المساعد الشخصي الرقمي

مشاهدة النسخة كاملة : عاجل... لأساتذة الثانوي وغيرهم من ذوي الخبرة

( بنت تقرت )
2010-09-04, 09:03
أرجوكم... لأساتذة الثانوي

أولا السلام عليكم ورحمة الله وبركاته

هذه أول مشاركة لي في هذا المنتدى الطيب

يا اخواني انا تخرجت هاذ العام من المدرسة العليا للأساتذة

ولما وضعت ملفي عند المديرية أخبرونا أن التعيين بعد عملية حركة الأساتذة

لكل من يعلم وعنده خبرة أرجوكم يخبرني

هل ننتظر التعيين أو نروحو للمديرية نجيبوه ولا واش نديرو

وشكرا
أم نعمة
2010-09-04, 12:43
لا تنتظري بل يجب عليك أن تذهبي كل يوم حتى يعطوك التعيين وإلا سيظيع حقك ويقال لك أنت ما جئت ما في آمان.
( بنت تقرت )
2010-09-04, 16:06
شكرااااااا ربي يحفظك

وأنا لها وباذن الله من يوم الأحد نبدأ مسيرة

الذهاب والاياب الى المديرية

وربي يسهل يا رب

جزاك الله خيرا أختي الكريمة لأنك نصحتيني

شكرا
MOUNIR1979
2010-09-11, 22:40
عليكي بالذهاب يوميا حتى تأخذي التعين و الله يسهل.
marcouni
2010-09-12, 14:53
في ولايتنا قامت اللجنة المتساوية الأعضاء بتعيين كل خريجي المدرسة العليا للأساتذة مع حركة التحويلات ونظرا للعدد الكبير للأساتذة المحولين وكذا مناسبة عيد الفطر والدخول المدرسي لن تستطيع المديرية الإنتهاء من إعداد كل التعيينات في الوقت المناسب يعني قد تستغرق العملية بعض الوقت لكن لاتتجاوز هذا الأسبوع في أسوء الحالات ومع بداية الأسبوع القادم يكون كل الأساتذة في مناصبهم إن شاء الله
( بنت تقرت )
2010-09-14, 07:05
عليكي بالذهاب يوميا حتى تأخذي التعين و الله يسهل.

والله العظيم كرهت من الذهاب- والاياب كل يوم خاصة وأن المسافة بعيدة ياسر180 كلم، والمشكلة وين بصح؟؟ راهو لما يلقوك طفلة والله يسقدني بكلمتين هكا تاع عربية فصحى من الكلام اللي ما يفهموا حتى واحد مثل :cool: ( ان الوازرة تعمل على قدم وساق حتى تلبي كل الطلب المتراكم وتضمن دخولا مدرسيا عظيما لكن الوقت أضيق مما تتصورين،:rolleyes: مع أنو أنا نركب من بعد الفجر باه نوصل 7:00 للمديرية اللي تفتح مع 7.00 بصح هاذا المسؤول عن مكتب الطور الثانوي يجي حتى 8.30 :mh93:
لكن الحمد لله ثم الحمد لله ثم الحمد لله

وبالحمد تتم الصاحات

وربي سهل يا رب

شكرا أخي الفاضل
( بنت تقرت )
2010-09-14, 07:30
في ولايتنا قامت اللجنة المتساوية الأعضاء بتعيين كل خريجي المدرسة العليا للأساتذة مع حركة التحويلات ونظرا للعدد الكبير للأساتذة المحولين وكذا مناسبة عيد الفطر والدخول المدرسي لن تستطيع المديرية الإنتهاء من إعداد كل التعيينات في الوقت المناسب يعني قد تستغرق العملية بعض الوقت لكن لاتتجاوز هذا الأسبوع في أسوء الحالات ومع بداية الأسبوع القادم يكون كل الأساتذة في مناصبهم إن شاء الله

صح نفس الكلام اللي قالهولي المسؤول عن القسم أمبارح 13/09/2010 وأنا في المديرية

لكن حنا في ورقلة واش داروا

بعد حركة نقل الأساتذة أصحاب الأقدمية... جابوا تاع المدارس العليا وخلطوهم مع تاع المسابقات ( نظرية خلطها تصفى ) ولاحونا كل واحد في بقعة من الأرض:) بعيدة عليك 180 كم أو 220 كم ( من تقرت لحاسي مسعود ) أو بعيدة عليك 100 كم .. عادي مايهمش عندهم المهم يرضوا أصحاب النعمة عليهم ولا حول ولا قوة الا بالله
:mh93:


ولبارح 13/09/2010 سألت سكرتيرة مدير التربية لولاية ورقلة على الساعة 10.30 بالضبط وقالتلي

مدير التربية راهو عامل افتتاحيات على المؤسسات راهو يدور.. لذا ما هوش قاعد يمضي على التعيينات لذا كلش راهو حابس حتى يكمل المدير عملييته والدوران على الأرض آه آسفة أقصد على بعض ثانويات الولاية...والأسبوع القادم ضرك يصبح عندو الوقت باه يمضي على التعيينات :rolleyes:

يعني التلاميذ في الأقسام ينتظرون قدوم الأساتذة والأساتذة مساكين في أقسام المديرية ينتظروا في التعيين :)

لما سألتها علاه هاذي الأمور كل ما فريتوهاش قبل الدخول المدرسي قاتلي الله غالب راكي عارفة رمضان وعمايلو فينا والعيد :mh93:


وربي يستر

شكرا أخي الفاضل
toufik04ALI
2010-09-17, 01:08
مسؤولين معفنين يجيب ما يعفنلهم روسهم
أحمد الوفاق
2010-09-21, 15:46
في سطيف تعينوا من بداية الموسم
صُبح الأندلس
2010-09-21, 16:05
يا أختي الحركة انتهى أمرها في ماي الماضي فأدركي نفسك لأن أساتذة المدارس العليا تم تعيينهم .
( بنت تقرت )
2010-09-21, 17:48
الحمد لله راني تعينت

جزاكم الله خيرا وربي يحفظكم

شكرا على المساعدة

وافر احترامي وتقديري
-روميو-
2010-09-21, 20:05
لا يجوز سفرالمرأة إلا بمحرم شرعي
mazouzrachid
2010-09-22, 20:44
أعقليها وتوكلي وربي يجيب ساعت خير وتصبحي على خير
salim kada
2010-09-25, 21:20
التعين من حقك وفي اي وقت لكن المسيريين متماطلين يحبو البزنسة في هذه الامور ولازم تضربي الطاولة عليهم وما تسكتي عن حقك :19: