نساؤنا و الخبز ....في رمضان

[/سالم الزير/]

السلام عليكم

صح رمضانكم

و فطوركم

و سحوركم


=========================

عندما امرّ على المخبزة مساءًا

و ارى الرجال و الاطفال و احيانا النساء

في طوابير من اجل الخبز الساخن

او الخبز فقط

اتساءل

اليس لهؤلاء الرجال نِسَاء

هل خَبزُ العجين ...عيب

ام هو ليس من حقوق المراة المعاصرة

؟؟؟؟؟؟

لا حجة

العاملات في اجازة

الطالبات في اجازة

التلميذات في اجازة


كيف

!!!!!!!!!!!!!!!!!!!!!!!!

لماذا
؟؟؟؟؟؟؟؟؟؟؟؟؟؟؟؟؟

لا تعجن النساء خبز الدار

لاولادهم و ازواجهم

و بعد هذا


كيف للزوج ان يحب زوجته

و هو ياكل من عرق الخبّاز

=====================
نصيحة

من كانت من هذا الصنف

اقول لها

اتقي الله في زوجك و اولادك




صح سحوركم تاع اليوم

و صح فطوركم تاع غدوا

السلام

[khaoula rouh]

احنا الحمد لله في جهتنا ماكانش لي يشري الخبز في رمضان كامل نديرو لكسرة ....................تقبل مروري كانت هنا خولة روح

[بستان الورود]

احنا نديرو المطلوع مكانش اللي يشري الخبز غير قليل

[سيفاو]

واس تحب خويا سالم البنات والنسا تاع اليوم كامل مكسرين الا من رحم ربي :D:D:rolleyes:
وشبيك هبلت تحب ايديرولك الكسرة والمطلوع اسكت لايسمعونا:confused::confused:
ملي تنوضلك الصباح أوهي عقاب المراية تبنتر في وجهها
علابالي هذا اخر تعليق نعلقوا هنا اليوم يطيروني منا:1::1::1::1:

[نورالدين17]

هذي ماكيش غالطة فيها تغيرت العادات والتقاليد واصبح خبز المخابز هو الرقم واحد بدل المطلوع.....

راحت هذيك ليام وراحت معاها البنة اصبح كل خير متوفر لكن بدون طعم......

[ع.جمال]

السلام عليكم.
على المرأة طبخ الخبز هذا هو الأمر الواقع و لكن لا بأس بشراء الخبز من المخبرة من حين لآخر وخاصة إذا كانت المرأة مريضة أو لراحتها أحيانا فأنت أكيد لاتعرف درجة حرارة المطبخ خاصة في هذا الفصل وهي إنسانة تحس وتتألم أليس كذلك.
وبارك الله فيك ودمت بود.

[الزبرجد]

السلام عليكم

كن تقوللها على الكسرة تقوللك أعطيني أكتافك......:D

وزيد ....90% من اللي راهم يديرو الكسرة الفضل يعود لهذا (بالاك راك شايفو فالدار وما علابالكش وش خدمتو):1:

http://t0.gstatic.com/images?q=tbn:ANd9GcTqOUV4zmJXwgI6AhlBGwZ-mekXcoV51H6LmpVZ4YYB8S4NIXU&t=1&usg=__V-Uz5vnslTVFkgwYvoEjkgJ5nAI=

و الصورة أسفل في طريق الانقراض

http://t3.gstatic.com/images?q=tbn:ANd9GcQ_lhckAq9rxGBOz3AeuFr5FyrDhJgIe UqYJfrkb-vkc1SKm2M&t=1&usg=__304kQtKVIYwEj9wIUdqJzYSrnVc=

[وحيد الحيراني]

السلام عليكم...
صحيح أن جميع العاملات في عطلة...
ولكن...
هناك فئة من النساء لا تحتمل حرارة الصيف والمطبخ وطهو الخبز (فراجيل )...
وهناك فئة ( لا تعرف أصلا عجن الخبز التقليدي )...
وهناك فئة ( متابعة المسلسلات الرمضانية )...
أما الفئة الرابعة فهي فئة النساء اللواتي نسى أزواجهن وأولادهن طعم الخبز التقليدي .... فليسوا في حاجة الى طهوه في رمضان...

[سلاف26]

ممكن لأننا في عصر السرعة :1:
مشكور أخي على الموضوع و صحة فطورك

[حمراوي نت]

معاك حق أخي ...

[قطر النى]

الحمد لله نحن نعجن في المنزل وانا كذلك تعلمن العجن من امي وانا مداومة عليه في رمضان وغير رمضان

[/سالم الزير/]

الله يبارك


صح فطوركم

[رحيق القلوب]

احنا نديرو المطلوع و نزيدو معاه الخبز يعني ميلونج

صح فطووووووركم

[مجنونة بخيالي]

السلام عليكم.
على المرأة طبخ الخبز هذا هو الأمر الواقع و لكن لا بأس بشراء الخبز من المخبرة من حين لآخر وخاصة إذا كانت المرأة مريضة أو لراحتها أحيانا فأنت أكيد لاتعرف درجة حرارة المطبخ خاصة في هذا الفصل وهي إنسانة تحس وتتألم أليس كذلك.
وبارك الله فيك ودمت بود.
واخيراااااااااااااااااااا
وجدت شخصا يقف مع المرأة في هذا الشأن
ربي يكثر من امثالك:19::19:

