شكون سجل في الثانوية

[samora28]

سلام عليكم حبيت نسقسيكم شكون سجل في الثانوية و لي سجل مادابيه يقلنا واش طلبولوا كامل و شحال دراهم :mh31:

[°واحد من الناس °]

عيطتلي وحدة تقرا معايا البارح
باباها مسؤول ولا معلاباليش
وقاتلي
16 الف
2 فطوات
وشهادة ميلاد اصلية

هاذي نتاع الدخلة كاي مرة


مي دوسي نتاع الباك مزال الحال عليه

مي انا بلاك حتة ل 20 باش نروح

الاسبوع الاول منقدرش نروح

[theorthopidique]

انا سجلت اليوم الوثائق هي
2شهداة ميلاد اصلية
4 صور شمسية
وحقوق التمدرس5الاف
هذو هوما

[°واحد من الناس °]

انا سجلت اليوم الوثائق هي
2شهداة ميلاد اصلية
4 صور شمسية
وحقوق التمدرس5الاف
هذو هوما



وعلاش زعما مقلوبة احنا 16 ونتوما 5

صافي

11 الف نتاع فليكسي


وانا ذرك شهادة ميلاد اصلية منين نجيبها

انا في واد ووين زدت في واد في لخر نتاع الدنيا

[الفلاح المحترف]

غدا ان شاء الله
2 صور
شهادة ميلاد
235.00 دج

[°واحد من الناس °]

غدا ان شاء الله
2 صور
شهادة ميلاد
235.00 دج


كون جينا مع الاخت

في سطيف

5 الاف خير

نتوما خويا حاكيم

ام حابين يبنيو ديار على ظهوركم

هههههههههه

[theorthopidique]

وعلاش زعما مقلوبة احنا 16 ونتوما 5

صافي

11 الف نتاع فليكسي


وانا ذرك شهادة ميلاد اصلية منين نجيبها

انا في واد ووين زدت في واد في لخر نتاع الدنيا
16 كاملة لاه؟؟؟؟؟؟؟؟؟؟
بلاك عندكم جمعية اولياء التلاميد ولا كاش عفسة حنا معندناش
وشهادة الميلاد لازم الاصلية راهم دارو وحدة جديدة تخرج وحدة برك وين تروح تديها معاك بلا متضال تخرج هذي مليحة ليك باه متضالش تروح اخر تاع الدنيا باه تخرجها

[°واحد من الناس °]

اه صح

قتلك فيها افار فيليكسي

هههههههه
عندي لا كارت اذا مقبلوش دبراسهم

نقدر نروح حتى ليوم باش نخرجهم

مي كاين ظروف ممكن حتى منروحش سمانة الاولى نقرا



ياو احنا 16 الف

وصاحبنا حكيم

24 الف هاذو عفايس مش عفسة برك

[الجوهرة السوداء]

السلام عليكم و رحمة الله و بركاته ..
بالنسبة لي كان اليوم هو يوم التسجيل عندنا "ولاية سطيف"
الوثائق كانت كالتالي :
2 شهادات ميلاد أصلية
4 صور شمسية
و حقوق التمدرس 80دج "8000 فرنك "(حقوقالتسجيل 55دج و دفتر المراسلة 25دج )
هذا ماكن ..

[الجوهرة السوداء]

مرحبا نورهان ..
واش يظهرلي رجعتي في رايك و قررت تروحي للتسجيل ..
على الارجح أنا من دفعك لذلك ..
امزح فقط ..

[°واحد من الناس °]

العام لي فات دخلت روطار المراقب دا عليا غير السوارد

لا فطوات لا حتى حاجة اخرى

وهاذا العام نشوفو كيفاش

[theorthopidique]

مرحبا نورهان ..
واش يظهرلي رجعتي في رايك و قررت تروحي للتسجيل ..
على الارجح أنا من دفعك لذلك ..
امزح فقط ..
اهلا يسرى
لالا مرجعتش في راي ههههه
بابا لراح سجلني وجابلي كلش القسم وكلش
راني خايفة شوية طحت في قسم تاع العام لفات اخر قسم غير تاع طوايش انا وعداوني وعدت مشاغبة
العام لفات ماقريت ماوالو كنا منحبوش نحظروا حصة منروحولهاش
اصلا كنا اخر قسم الاساتذة لماش ملاح كامل يمدهملنا بصح التلاميذ غير المجتاهدين فيه يعني الاجتهاد والمشاغبة
خايفة تاني يصرا هكذا السنة

[الجوهرة السوداء]

العام لي فات دخلت روطار المراقب دا عليا غير السوارد

لا فطوات لا حتى حاجة اخرى

وهاذا العام نشوفو كيفاش

أخي ممكن نعرف من أي ولاية أنت ؟؟
حنا ماعندناش خلاصهاذ الحكايات تاع الدراهم و لعفايس اللي راك تحكي عليهم ..
عايشين في رحمة ربي ..

[°واحد من الناس °]

أخي ممكن نعرف من أي ولاية أنت ؟؟
حنا ماعندناش خلاصهاذ الحكايات تاع الدراهم و لعفايس اللي راك تحكي عليهم ..
عايشين في رحمة ربي ..

اه اه

وين راح ظنك اختي

دراهم قصدي نتاع تسجال

ودزاير اكل مكانش العفسة نتاع دراهم لي اك تحكي عنهم

قصدي مطلبش مني الفطوات ولا حوايج اخرى

وانتوما عايشين في رحمة ربي لاه حنا وين عايشين

[الجوهرة السوداء]

اه اه

وين راح ظنك اختي

دراهم قصدي نتاع تسجال

ودزاير اكل مكانش العفسة نتاع دراهم لي اك تحكي عنهم

قصدي مطلبش مني الفطوات ولا حوايج اخرى

وانتوما عايشين في رحمة ربي لاه حنا وين عايشين

اسمحلي ..مي مافهمتنيش مررررررة ..
استسمحك عذرا أخي .كان من المفروض ألاّ أتحدث مطلقا ..
لو علمت أنك ستسيءالفهم ما تفوهت ببنت شفى ..

[°واحد من الناس °]

اياياي

الاخت

مشي لمرة الاولى لي تتفهوي على نفسك بكلمات كيما هذيك
ننصح اختي متهدريش على نفسك هذيك

قصدي على كلمة غبية



اه معليش اذا انتي اسئتي بيا الظن عادي
مسامحك
واذا انا مفهمتكش نظن عادي مش راح يصرا اي مشكل



حاجة صيرة

متخليهاش تكبر الاخت

[رحاب بن عودة]

التســجيل عندنا إداري تلـــقائي ، لا نذهب إلا يوم الدخول المدرسي و يطلب منا دفع المستحقات العادية ككل سنة و الخاصة بالبكالوريا
تمنياتي لكم كل التوفيق

[طاهيري فتيحة]

اهلا يسرى
لالا مرجعتش في راي ههههه
بابا لراح سجلني وجابلي كلش القسم وكلش
راني خايفة شوية طحت في قسم تاع العام لفات اخر قسم غير تاع طوايش انا وعداوني وعدت مشاغبة
العام لفات ماقريت ماوالو كنا منحبوش نحظروا حصة منروحولهاش
اصلا كنا اخر قسم الاساتذة لماش ملاح كامل يمدهملنا بصح التلاميذ غير المجتاهدين فيه يعني الاجتهاد والمشاغبة
خايفة تاني يصرا هكذا السنة

أنا كيما أنت أختي فقط نختلفوا في القسم بالعكس طحت في القسم إلي نحوس عليه ’ أختي إدا كان القسم ماشي مليح غير تبدلي اليوم قبل غدوة على خاطر هدا العام الباكالوريا مكاين حتى واحد ينفعك غير روحك

[الفلاح المحترف]

السلام عليكم و رحمة الله و بركاته ..
بالنسبة لي كان اليوم هو يوم التسجيل عندنا "ولاية سطيف"
الوثائق كانت كالتالي :
2 شهادات ميلاد أصلية
4 صور شمسية
و حقوق التمدرس 80دج "8000 فرنك "(حقوقالتسجيل 55دج و دفتر المراسلة 25دج )
هذا ماكن ..

