طبيب الأسنان .......... ممكن نصائح أنا ذاهب عنده

[mascara]

سلام عليكم
انا اريد blombé ضرس عندي هي في الحقيقة ما راهيش توجعني لكن صراااحة انا نخاف طبيب الأسنان ونتقلق منه كثيراااااااا
قال صديق روح عنده وهو يقوم بالعملية يقوم بحفرالجزء المسوس ويعمرها لك بمادة
يعمرها أوكي ماكانش مشكل
يحفرها :confused: ماشكيتش نخليه يقوم بالعملية
انا كنت نظن طبيب الاسنان عنده غير الكلاب :mad: لم أسمع بأدوات الحفر هههههههه
انا العام الماضي كتبت موضوع حول طبيب الأسنان وشفت معظم الأعضاء يخافو منه وأنا كنت حاب نزوره و كنت متردد و
ولقيت كامل وسائل الدعم والمساندة
هذه الايام حاب نولي ليه باش blombé ضرس عندي
ممكن تشرحولي العملية كيفاش تتم وما هي اخر التكنولوجيات المتوفرة حاليا الأقل ضررا وألما
قد يقول أحدكم كيفاش واحد كبير ويخاف
انا نقول هناك فرق بين الخوف والوسواس وخاصة اذا وقعت لك حادثة عنده من قبل
تبقى متردد ودور في راسك تلك المشكلة

[*سلامة*]

هههههههه ضحكتني راك كيما انا

مي ماتخاف ماوالو مايوجع ماوالو خاصة اذا كانت ضرسك ماشي ماكولة بزاف

ما تجعش قاع انا رحت باش نبلومبي ضرستي بالسيف لكن ماكانش الم

[mascara]

شوف أخي و باختصار
الرجل حتى لو آلمه شيء عليه أن يتحمل
هكذا أعرف الرجال

و كاينة حاجة
اللي يخاف يتوجع قبل ما يصرالو والو
و اللي ما يخافش يالوكان يصرا فيه ما يصرا قلبو يبقى صلب

نحي الخوف من قلبك
دقيقة و ينتهي الأمر كلي ما رحتش للطبيب
أهم حاجة احسن اختيار الطبيب..ما تحوسش على اللي ما يوجعش حوس على اللي يتقن خدمتو

و اذا حبيت ما تحس بوالو
كي يكون هو يخدم في خدمتو في ضرسك انت استغفر او اقرا آية قرآنية في قلبك باش ما تركزش معاه

ربي يوفقك
شكرااااا لك اخت لكن انا عندي اي شيئ عندي قمت بعمليات اكثر من ذالك
المشكل انو عندي وسواس عند طبيب الأسنان نظرا في صغري وقعت لي مشكلة كبيرة
من ذالك اليوم مين نروح عنده نتقلق كثير ما نبقاش مرتاح

[*سلامة*]

شكرااااا لك اخت لكن انا عندي اي شيئ عندي قمت بعمليات اكثر من ذالك
المشكل انو عندي وسواس عند طبيب الأسنان نظرا في صغري وقعت لي مشكلة كبيرة
من ذالك اليوم مين نروح عنده نتقلق كثير ما نبقاش مرتاح

عادي جدا الاخ كل انسان عندو فوبيا من امر معين

وانت عندك فوبيا طبيب الاسنان :1::1::1:

[mascara]

هههههههه ضحكتني راك كيما انا

مي ماتخاف ماوالو مايوجع ماوالو خاصة اذا كانت ضرسك ماشي ماكولة بزاف

ما تجعش قاع انا رحت باش نبلومبي ضرستي بالسيف لكن ماكانش الم

تلك هي المشكلة انا عارف غادي نروح عنده وحتم عليا
لكن هذا الموضوع باش نكون مرتاح نفسيا

[*سلامة*]

تلك هي المشكلة انا عارف غادي نروح عنده وحتم عليا
لكن هذا الموضوع باش نكون مرتاح نفسيا

غير ارتاح نفسيا دير روحك راح تقتل الاشرار :1: ولازم تحاربهم ودير روحك حي ولا مقتول نروح نروح اكذب على روحك

[وحيد الحيراني]

لا تقلق أخي فمع التقدم العلمي أصبحت زيارة طبيب الأسنان عبارة عن رفاهية...
أما في خصوص حالتك بما أن الضرس لا يؤلمك فيمكنك معالجته حتى بدون ابرة التخدير...
عملية تنظيف بسيطة للتسوس لا تستغرق أكثر من عشر دقائق...
بالتوفيق...

[chahd alger]

مانيش تاع أسنان مي دخلت نقلك بالشفا عليك
كوراج برك

[الفقيرة إلى ربها]

السلام عليكم و رحمة الله و بركاته

les obturations dentaires

او كما يعرف عند الجميع
un plombage
و أصل الكلمة مأخوذ من كلمة plomb اي بالعربية مادة الرصاص نظرا لان المادة المستعملة تحتوي على رصاص
تم ادخال تعديلات على هذه المادة التي تسمى amalgame واصبحت خالية من الرصاص نظرا لخطورته على الصحة و تحتوي بصفة خاصة على الفضة و الزئبق ، أذن من الخطأ أن نقول plombage لانه لا دخل للرصاص...
هناك مادة اخرى لونها ابيض تستعمل خاصة للاسنان الامامية اسمها
composite
و هناك مواد أخرى بيضاء اللون كذلك مثلciment pierre et silicate
تتم عملية تنقية السن من اثار التسوس عن طريق الة تسمى la turbine والالام تختلف باختلاف عمق التسوس ، و هي في غالب الاحيان منعدمة الى ان نصل بالحفر الى لب السن اين يبدا المريض بالاحساس
قد يظطر الطبيب مرات الى استعمال مخدر لتجنب الالام لكن من الاحسن تجنبه

بعدها يقوم الطبيب بوضع ما يسمى eugénate مادة يطلق عليها بالعامية " الجبس" يبقى بها المريض من ايام الى اشهر ثم على حسب الحالة واختفاء الالام يعود للطبيب ليتم استبدال
l'eugénate
بمادة
l'amalgame

هذه العملية بشكل مبسط.
هناك تقنيات أخرى قليلة الاستعمال في بلادنا ، كاستخدام اشعة الليزر...

ودمتم سالمين...

[وردة بجاية]

ألم يوم خير من ألم أيام........لبلومباج ماشي حاجة تخوف ماشي كما كتنحي ضرسك متخافش.....
بشفى عليك ......

ألوكان كنت تغسل سنانك ميصرالك هكا......أمزح فقط:1:

[أمال2008]

السلام عليكم أخي
لا داعي للخوف فالعملية جد بسيطة ( ليست كنزع الضرس)
قبل أشهر مررت بنفس التجربة و ترددت قبل الذهاب لكن بعد ان اتممت العملية تعجبت و استغربت كيف اني كنت مترددة و بالاضافة الى هذا كله لن تحس بشئ فالعملية ستتم وفمك مخدر ( مبنج كيما نقولو)
و بالشفاء
سلام عليكم

[الفقيرة إلى ربها]

السلام عليكم أخي
لا داعي للخوف فالعملية جد بسيطة ( ليست كنزع الضرس)
قبل أشهر مررت بنفس التجربة و ترددت قبل الذهاب لكن بعد ان اتممت العملية تعجبت و استغربت كيف اني كنت مترددة و بالاضافة الى هذا كله لن تحس بشئ فالعملية ستتم وفمك مخدر ( مبنج كيما نقولو)
و بالشفاء
سلام عليكم

صحيح ان العملية ليست مؤلمة كثيرا و مرات غير مؤلمة بتاتا ماعدا الازعاج الذي يسببه دوران الالة ، لكن استعمال المخدر يبقى اخر الحلول ، الا اذا اظطر الطبيب لذلك ، و سأشرح لكم السبب بكيفية بسيطة.
الطبيب حين قيامه بالحفر ، يجب ان لا يصل الى لب السن و يفتحه و وإلا سنظطر الى القيام بنزع العصب فتصبح ضرسا " ميتة "
فحين استعمال المخدر تختفي الالام ، و قد قلنا سلفا انه بالاقتراب من اللب يزداد الالم ، لكن في هذه الحالة لا يوجد الم ، اذن فكيف سيعرف الطبيب انه وصل الى اللب ؟!!!!!!!!!
استعمال المخدر ينتهي في مرات عديدة الى الاصابة بما يعرف ب
pulpite
ونظطر الى القيام ب dévitalisation اي نزع العصب و بهذا تموت الضرس و تصبح رمادية اللون مع الزمن...

