سؤال للرجال...تستطيعين أختي الدخول.

[nina_16]

السلام عليكم ورحمة الله وبركاته........:mh92:


رمضان كريم وكل عام وأنتم بخير.......:mh31:





لي سؤال للرجال الذين لديهم أخوات........هل تقبل بأن تكسب أختك سيارة أو هاتف ذو تقنيات متطورة. أو أو أو ........

و أنت لا تملك كهذه الأشياء...........:1::1::1:؟؟؟؟


لماذا بعض الرجال يغضبون لمثل هذه الأمور و يمانعون بشدة حتى بدون أي نقاش أو توضيح......:confused:


أنا في رأي أن هذا الرجل هو حسود.........................:mad:


موضوع جاد نأمل نقاش جاد................:19:....


بارك الله فيكم..................:mh31:

[le fugitif]

طبعا اقبل وهذا سيعود علي بالفائدة اكيد والله هذا الرجل حسدها نتيجة غيرته منها

[SOULLEFFE]

الغيييييييرة تهدر
ههههه

[الصديق الذهبي]

لو كان حسودا ما قبلها لأخيه قبل أخته

السيارة لا أقبلها لأي بنت كانت فما عساك بأختي

.................................

...................................

[مايليس]

كل واحد وطريقة تفكيره وشخصيته

[dz-sniper]

والمشكل وين راه

[ishak taba]

السيارة للمرأة لا اعتقد انها فكرة سوية

[nina_16]

طبعا اقبل وهذا سيعود علي بالفائدة اكيد والله هذا الرجل حسدها نتيجة غيرته منها

ههههههههههههههههههههههههههههههههههه

يعود بالفائدة عليك..............ههههههههههه


بارك الله فيك

[nina_16]

الغيييييييرة تهدر
ههههه

عندك الصح ختيتو
ربي يحفظك

[the big heart]

حسنا اختي نينا لنناقش الامر بجدية
ان تكتسب اختي هاتفا نقالا فاول سؤال لماذا
هي بين اهلها فما فائدة الهاتف النقال اليس مدعاة للمشاكل
ارادت التحدث الى اهلها فاين ذهب الهاتف الذي كانت تستعمله قبل هذا
السيارة تريد اكتسابها لكن لماذا و من الها و هي من تسوق
لا تنسي اننا لا نملك الوعي التام لهذا لانها حتما ستتعرض الى مضايقات
فهل سارضى بالمضايقات لاختي بل انا من سيتضايق
هو ليس حسدا لكن تجنبا للمشاكل وهو من حقي اجزم بهذا
ارجو ان ناقشنا موضوعا كهذا ان ننظر لكل الجوانب ولا ننسى البيئة التي ننتمي اليها
شكرا اختي على المو ضوع

[النوخذه]

هههههههههه وليش الحسد ؟؟

عليها بالعافية !! وتستاهل اكثر !!!

[charifis]

تعتبيرنها حسد غريب والله غريب
وهل يحسد الاخ اخته ؟
كل هذا من أجل اجتناب المشاكل والمضايقات فقط لاغير
لأن الأخ لايحب ان تقع اخته في مضايقات ويصبح هو ايضا في مشاكل

[Med saida]

كل واحد وكيفاش يخمم وما تنسوش وين رانا عايشين هاي 2010 وما زالنا

[salim241]

السيارة منظنش بلي حاجة مليحة للمرأة ونزيدك حاجة بلي آخر الدراسات تقول بلي المرأة تزيد إغراء للرجال عندما تسوق السيارة

أما الهاتف النقال متطور أو لا فهذا شي عادي بالنسبة لي

وشكرا على الموضوع

[Noir et Blanc]

وعليكم السلام ورحمة الله وبركاته



لما لا تعتبر الاخت ان ذلك من خوفه عليها وليس لانه حسدها ؟

[bankes]

نورمال بصح أنا لي نسوقها كي نركب معاها
ههههههههههههههههههههههههههههه

كارثة كي تكون المرأة تقود في السيارة

[nina_16]

لو كان حسودا ما قبلها لأخيه قبل أخته

السيارة لا أقبلها لأي بنت كانت فما عساك بأختي

.................................

...................................


حتى ولو كانت أختك تملك ما يكفيها من الأموال............أي بالعامية نتاعنا لاباس عليها:19::19: و تخلص غايا تعيش و تعيش الناس معها:confused::confused:

[derar]

أختي من لحمي ودمي و أتمنا لها كل خير

[nina_16]

أختي من لحمي ودمي و أتمنا لها كل خير



بارك الله فيك

[افنان القران]

الرجل اناني للغاية

[موسى15]

السلام عليكم

انا نظن انوا هذا الشيئ ميستحقش باه نقولوا عليه غيرة او شيئ من هذا القليل. صح بلاك نقبل باه اختي تكون عندها سيارة فخمة، ولما لا وهاتف ذو جودة عالية ومتطورة أحسن مني............................................... .......وأقول بيني وبين نفسي : لي يمنع اختوا ول يحسدها مش في سوالح كيما هاذوا كاين صوالح يستهلوا باه الرجل يمنع اختوا عليهم ومحال الرجل يحسد المرأة على شيئ صغير كيما هدا
شكرا على الموضوع الرائع وتقبلي ردي ومروري العطر
محبكم موسى15

[أنفال 2010]

انا انثى واملك هاتف نقال متطور واسوق السيارة بس اتمنى لو كان لي اخ يمنعني من ذلك فانا مع كلام القلب الكبير فلو كان لي اخ لمنعني حبا وخوفا عليا ليس حسد ا على ماملك وانا انثى ورايي من اراء الذكور

[tarek100]

في حكاية التليفون ونفوتوها بصح السيارة نو نو نو

tareek:1:

[nina_16]

انا انثى واملك هاتف نقال متطور واسوق السيارة بس اتمنى لو كان لي اخ يمنعني من ذلك فانا مع كلام القلب الكبير فلو كان لي اخ لمنعني حبا وخوفا عليا ليس حسد ا على ماملك وانا انثى ورايي من اراء الذكور


لأنك لم تعشين قهر الأخ............تتكلمين هكذا............
بارك الله فيك

[جليل 22]

هاتف ربما لكن سيارة ممممممممممممم

[روضة الانوار]

أنا نظن الرجل يخاف على ختو بالدرجة الأولى ،أما الحسد نسبة قليلة لخطرش كاين لي مانع على حاجة كيما هذي رغم أنه يملك سيارة شابة و غالية على نتاع ختو.

[رؤوف 99]

هذا راجع للعقلية لدى العائلة
انا من جهتي مانسمحلهاش تمتلك هاتف باخر المواصفات و سيارة و لو امتلكتهم انا . نسمحلها تمتلك هاتف بسيط يكفيها
فما بالك اذا كنت انا ماعندي والو و هي بالهاتف و السيارة.أقتلها او انتحر
و رأيي انو الاب او البنت التي تسمح ان تمتلك كل ما ذكرته و هو بلا شيء ليس اب و هي ليست اخت
و هذا مجرد راي

[الباشـــــــــــق]

أقبل ذلك بدون تحفظ فأنا أعرف أبنتي جيدا .

[maya_dz]

و الله انا اظن ان امتلاك المراة لهاتف و سيارة امر عادي للاشخاص الذين يوافقون على كون المراة لها الحق في التعلم و العمل فلما لا السياقة فهي ليست حكرا على الرجال فقط بل العكس هي امر ضروري في وقتنا هذا ......مثلا : نفرض وقوع مكروه لا سمح الله لرب العائلة فما المانع ان تصحبه ابنته او زوجته التي تملك رخصة الياقة الى المستشفى.....

[alkhansaae]

السلام عليكم اختي
شوفي بغض النظر ادا كان هو عندو ولا لا هو راهو خوها وكل واحد كيفاه يعبر على اهتمامو وحبو لهداك الشخص ولحنا اغلبية اخواننا الرجال يعبرو بالغيرة والخوف انا ماشي ضد الهاتف والسيارة عادي لانهم اصبحو من الضروريات بصح يحسد اختو هادي مكاش منها

[alkhansaae]

نورمال بصح أنا لي نسوقها كي نركب معاها
ههههههههههههههههههههههههههههه

كارثة كي تكون المرأة تقود في السيارة

وعلاش كارتة اسمحلي اخي كاين رجال وكارثة فالسياقة

[nina_16]

لو كان حسودا ما قبلها لأخيه قبل أخته

السيارة لا أقبلها لأي بنت كانت فما عساك بأختي

.................................

