ولد بلادي خييييير........................

[أم عائشة أنفال]

السلام عليكم ورحمة الله وبركاته....
اليوم بغيت نهدر على ظاهرة جديدة وهى ان معظم فتياتنا ان لم اقل كلهن يفضلن بل ويتمنين الزواج من مغترب ( يعني ايميقري) لا لسبب الا لان هدا الايميقري لديه الاورو وسيحقق لهن جميع طلباتهن وسيمكنهن من العيش في الخارج حيث يعشن حياة الرفاهية بالاضافة الى انه يملك سكن وسيارة فاخرة......و.......و.............................. ......................قاع هادي ماشي أسباب وعلاش ولد بلادي وش يخسه صح ماعندهش الاورو بصح عنده النيف..

وهدا لا يقتصر فقط على البنات بل حتى الشباب أصبحو يفضلون الايميقرية حتى لو كانت تكبرهم سنا فهدا لا يهم المهم عندها الريزيدونس.................................يا خويا ماكاش كيما بنت بلادك ترفدك في وقت الشدة ....وهاديك الايميقرية ما تستعرفش بيك وغير كلمة تقولك :رفد كابتك وبرا........وطيحلك من كرامتك.

وكيما قالك رابح درياسة :يحياو ولاد بلادي ويحياو بنات بلادي.:19:

[amina a 14]

عندك الحق اختي
هي الصح بنات و ولاد لبلاد خير وخير

ولكن لا عجب في ان يفعلوا دلك لان هم اغلب الناس اصبح المادة
والواحد كيحط فكرة عندوا مقتنع بيها
لا حياة لمن تنادي


عندنا تجربة في العائلة كدلك
وماتدوم غير بنت لبلاد
فلاخير تزوج بنت بلادو ولاخرى ما تفاهموش....
والله المستعان
وعجبتني
اضافة رابح درياسة
ههه
شكرا تقبلي مروري

[أم عائشة أنفال]

شكرا لك أختي
اسعدني مرورك

[مجنونة بخيالي]

صح بصح كاين اللي مكتوبو داه لواحد عايش في الخارج
مش كلنا حبينا ليزيميقري
مكتوب وتكتب علينا

[أم عائشة أنفال]

صح بصح كاين اللي مكتوبو داه لواحد عايش في الخارج

مش كلنا حبينا ليزيميقري

مكتوب وتكتب علينا

لا مارنيش على الي مكتوبها داها عند واحد ايميقري ...بصح كاين اللي تبدا تحوس ودير قاع مجهودها باه يجيها الايميقري وترفض شحال من واحد على جاله
ونعرف شحال من وحدا كي تسمع بايميقري دخل للبلاد تبدا ترسلها ولا تكثر زياراتها لعند أهله غير باه تلفت انتباهه ...................وفي الاخير نقولك هادي مجرد وجهة نظر وكل واحد ورأيو ....وأنا نحترم جميع الآراء

[مجنونة بخيالي]

لكن الغربة صعيبة وانا لست راضية عنها

شكرا على النصيحة القيمة من فتى المنتدى الصغير

****
لقد تم حذف الاقتباس
*****

[مجنونة بخيالي]

[/size]
لا مارنيش على الي مكتوبها داها عند واحد ايميقري ...بصح كاين اللي تبدا تحوس ودير قاع مجهودها باه يجيها الايميقري وترفض شحال من واحد على جاله
ونعرف شحال من وحدا كي تسمع بايميقري دخل للبلاد تبدا ترسلها ولا تكثر زياراتها لعند أهله غير باه تلفت انتباهه ...................وفي الاخير نقولك هادي مجرد وجهة نظر وكل واحد ورأيو ....وأنا نحترم جميع الآراء

عندك حق كاين اللي يحب ليزيميقري
علابالك وكانك تحكي على وحدة نعرفها كلما تشوف ايميغري روح ماتحبسش الزيارات لدارو
هذا تخمام شايع بزاف عندنا والله يحسبو المعيشة في الخارج مليحة ويحقرو ولاد البلاد
والله مكانش قد البلاد
والعقليات تتبدل
تقبلي مروري

[أم عائشة أنفال]

راضية كل الرضا عن زوجي

لكن الغربة صعيبة وانا لست راضية عنها

شكرا على النصيحة القيمة من فتى المنتدى الصغير

ما كانش علابالي بلي زوجك مغترب............................يا ختي صح الغربة صعيبة بصح لازم ترضي بلي كتبهلك ربي .....وربي يكووون معاك يا ختي

