حابة أستشيركم في موضوع يخصني

[wassila21]

السلام عليكم و رحمة الله و بركاته
عندي مسألة شاغلة بالي كثير، و ما لقيت غيركم نستشيره
خطيبي إنسان ملتزم دينيا، و طلب مني بعد الزواج أني نلبس الجلباب، في الأول كنت مترددة و الحمد لله مع الوقت إقتنعت، وطلب مني ندير الستار(النقاب) فقط في المنطقة ألي يسكن فيها ، وخارج هذه المنطقة أنحيه، أنا الحق ما دخلتش في راسي كيفاش نخرج من الدار دايراته و في الطريق أنحيه؟
و كاين مشكل آخر دائما مع الجلباب و لكن مع والدتي ، هي رافضة الجلباب تماما وهي راهي شاكى أني راح نلبسه خاصة بعد ما شافت أخت خطيبي ،أنا قلت لها ما طلبش مني نلبسه يعني كذبت عليها ، و أنا وخطيبي رانا متفاهمين ما نقولولهاش حتى مور الزواج و شوية بشوية تتقبل ولكن هي قالتلي لوكان يطلب منك تلبسيه تفسخي الخطوبة ولا ما تدخليش لداري، و لوكان تسمع بالنقاب خلات
راني حايرة،حبيت نصارحها مي خفت
خفت نخسر خطيبي ألي لقيت فيه كل المواصفات الرائعة أو نخسر والدتي ألي ما نقدرش نزعفها مني
أنصحوني، نخبرها و ألي صار يصير أو نصبر حتى بعد الزواج و تتعود عليا؟
سامحوني طولت عليكم، مي و الله غير فرغت قلبي
و جازاكم الله كل خير

[سفيان عادل]

اطيعي خطيبكي فهو على حق
الجلباب لباس رائع يزيد المرأة تقديرا واحتراما وهي تذكر بالله في كل خطوة تمشيها اما الثواب فعند الله عظيم
ربي يثبتك اختي
اما امك فلكي في قول ربنا وان جاهداك على ان تشرك بي فلا تطعهما وصاحبها في الدنيا معروفا
نحتاج اليوم الى بنات تفتخر بدينها ولباسها الشرعي فكوني قوية اختاه

[فارس الجزائري]

السلام عليكم
:dj_17:
إذا كان خطيبك مثلما ذكرتي عنه من صلاح
فالأكيد أنه سيتفهم عندما تقولين له أن أمك رافضة للقضية وفي نفس الوقت تعطيه وعدا أنك سترتدين الجلباب ولكن شيئا فشيئا حتى تستقر أموركما على الزواج وبعد فترة ستقومين بارتدائه
حيث أنك ستستغلين تلك الفترة في إقناعها بمساعدة زوجك الذي سيكون قريب منها بعد الزواج
والأكيد أنها إذا وجدت منه المعاملة الحسنة ستقتنع
وأصيك في أي قرار ستتخذنه توكلي دائما على الله

[karimi]

في رأي أن الكثير من يسمح لزوجته من نزع النقاب خارج المحيط

الذي يقيم فيه لأن الأباعد لايهتمون بمن لايعرفونه ولاينظرون اليه

ولايحرجونه ولا يتحدثون عنه ايجابا او سلبا عكس الناس الذين

تسكن معهم في محيط واحد وانا صراحة اقوم بهذا باتفاق مع زوجتي

في كبريات المدن...

الحمد لله أن أمك قالت سأفسخ الخطوبة لو وافقت على ارتداء

الجلباب ولم تقل سأضغط عليك بطلب الطلاق لو لبستيه بعد

الزواج وهنا بعد الزواج تقولين لها هو الذي فرض علي الجلباب

وماذا أفعل والمهم أني سعيدة ولا يخصني أي شيء معه

وربما يتراجع عنه مستقبلا ودعيها تنتظر وبعد أن يرزقكم الله بأولاد

صالحين وتصبحين أما بعدها تنصرف الام الكريمة الى التفكير في

أشياء أخرى وتقول لك يابنيتي المهم اتهلاي في روحك وفي زوجك

واولادك ودعوة الخير امامك وورائك ولا اله الا الله محمد رسول

الله .