أظن انني سانتقل للدراسة في سطيف

[الفلاح المحترف]

التســجيل عندنا إداري تلـــقائي ، لا نذهب إلا يوم الدخول المدرسي و يطلب منا دفع المستحقات العادية ككل سنة و الخاصة بالبكالوريا
تمنياتي لكم كل التوفيق

السلام عليكم
لم اسمع بهذا التسجيل من قبل
انت محظوظون

[theorthopidique]

أنا كيما أنت أختي فقط نختلفوا في القسم بالعكس طحت في القسم إلي نحوس عليه ’ أختي إدا كان القسم ماشي مليح غير تبدلي اليوم قبل غدوة على خاطر هدا العام الباكالوريا مكاين حتى واحد ينفعك غير روحك
والله كنت العام لفات نحوس نبدل بصح قالولي ممنوع التبديل منعا باتا
وزيد زدت صبرت روحي علخاطر المجتهدين كامل فيه بصح مع نهاية العام لقيت روحي مبدلتش خير علخاطر جرت المشاغبة تمد طعم اخر للدراسة هههههههه السنة ان شاء الله غير قرايا ربي يخليك ختي

[امين الاسلام]

حنا حتى الغدوا نبداو انسجلو

[رحاب بن عودة]

السلام عليكم
لم اسمع بهذا التسجيل من قبل
انت محظوظون

نعم حكيم ، في السابق كان طلاب الثانوية يذهبون للتسجيل بأنفسهم
لكن حدث تعديل في هذه القوانين ، و الإدارة الآن هي من تتكفل بتسجيل تلاميذها في كل عام
هكذا أفضل ، لا وثائق و لا هم يحزنون ، يوم الدخول المدرسي نذهب و نجد كل شيء جاهز
بالتـــوفيق لكم جميعاً

[theorthopidique]

أظن انني سانتقل للدراسة في سطيف
حنا لهنا مكانش بلايص شوف يسرى اذا كاين عندهم بلاصة
ولا نتبادلو حابة نجرب القرايا في ولاية اخرى
نتمسخر اخ حكيم مرحبا بيك

[الفلاح المحترف]

نعم حكيم ، في السابق كان طلاب الثانوية يذهبون للتسجيل بأنفسهم
لكن حدث تعديل في هذه القوانين ، و الإدارة الآن هي من تتكفل بتسجيل تلاميذها في كل عام
هكذا أفضل ، لا وثائق و لا هم يحزنون ، يوم الدخول المدرسي نذهب و نجد كل شيء جاهز
بالتـــوفيق لكم جميعاً

صحيح هكذا افضل من الوثائق - صور بطاقة التعريف- شهادة ميلاد - الجنسية
اتمنى ان يكون هذا العام حافلا بالتوفيق والنجاح للجميع خصوصا انتم رواد هذا المنتدى
good luck

[طاهيري فتيحة]

والله كنت العام لفات نحوس نبدل بصح قالولي ممنوع التبديل منعا باتا
وزيد زدت صبرت روحي علخاطر المجتهدين كامل فيه بصح مع نهاية العام لقيت روحي مبدلتش خير علخاطر جرت المشاغبة تمد طعم اخر للدراسة هههههههه السنة ان شاء الله غير قرايا ربي يخليك ختي

شكرااااااااااااا أختي ربي يوفقنااااااااااا إن شاء الله

[الفلاح المحترف]

حنا لهنا مكانش بلايص شوف يسرى اذا كاين عندهم بلاصة
ولا نتبادلو حابة نجرب القرايا في ولاية اخرى
نتمسخر اخ حكيم مرحبا بيك


هههههههه غير مرحب بي
سانتقل الى ولاية رحاب فالتسجيل هناك تلقائي هكذا افضل :1::1::1:

[*عاشقة الجنة*]

السلام عليكم زملائي

حنا غدوة ان شاء الله نسجلو

نمدو 250.00 دج و صورتان شمسيان

نيالكم يا رحاب متروحو متكسرو ريسانكم

محبيتش اروح مي لازم باه نشوف مع من طحت

[نسيم الجود]

أنا غدا انشاء الله نسجل


4 صور
شهادة ميلاد أصلية
حقوق التسجيل 13 ألف

[theorthopidique]

هههههههه غير مرحب بي
سانتقل الى ولاية رحاب فالتسجيل هناك تلقائي هكذا افضل :1::1::1:
لا كنت امزح فقط مرحبا بك وفي اي وقت تشاء اظنك من ولاية خنشلة ولكن رحاب من اي ولاية؟

[samora28]

يعطيكم الصحة على التفاعل صح فطوركم

[الجوهرة السوداء]

...........

