الشوق و الغربة هدوني

[المحقق13]

السلام عليكم يا اخواني
هذي القصيدة باللهجة الجزائرية


بالله عليك يا الطالب اذا تقدر
شوفلي كاش دوا داويني
والفتها ماقدرت نصبر
و غرامها طاح عليا مضاني
كل ليلة و على ضوئ القمر
نشوف صورتها تدمع عيني
هذا عام ماهوش غير شهر
كيفاش يفوت انا فهمني
الكلام راح ما نقدر نعبر
و حتى المنام عاد يهرب مني
نبات طول اليل صاهر
و صورتها ما تفارق عيني
طول الوقت عقلي مودر
نخمم فيها وقتاش تلقاني
بالله عليك ماقدرت نصبر
ادعيلي ربي يفرج عني
الغربة صعيبة تكسر الحجر
واش يدير القلب لحنين يا عيني
توحشتها ماقدرت نصبر
بالله عليك يا الشيخ واجبني
بعيد وحدي في الغربة مكسر
لاحبيب لاوالي لامن يواسيني
وحدي وحيد في ذا البلاد محير
من غيرها انا شكون يتفكرني
حبيبتي هي الحياة و هي العمر
كلمة واحدة من صوتها تحيني
يا الريم انا مانيش قادر
انت حياتي و عمري نجيني
راني نتعذب و قلبي محرحر
وقتاش نرجع لعندك وتضميني
ضمة ما تتنساش طول العمر
و خلي الموت بعدها تديني
انت الحياة و انت العمر
و انا بلابيك ماني هاني


تحياتي اليك يا عمري

بقلم حنونك ابراهيم

لا تبخلو علينا يا اعزائي
بتعليقاتكم فنحن بحاجة اليها
وشكراااااااااااااااااااااااا

[ميديا نور]

شكرا اخي على الكلمات المعبرة وعلى الشوق اللي نتمنى يكون صادق

[fatimazahra2011]

http://www.samysoft.net/forumim/slambasmla/123g.gif



http://www.nsaayat.com/up/uploads/nsaayatdedcb63295.gif


http://img43.imageshack.us/img43/2808/38612.gif


http://img5.imageshack.us/img5/4576/99136.gif

[فريدرامي]

http://up.bentvip.com/up/20090712110157.gif