[وحيد الحيراني]

استشيري والدك في هذه القضية... أو ليكن على الأقل على علم بها...

أمك ترفض الجلباب لأن لها نظرة سيئة عنه وترى أن فيه ظلما للمرأة... وبالتالي فهي لا ترضى لابنتها عيشة الظلم...
أما قولها ما تدخليش لداري فذلك بدافع حبها لك ( واعتقادها أن ذلك في مصلحتك )...
فعليك بطاعة زوجك...
وعندما تضعينها أمام الواقع أخبريها أنك سعيدة بارتدائك للجلباب ( لأنها تبحث عن سعادة ابنتها )... وأنك لا تعيشين بالجلباب طول حياتك وانما ترتدينه لمدة ربع ساعة فقط ( ربما في الأسبوع على الأكثر ) التي هي المسافة بين بيت زوجك وبيت أبيك مثلا...
ووفقك الله الى مافيه الخير والصلاح...

[الـ^ـسَّــآآحِـ^ــرْ ،]

عليـــك بطـــــاعة زوجــــــك

[محب الحكمة]

يا أختي خلي الامر هكذا... و لا تخبريها..و بعد الزواج ان شاء الله...زرها الاكيد..ان الشوق ما يخليها تزعف منك..يعني أنت فكرت بالجلباب بعد الزواج و هو شيء طبيعي...و حتى الوالدين مهيؤن انفسهم للتغيرات التي تقع على الاولاد بعد الزاج......

و لكن المشكل ليجيب المشاكل من بعد...ما فهمتش كيفش ديري الجلباب في الدار وكي تبعدي تنحيه ؟ ؟ ؟ ؟
يعني الجلباب سترة للمرأة من الاجانب أم من الأقارب..أبعدنا الله على مثل هذا التفكير.....راجل تاع هف هذا مشي تاع اسلام..ربي يهدينا و يهدينا..لازم عليه يراجع نفسه..و اذا يماك مدينة و محافظة...شوزفي في نصائحها و شوفي واش راهي حابة هي..باسكو راني حاس بلي راهي تشوف في خطيبك الشيء لماراكيش تشوفي فيه انت......

[نورسين.داية]

saaaaaaaaaaaaaaaaalut
ana nkolek hoti rohec fi placetha
i3ni ta maman
w jilbabe mobalaga la aktar parceque caine mohajabate
w hijabhom mafih heta 3aibe
w ana fi rai coni sariha ahsanlec
parceque ce jeste ta maman 3omrha marah tensahlec meme hadac katib rah kolec nti ida ta maman kabiti 3liha
famabaloa ana
wache raik w ana nkolec mateksriche omec
bsabab twajoh dini

[بشرى ثواب]

لا داعي لاخبارها الان فالامر يخص علاقتك بالله .و بما ان هذا الامر يفرح الله تعالى فعليك بامضي قدما و لا تترددي اختي فعلى الاقل انت ستقتدين بنساء الرسول عليه الصلاة و السلام و الصحابيات.

[wassila21]

شكرا لكم على المرور،و بارك الله فيكم على الردود


يا أختي خلي الامر هكذا... و لا تخبريها..و بعد الزواج ان شاء الله...زرها الاكيد..ان الشوق ما يخليها تزعف منك..يعني أنت فكرت بالجلباب بعد الزواج و هو شيء طبيعي...و حتى الوالدين مهيؤن انفسهم للتغيرات التي تقع على الاولاد بعد الزاج......

و لكن المشكل ليجيب المشاكل من بعد...ما فهمتش كيفش ديري الجلباب في الدار وكي تبعدي تنحيه ؟ ؟ ؟ ؟
يعني الجلباب سترة للمرأة من الاجانب أم من الأقارب..أبعدنا الله على مثل هذا التفكير.....راجل تاع هف هذا مشي تاع اسلام..ربي يهدينا و يهدينا..لازم عليه يراجع نفسه..و اذا يماك مدينة و محافظة...شوزفي في نصائحها و شوفي واش راهي حابة هي..باسكو راني حاس بلي راهي تشوف في خطيبك الشيء لماراكيش تشوفي فيه انت......



يا أخي أنا قصدت النقاب ألي يوضع على الوجه ،يعني لما أكون في الحي ألي نسكن فيه نديره ولما نكون خارج هذه المنطقة مثلا في العاصمة أنحيه، و بالنسبة أمام الأقارب و الإخوة نكون بالخمار، و شكرا على مرورك

[mido_1988]

مبارك لك على الزوج الغيور
أما فيما يخص أمك فحاولي أن تقنعيها شيئا فشيئا
أما إن لم تستطيع فحاولي إقناع خطيبك أنك من بعد الزواج ستلبسينه .

[عُضو مُحترم]

وين المشكل كي تلبسي الجلباب؟؟؟

[1954مريم]

السلام عليكم صح فطوركم اختي الكريمة الجلباب واجب وستر وطاعة لله والمراة لمن تتزين لزوجها فقط والاهل هداهم الله لادخل لهم هل يفضلون الرجل الديوث لذي يعرض ابنتهم امام القاصي والداني
هناك مشكلة لم افهمها[c] ككيف يطلب منك وضع النقاب امام اهل قريتهم وانزعيهم في مكان اخر هل الله هنا موجود وهناك لا ام ماذا الانسان ان يكون دينه مقتنع به ولا يرضي الناس والله يهدي والسلام عليكم

[البريئة]

السلااااااااااااااااااااااااااام عليكم
انا من راي غير قول اليماك و صارحيها كيفاه تقدري اتخبي على يماك و في بالك كاين واحد ايخاف اعليك أكتر من يماك ؟ و قوليلها و عمرك ماتخبي على يماك .

[CH.Noussaiba]

اختي كيف تتفقين مع خطيبك على عدم اخبار امك ؟؟؟
هذا خطأ عظيم .... احذري من هذه التصرفات التي قد يفسرها خطيبك على هواه --- طبعا بعد الزواج --
اخبري امك وحاولي اقناعها بان هذا هو اللباس الشرعي للفتاة والذي حدده الاسلام و سايريها وتحدثي معها بلطف وحاولي اقناعها بكل الطرق ...
ولكن ليس بان تلقي عليها كالقنبلة :1:
ولكن قولي لها ما رأيك لو أرتدي الحجاب واذكري لها محاسنه وانه حماية لك من الفتنة ومن الذئاب البشرية ...الخ
يعني ان لا تضعيها مباشرة أمام الامر الواقع
ولكن لا تخفي عنها أنك ستترديه بعد الزواج ....
ثم إن خطيبك سيأخذ عنك فكرة سيئة إذا اتفقت معه على عدم اخبار أمك ... سيكثر شكه بعد الزواج , من الأفضل أن تخبري أمك عن شيء كهذا ,خاصة وانكما مازلتما مخطوبين , وإن حدث ذلك بعد الزواج فلا بأس بذلك ولا دخل لأمك بكما

على العموم مجرد رأي متطفلة هنا :d

استشيري بمن هو أعلم في هذه الأمور .....
ولا تاخذي كل الردود محمل الجد فتغيري قناعاتك وتعتقدي أن كل شخص هنا خبير

[محمد فريدي]

أدعوا الله من كل قلبي بأن يوفقك إلى :

بر والدتك
و طاعة زوجك
و تحقيق الستر بحجاب أو جلباب

[*سيرتا *]

شكرا لكم على المرور،و بارك الله فيكم على الردود


يا أخي أنا قصدت النقاب ألي يوضع على الوجه ،يعني لما أكون في الحي ألي نسكن فيه نديره ولما نكون خارج هذه المنطقة مثلا في العاصمة أنحيه، و بالنسبة أمام الأقارب و الإخوة نكون بالخمار، و شكرا على مرورك

