وكــــال رمضـــان .. كاين منو صح !!

[نعمة القدوس]

بــــــــ الله ـــاسمـ الرحمن الرحيــمـ


الســــــلامـ عليكمـ ورحمة الله تعالى وبركــــاتهـ



أحبــــــابي أعضاء الجلفهـ .. أعضاء الخيمهـ ..


وبمــــــا أنـــــنا في شهر رمضان المعظمـ .. شهر الصيــــام والقيــــام ..


جـــــــاتني عبــــارة مشهـــورة في رمضان .. دون غيرها


والــــلي هي " وكــــال رمضان "


طبـــــعا كل واحد تفكــــر في صغرو لمــــا ماكانش يصوم


أفراد العائــــلهـ وهومــــا يعيطولــــو بهذه الكلـــمهـ ..



لكـــــــــن الموضوع مـــــا هوش هنـــا ..


والمشكــــلهـ .. أنــــو وكـــال رمضان كــــاين منو صح ..


ربي يحفظـــــــــــنا ..



عمــــــتي .. صاحبة هذه العضويهـ .. تحكي عن هذه الظـــــــاهرة وتقول ..


في رمضــــان الفائت (قصدهـــا رمضان اللي قبل قبل هذا) .. كنت في القــــايلهـ ..


نطل من الطـــاقهـ .. والطــــاقهـ تاعنا ماتبينش (مصبوغهـ) ..


المهمـ .. كــــان وحد الشـــاب يغسل بالمــــا .. ومبعد حتى نلقاه ضرب طلهـ .. على جميع الطيق .. ولمــــا تأكد من أن حتى واحد قاعد يراقب فيــــهـ ..


ضربهـــا بشربهـ ..


ونسى بلــــلي كـــاين اللي مـــايخفى عليهـ والــــو ..


مـــــــــهما حاط روحــــو فايق .. هــــاهو أتفضح قدامـ إنسان ..


بلا مـــا علابالــو ..


والمشكل مــــاشي في الإنسان .. المشكـــــل راهو كيفـــاه راح يقابل ربي يوم القيـــامهـ .. بعد العملهـ اللي دارهـــا .. ؟؟


منين راح يتخبــــى .. مفضوح يعني مفضوح .. اليــــــــوم ولا غدوا ..



واش رايكـــــم في عباد كــــيما هكـ ؟


صراحة أنــــــــــا نعيا بـــاه نشرب في رمضان بالصح ما نقدرش ..


وراني حــــــــايرة في خونـــا كيفاه قدر ..


رانــــــي نخمم كيــــفاه راح يصوم 60 يــــوم .. بالصح قولولي ..


واحد كـــما هدا مايخافش ربي .. يصوم شهرين ورا بعضــــاهم؟ ..


غير لكــــــــان هداه ربي للطريق المستقيم ..


لذا فلنرع أيدينــــا نحو السمـــاء ولندع الله أن يهديهـــم .. ويزرع رهبتهـ في قلوبهمـ ..


آمـــــين يارب ..



إيــــــيييييهـ .. راني نسيت ..


مـــــــــــا تنساوش تقولولي واش رايكـــــم في عبد كيــــما هكـ؟


وإذا كنتـــــو في بلاصة عمتي واش رايحين تديرو؟ ..


ومــــــــــا تنساوش تمدو للـــــي كيما هكـ نصيحهـ ..


مــــــــــــــا تدريوش .. قادر يكــــــــــوون في منتدانا وكــــاال رمضان ..


وصحهـ فطوركــــم ..

[*أنسام*الجنة*]

السلام عليكم ورحمة الله
الله يهدي صحيح يوجد مثل هؤلاء الأشخاص
فهم يتخبأون من العباد وينسون أن رب العباد لا يسهى ولا ينام
قصه مشابهى قصتها لي خالتي حيث ذهبت في هاته الصيفية لدولة شقيقه
وصامت بضعت أيام هناك ..ورأت للأسف عائلة بأكملها تفطر في يوم رمضان
وعندما استفسرت منهم قالوا لها اليوم ساخن سنصوم غدا
...وفي نفس اليوم كذالك ذهبت للسوق فترى شاب بكامل الصحه والعافية يلتفت يمين وشمال ثم يشرب الماء وكان الأمر عادي..قالت له ألا تخاف من ربي ...ضحك وهي مشت
الله يهديهم ويهدينا ويثبتنا على ديننا
فلو يعلمون فضل رمضان على صحتهم ومنفعته في أخرتهم لا تمنوا الدهر كله رمضان
بارك الله فيك

[amine2n]

bsr, merci pour le sujet t'as bien parlé des gens qui ne jeunent pas mais il y a aussi les gens qui ne font pas la prière chez nous en Algérie et malheureusement ils sont nombreux malgré que soit le jeune soit la prière sont les deux obligatoires je ne comprends pas comment la majorité jeunent et mais les gens qui font la prière ne le sont pas c vraiment paradoxale
allah yehdina en tout les cas

[نعمة القدوس]

وعليكـــم السلام أخي الصارم ..
عندكـ حق .. العذاب اللــــي يستنى فيهم .. لا يستهان بهـ أبدا ..
ربي يهدي مـــــا خلق ..
أمــــــا عن اللهجهـ .. لقد استخدمتها حتـــــى يكوون للموضوع طبع خاص ..
و .. شكرا على المرور الطيب ..

[نعمة القدوس]

وعليــــــــــــــكم السلام أختـــي أنسام الجنهـ ..
عندكـ كل الحق .. وقد تأسفت لحال تلكـ العائلهـ ..
حيـــــاتهم كاملهـ وهومــــــا يستناوو فالحال يبرد .. ورمضان يرووح عليهم ..
أمـــــــــــا الشاب اللــــي هدرتي عليهـ .. زاد من فوق عصيان الله ..
قلة الاحترام والأدب اللـــــــي بينها لخـــــالتكـ ولتعاليم الديـــن تاعنا ..
ربي يهديــــهم ..
مشكــــــــــــووورة على المشاركهـ ..

[نعمة القدوس]

أهـــــلا بكـ أخ أمين ..
ولا شكـــــر على واجب ..
الهدرة تـــــاعكـ في محلهـا .. مع أني ما فهمتش كلمة "paradoxale"
المهم .. أسأل الله أن يهدينا .. ويهدي جميع هاد الناس ..
ومشكوور على مروركـ ..

[حَكَـايَا إِحسَـღـاس]

وكال رمضان محروق العظام...هههه

ربي و رحمتو....الله يهديهم.....

صح فطورك....وللا راكي كالية رمضان...؟؟ههههههههه

ربي يحفظك....

[thorpe]

سبحان الله قالك بكري عيش تسمع ضرك ولات عيش تشوف وفي المستقبل تولي عيش تعيش
صح رمضانك
سلام