ارواحي شوفي شحال يلزملك باه تتصدري

[dana maram]

السلام عليكم و رحمة الله تعالى و بركاته


كنت نتنقل في المواضيع الخاصة بتجهيز العرايس و شفت وحد قوائم مستلزمات العرايس قلت انا نحسبلكم شحال يستقامو يلا نبداو
الذهب
8 مسايس كبار و لا مقايس .........................................200.000 دج
مقياس التونق+ خاتم.............................................. .......90.000دج
براسلي لويز .................................................. ........ 70.000دج
كوردو بالدبلونة لويز ..............................................70.0 00دج
كوردو بالكتاب........................................... ............50.000دج
اللنجاسة .................................................. .............100.000دج
سنسلة كليوباترا بالمناgش......................................200. 000دج
مناgش الجود و لا لويز + خاتم لويز ..........................50.000دج
4 خواتم .................................................. .............150.000دج
طقم ذهب كامل .................................................. ..200.000دج
شوية اكسسوار فنتيزي للفستان الابيض و للتايورات 10.000دج
المجموع........................................... ....................مية و 19 ولا مية 20 مليون
حوايج التصديرة
التايور الابيض .................................................. ..30.000دج
البرنوص........................................... .................15.000دج
الروبا السواري ................................................40 .000دج
الكاراكو .................................................. .......50.000دج
المنصورية .................................................. ....50.000دج
جبة وهران............................................. .........30.000دج
لبسة قبايل .................................................. .20.000دج
و الفستان الابيض تكريه من ......5000دج....الى 10.000دج
بلا ماننساو سبابطهم و صنادلهم و صيكان.......20.000دج
ايييييه هذو ..............................................جواي ه 26 مليون
ضوك نروحو لحوايج العروسة
لازملها
2 تايور و لا كوستيم تاع الصيف.....................50.000دج
2 تايور ولا كوستيم تاع الشتا ......................30.000دج
2 قفطان............................................. ........30.000دج
2 جبات مخدومين والا عبايات.......................30.000دج
2 ملايات و حدة فضي و حدة دوري .............10.000دج
2 حجابات............................................ .......8000دج
شوية بوديات على شوية جوبات و شوية ليكاتات و شالات و سراول .............30.000دج
شوية صبابط وصنادل و صيكان ................................................20 .000دج
هذو............................................... ......................................في جوايه 21 مليون
ايه ضوك حوايج الدار
شوية بيجامات على روب صيفي.على ملابس داخلية ............................................30.000 دج
شوية بيجامات و جبب شتوي .................................................. .........................20.000دج
شوية بنتوفات و بلايغ و صابوات............................................ ..........................10.000دج
دوزان الحمام من سرابت يعني فوط و سورتي دبا و صابون و روايح و ماكياج و........و............ المهم هذوك كامل .................................................. .................................................. .................30.000دج
المجموع........................................... .................................................. ...........90.000دج
ضوك نهدرو على الفراش
2 كوفرولي .................................................. ..........30.000دج
2 كوفرولي شتوي .................................................2 0.000دج
2 ليزور تقليدي .................................................. .....30.000دج
شوية ليزور .................................................. .........10.000دج
2 كوفيرطات.......................................... ................10.000دج
2 كوات.............................................. ....................10.000دج
مطارح الصوف و زربية و صوندولي و شورة ...............40.000دج
و شوية تليقات و نابرو ...........................................5000دج
المجموع من جوايه ..........................................15 مليون
المجموع الكلي .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. ..............................................
مية مليون و 70 مليون









مع العرس الصالة 8 ملاين و الحلوة 8ملاين و المشاطة 5ملاين و التصوير و الديدجي و لا المغنية 10ملاين هذيك هيا المجموع الكلي









ميتين مليييييييييييييييييييييييييييييييييييييييييييييييي يييييييييييييييييييييييييون




و مازال العشا هههههههههههههههههههههه


معليش هذاك الطعام و الكبش الي يجيبوه مالين العريس















يلا علقو قولولي رايكم .......................؟؟؟؟؟؟؟؟؟؟؟؟؟؟؟؟؟؟؟؟؟!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!

[*سيرتا *]

نسيتي محزمة دهب 400000 دج على الاقل ...ترجع 240 مليون لازم بنك و ياربي
لحقنا لوقت يا لطيف منو ..درك وين بديت نفهم لعلاش قلال اللي مهنييين في حياتهم الزوجية..يبدوها ب 200 مليون وايخلصوها في المحاكم.

[dana maram]

نسيتي محزمة دهب 400000 دج على الاقل ...ترجع 240 مليون لازم بنك و ياربي
لحقنا لوقت يا لطيف منو ..درك وين بديت نفهم لعلاش قلال اللي مهنييين في حياتهم الزوجية..يبدوها ب 200 مليون وايخلصوها في المحاكم.

صح المحزمة بص انا قلت نقص زعما شوفي شوفي يا لالة هذي هيا و اتصيبي كامل الناس تصرف هكا عندها و لا ما عندهاش تحيري منين رانا نجيبو في الدراهم ....................

[guebbouh]

ههههههههههههههههه

رانا ما نتزوجوش كامل

[dana maram]

ههههههههههههههههه

رانا ما نتزوجوش كامل
علاه يا خويا و انت كاش ما راح تصرف من جيبك هادو الي لازم مرتك تجيبهم باه متدرحكش و نقولك قولها تجيبهم شاك خير ليكم

[وحيد الحيراني]

واش من بلاصة في الدزاير المرأة تجيب فيها هاذوك الحوايج كاااامل... هههههه

[guebbouh]

انــــــــــــــــــــــــــا بنت

[alkhansaae]

السلام عليكم
راكي منك بصح لكان هكا وحدة متتزوج واش هدا كامل نقرا خير نخدم كامل حياتي ونكسبش
150 مليون هبااااال صحيتي ختي

[dana maram]

واش من بلاصة في الدزاير المرأة تجيب فيها هاذوك الحوايج كاااامل... هههههه

حنونتي هذي عندنا في الواسطة همالا مشفتيش الغرب و لا الشرق

[dana maram]

السلام عليكم
راكي منك بصح لكان هكا وحدة متتزوج واش هدا كامل نقرا خير نخدم كامل حياتي ونكسبش
150 مليون هبااااال صحيتي ختي

ايه بالصح و انا ثاني راني نقرا و نشري بالشوية و كي نخدم نكمل

[وحيد الحيراني]

حنونتي هذي عندنا في الواسطة همالا مشفتيش الغرب و لا الشرق


هههههههههه
وحيد وحيد وحيد وحيد بدون ( ة )

والراجل شحال يلزملو يدفع مهر للمرأة اللي تجيب 200 مليون...

