الــــبــــنـــــات يحبو الــــــوطـــــن أكثر

[القذافي999]

السلام عليكم

صحا فطوركم وعيدكم مبروك



أخواني متتبعي مواضيع منتدى الجلفة قسم مواضيع النقاش الجاد والعام


كاين مواضيع كثيرة تتكلم عن حب الوطن والميزيريا تع الوطن والمستقبل الاسود و أخر موضوع بعنوان بصراحة هل ستفعلها الموضوع يتكلم عن التخلي عن الجنسية الجزائرية



الي يقرا الردود يلقا انو البنات كامل يقولو احنا نحبو لالجيري والروح الوطنية و هذيك المرة درت موضوع على بوتفليقة نشفالها خرجولي من ليكرون تع الميكرو كأني هدرت على أحد الخلفاء الراشدين




البنات يحبو الوطن أكثر منا؟؟؟؟




البنتات مايعرفو والو للسياسة كي تنوض الصباح تعاود ترقد وعندها في اليوم 4 مسلسلات و التسياق الغسيل والجمايع تع الكلام الفارغ والتخيلات الي يجوها كل يوم على الرومنسية



ويكتا تلقا فرصة باه تفم السياسة


ديجا خويا العضو كشما خطرا شفت ختك تتفرج في النشرة


ولا كشما مرة في الجاميعة ولا في البيس ولا في اي مكان اخر لقيت وحدة رافدة جرنال ياك كانو يشروه ايامات المونديا باه يشوفو لي فوتو تع عنتر و مطمور



وكي تفتح تكونيكتي تلقا موضوع على الوطن تبدا تألف


الطفلة ما تقدرش تحس بشعور تع شاب عمرو 25 وماعندو والو لاسكنا وين يتزوج لا دراهم لا خدمة ومستقبل أشد ضلمة من سواد الليل




أنا نقلك الجزاير كانهم حاطينك في قفص مع سبع ياتاكلو يا ياكلك

وهذاك القفص فيه فتحة ضيقة لاكن عندك احتمال انك تهرب منها

وأنتا تختار تتصارع معا السبع .............ممكن تاكلو


أم أنك تحاول تهرب وأذا ماقدرتش تستسلم باه ياكلك بالشوي


هذيك الفتحة هيا الحرقة والسبع هوا البطالة ومشكل السكن والزواج والحياة الكريمة ووووووو




عيدكم مبروك

[القذافي999]

ماشي البنات كامل أكيد أنو كاين البعض يفهمو السياسة لاكنهم نادريييييييييين

[القذافي999]

ياخّي خزعبلات...!!! راجع كلامك لأن به تجريح............



صحا فطورك هذي المرة ما نتقلقش كيما المرة الي فاتت


شباب المنتدى وش رايكم في كلامي

[الساعية الى التفوق]

السلام عليكم و رحمة الله عالى و بركاته
بصرف النظر عن كل شيء شكرا جزلا لك اخي على الموضوع . انا لا انكر عليك اخي كل ما قلته بل انت محق في كثير من الامور فالبنات عموما لا يقراون الجرائد السياسية لكن لا تنسى اخي انه حتى البنات يعشن في الجزائر و يشربون من نفس الكاس الذي تتجرعونه انتم الشباب . قد تقول لي ان الفتاة ليست مطالبة بايجاد عمل و مسكن فاقول لك انت محق لكن الى حد ما لا داعي للتفاصيل لكن لا نسى ان الفتاة ايضا لديها اب قاسى من مرارة الحياة و اخ وووو و من المعروف ان الفتاة اكثر حساسية و شعور بمن حولها من الشباب . لكن دعنا نطرق باب الصراحة قليلا الفتاة لا تتذمر كثيرا مثل الشاب يعني مثلا في الدراسة هي تثابر و ترهق نفسها لاجل الدراسة بصرف النظر عن العواقب اي مشاكل الشغل و ما شابه ذلك لذا هي تنجح كثيرا في حياتها .
بالنسبة لي لا انكر ما نعانيه نحن الشعب الجزائري من جراء الحكومة و السياسة ..... هداهم الله . و لن اقول انني احب حكام الجزائر لاني رايت و ذقت مرارة الفرد الجزائري لذا لا داعي للنفاق . لكن انا اعشق ارض الجزائر و اعشق ماضيها و سماءها و كل شيء قد خلقه الله فيها و لا يهمني من يريد ان يكرهنا فيها او من يريد ان يبخس ثرواتها و حق شعبها . اظن ان البنات وطنيات و الشباب ايضا لكن كل شخص تختلف مقادير الوطنية و القومية لديه .
دمتم في رعاية الله و حفظه

[القذافي999]

ياسدي خلاص


أغلو الموضوع يرحم والديكم


ضرك يرجعوني مرتد


شكرا حكايا أحساس

[الساعية الى التفوق]

ياسدي خلاص


أغلو الموضوع يرحم والديكم


ضرك يرجعوني مرتد
حاشا لله لماذا الارتداد ؟ لانك طرحت فكرة كانت تراودك ؟ لا داعي لتحميل الموضوع اكثر من قدره فهذه مجرد فكرة نناقشها لا اكثر و لا اقل . و انا لا ارى فيها عيبا
على كل حال جازاك الله خيرا اخي على الموضوع .
و دمتم جميعا في رعاية المولى و حفظه

