أول يوم في الجامعـــة= قلبي وجعني.......شاركوني فرحتي [الأرشيف]

[كبْرياء]

2010-10-10, 13:56

السلام عليكم ورحمة الله وبركاته

رحنا للجامعة متفاءلين بالاك نقراو ونتهناو من القعدة ..على الثمنية ونص لحقنا للجامعة يا سلام مسؤول ماكاين.. المهم قالونا زيدو ساعة باه يعلقولكم البروقرام رحنا للمكتبة يا فرحتي كاين العمال ..هزينا البطاقات وقعدنا نفكرو..أيا لقينا مسؤول ماشي سقسيناه وين بطاقات النقل والمنحة ..ضحك ههه وقالنا روحو للجامعة لقديمة.. ياسيدي هزينا رواحنا ورحنا نستناو لكـــــوس ... الحق الحق مطولش بزاااف و وصل ركبنا أول مرة في حياتنا الكوس .. منحكيلكمش رفاهية لا تقاوم .. المهم وصلنا للجامعة لقديمة لقينا البيرو نتاع المنحة حطينا الشاك باري وزدنا درنا عملية تنقيب على بيرو النقل و أخيراا لقيناه..بصح الغاشي لي يستنا داير موكب..قعدنا ستنينا معاهم والحمد لله مدولنا البطاقة.. ولينا يا سيدي للجامعة الجديدة لاخاطر سمعنا بلي علقو لبروقرام..صحبتي لقات نتاعها مسكينة معلق في الهواء الطلق والأمطار تتساقط علينا هههه ..وأنا على زهري معلقوش البروقرام نتاعي ...معليش نستنى بالاك يعلقوه..وأنا نستنا اكتشفت بلي الأساتذة جاو وبداو يقريو هههه ... طلعت للمسؤول قالي ولي غدوا بالاك تلقايه ..قتلو كيفاش راهم بداو كامل ..قالي إمالا حنا للسمانة لجايا باش نبداو c’est bonnnnnnn

لي مفهمتوش الأساتذة يقريو والبروقرام ماكانش أنا كيفاش نقراااااااااا
قالي وحد العامل أرواحي على الثمنية وأقعدي منين تلقايهم يقراو أدخلي تقراي

لحقت لاثناش ونص روحت وقلبي يوجع فيا مع الدوخة نتاع الكوس.....

من هاذ الحالة كامل استنتجت بلي لي حب يقرااا يقعد في الدار ويجبد الدروس من الأنترنت ويتهنااااااااااا

Vive لقرايا نتاع الليسي ولقرايا نتاع المدارس العليا.....

إذا عندكم حاجة تقولوها غير قولوها ..

و في رايكم واش هو الحل؟؟؟؟؟؟

خاوتي إن شاء الله منكونش وجعتلكم قلوبكم

ســــلآمي..

قنوان دانية

2010-10-10, 14:19

وعليكم السلام ورحمة الله وركاته...

قال الشيخ مصطفي الغلاييني... ما استولى اليأس على امة الا اخملها ولا خالط قلوب قوم الا اضعفها ....

حقيقة يا أختي ايمان واش نقولك قلبي راهو معمر من هذه المشاكل...مع الخرجة قريب سوسيديت ومع الدخلة راني نخمم....

:mad::mad:

واش رايك نقعدوا في الدار وخلاص...

كيما قالت وحدة وكان مازلنا عايشين في الغابة خير لا رياضيات لا مشاكل...

:1::1:

رُبما الأمور معك ماشية على سكة معليش...أنا عام كامل وانا دايرة في بالي بلوكيت العام...مالا عمي شاف ديبارتومو قالي ما تبلوكاش...حصللهم وقيل ما حبش يتبلوكا...

المهم رحت كثر من 3 مرات من الدار للجامعة كل مرة الطبيب يجبدلنا مشكل ونعاود نرجع مكسورة الخاطر للبيت....وكان الكوس حابس...

مالا طالعة هابطة نمشي...والطبيب في آخر الجامعة...الله لا يوريك...ومازال ما فريتهاش...مازالت إجراءات طويلة عريضة...

ماكان لاه نحكيلك ونطيحلك المورال...

ضرك ندوروها فصحى زعما...لأنه حقيقة لا يوجد أحسن من العامية في تفريغ خزائن القلب..

:19:

في النهاية هذه هي حالة الطالب...والحمد لله رب العالمين على وصولنا لهذه المرحلة...والكثير من الطلبة يتمنى الوصول اليها بحلوها ومرها...

طال الزمن او قصر...هي ايام وستمضي...وسنعود إلى جنتنا...بيتنا الغالي طبعا...

وعليك بالتسلح الصبر والمكافحة من أجل الوصول...ومثل هذه المواقف وأخر ستجدينها لا محالة هناك...ناهيك عن المطعم ،، أيام الإمتحانات،،الإقامة والعياذ بالله...إلخ...

تدثري بثوب الصبر أختي إيمان...

فمن لم يصبر على ذل التعليم بقي عمره في عماية الجهل ...ومن صبر عليه آل أمره الى عز الدنيا والآخرة....

مُوفقة إن شاء الله..

صُبح الأندلس

2010-10-10, 14:25

السلام عليكم ورحمة الله وبركاته

رحنا للجامعة متفاءلين بالاك نقراو ونتهناو من القعدة ..على الثمنية ونص لحقنا للجامعة يا سلام مسؤول ماكاين.. المهم قالونا زيدو ساعة باه يعلقولكم البروقرام رحنا للمكتبة يا فرحتي كاين العمال ..هزينا البطاقات وقعدنا نفكرو..أيا لقينا مسؤول ماشي سقسيناه وين بطاقات النقل والمنحة ..ضحك ههه وقالنا روحو للجامعة لقديمة.. ياسيدي هزينا رواحنا ورحنا نستناو لكـــــوس ... الحق الحق مطولش بزاااف و وصل ركبنا أول مرة في حياتنا الكوس .. منحكيلكمش رفاهية لا تقاوم .. المهم وصلنا للجامعة لقديمة لقينا البيرو نتاع المنحة حطينا الشاك باري وزدنا درنا عملية تنقيب على بيرو النقل و أخيراا لقيناه..بصح الغاشي لي يستنا داير موكب..قعدنا ستنينا معاهم والحمد لله مدولنا البطاقة.. ولينا يا سيدي للجامعة الجديدة لاخاطر سمعنا بلي علقو لبروقرام..صحبتي لقات نتاعها مسكينة معلق في الهواء الطلق والأمطار تتساقط علينا هههه ..وأنا على زهري معلقوش البروقرام نتاعي ...معليش نستنى بالاك يعلقوه..وأنا نستنا اكتشفت بلي الأساتذة جاو وبداو يقريو هههه ... طلعت للمسؤول قالي ولي غدوا بالاك تلقايه ..قتلو كيفاش راهم بداو كامل ..قالي إمالا حنا للسمانة لجايا باش نبداو c’est bonnnnnnn

لي مفهمتوش الأساتذة يقريو والبروقرام ماكانش أنا كيفاش نقراااااااااا
قالي وحد العامل أرواحي على الثمنية وأقعدي منين تلقايهم يقراو أدخلي تقراي

لحقت لاثناش ونص روحت وقلبي يوجع فيا مع الدوخة نتاع الكوس.....

من هاذ الحالة كامل استنتجت بلي لي حب يقرااا يقعد في الدار ويجبد الدروس من الأنترنت ويتهنااااااااااا

vive لقرايا نتاع الليسي ولقرايا نتاع المدارس العليا.....

إذا عندكم حاجة تقولوها غير قولوها ..

و في رايكم واش هو الحل؟؟؟؟؟؟

خاوتي إن شاء الله منكونش وجعتلكم قلوبكم

ســــلآمي..

يا أختي هذه البداية فقط ، الدراسة في الجامعة ليست كالدراسة في الثانوية : كل شيء يقوم به الأستاذ و الإدارة و ما على التلميذ سوى الجلوس و طلباته مجابة ، يجب أن تتعلمي الاعتماد على نفسك و يجب أن تتعبي و تنتظري و (تتمرمدي) فليس بالتمني تدرك الأماني و لكن تؤخذ الدنيا غلابا ...و سنوات الجامعة من أحسن سنوات العمر لأنها تعلمك الاعتماد على النفس في كل شيء.