[dana maram]

هههههههههه
وحيد وحيد وحيد وحيد بدون ( ة )

اه اسمحلي خويا

[dana maram]

مازال نستنا في ردودكم اراءكم تعليقاتكم ..........................................شكر اي حاجة منكم

[ذكرى مضت]

ههههههههههههههههههههههههههههههه قتلتيني بالضحك موضوع فوووووووووووووور
نروح نندب و نعاود ....... يا ويلي هذا جهاز دار او مؤسسة .........

[dana maram]

ههههههههههههههههههههههههههههههه قتلتيني بالضحك موضوع فوووووووووووووور
نروح نندب و نعاود ....... يا ويلي هذا جهاز دار او مؤسسة .........

ههههههههه شفتي شفتي يا انتي تندبي انا نصادي هههههههههه يخاه واش راه يستنا فينا انا وقيلة نشري بيهم طنوبيل و نتصدر فيها و ندير العرس في الباركينg و نلبس الغطا الباش تاع الطونوبيل خير واش رايك

[ذكرى مضت]

ههههههههه شفتي شفتي يا انتي تندبي انا نصادي هههههههههه يخاه واش راه يستنا فينا انا وقيلة نشري بيهم طنوبيل و نتصدر فيها و ندير العرس في الباركينg و نلبس الغطا الباش تاع الطونوبيل خير واش رايك

هههههههههههههههه :1::1::1::1: بصح اختي نحن في ورقلة معندناش كل وش راكي تقولي .....
زيد هذا تبذير و اسراف ياسر .... مثلا حنا ديارنا واسعين ياسر .... يعني حكاية الصالون راحت دراهمها
زيد الذهب علاه كل هذا ...... عندنا كل وحدة و مقدورها صراحة عن نفسي مش راح نطلب من بابا كل
هاذ الذهب انا خدامة و شريت الضروري لحدايد و السلسلة و الحلقات ... بقات المحزمة بشوي نديرها
وحدي راه 360 للغرام :1::1::1::1: تاع دزاير برك .........
صراحة هاذ الجهاز اللي درتيه لا قال عليه لا الشرع و لا الدين ......... المهم هاتيلي لهنا هذا وش نطلب
الباقي كل يزول .........تقبلي تحيتي اختي و ربي يهنيك ان شاء الله نصيحتي برك يسري و لا تعسري
لو فكرت هاكة راح تفكري طول عمرك تقعدي غير تلمي برك ........

[haraddine]

أقلهن مهورا أكثرهن بركة
مع الوقت اللي رانا فيه هذا هو الحديث اللي يمشي يا خاوتي
و سامحوني إذا كنت غالط
و أخرتها موت

[dana maram]

هههههههههههههههه :1::1::1::1: بصح اختي نحن في ورقلة معندناش كل وش راكي تقولي .....
زيد هذا تبذير و اسراف ياسر .... مثلا حنا ديارنا واسعين ياسر .... يعني حكاية الصالون راحت دراهمها
زيد الذهب علاه كل هذا ...... عندنا كل وحدة و مقدورها صراحة عن نفسي مش راح نطلب من بابا كل
هاذ الذهب انا خدامة و شريت الضروري لحدايد و السلسلة و الحلقات ... بقات المحزمة بشوي نديرها
وحدي راه 360 للغرام :1::1::1::1: تاع دزاير برك .........
صراحة هاذ الجهاز اللي درتيه لا قال عليه لا الشرع و لا الدين ......... المهم هاتيلي لهنا هذا وش نطلب
الباقي كل يزول .........تقبلي تحيتي اختي و ربي يهنيك ان شاء الله نصيحتي برك يسري و لا تعسري
لو فكرت هاكة راح تفكري طول عمرك تقعدي غير تلمي برك ........

تعيشي على الرد صح كلش راهو غالي بصح كل واحد و مقدورو و صراحة يعني القائمة الي حطيتها كاين بزاف ناس ماشي من مقدورهم بصح العادات تفرضها عليهم و كاين الي يعلقو روحهم و يجيبوها و ثاني هذي القائمة نحي منها شوية حاجات ممكن تكون زيادة عند ناس بصح مام و تنحي تبقا غالية و الله غالب هذي عاداتنا تكلف و اكيد حنونتي الهنا غلب الغنا

[dana maram]

أقلهن مهورا أكثرهن بركة
مع الوقت اللي رانا فيه هذا هو الحديث اللي يمشي يا خاوتي
و سامحوني إذا كنت غالط
و أخرتها موت

يا خويا ماتحيرش هاذا الي لازم على المرا تجيبو مازال باه تحير كي تكون عندك طفلة ابدا تخمم منين تجيبلها كامل هذا الشي

[*سيرتا *]

حنونتي هذي عندنا في الواسطة همالا مشفتيش الغرب و لا الشرق
يا اختي انا من الشرق و من ولاية مشهورة شوية بغلاء المهور et surtout واش يجيب راجل لمرتو بصح الصراحة من معارفي مزال مشتش لي جابو هكدا...

[haraddine]

يا خويا ماتحيرش هاذا الي لازم على المرا تجيبو مازال باه تحير كي تكون عندك طفلة ابدا تخمم منين تجيبلها كامل هذا الشي

يا ختي رانا مسلمين ولا بطلنا
إذا كنا مسلمين لازم نتبعو تعاليم ربي و الرسول صلى الله عليه و سلم
و إذا بطلنا موتنا خير من حياتنا

[dana maram]

يا اختي انا من الشرق و من ولاية مشهورة شوية بغلاء المهور et surtout واش يجيب راجل لمرتو بصح الصراحة من معارفي مزال مشتش لي جابو هكدا...
ايه ختي انا راني نقول بلي هذا الي المرا تقضيه لروحها صراحة ختي اقعدي مع روحك و شوفي و احسبي شحال راح تقضي و شوفي شحال يستقام خاصة عندكم في الشرق الذهب المقايس و المحزمة و الفراش احسبي و رديلي

[dana maram]

يا ختي رانا مسلمين ولا بطلنا
إذا كنا مسلمين لازم نتبعو تعاليم ربي و الرسول صلى الله عليه و سلم
و إذا بطلنا موتنا خير من حياتنا


لالا خويا مسلمين و الحمد لله لكن الله غالب كذلك جزائريين عاداتنا جيفتنا

[*سيرتا *]

هههههههههه
وحيد وحيد وحيد وحيد بدون ( ة )

والراجل شحال يلزملو يدفع مهر للمرأة اللي تجيب 200 مليون...