[°واحد من الناس °]

يعيشك وانتي زادا

[رحاب بن عودة]

هههههههه غير مرحب بي
سانتقل الى ولاية رحاب فالتسجيل هناك تلقائي هكذا افضل :1::1::1:

نرحب بك معنا حكيم ، أهلاً و مرحباً بك في أي وقت و أي سنة
والله أمورنا سهلة جداً هنا ، يعني التلاميذ كالسلاطين ، والإدارة هي التي تتكفل بكل شيء
بالطبع ما عدا حقوق التسجيل و ما إلى ذلك من الأمور ، وهي مبالغ رمزية
أهلاً بك معنا و يسعدني أن تكون زميلي في القسم
هناك مكان يتسع لك و لكل طالب قصدنا
دمت بخير

[°واحد من الناس °]

لا أخي من هاذ الناحية اطمن ..
مانيش من النوع الذي يبحث عن المشاكل ولا من النوع الذي يضخم الامور ..
عادي جدا ..أمور مألوفة الحدوث ..
لكن لي أمر أود توضيحه ..
أنا لم أقل اني غبية و لا أسمح أن يقال ذلك عني ..
ثانيا ..و الله العلي العظيم و هو يشهد على ما أقول أني لم أسيء بك الظن مطلقا ..
يظهلي أنت اللي ما فهمتش ..
لكن لا بأس لا علينا ..
لم يزعجني الامر مطلقا ..
استسمحك عذرا أخي ..
و عذرا على الازعاج ..


للمرة الثانية سؤء تفاهم بيننا

حسنا اختي

لا مشكل

لا يوجد شيء

اوكي

واذا حسيتي بكاش كلمة مش مليحة مني je suis désolé

[الجوهرة السوداء]

أظن انني سانتقل للدراسة في سطيف

على الرحب و السعة أخ حكيم ..
انت مرحب بك في كل وقت ..
وسطيف تفتح لك ذراعيها لتستقبلك في أي بقعة وطئت فيها ..
لكن من فضلك ..لا تنسى أنتحظر معك شيئا من تمورك المميزة ..
يشرفنا حضورك .و تسعدنا زيارتك ..

[الفلاح المحترف]

نرحب بك معنا حكيم ، أهلاً و مرحباً بك في أي وقت و أي سنة
والله أمورنا سهلة جداً هنا ، يعني التلاميذ كالسلاطين ، والإدارة هي التي تتكفل بكل شيء
بالطبع ما عدا حقوق التسجيل و ما إلى ذلك من الأمور ، وهي مبالغ رمزية
أهلاً بك معنا و يسعدني أن تكون زميلي في القسم
هناك مكان يتسع لك و لكل طالب قصدنا
دمت بخير

لكنني اخاف ان جئت ان اكون الاول في قسمك واستولي على شعبيتك ههههه
مجرد مزحة
شكرا على ادب الضيافة
صحا فطوركم

[الجوهرة السوداء]

أخي واحد من الناس ..من جهتي راه كلشي عادي ..و القلوب راهي صافية ..
نظن رانا إخوة و ما صرى والو ..
ممكن نغلقوا الموضوع و نطويو الصفحة ..
لا نريد ان نخسر إنسانا عاقلا مثلك ..
وطبعا لك دين عليّ لازلت لم أوفه بعد ..

[الفلاح المحترف]

على الرحب و السعة أخ حكيم ..
انت مرحب بك في كل وقت ..
وسطيف تفتح لك ذراعيها لتستقبلك في أي بقعة وطئت فيها ..
لكن من فضلك ..لا تنسى أنتحظر معك شيئا من تمورك المميزة ..
يشرفنا حضورك .و تسعدنا زيارتك ..