الأمل الحقيقي

2010-10-10, 14:42

ساخبرك اختي بكتة تنطبق على حال الطلبة الجدد في الجامعة

يحكى أنه كان هناك ثلاثة اشخاص ليس لديهم اي حظ مطلقا في الحياة وين يروحو تعكسلهم

في يوم من الأيام أتفق الثلاثة على الذهاب لمشعوذ لإيجاد الحل لهذه المعظلة.

سال الأول المشعوذ واخبره عن حالته فأخبره المشعوذ اصبر عامين ثم ستفرج أكيد.

سال الثاني المشعوذ وأنا كيف؟؟؟؟؟؟ قال له اصبر ثلاثة سنوات ثم تفرج اكيد.

أما الثالث فقد تفائل بإجابة المشعوذ على صديقيه وسأله متى تفرج عليه فاخبره اصبر خمسة سنوات ومبعد تــــــــــوالف بحالتك

وهي نفس الإجابة التي سأخبرك بها :

متخافيش ذرك توالفي

بالتوفيق

فريدرامي

2010-10-10, 15:02

وللجامعة حلاوتها ..........
سلام

رهام87

2010-10-10, 15:17

يا ختي كلنا عانينا من القراية في الجامعة الله غالب هادي بلادنا بصح صبرنا والحمد لله كملنا عوامنا على خير ةتخرجنا لعقوبة يك.........أنا تاني نهار رحت للجامعة رجعت نبكي لاسيتي وقلت للدار غدوا نجي منزيدش نقرا بصح الحمد لله عرفوا كيفاه صبروني وتهنيت منهم المهم الصبر وخلي شعار في حياتك الجامعية ومتنسايهش وهو أنك تقولي هادو غي عوام ونكملهم وتأكدي بلي رايحا تنساي المشاكل وتكملي على خير وربي معاك

[كبْرياء]

2010-10-12, 12:58

وعليكم السلام ورحمة الله وركاته...

قال الشيخ مصطفي الغلاييني... ما استولى اليأس على امة الا اخملها ولا خالط قلوب قوم الا اضعفها ....
حقيقة يا أختي ايمان واش نقولك قلبي راهو معمر من هذه المشاكل...مع الخرجة قريب سوسيديت ومع الدخلة راني نخمم....
:mad::mad:

واش رايك نقعدوا في الدار وخلاص...

كيما قالت وحدة وكان مازلنا عايشين في الغابة خير لا رياضيات لا مشاكل...
:1::1:
رُبما الأمور معك ماشية على سكة معليش...أنا عام كامل وانا دايرة في بالي بلوكيت العام...مالا عمي شاف ديبارتومو قالي ما تبلوكاش...حصللهم وقيل ما حبش يتبلوكا...
المهم رحت كثر من 3 مرات من الدار للجامعة كل مرة الطبيب يجبدلنا مشكل ونعاود نرجع مكسورة الخاطر للبيت....وكان الكوس حابس...

مالا طالعة هابطة نمشي...والطبيب في آخر الجامعة...الله لا يوريك...ومازال ما فريتهاش...مازالت إجراءات طويلة عريضة...
ماكان لاه نحكيلك ونطيحلك المورال...
ضرك ندوروها فصحى زعما...لأنه حقيقة لا يوجد أحسن من العامية في تفريغ خزائن القلب..
:19:
في النهاية هذه هي حالة الطالب...والحمد لله رب العالمين على وصولنا لهذه المرحلة...والكثير من الطلبة يتمنى الوصول اليها بحلوها ومرها...
طال الزمن او قصر...هي ايام وستمضي...وسنعود إلى جنتنا...بيتنا الغالي طبعا...
وعليك بالتسلح الصبر والمكافحة من أجل الوصول...ومثل هذه المواقف وأخر ستجدينها لا محالة هناك...ناهيك عن المطعم ،، أيام الإمتحانات،،الإقامة والعياذ بالله...إلخ...
تدثري بثوب الصبر أختي إيمان...
فمن لم يصبر على ذل التعليم بقي عمره في عماية الجهل ...ومن صبر عليه آل أمره الى عز الدنيا والآخرة....
مُوفقة إن شاء الله..

نعم هي حقيقة نأسف لتسللها بيننا..

أنا لم أيأس أخيتي إنما أُصبت بخيبة أمل كبيرة ،كنت أنتظر بفارغ الصبر إذ بي أجد نفسي مرغمة على التأقلم..

رغم كل ذلك لا يأس مع الحياة ولا حياة مع اليأس

إن شاء الله يوفقنا أجمعين لما يحب و يرضى..

[كبْرياء]

2010-10-12, 13:04

يا أختي هذه البداية فقط ، الدراسة في الجامعة ليست كالدراسة في الثانوية : كل شيء يقوم به الأستاذ و الإدارة و ما على التلميذ سوى الجلوس و طلباته مجابة ، يجب أن تتعلمي الاعتماد على نفسك و يجب أن تتعبي و تنتظري و (تتمرمدي) فليس بالتمني تدرك الأماني و لكن تؤخذ الدنيا غلابا ...و سنوات الجامعة من أحسن سنوات العمر لأنها تعلمك الاعتماد على النفس في كل شيء.

نعم أخيتي،،

أعلم أن الاعتماد على النفس ضروري جداً و جامعاتنا تعلمنا إياه بطريقة جد متطورة..

إن شاء الله يكون التأقلم في أقرب وقت

سلامـــــي..

[كبْرياء]

2010-10-12, 13:07

ساخبرك اختي بكتة تنطبق على حال الطلبة الجدد في الجامعة
يحكى أنه كان هناك ثلاثة اشخاص ليس لديهم اي حظ مطلقا في الحياة وين يروحو تعكسلهم
في يوم من الأيام أتفق الثلاثة على الذهاب لمشعوذ لإيجاد الحل لهذه المعظلة.
سال الأول المشعوذ واخبره عن حالته فأخبره المشعوذ اصبر عامين ثم ستفرج أكيد.
سال الثاني المشعوذ وأنا كيف؟؟؟؟؟؟ قال له اصبر ثلاثة سنوات ثم تفرج اكيد.

أما الثالث فقد تفائل بإجابة المشعوذ على صديقيه وسأله متى تفرج عليه فاخبره اصبر خمسة سنوات ومبعد تــــــــــوالف بحالتك

وهي نفس الإجابة التي سأخبرك بها :
متخافيش ذرك توالفي
بالتوفيق

أكيد أخي ضرك نوالف...

فمن لم يحتمل ذل التعلم ساعة ، بقي في ذل الجهل أبدااا

[كبْرياء]

2010-10-12, 13:10

وللجامعة حلاوتها ..........
سلام

يا ريت تخبرنا يا أخي فيما تكمن حلاوتها

لحد الآن عرفنا أنها تعلمنا الاعتماد على النفس

أرجو أن تضيف لنا الباقي:rolleyes:

سلامــــي..

[كبْرياء]

2010-10-12, 13:13

*ألخيال*

2010-10-12, 13:19

الصراحة ............................لا احب المكوث فيها يوما واحدا لو كان بيدي حل بديل

[كبْرياء]

2010-10-12, 17:51

الصراحة ............................لا احب المكوث فيها يوما واحدا لو كان بيدي حل بديل

عندك حق أخي

هم الإقامة وحدووووو
*أنا تهنيت منووو*
شكراا لمرورك أخي وصراحتك

سلامـــــــي..

