دعوة قضائية ضد النهار

[منير منيري]

لقد ذكرت قناة tf1 الفرنسية ان لاعبو الخضر يبدة و غزال و مبولحي قرروا رفع دعوة قضائية ضد جريدة النهار التي اتهموها بنشر صور مزورة و مصطنعة بالفوتوشوب من طرف شباب مصريين الذيين استطاعوا زرع الفتنة داخل الجزائر و صدقهم بعض الاغبياء. فجريدة النهار تسعى لتحقيق الربح بشتى الوسائل .ولقد قرر الاف الجزائريين مقاطعة هذه الجريدة الداعمة للمصريين .هذا ما جاء في تقرير القناة الفرنسية شكرا

[chinwiya khalwiya]

هدا واش يستاهلوا انشاء الله يغلقوها
merci

[bobo1992]

لا هدي ماشي فوتو شوب هدي صور حقيقية ، يعطيك الصحة يا جريدة النهار أنتي اللي مازلت تهدري الصح في هاد البلاد قاطعوا الفريق الوطني حتى يطرد هؤلاء الحثالة الفرنسية فكرامة الجزائر أغلى من المنتخب

[زهراء 255]

لالا هادي مش فوتوشوب هذه صور حقيقية.
والنهار مانحشمش تحط هاد التصاور في رمضان.

[منير منيري]

انتوما لراكم ضد الفريق الوطني علاش ماتهدروش على انيس رحماني واش يدير ولا تخافو ا. روح سقسي برك على المسؤولين تاوعك واشراهم يديرو ا.ياك ضالوا في كبريهات و لا معلابالاكش .عاش الفريق الوطني ولي تسقط حثالة النهار

[زهراء 255]

ياخويا انا مقلتش ضدهم انا راني ضد الفسق اللي راهم يديروا فيه .
وزيد وكيعاد المسؤولين تاعنا مايحشموش ينوضو هوما تاني يديروا كيفهم.
ياخويا هادو رمز البلاد ولازم يحترموا الجزائر فوق كل شيء .

[منير منيري]

لا هدي ماشي فوتو شوب هدي صور حقيقية ، يعطيك الصحة يا جريدة النهار أنتي اللي مازلت تهدري الصح في هاد البلاد قاطعوا الفريق الوطني حتى يطرد هؤلاء الحثالة الفرنسية فكرامة الجزائر أغلى من المنتخب

انت راك معلابلاكش واش ديروا هذو صحافة و المسؤولين ياديرو اكثر من هذوك تصاور .انا نعرف صحفية تشرب الشراب عمر راسك

[source de vie]

لا هدي ماشي فوتو شوب هدي صور حقيقية ، يعطيك الصحة يا جريدة النهار أنتي اللي مازلت تهدري الصح في هاد البلاد قاطعوا الفريق الوطني حتى يطرد هؤلاء الحثالة الفرنسية فكرامة الجزائر أغلى من المنتخب

كي كانو يفرحوكم كانو هم المخيرييين يخي منافقين

[ربيع1980]

الخبر يجيبوه التوالى.

[Lolito]

الصور حقيقية طبعا ...........و اذا ارادوا الاعتذار او رفع دعوة فليعلنو ذلك على التلفزيون الجزائري و ليس tf1

[لوجين]

حتى لو كانت صور حقيقية فكان على جريدة الليل أن لا تننشرها وخصوصا أنها تعرف مصدرها
وبهذي الصور هي ضرت الجزائر أكثر مما تضر اللاعبيين هذي حياتهم يديروا اش يحبوا كاين رب يحاسب العباد ما نيش فاهمه علاه داروا روحهم قضاة ويهدروا بإسم الشعب الجزائري حنا علاقتنا بيهم في الملعب هناك تبدأ وهناك تنتهي خارج الملعب هم احرار في حياتهم

[kimou_dz]

و الله كي شفت التصويرة تاعهم مخي حبس بصح كي شفت تصويرة تاع غزال و زياني و الله يا خوتي في هاذ التصويرة كاين شك
بصح باش تنشر هاذ التصاور و في رمضان .....؟؟؟؟؟؟
ربي يهدي ما خلق

[عايش في غيبوبة]

ان لم تستحي فافعل وقل ماشئت ربي يهديك يا وليدي لطريق الخير.نحن لم ندافع عن اللاعبين وانما ندافع عن الجزائر اذهب الى المنتديات المصرية و شاهد كيف يستغلون صور جريدة النفاق النهار ويستشفون في فريقنا الوطني . هم في فضيحة منتخبهم في جنوب افريقيا و قفوا كلهم مع الفريق الوطني اما نحن نتصرف و كأننا اغبياء.

يا أستاذي الفاضل ماعلاقة الجزائر بما نتحدث عنه
نحن ننتقد هذه القذارة اللتي يقوم بها اللاعبون ولا يهمني رد فعل المنتديات المصرية ولا غيرها

ولعلمك ففي فضيحة المنتخب المصري في جنوب افريقيا الأعلام المصري وقف ضد فريقه وعلى رأسهم عمرو أديب
تفرج يا خويا في عمرو أديب وهو يبهدل فيهم... الأعلام ماوقفش معاهم كيما راك تقول

http://www.youtube.com/watch?v=o_IhFAUBdfo

[zahra_29]

علاقتنا بيهم في الملعب هناك تبدأ وهناك تنتهي خارج الملعب هم احرار في حياتهم

كلام عاقل وجميل جدا:19:
اكبر تحية ليك
اللاعبين الجزائريين
يمثلوننا شئنا ام ابينا
كانو رجال لما جابو تاشيرة المونديال واليوم اصبحو ................
عيب تخرج من افواه اولا د بلدهم..

شكرا اختي لوجين .....

[مجنونة بخيالي]

زوج لاعبين ولا ثلاثة ماياثروش على منتخبنا
اما على جريدة الفتن النهار ان شاء الله يقفلوها
رانا في رمضان وماسلامناش

[بنت جزائر العزة]

السلام عليكم

امر جد طبيعي ان يقول اللاعبون هذه صور مصطنعة............

و هذا متوقع

لكن الغير طبيعي هو ان يقول الجمهور هذه صور مفبركة

لأنه لو عرضت صور هؤلاء اللاعبون وهم يصلون في مسجد مثلا

ههههه

لن يجرؤ احد على تكذيب الجريدة

بل سينهال المديح على اللاعبين

و اكن عندما يتعلق الامر بصور كهذه تجد لازال هناك من لا يصدقها

و يتهجم على الجريدة.....

[الأستاذ *قداري*]

ياخويا انا مقلتش ضدهم انا راني ضد الفسق اللي راهم يديروا فيه .
وزيد وكيعاد المسؤولين تاعنا مايحشموش ينوضو هوما تاني يديروا كيفهم.
ياخويا هادو رمز البلاد ولازم يحترموا الجزائر فوق كل شيء .

قولي خويا واذا كانو معروضين في عرس واحد صاحبهم طالياني والا فرنساوي اما لا ما يشطحوش يبقاو قا عدين

[زهراء 255]

قولي خويا واذا كانو معروضين في عرس واحد صاحبهم طالياني والا فرنساوي اما لا ما يشطحوش يبقاو قا عدين

صح فطوركم.
اولا اخي انا بنت.
ثانيا ربي يهديك وعلاه هاداك شطيح تهدروا عليه.