وصول استدعاءات مديؤية الضرائب لقسنطينة

[2alia]

السلام عليكم
اخواني أخواتي لقد وصلني اليوم استدعاء مديرية الضرائب لولاية قسنطينة و ستجرى المسابقة بولاية خنشلة بالمركز الجامعي يومي 22 و 23 أكتوبر 2010.
بالتوفيق للجميع انشا الله.

[hilal]

انا تاني وصلني اليوم واش رايحة انا مشكيتش انروح

[2alia]

و الله ما علابالي يا هلال حابة نروح بصح راني حايرة كيفاش ندير بعيدة بزاف خنشلة.

[mouni nicegirl]

Bonjour, moi j'ai pas encore reçu la convocation mais wallah je comprend pas pourquoi on va le passer khenchela

[hilal]

ليكونكور هاد المرة جاو مع بعضاهم تاع الولاية وبلدية راح نختار الولاية وزيد هدا في خنشلة اختمال كبير مانروحش
ربي يكون معنانا

[2alia]

moni nicegirl on va le passer a khenchela psk ils ont pas trouvés un autre endroit , au debut c'etait prévue de passer le concours a la fac comme d'habitude , mais la fac elle précise la date entre le 16 et le 17 seulement.l'essentile eli rahou rayeh l khenchla rabi ywafkou nchalah.

[2alia]

هلال ربي يسهلك انشا الله، أنا تاع الولاية ما درتش فيه كون مركزة غير على تاع les impots سع راك تشوف في الزهر كيفاش.المهم الحمد لله على كل شي و كل واحد ما يدي غير واش قاسملوا ربي.

[hilal]

او كان كونكور خلاف تاع الضرايب مفتش ضرايب وعون معاين اخر اجل يوم الاحد غدوة رايح ندفع الدوسي
جرب حطي فيه بلاك تتكبلك فيه

[2alia]

السلام عليكم
مساء الخير خويا هلال أنا ما سمعتش بيه خلاص هدا تاع مفتش ضرائب esque خاص بقسنطينة برك
من فصلك خويا تفيدني بالمعلومات كامل واش فيه الدوسي و وين نحطوه و جزاك الله كل خير و ربي يوفقك انشا الله.

[hilal]

شوفي يا اختي انا اليوم دفعت الدوسي مفتش ضرائب 10 مناصب تدفعي الملف في طابق السادس الاختصاصات حقوق اقتصاد وتجارية الدوسي فيه
طلب خطي الديبلوم 2 تساور نسخة طبق الاصل علي لاكارت ناسيونال السوابق العدلية 2 ضربف بريدي بطابع كشف النقاط السنة الاخيرة
وكاين عون معاين بسنة التالتة تانوي نفس الملف مع اختلاف الشهادة المدرسية وكشف النقاط تاع السنة التالتة
علي حسب معلوماتي اخر اجل يوم الاحد بصح زيدي سقسي مليح ولاكان عندك واجد اديه غدوة متدريش بلاك ماشي سور نهار الاحد
انشاله انكون افتك
ربي ايوفقك
اوزيدي سلكي تاع متصرف اداري اخر اجل 14 في شهر انا متاكد من التاريخ
ملاحضة الخميس لعشية ميخدموش

[2alia]

شكرا خويا هلال بارك الله فيك و جازاك كل خير
أنا ليسانس تاعي علوم تسيير تخصص مالية ما لاباليش يقبلوه و لا غدوى انشا الله نروح نسقسي و نتاكد، و بخصوص السلاك تاع متصرف ما كنتش علابالي بلي دارو délai فشكرا على المعلومة.
التوفيق ليك خويا و ربي يجازيك و تنجح انشا الله.

[Badre88]

السلام عليكم إخواني و أخواتي
أنا تاني و الله شوكاوني.. في خنشلة؟ باين بلي القائمة مخدومة كي العام لي فات، الناس دير فالكونكور و الفوحل آم يخدموا
المهم ربي يوفقنا ان شاء الله
ربي وكيلهم

[mouni nicegirl]

moni nicegirl on va le passer a khenchela psk ils ont pas trouvés un autre endroit , au debut c'etait prévue de passer le concours a la fac comme d'habitude , mais la fac elle précise la date entre le 16 et le 17 seulement.l'essentile eli rahou rayeh l khenchla rabi ywafkou nchalah.

Merci beaucoup ma sœur et je te souhaite bcp de chance

[2alia]

السلام عليكم خويا بدر88 والله ما عدنا فاهمين واش نديروا ناس يقولولك المسابقات هادو كامل معارف و ناس يقولك تخدم تدي و عن تجربة، احنا نتوكلوا على ربي و نسعاو و طبعا لازم نبدلوا مجهود و نخليوها بيد ربي يخي قسم بيدو هو.
و بالتوفيق للجميع انشا الله.

[2alia]

salam mouni nice girl merci c trezs gentil , je te souhaite le bon chance inchalah et bqp e réussite.

[bl-kheiro]

السلام عليكم إخواني وأخواتي.....يسعدني أن أشارككم الحوار الشيق عن العمل المقلق.....

أنا أيضا مشارك ووضعت الملفات في جميع المواضع التي تم ذكرها.....بالاضافة الى الماجستير التي كانت نتائجه مخيبة جدا جدا

[bl-kheiro]

إلى الأخ بدر....لا تكثرت بما يعرف بالمعريفة (المعارف) وليكن معريفتك الوحيدة هي الله ......لكن بيقيـــن

وأيضا الاسباب يجب أن تقدمها ....واذا جائك واحد كمعريفة فاعلم أنه من الاسباب التي تهيأ لك من الله ولا تقل أن معريفة كذا فعلت لي

كذا ....لكن قل الله سخر لي فلانا......واحمد الله

أنا كنت مثلك لكن الحمد لله اقتنعت وأنتظر المخرج من الله ...."ومن يتق الله يجعل له مخرجا"

فقط أنا الحمد لله لدي سيارة العائلة تنقص علي متاعب الذهاب كخنشلة مثلا......لدي مكان آخر في السيارة ان كنت تشكو البعد

[bl-kheiro]

لدي رأي ....أرجو أن لا تهاجمني ولا تطردني الفتيات............ابتسامة

يا أخي أنا لا تقلقني المعارف .....بل عمل وتدخل الفتيات من بيننا في العمل حتى أصبحت تقريبا الأولوية لهن.......

لا أعرف ما شأن البنات والفتيات والعمل في كل المجالات والذهاب الى أبعد النقاط في البلاد لاجتياز مسابقات التوظيف

ولو تخطى ذلك شرفهن وحجابهن وحدود الله....كالسفر بلا محرم مثلا

.......حتما أن إحداكن ستقول عني هذا شخص معقد ويزعم كإمام......والله ما أنا إلا بشر مثلكم أحاول جاهدا لأضع رضى الله هو

الأول

كما ورد في معنى الحديث....أن ترضي الله ولو سخطت عليك البشرية جمعاء


من يوافقني أو توافقني الرأي..............

...
...
..
...
....
فقط لا تنسوا أن الرزاق هو الله وقد قسم بيننا معيشتنا قبل ولادتنا.....

{فَوَرَبِّ السَّمَاء وَالْأَرْضِ إِنَّهُ لَحَقٌّ مِّثْلَ مَا أَنَّكُمْ تَنطِقُونَ }
....
....
...

الله يحفظكم جميعا ووفقنا الله لما يحب ويرضى

[2alia]

السلام عليكم
أخي bl-kheiro أولا شكرا على المداخلة و عجبني كلامك بزاف فيما يخص الرزق و كيما قلت انت واحد ما يدي غير واش قاسملوا ربي.
ثانيا فيما يخص عمل المرأة نقلك يا خويا الي تفرط في حجابها و شرفها على جالة الخدمة هادي مش مرأة بالنسبة ليا و الحمد لله في المجتمع كاين نمادج بزاف على نساء يخدموا و في منتهى التربية و الأخلاق، و نتوما الرجال يبانولكم النساء هوما الي ولاو يديوا مناصب العمل لأنو النساء يقراو صح تتعب و تمد لكل حاجة حقها سامحني هدا رأيي درك أغلب الرجال ما يمديش حق الدراسة كما ينبغي.
و كاين الي يقلك النساء أكثر من الرجال على هادي اداو مناصب كامل و هدا اعتقاد خاطيء لأنو الاحصائيات تقول العكس.
و كاين نقطة أخرى المرأة حملوها المسؤولية بسيف عليها و الكلام هدا ما نقصدش بيه الرجال كامل طبعا الي باباها حابها تخدم اأنو مش قادر يهز مسؤوليتها بحكم الظروف اللقتصادية الصعبة الي رانا عايشينها، درك الي يحب يزوج يقولهم شوفولي وحدة تخدم باش تعاوني، و الي ما كتبلهاش ربي تزوج و كي تخمم في المستقبل تشوف بلي كي ياخطيوها والديها ما عندها حتى واحد يعيلها في نظرك تخدم خير و لا تولي تطلب و لا تتجه اتجاه مش مليح.
يا خويا هدا الموضوع متشعب بزاف و ما نكدروش نحكموا هكداك برك و صح كاين نساء ما يحتاجوش الخدمة و راهوم يخدموا، بصح كون متيقن يا خويا واحد ما يدي رزق واحد.
المشاكل هادي كامل احنا دولتنا كل عام تخرج ألوفات و مش قاعدة تخلق في مناصب شغل.
و أخيرا بالتوفيق ليك خويا انشا الله و بالتوفيق للجميع.

[bl-kheiro]

أشكرك أختي على الرد الطيب........نعم كلامك صح حسب الظروف الحالية.....والمشكل ليس فيكن (الأغلبية) معشر الفتيات بل الدولة

بل أكثر من ذلك ضغوط الدول غير المسلمة التي لا تريد للاسلام والمسلمين خير

وكما ذكرت الشباب الذي أعتبره أنا التافه الضعيف لا شخصية له...........اذا كنت أنا لي عمل يكفي للعيش لما أضع زوجتي بين أيد غرباء

لنستمتع بشيء مئاله الى الزوال.............وأيضا مسألة الآباء...خاصة الجيل الفارط وهذا الجيل...لا جيل الشيوخ والاجداد التي كانت

المرأة عندهم عزيزة مكرمة

بارك الله فيك وحفظنا جميعا من الفتن ما ظهر منها وما بطن


اللهم أعز الاسلام والمسلين وأذل الشرك والمشركين ودمرأعدائك أعداء الدين يا قوي يا عزيز