تمور ؟ هههههههههه

[اسلامي سر حياتي]

انا مازال ماسجلتش ومانيش عارفة وقتاه حتى التسجيل

ومانسجلش حتى نجي رايحة ندخل ديريكت

وبالتوفيق للجميع

[theorthopidique]

على الرحب و السعة أخ حكيم ..
انت مرحب بك في كل وقت ..
وسطيف تفتح لك ذراعيها لتستقبلك في أي بقعة وطئت فيها ..
لكن من فضلك ..لا تنسى أنتحظر معك شيئا من تمورك المميزة ..
يشرفنا حضورك .و تسعدنا زيارتك ..
يسرى اظن خنشلة ليست ولاية صحراوية حتى يكون فيها تمور لقد زرتها من قبل وهي ولاية جميلة جدا ولكنها باردة جدا زرتها في الشتاء هذا اذا كان الاخ حكيم من خنشلة والله اعلم

[theorthopidique]

نرحب بك معنا حكيم ، أهلاً و مرحباً بك في أي وقت و أي سنة
والله أمورنا سهلة جداً هنا ، يعني التلاميذ كالسلاطين ، والإدارة هي التي تتكفل بكل شيء
بالطبع ما عدا حقوق التسجيل و ما إلى ذلك من الأمور ، وهي مبالغ رمزية
أهلاً بك معنا و يسعدني أن تكون زميلي في القسم
هناك مكان يتسع لك و لكل طالب قصدنا
دمت بخير

رحاب انت من اي ولاية؟

[رحاب بن عودة]

لكنني اخاف ان جئت ان اكون الاول في قسمك واستولي على شعبيتك ههههه
مجرد مزحة
شكرا على ادب الضيافة
صحا فطوركم

لا مشكلة إطلاقاً إن أخذت شعبيتي
ولكنك ستصطدم بمنافســة قوية ، وعليك السهر ليل نهار من أجل الظفر بالمرتبة الأولى :rolleyes:
أرحب بك ، و شرف لي زمالتك
دمت بـــخير

[رحاب بن عودة]

رحاب انت من اي ولاية؟

من ولايـة الوادي صديقتي نـــور
نحن من لديهم التمور كالتراب هنا
اللي يـــحتاج كارتون نتاع تمر يقــولي برك ، خير ربي و خير الأرض راهو كاين
دمت بخــير

[theorthopidique]

من ولايـة الوادي صديقتي نـــور
نحن من لديهم التمور كالتراب هنا
اللي يـــحتاج كارتون نتاع تمر يقــولي برك ، خير ربي و خير الأرض راهو كاين
دمت بخــير

خيار الناس رحوبة
مدامك قلتي انا نحتاج التمر والله شيىء جميل ان تكون ولايتكم مشهورة بالتمر حنا في سطيف مكانش حاجة لكاينة بزاف على ما اظن
ولكن اي شيىء تحتاجينه انا مستعدة لتقديمه لك بكل فرح وسرور

[الفلاح المحترف]

من ولايـة الوادي صديقتي نـــور
نحن من لديهم التمور كالتراب هنا
اللي يـــحتاج كارتون نتاع تمر يقــولي برك ، خير ربي و خير الأرض راهو كاين
دمت بخــير

انا نحتاج كارتون تاع دقلة نور
هههههه

[achour idoughi]

نحن التسجيل سيكون غدا
شهادتان ميلاد اصليتان
04 صور شمسية
130دج
100دج لجمعية أولياء التلاميذ

[رحاب بن عودة]

خيار الناس رحوبة
مدامك قلتي انا نحتاج التمر والله شيىء جميل ان تكون ولايتكم مشهورة بالتمر حنا في سطيف مكانش حاجة لكاينة بزاف على ما اظن
ولكن اي شيىء تحتاجينه انا مستعدة لتقديمه لك بكل فرح وسرور


والله أتشرف بك و بولايتك الطيبة
في رمضان كيفاه ديرو ؟ تشروه التمر من السوق ؟
نحن نتناوله من خيرات أراضينا ، و بكل الأنواع ، كما أن موسم الحصاد أصبح قريباً
دمت بخــير

[رحاب بن عودة]

انا نحتاج كارتون تاع دقلة نور
هههههه

بكل سرور حكيم ، طلبك حاضر إن شاء الله
لم يحن وقت الحصاد بعد ، الدقلة مازالت في النخل
ولكن لدينا نوع آخر بكثرة في هذا الوقت وهو الـــمنقر إذا تعرفوه
وإذا بغيت كارتون نتاع دقلة نور درك نخرجولك واحد مخبي في الفريغو من العام اللي فات
دمت بـخير

[theorthopidique]

والله أتشرف بك و بولايتك الطيبة
في رمضان كيفاه ديرو ؟ تشروه التمر من السوق ؟
نحن نتناوله من خيرات أراضينا ، و بكل الأنواع ، كما أن موسم الحصاد أصبح قريباً
دمت بخــير

ايه نشريوه من السوق وسعرو غالي جدا خاصة الدقلة

[رحاب بن عودة]

ايه نشريوه من السوق وسعرو غالي جدا خاصة الدقلة

خلاص أختي نــور ، مرة أخرى ما تخموش في التمر
خير ربي و خير الأرض راهو كاين ، اطلبو برك
على بالك أصلاً هاذيك التمر اللي يبيعولكم فيها غالية راهي نتاع العام اللي فات
على خاطر وقتها مازال ما جاش درك ، بصح رانا ناكلو في المنــقر الأصفر البنين ، جديد دوريجين
والله ما تشبعي منو ، نظن معروف ، هاذاك اللي يجي نص طايب و نص ماهوش
دمت بخـير

[theorthopidique]

خلاص أختي نــور ، مرة أخرى ما تخموش في التمر
خير ربي و خير الأرض راهو كاين ، اطلبو برك
على بالك أصلاً هاذيك التمر اللي يبيعولكم فيها غالية راهي نتاع العام اللي فات
على خاطر وقتها مازال ما جاش درك ، بصح رانا ناكلو في المنــقر الأصفر البنين ، جديد دوريجين
والله ما تشبعي منو ، نظن معروف ، هاذاك اللي يجي نص طايب و نص ماهوش
دمت بخـير

ربي يخليك رحوبة اعلم انه تاع العام لفات
بصح واش هو المنقر كيفاه نص طايب ونص مهوش
انا نحب هذاك التمر الاصفر ليتعالك هذا هو المنقر؟ بصح طايب كامل

[°واحد من الناس °]

خلاص أختي نــور ، مرة أخرى ما تخموش في التمر
خير ربي و خير الأرض راهو كاين ، اطلبو برك
على بالك أصلاً هاذيك التمر اللي يبيعولكم فيها غالية راهي نتاع العام اللي فات
على خاطر وقتها مازال ما جاش درك ، بصح رانا ناكلو في المنــقر الأصفر البنين ، جديد دوريجين
والله ما تشبعي منو ، نظن معروف ، هاذاك اللي يجي نص طايب و نص ماهوش
دمت بخـير



تمر لي يلحق لسطيف وللشمال من اجود تمور الجزائر

لانو

تمر بسكرة

ونظن الكل يعرف وشنو تمر بسكرة


قالي واحد صديق ليا يكن في الجنوب

بلاد الواحات راح لافامي نتاعو في البليدة ودالهم زعما التمر نتاع مدينتهم

ومن بعد لما شاف التمر يتباع حشم بالتمر نتاعو


الاخت بنت عين ازال منعرفش اسمك علابيها اني قتلك هك

التمر وعلاش غالي ي سيطف

لانو من اجود التمور

وفي الصحراء ميبيعوش هذا التمر

وراهو يلحقكم تمر بسكرة

فووور

وللاخت بنت الوادي

تمر لما يجوز عليه عام في اغلب الاحيان يفسد

ويولي رخيص حاشاك

وجميع الانظار تتفك عنو تلقائيا

[oussama-dz]

وعلاش زعما مقلوبة احنا 16 ونتوما 5

صافي

11 الف نتاع فليكسي


وانا ذرك شهادة ميلاد اصلية منين نجيبها

انا في واد ووين زدت في واد في لخر نتاع الدنيا

ياو أحنا 23 ألف + 5 تصاور و 3 بريات

[theorthopidique]

تمر لي يلحق لسطيف وللشمال من اجود تمور الجزائر

لانو

تمر بسكرة

ونظن الكل يعرف وشنو تمر بسكرة


قالي واحد صديق ليا يكن في الجنوب

بلاد الواحات راح لافامي نتاعو في البليدة ودالهم زعما التمر نتاع مدينتهم

ومن بعد لما شاف التمر يتباع حشم بالتمر نتاعو


الاخت بنت عين ازال منعرفش اسمك علابيها اني قتلك هك

التمر وعلاش غالي ي سيطف

لانو من اجود التمور

وفي الصحراء ميبيعوش هذا التمر

وراهو يلحقكم تمر بسكرة

فووور

وللاخت بنت الوادي

تمر لما يجوز عليه عام في اغلب الاحيان يفسد

ويولي رخيص حاشاك

وجميع الانظار تتفك عنو تلقائيا
مليح مالا كراه يلحقنا التمر المليح وعلاه يلحقنا غير تاع بسكرة ومش تاع ولاية اخرى؟

