يكاد الندم يقتلني فهل من مساعد

[anas91]

قصتي اني سجلت في المدرسة العليا للقواة البحرية وتم قبولي بها وكدلك في الاكادمية العسكرية لمختلف الاسلحة ولكني تسرعت وقدمت انسحابي وليت لدار وبعد ايام ندمت ندما شديدا فهل يمكنني الرجوع الى المدرسة


ارجوكم افيدوني بمعلوماتكم الوقت ضيق

[tawfik_dz]

يااخي العزيز انت لما تقرر شيء قرر بمنطلق انك ساي راني عولت وليس انك في خاطرك هذيك ساي نديرهااااااااا شوف لاتصبر ولالا لو كان جيت كيفك نقعد ونزيد نبسم على الموت فما
اما رجوع اظن انك تعلم مجال السلاح في الجزائر اي العسكر لايرحم والله اعلم

[anas91]

بارك الله فيك اخي علي الرد

اه المورال وله ف 000

[tawfik_dz]

والله انا لااريد ان اهبط لك المورال لكن عليك مراجعة نفسك من ناحية اتخاذ القرارات

[BAC-2010]

حسب معلوماتي لا تستطيع و لكن أخي ماخسرت والو كون تروح تسقسي بالاك يخلوك ترجع
+ حبيت نسقسيك واش يدو بعين الاعتبار الأشخاص اليي عندو ضعف في النظر من عين واحدة أما الأخرى 10/10 ولا لا يعني واش يخلو صحاب هاد الحالة يلتاحقو بالمدرسة

[anas91]

الله اعلم اخي انا في 2
10/10

[hafid47200]

wa9ila rabi mahouch 7ablek militaire psk raye7 tsoufri fiha
donc kima rak 7ab dir dir

[اللوتس الفضية]

يا أخي الخير فيما اختاره الله الواحد ما يعرفش صالحو وين يكون
نتا جرب مرة اخرى واذا مقبلوكش ميهمكش معناها ربي مش حابهالك بلاك
ممكن كون بقيت ثما كون تعورت ولا .... لا قدر الله....
بصح متندمش الندم راه ياكل العبد وهو حي
عيش حياتك
متعرف الخير وين

[anas91]

اشكر كم وجزاكم الله الف خير
لكن اريد من له معلومة ثابثة عن امكانية تقديم تنازل عن الانسحاب

[islam.radouane]

يمكن يرجعوك وشوف لي عنده معلومات عن المدارس العسكرية من اعضاء المنتدة

[mimou12]

انت انسان ما عندكش رأي سديد لازم تسمع لواش يقولوه الكبار
دوكا أخدم في الشوانط حتى ينوب عليك ربي

[islam.radouane]

هو راه يسال ماقلكش دبر عليه و ادا عندك جواب لسؤال تفضل

[اسما88]

قصتي اني سجلت في المدرسة العليا للقواة البحرية وتم قبولي بها وكدلك في الاكادمية العسكرية لمختلف الاسلحة ولكني تسرعت وقدمت انسحابي وليت لدار وبعد ايام ندمت ندما شديدا فهل يمكنني الرجوع الى المدرسة


ارجوكم افيدوني بمعلوماتكم الوقت ضيق

السلاام عليكم

اخي اول شيء تفعله تدهب اليهم وتحااول شرح موقفك

قبل انتهااء موعد التسجيلااااات النهااائي ومن الاحسن ان تاخد معك واالدك

ولاتنسى قرااااءة القاانون الدااخلي للمدرسة ممكن يفيدك في هده الحااالة
او حاول ان تقوم بطعن
اما عن الندم فلا توجد كلمة لو في تاااااريخ ولهداااااا ادهب في اقرب فرصة لعل وعسى يتم قبولك

ولما لا ليس شيء مستحيل انت تتوفر فيك الشروط
==================== بتوفيق

مرت من هنااا اسمااء
سلاام

[anas91]

مشكوووووووووووووووووووورة اختي علي الرد
لكن مرحلت التسجيلات انتهتl

[اسما88]

