ساعدوني في حويجة ربي يساعدكم انشا الله

[rinoum123456]

السلام عليكم
انا طالب جامعي ديت الباك في عام 2008 وقريت علوم تقنيات عام ومنجحتش والعام التاني مقريتش خطرش ماهيش جايتني على خاطري ومقدرتش نقراها خطرش كنت حاب نقرا هندسة معمارية
المهم العام هادا دبرت واحد معريفة في باتنة وقلي نتا جرب وكي ميقبلولكش اني ندخل
ارجوكم انا حاب نبدل من فرع العلوم والتقنيات للهندسة المعمارية وراني خرجت شهادة اعادة التسجيل من الجامعه لي قريت فيها العام لي فات ارجوكم كملولي وش لازمني ندير بش نبدل لجامعه باتنة اولا مع انا هادي مضمونة وعندي لي يبدلني وثانيا وهي المشكلة وخاصة العام هادا خطرش انا نجحت في 2008 تكنولوجيا بمعدل 11 ودرك راهم ناجحين عرام بمعدلات طالهة بزاف و هل ممكن نبدل من العلوم والتقنيات الي الهندسة المعمارية ولا نقدر بالمعريفة ولا مستحيل مستحيل وما هي الوثائق الي نقدمها لجامعه باتنة بش نبدل ليها وشكرا لكم وربي يجازيكم بكا خير على مساعدتكم للناس بش يبنيو مستقبلهم على نصائحكم وبارك الله فيكم وربي يجعلها في ميزان حسناتكم
ملاحظة...
راني حاب نبدل للهندسة المعمارية بنطام lmd

[rinoum123456]

علاه مش شاتين تردو عليا
لان سؤالي صعيب ولا لاني معنديش مشاركات بزاف معاكم على الاقل فهموني بش نشوف جهة اخرى وشكرا بزاف بزاف ومع\رة على الالفاظ هادي راني مقلق والله تقول طيارة هازها فوق راسي

[ملكة الورود]

نظن يا أخي كي تجيب ورقة القبول من جامعة باتنة تدير ترونسفار من الجامعة تاعك و ترفد دوسيك على خاطر إدا رفدت الدوسي تاعك قبل ما تحصل على القبول ما تولي لا هنا لا لهيه
ربي يسهل و الله غير ترنسفار حاجة صعيبة بزاف مع النظام تاع الهم اللي في الدزاير

[rinoum123456]

شكرا شكرا واكثر من مرتين يا اختاه وانا مازلت انتظر اهل الخبرة

[youcef_99]

اخي الكريم ساعطيك نصائح على حسب وجهة نظري "
اظن ان علوم وتقنيات افضل من هندسة معمارية لانها اصبحت بنظام ل م د
وبالتالي فان شهادة مهندس دولة المتحصل عليها من المعهد افضل من شهادة الماستر
لذذلك ارجوا ان تفكر جيدا ا ا قبل ان تبدل

[rinoum123456]

يا خويا هدا المشكل نتاعي والله مني فاهم فيها قرام ووالله ما علابالي وش من قراية تخرجني راني ضيعت عامين ولدرك مزلت ملقيتش شكون لي يرشدني ...يا خويا كون تدير فيا مزيا تعدر معايا بال***** وفهمني شوية ووقت ما تحب منزيرش عليك فقط وريلي الصح من الخطا وربي يجازيك انشا الله وبارك الله فيك

[ملكة الورود]

نصيحة لوجه الله ما تضيعش روحك و تقعد غير تغير في لي برونش شوف وش يخرجك أنت و دير حاجة ساهلة تطيق تقراها و متعبكش المهم تكون تحبها باش تقدر تستمر و متضيعش سنوات قرايتك غير هاك في الباطل ربي يجيب اللي فيها الخير

[rinoum123456]

مرسيي وبارك الله فيكم