ودمتم سالمين

[mascara]

مانيش تاع أسنان مي دخلت نقلك بالشفا عليك
كوراج برك

خير الكلام ما قل ودل هههه
شكرا لك سعاد وبارك الله فيك

[mascara]

ألم يوم خير من ألم أيام........لبلومباج ماشي حاجة تخوف ماشي كما كتنحي ضرسك متخافش.....
بشفى عليك ......

ألوكان كنت تغسل سنانك ميصرالك هكا......أمزح فقط:1:



ان شاء الله
صراحة انا عقدتي مع طبيب الاسنان والله صدقوني

[mascara]

السلام عليكم أخي
لا داعي للخوف فالعملية جد بسيطة ( ليست كنزع الضرس)
قبل أشهر مررت بنفس التجربة و ترددت قبل الذهاب لكن بعد ان اتممت العملية تعجبت و استغربت كيف اني كنت مترددة و بالاضافة الى هذا كله لن تحس بشئ فالعملية ستتم وفمك مخدر ( مبنج كيما نقولو)
و بالشفاء
سلام عليكم

شكراااااا وبارك الله فيك

[اماني المستقبل]

هههههههههههههه انا لازم تاني نروح نحي ضرسة العقل مي 2مرات نروح وتقلي الطبيبة نحي لك وكي نشوف الابرة
نحرج من عندها مرعوبة وعندي عام مانحيتهاش ولاااااااااااازم تتنح .ياخوفي
ما نعطيك كوراج ماوالو انا بروحي خايفة كيفاش نكذب ونقول روح برك مافيها والو
ربي يشفيك

[رحيق القلوب]

هههههه ماتخاف خويا راني كنت كثر منك مي الله غالب تحتمت اول مرة نروح لطبيب اسنان كنت في الاول متخوفة قمت ب البلومباج
مانكذبش عليك الطبيب ما دارليش الابرة لكن يحفر في السوسة حتي تتنحا في البداية ما توجعش من بعد تحس بوجع خفيف برك ماشي حاجة كبيرة
من بعد تعمرلك الفراغ بالجبس و تقعد بيه اسبوع و من بعد جبس مرة 2 تقعد بيه اسبوع و المرة 3 لافينيسيون تفينيلك بالعظم هذا كل شئ
صدقني ما يوجعش بزااااااااف بصح الشئ الي يقلق هو الالة تقول راك تحفر في جبل ههههه
لكن الابرة ما استعملتاش مرة و راني هذه الايام راح نخدم ضرسة بلاك ديرلي الابرة راني خايفة و مانعرف ????بي يسلكها على خير

[أمال2008]

صحيح ان العملية ليست مؤلمة كثيرا و مرات غير مؤلمة بتاتا ماعدا الازعاج الذي يسببه دوران الالة ، لكن استعمال المخدر يبقى اخر الحلول ، الا اذا اظطر الطبيب لذلك ، و سأشرح لكم السبب بكيفية بسيطة.
الطبيب حين قيامه بالحفر ، يجب ان لا يصل الى لب السن و يفتحه و وإلا سنظطر الى القيام بنزع العصب فتصبح ضرسا " ميتة "
فحين استعمال المخدر تختفي الالام ، و قد قلنا سلفا انه بالاقتراب من اللب يزداد الالم ، لكن في هذه الحالة لا يوجد الم ، اذن فكيف سيعرف الطبيب انه وصل الى اللب ؟!!!!!!!!!
استعمال المخدر ينتهي في مرات عديدة الى الاصابة بما يعرف ب
pulpite
ونظطر الى القيام ب dévitalisation اي نزع العصب و بهذا تموت الضرس و تصبح رمادية اللون مع الزمن...

ودمتم سالمين

السلام عليكم
شكرا لكي أختي العزيزة على هاته المعلومات القيمة التي لم اكن أعلمها......(أظن أنك صاحبة اختصاص اليس كذلك؟؟) على العموم وفقك الله .
سلاااام

[حيآتي أسمَى]

هههه ظننته في بادئ الامر خوف ........

مادام وكما ذكرت وسواس فعليك بطبيب نفساني
عله يعالجك
بالنسبة لي امر عادي
ولم اخف ولم افكر حتى في هذا