...................................

نحن في الألفية الثالثة......و ليس بإستطاعتك أن تمنعها من ذلك مادام نيتها صادقة..............تنصحها ممكن.... ولكن في الأخير هي من تقرر..................لأن سلطتك أنت تكون على زوجتك و إبنتك لا غير.

شكرا على المرور

[nina_16]

كل واحد وطريقة تفكيره وشخصيته



أكيد كل واحد ونمطه في الحياه.........ولكن أنت لن تتصور مدى الجرح الذي يتسبب فيه الأخ لأخته.

[هبة الله اريج]

السلام عليكم
يا حصرا تكون عندي
ان شاء الله ربي ينوب عليا بطوموبيل و هاتف متطور
وانا بابا عندو نورمال م خويا كيف كيف

[nina_16]

والمشكل وين راه



المشكل راه يا خويا في كيف تبني هذه البنت أو الأخت شخصيتها:confused::confused:..... لأن بتدخل أخوها في كل صغيرة وكبيرة في حياتها سيكلفها ذلك غاليا..............حتى أنها باستطاعتها عدم الزواج...............
:D

راح تقولي واش دخل هادي في هادي..........؟؟؟؟؟ راح نفهمك.:19:............حاليا أي رجل يعجب بالمرأة الجريئة و لي تسلك راسها.:rolleyes:...........وهي بهذه العقد لن تستطيع تكوين شخصينها....:o



هذا هو المشكل.:cool:


شكرا على المرور

[nina_16]

السيارة للمرأة لا اعتقد انها فكرة سوية



ولما لا.........تحيروا

شكرا على المرور

[nina_16]

السلام عليكم
يا حصرا تكون عندي
ان شاء الله ربي ينوب عليا بطوموبيل و هاتف متطور
وانا بابا عندو نورمال م خويا كيف كيف


نيالك.......................تهلاي فيهم بزاااااااااااااااااااااااااف


شكرا على هذه المشاركة

[نينا الجزائرية]

اااااااااالسيارة سياقة امر هام للمراة اذا كان الاب والاخ غايبين والام مريض او احد من عائلة مريض كيفاش يعملو تعرفو سيارت الاسعاف في بلادنا العبد حتي يموت باش يلحقو
طلب المساعدة لم يصبح الجار كما كان
هاتف نقال كيما قالو الاخوة يجيب غير مشاكل لكن مفيد لما تتنقل اخت والاهل يطمئنو عليها
بالنسبة لسؤالك لما ذا لايرضي جميل ان يحميني اخي ويخاف عليا اقدره جدا لانه رجل وليس ديوث يتركلي الحاب علي غالب
وانا فعلا اخي منعني من السياقة هههه
واحترمته اكثر لما عامل زوجته التي ارادت تعلم الساقة ورفض
هو ليس كبقية يمنعون اخواتهم ويتركون زوجاتهم يفعلون مايشاءون

[mido_1988]

رمضان مبارك
من جهتي أنا لا يمكنها كسب هاتف حتى مرحلة معينة والسيارة مش ممكن لأني ببساطة أغار عليها بشدة

[أمــღـيرة الإحـღـساس]

قد يأتي تدخله في حياتها بفائدة...
بالطبع لا نريدها أن : *دير رايها* ...

أما الحسد فشيء آخر...

(الحسد يأكل الحسنات كما تأكل النار الحطب )
صدق رسول الله...

[nina_16]

حسنا اختي نينا لنناقش الامر بجدية
ان تكتسب اختي هاتفا نقالا فاول سؤال لماذا
هي بين اهلها فما فائدة الهاتف النقال اليس مدعاة للمشاكل
ارادت التحدث الى اهلها فاين ذهب الهاتف الذي كانت تستعمله قبل هذا
السيارة تريد اكتسابها لكن لماذا و من الها و هي من تسوق
لا تنسي اننا لا نملك الوعي التام لهذا لانها حتما ستتعرض الى مضايقات
فهل سارضى بالمضايقات لاختي بل انا من سيتضايق
هو ليس حسدا لكن تجنبا للمشاكل وهو من حقي اجزم بهذا
ارجو ان ناقشنا موضوعا كهذا ان ننظر لكل الجوانب ولا ننسى البيئة التي ننتمي اليها
شكرا اختي على المو ضوع

الهاتف النقال ليس للأهل فقط..............فلكل بنت خصوصياتها ممكن تتكلم مع أصدقائها.....أو إذا كانت تشغل منصب يتوجب عليها حمل الهاتف النقال............. و أنا لا أتكلم عن بنت تدرس في الثانوية.......... ماعندها ما دير بيه صح ........

[nina_16]

هههههههههه وليش الحسد ؟؟

عليها بالعافية !! وتستاهل اكثر !!!



بارك الله فيك

[nina_16]

قد يأتي تدخله في حياتها بفائدة...
بالطبع لا نريدها أن : *دير رايها* ...

أما الحسد فشيء آخر...

(الحسد يأكل الحسنات كما تأكل النار الحطب )
صدق رسول الله...


ممكن

شكرا على المرور

[الراحل قبل بدء]

لا أرى مشكلا في ذلك إطلاقا، ولو حتى تمتلك أختي الدنيا بأسرها، المهم أن يكون المصدر مباحا، والاستعمال في ما ينفع

[the big heart]

اختي اسف لكن لم اقل ان الهاتف النقال للاهل فقط لكن قلت انه يمكنها استعمال الهاتف الثابت
و بعد انت قلت انها قد تحتاجه للعمل
ارى انه لم يكن موجودا اصلا و كانت الاعمال تسير كما ينبغي
فهل ستكون المراة عاملة في العمل و في بيتها
هذا سيكلفها اهمال عائلتها بالطبع
فما جعل الله لاحد من قلبين في جوفه
العمل عمل و البيت بيت
اذا سيكلفنا الهاتف النقال كارثة اخرى و الله اعلم
اسف و يبقى مجرد راي يحتمل الخطا و الصواب
اما عني فتمنيت من من كانت ابنتي الا تحمله يوما

[مشري85]

تبانلي نورمال حنا في الدار نورمال
بابا عندوا
خويا كيف كيف
ختي عندها راجلها عندوا
ختي لخرا كيف كيف
يعني حسب نوعية الخدمة اللي تخدمها و طبيعتها (من ناحية الخلاص و البعد على الدار و زيد خدمة راجلها )
بصح انا زوالية مازال ماعنديش
ما شكيتش الخو يغير من ختوا علاجال بورطابل و الا طونوبيل

[مشري85]

http://reddodo.com/cellphones/beer/?sesid=WjdzSVRCakNXNVRyU3EvT1VoM1p0dHRZUG5YYzdWUHU wTFlQaVJKNDdFL3pqU3RUWVRIbzdPd1Nqb1poSkdhVVliNDc0O G52MEMyRVFjST0=

[nina_16]

لا أرى مشكلا في ذلك إطلاقا، ولو حتى تمتلك أختي الدنيا بأسرها، المهم أن يكون المصدر مباحا، والاستعمال في ما ينفع

بارك الله فيك.......ربي يحفظك......إدا عرفت قيمة الأخت راح تعرف قيمة المرأة بشكل عام.......

