أصدقائي كل واحد يكتب طريقته في حفظ الدروس

[ابتساام]

لكي لاتتراكم علينا الدروس ونجد انفسنا في ورطة مارأيكم لو نفتح كتبنا وكراريسنا على الدرس قبل النوم ونقرأها كقصة وصدقوني سنتذكرها دائما
اعطوني اراءكم وحلولكم

[kamela]

moi tjr je révise mes leçon quand il ya un examin ou bien un devoir
sauf le français et langlais . arabe
ça je les révise tout les jours a cause des exercices

[kaouthar1]

سوف أخبركم لكن دون سخرية ، اللغات و الرياضيات لا أراجعها أبدا ، علوم و فيزياء اقرأ الدروس الأخيرة بسرعة قبل النوم )الذي يكون عادة على الساعة الواحدة) أما التاريخ و الجغرافيا و التربية الاسلامية ، أسعى لحفظها دون جدوى و هذا يكون عندما يكون الامتحان في اليوم التالي ، لهذا أتمني أن يفيدنا الاخوة بنظام ناجع للمذاكرة و لكم ألف شكر مسبقا

[kaouthar1]

ahh et merci pr cette formidable page !^^

[aladin2010]

افضل طريقة انك تقرا الدرس 5 مرات مع التركيز بعدها تكتبو

[ابتساام]

صح انا ليلة الاختبار نحب نحفظ وبالرغم اني نتقلق بصح نحفظ عادي

[kamela]

oui c'est vrai

[kaouthar1]

lah yberek , ana nekrah l7fadha donc ne3ya nceyi w walo

[رحمة نور الدين]

:dj_17:السلام عليكم انا طالبة في السنة الثانية ثانوي طريقتي في حفظ :dj_17:الدروس كتابيا

[ابتساام]

صح حتى هادي حقيقة علمية انو المخ يتفكر وش يكتب
حتى لما كنت صغيرة قلت لاستاذنا استاذ واش رايك نحفظ ونقلدو الصحافة اللي يهدرو ولازم ماتغلطش

[kaouthar1]

peut etre c une bone methode ^^merci à vous

[مالكس لقبايلي]

انا نحفظ بسهولة بصح لكنت تعبان وماش حاب نحفظ مندورش بالحفظ

الحفظ في الصباح رائع حقا على خاطر الصباح يكون الذهن صافي منك تصلي الفجر ومنك تحفظ بسهولة .ونحفظ بتكرار العبرات خمس مراتولا مع التركيز ولكن الاهم نفهم قبل مبعد نحفظ ونحاول نلخص ............
سلااااام

[رحمة نور الدين]

شكرا على اضافة الرد لكن هذه الطريقة من احسن الطرق لقد ساعدتني كثيرا في حفظ الدروس في شهادة التعليم المتوسط فكنت انهض باكرا لصلاتي الفجر و الكثرة من الدعاء ولكن الحمد للله انني نجحت بفضل سهولة حفظي لي الدروس و صح رمضانك يا اخي:dj_17:

[ابتساام]

انا تاني نحب نراجع الصباح يكون الهدوء اما على الحفظ مستحيل نكثر الدروس
نحفظ درس ولا اتنين في الصباح
وفكرتك مليحة عجبتني
شكرا لمرورك وردك

[ابتساام]

صح وهادي الطريقة كيما قتلك علمية وتفيدني في جداول التاريخ بزاف

[امينة111]

افضل طريقة انك تقرا الدرس 5 مرات مع التركيز بعدها تكتبو


هذاه طريقتي انا تاني نحفظ ونكتب

[aladin2010]

هذاه طريقتي انا تاني نحفظ ونكتب

انها اسهل طريقة في الحفظ

[ابتساام]

طرق مليحة للحفظ

[*سلامة*]

الطريقة هي تختلف من انسان لانسان كاين الي يشد بالسمع وكاين بالكتابة اي بالنظر

مثلا يصور الدرس في راسو لما يروح يجوز يتفكر تلك الصورة

اما تاع السمع يقرا بصوت مرتفع الدرس باش يحفظو

وتجنبو تاع الحفظ اليوم قبل الامتحان متعبة بزاف انا كنت نديرها هي الي تكره الانسان لقرايا

