استفسار عن بلاط الأرضية

[جيجلية]

السلام عليكم ورحمة الله وبركاته


:dj_17:
هل يوجد عندنا في الجزائر بلاط ( la dalle de sol)( لا أدري هل تكتب هكذا أعذروني) توضع على الكارلاج يعني على بلاط آخر

المعنى بطريقة أخرى هلى يمكن استبدال بلاط الارضية دون نزعه يعني نغطيه ببلاط آخر

والله حيرت كفاش نفهمكوم :confused:

[wassila21]

عادي تقدري تحطي كارلاج أو دال دوسول فوق القديم بدون أي مشكل و أي نوع ديري يعني ماكاش نوع محدد و تلصق بالسيمون كول يتباع أكياس جاهزة خلطي برك الماء ،ماشي البغلي ( الرمل + سيمان)،عندك برك الأبواب لازم تعاودي ترابوطيها( تنحي الزايد من التحت)
خبرة 5 سنوات في البنيان :1:

[وئام الروح42]

ما نفهم والوا في البنيان راهي الاخت وسيلة كفت ووفت

[جيجلية]

عادي تقدري تحطي كارلاج أو دال دوسول فوق القديم بدون أي مشكل و أي نوع ديري يعني ماكاش نوع محدد و تلصق بالسيمون كول يتباع أكياس جاهزة خلطي برك الماء ،ماشي البغلي ( الرمل + سيمان)،عندك برك الأبواب لازم تعاودي ترابوطيها( تنحي الزايد من التحت)
خبرة 5 سنوات في البنيان :1:

شكرا أختي على الرد لكن عندي سؤال ثاني

يعني مكانش مخلفات من بعد تشققات أو دخول الماء عبر الخطوط حبة نتأكد مليح إذا مليح 100/100

[wassila21]

شكرا أختي على الرد لكن عندي سؤال ثاني

يعني مكانش مخلفات من بعد تشققات أو دخول الماء عبر الخطوط حبة نتأكد مليح إذا مليح 100/100

كوني مهنية أختي ،أخدمي و كأنك تديري على الدالا، و كي تكملي تركبي الكارلاج وقت ما حبيتي ماشي شرط مباشرة ، في الشقوق ألي بين كل حبة كارلاج ديري سيمون بلون simon blanc يتباع بالميزان ، ديريه جاري و مشي في الشقوق بمغرفة صغيرة أو الراكليطا حتى يتغلقوا كامل ، و حاولي أنك ما تخمجيش الحالة لأنه ينشف بسرعة و صعيب باش يتنحى
تفكرت حاجة إذا خفني ما تشدش بين الطبقة التحتانية و الفوقانية ، الطبقة التحتانية حاولي أنك تخبشيها أو ترجعيها حرشة
إن شاء الله قدرت نفهمك، و راني في الخدمة خيتي

[جيجلية]

شكرا أختي وسيلة

وصلت الفكرة

[ميرثا]

هههههه
والله ضحكتيني اخت وسيلة راكي فالحة فكلش كما يظهر
نورمال اختي جارتنا دارت هكديك راها ركبت دال دوسوةل فوق قلاج نوووووورمال
برك تنقص من الابواب