ساعدوني يا بناااااات عااااااااجل خاص بالمطبخ

[رملاك]

السلام عليكم
من فظلكم أعطوني طريقة باش نطيب بيها لحليب النيسلي انا نعرف بلي نحط علبة النيسلي في ال****ت بها الماء و نسكر عليها
هل هذه الطريقة صحيحة أم خاطئة ؟
راني نستنا دوركا اوكي باسكو راني محتاجا دوركا باش ندير القاطو تاع النيسلي
صح فطوركم
راني نستنا دوركا
سلاااااااااااااام.................

[عُضو مُحترم]

انا خاطيني

هههههههههه

[أم زايد]

هههههههههه لا اعلم

[بنت الحجاج]

اقراي في الورقة تاع لباطة تاع نيسلي .

راه مكتوب فيها ...

فقط انتابهي ..

خليها حتى تبرد باش تحليها ..

باش ما يطيرش عليك المحتوى .. و يحرقك

[thorpe]

والله تمنيت كون قدرت نساعدك لكن خاطيني هههههه بصح كي تخلصيها اذا ما عرفتيش تاكلي هاذي الوصفة ولا عندك مشكل في بقائها فوق المائدة راني هنا نساعدك اتصلي على الرقم الاخضر نجي هههههههه
صح رمضانك وربي يوفقك

[طيبة القلب]

شوفي حنونة لابوات نتاع نيسلي حطيها في كوكوط فيها ما وبلعي كوكوط وخليها في ماء حتى يغلي مليح ممبعد افتحي كوكوط اجبدي لابوات نتاع نيسلي كي تفتحيها تلقاي نيسلي كيما كرامال دايب
نتمنى نكون ساعدتك حنونة
سلام

[بنت الحجاج]

خليها ساعة و نص تغلي ...

[زينونة الجزائر]

كيما قاتلك الاخت طيبة القلب وصحة فطورك

[نسيم الجود]

السلام عليكم


خاطيني الوزينة .

بصح راني نتعلم بشوية


ــــــــــــــــــــــــــــــــــــــــــــــــــ ـــ

صح فطووووووووركم

[رملاك]

مرسيييي
بزااااااااف على المساعدة
و الله راكم فدتوني بزاااااف
ايا ربي يحفظكم
مي شحال الوقت هكداك وحدا دوركا قاتلي 20 دقيقة برك و انتوما هنا قلتولي ساعة و نص
ويناها الصحيحة ..........
أما خويا حسين متخممش راني نعيطلك تاكل شوية قاطو مي ادعيولي برك يجي مليح
باسكو هدا العام قاتلي ماما نتي لي ديري القاطو تاع العيد يتسما بصيت اذا مجاش مليح
ايا باااااااااي و صح فطوركم
و شكراااااااا
مي قولولي برك المدة لي نخليه فيها يطيب
سلااااااااام................

[م.جواد]

السلام عليكم
لو كان قلتي الطياب الماكلة بلاك راني انساعدك بصح القاطو خاطيني
ربي اعوانك
صح فطوركم

[حَكَـايَا إِحسَـღـاس]

أحم أحم....

ارسلينا شوية مين تكملي.....:1::1:
ما تنساينيش..........!!!.:1::1:

[مجنونة بخيالي]

راح ديري قنيدلات؟؟؟
المهم كيما قالتلك الاخت طيبة القلب ديريه في كوكوط فيها الما وخليه يغلي جوايه نص ساعة
صح فطورك

[رملاك]

شكرا اخي جواد
اما اختي حكايا احساس بيان سور مننساكش
مي قولو ان شاء الله برك يجي مليح ههههههههه
سلاااااااااااام..............

[بنت الحجاج]

اختي ميمي ..

ساعة ونص في ايناء عادي ..

و نص ساعة في كوكوطة ..

[صالح القسنطيني]

السلام عليكم

البارح شت الوالدة درتها في ماء و خلاتو يغلي بلاك وحد ساعتين


d

[** دنيا الأمل **]

شوفي حنونة لابوات نتاع نيسلي حطيها في كوكوط فيها ما وبلعي كوكوط وخليها في ماء حتى يغلي مليح ممبعد افتحي كوكوط اجبدي لابوات نتاع نيسلي كي تفتحيها تلقاي نيسلي كيما كرامال دايب

نتمنى نكون ساعدتك حنونة

سلام
السلام عليكم
هذه هي الطريقة ...

[نور الايام]

العلبة مثل ما هي اعمليلها حمام مائي "بان ماري" bain marie

لأكثر من ساعة و اكيد لا تتجاوز الساعتين

[khaoula rouh]

كيما قلتي بصح ماتسكريش عليه وخليه يغلي 3 ساعات يعني يتشرشم كيمانقولو حنا بالعامية

[أميمة الصديق]

شوفي حنونة اختصاصي المطبخ عاشقة المطبخ انا
شوفي حطي لبواط كيما هي في لماء
اذا درتي في كوكوط وغلقتيه ديريه 45 د وافتحي عليه بعد ماتنحي الصفرة اكيد
واذا درتي في برمة عادية ساعة ونصف قدقد
صدقيني هي الطريقة الصحيحة وكل عام نخدم بيه
بصح حذري كي تفتحيه يطير على وجهك
نقبيه نقبة صغير وبعدي على وجهك
ومن بعد كملي فكيه
اي حاجة اختك هنا
سلام

[رملاك]

بارك الله فيكم جميعا
و جزاكم الله خيرا
سلاااااااااام.............

[الدر المكنون 7]

حطي علبة النيسلي في قدر به ماء وخليه فوق النار مدة ثلآث ساعات وكل ما ينقص الماء زيديلو هذ الطريقة سمعتها في برنامج صحبة طيبة من قناة فتافيت،(فالكوزينة لازم تجربي شحال من مرة باه تجي فالصواب )وشدي حيلك العيد قرب.

[حرة لغواطيات]

عندي مئااات الوصفات المجربة والناجحة فمن فرادت الحصول علئ كل وصفة تكتب عندي مئااات الوصفات المجربة والناجحة فمن فرادت الحصول علئ كل وصفة تكتب لي نوع الحلوة التي تبحث عنها
من حلوياتي(حلوة الكراميل او النيسلي.حلوة بتي فور بمسحوق البيمو.المشكلة.كروكي رائع.............................)
.اقدم لكم اروع بغرير وكل من ياكل منه يعجبه ويطلب مني وصفته/:1كغ فرينة +1ل ماء+1.5مغرف كبيرة خمارة الخبر.1خمارة كيميائية
طريقة التحضير:بواسطة خفاقة كهربائية او روبو او بيتران ضربي الفرينة والماء والخميرة ويترك مدة30 د لكي يختمر حتى يتضاعف حجمه 3مرات ثم تضيفين عليها خمارة كيميائبة وطيبيه في مول تيفال والسر يكمن في طريقة الخفق والنضج لازك تبرد مقلة تيفال بالماء البارد ثم نضيف عجينة البغرير.وعند النصج عسلوه وبالهناء والشفاء ورحمو علي.
</b></i>
لي نوع الحلوة التي تبحث عنها
من حلوياتي(حلوة الكراميل او النيسلي.حلوة بتي فور بمسحوق البيمو.المشكلة.كروكي رائع.............................)
.اقدم لكم اروع بغرير وكل من ياكل منه يعجبه ويطلب مني وصفته/:1كغ فرينة +1ل ماء+1.5مغرف كبيرة خمارة الخبر.1خمارة كيميائية
طريقة التحضير:بواسطة خفاقة كهربائية او روبو او بيتران ضربي الفرينة والماء والخميرة ويترك مدة30 د لكي يختمر حتى يتضاعف حجمه 3مرات ثم تضيفين عليها خمارة كيميائبة وطيبيه في مول تيفال والسر يكمن في طريقة الخفق والنضج لازك تبرد مقلة تيفال بالماء البارد ثم نضيف عجينة البغرير.وعند النصج عسلوه وبالهناء والشفاء ورحمو علي.
</b></i>

[أمآآآآني البنفسج]

ساعة أختي و هذا عن تجربة شخصية , و صح فطورك

[بنت اولاد نايل]

ممكن تكتبو لنا الوصفة
الى بحليب نسيلي وشكرا
سلام:mh31:

[حرة لغواطيات]

توضع في الكوكوت ساعة ونصف لتصبح مثل الكراميل وانصحكي اختي باستعمال كابريس البنفسجي اي الحلحالي في بلاصة النيسلي ورديلي بالخبر ورحمي عليا انا كنت نستعمل النيسلس والعلبة واحدة ب140دج وما هيش كافية اما ساشي كابريس180 دج
دج وتقطعلي حتى120 حبة ويوذوب مع شوية حليب على نار قليلة وخليها تبرد وشوفي البنة وشكون احسن وصح فطوركم اخواتي الغاليات

[رقية 24]

ا نا حسب معلوماتي ساعة


سلاااااااااااااااااااااااااااااام