والطريقة المليحة تاني تاع تكتب الدرس معليش بالتخربيش ماشي تكتبو منظم تكتب وتعاود في ورقة مسودة حتى تحفظ

[ابتساام]

شكرا سلامة رايك صواب

[ابتساام]

صح المواد اللي نحفظهم معروفين واللغات نتفكر القواعد والباقي فهامة

[رحمة نور الدين]

يبدو ان هذه الطريقة ساعدت الجميع في سهولة حفظ الدروس بطريقة جيدة كون نواصل بهذا المنوال ننجح بطريقة هذي وشكرا

[ابتساام]

شكرا رحمة
انا نعتمد على طرق بزاف

[رحمة نور الدين]

السلام عليك يااختي العزيزة كيف حالك وانت تحضرين للعام الدراسي الجديد ان شاء الله يكون مليح بزاف وصح رمضانك وشكرا

[رحمة نور الدين]

أين انتم مبان عليكم حتى خبر غلبكم رمضان ول اواش

[فريال المحتاجة عفو الله]

قبل كل شيء اقرؤا هذا الدعاء: "" اللهم إني أسألك خير النبيين وحفظ الملائكة المقربين . اللهم اجعل لساني عامرا بذكرك و قلبي بخشيتك و صدري بطاعتك إنك على كل شيء قدير و حسبنا الله و نعم الوكيل ""
أنا أولا نجرب نحفظ بلاما نشوف الكراس كي نحصل برك نطل عليه و نبدل الكلمات و نزيد و ننقص
و مبعد نشوف الكراس و نقارن واش قلتو بواش مكتوب ...... يعني باش نشوف إلا أنا فاهمة و إلا لا
و مبعد نقسم الدرس إلى أفكار أو أجزاء و نقراها مرتين أو ثلاث تجيني سااااهلة نحفظها و نفس الطريق مع باقي الفقرات
و في الأخير نحاول نحفظ الدرس كامل.
إلا حبست ياسر أو غلطت نعاود و إذا كنت حافظة نقراه برك و نقول هذا الدعاء اللي ننصحكم بيه :
"" اللهم إني أستودعك ما قرأت و ما حفظت و ما فهمت فرده إلي عند الحاجة إليه غنك على كل شيء قدير وحسبنا الله و نعم الوكيل ""
موفقين
انا فريال طالبة في السنة الثانية ثانوي .... اتمنى أن أوفق هذه السنة و أن يكون معدلي ممتازا

[فريال المحتاجة عفو الله]

قولولي رايكم في طريقتي ؟؟؟؟؟

[ابتساام]

طريقة مليحة بصح مانعتامدوش على الدعاء ونقولو رانا متكلين على ربي نخدمو اللي علينا ومن بعد الدعاء شيئ تاني
شكرا حنونة

[فريال المحتاجة عفو الله]

طريقة مليحة بصح مانعتامدوش على الدعاء ونقولو رانا متكلين على ربي نخدمو اللي علينا ومن بعد الدعاء شيئ تاني
شكرا حنونة
السلام عليكم
أختي هناك فرق شااااسع بين التوكل و التواكل
و أظن أن الذي يدعو الله و يسأله التوفيق من عنده و من ثم يشرع في الدراسة إنما هو متوكل على الله لا غير
لم اقل ادعو الله و فقط
إنما الدعاء لطلب المعونة من الله و لا شيء سهل إلا ما جعله الله سهلا
لقد شرحت طريقتي في الحفظ بالتفصيل و الحقيقة أنها أثمرت طول مشواري الدراسي و الحمد لله
يبدو أنك أسأت فهمي على كل بارك الله فيك و عيدك مبروووووك
أسأل الله أن يوفق الجميــــــــــــع

[bac2012]

انا نحفظ في الويكاند علوم و اجتماعيات و تربية اسلامية و بالنسبة للمواد العلمية لازم كل يوم

[خديجة6]

بصراحة أنا لا أستطيع الحفظ شفاهيا لذلك أعتمد الحفظ كتابيا هو سهل وسريع . كما أن الكتابة ترسخ المعلومات في الذهن . هذه طريقتي أرجوا أن تجربيها وتستفيدي منها:19:
وفقنـــــــــــــا الله:)

