرة نورتي
في انتظار البقية
ان شاء الله عن قريب المازة
يعطيك الصحة ختي نينا
ان شاء الله يوفقنا كامل نصيبو خدمة
سلامي و حبي لك و لأمينة
أختك في الله حفصة

الله يحفظك حفصة اسمك جميل خير
من ماجيك بوقرة هههه
ربي ينور عليك

محامية العدل

2011-02-23, 15:23

نينا رانا نستناو حلقة جديدة :)

نينا الجزائرية

2011-02-23, 16:57

اهلا بيك محامية عد
باذن الله عن قريب

وردة مـن ذهـب

2011-02-23, 17:58

من زهري بزاف..
دخلت لقيت 4 حلقات..
واااااااااااااي
شكرا نينا ربي يخليك
رانا نستناو فالجديد

إدا لقات خدمة وحدوخرى ولا لالا

سلااام..

نينا الجزائرية

2011-02-23, 20:39

انتي واش رايك ختي تلقي خدمة ولا لا
نورتي فرحتي مرورك

نينا الجزائرية

2011-02-24, 12:05

السلام عليكم

بديت نمل من قعدة الدار حفظت كامل http://up.arab-x.com/Feb11/vnV45407.gif (http://up.arab-x.com/)لكوميكات من كثر لي تفرجتهم وعاودتهم وصديقاتي في الانترنت بعضهم كانو مشغولين بقرايتهم والباقي كنت نقعد نحكي معاهم طول اليوم حتى مابقاش واش نحكو ومع الايام اكتشفت انو الوحدة تتعلق بطريقة غريبة ببعض الصديقات في النت وتربط سعادتها او تعاستها بيهم خاصة لما تكون في مثل حالتي تعيش فراغ عاطفي لا زوج لا عمل مارحش تلقى غير بعض الصديقات تتعلق بيهم بطريقة غير طبيعية ومن كثر القعدة قدام النت اكتشفت اني بنيت لنفسي سجن وغلقتو بيديا وليت منطوية على نفسي وعايشة فقط في عالم رقمي مع ناس خياليين وصداقات وهمية و اهملت عائلتي لاني كنت نقضي كامل اليوم في النت بمجرد مانخلص شغل البيت نجري نفتح الايمايل والمنتديات ونسيت بلي القعدة مع ماما تسوى الدنيا وما فيها

حالتي هذي ماعجبتنيش وحاولت نعالج روحي من شيئ اسمو الادمان على الانترنت على خاطر بحثت وحوست وسقسيت وعرفت بانو الانسان لي يقعد بزاف قدام جهاز الكمبيوترhttp://up.arab-x.com/Feb11/vNE45403.gif (http://up.arab-x.com/) يولي عصبي لانو هناك اشعة سلبية تنبعث من الجهاز تأثر على الدماغ وتخلي الواحد سريع الانفعال واكيد بعد ماقريت هذي المعلومة فكرت نبعد مؤقتا عن النت وطلبت من بابا مايخلصوش هذا الشهر وبالفعل لاحظت الفرق رجعت انسانة اخرى وليت ندخل اكثر للكوزينة ونقعد وقت كبير مع عائلتي وحتى شغل البيت وليت نقضيه احسن بدلت الديكور و قصيت شعري باش نبدل اللوك وباش مانحسش بالروتين ونمل وليت نروح مرة عند جدي ابو ابي ومرة عند جدي اب امي ومرات نتفاهم مع اميمة ونتلاقاو عند اختها لي هي مرت خالي بصح ماتخليتش عن صديقات لي عرفتهم في النت ومرة على مرة نبعثلهم مساجات واكثر صديقة كنت معاها دوما على تواصل هي نور لانها كانت صديقة حقيقية و وفية وهكة حسيت نفسي انسانة اخرى وتغيرت نفسيتي للاحسن وحتى بعد ما رجعت للنت نظمت وقتي وما وليتش ندخل بزاف وكي ندخل تفاهمت مع صديقتي سهام من العاصمة نحفظو القرآن ونشدو لبعضانا و وليت ندخل للمقرأة مع صحبتي شيرين المصريةhttp://up.arab-x.com/Feb11/pDd45135.gif (http://up.arab-x.com/)

بابا وماما مانساوش حكاية الخدمة ومرة جات بنت الجيران تسقسي ايلا نقدر نفهمها في درس تع علوم دخلتها وشرحتولها مليح فرحت بزاف مسكينة وطلبت مني نديرلها دروس خصوصية في العلوم وانا قبلت طبعا وتفاهمنا نبداو في نهاية الاسبوع وقلتلها تخبر صحاباتها يجو معاها وتفاهنا طبعا على الدراهم شحاال نخلص عليهم وفي اول اسبوع جات وحدها فهمت مليح وجاوبت على كل الاسئلة وبعد اسبوعين بدا يزيد عدد البنات وانا وليت نستمتع بالعمل معاهم خاطر كان ماشي يوميا وزايد قاعدة في الدار والاحسن انو كان مدخول نستفيد منو وبعدها جاو اولاد جيران صغار يقراو في الابتدائي وحبو نعاونهم في الدروس وانا قبلت بيهم كان عددهم خمسة و وقتها بدا الضغط لانو قوات عليا الخدمة وزيد التعامل مع الاولاد الصغار صعيب ومتعب و وليت نقضي نص الوقت وانا نسكت فيهم ونصالح بيناتهم ولي قضات عليا لما بدا المنتخب الوطني لكرة القدم يحقق الانتصارات بداو لبنات الكبار كلما نعطيهم تمرين نلقاهم فاتحين محادثات جانبية نحسبهم راهم متشاورين على التمارين لوكان مانسمعهش مرة على مرة يذكرو اسم من اسماء اللاعبين هذا ماجيك وهذا كبسولة وكلما نجي نفهمهم حاجة ونقول كلمة يبدى يتنهدو كلهم مع بعض ويقولولي اييييييه يبدة!!!
انا طبعا قعدت بزاف باش فهمت انهم راهم يقلبو الفعل يبدأ لاسم اللاعب يبدةhttp://up.arab-x.com/Feb11/sc945136.gif (http://up.arab-x.com/)يعني ياسلام على ذكائهم لو برك كان في القراية وحتى لولاد الصغار ماسلكتش منهم وكل مانطلب منهم تشكيل جملة ما يلقاوش غير الجمل لي تحكي على المنتخب وكلما نعطيهم تمرين يحلوه نلقاهم يا اما يرسمو في العلام يا اما متشاورين بيناتهم على وش هي خطة اللعب لي مفروض يطبقها المدرب وباش يرشوني ونسكت مانقلهم والو كانو يجيبولي تصاوير تع اللاعبين ويعطوهملي
مساكين ماكانوش يعرفو بلي انا خاطيني البالو ومانعرفش نفرق بين l'arbitre و gardien

في نهاية السنة زيرتهم مليح و وليت اكثر حزم معاهم وبفضل الله كلهم حققو نتائج مرضية وفرحو والديهم وطبعا فرحوني ولكن بعدها انا حلفت بلي هذي اخر مرة نجرب ندخل في سلك التعليم بعدما خرجت من هذي التجربة نص مهبولةhttp://up.arab-x.com/Feb11/StG45136.gif (http://up.arab-x.com/)