[البلبلة]

انا وحدة من البنات نعرف نعجن من الصغر وماما كسرتها ومطلوعها لا يعلى عليهما
ولكن لوكان مايحضرش الخبز في الفطور مانقدرش نفطر
كل واحد ووش والف
اختكم بلقيس

[هبة الله اريج]

السلام عليكم
والله هاد الموضع في بالي من زمان
نحن نعملو المطلوع و الرخساس والحمد لله ما نشرو الخبر غير للضرورة كون ما نخبزوش الكسرة بابا يرحل علينا الدارو يقول النساء توكل من يد الراجل و تقول طيبة
بارك الله فيك
و نقول للنساء الي يشرو الخبر اخبزي الكسرى الخبر عمرو ما يدوم

[ساحرة الجزائر]

ماكانش كيما الكسرة .. نخبزها في رمضان وغير رمضان لكن الخبز تاني مليح ساعات ماشي ديما ..

[ام اوفى]

بارك الله فيك

أنهم نساء الزمن الجميل

**************

حاول عندما تكون الوالدة طيب في الكسرة أقعد معها وشوف

ورجعلي خبر

ولا قلها تخليك طيب 05 خبز

طيبها برك مكلاه تعجنها

*************

لكن لا يوجد خبز أحلى من الخبز الذي تصنعه يدك

شكراااااااااااااا

[rool]

نساء اليوم لا يعرفون الكسرة يعرفون البولانجي

[•~ندية الجوري~•]

على حساب الجو
كل مرة كيفاش ..

[مصرية من الجزائر]

الجلوس أمام الفرن وفي رمضان صعب جدااا
فهو صيبك بالعطش الشديد
فإن كانت المرأة صائمة فكيف لها أن تخبر ...
ولو بعد الفطار فيكون عندها
الصحون لكي تغسلها
وأيضا يجب عليها أيضا أن تصلي
كما أن رمضان شهر للعبادة
أكيد النساء قبل رمضان تخبر
وتضعه في الفريزر
وعندما ينتهي يشتري من المخبر .....
ولكن يبدو أن أم خولة قايمة بالواجب وزيادة:1::1:
وصح فطورك أخي

[ساحرة الجزائر]

زوجي والاولاد يحبوا الكسرة بزاف لكنهم مايطلبوهاش في باقي الايام مراعاة لظروف عملي لكن في رمضان لازم تكون الكسرة كل يوم ....رغم الجو الحار نخبزها لأن زوجي مايحبش الخبز والبريوش في رمضان ..على هذيك نخبزها رغم الحرارة الشديدة...لأن الشربة بلا كسرة ماهيش شربة ...وزيد بزيادة لازم الإنسان يتعب وهو صايم باش يحس برمضان ......لأن رمضان في الشتاء كأنك ماشي صايم ....

[رهام87]

واش رايك لو كان نقولك بلي حنا في بلادنا حتى الخباز راه كونجي وقليل أصلا وين نشروا منها الحمد لله من لي حلينا عينينا وحنانشوفو قدامنا الخبزة مدورة...
شكراا

[الزبرجد]

بارك الله فيك

أنهم نساء الزمن الجميل

**************

حاول عندما تكون الوالدة طيب في الكسرة أقعد معها وشوف

ورجعلي خبر

ولا قلها تخليك طيب 05 خبز

طيبها برك مكلاه تعجنها

*************

لكن لا يوجد خبز أحلى من الخبز الذي تصنعه يدك

شكراااااااااااااا

السلام عليكم

حاولي أن تتخيلي أن الزوج الكريم (أب أوفى ) خباز

واش يجاوبك على كليماتك........(ربي يستر ...نهار بلا فطور:1: )

[ليلى الجزائرية1]

إحنا في رمضان نعجنو الخبز في الدار،لكن خطرة على خطرة نتشهاو الخبز نتاع الكوشة لكن ماشي ديمة.

[خالدينهو]

**المطلوع** كلمة اشتقت لها كثيرااا
عندي وقت لم اسمعهااا **نساونا فيه بالقوة**
الله غالب واش نقولولهم الله يهديهم
وهل يحلو الاكل بدون المطلوع ؟؟
لماذااا يا أخي تفكر فيناااا ؟
لماذا تنبش الجروووح ؟؟
..
..
..
ربما هي الحياة هكذاااا

[امواج البحار]

السلام عليكم

حاولي أن تتخيلي أن الزوج الكريم (أب أوفى ) خباز

واش يجاوبك على كليماتك........(ربي يستر ...نهار بلا فطور:1: )


بارك الله فيك

خدام الرجال سيدهم

نقولك الصراحة نساء الزمن الجميل كيف يفكرون

يقولون أن :

خدام الرجال سيدهم

وأبو أوفى يتقاضى مرتب شهري

أما أنا ماالفائدة


نظلي نعجن ومادا أستفيد

وفي الأخير |أبو أوى كلمة شكر وميقلهاليش

وأنا أصلا علاش راني نستحفظ عليه

خليه يباصي

يجيب الخبز

وأنا نريح

ثراحة أخي الزبرجد صعب في هذا الزمن

تجد أمرأة دير في بالها أنها كي تعجن الكسرة لها أجر كبير

نساء الزمن الجميل يحبون التقلاش

كل شيئء واجد



جزاك الله خيرااااااااااااا

[/سالم الزير/]

نظلي نعجن ومادا أستفيد




يجيب الخبز

وأنا نريح

ثراحة أخي الزبرجد صعب في هذا الزمن

تجد أمرأة دير في بالها أنها كي تعجن الكسرة لها أجر كبير

نساء الزمن الجميل يحبون التقلاش

كل شيئء واجد




جزاك الله خيرااااااااااااا



و لهذا تمنيت للحظة فقط....

[امواج البحار]

و لهذا تمنيت للحظة فقط....

بارك الله فيك

لا اعرف لكن الأن عندما ارى أمراة من الزمن الجميل

أحس أنها تحقد على زوجها أو تكرهه أو لا تريد رضاه

مجرد أحساس ...أحس به كلما أتكلم مع نساء الزمن الجميل

يا أخي الزير لماذا تتمنى للحظة

أنا أنصحك لا تتمنى حنى ربع نصف لحظة


شكراااااااااااااااا

[البريكية]

شوف اخي نقلك حاجة مش كل النساء راهم ميخبزوش مثلا نحن لا نعرف شيء اسمه الخبز في البيت اما عن الطوابير الموجودة امام الخباز كاين صح النوع الذي ذكرته وهو كسل نتاع النساء وكاين كذلك لي الله غالب ميقدرش يشري الدقيق يضطر لشراء الخبز

[/سالم الزير/]

بارك الله فيك

أنهم نساء الزمن الجميل

**************

حاول عندما تكون الوالدة طيب في الكسرة أقعد معها وشوف

ورجعلي خبر

ولا قلها تخليك طيب 05 خبز

طيبها برك مكلاه تعجنها

*************

لكن لا يوجد خبز أحلى من الخبز الذي تصنعه يدك

شكراااااااااااااا



شكرا اختي


و لكن تأكدي

اني اساعد \امي احيانا في وضع الخُبزات في الكوشة

و انزعها

لان امي كبيرة في السن

الكوشة تاع الطين و ليس الكوشة تاع الحديد

هههه

[/سالم الزير/]

بارك الله فيك


لا اعرف لكن الأن عندما ارى أمراة من الزمن الجميل

أحس أنها تحقد على زوجها أو تكرهه أو لا تريد رضاه

مجرد أحساس ...أحس به كلما أتكلم مع نساء الزمن الجميل

يا أخي الزير لماذا تتمنى للحظة

أنا أنصحك لا تتمنى حنى ربع نصف لحظة



شكراااااااااااااااا


لن اصدق ان بلادي خالية من بنات الحلال


ساجدها لاني.... اريدها

ما زال الخير
شكرا اختي

[/سالم الزير/]

شوف اخي نقلك حاجة مش كل النساء راهم ميخبزوش مثلا نحن لا نعرف شيء اسمه الخبز في البيت اما عن الطوابير الموجودة امام الخباز كاين صح النوع الذي ذكرته وهو كسل نتاع النساء وكاين كذلك لي الله غالب ميقدرش يشري الدقيق يضطر لشراء الخبز


صحيح هناك من هي عاجزة بسبب المرض

و هناك من لا يملك ثمن الدقيق

و هناك من له زوجة كسولة

========================

اجل

هناك من لا ياكلون خبز الخباز

و هناك من لا يأكلون إلاّ الخبز

حسب البيئة

شكرا اختي

[امواج البحار]

لن اصدق ان بلادي خالية من بنات الحلال


ساجدها لاني.... اريدها
ما زال الخير
شكرا اختي


بارك الله فيك

ستجدها .................لكن الله يخليك كون واقعي

لا أظن أنك ستجد أمرأة تعجن منذ بداية رمضان إلى نهايته مثل والدتك

ولا أنها ديرلك 30 كسكاس طعام للسحور ( هذي لا هداها ربي وفتلاتوا ) مثل الوالدة

ربي يجيب الخير

بالتوفيق

شكرااااااااااااااا

[/سالم الزير/]

بارك الله فيك

ستجدها .................لكن الله يخليك كون واقعي

لا أظن أنك ستجد أمرأة تعجن منذ بداية رمضان إلى نهايته مثل والدتك

ولا أنها ديرلك 30 كسكاس طعام للسحور ( هذي لا هداها ربي وفتلاتوا ) مثل الوالدة

ربي يجيب الخير

بالتوفيق

شكرااااااااااااااا


ساجدها .....

لم اقل اجدها مثالية

و لكن

الحد الادنى
======================
هههه انا لا آكل الكسكس على السحور

[افنان القران]

وعليك السلام
عجبا لم تتركوا شيئا الا وتحدثتم عنه :D
ما يحس بالجمرة الا لي عافس عليها
ان المراة في رمضان تتعب كثيرا وتتحمل الكثيير :mad:
فهي في المطبخ تحضر االاطباق والزوج نائم او قارى للقران حيث له الحظ الاوفر في الراحة وكسب الحسنات
اما هي فمع الطبخ وحرارته والاولاد وعنادهم
ثم ان معظم الاسر تعودت على خبز المخابز

[محمَّد أمينْ ~]

بسم الله الرحمن الرحيــــــــــــــــم


السلام عليكم،،...


