لطلاب التسيير و الاقتصاد

[عبير1992]

السلام عليكم و رحمة الله تعالى و بركاته صح رمضانكم
:dj_17:
حبيت ندير هاذا الموضوع كغرفة خاصة لطلاب التسيير و الاقتصاد و كل واحد يدخل يكتب الولاية لي تابع ليها
و نشكلو مجموعة و نحدد وقت مع بعضانا يعني لي يساعدنا كامل باه نتلاقاو هنا في منتدى الجلفة
و نراجعو كيفكيف لانو لحقت الدراسة و حنا في سطيف ديجا راهم بداو الدروس الخصوصية خاصة في الرياضيات
وش تقولو؟؟؟؟؟؟؟؟ان شلء الله تعجبكم الفكرة و نحطو اليد في اليد و نجيبو الباك بمعدلات مليحة

[عبير1992]

واشي هاذا ماكانش حتى واحد يدرس تسيير و اقتصاد؟كامل علوم تجريبية؟؟ولا ماعجبتكمش الفكرة؟؟؟؟؟؟؟

[عبير1992]

و لا مشاركة؟؟؟؟؟؟؟؟؟؟؟؟؟؟؟؟؟؟؟؟؟؟؟

[عبير1992]

مازال ماكانش حتى واحد؟؟؟وين رحتو هاذا و لا راكم كارهين لقراية؟

[theorthopidique]

انا شعبة علوم تجريبية للاسف واصلي فكرنك لعلك تجدين من يساعدك انا ايضا من سطيف بداو الدروس الخصوصية من جوان ربي يوفقكم

[°واحد من الناس °]

هههههههه

دروس خصوصية من جوان الله يوفق

صراحة

انا في القراية وحابهم يبداو من شهر ديسمبر لانو المدة كبيرة


الاخت

عبير

كيما قتالك الاخت

لازم شويا صبر

باش تلقاي جماعة نتاع شعبتك

ومزالو الحال فصل فصلين

وتلقايهم

برك شويا نشاط في الموضوع ويجو




وموفقة اختي


+


هبااااا ل لي يدير لي كور قبل الوقت

وربي يسهل
ويوفق

[safioo]

السلام عليكم

شوفي أختي انا هذا العام رباحت الباك في شعبة التسيير والاقتصاد

وعجبني حماسك للدراسة

راني هنا تحتاجي أي مساعدة واذا بغيتي نمدلك msn كاش ما تحتاجي

أختك : نجية من تلمسان

[عبير1992]

شكرا الاخت نجية و الله حبيت نديرو جماعة نتعاونو بصح ماكانش حتى واحد راني نشوف فيهم كامل علوم تجريبية و انا حبية نراجع
شةي لاخاطر العام لي فات مررنا على دروس اعمال نهاية السنة مرور الكرام وش تعرفي مع الاضرابات مكفاناش الوقت و الاستاذة
قالتلنا العام الجاي نبداو من اعمال نهاية السنة و انا ماراني فلهمة فيهم والو على هاذي حبيت نراجع قبل ماندخل

[safioo]

ايه أختي

حتى انا صرالي هكا في السنة الثانية

مي نقولك الدروس الي تركزي عليهم في دروس السنة الثانية وتحتاجيهم بزاف هذا العام

هما : الاهتلاكات والمؤونات لأنوا تعاودوهم غير هما وتزيدووا عليهم عمليات اخرين سما تجيك الحالا ساهلة

وكاين المحاسبة التحليلية درتوها في التالي مي يبالي بسبب الاضرابات تكونوا حتى واحد ما طلع فيها حاجة لأنوا لازمها وقت وتركيز

على كل حال هذا MSN نتاعي كاش ما تحتاجي أي حاجة راني هنا نفهمك كل شيء ان شاء الله

nadji13500*hotmail.fr
ديري @ في بلاصة *رمضانك كريم وتفطري بالصحة

[عبير1992]

شكرا الاخت نجية على المساعدة جعلها الله في ميزان حسناتك و حبيت نسقسيك برك كاينة الرياضبات المالية؟لاخاطر ما شفتش
الدروس

[safioo]

ايه أختي كاين الرياضيات المالية مي التالي قاع نتاع البروقرام

أحنا قرينا جزء صغير منها بسبب الاضرابات كما تعرفي

مي قلعوهانا من الباك لأنوا معظمهم ما وصلولهاش مي انتوما يبالي هذاالعام ما كانش اضرابات وراح تقدروا توصلولها

هي حفيظة الكثرا لأنها معمرا قوانين حسابية

[عبير1992]