امل لا ينتهي

2010-10-12, 22:27

السلام عليكم

هي الحال اختي
لكنك ستعتاديك كل عام
وستصبرين الاتين الجدد....
وستتذكرين كل شيء غدا وانت تضحكين
وتقولين."ياه الجامعة علمتنا حوايج بزاف"

ربي يوفق

AMARAGROPA

2010-10-12, 23:58

السلام عليكم ورحمة الله وبركاته

رحنا للجامعة متفاءلين بالاك نقراو ونتهناو من القعدة ..على الثمنية ونص لحقنا للجامعة يا سلام مسؤول ماكاين.. المهم قالونا زيدو ساعة باه يعلقولكم البروقرام رحنا للمكتبة يا فرحتي كاين العمال ..هزينا البطاقات وقعدنا نفكرو..أيا لقينا مسؤول ماشي سقسيناه وين بطاقات النقل والمنحة ..ضحك ههه وقالنا روحو للجامعة لقديمة.. ياسيدي هزينا رواحنا ورحنا نستناو لكـــــوس ... الحق الحق مطولش بزاااف و وصل ركبنا أول مرة في حياتنا الكوس .. منحكيلكمش رفاهية لا تقاوم .. المهم وصلنا للجامعة لقديمة لقينا البيرو نتاع المنحة حطينا الشاك باري وزدنا درنا عملية تنقيب على بيرو النقل و أخيراا لقيناه..بصح الغاشي لي يستنا داير موكب..قعدنا ستنينا معاهم والحمد لله مدولنا البطاقة.. ولينا يا سيدي للجامعة الجديدة لاخاطر سمعنا بلي علقو لبروقرام..صحبتي لقات نتاعها مسكينة معلق في الهواء الطلق والأمطار تتساقط علينا هههه ..وأنا على زهري معلقوش البروقرام نتاعي ...معليش نستنى بالاك يعلقوه..وأنا نستنا اكتشفت بلي الأساتذة جاو وبداو يقريو هههه ... طلعت للمسؤول قالي ولي غدوا بالاك تلقايه ..قتلو كيفاش راهم بداو كامل ..قالي إمالا حنا للسمانة لجايا باش نبداو c’est bonnnnnnn

لي مفهمتوش الأساتذة يقريو والبروقرام ماكانش أنا كيفاش نقراااااااااا
قالي وحد العامل أرواحي على الثمنية وأقعدي منين تلقايهم يقراو أدخلي تقراي

لحقت لاثناش ونص روحت وقلبي يوجع فيا مع الدوخة نتاع الكوس.....

من هاذ الحالة كامل استنتجت بلي لي حب يقرااا يقعد في الدار ويجبد الدروس من الأنترنت ويتهنااااااااااا

vive لقرايا نتاع الليسي ولقرايا نتاع المدارس العليا.....

إذا عندكم حاجة تقولوها غير قولوها ..

و في رايكم واش هو الحل؟؟؟؟؟؟

خاوتي إن شاء الله منكونش وجعتلكم قلوبكم

ســــلآمي..

السلام عليكم ورحمة الله وبركاته.

مازال الله يبارك لاشين انتاع الريسطو والدوخة انتاع الصح .

سلام ...

salah suilh

2010-10-13, 12:39

الدراسة الجامعية عطلة تتخلها فترات دراسة
واش نقولك ربي يحسن العون

ليلى الجزائرية1

2010-10-14, 14:38

والله اختي إيمان غير راكي احسن بكثير مني انا.
لو كان نحكيلك واش فات عليا في عامين اللي فاتو من هاذيك الحشوة اللي يقولولها الجامة غير تحلفي ما تزيدي تروحي للجامعة.

لقاء الجنة

2010-10-14, 14:51

ههههه.....

الجميع يعاني المشكل اختي....

الصبر ما عسانا نقول.....

و تمنياتي لك بعام موفق....

[كبْرياء]

2010-10-14, 16:54

السلام عليكم

هي الحال اختي
لكنك ستعتاديك كل عام
وستصبرين الاتين الجدد....
وستتذكرين كل شيء غدا وانت تضحكين
وتقولين."ياه الجامعة علمتنا حوايج بزاف"

ربي يوفق

ههههه هذي هي حال الدنيا.....

الحمد لله على كل شيء..

سلامـــي..

[كبْرياء]

2010-10-14, 16:56

السلام عليكم ورحمة الله وبركاته.

مازال الله يبارك لاشين انتاع الريسطو والدوخة انتاع الصح .

سلام ...

ههههه لاشين بلا فايدة ....

ربي يستر

سلآمـــــي..

[كبْرياء]

2010-10-14, 17:00

الدراسة الجامعية عطلة تتخلها فترات دراسة
واش نقولك ربي يحسن العون

والله عندك الحق يا أخي..

ربي يستر

سلامـــــي..

[كبْرياء]

2010-10-14, 17:06

في اليوم الاول لي في الجامعة ........ قمت باكرا تنقلت مسافة بعيدة نوعا ما ** طبعا لا ننسى دوار الطريق الذي يهلكني ** --- كنت ذاهبة لاحضار ورقة التسجيل -- ما إن دخلت إلى الجامعة حتى توجهت إلى أقرب مكتب وجدته امامي .... كان مكتبا قديما يملأه الغبار وحالته رثة مع الذي يعمل فيه قلت : أريد ورقة التسجيل
ضحك وقتها الرجل وانا لم افهم سبب ضحكته وقال : دفعت عندي الملف ؟؟؟؟؟؟؟
- لا
أين دفعته
- لا أدري ؟؟
من دفعه ؟؟
- أبي
ضحك مرة اخرى ثم قال : تفضلي معي ... واخذني إلى حيث استطيع ان آخذ الورقة
ولكن عند خروجنا من مكتبه وبعدما أغلقه لاحطت ورقة معلقة مكتوبا فيها -- الأرشيف -- ووقتهاعرفت لما كان يضحك عليّ
وصلت إلى المكاتب التي دلني عليها وبعد انتظار قالت لي السيدة التي تشتغل هناك : ورقتك لم تصلنا بعد .... اسألي عنها في -- السكولاغيتي --
خرجت من ذلك المكتب وانا أفكر اي يمكن ان اجد هذه ال-سكولاغيتي --
جبت الجامعة ذهابا و إيابا ... ووصلت حتى إلى اماكن نائية فيها :1:
ثم بعد مدة سالت فتاتا عنها فدلتني والمصيبة انها كانت بجوار المكتب الذي كنت فيه من قبل :confused:
حملت نفسي وتوجهت إلى هناك من جديد ... عندما دخلت وجدت العديد من الفتيات ينتظرن قبلي فجلست معهن ...... وطال الانتظار -- ولكن الغريب الذي شهدناه هو مرور الشباب من ممر ىخر ألا وهو المرر المخصص لدخول العاملين في ذلك المكتب وكانوا ياخذون اوراقهم وكل ما يريدون ويخرجون .... فقلت لم لا أذهبإلى هناك انا أيضا اجرب حظي بدل الانتظار هنا !!!! وفعلا توجهت إلى ذلك المدخل وناديت الآنسة الموجودة هناك وسالتها عن الورقة طلبت اسمي وبحثت ثم قالت : ورقتك لم تصلنا بعد .... اردعي يوم الاحد القادم
أصبت بخيبة أمل فبعد قيامي باكرا وسفري وتجوالي في الجامعة :d أعود خالية اليدين :mad:؟؟
خرجت واتصلت بأبي واخبرته بما حدث فقال لي : ارجعي ارجعي ..... علابالي ماغادي تديرو والو :1:
عدت إلى البيت على الساعة الرابعة منهكة القوى ... من الثامنة إلى الرابعة بدون فائدة :mad::d
وبعد يومين عدت مع أبي فاخرج تلك الورقة :mad: في اقل من 10 دقائق .. دفع ملف المنحة والسكن وانهى كل شيء على الساعة ال12 تماما ..-- بينما انا ظللت هناك من الثامنة إلى الرابعة ولم انجز شيئا :d

أعانك الله اختي ..... هذا العام الاول في الجامعة لازم تعلمي شوي :1:

حالك يا أخيتي أسوء من حالي..

واش تحبي بلادنا ولازم نتحملووو

ربي يكون في عونا

مشكلتي تطورت وولات في لونفيات، لي سيكسيون كامل في مدرج واحد تنازلنا عليه جميعاً وواحد ما قرا :1:

ســــلآمي..

[كبْرياء]

2010-10-14, 17:09

والله اختي إيمان غير راكي احسن بكثير مني انا.
لو كان نحكيلك واش فات عليا في عامين اللي فاتو من هاذيك الحشوة اللي يقولولها الجامة غير تحلفي ما تزيدي تروحي للجامعة.

ههههههه خوفتيني..

الحمد لله على كل حال أخيتي

سلامــــي..

[كبْرياء]

2010-10-15, 06:56

ههههه.....

الجميع يعاني المشكل اختي....

الصبر ما عسانا نقول.....

و تمنياتي لك بعام موفق....

شكراا لك أخيتي..

إيـــه الصبر هو حلنا الوحيد حتى يفرج ربي علينا

لنا جميعاً إن شاء الله

ســــــلآمي..

