تسجيل الدخول

مشاهدة النسخة كاملة : اول يوم في الدخول المدرسي

zaza0095
2010-09-13, 15:26
السلام عليكم ورحمة الله وبركاته
صحا عيدكم كل عام وانتوما بخير :19: وشراكم صافا اليوم اول يوم في الدخول المدرسي كيفاه جوزتوه ان شاء الله يكون مليح :rolleyes: كل واحد يهدرلنا كيفاه جوز هدا النهار عجبو القسم اللي راح يدرس فيه عجبوه التلاميذ اللي راح يفوتو معاه هدا العام يهدرلنا على كلش بالنسبة ليا انا عجبني كلشي مي التوقيت كان شويا خايب عندي السمانة كامل نقرى الصباح والعشية حتى يوم الثلاثاء العشية مكاش الراحة ان شاء الله فهمتوني ويكون فيه تفاعل
alkhansaae
2010-09-13, 15:33
فات صافا اغلبهم لي جاو سنة 1 قسمنا مليح تاحومعاي صحاباتي وتاح القسم فالموقع لي كنت حابتو هههههههههه حاكما نكميري كلش
رحنا صباح ساعة وحنا فالساحة من بعد دخلنا عند وحدة تاع فرنسية وختك زرقة فرنسي هي تهدر وانا وي وي وي ههههههههه
وبنات ربي يهديهم تقول رانا فالبلاج ومكياج
نسيم الجود
2010-09-13, 15:33
السلام عليكم


القسم تاعي فيه وعليه

أما بخصوص البرنامج bien

بالتوفيق الى جميع طلبة bac2011
اميرة
2010-09-13, 15:38
انا دخلت للكلاصة علي 8 غير ربع حكمت البلاصة الاولي وتوقيت ساااااااااااااااااااامط والشيوخة والووووووووووووووو كامل يهدروة بزاااااااااف اووووف ودوكة خرجت زارطيت ما قدرتش ندخل عييت
جاكباور
2010-09-13, 15:55
سلام



سمااااطة

حنا ما عرفنا اساتذة :confused:
ماعرفنا برنامج :confused:


tous simplement مارانا عارفين والو :confused:


الثانوية عاملة كيـــ.................

و الكلاصا اللي رماوني فيها مانهدرش عليها خير




الله يجعل خير






:19:
اشراقة ميمي الصبح
2010-09-13, 16:01
حنا دخلنا في خمسة في الكلاصة
ما علابالنا لا بالتوقيت ولا بالاساتذة
دخلتنا استاذة الانجليزية وقالتنا بلاك ما نحكمكش على خاطر جايين اساتذة جدد
جاتنا مديرة جديدة
بقينا للعشرة ورحنا روحنا لعشية ما رحتش وغدوة بلاك ما نروحش
هادا ماكان
الفلاح المحترف
2010-09-13, 16:10
يوم سيئ جدا
اساتذة ......
أَبُو رَُئَيـــــــــــــــــــــــْمْ
2010-09-13, 16:12
يا اخي الله يعطينا الصبر
kader7989
2010-09-13, 16:47
اوووووووف وش نحكي و واش نخلي روحت اليوم للكلاصة على 9 و من بعد حكمت بلاصة باش ما نبانش هههههههههههه الاساتذة لحد الان كامل ملاح غيل شويا العلوم الكبيعية شويا باسل على الدخلة ديناها مراجعة و قالنا الاربعاء نبدو و الخميس نديرلكم فرض هههههههههه ياخي استاذ ياخي و الاستاذ نتاع الانجليزية روعة يقصر بزاف ههههههههه لحد الان هادا هو الاستاذ لي فهمته في حياتي ههههههههههه بصح عمبالكم شا كتبنا لعنده ههههههههه كارثة هههههههه

هادو هوما لي قريت عندهم اليوم
kader7989
2010-09-13, 16:50
حنا دخلنا في خمسة في الكلاصة
ما علابالنا لا بالتوقيت ولا بالاساتذة
دخلتنا استاذة الانجليزية وقالتنا بلاك ما نحكمكش على خاطر جايين اساتذة جدد
جاتنا مديرة جديدة
بقينا للعشرة ورحنا روحنا لعشية ما رحتش وغدوة بلاك ما نروحش
هادا ماكان

؟؟؟؟؟؟؟؟؟؟؟؟؟؟؟؟؟؟؟ ما فهت والو وش راكي تقولي هههههههههههههههههه؟؟؟؟؟؟؟؟؟؟؟؟؟؟؟؟؟
اشراقة ميمي الصبح
2010-09-13, 17:05
؟؟؟؟؟؟؟؟؟؟؟؟؟؟؟؟؟؟؟ ما فهت والو وش راكي تقولي هههههههههههههههههه؟؟؟؟؟؟؟؟؟؟؟؟؟؟؟؟؟

راني نهدر بالشينوية ههههه
kader7989
2010-09-13, 17:10
هههههههههههههه علابيها ما فهمتكش هههههههههههههه
أنوار لجين
2010-09-13, 17:44
أووووووووووووووووووووف ما كانش واحد فيكم راهز متفائل هادا هو المشكل واش فيها الحصص بزاف مليحة لينا ياخي و زيد كون نقراو رواحنا مليح ما نستحقو غير للارشاد نتاع الأستاذ و أنا حولوني من كلاصة لي فيها كامل صحاباتي بصح هكدا مليح باش نقدر ندرس و ما نهدروش هههههههههه و نتلقاهم غير في الساحة أما الأساتذة نتاوعنا لاح ختارونا غير الجيدين ..................... على كل حال الحمد لله ما تخلوش أشياء كما هدي تطيحلكم المرال لأنو يأيثر هذا على المادة أيضا ......... عادي كونوا صحاب قلوب كبار تقبلوا كل شي و توقعوا كل شي
ahlam.lucky
2010-09-13, 18:30
انا منكدبش عليكم طحت عند الاساتدة المخيرين و طحت في نفس القسم تاع العام اللي فات و عقبت يوم هايل بصح رجعت ميتة من التعب
و بالتوفيق للجميع
الجوهرة السوداء
2010-09-13, 18:50
يوم سيئ جدا
اساتذة ......