من شروط الحجاب الشرعي هي : ـ أن يكون ساترا لجميع العورة



و عورة المرأة عند الحنفية والمالكية جميع بدن المرأة إلا الوجه و الكفين ، فيباح للمرأة أن تكشف وجهها و كفيها في الطرقات ، و أمام الرجال الأجانب . و لكنهم قيدوا هذه الإباحة بشرط أمن الفتنة . أما إذا كان كشف الوجه و اليدين يثير الفتنة لجمالها يجب سترهما


لكن انا لم افهم هل لا يحب ان يرى وجهك سكان حيك و لا يهتم ان راه الاخرون!!!! ام ان له اسبابه
انا انصحك بالتوجه الى احد الائمة فلا احد ينصحك من منطلق ديني و انما حسب رايه الخاص...وفقك الله الى ما فيه السداد

[بشرى ثواب]

السلام عليكم و رحمة الله وبركاته .اختي وفقك الله لكل مافيه خير

هذا رابط فيه كتاب للعلامة الشيخ ناصر الدين الالباني بعنوان جلباب المراة المسلمة فية كل التفاصيل التي تفيدك

http://www.4shared.com/file/36202378.../___online.html

[الجزائـ عشقي ــر]

السلام عليكم و رحمة الله و بركاته
عندي مسألة شاغلة بالي كثير، و ما لقيت غيركم نستشيره
خطيبي إنسان ملتزم دينيا، و طلب مني بعد الزواج أني نلبس الجلباب، في الأول كنت مترددة و الحمد لله مع الوقت إقتنعت، وطلب مني ندير الستار(النقاب) فقط في المنطقة ألي يسكن فيها ، وخارج هذه المنطقة أنحيه، أنا الحق ما دخلتش في راسي كيفاش نخرج من الدار دايراته و في الطريق أنحيه؟
و كاين مشكل آخر دائما مع الجلباب و لكن مع والدتي ، هي رافضة الجلباب تماما وهي راهي شاكى أني راح نلبسه خاصة بعد ما شافت أخت خطيبي ،أنا قلت لها ما طلبش مني نلبسه يعني كذبت عليها ، و أنا وخطيبي رانا متفاهمين ما نقولولهاش حتى مور الزواج و شوية بشوية تتقبل ولكن هي قالتلي لوكان يطلب منك تلبسيه تفسخي الخطوبة ولا ما تدخليش لداري، و لوكان تسمع بالنقاب خلات
راني حايرة،حبيت نصارحها مي خفت
خفت نخسر خطيبي ألي لقيت فيه كل المواصفات الرائعة أو نخسر والدتي ألي ما نقدرش نزعفها مني
أنصحوني، نخبرها و ألي صار يصير أو نصبر حتى بعد الزواج و تتعود عليا؟
سامحوني طولت عليكم، مي و الله غير فرغت قلبي
و جازاكم الله كل خير


السلام عليكم
اختي وسيلة ترددت في الرد على موضوعك
أنا ضد فكرة أن تخفي الأمر عن أمك
و تضعيها أمام الأمر الواقع
لأنه لن يكون أمرا واقعا بل صاعقة تنزل عليها و الله أعلم بوقع الصدمة
أنا مثلا أعرف رأي أبي في الأمر
و أعلم أنني لو تزوجت بمن يفرض علي او يطلب مني لبس الجلباب فلن أدخل بيتنا بعدها
المهم اللباس المحترم و القلب الصافي
بصراحة أرى الجلباب يزيد جمال المرأة و لا يقلله
أحيانا أسير في الشارع فأرى متجلببات فأبقى أتفرج فيهن لجمالهن لأن اللون الغامق و خصوصا الأسود أو الازرق الغامق او البني الفاتح ينعكس على الوجه فيزيده جمالا
أحيانا أقول ان الجلباب يزيد زينة المرأة و ليس العكس
طبعا بعيدا عن البرقع
أخشى أن تصدمي أمك عزيزتي و هذا قد يتسبب لها بمرض ان كانت من النوع الحساس
بصراحة انت في موقف لا تحسدين عليه.
ادعو الله ان ييسر امورك

[sarah]

السلام عليكم..............

