لو يخطب من تحب أعز أصدقائك ؟؟؟ ماذا تفعل؟؟

[aek touati]

أنت تحب فتاة ، وهي كذلك ، لكن يخطبها بالصدفة أعز أصدقائد وكذالك الصديق التي تحترمه وتوقره ، ومجتمعنا في الجلفة لايرضى بأن تقول الفتاة لا أريده وخاصة إذا كان الشاب محترما ؟؟ما أنت فاعل ؟؟ وخاصة إذا هاتفتك وقالت إعمل شيئا ؟؟
هذا اللذي حدث لي؟؟

[خالد سعد]

إذا كنت غير قادر على الزواج فافسح الطريق لمن هو قادر عليه

[*جوداء*]

اذا اعمل شيئا ...والا كما قال الاخ افسح المجال لغيرك
رايي

[صاحبة القلادة]

لالا ماتخليهاش
دير المستحيل على جالها
باينة كي كلماتك راها تحوس عليك انت مش هو خاصة كي قلت محترم ومليح وماقبلاتوش ونساتك

[aek touati]

صحيح ما تقولين ، لكن عاداتنا في الجلفة ، انه من يخطب اولا لكن بشرط ان يكون الخاطب إنسان عامل ومحترم ، سيقبل به ، دون أخذ رأي الفتاة ، لهذا لا أستطيع أن أفعل أي شيئ خوفا عليها من اهلها...

[جولنار1000]

اذا تحبها وتستاهل بين
تعرف قيمتها كي تكون مع صاحبك وتندم اللي ضيعتها

[صاحبة القلادة]

ماعندك ما تدير
ولا دير فيلم هندي اهربوااااااااااااا
خويا راني انح عليه برك ماتزعفش

[شهد حنان]

روح انت ثاني احكي مع والديها وهي تسي تحكي مع يماها عليك باه يقبلو بيك انت
بالاك تخليها

[أميمة الصديق]

لو تحبها فعلا صارح صديقك وهو يجبد روحو عليها وروح اخطبها اما اذا مازالت مش قادر خليها تروح معاه وعسى ان تكرهوا شيئا وهو خير لكم
وربي يعينكم

[صاحبة القلادة]

الفكرة نتاعك مليحة اميمة

[منى]

أخي روح للشرع هنا راك رايح تعفس على خطبت أخيك و نضن راها تحرم عليك إلا كنت أنت السبة في أنها تبطل من صديقك،، (كأنها خطبة على خطبة)

[عُضو مُحترم]

الصراحة الصراحة

اذا كنت قادر نتزوجها

يعني عندي خدمة و سكنى

ما نسمحش فيها
====================
بالصح اذا هو واجد

و انا بطال


ربي يهنيهم

و نرقص في عرسو ما لgري ما نعرفش نرقص

هههههههههه

[aek touati]

جميل ما تقولون ، لكن سأقولها للمرة الألف العادات عندنا لا تسمح أن تتكلم وتطرح رأيك وخاصة أننا من عائلة محافظة ...لهذا سأتفرج وأنتظر ، وطلبت منها عدم التهور.......

[*أســيـــــرツالــبــســـمـــة*]

الآن راك بين أعز أصدقائك و أعز صديقاتك
و شوف الأفضلية لمن
و توخذ برايي أعمل المستحيل باش توليلي و نديها أنا
سلااااااااام

[عُضو مُحترم]

جميل ما تقولون ، لكن سأقولها للمرة الألف العادات عندنا لا تسمح أن تتكلم وتطرح رأيك وخاصة أننا من عائلة محافظة ...لهذا سأتفرج وأنتظر ، وطلبت منها عدم التهور.......

وانت ايضا لا تتهور

الطفلة جاها مكتوبها

و اللي خطبها ناس ملاح

اذا ما راكش واجد

ابعد

يعني ما توقفش في طريق سعادتها

بكما انك تحبها

اما اذا راك واجد

لازم تقاتل باش تجيبها

و ربي يهدينا للخير

[صاحبة القلادة]

ايه صح كيما قال الاخ الفتى الصغير............

[الفايق]

يا تل صحيتو بالشويا برك نفهم أنا راني دخت في الجلفه الطفله لا كانت الشخص محترم ما تقولش لالالا ؟؟؟؟؟؟؟؟؟؟؟؟؟؟؟؟؟؟ دوخت سبحان الله واش نقلك نقولو ربي يباركم ويرزقكم بالذريه الصالحه ها وش نقولو ؟؟؟؟؟؟؟

[pita]

رايي من راي الاخت شهد حنان
تقبل موروي

[mimla]

أنا رأيي أن موقف المتفرج والمنتظر ما هو الا ضعف وهروب مع كل احترامي لك يا أخي لكن ليس لك أي حق أن تملي عليها ما تفعل بل عليك أنت أن تتحرك
هي تحدثت اليك حتى تقول لك بطريقة غير مباشرة تحرك أين أنت من كل هذا فالحب ياأخي ليس مجرد كلام بل أفعال ان كنت فعلا تريدها لك زوجة وتحرص على مشاعرها فعليك أن تسرع بانقادها من هذا المشكل الذي تعيش فيه بسببك تحدث بصراحة مع صديقك حتى ينسحب وان كانت النتيجة فقدانه لأن عليه تفهم الأمر ان كان فعلا أعز أصدقائك ثم عليك التوجه لخطبة الفتاة وهذا ليس بحرام لأن صديقك لم يوافق عليه ولم تتم الخطبة الرسمية بعد
أما اذا كنت ترى أنك غير قادر على المواجهة والمشاكل من أجل الفتاة التي تحبك وترى فيك ماضيها ومستقبلها فكف عن خداعها وخداع نفسك ولا تكن أنانيا اتركها تعيش مستقبلهاوقل لها بكل رجولة أنا آسف وتمنى لها الخير

[كمال الاسلام]

أنت تحب فتاة ، وهي كذلك ، لكن يخطبها بالصدفة أعز أصدقائد وكذالك الصديق التي تحترمه وتوقره ، ومجتمعنا في الجلفة لايرضى بأن تقول الفتاة لا أريده وخاصة إذا كان الشاب محترما ؟؟ما أنت فاعل ؟؟ وخاصة إذا هاتفتك وقالت إعمل شيئا ؟؟
هذا اللذي حدث لي؟؟




اصارحه واطلب منه ان يفسخ الخطبة

فهو خطبها ليس حبا فيها فيمكنه ان يخطب غيرها