♥ واحــــــــــــ طلاب الثالثة ثانوي علوم تجريبية ــــــــــــة♥ نقاش حوار و استفادة

[نسمة النجاح]

أهلين نضال واش لحوال لاباس؟؟؟

[°واحد من الناس °]

صااافاا اختي نسمة

السوال عليك
واش راكي صااافاا
؟؟

[نسمة النجاح]

الحمد لله


واش؟؟؟ بديتو الاختبارات

[°واحد من الناس °]

لالا السمانة الجاية ان شاء الله وانتوما

[نسمة النجاح]

حتى احنا

ان شاء الله

كاش تمارين جدد

[°واحد من الناس °]

والله تخيلي غير الصباح بديت نحل السمانة لي جازت محليت والو

مي خسارة عندي تمارين يجوني من كل الجهات

مي للاسف مكانش سكانار

نحاول اذا دخلت المساء نحطلك بعض الافكار

[نسمة النجاح]

والله تخيلي غير الصباح بديت نحل السمانة لي جازت محليت والو

مي خسارة عندي تمارين يجوني من كل الجهات

مي للاسف مكانش سكانار

نحاول اذا دخلت المساء نحطلك بعض الافكار

ما عندكش حتى باش تصورهم

[mohamedgermany]

*****************[بــــــــــــــــــــــــــــــــــــارك اللـــــــــــــــــــــه فـــــــيــــــــــــــــــك ******

[°واحد من الناس °]

متخرجش مليح
لابراي فوطو من باعد نشوف اذا حكمو ملاح اني نحطلكم كل يوم تمرين واذا هي كيف كيف يمالا تفرت

هههه



نحاااول
على العموم مخسرت والو

[نسمة النجاح]

شكرا نضال

انا نروح ضرك

سلام

يالتوفيق

[°واحد من الناس °]

اوكي نسمة في لامان اختي

[♪ L!DYA ♪]

السلام عليكم
واش راكم ؟ ان شاء الله صافا ،،

[جلال المياسى]

الحمد لله و انتم ؟

[جلال المياسى]

التحولات النوويه لا اعرف كيف اطبق القوانيين
ارجوكم الامتحان قرب

[°واحد من الناس °]

عليك بالتمارين المحلولة من الكتاب

[samora28]

سلام عليكم .ممكن تعاونوني غي حل تمرين ثاني http://www.ziddu.com/download/12649750/DSC00117.JPG.html

[°واحد من الناس °]

دوكا نشوفو اذا ساهل نحاول فيه ونقلك
واذا طويل

مشكيتش اختي

[algeria for ever]

السلالام عليكم
نضال راني عرفت شكون منال الي قتلي عليها
+دعااء راهي زعفانة منك بزااف .شادرتلها

[°واحد من الناس °]

عرفتي منال
شكون ومن وين
؟؟


دعاء وش بيني وبينها

ما قتلها والو

واذا حست بحاجة قلها راه يقلك اسمحيلو

[algeria for ever]

عرفتي منال
شكون ومن وين
؟؟


دعاء وش بيني وبينها

ما قتلها والو

واذا حست بحاجة قلها راه يقلك اسمحيلو


منال هي









انا.هه راني غي نتمسخر.والله غير سقسيت بصح قاع ماكانش واحدة سموها منال
+دوك نقولها .بالاك سوء فهم برك

[°واحد من الناس °]

مع انو مصرا والو
ويعني مصراتش جاست بيناتنا

[algeria for ever]

مع انو مصرا والو
ويعني مصراتش جاست بيناتنا

خلاص نورمال ماكان والو
كاش مراجعة واش راك تقرى درك
حقا لانال اللي قتلي علية نتاع العلوم سموه الامتياز

[°واحد من الناس °]

مفهمتكش
في سؤالك بالنسبة للامتياز
؟؟

[algeria for ever]

اذا هو الكتاب المساعد المليح في العلوم ولالا

[cina28]

السلام عليكم كيف الأحوال

[°واحد من الناس °]

اذا هو الكتاب المساعد المليح في العلوم ولالا


ايه جد رااائع

مام تمارينو المحلولة خير من ليتيد

[°واحد من الناس °]

السلام عليكم كيف الأحوال
وعليكم السلاااام الحمد لله

شكون لي جااا
هاذي غيبة

على السلامة اختي صفية

[samora28]

سلام خويا واحد من الناس واش ملقيتش الحل للنمرين لي حطيتو

[°واحد من الناس °]

سلام خويا واحد من الناس واش ملقيتش الحل للنمرين لي حطيتو
وعليكم السلاام
لالا شفتو مي مظلمة شوي وشوي طويل ليدي وقت وحاليا راني نراجع

من بعد ولا غدوة في الصباح بلااااك نشوف معااااه

[cina28]

واش راكم دايرين في القراية

[°واحد من الناس °]

الحمد لله اختي

[samora28]

معليش برك حاسة نديروه غدوة فرض على هادي

[.kiki]

سلام guys كيف الحال؟ أنا عضوة جديدة اسمي اكرام مقبلة على شهادة البكالوريا علوم تجريبية...
كيف الدراسة معكم؟
أريد
ان أعرف أين وصلتم في الرياضيات؟

[°واحد من الناس °]

الاخت وشمن بلاصة انتي في مسيلة
؟

[°واحد من الناس °]

سلام guys كيف الحال؟ أنا عضوة جديدة اسمي اكرام مقبلة على شهادة البكالوريا علوم تجريبية...
كيف الدراسة معكم؟
أريد
ان أعرف أين وصلتم في الرياضيات؟
الاصح التزايد المقارن

نحن في الدالة اللوغارريتمية

[samora28]

سيدي عيسى و انت

[°واحد من الناس °]

خيار الناس اختي

انا من صفاقص كان متسمعيش بيها

[.kiki]

و حنا تاني فيها لكن الأستاذ يقول أننا جد متأخرون

[°واحد من الناس °]

كامل الاساتذة يقلك هكااااك

[.kiki]

ماكانش موضوع تاع دردشة؟ حابة نحكي في وحد الحاجة خارج موضوع الدراسة

[نور الأيمان]

السلام
عليكم
نحن هنا

[smart_mind]

السلام عليكم
بالتوفيق لكم

[اسلامي سر حياتي]

تفضلي اختي

[°واحد من الناس °]

وعليكم السلاااام


اختي اكرام
الدردشة انا هنا باش كاش نقاشات

اما الدردشة فنظ باكلوريا معندوش وقت للدردشة

[نور الأيمان]

حبيت نسقسي اعليكم
كيفاش كان نهاركم مع الدراسة
كملتو الفروض الثاني و وقتاش الاختبارات ????