[theorthopidique]

ياو أحنا 23 ألف + 5 تصاور و 3 بريات
و3 بريات لاه؟؟؟؟؟؟؟؟؟؟؟؟؟؟؟؟؟؟

[°واحد من الناس °]

بويسكو هو المخير اختي

سيرتو التمر النورمال هذاك اك شفتيه



+++++

اسامة علاش 5 فطوات حبو يديرو معاكم الكونيسونس

3 بريات علاك يرسلو فيهم لبوزيد ؟؟

[الجوهرة السوداء]

مرحبا نور ..صح فطوركم

[theorthopidique]

مرحبا نور ..صح فطوركم
اهلا يسرى الله يسلمك نلتقي في الصفحة الخاصة بك لاني محتاجة اليكم

[الجوهرة السوداء]

............

[✗ ┋ وَړْﮃَةُ آلـﭴَزآئـړْ ┋ ✗]

أنا غدوة نسجل
طلبو علينا:
شهادة ميلاد أصلية
230 دج
ماكانش لي فوطو

[RIAD113]

2 تصاور وشهادة ميلاد أصلية و 230 دج

[أَبُو رَُئَيـــــــــــــــــــــــْمْ]

اتمنى التوفيق لي ولي الجمييييييييييييييييع

[حــوراء]

الجزائر العاصمة ، التسجيل غدا ، لكن لا أعلم عن المطلوب ><"
لم يرسلوا كشوف النقاط السّنوية ، الله المستعان
سآخذ اربع صور و شهادتين ميلاد أصليتين + مبلغ
لكن ألا يوجد أوراق لملإها و المصادقة عليها من البلدية ؟ < الحاجة اللي نكرهها ذذ ، كل عام هكذا

ربي ييسر ()

[roseikram]

حنا التسجيل في 9=9=2010
المطلوب شهادة ميلاد اصلية و 30000 عاد يبنولنا ديار هههههههه

[برايجي34]

في البرج التسجيل 8و9
2 صور وشهادة أصلية ومبلغ 30000

[اميرة]

انا هادا وين كنت في الليسي ما عطيتهم والو اداو غير الدراهم عطيتهم 230 دج شحال فرحوووووووووووو

[SAWHIN]

انا هذا وين كملت التسجيل شهادة ميلاد اصلية با النسبة لعندو 17سنة كيفي
ولي عندو18سنة لازم فطوكوبي تع لكارط نسيونال وحقوقو التسجيل
230دج جزائري جمعية اولياء التلاميذ ودفتر المراسلة

[°واحد من الناس °]

انا هذا وين كملت التسجيل شهادة ميلاد اصلية با النسبة لعندو 17سنة كيفي
ولي عندو18سنة لازم فطوكوبي تع لكارط نسيونال وحقوقو التسجيل
230دج جزائري جمعية اولياء التلاميذ ودفتر المراسلة


علاش لاكارت ناسيونال يخدموها غير نتاع 18

يقدر يخدمها حتى لي في عمرو 15

[samora28]

شكرا على الردود

[SAWHIN]

علاش لاكارت ناسيونال يخدموها غير نتاع 18

يقدر يخدمها حتى لي في عمرو 15

علاه انا قتلك ميدريهاش قلت يعني يقدر يسجل بلا بيها هذا مكان اكل علباني بلا لكارط يديروها من خمسة عشرة وطلع

[°واحد من الناس °]

اوكي اسف اختي

موفقة ان شاء الله

[وفـــــاء]

بالتوفيق اخوتي
حنا طلبونا 2 فوتوكوبي شهادة الميلاد و2 فوتوكوبي لبطاقة التعريف الوطنية 17 ولا 16 ولا 20 ولا قرن و5500 واااااااااه 55000 د باي يبنونا ديار ههههههههههه
ربي يسهل لكل مومن وصح عيدكم