ناشدة السؤدد
2010-08-26, 00:18
السلام عليكم و رحمة الله و بركاته
كيف حال إخوتي في الله؟
تذكرت بالأمس و قد قاربت المنام
مشاهد من الذاكرة التي رسمت بعقلي
و لكني لم أشاهدها في حياتي
مشاهد من الزمن الغابر خطت بأنامل جدتي و أمي و حفرت حفرا (مفعول مطلق )
تقابلها مشاهد من أيامنا
نبدأ
المشهد الأول
بكري
كان الرجل إذا دخل الدار
لا تسمع حس لا تسمع دواس
و الهدرة بالعقل
و إذا عيط لواحد و لا لواحدة من موالين الدار يجيو يجريو
اليوم
الرجل اذا دخل واحد ما وحاسبو
كيف قبل كيف بعد
ما يقولو عيان ما يقولو من الصباح و هو يخدم
و لا هدر كلمة يسمع عشرة
المشهد الثاني
بكري
كي يوصل وقت العشاء يتلم الجد و الجدة و الأب و الأم و الأولااااد
على مائدة واحدة
و لا نقولكم على الأرض
و ياكلو بالبركة
القليل و الماكلة بنيينة مع اللمة
اليوم
كل واحد ياكل وحدو
اللي يتعشا على ال7 (لا طاب العشا)
و اللي يجي على ال8 و اللي على ال10
كل واحد في بحره عايم
المشهد الثالث
بكري
المرا تنوض مع الفجر
نسمة الصباح
تحط القصعة الله الله تفتل العولة
و الكسرة تطيب باه يفطرو بيها الحليب اييه
اليوم
المنوض retard بزاااف
و تنوض عيااانة
و الكسرة ما يعرفوش الولاد ريحتها حتى يكبرو
المشهد الرابع
بكري
المرا اذا خرجت و لاقات راجل تلصق في الحيط
بالحيك و لا الملاية
و الرجل يهبط عينيه علابالو مرت راجل و خت الرجال
اليوم
المرا راكم علابالكم
توزع نظراتها في المحطات و الشوارع للجميع دون استثناء
ربي يهديك راح الحيا و راحت الحشمة
المشهد الخامس
بكري
السلفة تتهاوش مع مرت خوها
علاه؟
على شكون تفتل
هذي تقول أنا و لوخرا تقول أنا
اليوم
يديرو الدالة
و كل وحدة تتكل على لوخرى و هكذا يتهاوشو
ـــــــــــــــــــــــــــ
هذا ما حضرني
فلم أستطع النوم
و قلت ليتني عشت ذاك الزمان
لكم التعليق و لكم الاضافة
كيف حال إخوتي في الله؟
تذكرت بالأمس و قد قاربت المنام
مشاهد من الذاكرة التي رسمت بعقلي
و لكني لم أشاهدها في حياتي
مشاهد من الزمن الغابر خطت بأنامل جدتي و أمي و حفرت حفرا (مفعول مطلق )
تقابلها مشاهد من أيامنا
نبدأ
المشهد الأول
بكري
كان الرجل إذا دخل الدار
لا تسمع حس لا تسمع دواس
و الهدرة بالعقل
و إذا عيط لواحد و لا لواحدة من موالين الدار يجيو يجريو
اليوم
الرجل اذا دخل واحد ما وحاسبو
كيف قبل كيف بعد
ما يقولو عيان ما يقولو من الصباح و هو يخدم
و لا هدر كلمة يسمع عشرة
المشهد الثاني
بكري
كي يوصل وقت العشاء يتلم الجد و الجدة و الأب و الأم و الأولااااد
على مائدة واحدة
و لا نقولكم على الأرض
و ياكلو بالبركة
القليل و الماكلة بنيينة مع اللمة
اليوم
كل واحد ياكل وحدو
اللي يتعشا على ال7 (لا طاب العشا)
و اللي يجي على ال8 و اللي على ال10
كل واحد في بحره عايم
المشهد الثالث
بكري
المرا تنوض مع الفجر
نسمة الصباح
تحط القصعة الله الله تفتل العولة
و الكسرة تطيب باه يفطرو بيها الحليب اييه
اليوم
المنوض retard بزاااف
و تنوض عيااانة
و الكسرة ما يعرفوش الولاد ريحتها حتى يكبرو
المشهد الرابع
بكري
المرا اذا خرجت و لاقات راجل تلصق في الحيط
بالحيك و لا الملاية
و الرجل يهبط عينيه علابالو مرت راجل و خت الرجال
اليوم
المرا راكم علابالكم
توزع نظراتها في المحطات و الشوارع للجميع دون استثناء
ربي يهديك راح الحيا و راحت الحشمة
المشهد الخامس
بكري
السلفة تتهاوش مع مرت خوها
علاه؟
على شكون تفتل
هذي تقول أنا و لوخرا تقول أنا
اليوم
يديرو الدالة
و كل وحدة تتكل على لوخرى و هكذا يتهاوشو
ـــــــــــــــــــــــــــ
هذا ما حضرني
فلم أستطع النوم
و قلت ليتني عشت ذاك الزمان
لكم التعليق و لكم الاضافة