[اسلامي سر حياتي]

ايه خلصنا الفروض

والسمانة الجاية الاختبارات ان شاء الله

[°واحد من الناس °]

صااافاا ايمان اختي

خلصناهم

ل 28 الاختبارات

[نور الأيمان]

ين وصلتو فالمواد الادبية
معليش اسلامي سر حياتي
الاسم الحقيقي

[نور الأيمان]

الحمد لله خويا ريياض
امالا بالتوفيق

[نور الأيمان]

اقراو بزاف متخلو حتى حاجةتخفالكم
ولا نروحلكم
أنا راح ندبر الاختبارات و نديرهم فالدار

[اسلامي سر حياتي]

الاسم الحقيقي مكتوب في التوقيع اختي ايمان

[نور الأيمان]

اله يبارك
شريفة

[نور الأيمان]

أنا راني مقلقة بزاف
راني روطار فالرياضيات
مزالني فالاشتقاقية

[نور الأيمان]

وييييييييييييييين روحتوووووووووو

[اسلامي سر حياتي]

يبارك فيك اختي

حبيت نسقسيكم كيفاه راكم تديروا تحفظوا الاجتماعيات

[°واحد من الناس °]

السلاااااام عليكم

[°واحد من الناس °]

؟؟؟

ما بال النشاط فض

[°واحد من الناس °]

http://i67.servimg.com/u/f67/14/37/41/16/math_s10.jpg (http://www.servimg.com/image_preview.php?i=1012&u=14374116)



حاولو تتناقشو في حل هذا الاختبار للتحضير

[algeria for ever]

ايه جد رااائع

مام تمارينو المحلولة خير من ليتيد


السلام نضال
راني تسلفت هذا الكتاب من عند واحد هايل بزااف

[°واحد من الناس °]

وعليكم السلااام

لمزية لي عجبك

انا ثاني عجبني

[algeria for ever]

وعليكم السلااام

لمزية لي عجبك

انا ثاني عجبني

خسارة ماجاش ناعي :mad:
قول نضال ماتقراوش لعشية+سؤال في العلوم
نعلم ان cيساويg في الدي ان
فكيف نفسر ان السيتوزين لايساوي الغوانين في arn

[°واحد من الناس °]

لالا انا برك راني نعسان مرحتش


يفسر النقص بان السلسلة الناسخة عدد القواعد غير متساوية

لانه فقط يتساوى في السلسلتين


لكن في السلسة الواحدة اغلب الحالات يكون اكثر او اقل

وعند النسخ تلقائيا يكون العدد غير متساوي

[algeria for ever]

ميرسي نضال انا نروح نقرى درك عندنا انجليزية وعلوم ايا في لامان راني روطااااار

[نسمة النجاح]

السلام عليكم


قريت حاجة حيرتيني

تقراو العشية؟؟؟

[°واحد من الناس °]

بلا مزية في لاماااان اختي

[°واحد من الناس °]

بالنسبة ليااا

كاين قراية مي مؤقتا الفصل الاول لتدارك بعض التاخر



مي انا تعبان ومحبيتش نروح

[°واحد من الناس °]

http://i67.servimg.com/u/f67/14/37/41/16/math_s10.jpg (http://www.servimg.com/image_preview.php?i=1012&u=14374116)


نسمة حليتي هذا

[نسمة النجاح]

بالنسبة ليااا

كاين قراية مي مؤقتا الفصل الاول لتدارك بعض التاخر



مي انا تعبان ومحبيتش نروح

احنا يخممو يجيبونا الثلاثاء العشية نديرولهم انقلاب

العام الماضي داروها لكن في نهاية السنة ودروس دعم فقط وليست دراسة عادية

أنا لوكان يقولولي تجي العشية على جال انجليزية مانروحش أبدا

وأنت علاش ماتروحش ما يدرولكمش استدعاءات

[°واحد من الناس °]

نسمة متقوليش نسيت
مي والله الكاميرا الفوطو تخرج فيها مش واضحة والبورطابل
يديها صغيرة

[نسمة النجاح]

http://i67.servimg.com/u/f67/14/37/41/16/math_s10.jpg (http://www.servimg.com/image_preview.php?i=1012&u=14374116)


نسمة حليتي هذا

هذا وين راني نشوف بيه
لاحقا بلاك نحلو

[نسمة النجاح]

نسمة متقوليش نسيت
مي والله الكاميرا الفوطو تخرج فيها مش واضحة والبورطابل
يديها صغيرة

عمبالك هذا وين كنت نخمم فيها

بصح ماعليش نضال

عادي

[°واحد من الناس °]

احنا يخممو يجيبونا الثلاثاء العشية نديرولهم انقلاب

العام الماضي داروها لكن في نهاية السنة ودروس دعم فقط وليست دراسة عادية

أنا لوكان يقولولي تجي العشية على جال انجليزية مانروحش أبدا

وأنت علاش ماتروحش ما يدرولكمش استدعاءات



تاخر العلوم
ودرس تعويض برك
مشي قراية عادي






ولحبو يديرو استدعاء يديرو

البارح سهرت شويا


والاستاذة ولا علاقة
حضوري ويابي كيف كيف

[نسمة النجاح]

تاخر العلوم
ودرس تعويض برك
مشي قراية عادي






ولحبو يديرو استدعاء يديرو

البارح سهرت شويا


والاستاذة ولا علاقة
حضوري ويابي كيف كيف

احنا دروس التعويض يديروها على الوحدة من 13 الى 14

[°واحد من الناس °]

عمبالك هذا وين كنت نخمم فيها

بصح ماعليش نضال

عادي



وتامني بربي غير كي نروح للقسم نلقا روحي فاهم بسبب هاذو الكتب المساعدة

يعني منقعدش نكسر في راسي

[نسمة النجاح]

أنا نروح جيت برك نطل

سلام

بالتوفيق

[°واحد من الناس °]

اوكي في لامااان اختي

[cukier]

سلااااااااااام عليكم .. وشراكم ؟
نشالله تكونو كامل بخير

[°واحد من الناس °]

وعليكم السلام
اهلا ايناس

[خدووجة]

السلام عليكم واش راكم

[نور الأيمان]

السلام عليكم
كاملين
واش راكم دايرين فيها كاش جديد

[نور الأيمان]

ايناس نضال واش راكم

[قطرة ندى زهرة]

السلام عليكم

[نور الأيمان]

أهلا
أختي قطرة ندى زهرة

[قطرة ندى زهرة]

اهليين بيك واش راكم ديروا

[نور الأيمان]

هذا وين دخلت كنت نحل في تمارين الرياضيات من الكتاب
راني وصلت للمرين 111
و أنت أختي

[cukier]

اهلين ايمان و ندى
نشالله تكونو بخير
كاش قرايا؟

[نور الأيمان]

الحمد لله الله يهنيك
و أنتي
أنا راني نقرا فالرياضيات
و أنت واش راكي تراجعي

[cukier]