في هذا الصيف ماحسيتش بفرحة العطلة الصيفية لي كنت نحس بيها بكري ولي كنت نحسبلها الايام والشهور من يوم الدخول المدرسي اما الان بعدما ديت العطلة الابدية ماولاتش تفرق عندي خريف ولا صيف وبما انو حبست من اعطاء الدروس بديت نسمع الموال القديم تع بابا وماما "لوكان لقيتي خدمة ماشي خير" وانا نقلهم مارانيش وحدي لي قاعدة في الدار كامل صحاباتي راهم كي حالتي حتى جا اليوم لي ماما بغات تير تحاليل تع السكر رحت معاها لمخبر تحاليل يقولو عليه مليح بزاف و كي لحقنا تم تفاجئت بصحبتي هي لي دارت prélèvement لماما لي رغم كل شي مانساتش تسقسيها اذا عندها بزاف تخدم هنا اولا ولي سلكتني شوية كي قالتلها بلي راهي برك دايرة stage يعني مؤقت برك بصح هذا مامنعش السيد بابا باش يديرلي الخطبة الشهيرة على ناس لي شاطرين وما يبغوش يضيعو وقتهم وقالي تكتبي demande وتديه لمدير المخبر لي من سوء اقصد حسن حظي خرج من معارف بابا وشرط عليا باش نقلو بلي انا بنت صاحبك هكة باش نظمن انو يقبلني بصح انا ماعجبتنيش هذي الاخيرة ورحت حطيت الطلب الخطي وتكلمت مع المدير وقلتلو كلش الا حكاية انا بنت فلان وهو رد عليا بكل ادب واحترام "حطي الطلب مع رقم التلفون وكي نستحقوك نعيطولك"http://up.arab-x.com/Feb11/hzd45136.gif (http://up.arab-x.com/)

وصلى اللهم وسلم على سيدنا محمد

ماجيك بوقرة

2011-02-24, 16:58

الله يحفظك حفصة اسمك جميل خير
من ماجيك بوقرة هههه
ربي ينور عليك[/quote]
الله يسترك شكرا
ان شاء الله عن قريب نبدلووه

ماجيك بوقرة

2011-02-24, 16:59

مشاء الله
يعطيك الصحة ختي نينا
سلامي لك و لى أمينة
مع العلم اصبحت مدمنة هذه اليوميات مممممممم
اختك حفصة

نينا الجزائرية

2011-02-24, 17:54

الله يحفظك حفصة اسمك جميل خير
من ماجيك بوقرة هههه
ربي ينور عليك
الله يسترك شكرا
ان شاء الله عن قريب نبدلووه[/quote]
ان شاء الله
مشاء الله
يعطيك الصحة ختي نينا
سلامي لك و لى أمينة
مع العلم اصبحت مدمنة هذه اليوميات مممممممم
اختك حفصة

ترقبي الجديد عن قريب
منورة دائما

keri92

2011-02-24, 19:57

السلام عليكم .........اهلا بنات ........ انا كريمة....... طالبة في 3 ثانوي ....... متشرفة بمعرفتكن .........
اخت نينا قرات ما كتبت و اكثر ما اعجبني هو حفظك كتاب الله ....... فبارك الله فيك و في والديك .... و وفقك لختمه ........ تحياتي

نينا الجزائرية

2011-02-24, 20:02

اهلا بيك اختي
شرف لي ان احفظ القران
لكن الاخت صاحبة اليوميات هي من حفظت القران
ان شاء الله ربي يحفظها لاهلها

keri92

2011-02-24, 20:06

ان شاء الله اختي ربي يحفظك ........ انت و كامل لبنات و يوفقكم ........سلاااااااااااااااام

نينا الجزائرية

2011-02-24, 20:08

اللهم امين
وعليكم السلام

نينا الجزائرية

2011-02-25, 11:54

السلام عليكم

بعد الرد المحترم للسيد مدير المخبر رجعت فرحانة للدار وغير دخلت سقساني بابا وقتاش تبداي الخدمة زعما كان واثق ومتأكد بلي رح يقبلني كي نقلو انا بنت صاحبك وانخلع كي قلتلو على الرد تع صاحب المخبر وقالي كيفاش قلتيلو بلي بنتي و رد عليك هكة اما انا حمدت ربي لي خلاص الموضوع بهذي الطريقة

بعد ايام سمعت بلي كاين concours تع اساتذة وبابا هو لي جابلي الخبر من عند واحد صاحبو في l'académie وجابلي حتى واش نخرج ورق واكد عليا باش نخرجهم واكيد انا وافقتو مع اني مانستعرفش بزاف بحكاية les concours بصح قلت ماعليش نسيي زهري وعيطت لصحبتي فتيحة باش نروحو مع بعض خاطر نعرفها تموت على هذو المسابقات وتلحقهم وين مايروحو شرق ولا غرب

