sousoumia
2010-09-02, 23:37
هذه الأيام وأنا نتصفح عدة منتديات لاحظت موضوع يتكرر في كل منتدى ، تحدثوا عن فضائح اللاعبين الجزائريين و قالوا لا يمكن نشر الصور بحكم الشهر الفضيل و لأنها صور لا يمكن مشاهدتها ، في بادئ الأمر تهاطلت علي عدة نماذج حول مضمون الصور و راح عقلي بعيد ، هذا ما خلق عندي فضول باش نبحث على الصور ونشوفها ، لما شفتها ضحكت،
اللي يسمعني نقول هكذا يقول هذي لا علاقة لها بالدين الإسلامي ؟؟؟
بالعكس كل ما قاموا به حرام ومنكر و أعوذ بالله أن يهون علي أمر كهذا،
ولكن قبل تضخيم الأمور و صنع من حبة قبة ، هاد اللاعبين حقيقة هم جزائريين و مسلمين ( غير بالكلمة) ولكن لازم نتذكروا أنهم عايشين في أوروبا يتحدثوا لغتهم ،يفكروا بتفكيرهم، برك يقولو حنا جزائريين ورانا ندافعوا على ألوان وطننا وأغلبيتهم ماراهم عارفين والوا على الإسلام غير أنو صلاة و صوم.
اللي تحدثوا في المنتديات قالوا بلي كيفاش يشربو خمر و يسهرو في الكباريهات و يمثلوا الجزائر ، أنا نقولهم شفتوا غير هادوما اللي عايشين لهيك في وسط غير مسلم و ماعندهم ولا علاقة بتعاليمنا وماراهم عارفين والوا على حقيقة الإسلام ، بالاك ماراهمش عارفين إذا كان هاد الشي حلال ولا حرام،
وعلاه ماشفتوش الدولة الجزائرية كي راهي تنتج وتصدر الخمور و فاتحة حانات وكباريهات منتشرة في القطر كامل ، مانروحوش بعيد كلكم شفتوها في العاصمة ، في تيبازة ... بلا ماننساو الفنادق .
وعلاش و لا واحد تدخل وقال لازم يتنحاو لأننا بلد مسلم والإسلام يحرّم هاد الشي
الدولة كي شجعت شرب الخمر ما قلتوش آه تبهديلة و حط من قيمة الجزائر وشي ما يشرفش بلادنا ،
الفنانين اللي راهم يمثلو الجزائر عربيا و عالميا زعما ما راهمش يديرو هكذا ما يشربو خمر ما يسهرو في الكباريهات؟؟؟؟؟؟؟ يديرو ما كثر والكل عارف هاد الشي
الفنانين اللي توفاو ( رغم أنو الميت يستاهل الرحمة ) واللي اليوم راهم رمز الأغنية الجزائرية واللي راهي الجزائر تفتخر بهم و تكرمهم في كل سبة أغلبيتهم كانو مدمنين على الخمر و كانو يعملو واش راهم يعملو هاد اللاعبين ، امالا كيف كيف كي اللاعب كي الفنان لثنين راهم يمثلو البلاد ولثنين راهم غالطين ، وإذا عاتبنا على فئة ما لازمش ننساو الفئة لخرى
أنا ما رانيش ندافع عليهم ، بالعكس هاد الشي نقولو ونكرر حرام، و لا عمري نتحمل ندافع على منكر و لا نحلل شي حرمو ربي سبحانو
ولكن راني نشوف بلي احنا إلي رانا نبهدلو في الجزائر كي ننشرو هاد الموضوع في كل المنتديات و نوقفو ضدو ، حتى صار هاد الموضوع حديث المنتديات المصرية و العربية و هما يتمسخرو بنا
أنا لما كتبت هاد الموضوع ماشي باش نقول عادي واش عملو ، ولكن أنا ما حملتش الإهانة لبلادي وولاد بلادي في المنتديات على لسان اللي يسوى واللي ما يسواش
كل واحد يعوم بحرو شفتوه شرب الخمر يشرب السم إذا حب يدبر راسو المهم نحافظو على كرامة بلادنا قدام العرب وخصوصا اللي ما يحبوناش وما ننشرو ولا حاجة تحط من كرامتنا ، لازم كل واحد يخمم قبل ما يكتب، وكان من المفروض الصحافة هي الأولى اللي تحافظ على كرامة بلادنا ماشي راحت تشعل في النار، لو عرفو واش راهم يعملو خصوصا اللي حط المقال لفكّر دهرا قبل أن يخط سطرا
الله يهديهم و يهدينا إن شاء الله إلى الطريق المستقيم
آسفة على الإطالة ، هذا هو رأيي وغيرتي على بلادي أنهم يسبونا و حنا نتسبو في هاد الشي هي اللي خلاتني نتحدث هكذا.