الحمد لله الله يهنيك
و أنتي
أنا راني نقرا فالرياضيات
و أنت واش راكي تراجعي

الحمدلله كي راكي بخير ختي ايمان
انا دوكا ماني ندير والو راني نروبوزي
مي مقبيل قريت شوية كهرباء
اييييييه يا المات عندي شحال ما قريتهاش... ربي يستر

[قطرة ندى زهرة]

سلام اختي ايناس انت بخير

[cukier]

سلام اختي ايناس انت بخير
و الله الحمدلله برك شوية عيانة
واش اخبارك؟
واش راكي دايرة فيها؟

[°واحد من الناس °]

السلام عليكم بالتوفيق للجميع

[cukier]

السلام عليكم بالتوفيق للجميع
و عليكم السلام
اهلين نضال وشراك ؟
واش راك داير فيها؟

[نور الأيمان]

شكرا خويا نضال

[نور الأيمان]

السلام عليكم بالتوفيق للجميع

مرحبا بيك
شكر و لك أيضا التوفيق

[قطرة ندى زهرة]

شباب و قتاش تبدا الاختبارات

[cukier]

شباب و قتاش تبدا الاختبارات
normalement le 28/11/2010
ربي يوفقكم
ما تنساوش برك تحميل les sujets

[°واحد من الناس °]

النت صامط بزاااااف



كشما جديد
؟؟

[seif_ eddine]

السلام عليكم

[seif_ eddine]

واش اخباركم؟؟؟؟؟؟؟

[Boumam_s]

وعليكم السلام ورحمة الله تعالى وبركاته

[seif_ eddine]

المنتدى راه خاوي اليوم

[seif_ eddine]

ممكن مساعدة في دراسة تغيرات هذه الدالة

http://www12.0zz0.com/2010/11/23/19/782856017.jpg

[Boumam_s]

راني نشوف فيه

[seif_ eddine]

http://www13.0zz0.com/2010/11/23/19/726195232.jpg

[°واحد من الناس °]

هم يحضرو للاختبار

ميقدروش يدخلو

[seif_ eddine]

هم يحضرو للاختبار

ميقدروش يدخلو

ربي يوفق ان شاء الله

[بدر الدين الجزائري]

هاي كيف راكو دايرين مع القراية

[نسمة النجاح]

ممكن مساعدة في دراسة تغيرات هذه الدالة

http://www12.0zz0.com/2010/11/23/19/782856017.jpg

ماكانش مجموعة التعريف

اعطيني مجموعة التعريف اذا كانت معطاة باش نقدر نحلها

[°واحد من الناس °]

اظن ليس هناك حلول لهته المعادلة مما يعني انه لا تجد مجموعة تعريف اصلا

لان مجموعة الحلول خالية

[نسمة النجاح]

لالا الدالة موجودة مجموعة التعريف فقط احنا مانقدروش نديروها أكيد تكون معطاة

[نسمة النجاح]

أظنها معرفة على r

[°واحد من الناس °]

نسمة هذا دالة اللوغاريتم
تعتمد على الحلول الي داخل القوس

و الدالة الاسية هي لي معرفة على اااار

مي لهنا

مش باين

يعني في النهاية كاين نتيجة من الاثنين يا كيما قلتي

يا الدالة غير معرفة بتاتا

[نسمة النجاح]

الله أعلم أنا هكا ظهرتلي

[°واحد من الناس °]

وبعد خروج الديلتا سالب

يعني ان الدالة معرفة على ااااار

[نسمة النجاح]

وبعد خروج الديلتا سالب

يعني ان الدالة معرفة على ااااار

نضع أسية اكس تساوي t ونحلو المعادلة من الدرجة الثانية
تخرجو دالتا سالب بالتالي لا توجد حلول تنعدم فيها

[بدر الدين الجزائري]

ممكن مساعدة في دراسة تغيرات هذه الدالة

http://www12.0zz0.com/2010/11/23/19/782856017.jpg

نستطيع كتابتها على الشكل

ln (exp (x ) * (exp (x) -1 )) +1

و منه اخرجنا العامل المشترك (exp (x) و منه الدالة معرفة على R

و نهاية الدالة من اجل x يؤول الى - مالانهاية يساوي الصفر

و نهايتها عند + مالانهاية يساوي + مالانهاية

[نسمة النجاح]

الدالة متناقصة من ناقص ملانهاية حتى ln2- ومتزايدة من ln2- حتى زائد مالانهاية

[°واحد من الناس °]

؟؟؟
من اين لك الحل وهي لا يوجد لها حلول

[بدر الدين الجزائري]

كيف تخرج النتيجة

ln2-

لم افهمها

[fadi3]

الدالة معرفة على مجموعة الاعداد الحقيقية

[بدر الدين الجزائري]

حتى انا وجدتها معرفة على R

مي ماعرفتش كيفاه جات ln2-

[fadi3]

لاننا لو درسنا الدالة الموجودة داخل الوغاريتم نجدها موجبة
اذن هي معرفة على r

[fadi3]

نحسب مشتق الدالة نجده
اسية اكس قوس 2اسية اكس ناقص1 قوس
الكل على
ماهو داخل الوغاريتم
ندرس اشارة المشتقة وذلك بدراسة اشارة البسط
فنجده سالب من ناقص مالانهاية الى ناقص لوغاريتم2
وموجب من ناقص لوغاريتم 2 الى زائد مالانهاية
ثم نستنتج اتجاه التغير

[بدر الدين الجزائري]

صحيح

خلاص افهمت دركه

[seif_ eddine]

http://www13.0zz0.com/2010/11/23/19/726195232.jpg

ممكن مساعدة في دراسة تغيرات هذه الدالة

http://www12.0zz0.com/2010/11/23/19/782856017.jpg

ياجماعة اسمحولي انا رقدت البارح الدالة معرفة على r خاطرش ماتنعدمش

انا حبيت نعرف كيفاش نخرجو تغيرات تاعها (يعني اشارة المشتقة)

[قطرة ندى زهرة]

السلام عليكم واش يا سيف مزلت مع الدالة

[نسمة النجاح]

كيف تخرج النتيجة

ln2-

لم افهمها

ln2-
تعني
ln1/2

[نسمة النجاح]

ياجماعة اسمحولي انا رقدت البارح الدالة معرفة على r خاطرش ماتنعدمش

انا حبيت نعرف كيفاش نخرجو تغيرات تاعها (يعني اشارة المشتقة)


المشتقة نصيبوها
http://latex.codecogs.com/gif.latex?f'(x)=\frac{2e^{2x}-e^{x}}{e^{2x}-e^{x}+1}=\frac{e^x(2e^{x}-1)}{e^{2x}-e^{x}+1}

ومادام الدالة معرفة على R يعني أن ماداخل الـ ln لا ينعدم ولا يكون أبدا تحت الصفر
منه ندرس اشارة البسط فقط
وفي البسط نخرج e^x عاملا مشتركا واللي نعرفوا ديما أنو موجب
تبقاللنا فقط اللي داخل القوس ندرسو اشارتو
نديرو ماداخل القوس يساوي الصفر وندخلو الـ ln باش يخرجلنا الإكس ونصيبوه
ln1/2
الذي يساوي
ln2-

[بدر الدين الجزائري]

آه دوركه فهمت علاه جاتك

ln2-

[algeria for ever]

السلام عليكم كيراكم غايا

قطرة ندى زهرة واش سافا شاراكي اتديري دركا.

