شكون راح يدير اعفاء في sport

[°واحد من الناس °]

السلام عليكم ورحمة الله وبركاته
للبعض تبان نقطة مساعدة
واحد يقول انا نجيب معدل 12 وندي 18 في باك sport
يقول تساعدني
واحد حاب يجيب افضل معدل يقلك هي ديرلي ظغط وتهبطلي في معدلي




وانت وش تقوووووول ؟؟

[hasna21]

أنا جوزت الباك العام لي فات رحت درت اعفاء في الأخير لقيت الناس الكل ضربت 18 و 19 طلعلتلهم المعدل والله ندمت عجب
أنا في رايي sport طلع المعدل والله تساعد وانت شوف

[kader7989]

انا نحب السبورت و عندي السبورت مادة مساعدة و ساهلة

مشكووور شريكي على الموضوع

[نونسا]

مرحبا، أنا راح ندير إعفاء، مالعبتش زوز العوام اللي فاتو، رجلي مريضة، و هاذ العام راني خايفة الطبيب ما يمدليش الشهادة الطبية، المهم، ما نظنش يهبطلي معدلي، أنا غدوة رايحة نسجل و راهم خلطولنا القسمين الأدبيين، خايفة ما نطيحش مع صحاباتي، راني مقلقة هاذ الليلة ما قدرتش ندير حتى حاجة. أوف! ساعدوني

[oussama-dz]

هي مادة مساعدة أكثر منها معيقة
تزيد في النقاط لأنو ماكانش الي يدّي أقل من 17 في الباك سبورتيف

[ريم الفيفاء]

انا نقول باللي بلا sport مانقدرش نقرا لازم نديرو هو اللي ينحي عليا الضغط تع لقراية بزاف
و لوكان مايكونش سبب اجباري يحتم عليا ندير اعفاء مانديروش
مشكور على الموضوع

[❀ بَسْمَةْ أَمَلْ ❀]

اذا تاخذو رايي غير مديروش اعفاء علي خاطر نظن بلي النقطة التالية هي 15 ورايحة تزيدلك في المعدل وانتما احرار

[°واحد من الناس °]

مرحبا، أنا راح ندير إعفاء، مالعبتش زوز العوام اللي فاتو، رجلي مريضة، و هاذ العام راني خايفة الطبيب ما يمدليش الشهادة الطبية، المهم، ما نظنش يهبطلي معدلي، أنا غدوة رايحة نسجل و راهم خلطولنا القسمين الأدبيين، خايفة ما نطيحش مع صحاباتي، راني مقلقة هاذ الليلة ما قدرتش ندير حتى حاجة. أوف! ساعدوني

اختي صلي صلاة استخارة

واحسني الظن بربي

وادعي سيرتو هذا اليوم لخر ننتاع رمضان

[°واحد من الناس °]

مهما يكون نظن غير كيف كيف بالنسبة ليا حتى لو 5 نقاطي زايدة راح تزيد 0.1


وانا واحد من الناس لباس في sport

رمي الجلة ولاقفز ومام سباق السرعة



مي للاسف عندي كسر سابق من يدي واوبيراسيون

ويكسرلي الهم نتاع راسي

ايا نشوف بلاك ندير اعفاء في الباك برك

ولا على لاشاهدة الطبية

ساهلة

[رحاب بن عودة]

أنا درت إعفاء في العامين اللي فاتو ، و واقيلا رايحة نديرو هاذ العام تاني
على خاطر أنا راني مدايرة حجاب طويل و مانقدرش نحيه على جال السبور
و ما نيش عارفة ، ما زالني نشاور في روحي

[theorthopidique]

انا رايحة ندير علخاطر عندي بزاف ملعبتش مدرتش في العامين هذو لفاتو نكمل وخلاص

[*سلامة*]

واش نقولكم الرياضة مليحة للي يحبها على الاقل تنحي الضغط اما الي مابحبهاش فلاداعي تزيدلو غير الهم مايديرهاش خير يستفاد في وقتها يقرا ولا يريح

بالتوفيق للجميع

[Nour el houda93]

انا منحبش مادة السبور خلاااااااااااااااص
بصح لازم نحتمها هدا العام .........ان شاء الله تطلعلنا المعدل

[الفلاح المحترف]

أنا درت إعفاء في العامين اللي فاتو ، و واقيلا رايحة نديرو هاذ العام تاني
على خاطر أنا راني مدايرة حجاب طويل و مانقدرش نحيه على جال السبور
و ما نيش عارفة ، ما زالني نشاور في روحي

السلام عليكم
صحا فطوركم
بارك الله فيك رحاب وجزاك خيرا
لكن اظن حاولي كيف تجمعين بين هذا وذاك لان في الرياضة لا يوجد اقل من 17 و 18 وهي نقاط مساعدة خصوصا لطالبة مثلك
مجرد راي

