رجاء اشرحو لي درس جدول التقدم

[عاشق الضياع]

كما في العنوان
واود ان يكون عى طريقتكم لافهمه

وليس نسخ لصق
لاني اعرف المواقع والروابط

لكني اراتايت انافهم على ايديكم

لاننا لم ندرسه
بل تطرقنا له فقط نهاية الثانية ثانوي

[ريم الفيفاء]

انا ايضا ماكنتش فاهمتو مليح العام اللي فات بصح هاد لعام قرانا نفس الاستاذ و مدلنا عليه تمرين و ذرك نحاول نفهمك قدر استطاعتي

مثلا يقولك حابين ناكسدو مادة بمادة خلاف نروحو نهزو المادة اللولا و نجيبو الثنائية تاعها و نحاولو نوازنو المعادلة ثم نجيبو المادة الثانية و نقومو بنفس الشيء و لازم ننتابهو اننا نكتبو

المعادلات بحيث يكون المواد اللي راح نستعملوهم في نفس الجهة باه تجينا المعادلة الناتجة ساهلة

كيما نعادلو المعادلتين نشوفو عدد الالكترونات في كل معادلة و مثلا اذا لقيناها فللولا 6 الكترونات و في الثانية الكترون لازم نضربو اطراف المعادلة اللي فيها الكترون في 6 يعني راح يولي

كل عنصر من هاد المعادلة مضروب في 6

مبعد نكتبو عناصر المعادلتين في معادلة واحدة بشرط اننا مانعاودوش نكتبو الالكترونات و نحطو المتفاعلات من كلتا المعادلتين في جهة و النواتج في الجهة الاخرى و هكذا نكونو تحصلنا على

المعادلة اللي نخدمو بيها في جدول التقدم

نعاودو نكتبو المعادلة الاخيرة في جدول و نقسموه الى ثلاثة اقسام(مراحل)افقيا و عموديا حسب العناصر و في عنصري الماء و الهيدروجين نشطبو على الخانة و نكتبو بالزيادة

الان نبداو في المرحلة الاولى 0=t وين رايحين نكتبو n1,n2 بالنسبة للمتفاعلان و 0.0 بالنسبة للنواتج

و في المرحلة الثانية t=x نكتبو n1-x و n2-x مع مراعاة معاملات المتفاعلات و ضربهم في x و في النواتج x xكذلك مع مراعاة العوامل

اما في المرحلة الاخيرة t=xmax نفس الشيء بالنسبة للمرحلة اللي سبقتها الاختلاف الوحيد هو في مكان x نكتبو x max

و كيما ننتاهيو من الجدول نبحثو على نقطة التكافؤ و اللي تكون بالمساواة التالية n1-axmax=0 n2-bxmax=0

(a,bمعاملي xmax)

تصبح n1/a=xmax n2/b=xmax اي n1/a=n2/b

و كما نعلم انn=c.v و هكذا نقدرو نلقاو المطلوب في السؤال

نتمنا تكون فهمتني كيعاد حاولت نبسط الامور قد مانقدر و لا مافهمتش حاجا تقدر تسالني عليها و درك نكتبلك معطيات و الحل تاعهم و بالاك راح تتوضح الامور اكثر

[silver3100]

merciiiiiiiiiiiiii bcp ma sœur rime
j'ai tt compris
والله حاولت عدة مرات نفهمووو و ما قدرت
و حتي اني كرهت من هداك الدرس
ولكن شكرااا
انا غير قريت الشرح تيعك مرة وحدة فهمت كل شئ



شكرااااا

[ريم الفيفاء]

merciiiiiiiiiiiiii bcp ma sœur rime
j'ai tt compris
والله حاولت عدة مرات نفهمووو و ما قدرت
و حتي اني كرهت من هداك الدرس
ولكن شكرااا
انا غير قريت الشرح تيعك مرة وحدة فهمت كل شئ



شكرااااا

ههههههه العفو
ca me fais plaisir
والله انا قلت واحد لا يفهمني كيعاد كنت نشرح بطريقتي و على حساب فهمي للدرس
و يا سيسي رانا كامل في موقف واحد لوكان مانوقفوش مع بعضانا درك واكتاه رايحين نوقفو مع بعضانا

[ريم الفيفاء]

نريد اكسدة Fe+2 بشاردة Cr2(O7)-2 من اجل ذلك نستعمل تركيزFe+2 =0.05 mol/l و حجمه V1=0.2L
المطلوب البحث عن حجم المؤكسد اذا علمت ان تركيزه يساوي 10اس -2 مول على اللتر
الثنائيات هي Cr2(O7)-2/Cr+3
Fe+3/Fe+2
الحل:
Cr2(O7)-2 + 14 H+ + 6é === 2Cr+3 + 7 H2O
6(Fe+2 ===Fe+3+ 1é)
المعادلة النهائية
Cr2(O7)-2+ 6Fe+2 + 14 H+ === 2Cr+3+ 6 Fe+3 + 7 H2O
t=0 n2 n1 0 0

t n2-x n1-6x 2x 6x

tmax n2-xmax n1-6xmax 2xmax 6xmax



يتبع.........

[asma1856]

هادي هيا الوخدة ليتوخدت فيها في الفصل الاخير سمحلي