انا هنا لمساعدتكن اخواتي الغاليات

[حرة لغواطيات]

بحكم خبرتي العملية في صناعة الحلويات الجزائرية العصرية والاقتصادية انا هنا لمساعدتكن واطلبن اي نوع من الحلوئ اعطيكم الوصفة وطريقة التحضير وانتظروا مني الجديد مع الصور ورحموا على والدي وامي الغالية التي تعلمت منها كل شئئ
كل شئ وانا هنا تحت امركم اخواتي الفاضلات

[sasafede]

مرحبا اختي في رحاب منتدانا ممكن طريقة صنع حلوى فيها الموت كوكو و تكون امرمدا بها و بالشكولاته

[أم مريم]

السلام عليكم وحمة الله
الله يرحم والديك وربي يوفقك خصني الوصفة تاع قلاصاج مخيز رني في كارثة لي نديره ميخرجش الله يجازيك إذا عندك الوصفة بالمقادير وربي يبارك فيك

[حرة لغواطيات]

هناك وصفة رائعة وهي مسكوتشة طيب في مول وتقطع وتمرمد في شيكولا ثم نوات كوكو
الوصفة.°)--6بيصات مضربين مليح+3/4 كاس زيت+كاس سكر+3مغارف كاكاو+فانليا+1.5 قرطاس خمارة + 1.5 فرينة ختى تصبح مثل عجينة المسكوتشو وتوضع في الفرن وكي طيب تقطع بالطول وتغمس في الشيكولاطة ثم مرمديها في نوات كوكو وتسمى هذهووووووووووووه تسمى الحلوى بحلوة ساندو

[بنت اولاد نايل]

السلام عليكم وحمة الله
الله يرحم والديك وربي يوفقك خصني الوصفة تاع قلاصاج مخيز رني في كارثة لي نديره ميخرجش الله يجازيك إذا عندك الوصفة بالمقادير وربي يبارك فيك

اختى نقولك تجربتي فى قلاصاج ومش عارفة اخت
حرة كيفاش تخدمو كل وحدة تقول طريقتها
تجيبي شربات (ماء وسكر)
حطي لهم ملعقة بياض بيض وملعقة ليمون
وخلطي سكر اقلاسي انا افضل سكر المرجان
ويخرج القلاصاج رائع
ونشوف تجربة الاخت حرة
سلام :mh31:

[حرة لغواطيات]

يعطيك الصحة اختي بنت اولاد نايل انا استعمل قلاصاج فوندون واخضره بالسيرو عاقد +عصير ليمونة ليضيف لمعان ++++++وووو
لمعانو بياض بيضة مضرب مليح ثم نصيف سكر ناعم المرجان او نونورس وهذا قلاصاج مليح وينشف بالخف ويهشش القاطو وسامحني اختي ام مريم في اطالة الرد لانني نمت على 7 صباحا كنت منهمكة مع تحضير طلبيات القاطو لانني اعمل في صنعها بالبيت وعندي زبوناتيي و
ساصورهن واعطيكن جيع الوصفات وعندي وصفة فو مشوك معسل رائعة وتقطع ياسر في الكمية لمن ارادت تطلب ا
وساعطيكم الوصفة على العين والراس

[بنت اولاد نايل]

ربي يعطيك صحة والقوة
قلاصاج نتاعك نفس طريقة نتاعي
باذن الله رانا نستناو فى الصور

[عائشة حسان]

يعطيك الصحة اختي وربي يعاونك
وفي انتظار الصور يا غالية

[sasafede]

هناك وصفة رائعة وهي مسكوتشة طيب في مول وتقطع وتمرمد في شيكولا ثم نوات كوكو
الوصفة.°)--6بيصات مضربين مليح+3/4 كاس زيت+كاس سكر+3مغارف كاكاو+فانليا+1.5 قرطاس خمارة + 1.5 فرينة ختى تصبح مثل عجينة المسكوتشو وتوضع في الفرن وكي طيب تقطع بالطول وتغمس في الشيكولاطة ثم مرمديها في نوات كوكو وتسمى هذهووووووووووووه تسمى الحلوى بحلوة ساندو

