ممكن مساعدة بنات

[ابتغي الجنة]

السلام عليكم و رحمة الله و بركاته
ان شاء الله ختيتاتي تعاونوني برايكم
انا عروسة راني نوجد لعرسي لي مابقالوش بزاف
المهم دوكة انا غرفة نومي زوجي الطلاء تاعها وردي و الخزانة لونها عسلي حبيت نخيط كاش ريدو للنافدة نديه معايا في الجهاز
و بما انو الغرفة فيها نصف نافدة يعني ماشي بالكون نصف نافدة فقط حبيت ندير كاش ريدو خفيف باش مايغمش الحالة و يخلي لهوا يدخل
وجدت ف النت هاد النوع

http://sub5.rofof.com/img3/010museq4.jpg (http://www.rofof.com)

بصح انا ندير الجزء العلوي فقط كيما قلتلكم باش يخلي لهوا يدخل
كيما لي ف هاد الصورة

http://sub3.rofof.com/img4/010dvweg4.jpg (http://www.rofof.com)

راح نخير قماش خفيف
راني محتارة ف لون القماش لي نستعملو
مادابيا تعطوني اراءكم
حبيت كلش يخرج اسورتي مع الغرفة
الغرفة لونها وردي الموبل تاعها عسلي
و عندي كوفرولي باج
و دي سوندولي مازال ماشريتش قولولي وشمن لون نشري
المهم اعطوني رايكم ف المودال لي خيرت و اعطوني افكاركم
ماطولوش عليا تعيشو عرسي مابقالوش بزاف

[بيبيone]

ربي يوفقك في اختياراتك راكي مادية معاك تحفة
سلااااااااااااااااااااااااااااااام

[sammouha]

كل شي مبروك اوّلا.. ممكن تخيري لون وردي فاتحrose clair.. او mauve clair
viorose.. هذو كامل يصلحو.. خاصة اذاكان عندك couvre lit بنفس اللون..تكوني نسقتي خير و خير..
على فكرة المودال الي خيّرتيه مليح و هذو هوما المودالات الدارجين ضركة..المهم تلقاي الي تخيطو مليح
ربي يهنيك ان شاء الله

sammouha

[ابتغي الجنة]

شكرا اخواتي عللى المرور
راني حايرة وشمن لون ندير
الكوفرولي تاعي باج
و حتى الدي سو ندوليي ماعرفتش نخير لون مناسب
لوكان غير لبنات يدخلو يعطوني افكارهم

[sorour2]

انا ليا ديري كاش ريدو غوز كلار خلاه
و الدي سو ندوليي كون تلقاي الغوز كلار مادابيك
باش يخرج كلش مع بعضاه يبقالك غيرلون الكوفرلي
اللي كلما تبدليه يمد للشومبرة نكهة مبدلة ..
;)

[جيجلية]

أنا من رأي الكاش ريدو ماشي لازم يكون لون الغرفة باش يبان مليح

مدام عندك اكوفرولي باج وإذا فيه بعض الألوان الأخرى ديري الريدو باج والكاش ريدو باللون الىخ اللي في الكوفرولي

ابلنسبة للخزانة لا يهم لونها المهم يكون تناسق بين غطاء السرير والستارة هذا رأيي

[ايمان2009]

اختي العزيزة اختاري لون فراشك كامل متناسق مش مهم لون الغرفة و لا لون الاثاث بمعنى كوفرلي باج حطي معاه ريدو ابيض او blanc sal ;cache baige ; ديسوندلي بني غامق و فاتح تكون بين لونين لان tapis يحلاو في الالوان الداكنة

[مامارجاء]

مساء الخير اختي

يكون مزج بين اللون البيج والعسلي
و لسوندليي يكونو عسلي غامق شوية بدرجة واحدة

لان اللون للغرفة بالوردي

يعني لازم ينفصل لون الغرفة على ان تكون
الستائر
و السوندليي
والكوفرلي يكونو في تقارب ومزج بين الالوان ) بيج و عسلي و عسلي غامق قليلا بدرجة وحدة للسوندليي
اما معاليق المفاتيح للخزانة فتكون بيج بشرائط عسلية غامقة على حسب لسوندليي
و ايضا النبروات تكون بيج بشرائط عسلية غامقة
و على زوجك شراء المصابيح لونها بيج يدخل فيها اللون العسلي الغامق هناك في السوق تحف كهذه الالوان
و كذلك الليستر او النجفة الضوئية تكون بالوان عسلية يدخل فيها البيج
هنا ترين كل الالوان بالوان بيج و عسلي و العسلي الغامق
اما الغرفة منفصلة تماما يعني تزاوج بين الالوان و تناسق و سترين اي تحفة
وفقك الله الى ما فيه الخير يا اختي و مبرووووووووووووك والف الف الف مبروك مسبقا برفهيه والبنين

[مامارجاء]

و جدت لكم حبيبتي هذاه التحفة ايضا شوفي
ان شاء الله يليق لذوقك
http://img1.liveinternet.ru/images/attach/c/0//52/519/52519019_Alena_Dreer.jpg