أخي الكريم،،...بارك الله فيك،،...على ما جئتنا به،،..


طبعا،،...لا يختلف اثنان على صحة ما قلت،،...


لكن ما يثير حيرتي،،...أنك اذا سألت أختا،،...قالت أنا أحضر خبز الدار ،،..اذن اذا كانت كل الجزائريات كذلك!!!!! فأين يذهب الخبز الذي تراق الدماء أحيانا من أجل الحصوووول عليه؟؟؟؟؟؟؟؟؟؟؟؟؟؟


شكرا لك،،...أخي الكريم

[/سالم الزير/]

بسم الله الرحمن الرحيــــــــــــــــم



السلام عليكم،،...


أخي الكريم،،...بارك الله فيك،،...على ما جئتنا به،،..


طبعا،،...لا يختلف اثنان على صحة ما قلت،،...


لكن ما يثير حيرتي،،...أنك اذا سألت أختا،،...قالت أنا أحضر خبز الدار ،،..اذن اذا كانت كل الجزائريات كذلك!!!!! فأين يذهب الخبز الذي تراق الدماء أحيانا من أجل الحصوووول عليه؟؟؟؟؟؟؟؟؟؟؟؟؟؟



شكرا لك،،...أخي الكريم



و كأني بك تقول

اذا كان هذا القط فاين اللحم

و اذا كان هذا اللحم فاين القط
؟؟؟؟؟

===================

الخبز مطلوب بكثرة في المناطق الحضرية المتمدنة

اما الريف و البادية

فالكسرة هي الغالبة

حسبما اعلم

شكرا اخي

[/سالم الزير/]

وعليك السلام

عجبا لم تتركوا شيئا الا وتحدثتم عنه :d
ما يحس بالجمرة الا لي عافس عليها
ان المراة في رمضان تتعب كثيرا وتتحمل الكثيير :mad:
فهي في المطبخ تحضر االاطباق والزوج نائم او قارى للقران حيث له الحظ الاوفر في الراحة وكسب الحسنات
اما هي فمع الطبخ وحرارته والاولاد وعنادهم

ثم ان معظم الاسر تعودت على خبز المخابز



هههه

ابداي بتحضير الاطبلق بعد الظهر مباشرة

و اتركي الكسرة لما بعد العصر

هههه

و هكذا لا تتعبين

مجرد مزحة

ربي يعينكم اختي

=================

هذا في حالة ان تكون المراة وحيدة في البيت

اما اذا كانت اكثر من واحدة

لا حجة لها

؟؟؟

[/سالم الزير/]

السلام عليكم ، غالبية نساء اليوم صرن يترفعن عن الخبز المطلوع و يفضلن الخبز من المخابز ، أتعلم لماذا ؟ ما عندهمش الوقت ، تجدهم مشغولين بمختلف الأطباق و صنع الحلويات المتعددة الأشكال و الأصناف .



انا عن نفسي

باستثناء الحريرة التي

فرض عين وواجب مؤكد

لا اريد اطباق اخرى

تكفيتي صحن حريرة
و سلطة
و بعض الفواكه مع الماء

اما الحلويات

احب المقروض

و بدرجة أقل

البقلاوة

الباقي

لا همّ لي به

=========================

[صُبح الأندلس]

[QUOTE=الزبرجد;3510727]السلام عليكم

كن تقوللها على الكسرة تقوللك أعطيني أكتافك......:D

وزيد ....90% من اللي راهم يديرو الكسرة الفضل يعود لهذا (بالاك راك شايفو فالدار وما علابالكش وش خدمتو):1:

http://t0.gstatic.com/images?q=tbn:ANd9GcTqOUV4zmJXwgI6AhlBGwZ-mekXcoV51H6LmpVZ4YYB8S4NIXU&t=1&usg=__V-Uz5vnslTVFkgwYvoEjkgJ5nAI=


و من يستطيع شراءه ب 3 ملايين ؟؟:rolleyes::rolleyes:

[/سالم الزير/]

انا جامي شفتو في دارنا

و يوميا كاين الكسرة فالدار

هههه

[صُبح الأندلس]

انا جامي شفتو في دارنا

و يوميا كاين الكسرة فالدار

هههه

أما أنا فرأيته عند "منال العالم "

[/سالم الزير/]

شكون منال العالم؟؟؟

[مروان.]

ههههههههههههههههههههههه موضوع جميل

[/سالم الزير/]

بل موضوع من الواقع

[صُبح الأندلس]

شكون منال العالم؟؟؟

أعني مطبخ منال العالم

[حَكَـايَا إِحسَـღـاس]

حنا الحمد لله نديرو المطلوووووووووع....
رمضان بالخبز المشري ماكان حالة....

شكرا على الموضوع و صح فطوركم...