رحيق القلوب

2010-10-15, 14:23

هههههه يا ايمااااان درك درك تواالفي ومزااااااال لشان تاع الريسطو داك همو وحدو اقسم غير تخرج روحك باه تهزي ذاك بلا تاع لغدا
خلي برك تواااالفي كيما قالولك

الفارس الجدَّاوي

2010-10-15, 14:34

HALI_Hacker

2010-10-15, 15:32

إذا كنت تسألين عن أحسن شيئ في الجامعة سأدلك:

* أنا أدرس في البيت بشكل مستمر ، لما أذهب للجامعة نروح عارف حوايج حتى الشيخ ما يعرفهاش ، المهم نروح نعرقو ونحرجو كيما يعرق ويبهدل في خلق ربي ونسجل باللي راني حضرت في سجل الغيابات ونرجع للدار...

هذا هو أحسن شيئ في الجامعة ، أن تتعلم كيف ترد الصاع صاعين، حتى أن بعض الشيوخ يقولك ما تجيش راها نقطة تاعك مضمونة...وأكيد مش راح أحتاج الصدقة تاع الأستاذ :D.

والأستاذ المليح اللي يكون جونتي ويخدم من قلبو نعاونوه ونخدموا معاه من القلب كيما هو يدير.

وش رأيك لو تكون هذي طريقة تاعك تسهل عليك وتعاونك باش تروحي تدرسي كيما عاونتني أنا مليح مليح...

نصيحة لوجه الله : - إذا كان المستوى تاعك ضعيف أو متوسط عليك بحضور أكثر من حصة td لنفس الدرس خاصة في بداية الدراسة حتى تكون بداية سهلة وسلسة أو على الأقل الأستاذ يصبح يتذكرك وراح يعاونك في الإختبارات.

ولتعلمي بأن تمارين td هم المصدر الرئيسي لتمارين الإختبارات.

بالنسبة لمشاكل الجامعة يا أختي راكي مازال ما شفتي والو ، خليها على ربي وما تكثريش فيها التفكير لأنها إذا عمت خفت ، سوف تتعودين.
تبعي المواد الأساسية وأستاذ المادة كي يكون يدرس في أي قسم أو مدرج وعاودي الدروس اللي ما فهمتيهمش مش تبعي البرنامج والتوقيت *المفروض تعملي توقيت يناسبك أنت مش يناسب الإدارة لأنه يمكنك حضور أي حصة حتى وهي غير موجودة في توقيتك وأعلمي الأستاذ لكي لا يتم إحتساب غياب عليك في حصص قمت بتعويضها وخلاص*.

من طلب العلا من غير كد****سيدركها إذا شاب الغراب

[كبْرياء]

2010-10-15, 16:06

هههههه يا ايمااااان درك درك تواالفي ومزااااااال لشان تاع الريسطو داك همو وحدو اقسم غير تخرج روحك باه تهزي ذاك بلا تاع لغدا
خلي برك تواااالفي كيما قالولك

ههههه أنتم السابقون ونحن اللاحقون:1:

آه يا رحوقة أنت أكثر العارفين بالحال..

معليش سنوات وتعقب

سلامي

[كبْرياء]

2010-10-15, 16:10

السلام عليكم:
سنوات دراستي في الجامعة كانت أفضل سنوات حياتي، تعرفت فيها على نفسي من جديد، و حددت أهدافي و سطرتها و الحمد لله.
أما صاحبة الموضوع فأقول لها كيف تكونين جامعية و تعبرين بالعامية، أما لو عبرت بعربية جميلة لكان أفضل لك و لنا.

هههههه أضحكتني أضحك الله سنك

أنا جامعية وأدرس باللغة الفرنسية

أما موضوعي فأدرجته في قسم المواضيع العامة..

[كبْرياء]

2010-10-15, 16:14

إذا كنت تسألين عن أحسن شيئ في الجامعة سأدلك:

* أنا أدرس في البيت بشكل مستمر ، لما أذهب للجامعة نروح عارف حوايج حتى الشيخ ما يعرفهاش ، المهم نروح نعرقو ونحرجو كيما يعرق ويبهدل في خلق ربي ونسجل باللي راني حضرت في سجل الغيابات ونرجع للدار...

هذا هو أحسن شيئ في الجامعة ، أن تتعلم كيف ترد الصاع صاعين، حتى أن بعض الشيوخ يقولك ما تجيش راها نقطة تاعك مضمونة...وأكيد مش راح أحتاج الصدقة تاع الأستاذ :d.

والأستاذ المليح اللي يكون جونتي ويخدم من قلبو نعاونوه ونخدموا معاه من القلب كيما هو يدير.

وش رأيك لو تكون هذي طريقة تاعك تسهل عليك وتعاونك باش تروحي تدرسي كيما عاونتني أنا مليح مليح...

نصيحة لوجه الله : - إذا كان المستوى تاعك ضعيف أو متوسط عليك بحضور أكثر من حصة td لنفس الدرس خاصة في بداية الدراسة حتى تكون بداية سهلة وسلسة أو على الأقل الأستاذ يصبح يتذكرك وراح يعاونك في الإختبارات.

ولتعلمي بأن تمارين td هم المصدر الرئيسي لتمارين الإختبارات.

بالنسبة لمشاكل الجامعة يا أختي راكي مازال ما شفتي والو ، خليها على ربي وما تكثريش فيها التفكير لأنها إذا عمت خفت ، سوف تتعودين.
تبعي المواد الأساسية وأستاذ المادة كي يكون يدرس في أي قسم أو مدرج وعاودي الدروس اللي ما فهمتيهمش مش تبعي البرنامج والتوقيت *المفروض تعملي توقيت يناسبك أنت مش يناسب الإدارة لأنه يمكنك حضور أي حصة حتى وهي غير موجودة في توقيتك وأعلمي الأستاذ لكي لا يتم إحتساب غياب عليك في حصص قمت بتعويضها وخلاص*.

من طلب العلا من غير كد****سيدركها إذا شاب الغراب

مهما كتبت فلن أوفيك حقك أخي

بارك الله فيك وسلمت يداك على هذه النصائح القيمة

لقد ساعدتني كثيرااا ،وسأعمل بها إن شاء الله

ربي يوفقك

HALI_Hacker

2010-10-15, 16:21

:mh92:

عادي راكي تتعلمي العجب في الجامعة والعام الجاي نشوفو نصائح تاعك ونسموها: *نصائح الماجورة إيمان* ونديروه موضوع مثبت في المنتدى على الجامعة ، رايحة تولي مرجع هههههههه :D.

* الماجورة ثاني راه اسم مشرف ، يمكن يعطيك جرعة معنوية كبيرة إذا سعيت وراءه ، ولكن فقط ليكن مجهودك خالصا لوجه الله ليبارك لك فيه.

بالتوفيق ، أتمنى أن تكوني في نظام LMD لأنه النظام الكلاسيكي سوف يموت خلال 2 سنوات لا مسابقات ماجستير ولا توظيف.

بالمناسبة في أي شعبة أنت؟

ب.علي

2010-10-15, 16:29

هذا حال جامعاتنا أختي إيمان
وفقك الله
لا تيأسي

زاد اليقين

2010-10-15, 16:59

HALI_Hacker

2010-10-15, 17:59

hali_hackerاخي الكريم اعجبتني طريقة دراستك ولاكن اريد ان اسالك كيف تحظر دروسك اعندك كراريس قديمة ام انك تقرا الكتب في المكتبة ام ماذا من فضلك اريد الاجابة في اقرب وقت وجزاك الله بها الجنة

:mh92:

مرحبا بك أختي،

الطريقة سهلة جدا :
- عليك أخذ البرنامج الخاص بكل مادة من الأستاذ في بداية السنة.

- ثم إستشارة الأستاذ عن المراجع التي يمكنك الدراسة منها ، سوف يعطيك بعض العناوين التي يعمل منها على الأرجح.

- حاولي الحصول على كراسات قديمة والدراسة منها مباشرة وتجنبي القراءة من النسخ 'Photo copier' إذا أمكن لأنه يوجد فرق كبير بين الإثنين خاصة على الجانب المعنوي.

- نظمي دروسك ولخصيها دائما وراجعي كل درس في يومه لأنها أفضل طرق المراجعة.

- حاولي أن تجعلي مرجعك الأساسي من سلسلة شوم العالمية وهي معروفة لدى الجميع ، ولكن تقريبا لا أحد يستعملها بشكل جيد.

- الأنترنت مصدر معلومات قيم جدا.