[أسامةstar]

السلام عليكم . صح رمضانكم
في الحقيقة: المرأة تحتاج الهاتف و السيارة أو ما شابه ذلك في سن معين ، فالهاتغ النقال من الأحسن تستعمله عندما تكون بعيدة عن أهلها كذهابها إلى الجامعة أو غير ذلك ليطمئن عليها الأهل أما إذا كانت قريبة من أهلها أو تعيش معهم طوال السنة فالهاتف لا يهم. لأن الزمن الذي نحن فيه جد صعب و ينبغي اتخاذ كل الأسباب ...............
أما بالنسبة للسيارة : نتحدث عن المرأة بعد تخرجها من الجامعة .إذا كانت متزوجة من الأحسن أن يوصلها زوجها إذا لم يكن فيه إزعاج له أو تأخير عن عمله و هذا لتفادي كل المشاكل أما إذا كانت غير متزوجة او زوجها ليس لده وقت فمن الأحسن أن تكسب سيارة أفضل من أن تنتظر الحافلة وتركب مع بعض الأشخاص الغير متخلقين و الله أعلم.

شكرا على الموضوع

[chulussien]

و فوق كل ذي علم عليم
سبحان الله العظيم
ما فيها والو

[nina_16]

نورمال بصح أنا لي نسوقها كي نركب معاها
ههههههههههههههههههههههههههههه

كارثة كي تكون المرأة تقود في السيارة



وعلاش يا خويا.................علابالك بلي المرأة جد حذرة على الرجل

[نورسين.داية]

saaaaaaaaaaaaaaaalut
ana nchouf ano la femme li waslete l age de 19 ans
massoula 3ala camel tasarofatha
et le fere n a pas le droit de lui dire
diri w madiriche
hadi
pour la peremiere des chose
et pour le portable
hadi haja la majale li nikache fiha
ia sobhan lah
ana li haiarni fi mojtama3 aljazairi
cifache insane ia3ti lroho hak
ithakam fi hiate insane
le pere netkabalha meno normale
mais le frere ma3andi heta haja tejborni bih
et semholi ana hada raie
matzw3foche meni

[غصون الاسلام]

تعتبيرنها حسد غريب والله غريب
وهل يحسد الاخ اخته ؟
كل هذا من أجل اجتناب المشاكل والمضايقات فقط لاغير
لأن الأخ لايحب ان تقع اخته في مضايقات ويصبح هو ايضا في مشاكل

هل انت متأكد بانه هذا هو لب الموضوع ===== في تجنب المشاكل و المضايقات لا غير=======

ام هناك شيء آخر

حاضر

لنكن واقعيين و نفرض

لو ان اختك لديها كل هذه الاشياء فما سيكون رد فعلك و ما هو موقفك ؟؟؟؟؟؟؟؟؟؟؟


ارجو ان تجيب بكل صراحة

[غصون الاسلام]

لو كان نحكو بصفة عامة كرجل و امراة


فان الرجل يغير و يحسد المراة و العكس كذيك ======= لكن في مجتمعنا العربي و الشرقي معظم الرجال يحولون دون تطور المراة

و يتحججون بحكم ان المراة ناقصة عقل

و عندما نتحدث عن اخ و اخت فهنا تتبدل العقليات و تكون بحسب تربيتهم و بحسب الجو السائد في العائلة و المحيط بهم

و يمكن ان يكون هناك حسد و غيرة بين الاخوة

و يمكن ان يكون قوامة الرجل على المراة يحول دون تطورها ===== في حين لا يوجد هناك قوامة في الرجل ( امثلة من المجتمع فقط)

و هناك امثلة كثيييرة

و يمكن يكون عكس ذلك

لانو في هاد الدنيا فيها الخير و الشر و فيها القبيح و فيها الخير

============================================

لكن في كل الاحوال يجب ان تكون هناك ثقة بين الاخوة ==== ثقة الرجل في المراة و العكس ===== ثقة الاخ في الاخت و العكس

البورتابل و السيارة امثلة صغيرة ======= فلو قلنا املاك و عقارات

فما هو الجواب؟؟؟؟؟؟؟؟

تقبلواااااااااا مرووووووري


بالتوفييييييييييييييق

[the big heart]

ارجوكم اخواني اخواتي لا تردو على هذا الموضوع بالفاظ الحسد
فالاخ لا يحسد اخته فهلا عرفتم ان الحسد صفة خبيثة
امتلاك مسكن او عقار ليس كامتلاك هاتف
المسكن ليس اداة تجني المشاكل
ليس العيب ان تكتسب اختي شيئا
بل ان تكسب ما يزعجها و يزعجني لانها اختي
ارجو ان نناقش الامر من هذا المنظور والا فلنبتعد احسن من ان نجرح بعضنا
و اسف على هذا الرد لكن اخاف ان نصل نقطة خصام بين هذا و ذيك
و يبقى مجرد راي يحتمل الخطا و الصواب

[~*نجم*الدين*~]

السلام عليكم

يا أختي بالنسبة للسياقة معليش تتعلمها باش تستعمل السيارة عند الضرورة و لمسافات قريبة و في مناطق غير معزولة
هدا رأيي
و أنا على حساب ما راني شايف بزاف بنات يتعلمو السياقة غير زوخ و معاندة
توجد السياقة عندهم حلم و طموح http://www.djelfa.info/vb/images/smilies/biggrin.gif
راهم زوج بنات فاتو عليا شعرة بالتوموبيل هههه ، الثالثة راحت عليها http://www.djelfa.info/vb/images/smilies/1.gif

صحا واش رايكم بنت عندها سيارة و يحدثلها عطل و تحبس فالطريق ، كيفاش تقدر تتعامل
و الله تكلف نفسها و تتبهدل بزاف
راجل و يوجد صعوبات في بعض المواقف فما بالك بامرأة

[الجزائري_dz]

السلام عليكم

بما دولتنا دولة العزة و الكرامة
تدفع الى تانيث المجتمع
فمادا تفعل

لكن ادا كسبتهم
واش ندير
ربي يرزق لي يحب
و زيد المهم تعرف بلي عندها عايلة
والى معرفتش تتمشا غادي
العايلة تدي شرها

شكرا

دمت بخير ان شاء الله

[الفارس الجدَّاوي]

السلام عليكم:
ببساطة إن كان من حر مالها، أو مال زوجها، فهي حرة تفعل ما تشاء، و إن كانت ابنة أصل و ذات خلق و دين فلن يغير فيها ذلك شيئا، لكن إن كان ذلك من مال أبيها قد يتضايق الشاب لتميز أخته عليه، هذا كل ما في الأمر. و لا تحملوه فوق حجمه.

[nina_16]

السلام عليكم . صح رمضانكم
في الحقيقة: المرأة تحتاج الهاتف و السيارة أو ما شابه ذلك في سن معين ، فالهاتغ النقال من الأحسن تستعمله عندما تكون بعيدة عن أهلها كذهابها إلى الجامعة أو غير ذلك ليطمئن عليها الأهل أما إذا كانت قريبة من أهلها أو تعيش معهم طوال السنة فالهاتف لا يهم. لأن الزمن الذي نحن فيه جد صعب و ينبغي اتخاذ كل الأسباب ...............
أما بالنسبة للسيارة : نتحدث عن المرأة بعد تخرجها من الجامعة .إذا كانت متزوجة من الأحسن أن يوصلها زوجها إذا لم يكن فيه إزعاج له أو تأخير عن عمله و هذا لتفادي كل المشاكل أما إذا كانت غير متزوجة او زوجها ليس لده وقت فمن الأحسن أن تكسب سيارة أفضل من أن تنتظر الحافلة وتركب مع بعض الأشخاص الغير متخلقين و الله أعلم.

شكرا على الموضوع

بارك الله فيك

شكرا على المرور

[nina_16]

السلام عليكم:
ببساطة إن كان من حر مالها، أو مال زوجها، فهي حرة تفعل ما تشاء، و إن كانت ابنة أصل و ذات خلق و دين فلن يغير فيها ذلك شيئا، لكن إن كان ذلك من مال أبيها قد يتضايق الشاب لتميز أخته عليه، هذا كل ما في الأمر. و لا تحملوه فوق حجمه.

ذلك من مالها يا أخي


شكرا على المرور

[nina_16]

لو كان نحكو بصفة عامة كرجل و امراة


فان الرجل يغير و يحسد المراة و العكس كذيك ======= لكن في مجتمعنا العربي و الشرقي معظم الرجال يحولون دون تطور المراة

و يتحججون بحكم ان المراة ناقصة عقل

و عندما نتحدث عن اخ و اخت فهنا تتبدل العقليات و تكون بحسب تربيتهم و بحسب الجو السائد في العائلة و المحيط بهم

و يمكن ان يكون هناك حسد و غيرة بين الاخوة

و يمكن ان يكون قوامة الرجل على المراة يحول دون تطورها ===== في حين لا يوجد هناك قوامة في الرجل ( امثلة من المجتمع فقط)

و هناك امثلة كثيييرة

و يمكن يكون عكس ذلك

لانو في هاد الدنيا فيها الخير و الشر و فيها القبيح و فيها الخير

============================================

لكن في كل الاحوال يجب ان تكون هناك ثقة بين الاخوة ==== ثقة الرجل في المراة و العكس ===== ثقة الاخ في الاخت و العكس

البورتابل و السيارة امثلة صغيرة ======= فلو قلنا املاك و عقارات

فما هو الجواب؟؟؟؟؟؟؟؟

تقبلواااااااااا مرووووووري


بالتوفييييييييييييييق



عندك الحق أختي

ربي يستر منهم


بارك الله فيك

[سِدْرَةِ الْمُنْتَهَى~]

قالك الغيرة تهدر:1:
ما علاباليش ما عندي لا سيارة لا هاتف نقال متطور ما جربتهاش:1:


























































أمزح معكـ أختي ربما هذا من غيرته عليها لا منها
والله أعلم
صح فطوركـ
سلام

[عبد الرحيم]

وإذا امتلكت سيارة فهل يحق لي أن اسألها عندما ترجع في المساء أين كنت ومع من كنت ؟؟؟

[nina_16]

وإذا امتلكت سيارة فهل يحق لي أن اسألها عندما ترجع في المساء أين كنت ومع من كنت ؟؟؟

أكييييييييييييييدددددددددددددد

[the_leader]

وإذا امتلكت سيارة فهل يحق لي أن اسألها عندما ترجع في المساء أين كنت ومع من كنت ؟؟؟

أكييييييييييييييدددددددددددددد

ممكن تجاوبك النهار الاول، الثاني .. ومنبعد.. تقلك واش دخلك



أمزح معكـ أختي ربما هذا من غيرته عليها لا منها
والله أعلم
صح فطوركـ
سلام


عــين العقل
اللي ما يديهش النيف على أختو مالا علامن يديه النيف

[غصون الاسلام]

وإذا امتلكت سيارة فهل يحق لي أن اسألها عندما ترجع في المساء أين كنت ومع من كنت ؟؟؟

اذا كنت وصي عليها يكون لديك الحق في ان تسالها

و اذا كان عندك ثقة نفسك اتجاه اختك ======== فسيكون لديك ايضا الحق في ان تسالها

[كمال-رياضيات]

السلام عليكم ..اسمحولي حبيت نعبر بالدارجة باش يوصل رايي للجميع .....انا في اعتقادي أن الهاتف المحمول لا بأس به لكن لا يجب ترك المرأة تقود السيارة بنفسها لأسباب لن أفصح عنها حتى تقرؤواعنها في الجرائد ....أما بعد زواجها فللزوج الاختيار ولا بأس بذلك حسب مفهومي الشخص ولا تسيئوا ظني وبارك الله فيكم

[سعيد الجزائــري]

أنا انقول بلي من غاش منها ولا نحسدها ربي اللي اعطاها وش ضرني أنا.

[nina_16]

أنا انقول بلي من غاش منها ولا نحسدها ربي اللي اعطاها وش ضرني أنا.

بارك الله فيك...........الله يحفظك و يخليك لأختك

[nina_16]

السلام عليكم ..اسمحولي حبيت نعبر بالدارجة باش يوصل رايي للجميع .....انا في اعتقادي أن الهاتف المحمول لا بأس به لكن لا يجب ترك المرأة تقود السيارة بنفسها لأسباب لن أفصح عنها حتى تقرؤواعنها في الجرائد ....أما بعد زواجها فللزوج الاختيار ولا بأس بذلك حسب مفهومي الشخص ولا تسيئوا ظني وبارك الله فيكم

ممكن يكون عندك الحق

شكرا على المرور

[nina_16]

ممكن تجاوبك النهار الاول، الثاني .. ومنبعد.. تقلك واش دخلك


عــين العقل
اللي ما يديهش النيف على أختو مالا علامن يديه النيف


إذا كنت ربيتها النهارالأول على الصراحة و المناقشة و حل المشاكل عن طريق الحوار و ماشي عن طريف الدكتاتورية و التسلط راح تجاوبك بكل صراحة حتى و إن أخطأت.............لأن إذا ماجوبتكش بصراحة راح يأنبها ضميرها .... أنت متقدرش تقدر فرحة الأخت عندما تشوف خوها أو أبوها يعاملنها على أساس الصحبة و عدم التهميش..........راح تكون جديرة بالثقة .... صدقني.

[سُمو الأمــيرَة]

انا ارى انه لا يوجد حسد بين اخ واخته وانا ارى ان السيارة حلال على المراة كما هي حلال على الرجل هذا اذا كانت تستعملها فيما يفيد مثلا تذهب بها الى العمل او تعيرها الى اقاربها زملائها حتى انها تستطيع ان تستعملها لكسب المال الى غير ذلك....
وان تعصب او تضايق الاخ من اخته لكسبها سيارة فهذا لا يعنى حسدها هو يغار عليها من معاكسات و مضيقات تترصدها في الخارج

[nina_16]

موضوع جاد نأمل نقاش جاد................:19:....

السلام عليكم .......................شكرا اختي على الموضوع لكن ؟؟؟؟؟؟؟؟؟؟؟؟؟؟؟ اذا كان مثل هذا الموضوع جدي فما هو الهزل ؟؟؟؟؟؟؟؟؟؟؟؟


تشير بكلماتك إلى أن هذا الموضوع ليس جاد............. بارك الله فيك


حسنا سأٌقول لك ماهو الهزل: الظلم.؟؟؟؟؟؟؟؟؟؟؟؟؟؟

للإشارة كل ما يكتب في المنتدى من طرف أي عضو............هو نابع من الواقع.....

[nina_16]

انا ارى انه لا يوجد حسد بين اخ واخته وانا ارى ان السيارة حلال على المراة كما هي حلال على الرجل هذا اذا كانت تستعملها فيما يفيد مثلا تذهب بها الى العمل او تعيرها الى اقاربها زملائها حتى انها تستطيع ان تستعملها لكسب المال الى غير ذلك....
وان تعصب او تضايق الاخ من اخته لكسبها سيارة فهذا لا يعنى حسدها هو يغار عليها من معاكسات و مضيقات تترصدها في الخارج


شكرا حنان قد يكون كلامك صحيح و هناك من يفكر كذلك


بارك الله فيك و شكرا على المرور

[نظام الفوضى]

الهواتف مدخل الى العالم المفتوح ومدخل الى الشر ...............

[خديجة البليدية]

اعتقد ان الرجال لا يقبلون ليس بدافع الغيرة وانما بدافع الدم الذي يسري في عروقه وهو انه عروبي مئة بالمائة وانا نموت في العروبي

[nina_16]

الهواتف مدخل الى العالم المفتوح ومدخل الى الشر ...............

ليس لمن يحسن إستعمالها

[nina_16]

اعتقد ان الرجال لا يقبلون ليس بدافع الغيرة وانما بدافع الدم الذي يسري في عروقه وهو انه عروبي مئة بالمائة وانا نموت في العروبي

هههههههههههههههههههههههههههههههههه

[أنفال 2010]

لأنك لم تعشين قهر الأخ............تتكلمين هكذا............
بارك الله فيك
وانا اتمنى ان يكون لي اخ لانك لا تعرفين المضاياقات التي اتعرض اليها

[redouane1992]

الحمد لله معنديش اختي ولو كان جا عندي السيارة واش رايحة دير بيها هي والبورتابل

[nina_16]

الحمد لله معنديش اختي ولو كان جا عندي السيارة واش رايحة دير بيها هي والبورتابل

إدا أحسنت أنت إستعمالها......سوف تحسن هي إستعمالها.