[بدر الدين الجزائري]

اعطونا كاش سؤال فيزياء

[قطرة ندى زهرة]

شفتي تمرين فيزياء20ص107

[algeria for ever]

اعطونا كاش سؤال فيزياء

خويا عندي سؤال في المات لاتقدر تعاوني بلييز

[algeria for ever]

شفتي تمرين فيزياء20ص107

لالا ماشفتوش راني عاد في التمرين11
شكون اللي يعاوني فيه
خويا بدر الدين اذا تقدر تعاوني فيه+كيف نحسب الوفرة النظائرية لعنصر ما:confused:

[بدر الدين الجزائري]

اعطيني كل شيء الا المات

لو كنت نقدر و الله ما نبخلك يا غالية

[algeria for ever]

اعطيني كل شيء الا المات

لو كنت نقدر و الله ما نبخلك يا غالية

معليش ميرسي ربي يعيشك
صح شوفلي الفيزياء بلييز راني لاعلاقة

[بدر الدين الجزائري]

تمرين 11 اي صفحة

و راح احاول فيه

لا و الله ما صعيبة حبيها برك و دورك تشوفي

و تقولي بدر الدين قال هكا

[algeria for ever]

تمرين 11 اي صفحة

و راح احاول فيه

لا و الله ما صعيبة حبيها برك و دورك تشوفي

و تقولي بدر الدين قال هكا

هه ماشكيتش نولي نبغيها الصفحة104 بلييز
+شحال راك تجيب خويا في الفيزياء

[algeria for ever]

قطرة ندى زهرة بالنسبة لمادة العلوم عندي سؤال فيها هو هل كل انزيمات الانسان تعمل في درجة حرارة37

[بدر الدين الجزائري]

الاجابة على سؤال العلوم نعم تعمل الانزيمات في 37 عند الانسان

اما الفيزياء 17 فما اكثر جامي شفت روحي هبطت على هكا

الا مرة واحدة وقت اللي كنت نقرى في السنة اولى ثانوي جبت فيها 9 بصراحة اول مرة نبكي في حياتي بالصح في غرفتي وحدي

منها خلاص عاهدت نفسي انو خلاص الفيزياء و العلوم دمي

[قطرة ندى زهرة]

نعم على حسب الحصيلة في الكتاب مدرسي ص 69وفي حالة المرض تتغيير درجة حرارة الجسم فيتم تخفيضها لعدم حدوث منعكسات على الجسممن 37.2 درجة مثلى

[algeria for ever]

الاجابة على سؤال العلوم نعم تعمل الانزيمات في 37 عند الانسان

اما الفيزياء 17 فما اكثر جامي شفت روحي هبطت على هكا

الا مرة واحدة وقت اللي كنت نقرى في السنة اولى ثانوي جبت فيها 9 بصراحة اول مرة نبكي في حياتي بالصح في غرفتي وحدي

منها خلاص عاهدت نفسي انو خلاص الفيزياء و العلوم دمي

الله يبارك خويا ان شاء الله تجيب كيما هاك في الباك
ميرسي على الاجابة بصح وعلاش الرياضيات ماتبغيهاش انا هاذي هي مادتي المفضلة

[قطرة ندى زهرة]

تصبحو على خير السلام عليكم

[algeria for ever]

تصبحو على خير السلام عليكم

بسلااامة قطرة ندى تصبحي على خييير

[seif_ eddine]

سلام وعليكم

[بدر الدين الجزائري]

على خاطر دايما نجيب فيها 12 على هكا نكرها

حاولت نطلعها مي الله غالب

هي نقطة ضعفي

نفهمها مي ما نعرفش علاش هكا

و انا عارف انها راح تضرني اذا بقيت هكا

[algeria for ever]

سلام وعليكم
سلام سيف سافا

[algeria for ever]

على خاطر دايما نجيب فيها 12 على هكا نكرها

حاولت نطلعها مي الله غالب

هي نقطة ضعفي

نفهمها مي ما نعرفش علاش هكا

و انا عارف انها راح تضرني اذا بقيت هكا

لاباس12.انا تاني موالفة نطيح ونوض فيها .بصح مالغري صا نبغيها

[seif_ eddine]

سلام سيف سافا

والله الحمد لله كاش مراجعة؟؟؟؟؟؟

[algeria for ever]

والله الحمد لله كاش مراجعة؟؟؟؟؟؟

راني مع العلوم ونتا
راهي حاكمة عندك ولالا

[seif_ eddine]

المشتقة نصيبوها
http://latex.codecogs.com/gif.latex?f'(x)=\frac{2e^{2x}-e^{x}}{e^{2x}-e^{x}+1}=\frac{e^x(2e^{x}-1)}{e^{2x}-e^{x}+1}

ومادام الدالة معرفة على R يعني أن ماداخل الـ ln لا ينعدم ولا يكون أبدا تحت الصفر
منه ندرس اشارة البسط فقط
وفي البسط نخرج e^x عاملا مشتركا واللي نعرفوا ديما أنو موجب
تبقاللنا فقط اللي داخل القوس ندرسو اشارتو
نديرو ماداخل القوس يساوي الصفر وندخلو الـ ln باش يخرجلنا الإكس ونصيبوه
ln1/2
الذي يساوي
ln2-

ختي كلامك يبان منطقي مام انا هاكذا كنت حاسب

http://www.wolframalpha.com/input/?i=ln((e^(2x))-(e^x)%2B1)

مشي كي شفت هذي مافهمتش

[seif_ eddine]

راني مع العلوم ونتا
راهي حاكمة عندك ولالا

والله سافا

راكي تحلي فالسلاسل نتاع فخار؟؟؟؟؟؟

[algeria for ever]

بون انا اسمحولي دوكا راني رايحة ايا تصبحوا على خير
تبقاو على خير

[بدر الدين الجزائري]

اهلا سيفو صافا

[algeria for ever]

والله سافا

راكي تحلي فالسلاسل نتاع فخار؟؟؟؟؟؟
لالا هاذوك قاع ماطليتش عليهم راني مع واحد الكتاب مساعد تسلفتو

[seif_ eddine]

بون انا اسمحولي دوكا راني رايحة ايا تصبحوا على خير
تبقاو على خير

صح بالسلامة

[seif_ eddine]

اهلا سيفو صافا

والله الحمد لله وانت

[بدر الدين الجزائري]

بخير يا خويا

واش بديتو الامتحانات و لا مازالكم تقراو

[algeria for ever]

