كيف كان الدخول الدخول المدرسي [الأرشيف] - منتديات الجلفة لكل الجزائريين و العرب

أَبُو رَُئَيـــــــــــــــــــــــْمْ

2010-09-13, 13:22

:dj_17:كيف كان الدخول المدرسي اليوم انا اظن ان الدراسة ستبدا في السبوع الاول

وكيف كان الاساتذة حنا حكمنا استاذ رياضيات ماكان ماكا:mad: ن

ان شاء الله خير

رحاب بن عودة

2010-09-13, 13:29

حنا حكمنا أستاذنا نتاع الفيزياء للعام الماضي و هو أستاذ رائع و مثالي للغاية
أما باقي الأساتذة فلا نعرف شيئاً عنهم .. و لا أظن أننا سنبدأ الدراسة خلال هذا الأسبوع

دمت بخير

alkhansaae

2010-09-13, 13:50

الحالة مكان مكان سماطة حكمتنا فرنسية وحدة جديدة كل عام يخلطونا الله يجيب الخير
مرحتش العشية باين هاد السبوع كامل تعارف

ايمان ع

2010-09-13, 13:53

حنا الاستاذ لي يدخل يكون اسوء من لي خرج
ربي يستر برك

نسيم الجود

2010-09-13, 13:56

الحالة مكان مكان

الدراسة الأسبوع القادم على ما أظن

سلام

الجوهرة السوداء

2010-09-13, 14:27

بلنسبة لي ..كان كلشي عادي ..
و كاني مازلت ادرس في السنة الثانيو ثانوي ..
نفس التلاميذ نفس الاساتذة ..و حتى نفس الطاولة ..طبعا تغيرت الحجرة فقط ..
بمعنى انه لا جيد يذكر بصرف النظر عن الحالة النفسية التي بأنا بها هذا العام ..
و كل من قابلناه اليوم من الاساتذة اخبرنا بأننا سنبدأ الدروس هذا الاسبوع ربحا للوقت ..و الله أعلم ..

achour idoughi

2010-09-13, 14:31

حالة لا يرثى لها
لم يعجبن اي شيئ
peffffffff

kader7989

2010-09-13, 17:00

حنا الاستاذ لي يدخل يكون اسوء من لي خرج
ربي يستر برك

ههههههههههههه ربي يكون في عونك شريكي ههههههههههه

كامل رانا مخلوعين سيرتو من استعمال الزمن

عندي انا trè charger

Dark_princess

2010-09-13, 17:02

كرهوني في في قسم الرياضيات لان جميع الاستاذة الممتازين وضعوهم لهم حتى اساتذة الفرنسية والانجليزية ؟؟ رغم معاملهم ضعيف بالنسبة لهم وفرو لهم كل مقومات النجاح بمعدل عال

kader7989

2010-09-13, 17:05

انا طاحو معايا نفس التلاميذ و بعض الاساتذة الجدد كيما العلوم و الانجليزية و العربية بلا ما ننسو الفلسفة

الكلاصة مليحة و التوقيت معمل حبيت نجيف

هههههههه قبيلة قلت للحارس لي قالنا استعمال الزمن ......... هاو ماكانش وقت راحة ديجا عيت من دروك ههههههههههههههه

قالي روح اشتكي هههههههههههه

درك نديرو احتجاج هههههههههههه

الله يجيب الخير و يفوت هاد العام على خير

silver3100

2010-09-13, 17:06

في حالة
والله استاد الرياضيات خلعنا
" الرياضيات صعيبة "
" عندنا 2 كتب"
"البرنامج ما نكملوش النصف "

kader7989

2010-09-13, 17:08

هههههههههههههه يا سيلفر هادا مالبدية راه يطلعلكم فالمورال هههههههههههههه

imane1

2010-09-13, 17:22

السلام عليكم ورحمة الله وبركاته

الحمد لله ، سجلنا اليوم أول حضور وكانت الأمور مريحة إلى حد بعيد

تم انتقاء الأساتذة واحداً بواحد ، فأكرمنا الله عز وجل بخيرة وصفوة الأساتذة في كل مادة

سواء كانت علمية أو أدبية .. وكله بفضل الله

وقد أستثني منهم أستاذ الرياضيات (الذي لا يوجد أفضل منه ) لكنه لا يحب التدريس

بل يعتمد أكثر ما يعتمد على الدروس الخصوصية

من أراد الدراسة فعليه بالتسجيل عنده في دروسه الخصوصية

والله المستعان (أصلحه الله )

أما التوقيت فالأكيد أنه مضغوط كثيراً (chargé)