مبروك عليكم حنونة وربي يهنيك ان شاء الله

اما بخصوص مشكلتك فهي ليست بمشكلة أبدااااااااااا ....انصحك بان تخبري امك بروية وحسن نية...ولا تتفقي مع خطبيك في مثل هذه الامور ان لا تخبري امك شيئا فهي كل شيء بالنسبة لك ....ربما هي لا تتفهم الموضوع جيدا ولكن بروية سوف تقتنع لانها تحب مصلحتك...........ويبقى رايي اختاه .....

وفقك الله الى الراي الصواب

وألف مبرووووووووووووك ...

[spy4me]

عليك بصلاة الاستخارة و كثرة الدعاء تقربي إلى الله فلن يضيع الله عباده المومنين استفت قلبك فإن قلب المحب صادق

[wassila21]

بارك الله فيكم إخوتي و أخواتي الكرام، و جزاكم الله كل خير
و بالنسبة لردودكم شجعتني كثير أني نخبر والدتي بالأمر
و نقولكم أنه خطيبي طلب مني نلبس النقاب في حيه من أجل كلام الناس و معارفه فقط و هو غير مقتنع بأن النقاب فرض على المرأة
و شكرا مرة أخرى على الردود

[مريم_87]

السلام عليكم
تصدقي اختي وسيلة حكايتك كيما حكايتي بالضبط
بصح انا منيش رايحة ندير جلباب لي يجي كامل ندير منفصل حجاب فضفاض+خمار طويل
وقالي ديري نقاب في الولاية نتاعو وكي نجي لدارنا نحيه
لنفس الاسباب نتاوعك
وراني رايحة نتزوج في ولاية اخرى تختلف العادات تاعها على المنطقة نتاعي
وعندي نفس المشكل مع الدار بصح منيش رايحة نخبرهم حتى بعد الزواج ان شاء الله

قوليلي واش قررتي نتي؟؟

بصراحة انا من بكري متمنية ندير حجاب شرعي وراني فرحانة كي راني رايحة ندير
بصح قضية النقاب,,,,,,مزال مااستوعبتهاش مليح:(
بصح واش رايحين نديرو نرضاو بالامر الواقع
مدام ربي رزقنا بزوج صالح وتقي كيما كنا دايما ندعيو
ربي يهنيك اختي وسيلة

[amura8]

السلام اختي نصيحة متديريش النقاب قل الزواج
وبعد الزواج ديريه هي مرايحاش تتدخل فيه باسكو راكي متزوةجة و رجلك يحكم فيك
يكفي ان تديري خمار وتلبسي ملابس محتشمة ومستورة

[سعد ابو يوسف]

هذا الباس قبل ان يفرضه عليك الخطيب فرضه عليك الله من فوق سبع سموات

قال النبي صلى الله عليه وسلم لا طاعة لمخلوق في معصية الخالق

اظن ان امر النقاب هو المشكل لديك

قرات بانك تلبسين هذا النقاب امام من يعرفك اما من لا يعرفه تبادرين الي نزعه !!!

انقل لك حديث في من أرضى الناس وترك رضا الله

من أرضى الناس بسخط الله سخط الله عليه وأسخط عليه الناس ومن أرضى الله بسخط الناس رضي الله عليه وأرضى عليه الناس

اذا اختاه فلتنتبهي الى خطورة الامر

ان هذا الامر دين ...........وبلباسك هذا ترضين الله قبل ان ترضي خطيبك وقبل ان ترضي امك او وليك

واجعلي ذلك الحديث نصب عينيك

[*جوداء*]

السلام عليكم
:dj_17:
إذا كان خطيبك مثلما ذكرتي عنه من صلاح
فالأكيد أنه سيتفهم عندما تقولين له أن أمك رافضة للقضية وفي نفس الوقت تعطيه وعدا أنك سترتدين الجلباب ولكن شيئا فشيئا حتى تستقر أموركما على الزواج وبعد فترة ستقومين بارتدائه
حيث أنك ستستغلين تلك الفترة في إقناعها بمساعدة زوجك الذي سيكون قريب منها بعد الزواج
والأكيد أنها إذا وجدت منه المعاملة الحسنة ستقتنع
وأصيك في أي قرار ستتخذنه توكلي دائما على الله

