التكوين الشبه الطبي ؟ [الأرشيف] - منتديات الجلفة لكل الجزائريين و العرب

مشاهدة النسخة كاملة : التكوين الشبه الطبي ؟

thebig23

2010-09-27, 14:57

السلام عليكم

أريد الأسئلة الخاصة بالدخول الشبه الطبي في المسابقة و ما يأتي في من الأسئلة بارك الله فيكم

وشكرا

خديجة الجزائرية

2010-09-27, 15:58

وعليكم السلام ورحمة الله تعالي وبركاته
بالنسبة لأسئلة الشفهي فهي أسئلة بسيطة كيما لاه خيرت هذا التخصص ممكن يسألوك لاه فضلت الشبه طبي علي أنك تدرس في الجامعة،
كيف تتعامل مع المريض ،ماهي نظرتك للمريض...........بصفة عامة تكون أسئلة سهلة كدردشة قصيرة و أهم شئ هو أن تكون متحكم في أعصابك واثق من نفسك وأن لا يظهر عليك الخوف والتوتر والذين يوجهون لك الأسئلة يكون عددهم من 2ويمكن أكثر المهم يكون أستاذ وأخصائي نفسي

thebig23

2010-09-27, 18:49

و مدا عن الأسئلة الكتابية

هندة السوفية

2010-09-27, 22:43

لكن وين المسابقة هذي

thebig23

2010-09-28, 09:55

لكن وين المسابقة هذي

a la ville de annaba

ريم-ك

2010-09-28, 10:06

السلام عليك يا أختي العزيزة أريد من فضلك مساعدة لأختي فهي قد قدمت طلب للإنخراط في الشبه الطبي ولكنها خائفة قليلا من اإمتحان الشفوي فهل لك أن تخبريني أكثر عن اإمتحان و هل هو بالعربية أو الفرنسية و شكرا:)

عبير09

2010-09-28, 10:21

انا من ميلة والعم الي فات عقبت في قسنطينة تاع التخدير وجابولنا ورق بزاف وقالونا هزوا وانت واش يطيحلك انا طاحلي التدخين حكيتلهم عليه ومضار تاعو وسقساوني علاه درت باراميديكال والاسئلة النفسية ماتخافش خلاص اي ساهلة خلاص وفي الاخير نجحت في القائمة الاحتياطية ربي ماكتبليش الحمد لله على كل شئ

yacine83osn

2010-09-28, 10:25

نعم أختي الكريمة ، أنا يوم الأحد موعد الإمتحان الشفهي ، ممكن مساعدة ......................

عبير09

2010-09-28, 11:11

انا خويا تادا تقصدني تفضل نساعدك بلي نقدر عليه

rim bab

2010-09-28, 12:47

السلام عليكم انا البارح عقبت الامتحان الشفهي و سألوني اذا كنت مريضة ولا لالا ولاه خيرتي الشبه الطبي واش درتي من 2007 حتى لضرك ولاه مدرتيش الشبه الطبي في 2007 بالتوفيق للجميع

pink_butterfly

2010-09-28, 15:28

السلام عليكم
انا حصلت على خياري في الجامعة و رغم دلك اريد الالتحاق بمدرسة التكوين الشبه طبي و لكنني في حيرة من امري
اختي عبير من فضلك هل لك ان تقولي لي الاسئلة بالتفصيل لانني من قسنطينة و المسابقة يوم الاحد و هل اللغة مطلوبة لانني سمعت عدة اراء حول دلك
انتظر ردك بفارغ الصبر و شكرا مسبقا

عبير09

2010-09-28, 16:34

واللهيا اختي دخلت على لجنة مكونة من 3 نساء واحدة فيهم باينة طبيبة نفسية مع الاول بقاو يسقسيوني على ميلة ووين نسكن وادا عندي واحد من العايلة يخدم في الدومان ومن بعد قالولي علاه خيرتي شبه طبي كي شغل اسئلة نفسية هكدا ومن بعد كانوا بزاف زرق قدامي على التغدية والصحة والتدخين المهم مواضيع لها علاقة بالصحة خيرت ورقة طاحتلي على التدخين وجاوبتهم بالعربية نورمال حكيتلهم عليه ومن بعد سقساتني وش الاضرار تاعو حكيتلها عليه وكيفاه نتعامل مع المريض الي يمرض بسبتو خصوصا انو بابا مرض وقريب مات بعيد الشر عليه بسبته حكيتلهم هادي تاني قالتلي جيد جدا وحطتلي 16من 20
وكي شفت النتيجة لقيت روحي فيالاحتياط ربي ماكتبليش ننجح والعم هدا رايحة نعقب نهار الاثنين في ميلة وان شاء الله ننجح

عبير09

2010-09-28, 16:35

اللغة مش مطلوبة بصح انتي وزهرك قادرة تطيحي عند لجنة تحوس تتفلسف انتي ماتديريش عليهم احكي معاهم وردي عليهم بالعربية

العيد قعقاع

2010-09-28, 17:01

تقبل مروري وشكرا

chouchou4405

2010-09-28, 18:13

انا باه نفوتو نهار 6/10/2010 وللان ما وصلنيش الاستدعاء

sara36

2010-09-28, 18:22

نعرف وحدة قالولها عند ستيلو قاتلو نعم قالهاعندك امتحان شفوي وليس كتابي وعلاه جبتيه
وحدة أخرى قالولها كيف تتشكل مادة الصبغين
وأنا قالولي أعطيلنا تاريخ ميلادك ،وعلاه حبيتيها و كن متنجحيش السنة هذه تعاودي دريها العم الجاي و لعوام لخرين
سوف استرجع ذاكرتي و أخبركم عن المزيد انشاءالله قبل le04/09/2010

pink_butterfly

2010-09-29, 14:15

مرسي بزاااااااااااااااااااااااااااااااف بزااااااااااااااااااااااااااااف اختي عبير بارك الله فيك و ربي يوفقك ان شاء الله العام هادا بصح علابالك انا قالولي الي يحطوهم في قائمة الاحتياط هوما يا اما الباك تاعهم قديم يا اما ماكانوش سيونتيفيك او ما راهمش من الولاية الي فوتو فيها المسابقة ممكن نتيا تاني كي عدتي من ميلة و فوتيها في قسنطينة حطوك في قائمة الاحتياط و العام هادا بادن الله تنجحي

ايه يا سارة استرجي داكرتك بليز قبل يوم الاحد لانو انا الكونكور تاعي يوم الاحد و من زهري انا رقم 1

pink_butterfly

2010-09-29, 14:16

عبير09

2010-10-03, 14:34

ان شاء الله ننجحوا وربي يجيب الخير

بنت ناس

2010-10-06, 18:00

سلام عليكم
انا تاني فوتت هاد العام الكونكور تاع الباراميديكال
الاسئلة كانت بالفرنسية لكن اسئلة متعددة و مختلفة
قالولي ادا كنتي ممرضة وش عاد اديري
و عومي بحرك انت
تجاوبي اونفرونسي و اجابة معقولة و صحيحة
ع العموم سهل و الحمد لله
ان شاء الله ننجحو برك