نداء الى المهندسين المعماريين .........

[amouna 07]

سؤالي بخصوص عمل المهندس المعماري بعد التخرج وعن الاجرة وهل يوجد عمل عند الحكومة ..فانا على حد علمي فان المهندس عمله بسيط واجرته ابسط فاذا كان اعتقاادي خاطىء ارجوا التصحيح .في وقتنا الحالي اللى درس فرع عادي مثل (رياضيات واعلام الي .لغات .اقتصاد.حقوق.........................) له اولوية العمل احسن من المهندس .اخاف ان يكون اختياري للهندسة المعمارية ليس في محله ارجوووووووووووكم ساعدوني ولو بفكرة بسيطة وارجوا من كل مقبل على دراسة الهندسة المعمارية ان يقول رايه واكون ممتنة للجميع .0بالتوفيق

[لطفي 90]

ما تتقلقيش أنتي أقري وكل واحد يدي مكتوبه

[imanou91]

ما تتقلقيش أنتي أقري وكل واحد يدي مكتوبه
جات غير على les architecte
ياربي راهم مدسين و قاعدين و الواحد طلع يدي ما كتبلو ربي المهم
يسعى

[لطفي 90]

جات غير على les architecte
ياربي راهم مدسين و قاعدين و الواحد طلع يدي ما كتبلو ربي المهم
يسعى

وانتي واش يخصك

[w_saif]

اها وانا تاني مهندس معماري وهدرت مع مقاول نعرفو قال نحوسوا عليهم بالضو ادم زيد المهندس يقدر يخدم وين احب انا واححد اوخر نعرفو يخدم عند الحكومة في مديرة تاع الهندسة والعماران تاع الاراضي وزيد حال مكتب وحدو وزيد تاني يخدم مع مقاولية

[archioui]

السلام عليكم
مثلما قال الاخ لطفي : ما تقلقيش أنتي أقري وكل واحد يدي مكتوبه
أنا مهندسة معمارية و مكتوبي كان مع أولادي في البيت و أنا راضية بهذا النصيب لأن أولادي أولى بي من العمل خارجا .
و هناك الكثيرات ممن اخترن أولادهن عوضا عن العمل من طبيبات و مهندسات و ......الخ
و مع ذلك هناك الكثيرات فتحن مكاتب للهندسة المعمارية و أخريات يعملن في المجال الحكومي (opgi-duch-cadastre-dlep-....)
و كل هذا و مكتوبو
أنت عليك تدرسي مليح لأن الهندسة المعمارية صعيبة و ليست في متناول الجميع
و من جد وجد يا أختي العزيزة
و الله يكون معاك

[أمنية الجزائر]

يا أختي اختيارك للهندسة المعمارية بإدن الله راهو في محلو ، على خاطركل يوم الشركات اليابانية و الصينينة توظف ،و زيد أنا نعرف بزاف لي خلصو هندسة معمارية و راهم يخدمو في الخليج ، خصوصا في أبو ظبي و يبقى الله عزوجل الرزاق.

حاجةأخرى.............. إدا افترضنا انك حلتي مكتب دراسات و تستقبلي حوالي 3 مشاريع في الأسبوع و علابالك المشروع الواحد قداه تسلكي عليه؟؟؟؟؟؟؟؟؟؟؟؟؟؟؟؟ 2 ملاين و ربعمائة سوا من عند الدولة كبناء مدارس أو مشستشفيات و لا تاع الناس مثلا لي رايحين يبنيو .


على العموم حاجة في بلادنا ما بقى عندها قيمة ، بصح كل واحد و شطارتو ، اقراي ، خلصي ، و اقفزي بخدمة و رايحة تشوفي حياتك كيفاه تولي.

وفقك الله زميلتي و في أمان الله.

[youcef_99]

الصح في هذي الدنيا ماشي الدراهم كون جات في الدراه روحي تقراي ممرضة
الصح انك تقراي في مجال معين وتحبيه وتتوسعي فيه , لتوسعي علمك وتزيدي ثقافتك

[amouna18]

اهلا حنونة


مزالك مقلقة على الهندسة المعمارية مليحة و لا لالا ..