في الصباح خرجنا على 9 ورحنا للمحكمة باش نخرجو شهادة السوابق العدلية والجنسية وكي لحقنا تم لقينا بزاف غاشي تقولي كامل الشعب الجزائري راه بدون عمل وغير شفت لاشان تفكرت يامات الريسطو وكنت رح نرجع للدار لوكان ماشي فتيحة دارتلي الكوراج

درنا لاشان وبعد تقريب اكثر من ساعة لحقنا ودفعنا كوارطنا وقالولنا ارجعو غدوة باش تدو شهادة السوابق العدلية اما الجنسية تخرجوها من مكان اخر واحنا بعدها ما شقيناش نحوسو على هذا المكان خاطر كان راح الحال وكنا عيينا
ثاني يوم قلنا نبكرو احسن باش مانديروش هذي لاشان وعلى 7.30 كنا قدام المحكمة قلنا نخرجو الجنسية وبعدها نجيبو شهادة السوابق العدلية كنا حاسبين بلي بكرنا اليوم بصح انخلعنا كي لقينا جيش كبير قدامنا تقول باتو تم واظطرينا نديرو لاشان لليوم الثاني على التوالي بصح هذي المرة طولنا بزاف حتى لل 11 باش لحقنا وكي مديت شهادات الميلاد الاصلية تاعي وتع بابا وجدي لقات السيدة المحترمة بلي شهادة ميلادي انتهى تاريخ صلاحيتها يعني فات عليها اكثر من ثلاث اشهر ونفس الشي صار مع فتيحة وقبل ما ننهار من التعب والزعاف رحنا جبنا شهادة السوابق العدلية وتماك تلقيت الضربة القاضية كي لقيتهم غالطيني في الاسم وقالولي ارجعي غدوة نصلحوهلك

فتيحة ما يأستش وبقات تخرج في باقي الاوراق اما انا كنت رح نتخلى على فكرة ال concours بصح ماقدرتش نقنع والديا على هذاك صبرت وخرجت هذيك الكمية الهائلة من الاوراق وفي الاخير كي كملت ال dossier وخرجت كامل وراقو بعد معاناة ومشادات مع موظفين الادارات نهار رحت باش نحط الملف قالولي مانقدروش نقبلوك لانو انتي عندك شهادة مهندس دولة و احنا مشترطين فقط لي عندهم ليسانس قلتلو واش هو الفرق جاوبني بلي احنا ال niveau تعنا عالي على استاذ ابتدائي ولا في المتوسط قلتلو معليش ياسيدي انا راني باغية نهبط niveau واش راحلكم انتم لكن ماقدرتش نقنعو ورجعت للدار وانا نحلف بلي في حياتي مارحش نفوت concours

بعد ايام نسيت الصدمة ورجعت لحياتي العادية والروتينية وكنت مرة على مرة نعيط لصحاباتي باش نقرعج ونجمع شوية اخبار ومن بينهم طبعا لطيفة لي كانت تخدم في صيدلية وهي مسكينة jamais نساتني ودايما تسقسي عليا وكل مانهدر معاها تقلي حوسي على خدمة والله تحسي روحك عندك وزن وكلمة في المجتمع وانا نتحجج بلي ماعنديش الزهر والخدمة ماراهيش كاينة

بابا الوحيد لي ما يأسش من البحث على خدمة ومرة تلاقى بصاحب مخبر التحاليل وقالو راني زعفان عليك كيفاش بعثت بنتي تخدم او تدير غير stage عندك وماقبلتهاش والسيد مسكين قعد يحلفلو بلي ماجات ليه حتى بنت وقالو قلها تجي ليا غدوة
في الغد رحت بصح ماشي وحدي كنت مع بابا وبعد ماحكينا مع مدير المخبر قالو نشدها تدير stage ومن بعد يديرلها ربي تاويل وقالي في اول الشهر الجاي لي كان باقيلو 5 ايام ارواحي تبداي ان شاء الله

وصلى اللهم وسلم على سيدنا محمد