** بالنسبة لطريقة وعقلية التعامل:

- عليك أن لا تتبعي ولا تصدقي ما يقوله الطلبة لأن أغلبهم يدرس في غرفته ثم يأتي ويقول : والله ما ني فاهم والو!!!!! باش يطيحلك المورال ، ربي يهديهم.

- وأخيرا التقرعيج ، لا يفوتك شيئ في الكواليس ، تعرفي على من يكولس وسيعطيك كل جديد :
من الملخصات ، سلاسل التمارين ، عناوين الكتب ، توقيت الحصص المعدل ، دروس الإختبارات ، مسابقات الماستر ، أيام العطل والإمتحانات ، توقيت الإمتحان المأجل ، البحوث والأعمال التطبيقية ، تصحيح الإختبارات .... المهم تشوفي حوايج قاع ما تسمعيش بيها تفوت غير التحت.

نصائح لأيام الإمتحانات:

- الدروس الأخيرة والأعمال التطبيقية التي تسبق الإمتحانات مهمة جدا ومنها يأتي الإختبار فحاولي الدراسة والتفرغ من المراجعة بشكل كامل قبل 15 يوم من الإمتحانات لكي تستطيعي مجارات الأساتذة في هذه الأيام التي تسبق الإمتحانات لأنها تكثر حصص التعويض ويختلط البرنامج.

- لا تفرطي أبدا بحقك في الحصول وتقييم ورقة إجابتك لأنه يوجد الكثير من الأساتذة يصحح بطريقة مشبوهة وغير نزيهة ، فتأكدي من سلم النقاط ومن نتيجة عملك وخذي حقك بطريقة سلمية ، وبطرق غير سلمية عندما توشكين على إنهاء الدراسة الجامعية لأنو ما راح يدير والو :D .

- إبتعدي عن المنظمات الطلابية ، إبتعدي عن المنظمات الطلابية ، إبتعدي عن المنظمات الطلابية.

وأخيرا إسئلي كل من تعتقدين أنه أكثر خبرة منك وأنا أطبق هذه القاعدة الجميلة لـ براين تريسي: (تعلم من الخبراء فإنك لن تعيش طويلا بشكل كاف لتتعلم كل شئ بنفسك).
:19::19::19::19::19::19::19::19::19::19::19::19::1 9::19::19::19::19::19:
تحياتي

زاد اليقين

2010-10-15, 18:38

شكرا لك اخي الكريم والله جزاك الله خيرا العام ليفات كان اول سنة ليا شبت لاني سلفت واحد البوليكوب خربطولي عقلي داولي الوقت وانا نرتب المهم مع شوية لعب جبت معدل 13.29 المرتبة 16 شحال غاضتني لاني عولت نكون لماجورة صراحة قصرت كثيرا ولاكن بعد قراتي حول التفوق ونصائحك اخيا الكريم نشالله سوف اثابر حتى الصفر يعني حتان ندوخ هههههههههههه والله اخي يعطيك الصحة ربي يحفظك ويسترك ويارب تكون دايما الاول شكرا شكرا شكرا لك

زاد اليقين

2010-10-15, 18:45

شكرا لك اختي التي فتحت لنا الموضوع بصراحة هذه فرصتك لتتفوقي واسمعي نصائح اخينا هالي والله هي جد قيمة

[كبْرياء]

2010-10-15, 18:58

:mh92:

مرحبا بك أختي،

أخي hali_hacker :

نصائح في القمة حصرية على منتدى الجلفة ونادراا ما يصرح بها لنا :1:

الطريقة سهلة جدا :
- عليك أخذ البرنامج الخاص بكل مادة من الأستاذ في بداية السنة.

- ثم إستشارة الأستاذ عن المراجع التي يمكنك الدراسة منها ، سوف يعطيك بعض العناوين التي يعمل منها على الأرجح.
هههه أول حاجة درتها..
- حاولي الحصول على كراسات قديمة والدراسة منها مباشرة وتجنبي القراءة من النسخ 'Photo copier' إذا أمكن لأنه يوجد فرق كبير بين الإثنين خاصة على الجانب المعنوي.

الله غالب ملقيتش..إن شاء الله في الأيام القادمة
- نظمي دروسك ولخصيها دائما وراجعي كل درس في يومه لأنها أفضل طرق المراجعة.
عُلمَ سيدي :19:
- حاولي أن تجعلي مرجعك الأساسي من سلسلة شوم العالمية وهي معروفة لدى الجميع ، ولكن تقريبا لا أحد يستعملها بشكل جيد.

ليوم وين تشرفت بمعرفتها ، جزااك الله كل خير

- الأنترنت مصدر معلومات قيم جدا.
أكيــــــــد:19:

** بالنسبة لطريقة وعقلية التعامل:

- عليك أن لا تتبعي ولا تصدقي ما يقوله الطلبة لأن أغلبهم يدرس في غرفته ثم يأتي ويقول : والله ما ني فاهم والو!!!!! باش يطيحلك المورال ، ربي يهديهم.

عندك الحق ههههه بداو بالبكاء من ضرك :confused: *خاصة عقلية الدراسة في الخفاء في الابتدائي وكاينة :mad: *

- وأخيرا التقرعيج ، لا يفوتك شيئ في الكواليس ، تعرفي على من يكولس وسيعطيك كل جديد :
من الملخصات ، سلاسل التمارين ، عناوين الكتب ، توقيت الحصص المعدل ، دروس الإختبارات ، مسابقات الماستر ، أيام العطل والإمتحانات ، توقيت الإمتحان المأجل ، البحوث والأعمال التطبيقية ، تصحيح الإختبارات .... المهم تشوفي حوايج قاع ما تسمعيش بيها تفوت غير التحت.

هههه هاذي واعرة :D

نصائح لأيام الإمتحانات:

- الدروس الأخيرة والأعمال التطبيقية التي تسبق الإمتحانات مهمة جدا ومنها يأتي الإختبار فحاولي الدراسة والتفرغ من المراجعة بشكل كامل قبل 15 يوم من الإمتحانات لكي تستطيعي مجارات الأساتذة في هذه الأيام التي تسبق الإمتحانات لأنها تكثر حصص التعويض ويختلط البرنامج.

شكراااااااا مكنتش نعرفها ..

- لا تفرطي أبدا بحقك في الحصول وتقييم ورقة إجابتك لأنه يوجد الكثير من الأساتذة يصحح بطريقة مشبوهة وغير نزيهة ، فتأكدي من سلم النقاط ومن نتيجة عملك وخذي حقك بطريقة سلمية ، وبطرق غير سلمية عندما توشكين على إنهاء الدراسة الجامعية لأنو ما راح يدير والو :D .

إن شاء الله يبعد علينا التمرميد والأساتذة المشبوهين

- إبتعدي عن المنظمات الطلابية ، إبتعدي عن المنظمات الطلابية ، إبتعدي عن المنظمات الطلابية.

خاطيتني السياسة ههههه:1:
وأخيرا إسئلي كل من تعتقدين أنه أكثر خبرة منك وأنا أطبق هذه القاعدة الجميلة لـ براين تريسي: (تعلم من الخبراء فإنك لن تعيش طويلا بشكل كاف لتتعلم كل شئ بنفسك).
:19::19::19::19::19::19::19::19::19::19::19::19::1 9::19::19::19::19::19:

إيــــه صح مليحة الاستشارة بزاااف سيرتو كي يكونو ذوي خبرة :rolleyes:

تحياتي

سلمت يداك وحفظك الله من كل شر
إن شاء الله تكون دايماً لماجور

ســــــــلآمي...

[كبْرياء]

2010-10-15, 19:01

هذا حال جامعاتنا أختي إيمان
وفقك الله
لا تيأسي

إن شاء الله في المستقبل يتغير هاذ الحال..

شكراا على التشجيع

لا يأس مع الحياة ولا حياة مع اليأس

بارك الله فيك

ســــلآمي..

اماني نجاح

2010-10-15, 21:33

¨°o.سيدو~علالو.o°¨

2010-10-15, 21:46

*********ربي يوفقكم*********
سلام

HALI_Hacker

2010-10-15, 23:59

Wow عندك رسائل خاصة هههههههههه
يا ضيفنا لو زرتنا لوجدتنا نحن الضيوف وأنت رب الدار.
إلى صاحبة الرسالة الخاصة مرحبا بك كأول رسالة خاصة تصل إلى هذه العضوية المسكينة :D.