مشكوووووووووووووووووووورة اختي علي الرد
لكن مرحلت التسجيلات انتهتl

العفو اخي

بمان مرحلة التسجيلااات انتهت لاكن توجد مرحة الطعووون

ولهدااا اخي الكريم عليك الدهاااب في اقرب وقت

ولاتنسي ان تاخد معك طلب خطي تشرح فيه موقفك

والله المسهل قااادر يكريم

========اخي انس عليك ان لاتتردد وحاول ان تفكر جيدااااا قبل ان تتخد اي قرار
وهده تجربة للمرات المقبلة ارجوا الاستفاادة منهااا
============
لاتنسى ان تدهب الى الاادارة في اقرب وقت

بتوفيق
سلاام
===

[anas91]

مشكورة اختي الكريمة على الردود الطيبة

واحيطك علما ان المدارس العسكرية لاتوجد بها طعون وعندما يتم قبولك تبقي مباشرة هناك

[the algerian]

’’’و عسى ان تكرهوا شيأ و هو خير لكم’’’يا اخي الكريم عليك ان ترضى بما كتبه الله لك ,,أنا قصتي مشابهة لقصتك لكني يوم المسابقة مرضت بزاف و ماقدرتش نكمل مع العلم أني حضرت للمسابقة جيدا و كنت حاب نقرا في هذي المدرسة,,,صحيح أني طاحلي المورال أيامات لكن عرفت بلي ربي ماحبهاليش ,,,,,و نصيحة مني اليك الأخ الكريم’’’لا تنظر أبدا وراءك,لكن أنظر الى الأمام,أنظر الى المستقبل ’قال الله تعالى ’’ألا تخافوا ولا تحزنوا’’فالمقصود أن لا خوف على المسلم في مستقبله و أن لا يحزن على ما فاته,,أرجو أن أكون أفدتك,,ان شاءالله يكون طلعلك المورال خويا

[youcef_99]

اذا كان الندم ينفع فانا نادم كثيرا على عدم تسجيلي في الجيش
بل انا حانق على ذلك
لذلك الندم لا ينفع

[anas91]

اشكرك اخي the algerian اكيد لقد افدتني بهذا الرد

مع انه مصيبتي اكبر من مصيبتك

[abdou20]

السلام عليكم نصيحتي انك تصلي صلاة الاستخارة واللي فيه الخير يجيبو ربي

[rita1992]

عسى ان تحبوا شيئا و هو شر لكم واحد لا على بالو الخير واين اكيد كاين حكمة من عند ربي بالك ربي ما بغالكش الضر خاصة وانو معظم اللي راحو للمدارس العسكرية حكمتهوم مشاكل نفسية معقدة و اغلبهم هبلوا و رغم هدا زيد شوف بالك تقدر ترجع لهده المدرسة وفي المستقبل الانسان لازم يتروى و يسال اصحاب العلم و المعرفة قبل ما يتخد قرار مصيري يندم عليه

[mimi279]

bn haba n9olek si 3andek lektaf ra7 yrej3ouk si nn wlh ma tka7al 3liha, houma jathom 3la gostouhopm pck rej3at 3andhom place fargha ydakhlou fiha wladhom, w ana ngoulek l khira fima khtarha lah wlh ghir temizer fel jich

[mr green]

يا اخي و الله انت محضوض جدا...قصتي مثلك تماما...دخلت ثم انسحبت عن قناعة بعد ادائي لصلاة الاستخارة....و سبب خروجي هو ان الانخراط في الجيش الوطني يتم وفق معادلة هي.....النفس+الحرية+ضياع الدن و فساد الاخلاق+الابتعاد عن الاهل+كثافة العمل....يساوي....المال الذي يشبه الربا..........انت محضوض و يجب ان تحمد الله في كل الاحوال....ثم ان الجيش ليس بالجنة التي تندم عليها..بل بدمار الدارين الدنيا ؤ الاخرة الدي نجوت منه...لدا فاحمد الله يا اخي.....انها نصيحة اخ لاخ..و السلام عليكم و الرزق من عند الله......ثم ان جيشنا اللذي تسخر له الدولة 70/100 من الميزانية ليس بقادر على الصمود امام اضعف الجيوش في العالم لاننا نفضل الكمية على النوعية و هذا خطا كبير ما دامت امريكا و روسيا تبيعان لنا الاسلحة و لا نعرف انها فاسدة في حين انهما تملكان رؤوسا نووية تدمرنا في اقل من ثانية.....كيما يقولوا الريح في الشبك