[1954مريم]

السلام عليكم ياختي الرجال كامل راهم مش ملاح لاميقري ولا ولد البلاد الا من رحم ربي اعلاه لان اصلا اهداف الزواج تغيرت كل واحد حاب يعيش ويهني روح ولو على حساب الاخرين
انا خارج الولاية وما نديرش فيه الثقة وين عاد خارج البحر الابيض المتوسط .....الله يهدي وكيما يقولو لازم من العائلة ولازم المهم ري يهدي ويبقى الطيبون لطييبات والصالحون لصالحات

[قمر الهضاب]

تبانلي كامل كيف كيف طينة وحدة ميقري ولا ولد لبلاد الا من رحم ربي منديرش لامان .............. بصراحة راحتلي الهدرة كي نلقى وش نقول راني نولي

سلاااااااااام

[source de vie]

pour moi ya acune différence entres welde bladi wela imigré le plus important qu'il soit eduqué et d'une bonne famille et surtout fidél

[أم عائشة أنفال]

السلام عليكم ياختي الرجال كامل راهم مش ملاح لاميقري ولا ولد البلاد الا من رحم ربي اعلاه لان اصلا اهداف الزواج تغيرت كل واحد حاب يعيش ويهني روح ولو على حساب الاخرين
انا خارج الولاية وما نديرش فيه الثقة وين عاد خارج البحر الابيض المتوسط .....الله يهدي وكيما يقولو لازم من العائلة ولازم المهم ري يهدي ويبقى الطيبون لطييبات والصالحون لصالحات



وعليكم السلام ورحمة الله وبركاته
يا مريم ..متكونيش متشائمة , الدنيا مازالها بخير....و أولاد لحلال عمرهم ما يخلاصو......صح لاما ن ما راهش باقي بصح الواحد يتكل على ربي...

[أم عائشة أنفال]

تبانلي كامل كيف كيف طينة وحدة ميقري ولا ولد لبلاد الا من رحم ربي منديرش لامان .............. بصراحة راحتلي الهدرة كي نلقى وش نقول راني نولي

سلاااااااااام


لا لا يا حنونتي... لازم تلقي شكون ديري فيه لامان....راني باغية نفرح بيك ونجي نعرس هههه...........

[أم عائشة أنفال]

pour moi ya acune différence entres welde bladi wela imigré le plus important qu'il soit eduqué et d'une bonne famille et surtout fidél



يا ختي ربي يلاقيك مع ولد الفاميليا ....ويبقى فيدال معاك . آمييين
وشكرا على مرورك العطر

[fatouma alg]

انا توجور كونط ليميقري غير ولد البلاد ولا ما نتزوجش ههه
شكرا اختي

[أم عائشة أنفال]

انا توجور كونط ليميقري غير ولد البلاد ولا ما نتزوجش ههه
شكرا اختي


مشكووورة الأخت فطومة
اسعدني مرورك

[شهد حنان]

كامل رانا كونتر ليميقري يحيا ولد لبلاد مهما يكن يمضغك وما يصرتكش كيما نقولو احنا رانا خارج الولاية وكاين لي يحس روحو غريب فما باللك حارج الوطن والله الغربة صعيبة بزاف
وشكرا على هذا الموضوع الرائع كاينة حاجة برك قوليلي انت الي خارج ولايتك تديه

[أم عائشة أنفال]

كامل رانا كونتر ليميقري يحيا ولد لبلاد مهما يكن يمضغك وما يصرتكش كيما نقولو احنا رانا خارج الولاية وكاين لي يحس روحو غريب فما باللك حارج الوطن والله الغربة صعيبة بزاف
وشكرا على هذا الموضوع الرائع كاينة حاجة برك قوليلي انت الي خارج ولايتك تديه
صح يا ختي الغربة صعيبة بزاف
وكي قلتلك ولد بلادي يعني قاع ولاد الجزائر ماشي غير ولاد ولايتي . وادا كان ولد فاميليا وعرفت أخلاقه ودينه وحتى ولوكان من غير ولايتي..........................المهم هو ابن الجزائر الحبيبة
وشكراا على مرورك العطر

[ikhbb81]

بنت بلادي خيييير

[نينا الجزائرية]

من زواجات الفاشلة لنسمع بيها كل يوم
زواج لي زميقري خايب
نعرف واحدة كانت تقري معايا راحت لسويسرا قعدت عام وطلقها
رجعت بحوايجها للابستهم
وبزاف بنات تزوجو انذلو وطلقو ورجعو لديار باباهم
ربي يجيب الخير
ميغركمش الاورو يا لبنات