لكن عندنا الثلاثاء مساءاً (فارغة ) عكس بعض المدارس

وعندنا ساعة فراغ في كل الأسبوع

ويومين تبدأ فيهما الدراسة على الـ08 وتنتهي على الـ17

ويوم وحيد ندرسه من الـ08الى الـ16

ويوم من الـ08 - 15

الحمد لله الذي تتم بنعمته الصالحات

silver3100

2010-09-13, 17:24

هههههههههههههه يا سيلفر هادا مالبدية راه يطلعلكم فالمورال هههههههههههههه

هههههههههههههههههههههههههه
والله المورال في ال0

أنوار لجين

2010-09-13, 17:35

أووووووووووووووووووووف ما كانش واحد فيكم راهز متفائل هادا هو المشكل واش فيها الحصص بزاف مليحة لينا ياخي و زيد كون نقراو رواحنا مليح ما نستحقو غير للارشاد نتاع الأستاذ و أنا حولوني من كلاصة لي فيها كامل صحاباتي بصح هكدا مليح باش نقدر ندرس و ما نهدروش هههههههههه و نتلقاهم غير في الساحة أما الأساتذة نتاوعنا لاح ختارونا غير الجيدين ..................... على كل حال الحمد لله ما تخلوش أشياء كما هدي تطيحلكم المرال لأنو يأيثر هذا على المادة أيضا ......... عادي كونوا صحاب قلوب كبار تقبلوا كل شي و توقعوا كل شي

Nour el houda93

2010-09-13, 17:37

سلااااااااااااام حنا حكمنا استاذ علوم رووووووووووووووعة
والفيزياء ثاني مليح
وكل الاساتذة عجبوني
بصح المات تقدر تقول حنا ولي معندهمش استاذ كيف كيف..........ربي يجيب

وفاء بنت الاسلام

2010-09-13, 17:44

السلام عليكم و رحمة الله و بركاته
اليوم تعرفنا على أساتذتنا تع العلوم و الفيزيك و الأدب و الفلسفة و قاع ملاح الحمد لله...
بالنسبة للتوقيت عدنا كل يوم ندخلو ال8 نخرجو ال12 و من بعد ندخلو ال1 و 20 نخرجو ال4و نص ما عدا يوم الأحد اللي نخرجو ال11
يعني غير ساعة فراغ و نقرو الاثنيني و الخميش العشية
c tout بالنسبة لي

loujayne.r

2010-09-13, 18:33

انا ندخل الاسبوع القادم ديما هاك علاخاطر الاسبوع الاول تقريبا تعارف برك
حتى التسجيل ومزال مبداش عندنا

ميس الجزائر

2010-09-13, 18:48

مرحتش كامل صحبتي هي لي قلتلي الاساتدة نتاعنا كااااااااااااااااااااااااااااااااااااااااااااااااا اااااااااارثة ولا واحد يفرح القسم لخر عطول غير الاساتدة لملاح
والله مني عارفة نبدل القسم ولا نقعد فهد القسم عل خطر فيه صاحبتي الي تعاوني بزاف فقرايتي
ربي يجيب الي فيه الخير

bac 2011

2010-09-13, 19:00

انا المورال راهو فالزيرو البرنامج معمر للخر من 8 ل12ومن2 ل 5 وزيد الشيوخة لي طحت عندهم تاع الفزيك هو نفسو تاع هاد العام مش مليح خلاص و بصح الشيخة تاع المات و الكهرباء فور خلاص
انا بلوكاتني الشيخة تاع المت عطاتنا تمارين من الكتاب و قاتلنا حلوهم باه غدوا نديرو التصحيح و نبداو الدروس راني ندمت كي رحت

الساعية الى التفوق

2010-09-13, 19:34

السلام عليكم و رحمة الله تعالى و بركاته
انني ارى الردود في اوقات مبكرة . واش ما قريتوش و اللا راكو تزرطيوا ؟ امزح معكم فقط .
بالنسبة لي اليوم تفاجات تقولوا كانوا يقسموا على حسابي ما طيحوا حتى وحدة من صحاباتي معايا بصح مش مشكل الحمد لله عل كل شيء . بالنسبة للاساتذة شفت زوج برك وحده نتاع الانجليزية قراتنا العام اللي فات و اللي قبله و الثاني نتاع العلوم الطبيعية ( هذا صعيب بزاف و ينشع نورمال بصح الحق الحق يعرف يقري تبارك الله و هذا هو المهم ).
تبالي غدوة عندنا تقويم تشخيصي في الرياضيات و الله اعلم و العلوم الحصة القادمة مع انو الاستاذ كان ناوي يديرهولنا اليوم بصح شفيناه عل حساب ما كان يقول . فيما يخص البقية الله يستر برك ربي يجعله خير ان شاء سبحانه و تعالى . و اليوم مين جيت من القراية بعد ما قمت باموري الضرورية رحت نراجع من اجل الفرض نتاع غدوة و هذا وين فضيت و لازمني نزيد نراجع ( دعولي و ما تنساونيش ) .
دمتم في رعاية الله و حفظه و بالتوفيق للجميع ان شاء الله تعالى .

wafaa bel

2010-09-13, 20:14

السلام عليكم

كان الدخول مليح الحمد لله

شفنا برك اساتذة الفيزياء والعلوم وهوما احسن اساتذة بالثانوية

يصع في العشية خرجونا وما شفنا حتى استاد

القايمة

2010-09-13, 20:21

حنا حكمنا استاذ فزياء مليح مي الرياضيات والعلوم ربي يجيب خلات علينا وخلينا من البرنامج شارجي حتى الثلاثاء المساء نقراو
والتوزيع تاعو ماكان حطولنا الرياضيات المساء

asma1856

2010-09-13, 20:29

اااااااااااااااااه هنا ليوم قرينا مليح و بدا الجد

aminata.i

2010-09-13, 21:18

salam akhi mhamed nchallh rk bkhir
hhhh wakila sna rayah tahbal m3a soukria hatta ana manich ahabba nroh nakra khlas
nchallh rabi ykon fel3oun allh yanjahna kamlin

maya_dz

2010-09-13, 22:06

انا الحمد لله كل الاساتذة من احسن ما يكون خاصة اساتذة المواد العلمية و هذا الاهم.......في ثانويتنا هناك قسم واحد 3عت و هو مكتظ اكثر من 40 تلميذ ارجو ان لا يؤثر هذا على السير الحسن للدروس.....بالنسبة للتوقيت فهو مكتظ اغلب الايام من 8سا الى 17.30سا ماعدا الثلاثاء من 8 ال 12 .....بالتوفيق للجميع ان شاء الله...

أَبُو رَُئَيـــــــــــــــــــــــْمْ

2010-09-14, 12:19

salam akhi mhamed nchallh rk bkhir
hhhh wakila sna rayah tahbal m3a soukria hatta ana manich ahabba nroh nakra khlas
nchallh rabi ykon fel3oun allh yanjahna kamlin
:mh31: salam amina çava ana ani bien hmd

mais fi kraya wa allah ghir ani kareh surtout ki arafte bli soukria:mad: hekmna fi math

et nchallh dir l'ètude

imad cabiste

2010-09-14, 12:34

بالنسبة للدراسة كاين لي راح يبدالنا من غدوا وكاين لي يبدا السمانة الجاية
اما الاساتذة شوي شوي كاين لملاح بزاف وكاين لي راح نسوفريو معاهم
التوقيت تاعي لاباس بيه
الصباح ديما من 8 الى 12
العشية الاحد من 1:30 الى 4:30
الاثنين من 1:30 الى 3:30
الثلاثاء مانقراوش لعشية
الاربعاء من 1:30 الى 4:30
الخميس من 1:30 الى 3:30
وبالتوفيق للجميع

silver3100

2010-09-14, 13:13

123viva l algerie

2010-09-14, 15:07

pfffffffffffffffffffffffffffffffffffffffffffffffff fff

صماطة من اليوم الول كرهت صحبتي لعزيزة رحلت وخلتني وحدي
استاذة الرياضيات مع البداية تمارين مراجعة وانا نسيت كلش الله يستر من هذ العام برك

منيش عارفة منين نبدا راني كارهة

جاو 7 في القسم ولعشيا مكانش قراية

خدووجة

2010-09-14, 17:16

Flood_x12

2010-09-14, 17:36

تريد الصراحة ؟؟
دخلنا و نحن لم ندخل بعد و الواضح أننا لن ندخل إلا بعد أن تستقيل لم و لن من ساحة الأدب العربي ,,,

حلهاا انتا

وفـــــاء

2010-09-14, 18:55

لحد الان شفنا استاذ المات و العلوم و الاساتذة لخرين مازال مي علا حساب التحقيقات لي داروها التلاميذ هههه غادي هاد لعام يكون مليح و الاساتذة فووور و 20 تلميذ في القسم ان شاء الله رانا رابحيييييييين

سلام عليكم
اخلايا 20 تلميذ اواه ...لاه كاين قسم فيه 20 في الجزائر ..وييي دينا الاستقلال
حنا 43 وقالك لاكاديمي تاعنا باغ-ية تزيد ههههههههههههههههه قسمنا ملحمة تاريخية

miley9

2010-09-14, 19:28

it was sucks everything sucks teachers ,students ,....etc

أَبُو رَُئَيـــــــــــــــــــــــْمْ

2010-09-14, 21:24

تريد الصراحة ؟؟
دخلنا و نحن لم ندخل بعد و الواضح أننا لن ندخل إلا بعد أن تستقيل لم و لن من ساحة الأدب العربي ,,,

حلهاا انتا
انا حاولت مي لقيتها معادلة ليس لها حلول ( )ههههههههههه

امين الاسلام

2010-09-14, 21:55

انا الحمد لله طاحفينا اتساد فيزاء روعة ورانا نستناو في البقية

تابتي

2010-09-15, 15:41

حنا لحد الان مادخلش عدنا ولا استاد بلاك السمانة الجاية بصح قسمونا غاية رانا 24 تلميذ في قسمنا

الساعية الى التفوق

2010-09-15, 17:29

سلام عليكم
اخلايا 20 تلميذ اواه ...لاه كاين قسم فيه 20 في الجزائر ..وييي دينا الاستقلال
حنا 43 وقالك لاكاديمي تاعنا باغ-ية تزيد ههههههههههههههههه قسمنا ملحمة تاريخية
و عليكم السلام و رحمة الله تعالى و بركاته
اختي راكي بصح 43 في القسم ؟ سمحيلي هذه نسميها كارثة ربي يكون في عونكم حنا الحمد لله 22 و اللا 23 هذا ماكان .اتمنى التوفيق للجميع