المهم إسمي علي وليس هالي كما هو مكتوب HAli ، وحرف H هوبداية اللقب - سري للغاية :confused: هههههه ، أعجبني تجاوبك مع الردود وسرعة وتنوع ردك والأفكار التي طرحتها.

الشعبة التي إخترتها بها تخصصات جيدة في الماستر وتستحق التعب حتى تختاري شعبة جيدة في التخصص ماستر حسب الترتيب ، دروسكم تتطابق في الرياضيات والفيزياء والكيمياء مع شعبة ST و SM حتى في سنوات متقدمة (3و2) لأنكم تدرسون مواد مشتركة ولهذا أنصحك بشدة أن تعرفي ما إذا كان أحد أساتذتك يدرس هاتين الشعبتين لأنه حتما سوف يعطيكم إختبار يشبه إختبارهم مع فارق زمني بيوم أو يومين بعدهم أو حتى نصف يوم ، بالتأكيد سيعيد لكم الإختبار نفسه يمكن يعيد حتى إختبار السنة الماضية من يعلم ، حدث معنا هذا الأمر عدة مرات :34:.
لهذا عليك الحصول على إختبارات سابقة وركزي على إختبار الإستدراك لأن إختبارات الإستدراك غير منتشرة إطلاقا ، ويصعب الحصول عليها.

ليس حل الإختبارات الهدف ولكن الهدف هو:
- طريقة الإختبار والمدة الزمنية لأن وقت الإختبار ضيق جدا مقارنة مع الزمن الحقيقي اللازم لإنهاء التمارين جميعا ، ولهذا عليك التعود على السرعة في الحل وأن تحفظي العلاقات الرياضية عن ظهر قلب وكذلك التعابير والجمل الفرنسية المتكررة المتداولة في الكيمياء والمواد الأخرى للإجابة عن الأسئلة.

- موضوع الإمتحان لتحددي أهم الدروس التي تركزين عليها أيام التحضير للإمتحان.

- القوانين التي تهمك أن تفهميها في الدرس لأن الأستاذة -أغلبهم- يعطيلك أشياء لم يفهمها حتى هو يعني حافظها وخلاص ثم يحاسبك عليها في الإختبار ويقولك راها في الكراس قريتوها.

- تناسب الوقت بين علامة التمرين وعدد الساعات الدراسة... أعطيلك مثال:
* في السنة الأولى درسنا تقريبا فصل كامل حوالي 4 أشهر على الجبر و شهر واحد تحليل ، المشكلة أن التحليل عليه 16 نقطة ، والجبر 4 نقاط فقط!!!!!! يعني تعب 4 أشهر لا معنى له...

عموما أتمنى لك التوفيق ولدي بعض الكتب في مجالك لأنني طالب كيمياء.

رحلة 1000 ميل تبدأ بخطوة واحدة.
أعجبتني هذه المقولات وأتذكرها دائما:

- (الأهداف هي أحلام نحولها إلى خطط وخطوات عملية لتحقيقها) زيج زيجلار.

- (فكر على ورق ، أكتب أهدافك على ورق …أي أهداف بدون كتابة هي محض أمنيات فقط لا معنى لها) براين تريسي.

- (ألزم نفسك كل يوم بعمل خمس خطوات تقربك إلى هدفك حتى تحققه ) جاك كانفيلد.

- (إذا ما واجهتك مصاعب في تحقيق هدفك وأقفل أمامك الطريق، فلا تتوقف أبدا”كن مرنا” وغير الطريق) أنتوني روبنز.

بصراحة كتبت هذا الرد لأنني أحسست بأنك مهتمة بشكل لافت بالدراسة ولكن معنوياتك إنخفضت بشدة بعد مشاهدة حقيقة الجامعة فأردت أن أضيئ لك شمعة في بداية الطريق وسوف توصلك بإذن الله إلى أبعد نقطة تريدين بلوغها.
لم أمر بنفس تجربتك لأنني ذهبت ودخلت الجامعة لما كنت في الثانوية وشاهدت ما فيها قبل الحصول على البكالوريا ، وهذه المقولة لي: *أحب إستكشاف ما أنا مقبل عليه قبل أن يصبح جزءا مجهولا من عالمي*.:D
أرجو أن لا أكون أزعجتك :sdf: :sdf: :D.
ملاحظة: لا أملك خاصية الرد بالرسائل خاصة ، مسكين راني غير نستقبل ، غدوة نفليكسي رسائل خاصة في العضوية:19:.
سلام.

[كبْرياء]

2010-10-16, 07:54

*********ربي يوفقكم*********
سلام

ربي يوفقنا جميعاً أخي

سلامــــي..

[كبْرياء]

2010-10-16, 08:33

يا ضيفنا لو زرتنا لوجدتنا نحن الضيوف وأنت رب الدار. [/COLOR

المهم إسمي علي وليس هالي كما هو مكتوب HAli ، وحرف H هوبداية اللقب - سري للغاية :confused: هههههه ،
تشرفنا بمعرفتك أخي علي والله إنك لمكسب لنا...

أعجبني تجاوبك مع الردود وسرعة وتنوع ردك والأفكار التي طرحتها.
[COLOR="purple"]هههه أخجلتني

الشعبة التي إخترتها بها تخصصات جيدة في الماستر وتستحق التعب حتى تختاري شعبة جيدة في التخصص ماستر حسب الترتيب ،
إن شاء الله يا أخي نوصلوا كامل للماستر ولما لا الدكتوراه :rolleyes:

دروسكم تتطابق في الرياضيات والفيزياء والكيمياء مع شعبة ST و SM حتى في سنوات متقدمة (3و2) لأنكم تدرسون مواد مشتركة ولهذا أنصحك بشدة أن تعرفي ما إذا كان أحد أساتذتك يدرس هاتين الشعبتين لأنه حتما سوف يعطيكم إختبار يشبه إختبارهم مع فارق زمني بيوم أو يومين بعدهم أو حتى نصف يوم ، بالتأكيد سيعيد لكم الإختبار نفسه يمكن يعيد حتى إختبار السنة الماضية من يعلم ، حدث معنا هذا الأمر عدة مرات :34:.
لهذا عليك الحصول على إختبارات سابقة وركزي على إختبار الإستدراك لأن إختبارات الإستدراك غير منتشرة إطلاقا ، ويصعب الحصول عليها.
أفكار هايلة ، إ، شاء الله يكونوا عندنا أساتذة مشتركين..
ليس حل الإختبارات الهدف ولكن الهدف هو:
- طريقة الإختبار والمدة الزمنية لأن وقت الإختبار ضيق جدا مقارنة مع الزمن الحقيقي اللازم لإنهاء التمارين جميعا ، ولهذا عليك التعود على السرعة في الحل وأن تحفظي العلاقات الرياضية عن ظهر قلب وكذلك التعابير والجمل الفرنسية المتكررة المتداولة في الكيمياء والمواد الأخرى للإجابة عن الأسئلة.

يا ويلي أنا بطيئة :sdf::sdf:
- موضوع الإمتحان لتحددي أهم الدروس التي تركزين عليها أيام التحضير للإمتحان.

- القوانين التي تهمك أن تفهميها في الدرس لأن الأستاذة -أغلبهم- يعطيلك أشياء لم يفهمها حتى هو يعني حافظها وخلاص ثم يحاسبك عليها في الإختبار ويقولك راها في الكراس قريتوها.

- تناسب الوقت بين علامة التمرين وعدد الساعات الدراسة... أعطيلك مثال:
* في السنة الأولى درسنا تقريبا فصل كامل حوالي 4 أشهر على الجبر و شهر واحد تحليل ، المشكلة أن التحليل عليه 16 نقطة ، والجبر 4 نقاط فقط!!!!!! يعني تعب 4 أشهر لا معنى له...
آآآآآآه هنا لي تغيض ، هوما يخلطوا وحنا نسلكوا :mad:

عموما أتمنى لك التوفيق ولدي بعض الكتب في مجالك لأنني طالب كيمياء.
بالطبع وسأكون ممتنة،

رحلة 1000 ميل تبدأ بخطوة واحدة.
أعجبتني هذه المقولات وأتذكرها دائما:

- (الأهداف هي أحلام نحولها إلى خطط وخطوات عملية لتحقيقها) زيج زيجلار.

- (فكر على ورق ، أكتب أهدافك على ورق …أي أهداف بدون كتابة هي محض أمنيات فقط لا معنى لها) براين تريسي.