ضحكتني يا اخي متتخلعش ...شوفلك وحدة تاع "اقلهن مهرا ..اكثرهن بركة"

[haraddine]

لالا خويا مسلمين و الحمد لله لكن الله غالب كذلك جزائريين عاداتنا جيفتنا

يرحم اللي جابتك
هذا كلام صواب
إذن عاداتنا و تقاليدنا خلاونا اللورا
لازم علينا ننساو العادات البالية
و نرجعو شوية لطريق ربي بالاك يغفرنا و يهدينا
و بهذي الطريقة نقضيو على مشكل العنوسة في بلادنا
و نقضيو على ما حرم الله
راكي فاهمتيني يا ختي

[dana maram]

يرحم اللي جابتك
هذا كلام صواب
إذن عاداتنا و تقاليدنا خلاونا اللورا
لازم علينا ننساو العادات البالية
و نرجعو شوية لطريق ربي بالاك يغفرنا و يهدينا
و بهذي الطريقة نقضيو على مشكل العنوسة في بلادنا
و نقضيو على ما حرم الله
راكي فاهمتيني يا ختي

يعيشك خويا على الدعوة و يرحم والديك و اكيد راني فاهماتك يا ريت كل المجتمع يسمع
و شوف خويا حنا النسا نعيو يعني اللي متديش بزاف لدارها يقولو عليها ماجابت والو و جات ما تسعى والو ووليدنا سترها ووليدنا طلعلها بشانها ياودي هدرة في هدرة همالا الوحدة منا تلقا روحها مضطرة تدي معاها اكبر قدر من الذهب و الدنيا باه تخلعهم و تسكتهم و عموما هذو الحاجات ممكن تمدهم الام لبنتها خاصة الذهب يعني
لكن الله غالب بما انو الدنيا مظاهر مابقاوش يقيمو الانسان خاطر هو ناس ملاح و خاطر ....و خاطر و لاو يقيموه بواش لابس و بواش يسعى الله غالب عقلية حابسة و حنا مشينا معاهم
بصح كاين الناس اللي يقدرو الانسان لكيانو

[*سيرتا *]

ايه ختي انا راني نقول بلي هذا الي المرا تقضيه لروحها صراحة ختي اقعدي مع روحك و شوفي و احسبي شحال راح تقضي و شوفي شحال يستقام خاصة عندكم في الشرق الذهب المقايس و المحزمة و الفراش احسبي و رديلي
والله يا اختي مانيش حابة نحسب باه مايهبطش moral ..انا اختي ستتزوج قريبا بالنسبة للدهب اشترت سلسلة سميكة بعض الشيء ب 50000 دج واشترت قرطين و خاتم فقط (على حساب مقدورها) و زوجها احضر لها محزمة و خاتمين وكل ما اشترته من مالهالان المهر لا يلبي الكثير والدي تكلف ب قاعة الحفلات ومستلزمات العرس وبالرغم من هدا كانت التكاليف باهضة نوعا ما و لكن ليس لدرجة 240 مليون..
ربي يلطف انا عن نفسي بادن الله لن افعل ما يغضب الله لاني اظن ان هاته التكاليف ما هي الا تقاليد بالية لا تنفع الا لارضاء الغير قبل النفس..

[haraddine]

شوفي يا dana maram بكري في وقت الجاهلية نتاع قريش كان اللي تزيد عندو طفلة يدفنها خوفا من العار، جاء دين الإسلام و نحى هذي العادة، و أعطى للمرا كرامتها، الغاشي نتاع ذوركا باغي يرجعنا للجاهلية بالذراع و صبحت المرا سلعة تتباع كي البقرة حاشا أختي ، بصح حنا ماناش رايحين نخليوهم يرجعونا لذاك الوقت كاين رجال و نساء واقفين جزائرين أقحاح
لازم يا ختى نرجعو لطريق ربي راه ما يبقى إلا وجهو
سامحيني يا ختي هذي هي عقليتي و ربي يسامحني و يسامح كل أمة محمد

[dana maram]

والله يا اختي مانيش حابة نحسب باه مايهبطش moral ..انا اختي ستتزوج قريبا بالنسبة للدهب اشترت سلسلة سميكة بعض الشيء ب 50000 دج واشترت قرطين و خاتم فقط (على حساب مقدورها) و زوجها احضر لها محزمة و خاتمين وكل ما اشترته من مالهالان المهر لا يلبي الكثير والدي تكلف ب قاعة الحفلات ومستلزمات العرس وبالرغم من هدا كانت التكاليف باهضة نوعا ما و لكن ليس لدرجة 240 مليون..
ربي يلطف انا عن نفسي بادن الله لن افعل ما يغضب الله لاني اظن ان هاته التكاليف ما هي الا تقاليد بالية لا تنفع الا لارضاء الغير قبل النفس..

ربي يكملللها و يهنيها انشاء الله
اكيد ختي الصح في الهنا ما الباقي فاني
ماشراح توصل 240 مليون برك 200 مليون ههههههههههه
ولالا كيما يقولو في الاعلان 200 مليون فقط

[dana maram]

شوفي يا dana maram بكري في وقت الجاهلية نتاع قريش كان اللي تزيد عندو طفلة يدفنها خوفا من العار، جاء دين الإسلام و نحى هذي العادة، و أعطى للمرا كرامتها، الغاشي نتاع ذوركا باغي يرجعنا للجاهلية بالذراع و صبحت المرا سلعة تتباع كي البقرة حاشا أختي ، بصح حنا ماناش رايحين نخليوهم يرجعونا لذاك الوقت كاين رجال و نساء واقفين جزائرين أقحاح
لازم يا ختى نرجعو لطريق ربي راه ما يبقى إلا وجهو
سامحيني يا ختي هذي هي عقليتي و ربي يسامحني و يسامح كل أمة محمد

ضوك خويا راهم حابين البابات يرجع يدفن الطفلة خاطر ميعرفش كيفاه يجهزها
ربي يصلح الاحوال يا رب