انا هاذاك ما نحب غير الرياضيات المالة اصلا انا نموت على الرياضيات و ما قلتيليش ختي شحال جبتي المعدل نتاع الباك؟

[abdou didou]

انا يا اخت تسيير لكن مش بكالوريا في الجامعة والعام الجاي نتخرج ان شاء الله ولي تحتاجيها ونقدر نساعدك فيها راني هنا وخيتي

[عبير1992]

مشكورة الاخت بصح انا عندي خويا يقرا في الحامعة مداير علوم اقتصادية و منين نقلو كيفاه هاذي ولا عاوني في هاذي يقلي قرايتي ناشي كينا قرايتك مالا يتمسخر بيا؟؟؟؟؟؟؟؟؟

[abdou didou]

اخ ليس اخت لا فيه المحاسبة التحليلية نقدر نعاونك والرياضيات المالية والاحصاء والتسيير المالي ولي مانعرفهاش نسقسيلك عليها مش مشكل المهم نعاونك بحاجة

[رامة1]

شكرااااااااااااااااااااااا

[عبير1992]

اخ ليس اخت لا فيه المحاسبة التحليلية نقدر نعاونك والرياضيات المالية والاحصاء والتسيير المالي ولي مانعرفهاش نسقسيلك عليها مش مشكل المهم نعاونك بحاجة

اسمحلي خويا و الله و الله و الله ما شفت مليح هاذا هو الوقت لي يحكم علي رمضان ملييييييح على كل مشكور الاخ
و نت الاخت رامة تقراي سنة ثالثة؟؟؟؟؟؟؟؟؟؟

[abdou didou]

وش من ولاية تقراي الاخت عبير

[safioo]

انا هاذاك ما نحب غير الرياضيات المالة اصلا انا نموت على الرياضيات و ما قلتيليش ختي شحال جبتي المعدل نتاع الباك؟

انا ديت 15.70 والحمد لله
وسجلت علوم اقتصادية

ههههههههه
خوك ما داراهاش بيك لقرايا نتاع لافاك مبدلا شويا على الي كنا نقراوه وتتبدل في السنة الثانية والثالثة حسب التخصص

[safioo]

وش من ولاية تقراي الاخت عبير

ممكن نسقسسك خويا واش تخصصك اكزاكت في السنة الثالثة ؟؟

[عبير1992]

وش من ولاية تقراي الاخت عبير
نقرى في ولاية سطيف و نت الاخ؟؟؟؟؟؟

[abdou didou]

لا لعكس ماتتبدلش ياسر تزيد تتعمق برك السنة اولى جامعي هي سنة ثانية ثانوي وسنة ثانية جامعي هي سنة ثالثة ثانوي اما التخصص ما تحتاجيهش انت انت المهم تجيبي الباك وان شاء الله تجيبيه

[عبير1992]

انا ديت 15.70 والحمد لله
وسجلت علوم اقتصادية

ههههههههه

خوك ما داراهاش بيك لقرايا نتاع لافاك مبدلا شويا على الي كنا نقراوه وتتبدل في السنة الثانية والثالثة حسب التخصص

الله يبارك في الباك و ديتي 15.70 ربي يوفقك ان شاء الله و على خويا دااااااااااااايمن يتهاوش مع بابا كي نقلو نعتلي يقولي مانعرفش ينوض ليه بابا يقولو كيفاه ماتعرفش هاذا يخي نت قريتهم و كي نشوفو بدا يعيط عليه وليت مانقولوش طول نعوم بحري فهمت فهمت مافهمتش الله لا فهمت بصح ضرك في هاذ المنتدى راكم تقولو نعاونوك يخي ماتدوروش في رايكم و توليو تديرولي كيما خويا ههههههه نضحك معاكم برك و الله مشكورين

[عبير1992]

لا لعكس ماتتبدلش ياسر تزيد تتعمق برك السنة اولى جامعي هي سنة ثانية ثانوي وسنة ثانية جامعي هي سنة ثالثة ثانوي اما التخصص ما تحتاجيهش انت انت المهم تجيبي الباك وان شاء الله تجيبيه
ان شاء الله يا رب و ماقلتليش وين تقرا الاخ؟؟؟؟؟؟

[safioo]

التخصص ما تحتاجيهش انت انت المهم تجيبي الباك وان شاء الله تجيبيه

لالا خويا
انا مش صاحبة الموضوع
انا ديت الباك هذا العام وبغيت نعرف تخصصك
لانوا باغيا نتخصص محاسبة وجباية وما عنديش معلومة لا مليحا ولا لاء ؟؟؟

[abdou didou]

الجلفة وتحبي نعطيك المسنجر ولا الياهو ولا ال***** باه كاش ماتحتاجي تقوليلي؟؟؟؟؟؟؟؟؟

[abdou didou]

اختي تخصصي محاسبة ومالية وعلى حساب ماسمعت تخصص محاسبة وجباية مليح والله اعلم

[safioo]

لالا اختي رانا هنا وما نديرهاش بيكي

وكان تحبي حتى النييروا نتاع الموبيل نمدهولك باه كاش ما تحتاجي تعيطيلي

والله نبغي نعاون الي يبغيو يقراو وراسهم في القرايا

ربي يبارك فيك ويعاونك وتربحينا الباك وتفرحينا

[عبير1992]

خيار الناس و فيما يخص ال***** و المسنجر انا ما نتعاملش بيهم و ماعنديش اصلا و مانحبش نحكي فيهم شكرا عبدو و تقرى في الجامعة نتاع الجلفة؟وش مداير تخصص و شحال جبت المعدل ؟

[safioo]

اختي تخصصي محاسبة ومالية وعلى حساب ماسمعت تخصص محاسبة وجباية مليح والله اعلم

صحيت خويا
الله يوفقك وينجحك

[عبير1992]

لالا اختي رانا هنا وما نديرهاش بيكي

وكان تحبي حتى النييروا نتاع الموبيل نمدهولك باه كاش ما تحتاجي تعيطيلي

والله نبغي نعاون الي يبغيو يقراو وراسهم في القرايا

ربي يبارك فيك ويعاونك وتربحينا الباك وتفرحينا
شكرا ربي يعطيك ماتتمناي في حياتك و الله كمت نضحك معاك برك

[abdou didou]

داير محاسبة ومالية الاخت عبير وبمعدل 13 المهم تهلاو في رواحكم وصح فطوركم وانت والاخت صفية ولا صفيو

[safioo]

الله يسلمك خويا عبدوا
انا نجية

[عبير1992]

صح فطورك خويا و ربي يوفقك راك خارج؟؟؟و كي نحتاجك وين نلقاك؟ادا تدخل بزاف لهاذا المنتدى ماكانش مشكل نعرف كيفاه نجيبك و تديرلي كامل التمارين دبر راسك راك قلتلي نعاونك

[abdou didou]

لا ان شاء الله لي نقدر عليها نعاونك فيها ونسقسيلك المهم جيبيلنا الباك برك تلقاينا هنا برك ولا خليلي رسالة في المنتدى تهلاو في رواحكم خوتاتي انت ونجية وربي يعاونكم وضرك الهاي بطياب الفطور الباك مزال ههههههههههه ايا صح فطوركم وبلاك في الليل نتلاقاو

[عبير1992]

صح فطورك بااااااااااااي و انا فليل ماندخلش ندخل غير في النهار ههههههههههه نضحك معاك برك ساعات وين ندخل المهم انتلى في روحك باي

[safioo]

تفطر بالصحة خويا عبدوا
وان شاء الله نتلاقاو في ساعات الخير

[safioo]

شوفي أختي عبير
انا راني هنا تقريبا كل يوم ما بعد الظهور حتى للأذان نتاع المغرب
سما ريفيزي ولا لقيتي صعوبة في كاش حاجا قوليلي نفهمك
اوك ؟

[عبير1992]

صح ختي انا لوقت لي نكون فيه من الضهر للعصر و كي راكي تقولي حتى للمغرب مالا شكون يدير لفطور؟؟؟؟؟؟؟؟ المهم انا ضرك نروح نعاون ماما في الكوزينة ديجا راهي بدات تعيط و باه تزيدي تعرفي انا طفلة برك في دارنا و 3 ذراري على هادا شغل البيت كامل طيح على راسي

[safioo]

اوكي أختي

الله يعاونك

تفطري بالصحة انتي والعائلة الكريمة

بالتوفيق

[chounia]

bonsoir a tous , je compte repasser le bac dans cette branche inchallah mais je ne trouve pas les differents cours , quelcun peut m'aider svp?