- (ألزم نفسك كل يوم بعمل خمس خطوات تقربك إلى هدفك حتى تحققه ) جاك كانفيلد.

- (إذا ما واجهتك مصاعب في تحقيق هدفك وأقفل أمامك الطريق، فلا تتوقف أبدا”كن مرنا” وغير الطريق) أنتوني روبنز.

الله يبارك أخي ثقافتك واسعة واضح أنك استفدت كثيراا من الجامعة /في أي سنة أنت؟/

بصراحة كتبت هذا الرد لأنني أحسست بأنك مهتمة بشكل لافت بالدراسة ولكن معنوياتك إنخفضت بشدة بعد مشاهدة حقيقة الجامعة فأردت أن أضيئ لك شمعة في بداية الطريق وسوف توصلك بإذن الله إلى أبعد نقطة تريدين بلوغها.
أضاء الله دربك أخي في الدنيا والآخرة و احتسبها لك في ميزان حسناتك

لم أمر بنفس تجربتك لأنني ذهبت ودخلت الجامعة لما كنت في الثانوية وشاهدت ما فيها قبل الحصول على البكالوريا ، وهذه المقولة لي: *أحب إستكشاف ما أنا مقبل عليه قبل أن يصبح جزءا مجهولا من عالمي*.:D
ههههه عندك لحق:19:

أرجو أن لا أكون أزعجتك :sdf: :sdf: :D.

لالالالالالالا بالعكس فلقد أزحت هماً كبيراً عني

سلام.

[CENTER]http://t3.gstatic.com/images?q=tbn:ANd9GcS_sacyNQUl2Vv9KPvaYeefXOTerx4R9 jc_sk7RNqXKuc1DdNE&t=1&usg=__Cg7Y-EFlSyrqavVwdsxQSzwGDgY=[/CENTER

رحيق القلوب

2010-10-16, 13:21

HALI_Hacker

2010-10-16, 17:45

شكرااااااااااااااااااا اخ على راك كفيت و وفيت
ايمان نظن راكي هزيتي افكار وطرق لاباس بها ومهمة :19::19:جدااااااااااا في دراستك حتي انا كذللك استفدت منك كثيرااا اخ علي
اخي علي ممكن تضع لنا رابط سلسلة شوم التعليمية لاني لا اعرفها اليوم وين سمعت بيها
جزاك الله خيرااااااااااااا
سلاااااااااامي

كل الجامعات تملك كتب سلسلة شوم Serie Schaum وهي متوفرة للجميع، لكن عليك قبل أن تبدئي في إستعمال السلسلة أن تحددي منها بالضبط الدروس المطلوبة ودرجة توسعك في الدروس لأن الوقت لا يكفيك ، كذلك البراهين على القوانين وغيرها من المعلومات التي قد تأخر تقدمك أو تخفض معنوياتك ، لهذا عليك الدراسة من السلسلة بذكاء وتحديد حاجتك منها بصورة دقيقة ، ولهذا نصحت إيمان بالحصول أولا على البرنامج والدروس من الكراسات ثم يمكنك التوسع بإستعمال السلسلة.

سلسلة شوم تغطي كل المواد العلمية وكل كتاب متخصص في مجال، ومعلوماتها رائعة ومنظمة بأسلوب محفز.

لا حظي أن البداية دائما تكون صعبة ثم كل شيئ يصبح سهل وعادي ، فلا تتأثري كثيرا خاصة لما تشاهدي نقاط منخفضة في بعض المواد.

ملاحظة أخرى :
- بعد العبور من ليسانس إلى الماستر تصبح معدلات سنوات ليسانس غير مهمة في الترتيب لدخول ماستر 2.

الملاحظة السابقة موجهة لـ زاد اليقين : أنت سنة 2 ليسانس فلا تفكري في نقاط السنة الأولى لأن هذه النقاط تصبح بدون معنى بمجرد دخولك ماستر ، وهذا يشبه الإنتقال من المتوسط إلى الثانوية فلا يهم نقاطك في المتوسط.

أتمنى أكون أفدتكم

سؤال فقط:
لماذا الجميع من المتدخلين ممن شاهدتهم وقالوا بأنهم أنهوا دراستهم الجامعية أو يوشكون قالوا عليكم بالصبر؟؟؟

هل هذا يعني أنهم لا يستطيعون إيجاد حلول لمشاكلهم فرضوا بالواقع!!!!!!
الصبر حقا حكمة وهو مفتاح من مفاتيح النصر ولكن ليس الصبر معناه السكوت على الحق....

والله أتعجب لأنهم هم الطبقة المثقفة والمفروض هم من سيدير البلاد في 10 سنوات القادمة.

المهم: "إن الله لا يغير ما بقوم حتى يغيروا ما بأنفسهم" ، كن مرنا وأوجد الحلول.

* إن قطرة الماء تثقب الصخر ليس بالعنف** ولكن بتكرار المحاولة

HALI_Hacker

2010-10-17, 01:26

اخي الكريم hali_hacker بارك الله فيك و احسن اليك نصائحك قيمة جداا .و ان شاء الله اذا وفقني ربي هذا العام في البكالوريا ساعمل بها ...و لكن مادمت في مرحلة التحضير للباكالوريا ... اردت ان تقدم لي نصائح تساعدني و استفيد منها انا و غيري خصوصا في تنظيم الوقت .
.و عذرا -اختي ايمان - على خروجي من الموضوع .
و بارك الله فيكم و احسن اليكم و جزاكم خيرا .

:dj_17: يبدو أنك تسجلت لكي تردي على هذا الموضوع لأنها أول مشاركة لك في أول يوم تسجيل ، أتشرف بأن تكون أول مشاركة لك بسؤالي عن نصيحة :19: ، مرحبا بك بيننا.:mh92:
وآسف على تأخري في الرد :o.

وش رأيكم يا جماعة تجوا تدرسوا عندي وخلاص هههه:D:D:D.
أختي الكريمة:
نصائحي لك لن تكون خالية من الأخطاء ولن تكون شاملة أو مثالية لأنني واحد من الناس ولكن سأحاول وضع تجربتي بين يديك لتستفيدي منها بإذن الله:

بالنسبة لإدارة الوقت:
- تخلصي نهائيا من التلفزيون ، وستربحين 1440 ساعة في السنة على الأقل أي 4 ساعات يوميا.

- لا تنامي بعد الفجر لأي سبب وستربحين وقت هام جدا خاصة في الصيف ، وهذا أهم عامل لتفادي السهر.

- قبل النوم أكتبي المهمات التي عليك القيام بها في يوم الغد ، هذه القائمة تدعى بالإنجليزية To do وهي أكثر النصائح تداولا بين الخبراء لتوفير الوقت وتساعدك بشكل مذهل في إنجاز جميع الأعمال العالقة ، ولكي تزيد فعالية الطريقة عليك تحديد أسهل الطرق لتنفيذ مهماتك بترتيب واضح.

- لا تبدئي ببرنامج مزدحم لأن حماسك سينخفض بالسرعة التي ظهر بها ، حاولي التحكم في توقيتك اليومي ببرنامج 2 ساعات ثم بعد أسبوع 3 ساعات حتى تستطيعي التحكم في ساعات يومك كاملة بكفاءة تامة.

- إجعلي توقيت برنامجك مرتبط بشكل كامل مع أوقات الصلاة ، ومتناسب معها.

- لا تقومي بعملين في وقت واحد ولكن تعلمي إنجاز الأعمال بسرعة وبتوقيت محدود وحاولي تحسين طريقتك وسرعتك في القيام بالأعمال ، وترتبي أغراضك لكي لا تخسري الوقت والجهد في البحث في كل مرة.

- أنشئي ملخصاتك الخاصة وإجعليها زاخرة بالمعلومات المختصرة والقوانين التي قد تحتاجينها في أي وقت ، لأنه قبل أيام الإمتحان يضيق الوقت ويصعب البحث عن المعلومات من الكتب والكراسات ، الملخصات مثل طوق النجاة.

- 'طلب العلم النافع هو هدفك وليس الشهادة الجامعية' إطبعي هذه الفكرة في رأسك، لأن الشهادة لا تساوي شيئا في الحياة العملية بدون إبداع أو تفوق وتميز معرفي ، وكذلك ستخسرين إحترامك الشخصي لذاتك إذا خرجت من الجامعة بالشهادة دون العلم *لو تسحب منك الشهادة تصيرين بدون قيمة في المجتمع وحتى بينك وبين نفسك*.