[هبة الكوثر]

بارك الله فيك على هذا الطرح الرائع بصح حبيت نقولك حاجة اختي ماتعمريش راصك بلي هاذ الشيء كل لازم تديريه قبل الزواج وهو واش بقالو يديرلك وزيد الدار ماتتعمرش من نهارها لول العمر طويل والانسان يطلب لحياة و الصحةشكون هادا الماركانتي لي يقدر يجهز بنتو هكا هذا ويالوكان تخدمي 20 سنة ماتلحقيش تديري هاد الشيء كل
الحساب بسيط جدا من ناحية الذهب شوفي الاساسيات كيما لمسايس سبيعيات وسلسلة خشينة وزيديلها زوج خواتم كبار ماتنسيش بلي هو يجيبلك خاتم تاع لفيونساي وكذالك مناقش يعمرو لودن ....في رايي المحزمة ماهيش واجبة خاطرش مش رايحة تلبسيها كل يوم اما من ناحية لفراش دايما كاينة الصالون مشور كامل وزوج كوفروليات شابين تقابلي بيهم الناس ورايحة تشري بعد الزواج وكل عام يخرج الجديد والتصديرة وعلاه تكثرو كل شهر راهي تخرج خياطة جديدة الانسان يدير تلت روبات شابين وغاليين ومن النوع لي ماتخلاصش لاموضة تاعو كيما المنصورية والسطايفي والنايلي وروبة لقبايل .....انا نشوف الطفلة لي تعقد على روحها الحساب تبقى ديما ماتدير والواااااااااا..............تبقي غير تحسب وتتخلع من غير فايدة ......تقبلو مروري

[dana maram]

بارك الله فيك على هذا الطرح الرائع بصح حبيت نقولك حاجة اختي ماتعمريش راصك بلي هاذ الشيء كل لازم تديريه قبل الزواج وهو واش بقالو يديرلك وزيد الدار ماتتعمرش من نهارها لول العمر طويل والانسان يطلب لحياة و الصحةشكون هادا الماركانتي لي يقدر يجهز بنتو هكا هذا ويالوكان تخدمي 20 سنة ماتلحقيش تديري هاد الشيء كل
الحساب بسيط جدا من ناحية الذهب شوفي الاساسيات كيما لمسايس سبيعيات وسلسلة خشينة وزيديلها زوج خواتم كبار ماتنسيش بلي هو يجيبلك خاتم تاع لفيونساي وكذالك مناقش يعمرو لودن ....في رايي المحزمة ماهيش واجبة خاطرش مش رايحة تلبسيها كل يوم اما من ناحية لفراش دايما كاينة الصالون مشور كامل وزوج كوفروليات شابين تقابلي بيهم الناس ورايحة تشري بعد الزواج وكل عام يخرج الجديد والتصديرة وعلاه تكثرو كل شهر راهي تخرج خياطة جديدة الانسان يدير تلت روبات شابين وغاليين ومن النوع لي ماتخلاصش لاموضة تاعو كيما المنصورية والسطايفي والنايلي وروبة لقبايل .....انا نشوف الطفلة لي تعقد على روحها الحساب تبقى ديما ماتدير والواااااااااا..............تبقي غير تحسب وتتخلع من غير فايدة ......تقبلو مروري

صح ختي صح صحيتي على الرد

[ازهار26]

هههههههه وعلاش تخلعي فينا هكدا .. بلعقل برك
بصح لي يصرفوا هكدا على العرس يتسمى هبال .. لي ماشي خسارة دراهمو هو الذهب
ربّي الزواج يبارك فيه و المهم لهنا

شكراااااااا

[dana maram]

هههههههه وعلاش تخلعي فينا هكدا .. بلعقل برك
بصح لي يصرفوا هكدا على العرس يتسمى هبال .. لي ماشي خسارة دراهمو هو الذهب
ربّي الزواج يبارك فيه و المهم لهنا

شكراااااااا

هههههههه معليش شوية خلعة مليحة تفطن ههههههههههه

[ازهار26]

ختي ديجا غير التصديرة تاع روحي ورواحي ماعندها حتى فايدة .. وواش ديري لي يحضرو عندهم مايمنشرو واللّه خسارة فيهم
ماتفطنّيني ماوالو هذا لهبال خلّيتو لمّاليه .. الانسان يكون عاقل شوية

[dana maram]

ختي ديجا غير التصديرة تاع روحي ورواحي ماعندها حتى فايدة .. وواش ديري لي يحضرو عندهم مايمنشرو واللّه خسارة فيهم
ماتفطنّيني ماوالو هذا لهبال خلّيتو لمّاليه .. الانسان يكون عاقل شوية

خلاص منفطنكش ...........................................خلاص مالا نتي ديري غير حنة و اعرضيني ناكل الطهام انشاء الله

[ازهار26]

خلاص منفطنكش ...........................................خلاص مالا نتي ديري غير حنة و اعرضيني ناكل الطهام انشاء الله
والله مرحبا بيك كي يكتب ربّي هداك واش راني معولة عشاء و تايور ابيض كيما قلتي و منصورية وكاراكو
وربّي يباركلنا فالزواج ان شاء اللّه

[dana maram]

والله مرحبا بيك كي يكتب ربّي هداك واش راني معولة عشاء و تايور ابيض كيما قلتي و منصورية وكاراكو
وربّي يباركلنا فالزواج ان شاء اللّه


خلاص مالا راني راح نذوق طعام ناس المدية و يا رب يكون عاجلا و ليس اجلا

[ازهار26]

خلاص مالا راني راح نذوق طعام ناس المدية و يا رب يكون عاجلا و ليس اجلا

طعام ناس المدية مي تاكليه في ألجي ان شاء اللّه
أمين ليك وليا

[dana maram]

طعام ناس المدية مي تاكليه في ألجي ان شاء اللّه
أمين ليك وليا

ههه معليه يا لالة كي ناس المدية كي ناس الدزاير خيار الناس كامل المهم ربي يفرحك عم قريب انشاء الله

[أم احمد3]

والي عندو 5 بنات واش ايدير يقتل روحو؟؟؟
احنا عند القبائل ليس بهذه الكمية من الذهب كل
الله يكون في العون

[dana maram]

والي عندو 5 بنات واش ايدير يقتل روحو؟؟؟
احنا عند القبائل ليس بهذه الكمية من الذهب كل
الله يكون في العون