شكرا خيتو اعي الوصفة

[khadouj_1985]

slm ya jma3a rani hawas 3la sabli 3awnouni

[&أسيل&]

صباح الخير عليكم
حبيتك تعطيني وصفة هايلة ومجربة وناجحة وتقطع بزاااااف

[حرة لغواطيات]

هناك صابلي يذوب في الفم هشيش وهو250غ مارغين+كاس سكر ناعم+1بيضة+3صفار البيض+1.5خمارة كيميائية+كاس مايزينة وتلميها بالفرينة

[حرة لغواطيات]

هذا صابلي يقطع35 حبة بصح هشيش ومليح ياسر

[ملكة الورود]

الله يهنيك ختي حبيت تعطيني لا غوسات تاع هذا القاطو
http://www.9o9i.com/upfiles/yHd26285.bmp (http://www.9o9i.com/)


وطريقة طبع حلوى المشكلة نديرو العجين و فوقها الحشو و فوقها العجين و مبعد نطبعو بالطابع تضيع العجينة و الحشو بزاااااف و لا نطبعو العجين و حدو و الحشو و حدو و تلصقنا العجينة مع الحشو ادا درنا كيماهاك ؟؟؟؟؟؟؟؟؟؟؟؟؟؟؟؟؟؟؟؟؟؟

http://www.9o9i.com/upfiles/fk626285.bmp (http://www.9o9i.com/)

[ryyyma]

بارك الله فيك أختي
شفت وحد المودال تاع مقروط العسل
جاي على شكل دوائر موضوعة في المول و من الفوق دايرينلو شكل وردة بالنقاش
و هو مطهو في الفرن
و من الداخل محشي باللوز لكن فيه ذوق رائع لم أعرف سره
فمن فضلك لو تعرفي طريقة تحضير هادا النوع من المقروط و سر النكهة اللي فيه لا تبخلي عليا به
و جزاك الله ألف خير
و صح عيدك أختي و كل عام و أنت بألف خير

[حرة لغواطيات]

اختي ريمة المقروط هذا جابتولي جارتنا وهرانية يهبل ويطيب في مول دزيريات غدوة نجيبلك المقادير ونبعثهملك عزيزتي مايكون لا خاطرك

[حرة لغواطيات]

اختي ملكة الورود هدا قاطو درتو تاع ورقة ودرتو مدور وباللوز من فوق على شكل وردة واللوز الصغير يقولولو18
وغدوة نفهمك مليح ونعطيك سر الحشوة ونكهتها وتقطعي كل وحدة على حدا وتلصقي ببياض لبيض بينتهم سمحيلي الليلة عندي ضياف وراني حاصلة نعاون في امي حالة اللي تجي طفة وحدها تحصل b8

[mayaaa71]

الله يكون فى العون
بصحتكم

[dho7a1982]

عيدك مبارك أختي وجزاك الله على الإعانة
أنا درت قاطو اسكندريات الحشوة فيها 3 كؤوس كاوكاو وكاس سكر وماء الزهر وبعد يومين الحشوة عادتلي قاااااااااااسية حديد مافهمتش علاش؟

[mayaaa71]

مقادير الحشو صحيحة ربما ما عسلتيهاش وهى ساخنة . لازم العسل مخلط مع قليل ماء زهر حتى يخفف و يكون دافىء والسكندرنيات ساخنة من الفرن هكذا انا افعل

[dho7a1982]

شكرا لك أختي وهذي هي الغلطة أنا عسلتو بعد يوم كامل، وشكرا مجددا والله يخليك

[mayaaa71]

3 عبار كوكاو او لوز مع نصف عبار سكر و نصف يدام رانى مصروعة من قاطو العيد

[mayaaa71]

ننصحك اختى نصيحة استعملى كتب العالية خليفى الاقتصادية حلوياتها تقريبا مقاديرها مضبوطة

[حرة لغواطيات]

عندك الحق اختي مايا71 لازم يتعسل سخون وانا راني ندير في خدعة تحويل الكوكاو لوز والي تذوقو تقولي لوز نقولها كوكاو تكذبني
ويا ريت تعسلو بالعسل الابيض استعمله في حلوياتي وخاصة عند التعسيلة الثانية يعطي للقاطو لمعان تقول راكي دايرة la jolie

[بنت اولاد نايل]

السلام عليكم
ممكن اختى تكتبي لنا قاطو
الى بحليب نيسلي
وشكرا

[حرة لغواطيات]

قاطو نسلي
عجينة.250غ مارغرين+2بيض+صفار بيض+2 خمارة+فانيليا+180غ سكر قلاصي
حشوة.كليب نيسلس طايب كي الكراميل وان وجدتي كابريس الحلحالي مثله ولكن البنة احسن ولكابريس تشري صاشي كاملة ب180دج وتقطع ياسر تذوبيه على حمام مائي مع نصف فنجان حليب
والعجينة ديري كامل المقادير وتنشفي بالفرينة حت تتحصلي على عجينة طر ية مثل بات صابلي وديريهم مثل الدزيريات في مول دزيريات وديريهم يطيبو وكي يطيبو ديريلهم كراميل في الوسط وخلي الكراميل تبرد وثم اضيفي فوقها شوية شيكولاطة وغطي كامل الكراميل وزيني الوجه بحبة بندق وهذوهم هما دزيريات التيسلي

[بنت اولاد نايل]

قاطو نسلي
عجينة.250غ مارغرين+2بيض+صفار بيض+2 خمارة+فانيليا+180غ سكر قلاصي
حشوة.كليب نيسلس طايب كي الكراميل وان وجدتي كابريس الحلحالي مثله ولكن البنة احسن ولكابريس تشري صاشي كاملة ب180دج وتقطع ياسر تذوبيه على حمام مائي مع نصف فنجان حليب
والعجينة ديري كامل المقادير وتنشفي بالفرينة حت تتحصلي على عجينة طر ية مثل بات صابلي وديريهم مثل الدزيريات في مول دزيريات وديريهم يطيبو وكي يطيبو ديريلهم كراميل في الوسط وخلي الكراميل تبرد وثم اضيفي فوقها شوية شيكولاطة وغطي كامل الكراميل وزيني الوجه بحبة بندق وهذوهم هما دزيريات التيسلي

يعطيك الصحة ياربي
شكرا على الرد
لكن عندي سؤال نسيلي ماتضيفي لو والو
بارك الله فيكي اختى

[حرة لغواطيات]

حليب النيسلي طيبيه في كيكوطة مدة ساعة ونصف وبردي العلبة تحت الماء ثم افتحيها وكي قتلك على الكابريس صاشي وحدة تقطع ياسر والبنفسجي المخير وحليب النيسلي ماتزيديلو والو بصح الكابريس نصف فنجان حليب
راني هنا اختي العزيزة على الرحب والسعة
اه تفكرت هذه العبرة تقطعلك50 حبة تاع دزيريات نيسلي وراني نحط تصاور التحضير هنا دنخدمو بعد غد

[ملكة الورود]

راني نستنا في ردك ختي طولتي عليا و لا نسيتيني يالحنونة

[ملكة الورود]

حبيبتي رمرومة معليش تعطيني حشوة المشكلة و السر اللي فيها و ثامي فو مخبز و مادابيا تقوليلي كي نطبع الفو مخبز شحال يكون عرض العجينة باه يجيني مليح
أنا ثاني من الأغواط بصح ما نسكنش في الأغواط عندي خالتي تسكن في سبانيول تقري ثمة ثاني

[حرة لغواطيات]

اختي العزيزة الفو مخبز جامي خدمتو امي تخدمو وتحبو ويجيها بنين وهشيش درك تجي نسقسيها
اما حشوة مشكلة ديريها باللوز ولا الكوكاو تفوريه هذيك الخدعة تاع تحويل الكوكاو الى لوز
الحشوة.500غ لوز مرحي+200غ سكر ناعم +و8 حبات كرز مرحيين هذا هو سر نكهة الحشوة+بيضة+2 صفار
تجيك حشوة تهبل وبنة ما يعرفولها

[ملكة الورود]

ربي يحفظك و يعطيك ما تتمناي يا الغالية ماعليهش نولي نسقسيك مرة على مرة على الوصفات حبيبتي ؟؟؟؟ مانيش حابة نكثر عليك ...... تقبلي تحياتي و حبي واحتراماتي



http://www.9o9i.com/upfiles/6qZ73698.gif (http://www.9o9i.com/)



http://www.9o9i.com/upfiles/vEe73697.jpg (http://www.9o9i.com/)

[حرة لغواطيات]

خسارة عليك اختي اساليني مجملة يات قولتيلي رراني اختك وبين الاخوات ما كاين جميل او ازعاج والله قا كي نمد وصفة او نصيحة من القلب ومذا بيا نساعد اخواتي

[&أسيل&]

الاخت حرة لغواطيات ممكن تعطيني ***** نتاعك او رقمك للتواصل معك لاني انا نسكن في الاغواط وممكن نحتاجك ....اذ لم يكن لديك مانع

[حرة لغواطيات]

بكل فرح وسرور 0795806484

[زرابة]

السلام عليكم من فضلك اختي اريد مساعدتك عدنا عرس نتع خالي ومن عاداتنا نديرو شحال من نوع راني حابة تفيدين بانواع شابة عصرية

[زرابة]

لازملي 15 نوع
5 نديوهم للعروسة
5 نحتوهم فالعلب
5 نقسموهم
وللي يجيبوهلنا ندوه للحمام كي نديو لعروسة

[زرابة]

rani nestana fik hbibti we netmena mankatarch 3lik
golt balek ndirou makrout we mkhabez we 3rayech we mchawek we sablé we yasmina we nigrou we tcharek msaker we baklawawe li bka 3lik

[بنت اولاد نايل]

حليب النيسلي طيبيه في كيكوطة مدة ساعة ونصف وبردي العلبة تحت الماء ثم افتحيها وكي قتلك على الكابريس صاشي وحدة تقطع ياسر والبنفسجي المخير وحليب النيسلي ماتزيديلو والو بصح الكابريس نصف فنجان حليب
راني هنا اختي العزيزة على الرحب والسعة
اه تفكرت هذه العبرة تقطعلك50 حبة تاع دزيريات نيسلي وراني نحط تصاور التحضير هنا دنخدمو بعد غد

يعطيك الصحة اختى العزيزة
وبارك الله فيكي على الاجوبة
رانى نستنى الصور :mh31:

شكرا

سلام

[ملكة الورود]

شكرا يالغالية حبيت نسقسيك على لا بات فايتي نخدمها مليح ندير الفرينة قرصة ملح و 2 مغارف زيت نعجنها حتى تولي تطرطق تحت ايديا و نديرلها زبدة التوريق قاسة تاع فرح( اللي تشريها على القبايلي تاع المعمورة ) و نطبقها حتان....... و بصح متخرجليش طالعة ياسر كي تطيب حبيتها طالعة ياسر حتى لي فول فون .

http://www.9o9i.com/upfiles/6nN06467.jpg (http://www.9o9i.com/)

و نزيدك سؤال حنونتي كيفاه حتان تخرجلي عجينة المشكلة بيضة زينة كيما يديروها أنا توجور تخرجلي صفرا دوغي هي زينة بصح حبيتها بيضا قالولي ديريلها كولوغون أبيض بصح مخرجليش

http://www.9o9i.com/upfiles/ndz06467.bmp (http://www.9o9i.com/)
و حبيت نسقسيك ثاني كيفاه حتان تخرجلي الطلية هاذ اللون

http://www.9o9i.com/upfiles/yEa06468.bmp (http://www.9o9i.com/)



و ثاني الدزيريات تجيني الحشوة يابسة الله لا يوريك وش نديرلها

http://www.9o9i.com/upfiles/Nda06468.jpg (http://www.9o9i.com/)
و ثاني عطاتني حبيبتي غوسات تاع بقلاوة و مبعد العجينة ديريها كي الرشتة و تقليها و تديريها من فوق محبتش تلصقلي كيفاه نديرلها