[islam.radouane]

شوف خويا كاش عرف صحيح

[islam.radouane]

السلام عليكم ورحمة الله و بركاته
اخي انس كاش جديد و اش درت في القضية تاعك
والله غير شفيتني

[المشتاقة للرحمن]

السلام عليكم

يا أخي... أظن أنك عملت صوابا...انت ماراحش تقعد في هاذ السن...رايح تكبر و دير عائلة و يكون عندك ولاد و زوجة مسؤول عليهم....المجال الي انسحبت منه كان رايح يخطفك منهم كامل ... لأانو فيه لازم تنسى عائلتك و دينك و نفسك و كل شي و تكرس حياتك برك فيه.... في المقابل رايح تمطر عليك السماء ذهباااا ....لكن صدقني رانا شفنا كثااار و عرفنا انو هاذ الأموال ما عوضتش و لا ثانية كان غايب فيها الاب عن عائلته

لذا أظن أنه كنت محظوظ في انسحابك:!!! و على العموم ربي يوفقك وين ما كنت المهم ما تشوف وراءك و ما تندمش على حتى حاجة
و دائما تفاءل بالشي الي عندك
حظ موفق :)

[الدلفين]

لعله خير إن شاء الله

[anas91]

ماعلابليش كيفاه نشكركم
والله غير تلعتولي المعنويات
الله يجزكم الخير

وشكر خاص للعضو islam.radouane

[prince of algeria]

اتعلم اخي انا القائد العماري لم سلم السلاح للدولة وامضى على عقد تقاعد سالوه ماهي احسن رتبة في الجيش
راك عارف واش قاللهم ولا ماكش عارف
قاللهم احسن رتبة هي سيفيل حبيبي
ياو في وجه الله خطيك

[islam.radouane]

لاشكر على واجب حبيبنا;);)

[bahaa090]

خويا راو هناك ربي من عسكر صقصيني انا نقلك

[islam.radouane]

خويا راو هناك ربي من عسكر صقصيني انا نقلك


خويا القوات البحرية حاجه فور

[علي لبرايجي]

السلام عليكم
القواة البحرية حاجة اخرى فووور وربي ماشافلكش فيها خير وربي يوفقك
ولي راهم يقولو الجيش ماشي مليح ربي يهدي ماخلق
هذي الهدرة تنعسني تعييني كل واحد وواش يخرج عليه
لاه كامل نروحو اطباء ماجيش هكذاك يخلاصو المرضا،،، كل واحد والدومان تاعو ومكتوبو
ــــــــــــــــــــــــــــــــــــــــــــــــــ ـــــــــــــــــــــ
خويا انت نحتاجك ماعليه المسن تاعك مممم

[anas91]

السلام عليكم
القواة البحرية حاجة اخرى فووور وربي ماشافلكش فيها خير وربي يوفقك
ولي راهم يقولو الجيش ماشي مليح ربي يهدي ماخلق
هذي الهدرة تنعسني تعييني كل واحد وواش يخرج عليه
لاه كامل نروحو اطباء ماجيش هكذاك يخلاصو المرضا،،، كل واحد والدومان تاعو ومكتوبو
ــــــــــــــــــــــــــــــــــــــــــــــــــ ـــــــــــــــــــــ
خويا انت نحتاجك ماعليه المسن تاعك مممم




اييييييييييييييييييييييه عندك الصح


لكن العبارة الاخيرة انتاع [ خويا انت نحتاجك ماعليه المسن تاعك مممم ] لم افهمها
ممكن توضح



وشكرا