رايي من راي الاخ فارس
ربي يوفقك اختي

[batoul.batoul]

امك لمادا رافظة الفكرة
المهم انكي تتفاهمي مع زوجك .وانصحك بالنقاش والحوار مع امك
ولتكن لديكي شخصيتك المنفصلة عن امك وخطيبك
ولتبدئي حياتك بقناعتك انتي وبثقتك في نفسك
حتى يحترمك خطيبك وامك وكل الاخرين

[yahia1921]

اطيعي خطيبكي فهو على حق
الجلباب لباس رائع يزيد المرأة تقديرا واحتراما وهي تذكر بالله في كل خطوة تمشيها اما الثواب فعند الله عظيم
ربي يثبتك اختي
اما امك فلكي في قول ربنا وان جاهداك على ان تشرك بي فلا تطعهما وصاحبها في الدنيا معروفا
نحتاج اليوم الى بنات تفتخر بدينها ولباسها الشرعي فكوني قوية اختاه

اخي الكريم مع احتراماتي الجلباب دخيل على الاسلام
وماتناقشنيش فيها كامل
يغطي كلشي العينين ومايبانوش كون جا هكا كاين منو كان نزل في القران ولا جات عليه احاديث بسند صحيح
ولا تقلي قال الامام كذا من ائمة هذا الجيل

[مريم_87]

اين انت يا صاحبة الموضوع
ارجو ان تردي على مشاركتي او ان امكن اتواصل معك على الخاص

[wassila21]

السلام عليكم
تصدقي اختي وسيلة حكايتك كيما حكايتي بالضبط
بصح انا منيش رايحة ندير جلباب لي يجي كامل ندير منفصل حجاب فضفاض+خمار طويل
وقالي ديري نقاب في الولاية نتاعو وكي نجي لدارنا نحيه
لنفس الاسباب نتاوعك
وراني رايحة نتزوج في ولاية اخرى تختلف العادات تاعها على المنطقة نتاعي
وعندي نفس المشكل مع الدار بصح منيش رايحة نخبرهم حتى بعد الزواج ان شاء الله

قوليلي واش قررتي نتي؟؟

بصراحة انا من بكري متمنية ندير حجاب شرعي وراني فرحانة كي راني رايحة ندير
بصح قضية النقاب,,,,,,مزال مااستوعبتهاش مليح:(
بصح واش رايحين نديرو نرضاو بالامر الواقع
مدام ربي رزقنا بزوج صالح وتقي كيما كنا دايما ندعيو
ربي يهنيك اختي وسيلة

سامحيلي أختي ما أنتبهتش، أنا نفس الشيء رايحة لولاية معروفة بالحشمة و الإلتزام و عائلة زوجي كلهم بالجلباب، أنا الحمد لله راني دايرة حجاب شرعي بإسدال على الصدر و لكن هو ما حبش قالي الجلباب أحسن، أنا راني مقتنعة و راضية نديره، و مشكلة والدتي قررت ما نقولهاش حتى بعد الزواج بشهرين و نلبسه، باش ما تشكش بلي كنا متفاهمين عليها. يا أختي الوحدة فينا حياتها كامل و هي تتمنى يجيها نصيب متدين و على أخلاق ما رانيش حابة نضيعه، و المشكل الثاني هو النقاب ، هو قالي ماشي شرط تديريه و لكن غير في الحي ألي ييكن فيه، أما خارج الحي أنحيه معناه والدتي ماراحش تشوفني به، و لكن خلات نهار نخرج معاها في حي خطيبي، هي ماراهيش حابة الجلباب نزيدلها النقاب ،علابالي راح يصراولي مشاكل كبار ، ربي يستر، و ألي فيه الخير يكتبه ربي

[جولنار1000]