شفتي مسكين علابالاك بونكة و متكفيش ل 5 بنات لالا ختي كل واحد و مقدورو

[جولنار1000]

هذه القائمة رئيس امريكا ما درهاش لابنته ما كفاش بابا كبري و علمني و عيشني احسن عيشة كي نزوج نفلسو و نروح نديهم للرجل و الله غير هذه ما نديرهاش كاين ضروريات و كاين كماليات الكمليات نخلوهم للناس لي تحب المظاهر و الفخر خير الامور اوسطها الوحدة توجد حوايج ملاح يشدولها وقت و الله نعرف بنات داروا شورة قيس ما يزيدوش يشروا 5 سنين بصح ماشي هانيين و اخريات جابوا الضروري و الله احسن عيشة صح هدروا عليهم فالاول بصح هدروا هدروا ستكوا ما دارولهم والوا هما عايشين في هناء و الباقي ماعلابلهمش بيهم

[dana maram]

هذه القائمة رئيس امريكا ما درهاش لابنته ما كفاش بابا كبري و علمني و عيشني احسن عيشة كي نزوج نفلسو و نروح نديهم للرجل و الله غير هذه ما نديرهاش كاين ضروريات و كاين كماليات الكمليات نخلوهم للناس لي تحب المظاهر و الفخر خير الامور اوسطها الوحدة توجد حوايج ملاح يشدولها وقت و الله نعرف بنات داروا شورة قيس ما يزيدوش يشروا 5 سنين بصح ماشي هانيين و اخريات جابوا الضروري و الله احسن عيشة صح هدروا عليهم فالاول بصح هدروا هدروا ستكوا ما دارولهم والوا هما عايشين في هناء و الباقي ماعلابلهمش بيهم

صحيتي ختي على اضافتك و عندك الحق واش قلتي

[رحاب الأمل]

السلام عليكم
حنونتي والله ضحكتيني
ملا على حساب قائمتك انا نبيع السكنة نتاع الدار ومانعرف و نخلي بابا كراي ونبور حوتاتي تلاتة لي موراية هههههههه
يابنتي الصح الوحدة دير قيسها واذا حوسنا على هدرة ناس والله تخربي دار باباك
انا وخدة راني خدامة وما كنتش موجدة من قبل
ودورك كي عقدت راني نوجد عير في الضروريات لا يكلف الله نفسا الا وسعها
ربي يجيب الخير
سلاااام

[dana maram]

السلام عليكم
حنونتي والله ضحكتيني
ملا على حساب قائمتك انا نبيع السكنة نتاع الدار ومانعرف و نخلي بابا كراي ونبور حوتاتي تلاتة لي موراية هههههههه
يابنتي الصح الوحدة دير قيسها واذا حوسنا على هدرة ناس والله تخربي دار باباك
انا وخدة راني خدامة وما كنتش موجدة من قبل
ودورك كي عقدت راني نوجد عير في الضروريات لا يكلف الله نفسا الا وسعها
ربي يجيب الخير
سلاااام

هههههههه ياه مقلتيش يرهن روحو مسكين البابات
ربي يكملك حنونتي و يهنيك

[moussa18]

لازم الراجل يساعد زوجتو ولا علاه حاب يزوجها

[كريمة عضو جديد]

واش هاذا كامل على بيها الغاشي بطل ميزوج ربي يجيب ساعة الهناء

[زهرة الجنة]

بزاف يا أختي هادو كامل وين رايحة ديرهم هدي العروسة

الخزانة متكفيش باه ترفد كامل هاد القش لي رايحة الجيبو معاها

اسمحيلي بصح حنا عندنا العروسة متديش كامل هادو لي قولتي عليهم

أو لازم وحدة منا تحن على باباها شوية بزاف عليه يشري كامل هادو

الصح كاااااااامل ماهوش في هادو الصوالح راكي تعرفي الموضة كل عام تتبدل

بصح الهنا و وحدة تكون متفاهمة معا راجلها وفاميلتو الدنيا وما فيها

الدراهم ما يشروا والوا المهم نعيشوا لاباس أو متفاهيم ولا واش قولتي

ربي إديرنا التاويل ظرك ولا كلشي غالي والراجل تاني عندوا ما يصرف

المهم الطفلة تدي واش يلزمها من حاجات ضرورية وخلاص

هذا رايي أختي اسمحيلي طولت عليك مشكورة على الموضوع

والله هذا المشكل كامل نشتكيو منو الله يرزقنا كامل

بارك الله فيك

تقبلي مروري

سلام...

[البلبلة]

ربي يهدينا
واللي عندو 4 ولا 5 بنات واش يدير في عمرو؟؟؟؟؟؟؟؟
خصوصا عندنا هنا في سطيف
ولاو لبنات يتعاندو
وخرجوا عندنا محزمة ب 120الى 160 مليون
ولبنات عادو يشرطوها ولا ما يتزوجوش
ياخي هبال ياخي
بطلت ما نزوجش
واذا قررت نزوج رايحة ندير كيما الاخت اللي رايحة
دير عرسها في الباركينغ

[نجاة وهران]

شيء مبالغ فيه

[dana maram]

لازم الراجل يساعد زوجتو ولا علاه حاب يزوجها

الراجل يدفع الصداق و يجيب حاجة ذهب و كبش و سميد و يكثر خيرو

[dana maram]

واش هاذا كامل على بيها الغاشي بطل ميزوج ربي يجيب ساعة الهناء

امين ربي يجيب ساعة الخير

[dana maram]

بزاف يا أختي هادو كامل وين رايحة ديرهم هدي العروسة

الخزانة متكفيش باه ترفد كامل هاد القش لي رايحة الجيبو معاها

اسمحيلي بصح حنا عندنا العروسة متديش كامل هادو لي قولتي عليهم

أو لازم وحدة منا تحن على باباها شوية بزاف عليه يشري كامل هادو

الصح كاااااااامل ماهوش في هادو الصوالح راكي تعرفي الموضة كل عام تتبدل

بصح الهنا و وحدة تكون متفاهمة معا راجلها وفاميلتو الدنيا وما فيها

الدراهم ما يشروا والوا المهم نعيشوا لاباس أو متفاهيم ولا واش قولتي

ربي إديرنا التاويل ظرك ولا كلشي غالي والراجل تاني عندوا ما يصرف

المهم الطفلة تدي واش يلزمها من حاجات ضرورية وخلاص

هذا رايي أختي اسمحيلي طولت عليك مشكورة على الموضوع

والله هذا المشكل كامل نشتكيو منو الله يرزقنا كامل

بارك الله فيك

تقبلي مروري

سلام...