سيف شوفلي التمرين11 ص104 فيزياء .اذا عرفتو مبعد رجعلي لخبر بلييز

[seif_ eddine]

مازال السمانة الجاية ان شاء الله

[seif_ eddine]

سيف شوفلي التمرين11 ص104 فيزياء .اذا عرفتو مبعد رجعلي لخبر بلييز

صح درك نشوف

[seif_ eddine]

سيف شوفلي التمرين11 ص104 فيزياء .اذا عرفتو مبعد رجعلي لخبر بلييز

صح درك نشوف معاه

[بدر الدين الجزائري]

انا نروح دركه نشوف التمرين و نرجع

و حد نصف ساعة

و بعدين نعطيك الحل

[algeria for ever]

صح درك نشوف معاه

صحا قبل مانروح نعطيك سؤال في العلوم لقيتو وانا نراجع
ماالفرق بين الانزيم والهرمون
اياخف جاوب عليه واذا ماعرفتش نعطيك الجواب اوكي

[algeria for ever]

انا نروح دركه نشوف التمرين و نرجع

و حد نصف ساعة

و بعدين نعطيك الحل
ميرسي خويا

[seif_ eddine]

صحا قبل مانروح نعطيك سؤال في العلوم لقيتو وانا نراجع
ماالفرق بين الانزيم والهرمون
اياخف جاوب عليه واذا ماعرفتش نعطيك الجواب اوكي

الانزيم يقوم بتحويل مادة التفاعل الى نواتج (هدم بناء تحويل)

والهرمون ينقل الرسالة برك كيما الانسولين يحث الخلايا على استقبال الجلوكوز باش يخفف التحلون في الدم

[seif_ eddine]

ماعرفتش نعبر عليه المهم هو شغل رسالة برك

[cukier]

الانزيم يقوم بتحويل مادة التفاعل الى نواتج (هدم بناء تحويل)

والهرمون ينقل الرسالة برك كيما الانسولين يحث الخلايا على استقبال الجلوكوز باش يخفف التحلون في الدم

صحيح + كل انزيم من طبيعة بروتينية اما الهرمونات فليست بالضرورة كلها من طبيعة بروتينية

[cukier]

سلام عليكم كيفاش راكم
راكم محضرين مليح للامتحانات؟
بالتوفيق

[seif_ eddine]

صحيح + كل انزيم من طبيعة بروتينية اما الهرمونات فليست بالضرورة كلها من طبيعة بروتينية

ممكن مثال على هرمون ماشي من طبيعة بروتينية؟؟؟؟؟؟

[°واحد من الناس °]

السلاااام عليكم اينااس

كشما جديد

[cukier]

ممكن مثال على هرمون ماشي من طبيعة بروتينية؟؟؟؟؟؟
يمكن تقسيم الهرمونات الى 4 من حيث التركيب الكيميائي:
1/ هرمونات بروتينية مثل الانسولين و هرمونات الجهاز الهضمي
2/ امينات مثل هرمونات الغدد الدرقية
3/ سلاسل بيبتيدية مثل هرمونات الفص الخلفي للغدة النخامية
4/ الهرمونات الاسترويدية مثل الهرمونات الجنسية ، فيتامين د يعمل كهرمون
خويا سيف ما تكسرش راسك بيها ماشي داخلة في البرنامج

[cukier]

السلاااام عليكم اينااس

كشما جديد
و عليكم السلام
اهلين نضال هادي غيبة وشراك خويا ؟
جدبد من اي ناحية؟
اذا حبيت نزيدلك اسئلة كيما المرة لي فاتت

[seif_ eddine]

يمكن تقسيم الهرمونات الى 4 من حيث التركيب الكيميائي:
1/ هرمونات بروتينية مثل الانسولين و هرمونات الجهاز الهضمي
2/ امينات مثل هرمونات الغدد الدرقية
3/ سلاسل بيبتيدية مثل هرمونات الفص الخلفي للغدة النخامية
4/ الهرمونات الاسترويدية مثل الهرمونات الجنسية ، فيتامين د يعمل كهرمون
خويا سيف ما تكسرش راسك بيها ماشي داخلة في البرنامج

يعطيك الصحة ربي يخليك لينا ان شاء الله

[cukier]

يعطيك الصحة ربي يخليك لينا ان شاء الله

بلا مزيـــــــــــة خويا سيفو ادعيلنا معاك برك ههه
و ادا كشما سحقيت راني هنا بلي نقدر عليه

[°واحد من الناس °]

ما يبة ما والو

راني ندخل
انتوما لي مكانش

راني صااافااا وةانتي






ايناس

وشنو هوما اصعب دروس
؟؟

[seif_ eddine]

عندي سؤال فالفيزياء شكون راه هنا

[seif_ eddine]

عطاونا نواتين : نواة اليود 123 ونظيرتها نواة اليود 131

وقالونا احسب طاقة الربط لكل نواة؟؟؟؟

وماهي الطاقة الواجب توفيرها لكل نواة لتفكيكها الى نيكليونات منفردة في حالة سكون؟؟؟؟؟

[°واحد من الناس °]

تفضل اخي الكريم

[cukier]

ما يبة ما والو

راني ندخل
انتوما لي مكانش

راني صااافااا وةانتي






ايناس

وشنو هوما اصعب دروس
؟؟

و الله الحمدلله الله يهنيك
راني مشغولة شوية علابيها ما ندخلش بزاف


اصعب الدروس ؟؟؟؟ و الله كلش ساهل المشكل في هاد العام يعني العام تاع الباك هو العامل النفسي
بصح كاين شوية صعوبات مثلا
في الفيزياء كلش ساهل الا درس الميكانيك اولا مالازمش تتفلسف فيه و ثانيا لازم تحل بزااااااااااااااااف تمارين فيه لانو معمر بالعفايس علابيها شوية مخلط
في العلوم كلش ساهل بالاك شوية في درس التنفس لهذا لازم تحفظ مليح ماشي غير ترسخ لازم تحفظ باش تقدر دير تحليل و تفسير و ..و..
في الرياضيات كاين شوية صعوبات في التكامل اذا خلطوه مع المتتاليات بصح حنا كعلوم تجريبية يعطوهولنا ساهل نورمالمون يجي سؤال وحدو في اخر الدالة يقولك احسب مساحة الحيز + بالاك شوية احتمالات
عموما للتخلص من الصعوبات لازم تحل بزااااااااااف تمااااارين
و بالتوفيق

[seif_ eddine]

انا جاوبت حاب نتاكد من فضلك

[cukier]

عطاونا نواتين : نواة اليود 123 ونظيرتها نواة اليود 131

وقالونا احسب طاقة الربط لكل نواة؟؟؟؟

وماهي الطاقة الواجب توفيرها لكل نواة لتفكيكها الى نيكليونات منفردة في حالة سكون؟؟؟؟؟

