محمد لعمارة
2008-05-04, 12:37
--------------------------------------------------------------------------------
بطلب من الأخ الشنفرى لقصيدة يا قصبة ،يسرني ان البي طلبه واقدم لكم القصيدة.
ـــــــــــــــــــــــــــــــــــــــ
يا قصبة
ابكي ياقصبة وزيدي على مابيك
صوتك راه احزين حن وبكانا
تركو فيك اطبوع كانت اتواتيك
نغماتك ياي ياي فيها حنانا
اللي حبك مريض راه امولع بيك
ما يقبل الآت غيرك رنانا
السانتي من اليابان جا باه ايغطيك
وايشتت عقول كانت تهوانا
احنا ناس عرب رحال ونشتيك
انت والبندير ديمة في اهوانا
بكري القوال يشعر غير عليك
والمجمع مبسوط والوزن اتقانا
نشفى بكري كانت السهرة الا بيك
عن ضي القمرة احبابك سهرانا
لاكهرابا لااصوات اتزيد عليك
وحدك في الميدان وانت ملقانا
نتداولو بشعار صحراوية ليك
يوم العرس اتكون الساحة مليانا
البرود والخيل والفارس يبغيك
وازغرت لبنات جملة فرحانا
واليوم آقصبة احقرتي حشمو بيك
والهاو بنغمات منها بركانا
لو تجي للبيع واحد ما يشريك
واللي تربى عليك راهو في هانا
جعلو منك موال دقيقة ما تكفيك
وايقــــولو هاذي النغمة مزيانا
يا نغمة الريح ريحك وين مديك
فارقتي لحـــــباب اسكنتي جبانا
من بكري قصبة وزاد الهم عليك
وانساو ايامـــك وذيــــك الحنانا
حبك درياسة واخليفي امربيك
حتى البار عمـــــــر راح وخلانا
ياسر فنانين راهم ايسالو عليك
ان شاالله لـــــيام اتــــردك لهوانا
اتولي بالعز تراثك يحميك
واتلاقــــــي رجال بالحق امعانا
يرفعو بياياي اتولي الدالة ليك
ويعرفو لجيال حق الأمانا
انا قلت عليك من حقي انرعيك
وبالتراث اليوم تثبت خطانا
رافقتي ساعد كان امونس بيك
جراتو للآن ساكنة لخزانا
حتى الراعي ما ابقى يتهلا فيك
والها بالراديو اصواتو دندنا
نطقت لي بكلام قالت لي يهديك
ماني مغـــرورة ولاني فتانا
اللي ضاقت بيه نبكي وانزهيه
في الغربة والا الناس الحيرانا
معروفة قصبة واصلي ما نخفيه
مكويـــــة بكيات وديمة فرحانا
بطلب من الأخ الشنفرى لقصيدة يا قصبة ،يسرني ان البي طلبه واقدم لكم القصيدة.
ـــــــــــــــــــــــــــــــــــــــ
يا قصبة
ابكي ياقصبة وزيدي على مابيك
صوتك راه احزين حن وبكانا
تركو فيك اطبوع كانت اتواتيك
نغماتك ياي ياي فيها حنانا
اللي حبك مريض راه امولع بيك
ما يقبل الآت غيرك رنانا
السانتي من اليابان جا باه ايغطيك
وايشتت عقول كانت تهوانا
احنا ناس عرب رحال ونشتيك
انت والبندير ديمة في اهوانا
بكري القوال يشعر غير عليك
والمجمع مبسوط والوزن اتقانا
نشفى بكري كانت السهرة الا بيك
عن ضي القمرة احبابك سهرانا
لاكهرابا لااصوات اتزيد عليك
وحدك في الميدان وانت ملقانا
نتداولو بشعار صحراوية ليك
يوم العرس اتكون الساحة مليانا
البرود والخيل والفارس يبغيك
وازغرت لبنات جملة فرحانا
واليوم آقصبة احقرتي حشمو بيك
والهاو بنغمات منها بركانا
لو تجي للبيع واحد ما يشريك
واللي تربى عليك راهو في هانا
جعلو منك موال دقيقة ما تكفيك
وايقــــولو هاذي النغمة مزيانا
يا نغمة الريح ريحك وين مديك
فارقتي لحـــــباب اسكنتي جبانا
من بكري قصبة وزاد الهم عليك
وانساو ايامـــك وذيــــك الحنانا
حبك درياسة واخليفي امربيك
حتى البار عمـــــــر راح وخلانا
ياسر فنانين راهم ايسالو عليك
ان شاالله لـــــيام اتــــردك لهوانا
اتولي بالعز تراثك يحميك
واتلاقــــــي رجال بالحق امعانا
يرفعو بياياي اتولي الدالة ليك
ويعرفو لجيال حق الأمانا
انا قلت عليك من حقي انرعيك
وبالتراث اليوم تثبت خطانا
رافقتي ساعد كان امونس بيك
جراتو للآن ساكنة لخزانا
حتى الراعي ما ابقى يتهلا فيك
والها بالراديو اصواتو دندنا
نطقت لي بكلام قالت لي يهديك
ماني مغـــرورة ولاني فتانا
اللي ضاقت بيه نبكي وانزهيه
في الغربة والا الناس الحيرانا
معروفة قصبة واصلي ما نخفيه
مكويـــــة بكيات وديمة فرحانا