[yacinp2]

اغلب النساء يقضون اوقاتهم امام التلفاز ليس لديهن وقت لاعداد خبز الدار

[أميرة الغزلان]

السلام عليكم
اخي اين الحرج في اكل الخبز من المخبزة انت لا تعلم كم تتعب و هي تعد فيه ثم طهيه تلك الحرارة وفي هذا الفصل و هذا الشهر الكريم
اخوتي الكرام اتقوا الله فيهم
واذا كانت حالتكم ميسورة و الحمد لله فان التكنولوجيا في خدمة الانسان
تقبل الله منا ومنكم صالح الاعمال

[دِمــاءُ الحيــاة]

هناك رجال هم من يطلبون من زوجاتهم عدم تحضير الخبز في المنزل


لأنــّه يــُضــِرُّ بصحتـّهم

ويفضــّلون الخبز الآخر لأنــّه خفيف ولا يضر

[الزبرجد]

[quote=الزبرجد;3510727]السلام عليكم

كن تقوللها على الكسرة تقوللك أعطيني أكتافك......:d

وزيد ....90% من اللي راهم يديرو الكسرة الفضل يعود لهذا (بالاك راك شايفو فالدار وما علابالكش وش خدمتو):1:

http://t0.gstatic.com/images?q=tbn:and9gctqouv4zmjxwgi6ahlbgwz-mekxcov51h6lmpvz4yyb8s4nixu&t=1&usg=__v-uz5vnsltvfkgwyvoejkgj5nai=


و من يستطيع شراءه ب 3 ملايين ؟؟ ...ربما العاملة :rolleyes::rolleyes:

السلام عليكم

و كيف علمت اعتماد بثمنه :1:

[ساحرة الجزائر]

عندي وحدة كيما هذيhttp://t0.gstatic.com/images?q=tbn:ANd9GcTqOUV4zmJXwgI6AhlBGwZ-mekXcoV51H6LmpVZ4YYB8S4NIXU&t=1&usg=__V-Uz5vnslTVFkgwYvoEjkgJ5nAI= لكن في التطياب نحير من السخنة لأنه ماكانش مشينة الي تطيبلك الكسرة وانت قاعدة ...
لو يزيدو يختارعونا روبو يطيبنا الكسرة في الطاجين ....يعني سبيسال للكسرة الجزائرية ....هذاك الوقت واين نتهناو مليح ...

[ROU7 EL-WARD]

خويا النسا ماراهمش ناقصين شغل الفطور يكفيهم
و كي كاين الخبز فالمخبزة علاش حتى تطيب هي؟
لوكان جيت فبلاصتهم كنت تحس شحال يعانو كيما ماقالهاش الأخ ع.جمال هي انسانة تحس و تتألم
تقبل مروري

[صُبح الأندلس]

[quote=اعتماد13;3592713]

السلام عليكم

و كيف علمت اعتماد بثمنه :1:

و هل العاملة تدفع تعب شهر كامل في جهاز ؟ لا تفعل ذلك إلا من لا تتعب في ثمنه ... علمت ثمنه من صديقة لي :dj_17:

[ساحرة الجزائر]

[quote=الزبرجد;3598024]

و هل العاملة تدفع تعب شهر كامل في جهاز ؟ لا تفعل ذلك إلا من لا تتعب في ثمنه ... علمت ثمنه من صديقة لي :dj_17:

انا عاملة واشتريت هذالجهاز اللي هو العجانة الكهربائية والآن راني اترحمت من العجين وتطياح الكتاف فوق ماراهم طايحين من تصحاح اوراق الفروض والإختبارات ...
لكن ماجيت نشريها يا اختي إعتماد13 غير لما كنت بالحمل ومر علي شهر رمضان ولازم نخبزو فيه الكسرة كل يوم ...
وفوق هذا كامل يا اختي ..علاه رانا شار9ين ...ماشي خسارة الدراهم في الحاجة اللي تعاونك وتنقص عليك الشقاء .....
نشري عجانة ب3ماليين وما نشريش خزانة نحطها في الشوكة تاع البيت تزيد علي غير هم مسيح الغبرة .:1
:1::1::1::1::1::1:

كيفاه يا اختي كتعود مرة قاعدة في الدار عندها عجانة وانت اللي تشقاي برة وتجيبي في الدراهم تعجني بكتافك.

[الزبرجد]

[quote=الزبرجد;3598024]

و هل العاملة تدفع تعب شهر كامل في جهاز ؟ لا تفعل ذلك إلا من لا تتعب في ثمنه ... علمت ثمنه من صديقة لي :dj_17:

السلام عليكم

كن نجاوبك على سؤالك علابالي ما تفراش.و نفطر عند الميكرو اليوم:1:

فقط أردت أن ألفت انتباه بعض الأخوات هنا اللواتي تحدثن عن الحرارة و ما شابه

ماذا تقولون في النسوة اللائي يغرقن السوق بأكثر من 50 خبزة مطلوع يوميا .و كميات من الديول و..عشرات الليترات

من الشاربات..ناهيك عن واجباتهن اليومية ...ربما هياكلهم حديدية أو لسن بشر؟؟؟؟؟؟؟؟

ملاحظة (هؤلاء النسوة يتفوقن على الموظفات في المدخول :D)......دون الخروج من المنزل

[الزبرجد]

عندي وحدة كيما هذيhttp://t0.gstatic.com/images?q=tbn:and9gctqouv4zmjxwgi6ahlbgwz-mekxcov51h6lmpvz4yyb8s4nixu&t=1&usg=__v-uz5vnsltvfkgwyvoejkgj5nai= لكن في التطياب نحير من السخنة لأنه ماكانش مشينة الي تطيبلك الكسرة وانت قاعدة ...
لو يزيدو يختارعونا روبو يطيبنا الكسرة في الطاجين ....يعني سبيسال للكسرة الجزائرية ....هذاك الوقت واين نتهناو مليح ...