[الفلاح المحترف]

نموووووووووووت على السبور

[Nour el houda93]

انا منحبش مادة السبور خلاااااااااااااااص
بصح لازم نحتمها هدا العام .........ان شاء الله تطلعلنا المعدل

[°واحد من الناس °]

واش نقولكم الرياضة مليحة للي يحبها على الاقل تنحي الضغط اما الي مابحبهاش فلاداعي تزيدلو غير الهم مايديرهاش خير يستفاد في وقتها يقرا ولا يريح

بالتوفيق للجميع


الاخت سلامة

20 نضمنوها بخدمتنا في sport
مي شوي كسر في يدي من العام لي فات

على جرة bsb
ايه صح وشكون خير من sport

غير هو لي ينحي الظغط

مي الله غالب

بلاك ندير اعفاء

اي مخلطة

[°واحد من الناس °]

انا منحبش مادة السبور خلاااااااااااااااص
بصح لازم نحتمها هدا العام .........ان شاء الله تطلعلنا المعدل


اذا من جماعة 15 واهبط ديريها تطلعلك المعدل

وعادي

قفز طويل رمي الجلة
وسباق السرعة

وزيد مش راح يمدولك تحت 15

[maissa38]

أنا مانيش رايحة ندير سبوووور هاد العام ..... عندي 5 سنين ملعبتش في جال الحجاب .... و هدا العام ان شاء الله تاني منديروش حتى لو عاودت الباك على جالو

[°واحد من الناس °]

ايه اعفاااء عادي اختي على جال الحجاب

[رحاب بن عودة]

السلام عليكم
صحا فطوركم
بارك الله فيك رحاب وجزاك خيرا
لكن اظن حاولي كيف تجمعين بين هذا وذاك لان في الرياضة لا يوجد اقل من 17 و 18 وهي نقاط مساعدة خصوصا لطالبة مثلك
مجرد راي

صح فطورك حكيم
والله لازلت محتارة بين الإعفاء و لعب الرياضة
أختي تنصحني بلعبها و أمي تركت لي الخيار بين هذا و ذاك
أعرف أن نقاطها مساعدة ، لكن المشكلة أنني لم ألعبها في السنوات الماضية وهذا ما جعلني أكرهها
لكن ربما قررت أنني لن ألعبها ، و سأترك الباقي على المولى سبحانه و تعالى ثم مجهوداتي الخاصة في باقي المواد
دمت بـــود

[✗ ┋ وَړْﮃَةُ آلـﭴَزآئـړْ ┋ ✗]

أنا من السنة الأولى متوسط ما درتش سبور خلاص
عندي سوفل في قلبي كي سقسيت قالولي ما ديريش خلاص سبور
بصح العام اللي فات قبل الدخول المدرسي رجعت للطبيب قالي لازم ديري السبور راهو مليح لقلبك
ومع أنو شحال من عام ما درتش بصح لقيت روحي العام اللي فات وجبت مليح
الثلاثي الأول جبت 17 والثلاثي الثالث جبت 19
وتع الباك ما كانش تحت 17 كاين بنات موالفين يجيبو 16 أو 17 في السبور في الباك جابو في السبور 19 و 20
قررت حتى العام هذا نديرو كاعاد يطلع المعدل

[°واحد من الناس °]

ايه هي اذيك لي خلاص القفز تجيب فيه 1 m
يعطوها 15


ان شاء الله موفقة الاخت وردة

[✗ ┋ وَړْﮃَةُ آلـﭴَزآئـړْ ┋ ✗]

ايه هي اذيك لي خلاص القفز تجيب فيه 1 m
يعطوها 15


ان شاء الله موفقة الاخت وردة

آمين أخي ويوفقك انت تاني
ههههه بصح الأستاذ تاعنا تع السبور صعيب بزاف ما يمدش النقاط كيما فالباك يمد على حساب واحد الجدول
بصح الحمد لله أنا القفز نجيب 3.50 متر فأكثر
الجلة ما علاباليش مازال ما لعبناهاش قالنا العام هذا إن شاء الله نخدموها
بصح والله السبور يعاون أنا ندمت كي ما درتش في شهادة التعليم المتوسط

[°واحد من الناس °]

زعما 19 عندو اكي فووور


بيزار

ليسي وميديرولكمش الجلة

نورمالمو هي الاولى

على العموم اختي

خممي مع روحك مليح لي تخرجك دريها

[أَبُو رَُئَيـــــــــــــــــــــــْمْ]

يا خويا انا ما نقدرش نقرا بلا ما ندير sports

[حــوراء]