ألهذه الدرجة كان اليوم سيئا ؟؟
أخي حكيم تيقن أن الخير فيما إختاره الله ..
و مع النظام الاصلاحي الجديد لابد لنا من عدم الاعتماد على الاساتذة مطلقا ..
مل واحد يقرى وحدو ..
صح توجيهاتهم مهمة ..لكن في الوقت الحالي ما بقاوش يمدوا ياسر ..
ماعليك اخي سوى الاعتماد على حكيم يابوس و فقط ..
لكن لعل الامور ستتحسن من بعد .فبما انها سنة مفصلية فديما ديما تلقى الاساتذة مزيرين رواحهم شوي و يحاولو ا يبذلوا مجهودات اكبر لتحقيق نتائج مرضية ..
و إن كان أساتذتك جددا ..فلا يمكن لك الحكم عليهم من الآن ..لابد من مرور فترة معينة للحكم ..و انا أقول هذا عن تجربة ..
تأكد ان اللله سيكون معك و معنا جميعا فيكفينا شرفا اننا طلاب علم و طالب العلم في عبادة و منزلته توافق منزلة الانبياء و الصديقين ..
أدعو المولى عزوجل ان يسير أميرك و ييسرها و يبلّغك لكل ما يحبه و يرضاه ..
نحن دائما حاضرون للمساعدة ..
لكن إياك ثم إياك من التشاؤم و الاحباط و طبعا كره الاساتذة فهذا الامر لن يكون في صالحك مطلقا ..
توكل على الله و اطلب منه العون و التوفيق ..و تذكر أن إعتمادك على نفسك و ثقتك بقدراتك هي مفتاح النجاح الوحيد ..و انا متيقنة من أنك تملك هذا المفتاح ..فلا تجزع و لا تخف ..
imad cabiste
2010-09-13, 18:54
وعليكم السلام
بالنسبة للتلاميذ نفسهم تاع العام ليفات
اما الاساتذة ماكان ماكان
لكن التوقيت مشارجي بزاف مي الله غالب لازم نصبرو
الله يوفق الجميع
الفلاح المحترف
2010-09-13, 19:00
بارك الله فيك أختي يسرى على النصيحة وعلى الاهتمام
موفقة ان شاء الله
الفلاح المحترف
2010-09-13, 19:03
ماذا عنك كيف كان يومك ؟
zaza0095
2010-09-13, 19:14
http://files.fatakat.com/2009/12/1262014549.gif
الجوهرة السوداء
2010-09-13, 19:40
بارك الله فيك أختي يسرى على النصيحة وعلى الاهتمام
موفقة ان شاء الله

و الله أخ حكيم انا أعدك بمنزلة أحد إخوتي ..
فهذا واجبي لذا لا تشكرني مطلقا ..
أعي جيدا اني لوكنت في موقف مماثل لكنت ساندتني ..
مع انو وضعي ماهوش أحسن من وضعك ..مي مارانيش حابة نقلق روحي و لا نخللي الاحباط ينال مني و يهزم إرادتي هذا ماكان ..
موفق بإذن الله
silver3100
2010-09-13, 19:42
اليوم كان متعبااااا
youneschrif
2010-09-13, 19:46
بالتوفيق للجميع باك 2011

ربي يوفقكم
نسائم الربيع
2010-09-13, 19:48
والله الحمد لله................اليوم عطاونا البرنامج.....................ربي يكون معانا ويوفقنا اجمعين ....................تقبلوا مروري
‘♥’حسناء‘♥’ او ‘♥’جسناء’22‘♥
2010-09-13, 19:52
نقولكم نفس قسمي الحمد لله ونفس اساتدتي هنالك تغيير طفيف يخص المواد التانوية مي لاشارج بزااااااااااااااااف نقولكم يديرنا عتبة من ضرك مكانش لازم يديرها اوووووووووو من 8-12ومن 1.30-5.30 شوالا هدا وانا وقتاش نراجع لازم يديرنا كيما دار في 2009 2010 ويزيد 2011 والله غير خلعوني اليوم
الجوهرة السوداء
2010-09-13, 19:53
ماذا عنك كيف كان يومك ؟

أتقصدني أنا بسؤالك ؟؟
‘♥’حسناء‘♥’ او ‘♥’جسناء’22‘♥
2010-09-13, 19:54
اله يوفقنا يا ربي قولو امين معليش حبة حبة ونجيبوها في الفيلي
sara.mairi
2010-09-13, 19:57
اساتذتي ملاح كامل ماعدا استاذة الفيزياء وقسمي مليح بصح انا اليوم تعبانة رحا نموت
yakumo
2010-09-13, 20:11
الحمد لله....أتمنى التوفيق للجميع
عفة روح
2010-09-13, 21:55
http://img102.herosh.com/2010/07/10/124457611.gif