راكي قريب تبداي تقراي .. مبقاش بزاف

على كل حال .. مليحة و لا لالا سي ترو تار اقرايها و ستنجحين بإذن الله

[نظام الفوضى]

يا أختي

واش من جامعة راكي

أنا جامعة شلف هندسة معمارية وعمران

نتمنى نكونوا في القراية قاع متاحدين ان شاء الله

لآنه تخصص يتطلب قراية كبيرة وسهرات ودراهم بزاف ...................وتخيل واسع

[amouna 07]

يا أختي

واش من جامعة راكي

أنا جامعة شلف هندسة معمارية وعمران

نتمنى نكونوا في القراية قاع متاحدين ان شاء الله

لآنه تخصص يتطلب قراية كبيرة وسهرات ودراهم بزاف ...................وتخيل واسع
انا في جامعة محمد خيضر بسكرة

[amouna 07]

يعطيكم الصحة كامل كي تفاعلتوا معايا .راكم فرحتوني بزاف وطلعتولي المورال ربي يحفظكم وينجحكم كامل .درك حببتولي الهندسة المعمارية مشكورين

[imanou91]

معاك اختك ايمان ثاني جامعه محمد خيضر بسكرة

[amouna18]

اييييييييي


مكانش مهندسين معماريين من سطيف خلاص ؟؟؟

[native]

السلااااااااام عليكم
انا تااانيك رااح نقرااا هندسة معمارية و عمران في بسكرة " جامعة محمد خيضر "
الآرشي يا أختي امينة سقصيت عليهاا شحااال من واااحد كااااااامل قالولي مليييييييييييييييحة مي صعيبة و لازمهاا التعب
و ربي يجيب الخير
انا حبيت نسقصيكم على الدوسي تاع النقل و الاطعااام واش هيااا الوثائق اللازمة فيه
الله يجااازيكم قولوي

[المهندس الجزائري]

يا أختي

واش من جامعة راكي

أنا جامعة شلف هندسة معمارية وعمران

نتمنى نكونوا في القراية قاع متاحدين ان شاء الله

لآنه تخصص يتطلب قراية كبيرة وسهرات ودراهم بزاف ...................وتخيل واسع


أنا ثاني من الشلف هندسة معمارية , امالا نقراو كيف كيف العام هذا إذا انت راح تقراها .

خويا حبيت نسقسيك أنا سجلت بصح ماعلاباليش وين رح نقراو , انت ماعلابالكش ؟

ربي يوفقك خويا .

[المهندس الجزائري]

شكرا لك إيمان على الموضوع المفيد و شكرا لكل المشاركين فيه ( بالرغم من أنك خوفتينا فالأول ولكن مشاركات الإخوة عاودت طلعتلنا المورال ) .
ماشي شرط الإنسان يروح وين حاب هو باش ينجح , الله ييسر كل إنسان لما خلق له , والنجاح ليس فالدراسة فقط , المهم النجاح في الحياة .
على كل حال الهندسة المعمارية كامل قالولي مليحة و أنا مانيش ندمان كي خيرتها .
ربي يوفق كل الطلبة .

[صديقة الجميع]

السلام عليكم...
على حسب علمي تقراو هندسة معمارية في القطب الجامعي ولاد فارس...و هادي الشعبة جديدة ثمة...
راني ندير في الترونسفار باش نقرى هندسة معمارية ...بالصح في البليدة ...وادا ما قبلوش ...بلاك نتحول للشلف ...على خاطرش انا من عين الدفلى...

[انس ورقلة]

والله يعطيكم الصحة موضوع هايل
حتا انا وجهوني هندسة معمارية في بسكرة
ماذابينا نتفاعلو اكثر او تكون مواضيع بزااف على هذا الاختصاص
او نتعارفو ب الطلبة الي بعثوه هندسة معمارية في بسكرة


لا خاطر عندي بززاف حوايج حاب نسقسي عليهم افيد و استفيد
دخول الجامعي التفرعات في الاهندسة و المواد الي راح ندرسوهم و الاقامة .....

[amouna18]

يا ناس

مكانش لي رايح يقرى في سطيف خلاص ؟؟

[رجل الاحلام الحزين]

السلام عليكم
ما تقلقيش روحك ختيتو
كل شيئ بالمكتوب كيما قالو الاخوة ،،
انا نعرف واحد قرا وحد الشعبة الناس كاامل يضحكوا عليها >> فنون و رقص
كيما كملها >> طلع لفرنسا ديراكت و راه حاكم مدير معهد للفنون تم
.+.-.
و الارشيتاكت على حد علمي مليحة ، و بيان سور يقدر يخدم عند الحكومة
مي عليك و على رااسك بويسك صعيبة >> و جيبك تااني بوييسك لازمها بزااف درااهم
.+.-.
انا تاني هادا اول عام لي >>> ارشيتاكت >> بسكرة ،،

[amouna 07]