[zinoum16]

السلام عليكم ارجو ان نكون جديين اكثر لانني الاحظ بعض الهزل من خلال الردود
اذا اردتم رايي فانا لا ارضى لاختي لا هاتفا ولا سيارة ولا حتى ان تدرس في الثانوية
لكن كل هذه الامور ليست من شاني هذا ما يقوله ابي
اذا قلتم انني حسود ساقول لكم ستغيرون رايكم بعد عشريم سنة على الاكثر

[zinoum16]

و نزيد نقوللكم انا صراحة نكره انسان يقولي وراح المشكل في امتلاك اختي لسيارة او هاتف

[همسات الأقدار]

فكرتيني بخويا هههههه

كل ما نقول حابة حاجة يقول أنا تاني ،،

ياو لوكان مايسحقهاش ،،

و التالية ،، قلت حابة ندير رخصة سياقة و نشري سيارة

قالك هو تاني لازم يشرولو ،، مع أنو هذا وين طلع للليسي ،، و قال لماما لوكان تشري هي سيارة نديها انا و كي تروح لدار راجلها ماتديهاش و تكتبوها على اسمي ،، يعني هي مازال ماجاتش و هو راه يديرلها فلحسابات ،،

كاين ناس من الغيرة مايحملوووش تكون عندك حاجة و هوما ماعندهومش

تنفجر مرارتهم " الله يسترنا "

نقولو ربي يهديهم ،، و خلينا نسعفوووو

هذا هو الحل الوحيد

[همسات الأقدار]

أجبتُ سابقا دون قراءة الرّدود ،، و عدتُ لأكتب ملاحظة ،،
:)


الإخوة الي متشددين بزاااف مع خواتاتهم ،، نقولهم

" نأكدلكم بلي هوما الي يخطؤو أكثر من غيرهم "

و كاين تجربة شفتها بعيني ،، طفلة خاوتها حابسينها فالدار ،، مايخلوهاش كامل تخرج ولا حتى تطل من التاقة

و مانعين عليها البورطال

و في المسيد يدوها و يجيبوها


الي يشوف يقول هاذ الطفلة رايحة تخرج ملاك ،،

هاذي تكون لصحبتي ،، بنت عمها

مرة جات عندهم للدار ،، بقات عندهم يامات ،، و صحبتي جات عندي و جابتها معاها

تعرفو معنى كلمة " مخلوعة " ؟؟

تع وحده جامي شافت

لقاتني فاتحة المسن و ال***** و الفايس بوك مي مانهدر مع حتى واحد ،، قاتلي انتي عندك كامل هاذو و ما تهدريش مع الذراري ؟؟

قلتها ما عندي ماندير بيهم " ماشي مشتاقة معرفة "

قاتلي " انا لوكان خاوتي يخلوني نهدر في الأنترنت كل يوم نتعرف على واحد ،، و كل يوم نحكي مع الذراري "



ممبعد قاتلي صاحبتي بلي شارية بورطابل و بوست جيزي تفليكسي كل يوم و فليل تعيط لأي رقم ،، غير تلقى صوت راجل تبدا تقصر
و مواليها ماعلابالهومش ،،

و راحت للبحر ،، الي يضحك معاها تطلق روحها ،، تضحك معاه ،، تروح عندو

هذه هي نتيجة الحبس يا الي زعما اداتكم الرجلة على خواتاتكم


،،


احنا جماعة كبيرة من البنات ،، في المجتمع الجزائري و المجتمع العربي عامة

كل شي متاح أمامنا

بورطابل

أنترنت

تحواس

خرجات

بحر

أسواق

أي حاجة ممكن تتصوروها

تحرر تام

لكن ربي عالم أنّا اشرف و أطهر من ملايين يخافو عليهم زعما ،، و هوما يضرو فيهم ،، يبعثوهم للهلاك بيديهم

الواحد كي يكون مخلوع ،، ماشي شابع ،، كي يشوف حاجة مايآمنش روحو

يغلط ،، يغلط


مي احنا و لله الحمد شابعين

يعني كي نحكمو البورطابل ،، مانشتاقوش معرفة ،،

و كي يآجوتينا واحد في المسن ولا الفايس بوك ولاّ أي وسيلة اتصال ،، نقبلو بقوصطونا و نحذفو إلي يقلل إحترامو ولا يجياح علينا


الثقة هي الاساس

و الي مربية مايخافوش عليها من اي حاجة ،،

لأنهم علابالهم بلي قد روحها ،، و تعرف تتعامل و تتصرف

أما الي غالقين عليها و ماعطيتوهاش مساحة من الثقة ،، هاذيك مخلوعة ،، لوكان تخرج للمجتمع تكون جايحة

و نية

تتكلخ بلخف

أنا نشوف بدل الحرمان ،، علمو اخواتكم و بناتكم ،، و ثيقو فيهم ،،

و بربي ان شاء الله مارايحينش يخيبو آمالكم

،،

[alarabay]

وين المشكلة في هذا أليست إنسانه لها عقل
وتعرف ما يسرها ويضرها ؟
اليست لها ذمة مالية ولها خياراتها ؟
كيف اعترض على ما يدخل ضمن حدود حريتها ؟
كنت أظن أننا ترفعنا عن نقاش مثل هذه الامور لكن ....

[last mohikan]

ان تتعلم السياقة فهذا امر جيد وان تكتسب هاتفا متطورا فهذا احسن لكن ان تسوق لا
هي اذا كانت تسوق السيارة تتعرض للمضايقات
اما اذا لا تتعرض للمضايقات فانا اول المرحبين
هذا يكون من خوف الاخ على اخته لا اكثر دمتم بود

[نور السلام17]

عادي ليس فيها اشكال اذا كانت كاسباتهم من دراهمها اما اذا كانو والديها هوما لي شراولهافلا احبذ هذا لاني نحب العدل بين الاخوة سواءا بنات ام ذكور

[اياد27]

العولمة....

[nina_16]

الحمد لله معنديش اختي ولو كان جا عندي السيارة واش رايحة دير بيها هي والبورتابل

و أنت واش رايح دير بهم؟؟؟

[nina_16]

وين المشكلة في هذا أليست إنسانه لها عقل
وتعرف ما يسرها ويضرها ؟
اليست لها ذمة مالية ولها خياراتها ؟
كيف اعترض على ما يدخل ضمن حدود حريتها ؟
كنت أظن أننا ترفعنا عن نقاش مثل هذه الامور لكن ....

للأسف مازال هذا المشكل يلاحق العائلات الجزائرية..........لأن الأخ لا يريد أن يفهم أنه ليس له سلطة على أخته ..لأن لها أبوها أو زوجها............ على الأخ أن لا يتجاوز حدوده مع أخته ......أقول قد يبادر بنصحها و الإثبات لها أنه على حق و ليس مايقوله لها هو أمر أو تسلط.................هدفي من هذا الموضوع هو أن يتعلم الأخ كيف يحاور أخته.

[the perfect2]

حسنا اختي نينا لنناقش الامر بجدية
ان تكتسب اختي هاتفا نقالا فاول سؤال لماذا
هي بين اهلها فما فائدة الهاتف النقال اليس مدعاة للمشاكل
ارادت التحدث الى اهلها فاين ذهب الهاتف الذي كانت تستعمله قبل هذا
السيارة تريد اكتسابها لكن لماذا و من الها و هي من تسوق
لا تنسي اننا لا نملك الوعي التام لهذا لانها حتما ستتعرض الى مضايقات
فهل سارضى بالمضايقات لاختي بل انا من سيتضايق
هو ليس حسدا لكن تجنبا للمشاكل وهو من حقي اجزم بهذا
ارجو ان ناقشنا موضوعا كهذا ان ننظر لكل الجوانب ولا ننسى البيئة التي ننتمي اليها
شكرا اختي على المو ضوع


اغلب البنات اليوم يدرسن في الجامعة فمن الضروري ان يكون عندها هاتف نقال

اغلب النساء يعملن

فمن حقها ان تشتري سيارة لتنقص مشقة المواصلات

والاهل كي يربو بنتهم مليح ما يخافوش عليها كي يكون عندها اشياء كيما هاذي

لي ربا بنتو مليح يثق فيها و في تصرفاتها علجال راهو عارف كيفاش رباها

هذا رايي

[nina_16]