طاقة الربط لكل نواة هي طاقة الربط علي العدد الكتلي El/A
في السؤال 2 راهم يقصدوا الطاقة المحررة من طرف كل نواة باش تتفكك؟ ما فهمتش مليح السؤال

[°واحد من الناس °]

مرسي اختي ايناس

[بدر الدين الجزائري]

هاي انا رجعت

كيف الاحوال

[cukier]

اهلا خويا بدرو
واش اخبار قرايتك؟ surtou physique ههه علابالي تحبها بزاااااااااااااااااااف
ربي يوفقكم

[cukier]

مرسي اختي ايناس
بلا مزية نضال
كشما تزيد؟

[°واحد من الناس °]

بلا مزية نضال
كشما تزيد؟


من عندك

انا راني شويا مريض

[بدر الدين الجزائري]

الحمد الله و انتي واش اخبارك

مع القراية صافا

[cukier]

من عندك

انا راني شويا مريض

اللهم رب الناس اذهب الباس اشف انت الشافي شفاء لا يغادر سقما
اللهم رب الناس اذهب الباس اشف انت الشافي شفاء لا يغادر سقما
اللهم رب الناس اذهب الباس اشف انت الشافي شفاء لا يغادر سقما

ربي يجيب الشفا خويا نضال .. لازم تريح دوكا حبس شويا لقرايا ما لازمش تعيي روحك باش ما يزيدش عليك لحال
ربي يشافيك نشالله

[cukier]

الحمد الله و انتي واش اخبارك

مع القراية صافا
الحمدلله الله يهنيك
بالتوفيق في الامتحانات
ربي يسهل نشالله

[بدر الدين الجزائري]

يا رب

احنا نبداو نهار الاحد موحد

[°واحد من الناس °]

الله يعيشك ايناس
بالعكس لما نحكم كتاب فيزيك ولا ماتيماتيك نريح

تقول هوما الدوا

هههه




ايناس كشما اسالة
نتاع اختبارات

[بدر الدين الجزائري]

ان شاء الله لاباس خويا

بالشفاء

[cukier]

الله يعيشك ايناس


بالعكس لما نحكم كتاب فيزيك ولا ماتيماتيك نريح

تقول هوما الدوا

هههه




ايناس كشما اسالة
نتاع اختبارات



هههههههه ياخي نضال ياخي
لي يريحك خويا هاداك هو

بالنسبة للاسئلة تاع الامتحانات
مثلا في العلوم تطيح بزاااف العفسة تاع الانتقال من ADN الى ARNm او من ARNm الى البروتين و العكس و تكون الاجابة كما يلي
من ADN الى ARNm: دايما تكتبلهم هاد الكتيبة باش يجي الجواب منسق و جميل و كامل
انطلاقا من سلسلة ADN الناسخة المعطاة و بظاهرة الاستنساخ وفق نظام تبادل القواعد الازوتية يمكن الحصول على سلسلة ARNm المطلوبة
ثم ترسملهم سلسلة ADNو تحتها تاع ARNm مع البيانات اللازمة
اما اذا عطاني العكس نكتب :
انطلاقا من سلسلة ARNm المعطاة و بظاهرة النسخ العكسي وفق نظام تقابل القواعد الازوتية يمكن الحصول على سلسلة ADNالتالية
من ARNm الى البروتين:
انطلاقا من سلسلة ARNm المعطاة و بظاهرة الترجمة وفق نظام الشفرة الوراثية و استنادا الى جدول الشفرة الوراثية (يمدوهولكم كمعطيات ما نحفظوهش) يمكن الحصول على سلسة البروتين الاتية
اما العكس:
انطلاقا من سلسة البروتين المعطاة و بظاهرة الترجمة العكسية وفق نظام الشفرة الوراثية و بالاستعانة بجدول الشفرة الوراثية نحصل على سلسلة ARNm التالية
من ARNt الى البروتين: يجب اولا معرفة الترتيب الزمني لتوضع جزيئات ARNt الحاملة للاح.آ المنشطة معناها لازم يرتبوهوملكم
ثم ننتقل من ARNt الى ARNm ثم من ARNm الى البروتين بنفس الخطوات السابقة
و دايما ترسملهم
نشالله نكون افدتك شوية و تكون فهمت لاني حسيت بلي ما عرفتش نشرحلك مليح

[بدر الدين الجزائري]

شكرا جزيلا اختي

و الله تلاميذ قسمي يخلطو فيها بزاااااااااف

[cukier]

ايــــــــــــه تفكرت
عادة في الفصل الاول التلاميد يهتموا بزاااااااااااااف في المات بالدوال الاسية و اللوغاريتمية
علابيها في الامتحانات تاع الفصل الاول غالبا ما الاساتذة يديرو دراسة دالة صماء اي دالة جذر و يديرو فيها هاديك العفسة تاع حلول متراجحة و كي يلقاوها مستحيلة يقولو نقيصها هو الصحيح .... هاديك العفسة باش يدرسو تغيرات الدالة ما عرفتش نوصلك المعلومة
لازم تتمرن مليح في الدوال الجذر

[°واحد من الناس °]

هاذو مفيش مشكل
مرسي

هاذو عادي
البنية الفراغية
؟؟
عندك نموذج اسالة
؟؟نتاع باك زعما

[°واحد من الناس °]

شكرااا حليت تمارين هكا

[cukier]

شكرا جزيلا اختي

و الله تلاميذ قسمي يخلطو فيها بزاااااااااف
بلا مزية خويا بدر المهم تكون فهمتها
ياك مانيش نخلط فيها انا تاني ؟ههههههههه

[بدر الدين الجزائري]

صح انا قالتلي الاستاذة

ان الامتحانات موحدة في 28

ان الدوال اللوغاريتمية مش داخلة

[بدر الدين الجزائري]

بلا مزية خويا بدر المهم تكون فهمتها
ياك مانيش نخلط فيها انا تاني ؟ههههههههه

لا ماتخافيش انا فاهمهم مليح

و جامي نخلط فيهم اومان كيفاه راح نجوز الباكالوريا

[°واحد من الناس °]

اللوغ مش داخل خويا
من الاسية واهبط

والكهرباء في الفيزياء داخلة

[بدر الدين الجزائري]

لا احنا دخلنا الكهرباء جديد

ما ظنيتش يديروها و الله اعلم

انا المهم فاهمها سوى داروها و للا لا

[cukier]

هاذو مفيش مشكل
مرسي

هاذو عادي
البنية الفراغية
؟؟
عندك نموذج اسالة
؟؟نتاع باك زعما
كاين في واحد الباك عطاولهم بنية تخطيطية تاع جزيئة بروتينية و بينولهم فيها صيغ بعض الاحماض الامنية الداخلة في تركيب هذا البروتين اضافة الى الروابط الكيميائية لي تربطهم و قالولهم
1/عرف الروابط الكيميائية المبينة في الشكل (بيبتيدية شاردية كبريتية هدروجنية)
2/ ما هي الروابط التي تعتبرغير تكافؤية
3/ قالولهم بين من بين هذه الروابط التي تنكسر:
* تحت تاثير تسخين سريع في وسط مائي 60 درجة الحرارة تاعو
* تحت تاثير الاماهة الحامضية في وسط حامضي مركز في حالة غليا لمدة48 س
4/ ما هي نتائج كسر هذه الروابط في الحالتين؟.

[°واحد من الناس °]

مشككككورة اختي ايناااس


حقا وشحال ديتي في الباك المواد كنقاط
؟؟

[cukier]

مشككككورة اختي ايناااس


حقا وشحال ديتي في الباك المواد كنقاط
؟؟

ديت في الرياضيات 16
في الفيزياء 16
في العلوم 18
بصح راني نادمة عليهم بزااااااااااااااااااف و غاضوني
كيما الفيزياء و المات نورمالمون 20 ... في افريل تكونو كملتو البروقرام روح اضرب طلة على المواضيع ديالنا تشوف شحال ساهل تاع 20 و الله مام لي فاتو 2008 و2009 و الله غيرالباك ساهل

[cukier]

عرفت تحل التمرين ؟ و ادا كشما حصلت قولي

[بدر الدين الجزائري]

صح و تاني قد يعطيك الكتلة المولية لعدد معين من الاحماض الامنية معروفة

و بعدين يقولك كاين ثلاثي بيبتيد و سلوكه في درجة ph

يقولك استنتج عدد الاحماض ؟ وضح ذلك ؟

بالاعتماد على الصيغ المذكورة سابقا حدد انماط الممكنة للاحماض الامنية لهذا البيبتيد

و يعطيك الكتلة المولية نتاع ثلاثي البيبتيد

و يعطيك في الاخير الكتل المولية لل: o ـــ h ـــ n ــــ c ـــ

[cukier]

كاين واحد السؤال يموتو عليه مع الاخير .. ما تستنتج فيما يخص العلاقة بين بنية البروتين و وظيفته؟

[°واحد من الناس °]

التمرين نتاع العلوم
؟؟



اني شفتهم
وساهلين بالنسبة للي قريناهم دوكا
والعربية
20
جبتها بلاما نقراها

[cukier]

صح و تاني قد يعطيك الكتلة المولية لعدد معين من الاحماض الامنية معروفة

و بعدين يقولك كاين ثلاثي بيبتيد و سلوكه في درجة ph

يقولك استنتج عدد الاحماض ؟ وضح ذلك ؟

بالاعتماد على الصيغ المذكورة سابقا حدد انماط الممكنة للاحماض الامنية لهذا البيبتيد

و يعطيك الكتلة المولية نتاع ثلاثي البيبتيد

و يعطيك في الاخير الكتل المولية لل: O ـــ h ـــ n ــــ c ـــ
صحيت خويا بدرو هادي تاني فكرة
كاين بزااااااااااف افكار لازم شوية تمارين + شوية كتب مساعدة و راهي فرات
و ربي يوفقكم نشالله

[بدر الدين الجزائري]

الاسئلة ساهلة بزاااف نتاع عام اللي فات

عجبتني روعة

[cukier]

التمرين نتاع العلوم
؟؟



اني شفتهم
وساهلين بالنسبة للي قريناهم دوكا
والعربية
20
جبتها بلاما نقراها
شفت ... قتلك ساهلين
نزيدلك فلسفة ديت 7 +تاريخ ديت 9 +انجليزي ديت 17+فرنسي 14+ عربي ههه 12.5 هادو هوما لي هردوني العام لي فات
مي تعفستلي مرة ماشي زوج ربي يكون معايا نشالله

حليت هادك تاع العلوم؟

[°واحد من الناس °]

المسلم يلدغ من الجحر مرة


يعني شغل في راسي
انا برك حبيت ندي فكرة على التمارين لي شفايهم العام لي فات
بويسكو التمارين لي عندي كلهم حول

ph

[بدر الدين الجزائري]

و الله الفلسفة نظل نحفظ و نفهم

و كي يقولنا اكتبو مقال .... الورقة نعمرها

و نعطي الامثلة و كل شيء

و امبعد ندي فيها 12 في الفرض و الله تقلقت بزاااااف

[cukier]

المسلم يلدغ من الجحر مرة


يعني شغل في راسي
انا برك حبيت ندي فكرة على التمارين لي شفايهم العام لي فات
بويسكو التمارين لي عندي كلهم حول

ph
ربي يوفقك خويا نضال
ما تنساش حل بزااااااااااااااااف تمارين
انا نعست و نقولكم تصبحوا بخير
غدوة نشالله
السلام عليكم

[°واحد من الناس °]

تصبحو على خير وتهلااااو في رواحكم
دوك لازم نروووح

[بدر الدين الجزائري]

و انا ثاني خلاص تعبت

ايا تبقو على خير

و نايس دريم

[cukier]

و الله الفلسفة نظل نحفظ و نفهم

و كي يقولنا اكتبو مقال .... الورقة نعمرها

و نعطي الامثلة و كل شيء

و امبعد ندي فيها 12 في الفرض و الله تقلقت بزاااااف
ايـــــــــــــــــــه ما تتقلقش لانو الاساتذة تاع الليسي ما يستعرفوش كي تكتب مقالة شابة يقولولك جبتها من عند كاش استاد او حفظتها من عند كاش فيلسوف
بصح في الباك يمدو حتى ل16 بالنسبة للعلوم التجريبية غير ما تخافش ياخي الصح في الباك

[بدر الدين الجزائري]

و الله كل شيئ يبان

و ان شاء الله الجزائر تنوض على يدينا

و احنا نصنعوا جزائر المستقبل

و للا كيفاش ...........

[cukier]

و الله كل شيئ يبان

و ان شاء الله الجزائر تنوض على يدينا

و احنا نصنعوا جزائر المستقبل

و للا كيفاش ...........