وأخيرا:
- الدنيا ليست أكثر من إختبار فكوني في هذه الدنيا كعابر سبيل ، إعملي ما يسرك أن تريه في كتابك يوم الحساب لينير دربك ويرفعك لمراتب الصديقين والأخيار.

أتمنى لك التفوق في البكالوريا بإمتياز وكنصيحة مجرب :
- لما تبذلين مجهودا للحصول على معدل 17 تأخذين معدل 15 أو ربما 14 ، لما تحاولين الحصول على البكالوريا وخلاص يعني يكون تفكيرك على 10 أو 11 بالتأكيد معدلك سيكون 9 أو ربما أقل... طموحك يحدد مستقبلك ، حاولي العمل على العلامة الكاملة في كل المواد لأن معدل 10 أو 12 أو حتى 13 لا يعطيك أي إختيار متميز في الجامعة ، معدل 14 وفيه الشك ، لا يوجد شيئ مستحيل يقول توماس ألفا أديسون ( العبقرية تساوي 1% موهبة و99 %عمل شاق).
لا تخافي هذه العبقرية ، التفوق في الدراسة أسهل بكثير من العبقرية وأعتقد بأنه يمكنك التفوق ما دمت تقرأين هذا الموضوع:1::19:.
هذه نصائح بيل جيدس مؤسس ورئيس شركة ميكروسوفت لطلبة جامعة هارفارد:
1) كمعلومة الحياة ليست عادلة.
2) لا تنتظروا من الحياة أن تعطيكم أي أهمية،الحياة لن تنصفكم أبدا”،أنتم عليكم إثبات أهميتكم للعالم.
3) إذا كنت تعتقد أن مدرسك ثقيل الدم ،فإنتظر حتى ترى مديرك في العمل.
4) عندما تخطئ تعلم من أخطائك ،ومن ثم تخطاها لا تفكر فيها كثيرا”.
5) لا تستهين أبدا” بالناس السذج ومتوسطي الذكاء، فهؤلاء غالبا” هم من سيصبحون مدراءك في العمل!!

سلام

ايرمو501

2010-10-17, 01:48

ما زال اختي ما تروديتيش على الحياة الجامعية مزال الدم الثانويات فيك
ضروك تتعودي على الجامعة و كي تتخرجي تلقاك دوخة التوظيف و تقولي تحيا الحياة الجامعية و هلم جرا
انا من المجربين

ايرمو501

2010-10-17, 01:49

تصبحون على خير

HALI_Hacker

2010-10-17, 02:02

تصبحون على خير
وأنت من أهل الخير خويا راها 2 نروح نرقد نوض بكري على 5 :o :confused:.

[كبْرياء]

2010-10-17, 15:22

[كبْرياء]

2010-10-17, 15:24

ما زال اختي ما تروديتيش على الحياة الجامعية مزال الدم الثانويات فيك
ضروك تتعودي على الجامعة و كي تتخرجي تلقاك دوخة التوظيف و تقولي تحيا الحياة الجامعية و هلم جرا
انا من المجربين

هههه عندك الحق أخي

ربي يستر

سلامي..

ناشدة السؤدد

2010-10-17, 20:52

مرحلة تمر كغيرها

بالتوفيق و النجاح أختي الكريمة

الفارس الجدَّاوي

2010-10-17, 22:03

السلام عليكم:
أنا خلال دراستي لم أفرط في حضور المحاضرات و لم أكن أترك المقعد الأول قبالة الأستاذ، ما عدا في حصص الأعمال الموجهة، و نظام الدراسة الذي يتحدث عنه البعض لا يسمح بتكوين معرفي و إنما فقط معلومات مؤقتة لأجل الامتحان تذهب بانقضاء الامتحان، و الله أعلم.

HALI_Hacker

2010-10-21, 00:44

تم حذف جميع الردود والمواضيع ما بين يومي 19 و 20 أكتوبر 2010 أي حوالي 48 ساعة من نشاط المنتدى ، ومن بينها ردود تعبت في تنسيقها وكتابتها ، ربي يجب الخير...

الصراحة تعبت في كتابة بعض الردود طلبها الإخوة وأنا أعتذر عن إعادة كتابتها ﻷنها عبارة عن نصائح و إستغرقت وقت طويل حوالي 3 ساعات في جمع الأفكار وتنسيقها.
لم أشاهد ردود أمس واليوم على حسب ما أذكر لذلك من كتب لي ردا ولم أستطع التواصل معه يمكنه إعادته وسوف أحاول التواصل بإذن الله.
شكرا لتجاوبكم ، ومبروك للمنتدى بعودته للنشاط :1: :mh92: :D.

هشام البرايجي

2010-10-21, 01:00

Ehhh oui, il était une fois, mon premier jour à l'université, il a correspondu la remise du diplôme d'un étudiant, ce qui m'a semblé que le chemin est très long et après! tous se passe très vite et j'ai pris mon diplôme
Bonne courage à tous les nouveaux

[كبْرياء]

2010-10-21, 15:02

[كبْرياء]

2010-10-21, 15:05

ehhh oui, il était une fois, mon premier jour à l'université, il a correspondu la remise du diplôme d'un étudiant, ce qui m'a semblé que le chemin est très long et après! Tous se passe très vite et j'ai pris mon diplôme
bonne courage à tous les nouveaux

الله يبارك أخي ،مبروك عليك التخرج

إن شاء الله حنا ثاني يفوت الوقت بسرعة ..

سلامي

الـ^ـسَّــآآحِـ^ــرْ ،

2010-10-21, 18:23

سيدي مليح وزيدلو الهوا و الريح

saberagg

2010-10-21, 18:44

؟+؟+؟+؟+؟+؟+.....=الجامعة

اماني نجاح

2010-10-21, 22:13

الى اخي علي :
السلام عليكم و رحمة الله و بركاته :
بداية اعتذر منك اخي الكريم على تاخري في الرد لانه تعذر علي الدخول في اليومين السابقين بسبب الدراسة ...
لديك ملاحظة قوية ما شاء الله .
نعم اخي انا من المتتبعين لمنتديات الجلفة و كنت اود ان اسجل فيه منذ زمن .... نعم كلامك صحيح كنت اقرا هذا الموضوع و لفت انتباهي ردك و نصائحك للاخوات فقلت لم لا اسجل في المنتدى و اساله عله يفيدني بنصائح تكون عونا لي و لغيري ...و كان لي ذلك و الحمد لله .

--------------------------------------------------------
بارك الله فيك اخي "علي "و نفع بك و جزاك خيرا و شكرا شكرا لك على النصائح القيمة و المفيدة التي *سجلتها عندي و ساعمل بها ان شاء الله *...و جعلها الله في ميزان حسناتك
و دمت لنا اخا ناصحا , مساعدا و بارك الله فيكم
و السلام عليكم .

أحلام سرمدية

2010-10-22, 08:40

الصبر الصبر........................

HALI_Hacker

2011-04-02, 01:43

- هذه أول عودة لي بعد 5 أشهر ، وبصراحة ليس لكتابة مواضيع ... لأنني قررت إعتزال الكتابة في هذا المنتدى -ما عدا للخاصة- ، وأن أكون مثل الجميع متفرج... ، اليوم عدت لألقي التحية. :)

أنا دائما متابع أخبار كل من عرفتهم خاصة في الجلفة أنفو.
سلام خاص لكل من عرفتهم.

مبروك الإشراف :d.

- إيمان كيف أخبار الجامعة ، إن شاء الله تكون الأحوال ممتازة :19: ، وش رأيك الآن في الجامعة بعد الخبرة **خاصة في الإضرابات**.

بالنسبة لبعض الناس في هذا المنتدى فيكفيهم قول الإمام الشافعي رحمه الله:

أأنثر درا بين سارحة البهــم ... وأنظم منثورا لراعية الغنـم

لعمري لئن ضُيعت في شر بلدة ... فلست مُضيعا فيهم غرر الكلم

------

لئن سهل الله العزيز بلطفــه ... وصادفت أهلا للعلوم والحكـم

بثثت مفيدا واستفدت ودادهـم ... وإلا فمكنون لدي ومُكْتتـــم

ومن منح الجهال علما أضاعـه ... ومن منع المستوجبين فقد ظلم