[القذافي999]

ماتنساوش راني درت رد وكتبت بلي كاين بنات لا يقصدهم الموضوع




مشكوووورين


هكذا بدون تعصب


صحيتو

[نينا الجزائرية]

ههه
علاش ينغلق الموضوع
الموضوع يمس الحقيقة
الحمد لله انك لم تعمم
بالطبع توجد تلك النوعية من البنات التي لايهمها الا التفرج علي المسلسلات وضوع الماكياج لبس اخر صرعات الموضوة التحدث عن لاعبين الوسمين والمغنيين وابطال الافلام
لكن في لتحب السياسة
لا تنسي في بنات دارسين علوم سياسية
لكن انت راك تتحدث عن صنف المراهقات
اكيد تكون محصورة اهتمامتهم في هذا الشيء لكن بعد ذلك ينضجن الا من رحم ربي
اما بنسبة لهموم الشباب
اكيد كل واحدة لديها اخ بطال , تاخر زواجه , عندهم ازمة سكن
اما من لا تحس بذلك ممكن عندها فقدان الذاكرة وتنسي او تعيش الخيال
او عائلتها ثرية ولا تحس باوضاع الاخرين
سلام وصح عيدكم

[الساعية الى التفوق]

العفو اخي و على العموم ماراناش ناسيين .

[الساعية الى التفوق]

ههه
علاش ينغلق الموضوع
الموضوع يمس الحقيقة
الحمد لله انك لم تعمم
بالطبع توجد تلك النوعية من البنات التي لايهمها الا التفرج علي المسلسلات وضوع الماكياج لبس اخر صرعات الموضوة التحدث عن لاعبين الوسمين والمغنيين وابطال الافلام
لكن في لتحب السياسة
لا تنسي في بنات دارسين علوم سياسية
لكن انت راك تتحدث عن صنف المراهقات
اكيد تكون محصورة اهتمامتهم في هذا الشيء لكن بعد ذلك ينضجن الا من رحم ربي
اما بنسبة لهموم الشباب
اكيد كل واحدة لديها اخ بطال , تاخر زواجه , عندهم ازمة سكن
اما من لا تحس بذلك ممكن عندها فقدان الذاكرة وتنسي او تعيش الخيال
او عائلتها ثرية ولا تحس باوضاع الاخرين
سلام وصح عيدكم

اختي الغالية ارجوك ارجوك لا تظلمي المراهقات . نحن ايضا لدينا احاسيس ام انا مخطئة ؟ ( امزح معك فقط اختي العزيزة ) . اشكر لك الطرح المميز للمشاركة . كفيت و وفيت .
دمت بخير

[رؤوف 99]

انا نقولك علاه البنات يحبو البلاد و يحبو بوتفليقة. لانو منذ توليه منصب الرئاسة و هو مهتم بالمراة و كل انشغالاته قضايا المراة . زادلها الحقوق. نقصلها واجبات . اعطاها حرية اكثر .......... كيفاش مايحبوش بوتفليق. انا جدتي اقتلها و ماتهدرش في بوتفليقة
اما الشباب اييييييييييييييييييييييييييييييه حدث و لا حرج

[القذافي999]

ياخي شعب قنوع



شعب تع حشيشة طالبة معيشا



يستما راه دار فيكم مزية كي نحا الارهاب هذا الشي لازم يديرو أولى الاولويات

[khaoula rouh]

انا يظهرلي بطفلة بطفل ايحبو لبلاد وكاين ادلة ايدلو بزاف على هاذ الهدرة وبالنسبة للردود راهم لبنات برك كي يسمعو حاجة على لبلاد ينوضو في وجهك على هذاك لانهم ماعندهمش مشاكل كيما طفل ايخمو فيهم وماعليش نعلق على التوقيع خويا نحيه تعيش اه راني نخاف من القبور معا اني نعرف بلي هذيك هية لبلاسة تاعنا كامل

[القذافي999]

التوقيع عجبني بزااااااااااااااف




اذا قالي واحد أخر نح التوقيع نحيه سامحيني

[IKRAM/95]

أنا يا خو كلامكـ لا ينطبق علي لا من بعيد و لا من قريب

أنا منقدرش نجوز نهار بلا جورنال و لازم نقرا كل شي الشروق و الخبر و النهار و كاش مجلة ثاني

و هاذاكـ هدفي من الانترنت لأني متصلة بالانترنت غير علاجال لي جورنو

و في ما يخص السياسة أنا نحبها بلبزاف ....... نقلكم الصح أنا نحب نقرا على المشاكل و مطالب الشباب وأحب المشاكل لأنها ممتعة

و كاين حاجة ........ أنا حكايات الرومانسية و و و و و و لا تهمني أبدا أصلا أجدها أمور فاااااااارغة نحب نجوز وقتي هنا في المنتدى

ولا نتفرج الجزيرة الوثائقية أفضل ألف مرة من تفاهات صديقاتي هذه هههههه يحلمو ههههههه

علابالي مصدقتونيش مي و الله هاذي هي الحقيقة ........... ربما أنا مختلفة قليلا عن الأغلبية لكني لست الوحيدة


و في النهاية لا زمني نعترف وقت المونديال كنت نحب نشوف لي فوتو نتاع لي جوار فقط كجزأ من التشجيع و ليس كهوس الفتيات هههههههههههه