ههههه يا حنونتي الا بيك على الخزانة متكسؤيش راسك الخزاين تاع اليوم راهم يجو كبار ماشي كيما تاع مالينا بكري صندوق و كامل واش ذكرت و يا ربي تعمري بيها الخزانة
اكيد اكيد الصح في الهنا ربي يصلح الحال و يرزقنا مال قارون باه نقدرو نجهزو هههههه

[dana maram]

ربي يهدينا
واللي عندو 4 ولا 5 بنات واش يدير في عمرو؟؟؟؟؟؟؟؟
خصوصا عندنا هنا في سطيف
ولاو لبنات يتعاندو
وخرجوا عندنا محزمة ب 120الى 160 مليون
ولبنات عادو يشرطوها ولا ما يتزوجوش
ياخي هبال ياخي
بطلت ما نزوجش
واذا قررت نزوج رايحة ندير كيما الاخت اللي رايحة
دير عرسها في الباركينغ

هههههه ختي انا الي راح ندير عرسي في الباركينغ و ماكاش مشكل راكم كامل معروضين مي كل واحد يخلص بلاصتو 50دج
وانا نتصدر فى الطنوبيل و نلبس الباش تاعها
ههههههههههههههه

[dana maram]

شيء مبالغ فيه


ممكن..............................

[التفاحة]

هههههههههههههههههههههههههههه

والله يعطيك الصحة صح لميتيهم كامل وكاين منها الصح العرايس كامل راهم يديروا هاك ، مي نقلك حاجة راها جات امودا جديدة نتاع الكرا تكري التصديرة كامل وتخرجلك قل من المشرا على الاقل 100 مليون احسن من 200 .

يعطيك الصحة موضوع هايل

[ملك روحي 17]

ملقيت منقووووووول
هههههههههههههههههههههههههههههههههههههههههههههههه

[samasima]

مش هكدا بالعقل أختي علاش راكي تخلعي في الغاشي هههههههههههههه
لا للزواج أبقاو وحدكم خير

[imene08]

نقعد بايرة و نلم هاذ الدراهم أحسن ههههههههههههههه
راني تفاهمت معاه
لا عرس و لا تصديرة نديرو عشاة لحلال و خلاص و الدراهم لي نخسروهم في العرس نشروا بيهم سيارة و لا نسافرو شهر بصل

هاذا كامل تبذير و خاصة التصديرة لي تاكلها لخزانة من بعد
سلام

[نينا الجزائرية]

منتزوجش راني مليحة
هههه
ربي ورحمتو
كلها بضخ في بضخ خاصة الذهب وحوايج التصديرة يكفي بعض حوايج ومتكثرش منهم للبيت لان موضة تتغير ممكن يتغير وزنها ومتفرحش بيهم
البساطة مكانش خير منها

[ليلى الجزائرية1]

هههههههههههههه....................كنت باغية تزوج مي دورك بطلت

[dana maram]

هههههههههههههههههههههههههههه

والله يعطيك الصحة صح لميتيهم كامل وكاين منها الصح العرايس كامل راهم يديروا هاك ، مي نقلك حاجة راها جات امودا جديدة نتاع الكرا تكري التصديرة كامل وتخرجلك قل من المشرا على الاقل 100 مليون احسن من 200 .

يعطيك الصحة موضوع هايل

ممكن يكون حل هههههههه و 100 مليون فقط هههههه صحيتي ختي

[dana maram]

ملقيت منقووووووول
هههههههههههههههههههههههههههههههههههههههههههههههه

ههههههههههه المهم قلتى صحيتي ختي

[dana maram]

مش هكدا بالعقل أختي علاش راكي تخلعي في الغاشي هههههههههههههه
لا للزواج أبقاو وحدكم خير

ههههههههههه
هههههههههههههههه صحيتي ختي

[dana maram]

نقعد بايرة و نلم هاذ الدراهم أحسن ههههههههههههههه
راني تفاهمت معاه
لا عرس و لا تصديرة نديرو عشاة لحلال و خلاص و الدراهم لي نخسروهم في العرس نشروا بيهم سيارة و لا نسافرو شهر بصل

هاذا كامل تبذير و خاصة التصديرة لي تاكلها لخزانة من بعد
سلام

ربي يكملك حنونة و يهنيك يا رب الصح كامل كي راكم متفاهمين

[dana maram]

منتزوجش راني مليحة
هههه
ربي ورحمتو
كلها بضخ في بضخ خاصة الذهب وحوايج التصديرة يكفي بعض حوايج ومتكثرش منهم للبيت لان موضة تتغير ممكن يتغير وزنها ومتفرحش بيهم
البساطة مكانش خير منها

هههههههههه صحيتي ختي

[dana maram]

هههههههههههههه....................كنت باغية تزوج مي دورك بطلت

ههههههههه ياخاه علاه عقدتكم هههههههههههههههههه

[mecrosys]

السلام عليكم
أوااااااااااااااااااااااه راكم غالطين فالحساب لي يحب يدير عرس وعليه الكلام غير يجيب مليار ولا 2 ملاير
كلش نورمال
و كل شيء ممكن
بصح لازم
مي نسيتي حاجة شهر العسل وين رااااااااااااااااااااااااهههه؟؟؟؟؟
تحياتي
ربي يوفق الجميع للخير

[mecrosys]

منتزوجش راني مليحة
هههه
ربي ورحمتو
كلها بضخ في بضخ خاصة الذهب وحوايج التصديرة يكفي بعض حوايج ومتكثرش منهم للبيت لان موضة تتغير ممكن يتغير وزنها ومتفرحش بيهم
البساطة مكانش خير منها

في هاذي يا ختي راني معاك
رانا نخمو كيفكيف صح لازم متشريش حوايج الدار بزاف لخاطر لاموضة تتبدل
هههه
المهم نرورحو فشهر عسل :1:

[هاجر17]

علاه هاذا الشي كلو وين رايحه تفتحي بيجوتري اذا كنت كامل هاك مكانش كامل الي تزوج ونراهنك كاش ماوحده دير هاك اللهم عندها الدراهم ياك كامل جزايريين ونعرفو بعض وراكم عارفين الذهب للغرام