صح فطورك حكيم
والله لازلت محتارة بين الإعفاء و لعب الرياضة
أختي تنصحني بلعبها و أمي تركت لي الخيار بين هذا و ذاك
أعرف أن نقاطها مساعدة ، لكن المشكلة أنني لم ألعبها في السنوات الماضية وهذا ما جعلني أكرهها
لكن ربما قررت أنني لن ألعبها ، و سأترك الباقي على المولى سبحانه و تعالى ثم مجهوداتي الخاصة في باقي المواد
دمت بـــود

رحاب ، من ترك شيئا لله عوّضه الله خيرا منه ، أنتِ متستّرة و لله الحمد بحجاب شرعي ، أتمّي سترك هذه السّنة أيضا
بالنسبة للعلامة في الباكالوريا ترفع المعدّل إذا كان الشخص ضعيفا في أغلب المواد يعني معدّله 12 ، 13 ، 14 ، أمّا إذا كان مستواه جيّد فستنقص من معدّله
لم أقم بالرياضة من السّنة الأولى متوسّط ، و لله الحمد ، المعدّل جيّد ، و عند حسابه بوضع علامة افتراضية للرياضة ، ينخفض المعدّل ، امتناعي عن الرّياضة : الّباس الشّرعي .

نصيحة منّي : اسعي للحصول على إعفاء ، و لا تفكّري البتّة في الرياضة . نصيحة من محبّة ناصحة

،

بالنّسبة للبقيّة : من كان يستطيع ممارسة االرّياضة ، و ليس لديه عذر شرعي و لا بدني فمن الأفضل أن لا يقدّم إعفاءً
الرياضة مفيدة من جوانب متعددة حتّى و إن كانت لمدّة ساعتين في الأسبوع ، تنشيط للعقل و تهيئة للبدن ، و مع انشغال الطّالب في هذه السّنة بالمذاكرة و و و ، فلن يكون لديه وقت خارج عن الدّراسة لممارسة شيء ما ، فمدّة ساعتين في الثانويّة قد تغطّي الأمر ، و اما عن العلامة ، فلا يهمّكم الأمر مادّة معاملها 1 ، إذا أضافت فلن تضيف الكثير و إذا أخفضت فلن تخفض الكثير أيضا ، اجتهدوا في المواد الأخرى ، كلٌّ حسَب شعبته

استعينوا بالله ،

وفّقكم الإله و أسعدكم ()

[صــFCBــلاح]

أنا نقول بلي سبور مادة المفضلة لي
راني نستنى فيها بفارغ الصبر
وبالنسبة لي للمعدل راها مادة مساعدة جدا في رفع المعدل
نوصيكم ألعبوها متندموش

[رحاب بن عودة]

رحاب ، من ترك شيئا لله عوّضه الله خيرا منه ، أنتِ متستّرة و لله الحمد بحجاب شرعي ، أتمّي سترك هذه السّنة أيضا
بالنسبة للعلامة في الباكالوريا ترفع المعدّل إذا كان الشخص ضعيفا في أغلب المواد يعني معدّله 12 ، 13 ، 14 ، أمّا إذا كان مستواه جيّد فستنقص من معدّله
لم أقم بالرياضة من السّنة الأولى متوسّط ، و لله الحمد ، المعدّل جيّد ، و عند حسابه بوضع علامة افتراضية للرياضة ، ينخفض المعدّل ، امتناعي عن الرّياضة : الّباس الشّرعي .

نصيحة منّي : اسعي للحصول على إعفاء ، و لا تفكّري البتّة في الرياضة . نصيحة من محبّة ناصحة

،

بالنّسبة للبقيّة : من كان يستطيع ممارسة االرّياضة ، و ليس لديه عذر شرعي و لا بدني فمن الأفضل أن لا يقدّم إعفاءً
الرياضة مفيدة من جوانب متعددة حتّى و إن كانت لمدّة ساعتين في الأسبوع ، تنشيط للعقل و تهيئة للبدن ، و مع انشغال الطّالب في هذه السّنة بالمذاكرة و و و ، فلن يكون لديه وقت خارج عن الدّراسة لممارسة شيء ما ، فمدّة ساعتين في الثانويّة قد تغطّي الأمر ، و اما عن العلامة ، فلا يهمّكم الأمر مادّة معاملها 1 ، إذا أضافت فلن تضيف الكثير و إذا أخفضت فلن تخفض الكثير أيضا ، اجتهدوا في المواد الأخرى ، كلٌّ حسَب شعبته

استعينوا بالله ،

وفّقكم الإله و أسعدكم ()