كن يزيدو يخترعو روبو يمضغ لنا الكسرة وحنا ناكلو ...هذاك وين نتهناو مليح ...ولا واش ؟:1:

[عُضو مُحترم]

أعني مطبخ منال العالم

هههه

بصعوبة عرفتها و بالصدفة

سمعت زوجة اخي تتكلم عنها

هي تطبخ في قناة ابو ظبي
؟؟؟؟

[ل..ب..ن..ى]

هههههههههه
دوك نعجن
راني عيانة باش نكتب

batrie faible


سلااااااااااام

[*أنسام*الجنة*]

السلام عليكم ورحمة الله وبركاته
في رمضان المطلوع=خميرة كل يوم ..والطعام( المشري من السوق ههه ريحونا الله يريحهم) تاني في السحور( هذا الوالد ربي يحفطوا غير يتشرط ) زعما مازلنا شوي محتفظين على العادات..
لكن عني أنا مادابيا الروبوا الي يعجن والي يطيب والي يكول تاني :1:
**لان السخانه الي قدام الطاجين ربي يصبرنا قبل ما اطيب الخبزة يكون وجهك طاب وكمل ولعطش مايكفيك نهر باه تروى :) ..ربي يكون في العون :rolleyes:

[م.جواد]

السلام عليكم ورحمة الله تعالى و بركاته
اخي و ما الضرر في اكل خبز من المخبزة انا بالنسبة لي صحتهم اولا بكثير من اكلي ما اريد
و اذا اردت ذلك و كانت حالتك المادية الحمد لله فان التكنولوجيا في خدمة الانسان اشتري بيترا العجانة
هناك عدة انواع كما تريد انت من 1.5 مليون الى 5 او 6 مليون
و اتقوا الله في النساء

[rafik dz]

الله يبارك


صح فطوركم

[م.جواد]

و هل العاملة تدفع تعب شهر كامل في جهاز ؟ لا تفعل ذلك إلا من لا تتعب في ثمنه ... علمت ثمنه من صديقة لي :dj_17:

السلام عليكم و رحمة الله تعالى و بركاته
اختي انا لا اعرف ماهو مقدورك و لاكن اسال الله ان تكون حالتك المادية جيدة و الحمد لله
اما عن تعب الشهر الكامل تضعينه في الجهاز فاظن ان صحتك اولا *

[عُضو مُحترم]

السلام عليكم ورحمة الله تعالى و بركاته
اخي و ما الضرر في اكل خبز من المخبزة انا بالنسبة لي صحتهم اولا بكثير من اكلي ما اريد
و اذا اردت ذلك و كانت حالتك المادية الحمد لله فان التكنولوجيا في خدمة الانسان اشتري بيترا العجانة
هناك عدة انواع كما تريد انت من 1.5 مليون الى 5 او 6 مليون
و اتقوا الله في النساء



السلام عليكم

لست ادري لمذا ساءك الموضوع

مع ان الجميع اخذه بطابعه الفكاهي
لماذا غضبت يا اخي؟؟؟؟

[م.جواد]

السلام عليكم

لست ادري لمذا ساءك الموضوع

مع ان الجميع اخذه بطابعه الفكاهي
لماذا غضبت يا اخي؟؟؟؟

و عليكم السلام و الرحمة
اود ان اسالك و اجبني
هل ردي يدل على انني غضبان ؟؟؟

[عُضو مُحترم]

و عليكم السلام و الرحمة
اود ان اسالك و اجبني
هل ردي يدل على انني غضبان ؟؟؟



اجل

صح فطورك اخي جواد

[م.جواد]

اجل

صح فطورك اخي جواد

السلام عليكم
ربما ...........
الله اسلمك اخي الكريم و انت زاده

[امواج البحار]

بارك الله فيكم

تذكرت شيئا مهما ويجب أن أقوله


أحببت أقول لكم أنه لا يوجد مثل الخبز التي تصنعه المرأة لزوجها وأولادها

مرة وجدت في تيبانة خبز أشتريتها من عند الخباز

لا أريد أن أزعجكم


لكن ساقول لكم


وجدت


كالة شمة


وأحيانا أجد الشعر و............و...............


ولهذا كرهت الخبز وكرهت الخباز


لكن لو وجدتها

وخاصة في رمضان



أكيد لا ولن أفطر


أمرأة بصحتها علاش متعجنش

لكن وحدة مريضة معليش تشتري الخبز

شكرااااااااااااااااااااا

[ساحرة الجزائر]

كن يزيدو يخترعو روبو يمضغ لنا الكسرة وحنا ناكلو ...هذاك وين نتهناو مليح ...ولا واش ؟:1:

الروبو تاع المضغ للرجال لأنهم هم اللي يقضيو رمضان في الراحة .....بينما المرأة راهي مشوية في الكوزينة الراجل راهو مقا بل الكليماتيزور ويقرى في الجريدة او يتفرج في التلفزيون ...ولكان هداه ربي راهو يقرى في القرآن ......
:mh92:

[محمد فريدي]

