طلب مساعدة

[rochouda]

السلام عليكم

أحتاج مساعدتكم في الحصول على كل أنواع القاطو التي تستخد م فيها جوز الهند
أرجو من تحفظ نوعا ما من القاطو الذي يستخدم فيه جوز الهند بكثرة أن تكتبه لي

وشكرا لكل من تمر بصفحتي

[نينانينا]

حبيبتي كاين وصفة وهي كيلة جوز الهند مع كيلة سكر قلاصي تخلطيهم كيف كيف من بعد تحكمي زرودية تغليها وكي تطيب عبزيها بلفرشيطة ومن بعد بلكونبراس اعسريها باش يروح قاع الماء تاعها
من بعد جيبي جوز الهند تاعك وابداي طميه بهذيك الزرودية لي كنتي عصرتيها وكي تنطم دريها مدورة وزينيها من فوق بعقاش هذ الوصفة ديتها على حورية المطبخ وانا سيتها

[rochouda]

شكرا أختي نينا
ربي يجازيكي كل الخير
إن شاء الله نجربها

[نينانينا]

هذي حلوة اخرى كنت رفدتها من هنا
حلوى الملفوف

العجينة
• 80 غ زبدة طرية 80
• غ سكر 250غ فرينة
• 1/2 كيس خميرة كميائية
• فانيليا
• 1 صفار بيضة
• حليب سائل
الحشو
• 80غ جوز الهند
• 50غ سكر ناعم
• 2ملاعق كبار كاكاو
• فانيليا
• ماء الزهر
• 1بياض البيض
الطلاء
• 1علبة شكلاطة
• 2ملاعق اكل حليب سائل
• قطعة صغيرة من الزبدة
• 1قطعة صغيرة من الثلج
• طريقة التحضير
1 في وعاء ضغي الفرينة الزبدة والصفار السكر الخميرة والفانيليا اخلطي الكل باضافة الحليب حتى تتحصلي على عجينة طرية اتركيها على حدى
2 في وعاء حضري الحشو باضافة جوز الهند الكاكاو السكر الفانيليا بياض البيض ثم بللي بماء الزهر لتتحصلي على عجينة سائلة نوعا ما

ابسطي العجينة على شكل مستطيل


ضعي الحشو على العجينة

لفي العجينة حتى تتحصلي على خربوش كما موضح في الصورة التالية

ثم قطعي على شكل مربعات ومن بعد حطيها طيب

بعد التقطيع على شكل مربعات اطليها بطلاء الشكولاته و زيني السطح بعقدة


وان شاء الله تعجبكم لاروسات بنينة وهايلة
إضغط هنا لرؤية الصورة بحجمها الطبيعي.
اسمحيلي على تصاور راح نسي نحطهوملك
وتقدري تقطعيها متلثات وكي دري شيكةلا دري غير من فوق وطراف خليهم يبانو راح جي روعة

[نينا الجزائرية]

يعطيك الصحة نينا نينا

[نينانينا]

يعطيك الصحة نينا نينا

بلا مزية حبيبتي رانا هنا قاع كل وحدة تخدم وحدة اخرى هذي هي الاخوة وزيد حنا رانا كيف كيف في اسم هههههههه لازم نكونو يد وحدة ربي يوفقك حبيبتي

[rochouda]

يعطيكي الصحة اختي نينا
ربي يحفظك
شكر ا بزاف على الوصفة .

["جُوهَرْ"]

http://www.djelfa.info/vb/showthread.php?t=396294

[rochouda]

شكرا أختي جواهر

[ام خديجة1]

كريات الثلج
500غ نوات كوكو
300غ سكر رطب
من 3الى 4 بيضات
ملعقة صغيرة بشور الليمون
خلطي المقادير الجافة ثم ضعي بالبيضة الواحدة وخلطي ثم الثانية ثم الثالثة فان تلمت كوريها وان كانت شوية ناشفة اكملي البيضة المتبقية شكليها مثل نصف بيضة وضعيها تطيب ولما تنشف اخرجيها وضعيها تبرد جانبا
الطلاء
نصف لتر ماء+125غ سكر حرش ضعيهم في كاسرونة وطيبيهم حتى يصير سيروا وعندما يبرداضيفي 2بياض البيض وملعقتين عصير الليمون ثم اضيفي السكر الرطب حتى يصبح كلاصاج مرغي الكاطو فيه وزينيه بالبريو الابيض وضعي حبة فضية من الاعلى للتزين واتركيه ينشف ليلة كاملة ثم ضعيه في الصحون الورقية هذه الحلوة لذيذة ومجربة

[rochouda]

شكرا أم خديجة
سأجربه إن شاء الله
أم خديجة هل أن أسألك بعض الأسئلة؟

[noussaiba2007]

كاين مخبز بالنواد كوكو وهو 3 كيلات نواد كوكو وكيلة سكر قلاصي والزاست تع القارص والفاني وطميها بالبيض وشكليها مثلثات او قلوب او مربعات او دائر واطبخيها وعندما تخرجيها ديريلها القلاصاج

[rochouda]

شكرا أختي noussaiba

[ام خديجة1]

اسالي عزيزتي وساجيبك باذن الله تعالى

[rochouda]

شكرا أم خديجة
بما ان إقامتك في فرنسا أردت أن أسألك عن أشهر الأطباق هناك؟

[ام خديجة1]

السلام عليكم اختي هناك 8 اطباق مشهورة هنا وهي
les macarons وهي نوع من الحلويات المشهورة ويحبونها خصوصا في اعياد الميلاد الخاصة بهم.
le poulet roti وهو الدجاج المحمر.
la tarte oux fraises souvages وهي تارت بالفراولة البرية.
والقية فخد عجل مشوي يقدم مع لابيري و3انواع صوص اي مرق واطباق تحضر من منتوجات الوسم وطبق من لحم مفروم ناعم يقدم مع الخبز الكامل وكعكة الشيكولاطة بنكهة الكاكاو وطبق اخيريحضر بالسمك الفراش اي الجديد . والله اعلم اختي على كل حال نحن ناكل هنا الحلال ونجده عند المطابخ الاسلامية العربية

[rochouda]

شكرا لكي أختي ام خديجة
هذه الأطباق أي منطقة بالضبط تشتهر بها عندكم أم هي معممة ومشهورة
اذا كان عندك وقت أتمنى أن تكتبي لي المقادير إن أستطعتي ذلك
جزاكي الله كل الخير