جزاك الله خيراً على النصيحـة أختي
والله أنا مستواي ممتاز و الحمد لله ، معدلاتي الفصلية لا تنزل عن 17.50 و تصل إلى ما بعد 18 ولله الحمد
وأنا لا أعتمد على نقطة الرياضة أبداً لتحسين معدلاتي ، لذلك قررت أن أواصل المسيرة ذاتها ، وإن شاء الله لن ألعب الرياضة في البكالوريا ، لقد قررت
دمت في حفظ المولى عز و جل

[طاهيري فتيحة]

أناااااااااااااااا مانديرش الإعفاء

[°واحد من الناس °]

او يا الاخت حوراء

رانا نهدرو على الباك

مش على العام كلو

كيما

انا ندير اعفاء غير للباك

والعام نقرا عادي

[الساعية الى التفوق]

السلام عليكم و رحمة الله تعالى و بركاته
بالنسبة لي لم العب الرياضة منذ الرابعة متوسط اي انني لم اجتز امتحان الرياضة لشهادة التعليم الاساسي لظروف صحية و هذا العام اتمنى ان استطيع اللعب باذن الله . بصرف النظر عن النقطة و كم ستكون
دمتم في رعاية الله و حفظه

[°واحد من الناس °]

موفقة اختي ان شاء الله

[الساعية الى التفوق]

امين يا رب
اسال الله التوفيق لنا جميعا

[°واحد من الناس °]

آآآآآآآآآآآآآآآآميــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــن

[موسى15]

اااااااااااااااااااااااااااااااوه نونو جامي الرياضة نسمح فيها

علابالك بلي تساعدك وزيد متخافش كامل لأنوا الرياضة راهي حاجة مليحة علابالي راك قاصد غير على الباك مي نزيدلك شويا من معلوماتك.صح ان شاء الله السنة الباك مي على حساب التفكير تاعي انا نقول نفوت الباك سبور باه تكون بوابة الباك بالنسبة ليا ونتعود على الجو تاع الباك ومنها الباك يبور ساهل فيها شويا عقبات وراهم غير يسهلو ويتساهلوا ايه تكون خبر مليح وبلاك تنحل عقدة الخوف لي بلاك تكون ساكنه في اي واحد من الطلبة


وان شاء الله كامل ندوا الباك بالمناسبة الباك حاجة ساهلة مي مش غير باللسان كيما يقولو مكاش حاجة صعيبة بصح مهما تكون صعيبة متكونش حاجة مستحيلة.صح فيها تعب وقرايا وجد وكد............................................... .....وفي الاخير يكون النجاح فرحة كبيرة لكل العائلة وكل الناس لي تحبك وبهذي الفرحة التعب ان شاء الله كامل يتنسى.


نقول ان شاء الله تكون الرسالة تاعي لحقت


ايا هي تهلاو في رواحكم مع كل تمنيات النجاح



تحياتي موسى15

[°واحد من الناس °]

اك مفارستهاليش الsms ديالك

لانو خلاصلك لكريدي

ههههههه


مشكور الاخ

[loujayne.r]

طبعا ندير اعفاء عندي سنين ملعبتش سبور ومنحبوش

[°واحد من الناس °]

طبعا ندير اعفاء عندي سنين ملعبتش سبور ومنحبوش


غريب معظم بنات المنتدى

دايرات اعفاء ابدي للsport

[ahlam.lucky]

انا ندير السبور لانه يطلع في المعدل و من جهة خلاف مليح يتنحالنا شوية ضغط و نحيو على بالنا

[RAYANE22]

انا السبور نحبو و يساعدني ما نقدرش نقرى بلا سبور

[°واحد من الناس °]

انا ندير السبور لانه يطلع في المعدل و من جهة خلاف مليح يتنحالنا شوية ضغط و نحيو على بالنا


موفقة احلام

انا يديرلي الظغط نحب سمانة قبل الباك نرقدها كامل
24/24 سا
هههههههه


بلاك كشما نحلم بسوجي ولا كاتش دي كاستيون

ههههههههه

[ahlam.lucky]

موفقة احلام

انا يديرلي الظغط نحب سمانة قبل الباك نرقدها كامل
24/24 سا
هههههههه


بلاك كشما نحلم بسوجي ولا كاتش دي كاستيون

ههههههههه


لكان حلمت ب les sujets قولنا معاك بلاك تنسانا
بصح و الله منكدب عليك des fois في les moments تاع الامتحانات و كي نتقلق بزاف نولي نحلم ب les sujets بصح الله غالب كي نفطن ننساهم

[°واحد من الناس °]

اذا كانو نتاع المواد الادبية اني نقلكم واذا كانو نتاع المواد العلمية
غير وليد المعرفة يصحلو معايا

ههههههههه

مليح اذا تتفكري وتنساي
انا لي نحفظو ننساه

ههه