شكرا لك إيمان على الموضوع المفيد و شكرا لكل المشاركين فيه ( بالرغم من أنك خوفتينا فالأول ولكن مشاركات الإخوة عاودت طلعتلنا المورال ) .
ماشي شرط الإنسان يروح وين حاب هو باش ينجح , الله ييسر كل إنسان لما خلق له , والنجاح ليس فالدراسة فقط , المهم النجاح في الحياة .
على كل حال الهندسة المعمارية كامل قالولي مليحة و أنا مانيش ندمان كي خيرتها .
ربي يوفق كل الطلبة .
العفو.عندك الحق المهم الواحد ينجح في حياته ويبذل كل مجهوده بش ينجح في قرايته .الصح الصح انا نتمنى اذا ان شاء الله تخرجت حابة نخدم خدمة تكون ثمن للمجهود اللي بذلته .المهم كيما تقول ماما انتي اقراي والارزاق على الله .مشكور اقبال على تفاعلك معايا لازم نشجعوا بعضانا بش هاكا نوصلوا للمراد ان شاء الله

[رجل الاحلام الحزين]

اممم
من وين انت ... ،،

[انس ورقلة]

خويا منين نتا

[المهندس الجزائري]

السلام عليكم...
على حسب علمي تقراو هندسة معمارية في القطب الجامعي ولاد فارس...و هادي الشعبة جديدة ثمة...
راني ندير في الترونسفار باش نقرى هندسة معمارية ...بالصح في البليدة ...وادا ما قبلوش ...بلاك نتحول للشلف ...على خاطرش انا من عين الدفلى...

شكرا جزيلا على المعلومة , أنا ماعنديش مشكل وين قريت هاذيك هي , سمعت بلي الهندسة المعمارية في البليدة مليحة بزاف و كاين أساتذة ملاح انشاء الله يقبلوك في البليدة , وحتى في شلف ماشي خسارة , ربي يوفقك .

[-تيتو-تقي الدين]

بسم الله
أختي مانيش حاب نهبطلك المورال بالهدرة هاذي مي لازم ننظرو للأمور بواقعية
انا أيضا بعثوني هندسو معمارية وعمران جامعة تبسة وراني حاب ندير ترونسفار لجامعة قسنطينة ولكنني تاكدت قطعيا بأن بلادي هي بلاد المحسوبية بلاد لكتاف بلاد الرشوة والكرش لكبيرة
انا شخصيا احب هذا المجال كثيرا لأنني احب التصميم والإبداع ولكن على حسب علمي فإن مناصب الشغل غير متوفرة تماما في بلادنا وليكن في علمك ان الجزائر ليست بلاد المهندسين وانهم لا يجدون الفرص امامهم بعد التخرج و أريد ان أعلمك أيضا انه لا توجد كفاءات في وطننا تخص هذا المجال وسوف تتاكدين من كلامي بمجرد مزاولتك الدراسة ان شخصيا لي ابن عم تخرج العام الماضي هندسة معمارية نظام كلاسيكي ولكنه لحد الان بطال يبحث عن رزقهبسيارة بسيطة "كلونديستان"ورغم انه يملك المال الوفير يعني كما يقال يالعامية "فتحها عليه ربي سبحانو وعندو العط"إلا انه لم يتمكن من فتح مكتب خاص للدراسات لأنه يتكلف أكثر من 3 ملايير سنتيم وفرص العمل عند الدولة ضئيلة جدا لانه من بين المتخهرجين سنويا سوف يقع الاختيار عليك وهذا امر نادر الحدوث لان الجامعات الجزائرية تخرج سنويا الاف المهندسين المعماريين والدولة تبحث عن أصحاب الخبرة في هذا المجال وليس المتخرجين الجدد
ربما رون في كلامي نظرة تشاؤمية ولكن المنطق والواقع يفرض نفسه وأريد ان أسدي نصيحة للطلبة الذكور "لارمي احسن حل :
اما بالنسبة للإناث فاللغات هي أفضل حل انا شخصيا عندي اخت تدرس لغة انتجليزية سنة ثالثة نظام كلاسيكي بجامعة خنشلة وهي متفوقة والحمد لله وفرص العمل متوفرة بإذن الله وزميلاتي في هذا العام الدراسي تقريبا 90بالمائة منهن التحقن بجامعة عنابة لدراسة اللغة الغنجليزية او جامعة قسنطينة لدراسة اللغة الفرنسية عدا واحدة التحقت بالطب
أنا شخصيا سوف أدرس هذا العام واعيد الباكلوريا لعلي أتحصل على معدل يؤهلنيي للالتحاق بالطب وإذا حدث العكس سألتحق مباشرة بصفوف الجيش الوطني الشعبي مطلع العام المقبل رغم ان والداي يعارضاني هذا الطرح تماما إلا ان القناعة واجبة
اخوكم :مباركة تقي الدين :متحصل على الشهادة الورقة

[imanou91]