اغلب البنات اليوم يدرسن في الجامعة فمن الضروري ان يكون عندها هاتف نقال

اغلب النساء يعملن

فمن حقها ان تشتري سيارة لتنقص مشقة المواصلات

والاهل كي يربو بنتهم مليح ما يخافوش عليها كي يكون عندها اشياء كيما هاذي

لي ربا بنتو مليح يثق فيها و في تصرفاتها علجال راهو عارف كيفاش رباها

هذا رايي





يعطيك الصحة و يخليك لإخواتك

[the big heart]

يعطيك الصحة و يخليك لإخواتك


لا تنزعجي اختي نينا لسنا نشك في تربية اي فتاة لكن
اسمعيني يا ابنتي و اسف لو ازعجتك
نحن نحاول النقاش من منظور عام دون الالتفات الى المشاعر
انا استطيع ان اوافقك بالكلمات و اشكر و امدح المراة
و خطابا لن تجدي له نهاية عن عملها
و بداخلي شىء اخر لا افعل هذا
بل اريد ان اناقشك بحسب ما نعيش و ما نرى و ما يجب
فعلا التربية اساس كل شىء
هل ستمنعين ان تصلك رسالة غير مرغوبة بها كلام فاضح بجوالك
وجدك ابوك او اخوك و بها اسمك
بالله عليك هل ستكونين مرتاحة امامه حتى و انت تعلمين انه لا علاقة لك بها
بها ازعاج صدقيني يا ابنتي
اناقشك من مبدا خوفي عليك و عليهم فقد تتفكك روابط اسرية بسببه و الله اعلم
و يبقى مجرد راي ارجو ان تنظرو اليه لان كاتبه لا يزال يقرا من الدنيا و من التجارب
و يبقى دائما يحتمل الخطا و الصواب
و انا اناقش ردود بناتي اكثر من ردود اخواني ليس عنصرية
و انها هن اكثر من تتعرضن للمشاكل بسببه فاعذروني اخواني
و ما غرضي الا نصحهن ان وجدت لهاذ سبيلا

[nina_16]

لا تنزعجي اختي نينا لسنا نشك في تربية اي فتاة لكن
اسمعيني يا ابنتي و اسف لو ازعجتك
نحن نحاول النقاش من منظور عام دون الالتفات الى المشاعر
انا استطيع ان اوافقك بالكلمات و اشكر و امدح المراة
و خطابا لن تجدي له نهاية عن عملها
و بداخلي شىء اخر لا افعل هذا
بل اريد ان اناقشك بحسب ما نعيش و ما نرى و ما يجب
فعلا التربية اساس كل شىء
هل ستمنعين ان تصلك رسالة غير مرغوبة بها كلام فاضح بجوالك
وجدك ابوك او اخوك و بها اسمك
بالله عليك هل ستكونين مرتاحة امامه حتى و انت تعلمين انه لا علاقة لك بها
بها ازعاج صدقيني يا ابنتي
اناقشك من مبدا خوفي عليك و عليهم فقد تتفكك روابط اسرية بسببه و الله اعلم
و يبقى مجرد راي ارجو ان تنظرو اليه لان كاتبه لا يزال يقرا من الدنيا و من التجارب
و يبقى دائما يحتمل الخطا و الصواب
و انا اناقش ردود بناتي اكثر من ردود اخواني ليس عنصرية
و انها هن اكثر من تتعرضن للمشاكل بسببه فاعذروني اخواني
و ما غرضي الا نصحهن ان وجدت لهاذ سبيلا

أستطيع تجاهل الرسالة.........و إذا كنت أنت أخي و قرأتها .... و أنت تثق بي أن لا دخل لي بالموضوع.....بإمكانك أنت أيضا تجاهلها مع أخذ مصدر الرسالة أي الرقم.. و البحث عن صاحبه و أن تحميني بدون أن أشعر بك.


أنا لا أقول أنك معقد أو متخلف في داخلي.....بل ممكن أن تكون متفتحا و أنت لست على دراية بنفسك... لأن مجرد أنك قبلت مناقشة الموضوع....ففيك أمل و قد تكون نعم الأخ.....بارك الله فيك.

[the big heart]

شكرا على تفهمك اختي نينا
و ادعو الله ان يحفظك دائما و ابدا

[nina_16]

شكرا على تفهمك اختي نينا
و ادعو الله ان يحفظك دائما و ابدا

بارك الله فيك

[akla31]

شكرا على طرحك لهذا الموضوع

[nina_16]

السلام عليكم ارجو ان نكون جديين اكثر لانني الاحظ بعض الهزل من خلال الردود
اذا اردتم رايي فانا لا ارضى لاختي لا هاتفا ولا سيارة ولا حتى ان تدرس في الثانوية
لكن كل هذه الامور ليست من شاني هذا ما يقوله ابي
اذا قلتم انني حسود ساقول لكم ستغيرون رايكم بعد عشريم سنة على الاكثر

لكن كل هذه الامور ليست من شاني هذا ما يقوله ابي

جملة رائعة
شكرا على المرور

[طالبة الغفران]

انا عليا ما كاش مشكلة
ابي قالي كين تكملي دراستك راح نبعثك تتعلم سياقة .........و على اخ انا الكبيرة فالدار و خويا الوحيد عمره 4سنين ما عندوا ما يديرههههههههههههههههههههه
و الله يظهرلي عادي ان المراة تمتلك هاتف و سيارة الكل ربى بناتوا و يعرفهم مليح.....طبعا لا ننكر انه غادي تتعرض لمضيقات بصح حتى و هي بدون هادوا راه تتعرض لمضياقات و ايضا من حق الاخ يغار على اخت بصح يحسدها كلمة ليست في محلها لان خوك ما يبغيلك غير الخير
تقبلي مروري

[طالبة الغفران]

السلام عليكم
نعم اختي انا مع انوا البنت تكسب سيارة و هاتف و خاصة ان كانت في حاجة ليهم و لكن ايضا نقدر غيرة الاخ اعلى اخته
واه عندي خويا اصغير بصح متمنيا انوا يكون عندي اخ اكبير و الله نديروا في عينيا و كلامك على العين و الراس و بالتحاور اكيد......انا ابي كلشي عنده بالتحاور و المشاورة و الي يقنع راي يكون هو الافضل و هذي الي تبانلي لازم تكون العلاقة بين الاخ و اخته و في العائلة الكل
و ادا كان على السيارة راح نشريها و كي نخرج مع خويا هو يسوقها هههههههههههههههه
تقبلي مروري

[nina_16]

السلام عليكم
نعم اختي انا مع انوا البنت تكسب سيارة و هاتف و خاصة ان كانت في حاجة ليهم و لكن ايضا نقدر غيرة الاخ اعلى اخته
واه عندي خويا اصغير بصح متمنيا انوا يكون عندي اخ اكبير و الله نديروا في عينيا و كلامك على العين و الراس و بالتحاور اكيد......انا ابي كلشي عنده بالتحاور و المشاورة و الي يقنع راي يكون هو الافضل و هذي الي تبانلي لازم تكون العلاقة بين الاخ و اخته و في العائلة الكل
و ادا كان على السيارة راح نشريها و كي نخرج مع خويا هو يسوقها هههههههههههههههه
تقبلي مروري



شكرا على الكلام الجميل............و يخليك لأباك و لأخاك الأصغر......نعم اللسان...

و ربي يشفيلك أختك و يخليهالك......