السلام عليكم
نقولك رايي اختي هو صراحة انا رايي انو الايمان في القلب المهم يكون حجاب ملتزم مايهمش هذاك اللي يبقى يكركر في الارض ويعفسولك عليه والنقاب تاني مانأيدوش بزاف لانو شرعا مسموح يظهرو الكفين والوجه وانتي قلتي بلي حجابك اصلا مستور كنت نحسبك من جماعة السروال والليكات و.يخي تعرفي الحجاب انتاع هذا الوقت عليها توقعت رفض الوالدة لكن الحمد لله يعني كاينة حاجة اخرى راهي مخوفتها وزيد انت الوحيدة ربما راهي تتوقع راح يغبنك وراهو فارض عليك لانو الوالدين هكذا يخممو يخافو بزاف مساكن تقولك اليوم يغبنها في اللبسة غدوة في حاجة اخرى
نمدلك نصيحة مادامك مقتنعة وحابة ديريه بعد الزواج ابداي تمهدي قوليلها هوما كامل ملتزمين ومدايرين جلباب وانا عجبني لباسهم او حشمت نبقى هكذا قدامهم غير انا الوحيدة اللي لابسة هكذاو..و... ولازم حتى انا ندير وعييت نبقى هكذا وراكي تعرفي كيفاه تحكي معاها وهكذا تتاكد بلي مادامك تحكي هكذا اكيد راح ديري اللي في راسك ونهار من النهارات تجيها لابستيه وتخرجي خطيبك من الموضوع
اما فيما يخص النقاب انا ضد الفكرة ياديريه بصفة دائمة ياماديريهش الكل اسمحيلي لكن هذا رايي
لانو اذا دريه لازم تقتنعي كليا واولا واخيرا دريه طاعة لله ماشي خوفا من كلام الناس نفرضو درتيه في الحي اللي راح تسكني فيه ومبعد نحتيه في مكان اخر وتصادفتو انت واحد من سكان الحي وانت منحياتو وش راح يكون موقفك ومتقوليش لا لا لانو الدنيا صغيرة لهذا حبيبتي لازم تخممي شوي فبل ماتاخذي هذا القرار اذا كان غايتك طاعة ربي او ارضاء الناس اسمحيلي طولت عليك وهدرت بزاف ان شاء مانكونش قلقتك

[اميرة الفراشات]

السلام عليكم يا اختي مشكلتك لها حل اكيد لكن اقول ان " الجنة تحت اقدام الامهات" طاعة الوالدين من طاعة الله’ اما عن الزوج فليصبرحتى بعد الزواج يمكنك حينها ارتداء الجلباب و الله المستعان على كل حال

[مريم_87]

سامحيلي أختي ما أنتبهتش، أنا نفس الشيء رايحة لولاية معروفة بالحشمة و الإلتزام و عائلة زوجي كلهم بالجلباب، أنا الحمد لله راني دايرة حجاب شرعي بإسدال على الصدر و لكن هو ما حبش قالي الجلباب أحسن، أنا راني مقتنعة و راضية نديره، و مشكلة والدتي قررت ما نقولهاش حتى بعد الزواج بشهرين و نلبسه، باش ما تشكش بلي كنا متفاهمين عليها. يا أختي الوحدة فينا حياتها كامل و هي تتمنى يجيها نصيب متدين و على أخلاق ما رانيش حابة نضيعه، و المشكل الثاني هو النقاب ، هو قالي ماشي شرط تديريه و لكن غير في الحي ألي ييكن فيه، أما خارج الحي أنحيه معناه والدتي ماراحش تشوفني به، و لكن خلات نهار نخرج معاها في حي خطيبي، هي ماراهيش حابة الجلباب نزيدلها النقاب ،علابالي راح يصراولي مشاكل كبار ، ربي يستر، و ألي فيه الخير يكتبه ربي

هذاك هوا المشكل اختي
انا ثاني خممت كي تجي لعندي ونخرج معاها بالنقاب تتشوكا:confused::confused:
مادام رانا ماشيين في الطريق الصحيح ربي يسهلنا ان شاء الله ومايكون غير الخير
وربي يهنينا ويرضاو علينا والدينا