اللي يسمعني نقول هكذا يقول هذي لا علاقة لها بالدين الإسلامي ؟؟؟
بالعكس كل ما قاموا به حرام ومنكر و أعوذ بالله أن يهون علي أمر كهذا،
ولكن قبل تضخيم الأمور و صنع من حبة قبة ، هاد اللاعبين حقيقة هم جزائريين و مسلمين ( غير بالكلمة) ولكن لازم نتذكروا أنهم عايشين في أوروبا يتحدثوا لغتهم ،يفكروا بتفكيرهم، برك يقولو حنا جزائريين ورانا ندافعوا على ألوان وطننا وأغلبيتهم ماراهم عارفين والوا على الإسلام غير أنو صلاة و صوم.
اللي تحدثوا في المنتديات قالوا بلي كيفاش يشربو خمر و يسهرو في الكباريهات و يمثلوا الجزائر ، أنا نقولهم شفتوا غير هادوما اللي عايشين لهيك في وسط غير مسلم و ماعندهم ولا علاقة بتعاليمنا وماراهم عارفين والوا على حقيقة الإسلام ، بالاك ماراهمش عارفين إذا كان هاد الشي حلال ولا حرام،
وعلاه ماشفتوش الدولة الجزائرية كي راهي تنتج وتصدر الخمور و فاتحة حانات وكباريهات منتشرة في القطر كامل ، مانروحوش بعيد كلكم شفتوها في العاصمة ، في تيبازة ... بلا ماننساو الفنادق .
وعلاش و لا واحد تدخل وقال لازم يتنحاو لأننا بلد مسلم والإسلام يحرّم هاد الشي
الدولة كي شجعت شرب الخمر ما قلتوش آه تبهديلة و حط من قيمة الجزائر وشي ما يشرفش بلادنا ،
الفنانين اللي راهم يمثلو الجزائر عربيا و عالميا زعما ما راهمش يديرو هكذا ما يشربو خمر ما يسهرو في الكباريهات؟؟؟؟؟؟؟ يديرو ما كثر والكل عارف هاد الشي
الفنانين اللي توفاو ( رغم أنو الميت يستاهل الرحمة ) واللي اليوم راهم رمز الأغنية الجزائرية واللي راهي الجزائر تفتخر بهم و تكرمهم في كل سبة أغلبيتهم كانو مدمنين على الخمر و كانو يعملو واش راهم يعملو هاد اللاعبين ، امالا كيف كيف كي اللاعب كي الفنان لثنين راهم يمثلو البلاد ولثنين راهم غالطين ، وإذا عاتبنا على فئة ما لازمش ننساو الفئة لخرى
أنا ما رانيش ندافع عليهم ، بالعكس هاد الشي نقولو ونكرر حرام، و لا عمري نتحمل ندافع على منكر و لا نحلل شي حرمو ربي سبحانو
ولكن راني نشوف بلي احنا إلي رانا نبهدلو في الجزائر كي ننشرو هاد الموضوع في كل المنتديات و نوقفو ضدو ، حتى صار هاد الموضوع حديث المنتديات المصرية و العربية و هما يتمسخرو بنا
أنا لما كتبت هاد الموضوع ماشي باش نقول عادي واش عملو ، ولكن أنا ما حملتش الإهانة لبلادي وولاد بلادي في المنتديات على لسان اللي يسوى واللي ما يسواش
كل واحد يعوم بحرو شفتوه شرب الخمر يشرب السم إذا حب يدبر راسو المهم نحافظو على كرامة بلادنا قدام العرب وخصوصا اللي ما يحبوناش وما ننشرو ولا حاجة تحط من كرامتنا ، لازم كل واحد يخمم قبل ما يكتب، وكان من المفروض الصحافة هي الأولى اللي تحافظ على كرامة بلادنا ماشي راحت تشعل في النار، لو عرفو واش راهم يعملو خصوصا اللي حط المقال لفكّر دهرا قبل أن يخط سطرا
الله يهديهم و يهدينا إن شاء الله إلى الطريق المستقيم
آسفة على الإطالة ، هذا هو رأيي وغيرتي على بلادي أنهم يسبونا و حنا نتسبو في هاد الشي هي اللي خلاتني نتحدث هكذا.