[tita_gas]

Bonjour, je me suis appuyé sur l'écriture dans le maintien de mes classes

Suite à ce que

[رحمة نور الدين]

:dj_17:مرحبا واش بدئتم باتحضير لي السنة الثانية ثانوي والاساتذ ملح وربي نجحنا كاملوشكرا

[شمعة2010]

السلام عليكم جميعا كيف اخبار الدخول انا باه نحفظ لازمني نفهم الدرس ونطبق عليه ونفراه خمس مرات ومبعدا نكتب في ورقة ربي يوفقكم كامل

[djoussama09]

السلام عليكم
طريقتي في الحفظ اني افهم الدرس في القسم في اي مادة واحاول فهم كل شئ
بعدهاااااا في المساء نراجع وش درت دروس دروس ذاك اليوم مع حل التمارين ومراجعة الدروس القادمة

وفي يوم الجمعة نحفظ شريعة او اجتماعيات ولكن نحفظ الاشياء الاساسية لان هاته المواد فيهاااا كل شئ بديهيي
وعند اقتراب وقت الاختبارات نراجع

[رحمون احمد]

لكي لاتتراكم علينا الدروس ونجد انفسنا في ورطة مارأيكم لو نفتح كتبنا وكراريسنا على الدرس قبل النوم ونقرأها كقصة وصدقوني سنتذكرها دائما
اعطوني اراءكم وحلولكم
]بالفعل كل ميسر لطريقته الخاصة بالحفظ المهم نتذكر دائما قليل دائم خير من كثير منقطع اعان الله الجميع للحفظ والتعلم والفهم وزادكم نورا وضياء

[مالكس لقبايلي]

:dj_17:مرحبا واش بدئتم باتحضير لي السنة الثانية ثانوي والاساتذ ملح وربي نجحنا كاملوشكرا

مابدينا والو حنا جانا استاذ ولا زوج وقعدنا هكا برك فل قسم اسبوعين فاتو درنا فيهم زوج دروس برك.و خرجولنا قوانين جدية ممنوع تجيب الام بي 3 ممنوع تتاخر ممنوع هديك قبل هما كيلتزمو بيها يطبقوها على التلاميد

[ابتساام]

اهلااااااااااااااا

[مالكس لقبايلي]

كاين طريقة فور فلخفظ عن طريقة الخاريطة الذهنية فور اه .ادوها من عد خوكم ماسي

[ابتساام]

قول كيفاش هادي الطريقة

[مالكس لقبايلي]

نقلك اكتبي في قوقل الخارطة الذهنية تخرج بطريقة موسعة ومع الرسم .......
شوفي تجيبي ورقة كبيييرة والوان بزااف تكتبي في وسطها عنونا هد الدرس وايا ترسمي تفرعات كل تفرع اكتبي فيه فكرة او ملخص وزيدي دير فرع تزيدي تتعمفي هكدا كانك ترسمي في شجرة ههههههههههه الله غالب ابتسام منعرفش نشرح كامل لحبا تعرفيها اكتبيها في ..في قوقل وخلااص

[رحمة نور الدين]

مرحبا اخي عجبتني طريقةالحفظ انا تاني حبيت ا نجربهاوشكرا

[مالكس لقبايلي]

مرحبا اخي عجبتني طريقةالحفظ انا تاني حبيت ا نجربهاوشكرا واش راك سافا

حابا نسرقلي الفكرة تااااعي ههههههههههه .....عفو ونتيا كيفاش راك تحفظي....................

[رحمة نور الدين]

ماتخافش ماش رح نسرقهالك انا نحفظ باكتابة على هذيك ساعدتني بزاف نفهم الدرس ثم نحفظ كتابة جربها ورجعلي الخبر

[مالكس لقبايلي]

حقا رحمة كيفاش تقدري تحفظي وتكتبي في نفس الوقت ماشي صعيبة شوي نجي من ليسي و4 سوايع ونا نكتب ونرجع لدار نكتب هههههههه مي تحوسي على الصح مراناش نقرو كامل قصرى وضحك و الاستادة من دوك غيبات