أحنّ إلى خبز أمي
و قهوة أمي
و لمسة أمي
و تكبر في الطفولة
يوما على صدر يوم
و أعشق عمري لأني
إذا متّ،
أخجل من دمع أمي!
خذيني ،إذا عدت يوما





رحمك الله يا أماه

[الزبرجد]

الروبو تاع المضغ للرجال لأنهم هم اللي يقضيو رمضان في الراحة .....بينما المرأة راهي مشوية في الكوزينة الراجل راهو مقا بل الكليماتيزور ويقرى في الجريدة او يتفرج في التلفزيون ...ولكان هداه ربي راهو يقرى في القرآن ......
:mh92:

المرأة مشوية فالكوزينة والراجل مشوي في العمل فالسوق :d

الراجل يقضي رمضان في الراحة ......يستلزم ....كانون ما يشعل

[أمآآآآني البنفسج]

المطلوع ما نستغناوش عليه في رمضان و ما نبدلوش بالخبز ي لوكان يكون مخبوز بالعسل هههههههههههههههههه
صح فطوركم

[أم يقين]

السلام عليكم و رحمة الله
في الحقيقة خبز الدار أو المطلوع أو الخميرة هو اللي يعطي لكوزينة رمضان خصوصيتها لكن يا اخي الوقوف امام الطابونة في هذا الحر - درجة الحرارة قريب تلحق 50 قبل ما تشعل الطابونة-- و كي نكمل خبزاتي و نضرب طلة على جماعة الكليماتيزور:cool: نقول لهم لو كان جيتو ونستوني في جهنم شوية . و يقولو لي اصبري ، يا حسراه بكري الوالدة كانت تخبز على نار الحطب . ايه معليش مبصح( لكن) قولي الوالد واش كان يدير ذاك الوقت.:30:
المهم حبيت نقوللكم يا شباب بللي المطلوع و الكسرة راهي بدات تتحول لحاجات تقليدية موش لازم تشوفوها كل يوم و ما لازمش تلومو بنات اليوم و زوجات المستقبل إذا ما طيبوش . :D
و زيد ثاني علاه قاعدين تعلقو على اللي تخدم بالروبو ؟ إذن واش فايدة العلم لو ما يسهلش الحياة ؟ يبدو أنكم من جماعة لازمك تتعبي باش نستعرف بيك . :confused:
نقربلكم الفكرة يعني مثلا أنتم يا شباب شحال واحد فيكم راهو يذبح كبش العيد و يسلخو و يكسرو و يقسمو :19:
أنا مؤخرا شفت ظاهرة عاد ذبح الكبش بالدراهم ، يعني واحد يعرف يذبح دارها مهنة و يدور بالعتاد الخاص بالعملية من دار لدار يذبح و يسلخ وسي خونا مول الشاش عفوا مول الكبش يتفرج . :1:

نزيدلكم مثل آخر :هنا في الجنوب معظم سكان المنطقة عندهم غابات النخيل أو حتى نخلات و كيما تعرفو أو ربما ما تعرفوش هاد العام رمضان طاح مع موسم جني المنقر . ياك تعرفوه المنقر :mh31: و لكن رغم ذلك الشباب ما يروحوش للغابة و يطلعو في النخلة و يجيبو التمر . يروحو بكل بساطة للسوق و يشروه :eek:
و ضرك يا سي المهلهل قللي أنتم الشباب واش هي لحوايج اللي ما زلتو تديروها كيما ناس زمان يا حسراه :D
وبيناتنا و بلا زعاف يحياو بنات بلادي كي يحبو ولاد بلادي المطلوع يديرولهم المطلوع و المعسول و ميش خسارة: :p


صح فطوركم بالمطلوع و المنقر :mh5858:

[/سالم الزير/]

السلام عليكم و رحمة الله
في الحقيقة خبز الدار أو المطلوع أو الخميرة هو اللي يعطي لكوزينة رمضان خصوصيتها لكن يا اخي الوقوف امام الطابونة في هذا الحر - درجة الحرارة قريب تلحق 50 قبل ما تشعل الطابونة-- و كي نكمل خبزاتي و نضرب طلة على جماعة الكليماتيزور:cool: نقول لهم لو كان جيتو ونستوني في جهنم شوية . و يقولو لي اصبري ، يا حسراه بكري الوالدة كانت تخبز على نار الحطب . ايه معليش مبصح( لكن) قولي الوالد واش كان يدير ذاك الوقت.:30:

هذي هي الام .........هههه
المهم حبيت نقوللكم يا شباب بللي المطلوع و الكسرة راهي بدات تتحول لحاجات تقليدية موش لازم تشوفوها كل يوم و ما لازمش تلومو بنات اليوم و زوجات المستقبل إذا ما طيبوش . :d

اواه الكسرة فيها فيها

و تطيّبها فالكوشة تاع الطين

و انا نجييب الحطب

هههه
و زيد ثاني علاه قاعدين تعلقو على اللي تخدم بالروبو ؟ إذن واش فايدة العلم لو ما يسهلش الحياة ؟ يبدو أنكم من جماعة لازمك تتعبي باش نستعرف بيك . :confused:
نقربلكم الفكرة يعني مثلا أنتم يا شباب شحال واحد فيكم راهو يذبح كبش العيد و يسلخو و يكسرو و يقسمو :19:
أنا مؤخرا شفت ظاهرة عاد ذبح الكبش بالدراهم ، يعني واحد يعرف يذبح دارها مهنة و يدور بالعتاد الخاص بالعملية من دار لدار يذبح و يسلخ وسي خونا مول الشاش عفوا مول الكبش يتفرج . :1:

السلام

انا نذبح و نسلخ و نقطّع
و الكبش حتى واحد ما يمسو من غيري
ممكمن الذبح يكون للأكبر

بالصح الباقي لي انا

حتى الماكلة انا الاول


نزيدلكم مثل آخر :هنا في الجنوب معظم سكان المنطقة عندهم غابات النخيل أو حتى نخلات و كيما تعرفو أو ربما ما تعرفوش هاد العام رمضان طاح مع موسم جني المنقر . ياك تعرفوه المنقر :mh31: و لكن رغم ذلك الشباب ما يروحوش للغابة و يطلعو في النخلة و يجيبو التمر . يروحو بكل بساطة للسوق و يشروه :eek:

انا نسكن فالشمال الله غالب ما نعرفش المنقر
و ضرك يا سي المهلهل قللي أنتم الشباب واش هي لحوايج اللي ما زلتو تديروها كيما ناس زمان يا حسراه :d

ندير بزااف حوايج

مثال صغير

ما زال كي نروح للسوق الاسبوعي نشري
الحلوة تاع السوق


وبيناتنا و بلا زعاف يحياو بنات بلادي كي يحبو ولاد بلادي المطلوع يديرولهم المطلوع و المعسول و ميش خسارة: :p


صح فطوركم بالمطلوع و المنقر :mh5858:


شكرا اختي

[ساحرة الجزائر]

المرأة مشوية فالكوزينة والراجل مشوي في العمل فالسوق :d

الراجل يقضي رمضان في الراحة ......يستلزم ....كانون ما يشعل

حتى لمراة كاينة الي تروح للسوق تقضي ومن بعد تدخل للكوزينة تطيب :d

[عُضو مُحترم]

حتى لمراة كاينة الي تروح للسوق تقضي ومن بعد تدخل للكوزينة تطيب :d

حتى الراجل كاين اللي يخدم فالكوزينة

[ساحرة الجزائر]

حتى الراجل كاين اللي يخدم فالكوزينة

كاين منها ......لكن مايخبزش الخبز ---الكسرة -----:1::1:

[ساحرة الجزائر]

السلام عليكم و رحمة الله
في الحقيقة خبز الدار أو المطلوع أو الخميرة هو اللي يعطي لكوزينة رمضان خصوصيتها لكن يا اخي الوقوف امام الطابونة في هذا الحر - درجة الحرارة قريب تلحق 50 قبل ما تشعل الطابونة-- و كي نكمل خبزاتي و نضرب طلة على جماعة الكليماتيزور:cool: نقول لهم لو كان جيتو ونستوني في جهنم شوية . و يقولو لي اصبري ، يا حسراه بكري الوالدة كانت تخبز على نار الحطب . ايه معليش مبصح( لكن) قولي الوالد واش كان يدير ذاك الوقت.:30:
المهم حبيت نقوللكم يا شباب بللي المطلوع و الكسرة راهي بدات تتحول لحاجات تقليدية موش لازم تشوفوها كل يوم و ما لازمش تلومو بنات اليوم و زوجات المستقبل إذا ما طيبوش . :D
و زيد ثاني علاه قاعدين تعلقو على اللي تخدم بالروبو ؟ إذن واش فايدة العلم لو ما يسهلش الحياة ؟ يبدو أنكم من جماعة لازمك تتعبي باش نستعرف بيك . :confused:
نقربلكم الفكرة يعني مثلا أنتم يا شباب شحال واحد فيكم راهو يذبح كبش العيد و يسلخو و يكسرو و يقسمو :19:
أنا مؤخرا شفت ظاهرة عاد ذبح الكبش بالدراهم ، يعني واحد يعرف يذبح دارها مهنة و يدور بالعتاد الخاص بالعملية من دار لدار يذبح و يسلخ وسي خونا مول الشاش عفوا مول الكبش يتفرج . :1:

نزيدلكم مثل آخر :هنا في الجنوب معظم سكان المنطقة عندهم غابات النخيل أو حتى نخلات و كيما تعرفو أو ربما ما تعرفوش هاد العام رمضان طاح مع موسم جني المنقر . ياك تعرفوه المنقر :mh31: و لكن رغم ذلك الشباب ما يروحوش للغابة و يطلعو في النخلة و يجيبو التمر . يروحو بكل بساطة للسوق و يشروه :eek:
و ضرك يا سي المهلهل قللي أنتم الشباب واش هي لحوايج اللي ما زلتو تديروها كيما ناس زمان يا حسراه :D
وبيناتنا و بلا زعاف يحياو بنات بلادي كي يحبو ولاد بلادي المطلوع يديرولهم المطلوع و المعسول و ميش خسارة: :p


صح فطوركم بالمطلوع و المنقر :mh5858:
--------------------------------------------------------
يسلم فمك على هاذ الكلام http://www.s3udy.net/pic/salam_kalam006_files/98.gif