نشالله كليوم خويا
مي ديفوا يفشلوك و يحبطولك المورال و يصعبوها قدامك ... حتى تقول ماندير والو نهجر وخلاص
ربي يستر و يجيب لي فيها خير

[بدر الدين الجزائري]

انا نخللي بلادي لا ما نيش من هذا النوع

بركه انا نخدم على باك بمعدل قوي

و بابا راح يسفرني للاردن باه نقرا الطب في جامعة متخصصة باللغة الانجليزية

و بعدين نرجع للجزائر و انا حب نقدم مجهودي لبلادي و نفيد ناسها

[cukier]

انا نخللي بلادي لا ما نيش من هذا النوع

بركه انا نخدم على باك بمعدل قوي

و بابا راح يسفرني للاردن باه نقرا الطب في جامعة متخصصة باللغة الانجليزية

و بعدين نرجع للجزائر و انا حب نقدم مجهودي لبلادي و نفيد ناسها
ما شاء الله ... و الله نفرح كي نشوف ناس يخموا كيما تنا ... مازال كاين لخير في لبلاد
خويا ربي يسهلك نشالله و دير واش راك حاب
مي لازم معدل خشين في الباك واش رايك نتنافس انا وياك :d:d نشوفو شكون يدي اعلى معدل ؟ ههههه
راني نقصر برك و ادا حبيتها صح معليش ههه
ربي يوفقك نشالله
بصح عندي سؤال .. علاش تقرا بالانجليزي باش جي تخدم بالفرنسي ؟ علابالك دزاير غير فرونسي لي يستعرفو بيها؟

[بدر الدين الجزائري]

نعرف بالصح ماتنسيش انه الانجليزي عالمية

و تقابل بها بروفيسور كبار في الجزائر و خارجها

اما فرنسي حاجة ساهلة كي يخرج الواحد كان سهل ربي يراطي عام يعاود يفهم كل شيء

بالفرنسي و يسهل في خدمتو فهمتيني .........

اما عالتنافس معاك انا موافق بالصح ردي بالك لا تنتحري راني خطير مازالك ما تعرفينيش كي نصمم على حاجة

صعيبة باه تديها الا اذا كانت المات راح نرفع لك الراية بسهولة

[cukier]

نعرف بالصح ماتنسيش انه الانجليزي عالمية

و تقابل بها بروفيسور كبار في الجزائر و خارجها

اما فرنسي حاجة ساهلة كي يخرج الواحد كان سهل ربي يراطي عام يعاود يفهم كل شيء

بالفرنسي و يسهل في خدمتو فهمتيني .........

اما عالتنافس معاك انا موافق بالصح ردي بالك لا تنتحري راني خطير مازالك ما تعرفينيش كي نصمم على حاجة

صعيبة باه تديها الا اذا كانت المات راح نرفع لك الراية بسهولة
اووووووووووووووووووووووووكي حتا انا خطيرة رد بالك هههههههه
مادامك خطير و تصمم ع الحاجة علاش ما تصممش في المات و الله غير تولي فووووووووووووور
حرااااااام تخلي المات تحرمك من 18 تاع الباك صح و لا راني غالطة؟
تصبح بخير

[algeria for ever]

[QUOTE=seif_ eddine;4169333]الانزيم يقوم بتحويل مادة التفاعل الى نواتج (هدم بناء تحويل)

والهرمون ينقل الرسالة برك كيما الانسولين يحث الخلايا على استقبال الجلوكوز باش يخفف التحلون في الدم[/QUOTEhg;!dtd



نيشان سيف
وزيد انو كلاهما له علاقة بالنشاط الوظيفي تحفيز او تثبيط

[seif_ eddine]

سلام algeria

مافهمتش كيفاش تحفيز و تثبيط

[cukier]

مساء الخير جميعا
الدعوة ناشفة ؟؟؟؟
وين راه النشاط لي عودتونا بيه
ربي يوفق الجميع

[°واحد من الناس °]

مساء الانوار

يجيو غير وقت يسحقو لي يعاونهم
برك

مي الاوقات لخرى لالا

[cukier]

اهلا نضال
راني نشوف .. معليش نساعفوهم
كاش جديد؟

[°واحد من الناس °]

اوكي

اعطينتي كشما روابط نتاع كتب مفيدة على حكم انك العام لي فات كنتي تحملي

مام انا نعطيك سيت فيه روابط مليحة

[cukier]

اوكي

اعطينتي كشما روابط نتاع كتب مفيدة على حكم انك العام لي فات كنتي تحملي

مام انا نعطيك سيت فيه روابط مليحة
و الله غير لو كان عندي ماشي خسارة فيك خويا
مي العام لي فات ماكنتش نخدم من النت و اذا كشما حملت كنت نحمل غير les sujets
و ادا كشما لقيت راني نقولك

[cukier]

نضال خويا ما نلقاش عندك دروس تاع الفرونسي؟ راني مسحقتهم
تعيش ادا تقدر حطهوملي

[°واحد من الناس °]

منتدى الباكلوريا (http://leecy.yoo7.com/montada-f21/)


منتدى السنة الثالثة ثانوي (http://leecy.yoo7.com/montada-f148/)



فيهم مواضيع شباب

[°واحد من الناس °]

المشكل عندي سيدي بعثولي صاحبي ب*****

محبتش المواقع تحملو حجمو كبير

فيه الدروووس كااامل
وتمارين

[cukier]

المشكل عندي سيدي بعثولي صاحبي ب*****

محبتش المواقع تحملو حجمو كبير

فيه الدروووس كااامل
وتمارين

خسااااارة و الله
معليش فيها خير
مي لازم تبروفيتي مادام عندك هاد سيدي
يعطيك الصحة على المواقع دوك نضرب طلة عليهم
واش راك تقرا دوكا؟

[°واحد من الناس °]

راني قاعد برك
من باعد في الليل نقرا مش دوك

[cukier]

شوف هادي الدالة
F(x) = 2x + 1/(x+1)2
معرفة على R
احسب F(-1) k

[نور الأيمان]

السلام عليكم

[cukier]

السلام عليكم
و عليكم السلام
اهلا ايمان واش اخبارك
كاش قرايا؟؟

[°واحد من الناس °]

وعليكم السلام

k
نتاع وشنو
؟؟

[cukier]

وعليكم السلام

k
نتاع وشنو
؟؟
والو انا غلطت و قست الكيبورد
هههههه

[نور الأيمان]

الحمد لله
أختي ايناس السوال اعليكم
راني مصبح نريفيزي المات و التاريخ و الجغرافيا
و ضرك با لاك نقرا العلوم
و أنتوما كاش نقاش

[°واحد من الناس °]

اهلا اختي ايمان


اوكي ايناس دوكا نسي فيها

[خدووجة]

السلام عليكم

[cukier]

الحمد لله
أختي ايناس السوال اعليكم
راني مصبح نريفيزي المات و التاريخ و الجغرافيا
و ضرك با لاك نقرا العلوم
و أنتوما كاش نقاش
انا قريت شوية نووي اوبعد بالاك انا تاني نقرا علوم
المات و الله غير راني مهملتها مي غدوة نشالله نلتالها

ايمان تعيشي قوليلي كيفاش راكي ديري مع التاريخ و الجغرافيا انا و الله ما نقدر نحفظ
راني نقرا فيهم برك

[cukier]

و عليكم السلام خدووجة

[نور الأيمان]

و عليكم السلام أختي خدوجة

[°واحد من الناس °]

اختي ايناس

هي غير
معرفة
عند ناقص
واحد والنهاية عندو بقيم كبرى تساوي + مالانهاية

[cukier]

ايمان تعيشي قوليلي كيفاش راكي ديري مع التاريخ و الجغرافيا
انا و الله ما نفدر نحفظ راني غير نقرا فيهم برك