بسم الله
أختي مانيش حاب نهبطلك المورال بالهدرة هاذي مي لازم ننظرو للأمور بواقعية
انا أيضا بعثوني هندسو معمارية وعمران جامعة تبسة وراني حاب ندير ترونسفار لجامعة قسنطينة ولكنني تاكدت قطعيا بأن بلادي هي بلاد المحسوبية بلاد لكتاف بلاد الرشوة والكرش لكبيرة
انا شخصيا احب هذا المجال كثيرا لأنني احب التصميم والإبداع ولكن على حسب علمي فإن مناصب الشغل غير متوفرة تماما في بلادنا وليكن في علمك ان الجزائر ليست بلاد المهندسين وانهم لا يجدون الفرص امامهم بعد التخرج و أريد ان أعلمك أيضا انه لا توجد كفاءات في وطننا تخص هذا المجال وسوف تتاكدين من كلامي بمجرد مزاولتك الدراسة ان شخصيا لي ابن عم تخرج العام الماضي هندسة معمارية نظام كلاسيكي ولكنه لحد الان بطال يبحث عن رزقهبسيارة بسيطة "كلونديستان"ورغم انه يملك المال الوفير يعني كما يقال يالعامية "فتحها عليه ربي سبحانو وعندو العط"إلا انه لم يتمكن من فتح مكتب خاص للدراسات لأنه يتكلف أكثر من 3 ملايير سنتيم وفرص العمل عند الدولة ضئيلة جدا لانه من بين المتخهرجين سنويا سوف يقع الاختيار عليك وهذا امر نادر الحدوث لان الجامعات الجزائرية تخرج سنويا الاف المهندسين المعماريين والدولة تبحث عن أصحاب الخبرة في هذا المجال وليس المتخرجين الجدد
ربما رون في كلامي نظرة تشاؤمية ولكن المنطق والواقع يفرض نفسه وأريد ان أسدي نصيحة للطلبة الذكور "لارمي احسن حل :
اما بالنسبة للإناث فاللغات هي أفضل حل انا شخصيا عندي اخت تدرس لغة انتجليزية سنة ثالثة نظام كلاسيكي بجامعة خنشلة وهي متفوقة والحمد لله وفرص العمل متوفرة بإذن الله وزميلاتي في هذا العام الدراسي تقريبا 90بالمائة منهن التحقن بجامعة عنابة لدراسة اللغة الغنجليزية او جامعة قسنطينة لدراسة اللغة الفرنسية عدا واحدة التحقت بالطب
أنا شخصيا سوف أدرس هذا العام واعيد الباكلوريا لعلي أتحصل على معدل يؤهلنيي للالتحاق بالطب وإذا حدث العكس سألتحق مباشرة بصفوف الجيش الوطني الشعبي مطلع العام المقبل رغم ان والداي يعارضاني هذا الطرح تماما إلا ان القناعة واجبة
اخوكم :مباركة تقي الدين :متحصل على الشهادة الورقة
كانك نت متشاءم اخي لاتجعل هذه النظرة التشلؤمية تسيطر عليك و ربي ورحمتو ومنا لنتخرجو حنا مش عارفين واش راح يصرا باسكو كل اليوم كاين الجديد في بلادنا و كل يوم يتبدلو القوانين

[زهرة الهضاب 19]

Salam
Ana je voudrais m'adresser à la fille qui a posté le sujet depuis le début,

Vous savez que vous me décevez vous les jeunes de demain ! d'après ton discours vaut mieux matekrayech rouhi diri halli hanoute w bi3i wechri jiblk fayda w jibi draham lah tkassri fi rassek tekray architecture 5 ans w balak kthar si tu refais l'année ! tejriw ghir menora draham, khamemou chwya beli rakom talabatou 3ilm assidi wela hadhi non ! ey wech yjik men li jaybine bac b copiage 3aychek ! pffffffffffffffffffffffffffff e3kalou ekebrou assidi ! hadha lah hadha !

El 3ilmou nour wa jahlou dhalam , en plus ma chère la majorité des architectes femmes finissent à la maison avec leurs maris et enfants (ce n'est pas réducteur) mais la tal3i hsabatek 3la draham w finalement tezewdji rah tekhmamk ya benti !!

w 3awdi khamemi

[PROXX]

سلام عليكم
في البدابة نقلك يعطيك الصحة على البورنش لاخاطر الهندسة علم وفن
كي تتخرجي عندك 3 اخيارات
الاول: تخدمي عند مقاول
الثاني : عند الدولة opg . la duch .dlep. ctc ..........
الثالث: عند روحك وهذه مكلفة شوية و يليقلها شوية صبر و شطارة بعد عامين خدمة عند الدولة تقدري تطلبي اقريمو و تفتحي بيرو
بصح بشرط كي تفتحي تخدميني خطرش راه عند تقني سام هندسة معمارية

شكرا

[المهندس الجزائري]

شكرا جزيلا لك