و حبيت نسقسيك على خبز الطاجين كاين اللي يديرو يهبل أنا ما نعيا نعرك و والو تظل ماما تعاير فيا درتلو السكر والزيت خرج لاصق مانيش عارفة و ش نديرلو ماما تقولي العجين يدين ههههههه؟ و راني على باب زواج و مدابيا نروح متعلمة كلش ربي يخليك ختي اسمحيلي تعبتك امممممواح ربي يحفظك و يرحم الوالدين ان شاء الله يا الغالية

[ظلال الورود]

شكرا يالغالية حبيت نسقسيك على لا بات فايتي نخدمها مليح ندير الفرينة قرصة ملح و 2 مغارف زيت نعجنها حتى تولي تطرطق تحت ايديا و نديرلها زبدة التوريق قاسة تاع فرح( اللي تشريها على القبايلي تاع المعمورة ) و نطبقها حتان....... و بصح متخرجليش طالعة ياسر كي تطيب حبيتها طالعة ياسر حتى لي فول فون .

http://www.9o9i.com/upfiles/6nn06467.jpg (http://www.9o9i.com/)

و نزيدك سؤال حنونتي كيفاه حتان تخرجلي عجينة المشكلة بيضة زينة كيما يديروها أنا توجور تخرجلي صفرا دوغي هي زينة بصح حبيتها بيضا قالولي ديريلها كولوغون أبيض بصح مخرجليش

http://www.9o9i.com/upfiles/ndz06467.bmp (http://www.9o9i.com/)
و حبيت نسقسيك ثاني كيفاه حتان تخرجلي الطلية هاذ اللون

http://www.9o9i.com/upfiles/yea06468.bmp (http://www.9o9i.com/)



و ثاني الدزيريات تجيني الحشوة يابسة الله لا يوريك وش نديرلها

http://www.9o9i.com/upfiles/nda06468.jpg (http://www.9o9i.com/)
و ثاني عطاتني حبيبتي غوسات تاع بقلاوة و مبعد العجينة ديريها كي الرشتة و تقليها و تديريها من فوق محبتش تلصقلي كيفاه نديرلها


و حبيت نسقسيك على خبز الطاجين كاين اللي يديرو يهبل أنا ما نعيا نعرك و والو تظل ماما تعاير فيا درتلو السكر والزيت خرج لاصق مانيش عارفة و ش نديرلو ماما تقولي العجين يدين ههههههه؟ و راني على باب زواج و مدابيا نروح متعلمة كلش ربي يخليك ختي اسمحيلي تعبتك امممممواح ربي يحفظك و يرحم الوالدين ان شاء الله يا الغالية

لوكان غير تجاوبيها باش نستفيدو أنا ثاني حابة نفهم و لوكان غير تعطيني وصفة هذا المقروض تاع المول وكاين ناس يجيهم هشيش وبنين و الله غير ندعيلك ليل نهار

[ملكة الورود]

ختي عرفت بللي راكي تعرفي ثاني للصغة ربي يخليك ان شاء الله كيفاه حتى تخرجلي هذه لاكولار راني دايرة في شعري لوريات33 شوكولا ذهبي وحاباتو يخرجلي كيما اللي فالتصويرة هبلتك
راني نستنى في ردك باااااااايييي
http://www.9o9i.com/upfiles/L2c56683.jpg (http://www.9o9i.com/)

[شقراء]

ربي ايجازيك كل خير عاى هذا الموضوع

[ملاك7]

ما شاء الله عليك راني كنت نقرا في مشاركاتك فعلا مفيدة

بصح حبيت نعرف كيفاش نقدر نتبع مشاركاتك وجديدك اين ؟

[mimi53]

السلام عليكم يعتيكم الف صحة والشكر الخاص الى الاخت الحرة على المعلومات والكيفيات اللي راهي تمد فيهم لكن ليى رجاء منها اريد ان تعطيني عجينة المشكلة نتاعها و كدلك وصفة المشقق او ما يعرق بالغريبية الشوكولاطة ادا امكن وبارك الله فيك

[dahbiya]

يعطيك الصحة اختي الغالية من فضلك اعطيني وصفة الكروكي وحلوى تكون بالشكولاطة ومشكووووورة على الموضوع