بارك الله فيك

[منيمار الجميلة]

انا لا ارى اي مشكلة في ان تكون للمراءة سيارة و هاتف او غيره من هذه الاشياء

[ياسر العاتري]

لا هدي مو غيرة
هذا خوف عليها

[مراسم]

السلام عليكم ورحمة الله تعالى وبركاته
أولا وقبل كل شيء مشكورة أخيتي نينا على هذا الموضوع ........
سامحيني ختي إذا قتلك راكي غاطة كي كتبتي عبارة حسد على خاطر الخاوة ماكانش بيناتهم الحسد كاين الخوف والمحبة......
يعني الأخ إذا ماسمحش لأختو أنها تقود سيارة أو تشري هاتف نقال فهاذا معناه راه خايف عليها وزيد أخيتي ماكيش شايفة المجتمع لي رانا عايشين فيه درك ول الراجل يخاف على روحو فمابالك بالمرأة أنا وحدة من الناس ضد فكرة أنو المرأة تقود سيارة إلا للضرورة ............ويبقى مجرد رأي

[nina_16]

السلام عليكم ورحمة الله تعالى وبركاته
أولا وقبل كل شيء مشكورة أخيتي نينا على هذا الموضوع ........
سامحيني ختي إذا قتلك راكي غاطة كي كتبتي عبارة حسد على خاطر الخاوة ماكانش بيناتهم الحسد كاين الخوف والمحبة......
يعني الأخ إذا ماسمحش لأختو أنها تقود سيارة أو تشري هاتف نقال فهاذا معناه راه خايف عليها وزيد أخيتي ماكيش شايفة المجتمع لي رانا عايشين فيه درك ول الراجل يخاف على روحو فمابالك بالمرأة أنا وحدة من الناس ضد فكرة أنو المرأة تقود سيارة إلا للضرورة ............ويبقى مجرد رأي

بارك الله فيك
و أحترم رأيك

شكرا على المرور

[طالبة الغفران]

شكرا على الكلام الجميل............و يخليك لأباك و لأخاك الأصغر......نعم اللسان...

و ربي يشفيلك أختك و يخليهالك......

بارك الله فيك
شكرا اختي nina ربي يخليك ....اطربتني بلسانك العذب ربي يحفظك
و امين ان شاء الله و الشفاء لجميع المرضى

[nina_16]

شكرا اختي nina ربي يخليك ....اطربتني بلسانك العذب ربي يحفظك
و امين ان شاء الله و الشفاء لجميع المرضى


بارك الله فيك

[Mustapha93]

اذا كان سبب وجيه عاادي
وغيرو مكلاه غير المشااكل
وانا شخصيا رايي لازم لواحد يعلم اخواتو القيادة لان الوقت تبدل بزااف
وعندي جاري طلعلو الدم وكانت مراتو تعرف تسوق خرجت السيارة نتاعو واداتو للمستشفى والحمد لله صار خير
دير هي متعرفش والوقت كان متاخر بزااف هي حفظ رحها وزوجها
خير من تروح طبب على الجيرااان وتتبكى راجلي باش يموت يلاك تحل في واحد بوجاادي هههههههههههههhttp://www.djelfa.info/vb/images/smilies/1.gif
المهم انا مع تعلم المراة قيادة السيارة
اما الامتلاك الشخصي للضرورة

[layansandi]

هذا الشيء منتشر كل منقولش الكل الاغلبية ميحبوش المرأة تفوتهم

[26هجورة]

مازا ل هناك رجال في الوقت الحالي يمنعو الفتاة انها تملك سيارو او حتى هاتف
ربي يهديهم

[nina_16]

اذا كان سبب وجيه عاادي
وغيرو مكلاه غير المشااكل
وانا شخصيا رايي لازم لواحد يعلم اخواتو القيادة لان الوقت تبدل بزااف
وعندي جاري طلعلو الدم وكانت مراتو تعرف تسوق خرجت السيارة نتاعو واداتو للمستشفى والحمد لله صار خير
دير هي متعرفش والوقت كان متاخر بزااف هي حفظ رحها وزوجها
خير من تروح طبب على الجيرااان وتتبكى راجلي باش يموت يلاك تحل في واحد بوجاادي هههههههههههههhttp://www.djelfa.info/vb/images/smilies/1.gif
المهم انا مع تعلم المراة قيادة السيارة
اما الامتلاك الشخصي للضرورة

بارك الله فيك
ألف شكر على الحظور الطيب

[sousou051]

انا نظن بلي مراة متزوجة وتسوق سيارة هدا حاجة عادي جدا لانو تكود معروف بلي راها زوجة فلان ما تكثرش عليها المضايقات بصح قبل الزواج انا اعارض ان تمتلك سيارة
وبعد ما قريت الردود اغلب العضوات عندهم نفس التفكير وهو انو الاخ ولا الاب كي يعود داير الثقة في بنتو ولا اختو ما يخافش عليها انا براي ضرك الثقة تفقدت في المجتمع يعني اكيد يكون داير الثقة في بنتو ولا اختو بصح يخاف عليها من المجتمع
البنت تكون متربية وفي حد حالها لكن المجتمع يجبرها على حوايج هي مش راضية باش ديرها والكل رانا عارفين الحوادث لي راها تصرا

[ندرومة49]

أولا السلام عليكم
أما عن كسب أختي الهاتف إذا كانت متزوجة بينها وبين راجلها أما ...لو كان كانت عندي أخت ماشي متزوجة وعندها هاتف نقلها واش ديري بيه دارنا خلاصوا الرجالة حتي تديري هاتف............رايح تعقب بالشباب مش مليحة وحرام عليها صحاباتها تتلاقى بيهم كل يوم
أما السيارة
أنى الموسم الماضي بقسنطينة بالقرب من الباب الخارجي للإقامة الجامعة زواغي سليمان 2 كنت متوجه لصلاة المغرب بزواغي حدث حادث بين مرأة تسوق سيارة وشباب آخرين
فنزلوا من السيارة الرجال متصوروش كيفاه التطياح والسبان على المرأة لأنها كانت ظالمة وخرقت القانون المروري
وبدات تعيط ظنت نفسها بلي ماشي غالطة المهم
قاتلهم ظرك يجيو خاوتي ويهدروا معاك؟؟؟؟؟؟؟؟؟؟
حتى قالولها علاه ماخليتيهش هو لي يسوق
أنت تديري المشاكل وخواوتك يحلوا فيها يخي يخي ....
المهم أنا ضد المرأة تسوق لأنهاتسبب المشاكل للأهل إلا إذا كانت مسترجلة فهذا شيء آخر مكانش لي يحكم فيها في بيتها
أو تكون ترتدي الحجاب الحقيقي وليس المزيف وتسوق بتعقل بحيث لو يحدث مشكل يحترمها الآخرون
والله تعبت.............

[katiach]

السيارة للمرأة لا اعتقد انها فكرة سوية


لالا راك غالك حبيت يدحسو فل كار خير

[nina_16]

انا نظن بلي مراة متزوجة وتسوق سيارة هدا حاجة عادي جدا لانو تكود معروف بلي راها زوجة فلان ما تكثرش عليها المضايقات بصح قبل الزواج انا اعارض ان تمتلك سيارة
وبعد ما قريت الردود اغلب العضوات عندهم نفس التفكير وهو انو الاخ ولا الاب كي يعود داير الثقة في بنتو ولا اختو ما يخافش عليها انا براي ضرك الثقة تفقدت في المجتمع يعني اكيد يكون داير الثقة في بنتو ولا اختو بصح يخاف عليها من المجتمع
البنت تكون متربية وفي حد حالها لكن المجتمع يجبرها على حوايج هي مش راضية باش ديرها والكل رانا عارفين الحوادث لي راها تصرا

lممكن صح و ممكن العكس

في جميع الحالات شكرا على المرور

[اللبناني]

السلام عليكم ورحمة الله وبركاته اولا اشكر الاخت الفاضلة على طرحها للفكرة ولكن من وجهة نظري ان الامر ليس بالمقابل اي انه لا يمكننا ان نسال راي الشاب في اخته ان كانت تملك هاتف وتقود السيارة ونحاول ان نسوي الامر فنسال الشابة برايها في اخيها يمكلك هاتف ويقود سيارة فهناك امور خاصة بالرجال واخرى خاصة بالنساء .
الهاتف ليس مشكلة في حد داته لكن بالمقابل لمادا تملك الفتاة هدا الهاتف ياخواني الهاتف سبب مشاكل كبيرة وخرب بيوت وادخل الناس الى السجون والفتاة التي تملك هاتف قد فتحنا لها باب كبير للفتنة فانظروا الى ما يحصل اليوم من فتن وامور يندني لها الجبين ولا احد ينكر ان العاتف ساهم في الكثير من هده الامور ولو في تيسيسر طرق المواعيد الغرامية ناهيك عن ما يحمله من امور لا داعي لدكرها.
اما قيادة المراة للسيارة فهدا موضوع اصلا طال فيه النقاش بين كبار اهل العلم واظن من ناحيتي لا داعي لكل هدا فالمراة خلقت وتبقى مراة لا داعي للمزايادت فحرمتها وسترها وكرامتها في انوثتها وبيتها واولادها هده افكار غربية بحتة لا تميز بين الحلال والحرام ولنفرض امراة قادت سيارة لطريق بعيدة ثم توقفت السيارة بسبب عطب فتخيلوا معي بقية القصة وجزاكم الله خير.