[طيب وابن حلال]

الشباب يشوفوا في الغربة مليحة وراح تحقلهم طموحهم مع انهم ممكن يجدون الفرص هنا والرجل المغترب او الزوجة المغتربة لها هي عيوب قد تغطي على المميزات

[موساوي واضح]

يقال ان الطمع يخصر الطبع

[جزائري 90]

فتاه جميلة
جلست بجانبي فسألتها من أي البلاد أنت؟؟فضحكت ضحكة
ساحرة...وقالت ألست جزا...ئري؟!!!...فقلت بلا وكيف عرفت؟؟!! قالت لي إن
ملامحك دلت عليك...فسألتها.........أجيبيني بالله عليك من أي البلاد
أنت؟؟...فقالت:ألا يوحي لك سواد عيني بأني بليدية و طول شعري بأني
......عاصمية والنور الذي يتلألأ من جبهتي بأني وهرانية وشموخي بأني قسنطينية
وقوتي وصمودي بأني بسكرية ورقتي بأني جلفاوية وسحر نضرتي أني عنابية .. ألايوحي لك كل هذا بأني
جزائرية
فكم أعشقك يا جزائرية :o

[djouba6]

فتاه جميلة
جلست بجانبي فسألتها من أي البلاد أنت؟؟فضحكت ضحكة
ساحرة...وقالت ألست جزا...ئري؟!!!...فقلت بلا وكيف عرفت؟؟!! قالت لي إن
ملامحك دلت عليك...فسألتها.........أجيبيني بالله عليك من أي البلاد
أنت؟؟...فقالت:ألا يوحي لك سواد عيني بأني بليدية و طول شعري بأني
......عاصمية والنور الذي يتلألأ من جبهتي بأني وهرانية وشموخي بأني قسنطينية
وقوتي وصمودي بأني بسكرية ورقتي بأني جلفاوية وسحر نضرتي أني عنابية .. ألايوحي لك كل هذا بأني
جزائرية
فكم أعشقك يا جزائرية :o


يعطيك الصحة خويا

[لقاء الجنة]

http://akhawat.islamway.com/forum/uploads/post-14477-1205614176.gif

[لقاء الجنة]

فتاه جميلة
جلست بجانبي فسألتها من أي البلاد أنت؟؟فضحكت ضحكة
ساحرة...وقالت ألست جزا...ئري؟!!!...فقلت بلا وكيف عرفت؟؟!! قالت لي إن
ملامحك دلت عليك...فسألتها.........أجيبيني بالله عليك من أي البلاد
أنت؟؟...فقالت:ألا يوحي لك سواد عيني بأني بليدية و طول شعري بأني
......عاصمية والنور الذي يتلألأ من جبهتي بأني وهرانية وشموخي بأني قسنطينية
وقوتي وصمودي بأني بسكرية ورقتي بأني جلفاوية وسحر نضرتي أني عنابية .. ألايوحي لك كل هذا بأني
جزائرية
فكم أعشقك يا جزائرية :o


http://m002.maktoob.com/alfrasha/ups/u/26978/31670/395819.gif

[أم عائشة أنفال]

من زواجات الفاشلة لنسمع بيها كل يوم
زواج لي زميقري خايب
نعرف واحدة كانت تقري معايا راحت لسويسرا قعدت عام وطلقها
رجعت بحوايجها للابستهم
وبزاف بنات تزوجو انذلو وطلقو ورجعو لديار باباهم
ربي يجيب الخير
ميغركمش الاورو يا لبنات

صح شا قلتي
الله يجيب الخير.....هادا ما نقولو

شكرا لمرورك اختي الفاضلة

[أم عائشة أنفال]

الشباب يشوفوا في الغربة مليحة وراح تحقلهم طموحهم مع انهم ممكن يجدون الفرص هنا والرجل المغترب او الزوجة المغتربة لها هي عيوب قد تغطي على المميزات


مشكوور على المرور الاخ طيب وابن حلال
بارك الله فيك

[oumi82]

صدقوني يا احبائي انا راني في الغربة و كون نقول لكم بان الغربة واعرة بزاف مانيش قادرة نتحمل بلاد ماهيش بلادي و كون نقول لكم تحيا معيشة البلاد علا هادي غادي نولي لبلادي الاسبوع القادم ...و تحيا ولد بلادي اللي ما نفرطش فيه