[abdou didou]

كيفاش اختي تحوسي على دورات؟

[barbari21]

سلام ان الاخ برهان من قسنطينة جوزت الباك السنة و نجحت 13.34 ماتقلقيش برك هادو هوما تاع التسيير ماهمش مراد بيها كاشيما تحتاجي في المحاسبة راني موجود و انا راني رايح نعاود الباك السنة معاكم msn dyali barbari23@live.com

[عبير1992]

وين راكم يا بدرو و نجية؟؟؟؟؟؟؟؟؟؟؟؟

[عبير1992]

عفوا عبدو و نجية

[safioo]

صباح النور حنونتي
كي صبحتي ؟ راني جيت ؟

[عبير1992]

اهلا نورت
معليش تدخلي لمنتدى دردشة البنات في قسم الاسرة و المجتمع نحكي معاك شوي؟؟؟؟؟؟؟؟

[safioo]

اوك دوك نمشيلوا

[abdou didou]

اهلا بيكم عبير ونجية

[عبير1992]

اهلا بيكم عبير ونجية
اهلا و سهلا نورت خويا عبدو وشراك مع رمضان؟

[abdou didou]

لباس الحمد لله

[عبير1992]

الحمد لله و الله من قبيل درت موضوع في منتدى الترحيب و التعارف خصيصا ليك و لنجية بصح حذفوهلي قالولي لي عينو يدردش يروح لقسم الدردشة ههههههههههههههههه

[abdou didou]

هههههههههههههههه ماعليه ربي يحفظك يونجحك ان شاء الله ويعطيك ماتتمناي وباينة تتمناي الباك

[عبير1992]

و الله والو و ماهوش الباك نتاعي هو الامنية صح اي واحد يحب يجيبو بصح انا عندي كيفكيف المهم ندير لي عليا و نسيت ماقلتش انجية راه يسالي عليك عبدو لاخاطر راني نحكي معاها في قسم الدردشة بصح الله غالب مكتوب ممنوع دخول الذكور مالا رد بالك تدخل ههههههههههههه

[عبير1992]

اوك دوك نمشيلوا

التمرين:
تحصل مطعم الشاطئ الازرق على فرن كهربائي بتاريخ 1/10/2000
تكلفة الشراء:760000
المدةالمحتملة للاستعمال 10 سنوات
العمل المطلوب:
انجز جدول الاهتلاك الخطي(ملقيتش في الاخير0)
سجل قيد مخصصات الاهتلاك في 31/12/2000
التمرين الثاني:
بتاريخ1/7/2002تحصلت مؤسسة الصخرة على معدات
بلغت القيمةالمحاسبية الصافية 36000 بعد الاخذ في الحسبان المخصصات المتعلقة بدورة2004
المطلوب:احسب القيمة الاصلية علما بان العمر الانتاجي للمعدات هو 5 سنوات
انجز جدول اهتلاك المعدات

[عبير1992]

صح فطورك نجية حنونتي وين راه الحل؟؟؟؟؟؟؟؟

[safioo]

سلام حنوتة
ما شتوش قبيلات عادا ذركا دخلت
دوك نحلوا

[عبير1992]

سلام حنوتة
ما شتوش قبيلات عادا ذركا دخلت
دوك نحلوا
اوكي حنونة مارانيش مزروبة حبيت نعرف برك وين درت الغلطة باه خرجلي الحل غالط

[عبير1992]

وين راك عبدو شفت؟؟قتلك ضرك تهرب قلتلي كيفاه مالا و الله ماني طالقاتك حتى تحلي التمرين و نجيبك وين ما تكون

[عبير1992]

مازال برك ماجيتوش كملو كملو الرقاد يااو بصحتكم

[theorthopidique]

السلام عليكم عبير انت من سطيف واذا كنتي من سطيف من اي منطقة بالضبط

[عبير1992]

من عين ولمان و نت؟؟؟؟؟؟؟

[theorthopidique]

راكي قريبة ليا انا من عين ازال

[عبير1992]

خيار الناس وشمن شعبة تقراي؟؟؟؟؟

[theorthopidique]

يعيشك ختي انا علوم تجريبية

[عبير1992]

عرفتك قبل ماتقوليها ماعلاباليش علاه كامل علوم تجريبية ماكانش حتى واحد تسيير و لقتصاد

[theorthopidique]

ختي انا درت علوم تجريبية علخاطر راح ندير طب ومنبعد جراحة عضام علهذيك درت علوم تجريبية صح عندك الحق التسيير قلال

[عبير1992]

ختي روحي لقسم الدردشة للبنات فقد تلقاي الموضوع نتاعي بعنوان اليك الاخت sfiooادخلي و ثم نحكيو على راحتنا

[عبير1992]

وين را يا عبدو و نجية و وين راه الحل نتاع التمرين؟؟؟صحة هاذا هو الوعد نتاعكم؟؟؟؟؟؟؟؟؟؟نجية نعذرها انا لي راني حاكمتها بالشياخة و نت؟؟؟؟؟؟؟؟؟؟؟؟؟

[chounia]

bonjour barbari 21 , tu pourais m'aider stp ? ,j'ai besoin de connaitre les differentes matiéres et les titres des cours , et si c'est possible me faire une copie ?