[AMOUN LOLA]

je vois pas qu'on est en 2010 , désolée vraiment d'avoir trouvé des gens qui pensaient de cette façon, personnellement j'ai ma propre voiture et je n'ai rien causé comme probléme à ma famille, il faut pas trop sérrer sur la fille psk tant que vous faite confiance à votre soeur et que vous êtes sure de son éducation , LET'S GO pas de probléme je vois

[samasima]

تكون عندي سيارة واوووووووووووووووو أتمنى ذلك من كل قلبي

[aek touati]

أرحب بشدة وانا أرى أختي تجيد التكنولوجيا كي لا تقع ضحينها مستقبلا

[nina_16]

رمضان كريم وكل عام وأنتم بخير.......:mh31:





لي سؤال للرجال الذين لديهم أخوات........هل تقبل بأن تكسب أختك سيارة أو هاتف ذو تقنيات متطورة. أو أو أو ........

و أنت لا تملك كهذه الأشياء...........:1::1::1:؟؟؟؟


لماذا بعض الرجال يغضبون لمثل هذه الأمور و يمانعون بشدة حتى بدون أي نقاش أو توضيح......:confused:


أنا في رأي أن هذا الرجل هو حسود.........................:mad:
إذا كان الرجل يستعمل السيارة لتنقلاته او عمله وعائلته ونفس الشي يستعمل الهاتف كوسيلة اتصال فإنه لايمانع اخته او ابنته من استعماله أما إذا كان
يستعمله في امور محضورة او غير اخلاقية فإنه طبعا لن يتخيل وجود شخص يستعمل هذه الاغراض في نصابها وسيشك في كل شي
وكما قيل إذا ساءت افعال المرء ساءت ضنونه والتقي يعتقد التقوى في الناس والضال يتهم الناس بالضلالة
هذه اجابتي ببساطة

وكما قيل إذا ساءت افعال المرء ساءت ضنونه والتقي يعتقد التقوى في الناس والضال يتهم الناس بالضلالة
هذه اجابتي ببساط

بارك الله فيك........نعم القول

[أمال-2010]

مرحبا
يا اخواني الهاتف شيئ ضروري للإنسان سواء مراة او رجل والسيارة عادي لو قادتها المرأة وسط المدينة مثلا او لمكان قريب بحيث لاتتعدى 30كلم كما حددها الفقهاء. وأرجوكم يجب المسلم ان يكون شخص متحضر وفاهم مقتضيات العصر ومعاصر .

[nina_16]

مرحبا
يا اخواني الهاتف شيئ ضروري للإنسان سواء مراة او رجل والسيارة عادي لو قادتها المرأة وسط المدينة مثلا او لمكان قريب بحيث لاتتعدى 30كلم كما حددها الفقهاء. وأرجوكم يجب المسلم ان يكون شخص متحضر وفاهم مقتضيات العصر ومعاصر .

شكرا على الكلام الجميل

[بلقاسم 1472]

الهاتف عادي
لكن السيارة فيها نظر لأنها تأتي بالمشاكل
لكن لامانع أن تكون السيارة لها وأنا السائق والمتحكم في حركية السير لأنه صعب على الكرامة أن تترك أختك تمشي في الطرق تقود السيارة لوحدها خاصة في الطرق البعيدة خارج المدن، حيث لا أمن ولا شرطة ولا أمان
نحن رجال ولم ننج من المشاكل فكيف بالجنس الناعم
تحياتي أ نينة

[*بسمة*]

من يسمع كلامكم يقول ان كل الرجال ملائكة ،، و ليس بينهم الحسود ~

سبحان الله !!!

[Siradj ^_^]

لختي انا ماكاش مشكل مي نخاف عليها في ما يخص طوموبيل

[بلقاسم 1472]

من يسمع كلامكم يقول ان كل الرجال ملائكة ،، و ليس بينهم الحسود ~



سبحان الله !!!


مش كلو حسد أستاذة بسمة
فيه شوية حسد ومرجلة زايدة، وفيه عقدة الأنثى التي تلاحقنا كما تلاحق الحريم عقدة الذكورة.
احنا نخشى من العار ونتوجس من كلام الناس المثار
خصوصا والأنثى في مفهوم الرجال ضعيفة وصيد يلاحقه الجميع
يعني ممكن يقع لها ما يمس الكرامة ويحرج الموقف الرجولي
واحنا صح نعاني من الحريم وهو يعاني منا، لم نفهمه ولم يفهمنا، يعني الثقة التامة مفقودة، فيه دوما شكوك متبادلة

هو يسألنا عند كل رنة هاتف، وعند كل خروج، وعند كل دخول إلى البيت، ويحسب ويعد الراتب، ويجري التحريات، ويحشر أنفه في كل شيىء، حتى إن صففت شعرك ووضعت عطرك ينتظرك الاستجواب، يراقبنا بحساسية تزيد مع الوقت

ونحن أيضا نراقبه

لا هو يثق فينا ولا نحن نثق فيه

وإيه الحل السحري بقى أستاذة نسمة؟؟؟؟

والله حرنا وتهنا

لا الحريم ارتاح ولا حنا ارتحنا

الشكوك مستمرة

نتمنى حريم الحرملك يخف عنا شوية
لنفهمه كويس وتضع الحرب بيننا أوزارها


تحياتي الأخوية
وعذرا على اللغة الدارجة المتعمدة لتلطيف الأجواء
ماهو احنا الرقالة دوما لإطفاء النيران هههه
كل المودة

[*بسمة*]

مش كلو حسد أستاذة بسمة
فيه شوية حسد ومرجلة زايدة، وفيه عقدة الأنثى التي تلاحقنا كما تلاحق الحريم عقدة الذكورة.
احنا نخشى من العار ونتوجس من كلام الناس المثار
خصوصا والأنثى في مفهوم الرجال ضعيفة وصيد يلاحقه الجميع
يعني ممكن يقع لها ما يمس الكرامة ويحرج الموقف الرجولي
واحنا صح نعاني من الحريم وهو يعاني منا، لم نفهمه ولم يفهمنا، يعني الثقة التامة مفقودة، فيه دوما شكوك متبادلة

هو يسألنا عند كل رنة هاتف، وعند كل خروج، وعند كل دخول إلى البيت، ويحسب ويعد الراتب، ويجري التحريات، ويحشر أنفه في كل شيىء، حتى إن صففت شعرك ووضعت عطرك ينتظرك الاستجواب، يراقبنا بحساسية تزيد مع الوقت

ونحن أيضا نراقبه

لا هو يثق فينا ولا نحن نثق فيه

وإيه الحل السحري بقى أستاذة نسمة؟؟؟؟

والله حرنا وتهنا

لا الحريم ارتاح ولا حنا ارتحنا

الشكوك مستمرة

نتمنى حريم الحرملك يخف عنا شوية
لنفهمه كويس وتضع الحرب بيننا أوزارها


تحياتي الأخوية
وعذرا على اللغة الدارجة المتعمدة لتلطيف الأجواء
ماهو احنا الرقالة دوما لإطفاء النيران هههه
كل المودة


هههههههههه أستاذة بسمة !!!


نعم ...فانعدام الثقة سببب رئيسي في الخلاف الدائم بين المرأة و الرجل ، و كم هو صعب فك هذا النزاع !!!

نسأل الله الهداية ~~