[mecrosys]

هههههههههههههه....................كنت باغية تزوج مي دورك بطلت

نتي علاه تقلقي فروحك ياك الراجل يدفع الدراهم :1:
ولا خفتي عليه؟؟:1:

[هاجر17]

هههههههههههههههههه هاذي صح فورررررررررررررررررررررررررر

[dana maram]

السلام عليكم
أوااااااااااااااااااااااه راكم غالطين فالحساب لي يحب يدير عرس وعليه الكلام غير يجيب مليار ولا 2 ملاير
كلش نورمال
و كل شيء ممكن
بصح لازم
مي نسيتي حاجة شهر العسل وين رااااااااااااااااااااااااهههه؟؟؟؟؟
تحياتي
ربي يوفق الجميع للخير

علابالاك عندك الحق و انا قلتلهم غير 200 مليون فقط جاتهم بزاف هههههههههههههههههه

[dana maram]

علاه هاذا الشي كلو وين رايحه تفتحي بيجوتري اذا كنت كامل هاك مكانش كامل الي تزوج ونراهنك كاش ماوحده دير هاك اللهم عندها الدراهم ياك كامل جزايريين ونعرفو بعض وراكم عارفين الذهب للغرام

يا ختي كاين الي يديرو كثر من هكا المحزمة.................. خيط الروح

[dana maram]

هههههههههههههههههه هاذي صح فورررررررررررررررررررررررررر

هههههههههه نتي الي فور صحيتي حنونة

[الفقير إلى الله2020]

شاركوا معنا في حملة القرآن الكريم

على هذا الرابط



http://www.djelfa.info/vb/showthread.php?t=388024



*حفظة القرآن هم أهل الله وخاصّته، ففي الحديث: « إِنَّ للهِ أَهْلِينَ مِنَ النَّاسِ. قَالُوا: يَا رَسُولَ اللهِ مَنْ هُمْ؟ قَالَ: هُمْ أَهْلُ الْقُرْآنِ، أَهْلُ اللهِ وَخَاصَّتُهُ ».

* حفظ القرآن رفعة في الدنيا أيضاً قبل الآخرة. قال النبي صلى الله عليه وسلم: « إن الله يرفع بهذا الكتاب أقواماً ويضع به آخرين ».

*حافظ القرآن أكثر الناس تلاوة فهو أكثرهم جمعاً لأجر التلاوة، ففي الحديث: « من قرأ حرفاً من كتاب الله فله به حسنة، والحسنة بعشر أمثالها ».

*كثرة الدعاء والالحاح على الله ليعيننا على حفظ كتابه لان هذا الامر نعمة عظيمة وفضلا من الله يمن به على من يشاء من عباده


*احرص على قراءة ما تحفظه في صلواتك (الفرائض، السنن،التطوع)
فهذا الامر يثبت الحفظ بفضل الله

*ونصيحتى الاخيرة لكم... تخير اوقات الحفظ التى يكون بها الذهن صافيا وهى (بعد صلاة الفجر-الثلث الاخير من الليل-ووسط الليل ايضا -بعد الصلوات الخمس )

[ليلى الجزائرية1]

نتي علاه تقلقي فروحك ياك الراجل يدفع الدراهم :1:
ولا خفتي عليه؟؟:1:
خفت عليه من الصدمة......ههههههههههههه

[samah2127]

و الله غير عندك الصح ، علاش تتقلقي يا ختي ،تقول شي la fin du monde و علاش ؟ pour rien wallahياك لي حب يديك normalement يصرف عليك و يهنيك

[fatouma alg]

هههههههههههههههههههه خلاصا نتزوجوش
ولا نقولك خلينا من الدهب نديرو غير البلاكي هههههههههههه

[ga3da asila]

شولا هدا يا ختي 200 مليون نشري بيها سكنة مشي خير

[هديل امة الله]

ماكيش محتمة ديري هادو اكل انا متزوجة مادرتش التصديرة و مادرتش اغلبية هاد لحوليج المهم الصحة و الهناء هدو الحوايج اكل تبدير كل عام يخرج ما خرمنهم و زيد لي تفهم متتكبر بالحوايج لي جابت وخلي يهدرو عل روحهم الهدرة فيها فيها جات تستر روحها ولات تبالغ كادر حتي مايباركش ربي في زواجها نعرف وحدي جابت كامل واش قولتي و مادرش العم طلقت لايكلف الله نفس الا وسعها ننصح كل وحدة رايحة تتزوج هادو اكل حوايج زايدين كل واحد ومكدورو ولا ديروهم و تخبيوهم في الخزانة اسفة علي الاطالة

[dana maram]

هههههههههههههههههههه خلاصا نتزوجوش
ولا نقولك خلينا من الدهب نديرو غير البلاكي هههههههههههه

هههههههههههه خلاص داكووور ههههههههههههههه

[dana maram]

شولا هدا يا ختي 200 مليون نشري بيها سكنة مشي خير

ههههههههه وين راهي سكنة ب 200 مليون اذا عندكم قوليلي ههههههههه هدرتك تهبل "شوالا"

[dana maram]

ماكيش محتمة ديري هادو اكل انا متزوجة مادرتش التصديرة و مادرتش اغلبية هاد لحوليج المهم الصحة و الهناء هدو الحوايج اكل تبدير كل عام يخرج ما خرمنهم و زيد لي تفهم متتكبر بالحوايج لي جابت وخلي يهدرو عل روحهم الهدرة فيها فيها جات تستر روحها ولات تبالغ كادر حتي مايباركش ربي في زواجها نعرف وحدي جابت كامل واش قولتي و مادرش العم طلقت لايكلف الله نفس الا وسعها ننصح كل وحدة رايحة تتزوج هادو اكل حوايج زايدين كل واحد ومكدورو ولا ديروهم و تخبيوهم في الخزانة اسفة علي الاطالة

صح حنونة صح الي يعطيها ربي تتكسا كل يوم في دار راجلها صح الصح فى الهنااااا

[زرابة]

3touhomli drahem manatzawach ma3lich

[dana maram]

3touhomli drahem manatzawach ma3lich

ههههههههه خلاص خليهم دراهم

[maiar]

3ndek alhak 100%

[mecrosys]

خفت عليه من الصدمة......ههههههههههههه

متخافيش حبيبتي اصلا هو دايك باه ديري الميناج
مالا ابروفيتي
انا 200مليون بالنسبة ليا راهي 20دينار
ههههههههههههههههههههه

[mecrosys]

3touhomli drahem manatzawach ma3lich

خطة رائعة هاذي
امبعد نتفاهمو مليح عليها باه ميلعبوهالناش:1:

[mecrosys]

صح حنونة صح الي يعطيها ربي تتكسا كل يوم في دار راجلها صح الصح فى الهنااااا

حبيبتي
المرا الجزايرية جامي لا تهنات
في بكري كانو يزوجوها باطل
وضرك بالدراهم هه بصح الهنا ماكاش مادام الراجل ميعرفش قيمة المرا
بزاف رجال دايرينها esclaveee

لا كانت هكذاك نقعد في دارنا بغاو الناس يقولو واش يقولو المهم مهنية مع والديا

[أم رقية نسرين]

ههههههههههههههههههههههههههههههههه
المشكل أنه غير الذهب لي ينفعها أما الحوايج خاصة انتاع العراس راهي تلبسها الخزانة يا ربي وتكون دارت عشر قنادر ولا أكثر.:confused: أما هي تبقى تتلهى مع مسؤؤؤؤؤؤؤؤؤلية الدار و الأولاد وووووووو :confused::confused::confused:
صحيتي على الموضوع مشكورة:19::19::19:
سلاااااااااااااااااااااااااااااااااااام
:mh31::mh31::mh31:

[dana maram]

حبيبتي
المرا الجزايرية جامي لا تهنات
في بكري كانو يزوجوها باطل
وضرك بالدراهم هه بصح الهنا ماكاش مادام الراجل ميعرفش قيمة المرا
بزاف رجال دايرينها esclaveee

لا كانت هكذاك نقعد في دارنا بغاو الناس يقولو واش يقولو المهم مهنية مع والديا

صح و الله غير صح اذا ماجاش الي يعرفلي قيمتي و يرفدني فوق راسو راني لاباس بيا عند ماليا صحيتي ختي

[dana maram]

ههههههههههههههههههههههههههههههههه
المشكل أنه غير الذهب لي ينفعها أما الحوايج خاصة انتاع العراس راهي تلبسها الخزانة يا ربي وتكون دارت عشر قنادر ولا أكثر.:confused: أما هي تبقى تتلهى مع مسؤؤؤؤؤؤؤؤؤلية الدار و الأولاد وووووووو :confused::confused::confused:
صحيتي على الموضوع مشكورة:19::19::19:
سلاااااااااااااااااااااااااااااااااااام
:mh31::mh31::mh31:

عندك الحق صحيتي على المرور

[herry$]

عجبا والله ، هذا مكلف جدااااااااا ، ليتنا نحتذي بالغربيين في مثل هذه الامور فقد رايت ان العرائس الغربيات لا يرتدين يوم زفافهن سوى فستان الزفاف ، ويضعن تسريحات بسيطة ومكياجا خفيفا حتى لا يطغى على جمالهن الطبيعي ، و بالنسبة للحلي فالعروس الغربية لا تضح اي قطعة منها سوى خاتم زواجها !!!!

[قطيطوشة]

بطلت مانيش متزوجة

[محمد قاسم أحمد]

لا إله إلا الله
محمد رسول الله

[souna02]

merci mais koul wahed yedir 3la kadou

[نورة عفاف]

هببببببببببببببببببببببببببببببال

[لؤلؤة تلمسان]

أستغفر الله وأتوب إليه

نسأل الله الهداية

فالله اوصانا بعدم السراف يا حبيباتي فقال عز وجل ( والذين إذا أنفقوا لم يسرفوا ولم يقتروا وكان بين ذلك قواما )) الآية 67 من سورة الفرقان

وقال تعالى ( لا نكلف نفسا إلا وسعها ))

فيا غاليات اذا زاد الشيئ عن حده انقلب إلى ضده

والتمسن ثواب الله وبركته فالمرء ليس بماله بل بعلمه وأخلاقه

تزيني اختي بتاج الحياء والعفة وكل خلق راق لتكوني أسعد وأغنى امرأة

فالغنى غنى النفس ، فانظري أين انت من هذا

والمرأة مكرمة ومهرها رمز لا ثمن

وحكمي عقلك لان العادات ليست مفروضة علينا بل جرى وان يسير المجتمع عليها في حين أن اغلبها ليس له محل من شرع الله وهدي نبيه صلى الله عليه وسلم

وايضا يا اخيتي إرضاء الناس غاية لا تدرك ورضا الله غاية لا تترك

المهم اسألي الله ان يرزقك الزوج الصالحة والذرية الصالحة وان يبارك لك في زواجك وكل هذه الامور المذكورة تأتي بعد هذا فكل سنة هناك جديد من الملابس والديكور وكدا ........وديننا دين يسر فالتمسن كل يسير يا اخياتي يسر الله اموركن

وعذرا على الإطالة

[chaymoum-17]

والله ما ندير حاجة منهم علاه حرقت الجوامع معنديش المال

[soumia82]

أنا أظن أنك تبالغين أختي تزوجت منذ أيام ولم تتعدى قيمة الذهب والعشاء والشورة 35 مليون

[الفقير إلى الله2020]

السلام عليكم ورحمة الله تعالى وبركاته

الأخت dana maram أرجوا أن تكملي معنا في حملة القرآن الكريم نحن الآن في المقطع الثالت عشر نحن في إنتظارك وجزاك الله خيرا

[micha85]

واش دارهالك و انت ادي واش يقدر بابك يدير برك علاش عليك،الصح في الهنا و الصحة ماشي في القش و الذهب ، و كل واحدة تدي واش مكتبلها ربي:19:

[linamaram]

و الراجل وش خلاتلو يدير؟ ههههههههههههههههه
الوحدة تدي الشي لتقدر عليه و ما تخليش باباها وراها حاصل في الدين و الي ما داتوش يديرهولها راجلها مبعد و meme عندها باه ادير هاد الشئ كامل انا رايي ادير لحوايج الازمين و بالمعقول لانو خير الامور أوسطها وارضاء الناس غاية لا تدرك( الناس ديما تهدر)و كيما قالو لقبلي ماهيش راح تقدر تلبسهم كامل و قادر يزيد وزنها و الموضة تتغير كل سنة.