[CREUS]

choufi ya orti al3aziza,hadi annassiha lamliha,ida 3andek babak aw aroki tatikina fih,goulo ayroh li alimem wa howa yafti fiha,3andek tardi ay ray tandami 3alih,li kolin tarassosihi
rabbi m3aki wa ayssahalek dit amine

[ملكة الورود]

وسيلة لطالما إلتمست من كلامك طيبة قلبك حبك للناس وحب لفعل الخير
ثبتك الله
ربي يسهلك في زواجك يا حبيبتي و ربي يسهلك في ارتداء الجلباب فهو غاية كل مسلمة مؤمنة تخاف من الله و تبغي رضاؤه قبل رضاء أي أحد
ربي يهنيك في حياتك و يسخرك زوجك
تحياتي و تقبلي مروري

[wassila21]

شكرا لكل الأعضاء على تفاعلهم في موضوعي ،و ربي يثبتني و يثبت كل أخت على الدين

[Hicham Ahmed]

السلام عليكم و رحمة الله و بركاته
عندي مسألة شاغلة بالي كثير، و ما لقيت غيركم نستشيره
خطيبي إنسان ملتزم دينيا، و طلب مني بعد الزواج أني نلبس الجلباب، في الأول كنت مترددة و الحمد لله مع الوقت إقتنعت، وطلب مني ندير الستار(النقاب) فقط في المنطقة ألي يسكن فيها ، وخارج هذه المنطقة أنحيه، أنا الحق ما دخلتش في راسي كيفاش نخرج من الدار دايراته و في الطريق أنحيه؟
و كاين مشكل آخر دائما مع الجلباب و لكن مع والدتي ، هي رافضة الجلباب تماما وهي راهي شاكى أني راح نلبسه خاصة بعد ما شافت أخت خطيبي ،أنا قلت لها ما طلبش مني نلبسه يعني كذبت عليها ، و أنا وخطيبي رانا متفاهمين ما نقولولهاش حتى مور الزواج و شوية بشوية تتقبل ولكن هي قالتلي لوكان يطلب منك تلبسيه تفسخي الخطوبة ولا ما تدخليش لداري، و لوكان تسمع بالنقاب خلات
راني حايرة،حبيت نصارحها مي خفت
خفت نخسر خطيبي ألي لقيت فيه كل المواصفات الرائعة أو نخسر والدتي ألي ما نقدرش نزعفها مني
أنصحوني، نخبرها و ألي صار يصير أو نصبر حتى بعد الزواج و تتعود عليا؟
سامحوني طولت عليكم، مي و الله غير فرغت قلبي
و جازاكم الله كل خير


أمر صعب لكن..

أختي في الله توكلي علي الله وارتديه ...ولا تخافي من أي شيئ وتذكري أن الله معك ، فمعظمنا والله لاقي كثير من المضايقات من الأهل ومن جميع من حولنا..
وأنت ستقومين بفعل يرضي الله سبحانه وتعالي ولا طاعة لمخلوق في معصية الخالق، وكل ما ستواجهيه ان شاء الله ابتلاءات ليعلم الله بها صدق ايمانك وثباتك علي الحق
هداك الله الي ما يحبه ويرضاه & وتذكري والديك بالدعاء فأن قلبيهما بين يدي الله يقلبهما كيف يشاء .


كما أقول لك:

أبشـــــــــــــــري بالخير من مالك الملك -جل وعلا-

أختاه ما ظنكِ برب العالمين !!

هل إذا أطعنا الله سيمنع عنا الرزق الطيب!! وهل الزوج الصالح إلا رزق طيب أختاه .

أختي ، إلبسي النقاب وأبشري بالزوج الصالح الطيب الذي يحب الله ، لأن الذي يحب الله

فهو لابد أن يحب ما يحبه الله ، والله يحب ما أمرنا به ، ولازم يكون شعارك :

( لا مرحبا بزوج لا يحب ما يحبه الله وأمر به، أليس كذلك، أختاه).

أما أمك فلا تخبريها، لعل الله سيحدث بعد ذلك أمرا.