العرف / المعريفة ولا الدراهم

[yahia1921]

:mh93:
السلام عليكم ورحمة الله وبركاته
هو واقع مرير صار وبات يقف عتبة في وجه الشباب الطموح الذي قتلت فيه الرغبة وحب العمل
الذي اصبح يفكر في العمل على شاكلة خرافة بالمثل الشعبي كي تسقسيه كاش خدمة يقلك موت ياحمار حاشا السامعين :confused:
هوا العرف الذي يريد لن يقطع ارزاقنا ولولا ان الرزق بيد المولى لقطعوه عنا نحن من ليس لنا سند (الكتاف):1:
انا حاب نعرف لاه مادام الناس تشكي من المعريفة والرشوة لاه تروح ليها
ولا كاينة حاجة اخرا
على العموم في رايكم من هي اكثر الولايات استخداما للعرف والمعريفة والرشوة في بلادنا
انا في رايي بدون منازع كاين زوج
المسيلة :mad: والجلفة :D
واللي يقولي غالط يجي يجرب يخرج شهادة ميلاد عادية ولا يشري تانبر ولا يسقسي على كونكور ولا لا لا والامثلة كثيرة
ياو كره الشعب الزوالي
مالقا مايدير
ان شاء الله يفتح علينا ربي برحمتو

[بلفار جهيد]

معك حق لكن

لا نقنط من رحمة الله
صلى وادعى ربنا عسى ان يفتح علينا مع الأخذ بالاسباب

سلام

[black.1495]

عند ربي احسن

[yahia1921]

معك حق لكن

لا نقنط من رحمة الله
صلى وادعى ربنا عسى ان يفتح علينا مع الأخذ بالاسباب

سلام

لا اله الا الله
هذا هي اللي مصبرتنا

[yahia1921]

عند ربي احسن

سبحانو لينا وليكم

[eglwach47]

معليش خويا حلاوتها في صعوبتها والأحلى كي ربي سبحانه يرزقك بعمل خير من المعريفة وخير من الدراهم خاطر كيما هاك حياتك ماتستبنن والو
رانا صابرين والرزق على الله سبحانه وتعالى

[najoua33]

عند حق خويا بسح لعول عربي و يحط رحمتو في قلبو و لله يربح بادنو نمدلك مثال : ان خويا لكبير كمل قرليتو و باش يحط على الخدمة لزم كرت جون ، حوسنة على المعريفة و كيمة كين واحد قلك الرشوة فيها فيها بسح خويا محبش ببدة حياتو بالحرام و راح للعسكر و ماما مرضة و دعاواتها كترة بعد 15 يوم لقينا خويا يطبطب في الباب سرحوه لوجود فائض و رجعت الضحكة لماما

شدووووو في ربي و متخافوش هو الرزاق الكريم

[yaf]

شفت المعرفة باه هزيت الدبلوم ديالي وشفت المعرفة باه ديت التاأجيل ديالي ( ولاية المسيلة)

[طالب رضا الله]

جزائر العزة والكرامة كلها هكدا وليس فقط ولايتكم

[abdo1985dj]

*قل لن يصيبنا الا ما كتب الله لنا * *من يتقي الله يجعل له مخرجا*

[يوسف1980]

والله يا خويا عندك كل الحق بصح كاين ربي ، و نقولك بلي المعريفة حتى في عقود الإزدياد
رانا كرهنا يانامار

[redooane]

حتى تيارت و ما عندك ما تقول فيها

[black.1495]

انا شخضيا داولي بوست نتاعي بعد 08 ساعات ناب عليا ربي بوست ما كنتش نحلم بيها و لي دالي بلاصتي الاولى عاد يقودلي باش نحكي معاه

[mounir99]

وين كاين جزايري كاين التشيبة option :1:

[karik_dz]

مع احترامي لك هادي هدرة يهدرها واحد فاشل نتا تحسب يفرشولك الارض بالورود الدنيا كامل صعيبة روح تشري من السوق ب صوراردك كون ماتعودش فحل ماتقدرش تشري حاجة مليحة لهذا قدم الاساب واستعن ب الله دايما ادعي ربي يفرجها عليك حاول و حاول و حاول وكي طيح نوض وزيد عاود ربي راح يجيبها في الصواب والله عندي صاحبي دخل في الحرس الجمهوري دار دوسي وراح دفعو كي الناس والله زوالي وباباه ميت والله كي راح للعاصمة مايعرفش حتى بلاصة وحتى واحد ودرك راهو خدام في رحمة ربي خاطر امن بامكانياتو وتوكل على ربي هادا ماكان وشوف اوباما من كينيا تحدى هيلاري كلينتون من واشنطن ربحها خاطر الناس شافو فيه راجل وعندو امل وهدف حاب يوصل ليه لعب لعبتو و وصل رئيس امريكا اسود راح يكتبها التاريخ

[ninafatiha]

[quote=karik_dz;3580586]مع احترامي لك هادي هدرة يهدرها واحد فاشل نتا تحسب يفرشولك الارض بالورود الدنيا كامل صعيبة روح تشري من السوق ب صوراردك كون ماتعودش فحل ماتقدرش تشري حاجة مليحة لهذا قدم الاساب واستعن ب الله دايما ادعي ربي يفرجها عليك حاول و حاول و حاول وكي طيح نوض وزيد عاود ربي راح يجيبها في الصواب والله عندي صاحبي دخل في الحرس الجمهوري دار دوسي وراح دفعو كي الناس والله زوالي وباباه ميت والله كي راح للعاصمة مايعرفش حتى بلاصة وحتى واحد ودرك راهو خدام في رحمة ربي خاطر امن بامكانياتو وتوكل على ربي هادا ماكان وشوف اوباما من كينيا تحدى هيلاري كلينتون من واشنطن ربحها خاطر الناس شافو فيه راجل وعندو امل وهدف حاب يوصل ليه لعب لعبتو و وصل رئيس امريكا اسود راح يكتبها التاريخ[/quot

La.............................je suis entièrement d'accord avec vous :19: