لمن يريد تعلم اللهجة التلمسانية

[أم ريان الجنة]

السلا م عليكم ورحمة الله وبركاته
هذا الاموضوع سيخصص ان شاء الله لمعرف اللهجات في ولاية تلمسان أنتم ماعليكم سوى كتابة الكلمة أو الجملة التي تريد
تريدون معرفة كيفية نطقها وأنا سأجيبكم ان شاء الله

[صدي الجحيم]

وااااااااااااااااو موضوووووووووووووع يهبل
شكراااااااااا اختي امينة على المضووووووووووووووووووع الرائع
انا ماعندي حتي كلمة في بالي بصح كي تجي في بالي راني نعاود ندخل للموضووووع

[أم ريان الجنة]

وااااااااااااااااو موضوووووووووووووع يهبل
شكراااااااااا اختي امينة على المضووووووووووووووووووع الرائع
انا ماعندي حتي كلمة في بالي بصح كي تجي في بالي راني نعاود ندخل للموضووووع

أشكرك أخي على المرور أنا في الخدمة

[tarek100]

شكرااا انا كنت ثمة
tareek:1:

[الجوهرة النادرة]

سلام عليكم

بارك الله فيك اختي امينة على الموضوع

راكي رايحة تكون معلمتنا في اللهجة التلمسانية

واريد منك ماذا تقولين للترحيب بالضيوف بالتلمسانية ..

في حفظ الله

[أم ريان الجنة]

سلام عليكم

بارك الله فيك اختي امينة على الموضوع

راكي رايحة تكون معلمتنا في اللهجة التلمسانية

واريد منك ماذا تقولين للترحيب بالضيوف بالتلمسانية ..

في حفظ الله

شكرا لك أختي الجوهرة الناذرة على مرورك أشكرك مرة ثانية كونك وضعت الثقة في كي أكون معلمتك
أولا نبدأ بالسلام
مرحبا بيكم زارتنا بركة كيريكم ريكم لاباس ( تعني كيف حالكم هل أنتم بخير)
مرينا نشوفو وجوهكم (يعني اشتقنا رؤيتكم)
ذا أردت معرفة كلمة أخرى فما عليك سوى كتابتها وشكرا

[أم ريان الجنة]

شكرااا انا كنت ثمة
tareek:1:

ماتقوليش غي فوت العسكر تمة

[الجوهرة النادرة]

أولا نبدأ بالسلام
مرحبا بيكم زارتنا بركة كيريكم ريكم لاباس ( تعني كيف حالكم هل أنتم بخير)

فقط اريد ان أسئلكي

تقولو كيريكم ... .....فنحن في الغرب الجزائري بالخصوص في الشلف نقولو كيراكم راكم لاباس
مرينا نشوفو وجوهكم (يعني اشتقنا رؤيتكم)

عجبتني هذه الكلمات كثيرا

ذا أردت معرفة كلمة أخرى فما عليك سوى كتابتها وشكرا

مشكووورة ......ماذا تقولون لشخص مسافر

[أم ريان الجنة]

أولا نبدأ بالسلام
مرحبا بيكم زارتنا بركة كيريكم ريكم لاباس ( تعني كيف حالكم هل أنتم بخير)

فقط اريد ان أسئلكي

تقولو كيريكم ... .....فنحن في الغرب الجزائري بالخصوص في الشلف نقولو كيراكم راكم لاباس
مرينا نشوفو وجوهكم (يعني اشتقنا رؤيتكم)

هذه العبارات يقولها سكان مدينة تلمسان أما باقي الولاية يقولون كيراكم راكم لاباس توحشنا نشوفو وجوهكم
عجبتني هذه الكلمات كثيرا

ذا أردت معرفة كلمة أخرى فما عليك سوى كتابتها وشكرا

مشكووورة ......ماذا تقولون لشخص مسافر

تبآ على خير وطريء السلامة رايحين نتوحشوك بزاف تهلا في روحك
فيرد المسافر : ربي يتهلا فينا وفيكم إن شالله نتلاآو في ساعة الخير
هذا بالنسبة لمدينة تلمسان:
بالنسبة لمدينة ندرومة
تبقاو على خير وطريق السلامة رايحين نتوحشوك براف تهلا في روحك
فيرد المسافر: ربي يتهلا فينا وفيكم إن شاء الله نتلاقاو في ساعة الخير ( تنطق القاف كما
في مغنية وباقي المناطق تنطق ga )

مدينة الغزوات ينطقونها بهذا الشكل
تبكا على خير رايحين نتوحشوش بزاف تهلا في روحشتش
فيرد المسافر : ربي يتهلا فينا و فيتشم انشالله نتلاكاو في ساعة الخير
وبالنسبة لمدينة الغزوات يقولون كيريك بهذا الشكل ( تشيريتش)
منطقة مسيردة ينطقون القاف كافا
أتمنى أني قد أفدتكم هل تريدون شيئا آخر

[tarek100]

ماتقوليش غي فوت العسكر تمة

كنت رايح نفوت العسكر ثمة في المدرسة انتاع الترانسبورت اللي في الكيفان بصح ربي ما كتبش وعلى العموم وليد خالي يسكن ثمة ومن ذاك أنا نروح ليه على هاذي عندي شوي خبرة في اللهجة التلمسانية
tareek:1:

[أم ريان الجنة]

كنت رايح نفوت العسكر ثمة في المدرسة انتاع الترانسبورت اللي في الكيفان بصح ربي ما كتبش وعلى العموم وليد خالي يسكن ثمة ومن ذاك أنا نروح ليه على هاذي عندي شوي خبرة في اللهجة التلمسانية
tareek:1:

إيوة قولي شي كلمات تعلمتهم من لهجتنا يا طروقة

[said25]

أختي منى أنا معاك السعيد من قسنطينة مادابيا نعرف كيفاه تقولوا كي تشوفوا حاجة ماشي مليحة ، و كيفاه تقولوا كي تشوفوا حاجة تفرحكم ، وكيفاه تقولوا و لا تباركوا لواحد على كاش حاجة دارها . و شكرا

[أم ريان الجنة]

أختي منى أنا معاك السعيد من قسنطينة مادابيا نعرف كيفاه تقولوا كي تشوفوا حاجة ماشي مليحة ، و كيفاه تقولوا كي تشوفوا حاجة تفرحكم ، وكيفاه تقولوا و لا تباركوا لواحد على كاش حاجة دارها . و شكرا


شكرا لك أخي على المرور أريد منك أن تحدد لي العبارات التي تريدها بلهجتنا وهذا كي يتسنى لي توضيحها أكثر


باش نباركو لكاش واحد نقولو
مبروك عليك عؤبال فرح وحداخر
وإلا
بالبركة عليك

[فيصل]

مساء الخير ياأخت منى أنا حاير في أهل تلمسان المصونة لماذا ينطقون ال"قاف"ق" والكاف "ك" الفا") آ). يقولون "قالوا"= آلو - والكاوكاو = آوآو . شخصيا أرى هناك تأثيرا لأهل الأندلس اللاجئين إلى تلمسان . تأثير وأثر على المنطقة لكونهم لهم أصول شرقية (مصر خاصة) . فما رأي أهل تلمسان فيما ذكرته ؟ مع تحياتي الأخوية.

[أم ريان الجنة]

أخي فيصل أولا أشكرك على المرور
لكن ليس كل سكان تلمسانينطقون الألف بل يوجد من ينطق القاف كما هي وهناك من ينطقها كافا وهناك من ينطقها
Ga وإن من ينطق القاف ألفا أغلبهم من الأتراك الذين هاجروا إلى المنطقة في عهد العثمانيين
أما بالنسبة للكاوكاو فإن أهل المنطقة من العرب يقولون له قاوقاو وهذا مايجعل هذه الفئة ينطقونها آوآو
شكرا لك وإذا أردت أي استفسار أنا في الخدمة

[رثاآء]

السلام
مزية حتى دروك عرفت علاه يقولو او اوة وقاوقاو
شكرا امينة ورانا نقارعة باش نتعلمو اللهجة التلمسانية
انا ما نكدبش على اختي نموت في التلمسانيين وي وي يكتلوني بغيتهم من نوري الكوفي وديجا عندي صحبتي انتيم من تلمسان على بيها راني باغية نتعلم اللهجة

ونزيدكم معلومة تقول حن نهار مشي وحد النهار نيشان ياك؟؟؟

[موناليزا]

للأسف ما نعرف و لا كلمة بالتلمسانية سوى أنهوم ما ينطقوش بالقاف

شكرا ع الموضوع الجميل أختاه

[أم ريان الجنة]

أختي سارينا شكرا على المرور
نعم نحن نقول لواحد حا
واحد النهار ننطقها حانهار
وحد الحاجة ننطقها حالحاجة وهكذا
ربي يدوم محبتك للتلمسانيين وخاصة لصديقتك


أشكرك أختي الموناليزا على المرور سرتني مشاركتك
وإذا أردت أن تتعلمي أي كلمة أو جملة ما عليك سوى كتابتها
شكرا

[karimo06]

قهوة يا قهواجي

[أم ريان الجنة]

أهوة يا قهواجي

[lamer]

كل ده عشان تتكلموا تلمساني أمال لو حتتكلموا مصري حتعملو إيه

[lamer]

أنا تعبان وعايز أنام
دي بتقولها كيف وبكام

[أم ريان الجنة]

ريني عيان وحاب ننعس

[allaoua rachidi]

بارك الله فيك

[صاحبة السمو الفكري]

ماشااء الله كانني سمع كنتنا تتكلم هي من بني صاف واذا رحت عندهم الاقيهم يتكموا هكا....
اختي لالا تبقى هدرة شلف هي لي فوووووووور..امزح بارك الله فيك

[Hicham Ahmed]

انا اسئل يا اخوان

واش علاقة التلمسانية بالجيجلية

[أم ريان الجنة]

شكرا إخواني على المرور الكريم
العلاقة بين اللهجة الجيجلية والتلمسانية هي أن بعض المناطق من تلمسان وخاصة الساحلية تنطق القاف كافا مثلما ينطقها الجيجليون

[AMINOCH]

كامل شوهتو التلمسانية نزيدكم معلومة كل دائرة ولا قرية لها لهجتها الخاصة بها ونتوم ماراكم مطلعين تيكي

[soleil]

السلام عليكم
يعطيك الصحة على هذا الموضوع :mh31: ،
اللي حيرني أنا ، راها قريب لهجة وحدة بين ولاية تلمسان و ولايتي : ميلة ؟؟.. مع بعض الإختلافات طبعا
حنايا ثاني كل بلدية عندها لهجة خاصة بيها ، عندنا ق، ك، ga، وبين القاف والكاف،، بصّح ما عندناش ق=آ ،
شلغوم العيد والعثمانية عندهم ga ويهدرو كيما قسنطسنة قريب....فرجيوة و تاجنانت ثاني بصّح كيما السطايفية
جهة ال grarem ق= ga و ك ، والتا = شا كيما السكيكدية
اللي قراب من جيجل يهدرو ق=كا و بين القا و الكا ثاني
اللي بقاو في الوسط تاع ولاية ميلة ق=ق
بالصّح حنا عندنا بزا ف les préfix : ك ، د ، ح ... وكل بلاصة كيفاه.......
ك : كانهدر ، كانلعب ، كانقول ، كانكتب ......
د : أنا = دانا ، الليل = دالليل ، الهدرة = دالهدرة ..... غير كي تعود معرفة برك
ح : وحد المرة = حالمرة ، وحد النهار = حالنهار .........
وعندنا ثاني : اللي = الدي
واين، وين = فاين ، لاين.......
أنت = نتينا .........

VIVE L'ALGERIE

:D

[أم ريان الجنة]

كامل شوهتو التلمسانية نزيدكم معلومة كل دائرة ولا قرية لها لهجتها الخاصة بها ونتوم ماراكم مطلعين تيكي
شكرا لك أختي على مرورك الكريم
طبعا كل دائرة ولا كل قرية وعندها لهجتها الخاصة وكتبت هذا الموضوع من أجل أن يتعلموا اللهجة التلمسانية
عبر كامل تراب الولاية وذكرت خاصة المناطق الكبرى وان شئت تعالي لتساعديني ومرحب بك في كل وقت أختي
:19:

[أم ريان الجنة]

السلام عليكم
يعطيك الصحة على هذا الموضوع :mh31: ،
اللي حيرني أنا ، راها قريب لهجة وحدة بين ولاية تلمسان و ولايتي : ميلة ؟؟.. مع بعض الإختلافات طبعا
حنايا ثاني كل بلدية عندها لهجة خاصة بيها ، عندنا ق، ك، ga، وبين القاف والكاف،، بصّح ما عندناش ق=آ ،
شلغوم العيد والعثمانية عندهم ga ويهدرو كيما قسنطسنة قريب....فرجيوة و تاجنانت ثاني بصّح كيما السطايفية
جهة ال grarem ق= ga و ك ، والتا = شا كيما السكيكدية
اللي قراب من جيجل يهدرو ق=كا و بين القا و الكا ثاني
اللي بقاو في الوسط تاع ولاية ميلة ق=ق
بالصّح حنا عندنا بزا ف les préfix : ك ، د ، ح ... وكل بلاصة كيفاه.......
ك : كانهدر ، كانلعب ، كانقول ، كانكتب ......
د : أنا = دانا ، الليل = دالليل ، الهدرة = دالهدرة ..... غير كي تعود معرفة برك
ح : وحد المرة = حالمرة ، وحد النهار = حالنهار .........
وعندنا ثاني : اللي = الدي
واين، وين = فاين ، لاين.......
أنت = نتينا .........

VIVE L'ALGERIE


:D
وين= فاين نقوللوها حتا حنا
وأنت= نتينا
وحد المرة =حالمرة
ونقول كذلك
الواحدة ليلا= الوحدة داليل وكذلك الوحدا ديال =اليل

[soleil]

وين= فاين نقوللوها حتا حنا
وأنت= نتينا
وحد المرة =حالمرة
ونقول كذلك
الواحدة ليلا= الوحدة داليل وكذلك الوحدا ديال =اليل

سلام

الواحدة ليلا= الوحدة داليل هكذا يقولوها ناس جيجل أما عندنا : الواحدة ليلا= الوحدة دي اليل

يظهرلي غير حنا و نتوما في الجزائر نهدرو هكذا رغم أننا بعاد بزاف ، حنا في الشرق ونتوما في أقصى الغرب؟؟؟؟

@+ ......

[أماني الأمل]

هاي أمونة موضوع مليح
حبيت تقولي كيفاش ننطقو هذهالكلمات:
الدجاج
البيض
الكسكاس الذي يطهى فيه الكسكسي

[أم ريان الجنة]

الدجاج= الجداد
البيض= ولد اجداد
الكسكاس كما قلت= الألال

[دزيرية وافتخر]

مرحبا بيكم زارتنا بركة كيريكم ريكم لاباس ( تعني كيف حالكم هل أنتم بخير)

تبقاو على خير وطريق السلامة رايحين نتوحشوك براف تهلا في روحك
فيرد المسافر: ربي يتهلا فينا وفيكم إن شاء الله نتلاقاو في ساعة الخير

شكرا على الموضوع وحنا في المدية نحيو هاكدا كيما ناس تلمسان وانا عندي اهل من تلمسان قالولي انو تلمسان والمدية كيف كيف في الطرق والزنقات والعادات والعقلية وحتى الهدرة شوي

[badman]

انا بموت في اللهجة التلمسانية مشكورة

[أم ريان الجنة]

شكرا لك أختي ذزيرية لكن هناك بعض الاختلاف لكنه طفيف
أشكرك أخي بادمان على مشاركتك

[Abjad]

أمينة كيريكي لاباس

حالنهار كنت حاب نسأسي عليك

وخرجتي بالخف


"واش راكي واش حولك لاباس"

واش تقولولها ؟

وإن شا الله تكوني مليحة يا معليمة

Abjad

[أم ريان الجنة]

لاباس ياأبجد ريك تتعلم فيساع
واش راك واش حوالك لاباس = كيريك ريك لا باس هذا واش نقولو
راني مليحة ياتلميذي

[Abjad]

الحمد لله يا ربي كي راها المعليمة مليحة

واش تقولوا لواحد رايحين تزوروه


وتلقاوه مريض كي تدخلوا ؟

وكي تولوا خارجين ؟

[ريماس]

مشكورة اختي عالموضوع
لهجتكم صعيبة شويا ما ضنتهاش هكذا
تحيااااااااااااااتي

[أم ريان الجنة]

شكرا أختي جسلين على مشاركتك
سأترجم ما قلته بلهجتنا


لهجتكم شوية واعرة ما شي كنت حاسبتها هكدا

[yousra13]

اللهجة التلمسانية الدي ولا خلي
في غزوات ما يهدروش بحرف (ك ) و ('ش)
يهدرو نورمال ب (ق) و كاين يهدر ب (أ)

[أم ريان الجنة]

ماشي كامل يهدرو بالكاف ولا الشين أنا معاك فنهادي

[أم ريان الجنة]

الحمد لله يا ربي كي راها المعليمة مليحة

واش تقولوا لواحد رايحين تزوروه


وتلقاوه مريض كي تدخلوا ؟

وكي تولوا خارجين ؟



هذا ما نقول في الأول:
عاسلامة كيريك بوه العيانة ريك شيانيتي آش بيك ريك مريضة

وعند الخروج نقول:
لاباس عليك

فيرد المريض:
لهلا يوريك باس

[أبي عبدالله]

السلام عليكم
إلى الأخت آمنة سؤال ما علاقة اللهجة التلمسانية بالمصرية من حيث نطق القاف ألف ، و شكرا

[محمد 13]

مسل الخير ختي أمينة كريك ركي اهضرتي بزاف على تلمسان Ville
أليلهم بلي الهضره في تلمسان تختلف من جها الجها و كاين بزاف الدجوايه و بزاف اللهجات
أليلهم على ناس سيدو و ناس بني سنوس و ناس مغنية وناس ولاد الميمون و ناس.......
باش ما يحسبوش كلشي تلسنيين يهضرو بالآ
تبآي عل خير اختي أمينة نتلآو في ساعة زينة

[أم ريان الجنة]

الله يحفظك خاي حمي
راني مرة على مرة نهدر باللهجات نتاع المناطق الأخرى من تلمسان بصح ما عنديش خبرة كبيرة نخاف نقول شي كلمة ماشي نيشان
الا حبيت عاوني شوية مادابيا نعرف بكل اللهجات نتاع الولاية

[محمد 13]

صحيت اختي أمينة بصّح أنا امـألأ حشوية و منأدرش نعونك بزاف
الله يعونك و ايأدرك على هاد المهمة
بآى على خير

[Soletair]

بارك اللخ فيك اختي امينة


.........................


مشكووووووور



اخوك ...سوليتار ....

[أم ريان الجنة]

الله يسلمك يا خاي سوليتار

[أم ريان الجنة]

صحيت اختي أمينة بصّح أنا امـألأ حشوية و منأدرش نعونك بزاف
الله يعونك و ايأدرك على هاد المهمة
بآى على خير

ما عليش خاي حمي بصح نقولو
صيحيت أختي أمينة بصح مانأدش نعاونك بزاف .........نعاونك غي حاشوية
ربي يسهل عليك

[Soletair]

http://www.uae-up.com/up3/uploads/e193a103c1.gifhttp://

[Soletair]

http://www.uae-up.com/up3/uploads/e193a103c1.gif

[محمد 13]

السلام أختي أمينة الله يحفظك
فأتيلي أنا تلمساني دوريجين بصح منهضرش بدلّهجة

[أم ريان الجنة]

السلام أختي أمينة الله يحفظك
فأتيلي أنا تلمساني دوريجين بصح منهضرش بدلّهجة


باين بلي أنتينا من ولاية تلمسان بصح ماشي من وسط المدينة غي هدر دورك نجبدك هههههههه

[محمد 13]

السلام و رحمة الله وبركاته أخوك محمد من أوجلدة وكنت أقيم في حي الداليا
أشكرك أختي أمينة على خفة دمك

[أم ريان الجنة]

مرحبا بناس أوجليدة الله يحفظك يا خاي باينة بلى نتا تاني خفيف الدم

[امين عرعار]

السلام عليكم بودي ان اقول لكم كلمة هامة اسلامنا اليوم يحتاجنا فلابد لنا ان ندرك باننا في هذه الدنيا عابرون
فالدنيا دار فناء والاخرة هي البقاء فأرجو من كل مشارك ان يحترم مبادئ الدين الاسلامــــــــــي ويمجده
وصلى الله على سيدنا محمد عبده ورسوله
والسلام عليكـــــــــــــــــــــــــــــــــم

[أم ريان الجنة]

شكرا لك أخي أمين على مشاركتك وعلى النصيحة بوركت

[أم ريان الجنة]

السلام عليكم
إلى الأخت آمنة سؤال ما علاقة اللهجة التلمسانية بالمصرية من حيث نطق القاف ألف ، و شكرا



السلام عليك ورحمة اللع تعالى وبركاته أظن أن العلاقة بينهما هي الألف فقط

[محمد الخامس]

أختي أمينة،،أتُريدن أن أُساعدُكِ في كيفيّة شكل الحروف،حتّى يتسنّى للأعضاء الكرا م ،النّطق الصّحيح للكلمات.
...شكرا

[أم ريان الجنة]

أختي أمينة،،أتُريدن أن أُساعدُكِ في كيفيّة شكل الحروف،حتّى يتسنّى للأعضاء الكرا م ،النّطق الصّحيح للكلمات.
...شكرا



السلام عليك أخي محمد

طبعا إذا كانت لديك المقدرة في مساعدتي فأنا أقبلها

ولك الشكر الجزيل

[rezaubusi]

يقول التلمسانيون بدل واش راك تريد ولا واش راك تحوس: آسم راك دَوَّر
أليس كذلك
ويسمو الأم: يما كيما الدزيريين
والأب:أبَا

[إسماعيل]

يا بدر عياني
يامنورة يا بلادي تلمسان
البعد افناني
توحشت أهلي والجيران


الغربة صعيبة
العشرة مع غريب ما تطيب
تفكرت الحبيبة
تلمسان بلاد الأهل والحبيب
الغزالة الشبيبة
بلاد القفطان والخلخال الذهيب


قلبي وبالي
شاغل بيك يا بلاد الآصال
والله ما يحلالي
انعيش بعيد عليك يا بلاد الجمال
ربي شاهد على اقوالي
بلا بيك ما يحلا لي حال


يا زاير تلمسان
سلم على سيدي بومدين
قل لو راني عيان
من وحش بلادي راني مهيمن
حبها زاد لي في الأمحان
البال شاغل والقلب يحزن


يا زائر بلادنا
سلم على اهلنا
و آجي بما يسرنا

يا زائر المنصورة
اجيني بصورة
فإنها في وحشتنا

يا زائر المشوار
سلم على اهل الدوار
فإنهم من أهلنا

يا زائر البساتين
شم الورد و الياسمين
و سلم على غزالنا

[أم ريان الجنة]

يقول التلمسانيون بدل واش راك تريد ولا واش راك تحوس: آسم راك دَوَّر
أليس كذلك
ويسمو الأم: يما كيما الدزيريين
والأب:أبَا


اييه عندك الحق

[أم ريان الجنة]

يا بدر عياني
يامنورة يا بلادي تلمسان
البعد افناني
توحشت أهلي والجيران


الغربة صعيبة
العشرة مع غريب ما تطيب
تفكرت الحبيبة
تلمسان بلاد الأهل والحبيب
الغزالة الشبيبة
بلاد القفطان والخلخال الذهيب


قلبي وبالي
شاغل بيك يا بلاد الآصال
والله ما يحلالي
انعيش بعيد عليك يا بلاد الجمال
ربي شاهد على اقوالي
بلا بيك ما يحلا لي حال


يا زاير تلمسان
سلم على سيدي بومدين
قل لو راني عيان
من وحش بلادي راني مهيمن
حبها زاد لي في الأمحان
البال شاغل والقلب يحزن


يا زائر بلادنا
سلم على اهلنا
و آجي بما يسرنا

يا زائر المنصورة
اجيني بصورة
فإنها في وحشتنا

يا زائر المشوار
سلم على اهل الدوار
فإنهم من أهلنا

يا زائر البساتين
شم الورد و الياسمين
و سلم على غزالنا


شكرا لك أخي اسماعيل على هاته الكلمات الرائعة

[منى260]

السلام عليكم

أنا من غزة هاشم دفعني الفضول لارى هذا الموضوع فاول مرة اعرف ان هناك لهجة اسمها التلمسانية

بصراحة وجدت ان هذه اللهجة غريبة جدا بمفرداتها وكانما هي لهجة غير عربية

يعني احتاج لسنة كاملة كي استطيع ان اتعلم كلمتين على بعض

بجد صعبة كتير

سبحان الله لغتنا واحدة لكن لهجاتنا متعددة

كل عام وانتم بخير

[أم ريان الجنة]

السلام عليكم

أنا من غزة هاشم دفعني الفضول لارى هذا الموضوع فاول مرة اعرف ان هناك لهجة اسمها التلمسانية

بصراحة وجدت ان هذه اللهجة غريبة جدا بمفرداتها وكانما هي لهجة غير عربية

يعني احتاج لسنة كاملة كي استطيع ان اتعلم كلمتين على بعض

بجد صعبة كتير

سبحان الله لغتنا واحدة لكن لهجاتنا متعددة

كل عام وانتم بخير

شكرا لك على مرورك أختي

[إسماعيل]

شكرا لك على مرورك أختي
اللهجة التلمسانية هي مزيج من اللغة العربية والأمازيغية كما أنه توجد بها بعض الكلمات الاسبانية والفرنسية وكذلك التركية


http://alalawi.1934.free.fr/modules/Forums/images/smiles/intro.gif

أرجو العفو عن عدم موافقتي لك , فاللهجة التلمسانية جدورها عربية (95 %) وفيها (بعض) الألفاظ الدخيلة من طرف الأندلسيون والأتراك, فالقاف مثلا لا تنطق قاف بالنسبة للاندلسيين بل ينطقونها بالألف مثل أندلسيو فاس و طيطوان بينما الأتراك ينطقونها كاف.و بالنسبة للألفاظ الأمازيغية أو البربرية فهي شبه معدومة والله أعلم والسلام عليكم.

[رزون]

مساء الخير

كل لهجات الولايات الجزائرية شابة ونحبها بزااااااااااااااااااااااف

[أم ريان الجنة]

http://alalawi.1934.free.fr/modules/forums/images/smiles/intro.gif

أرجو العفو عن عدم موافقتي لك , فاللهجة التلمسانية جدورها عربية (95 %) وفيها (بعض) الألفاظ الدخيلة من طرف الأندلسيون والأتراك, فالقاف مثلا لا تنطق قاف بالنسبة للاندلسيين بل ينطقونها بالألف مثل أندلسيو فاس و طيطوان بينما الأتراك ينطقونها كاف.و بالنسبة للألفاظ الأمازيغية أو البربرية فهي شبه معدومة والله أعلم والسلام عليكم.



طبعا أخي اللهجة التلمسانية جذورها عربية وبما كلمات بربرية
إنما أردت أجماعها بالنسبة لجميع اللهجات الموجودة بولاية تلمسان وليس المدينة لوحدها وسيتم تعديل المشاركة حتى لا يتم الخلط

[أم ريان الجنة]

مساء الخير

كل لهجات الولايات الجزائرية شابة ونحبها بزااااااااااااااااااااااف





اييه كامل اللهجات دلجزاير شابة

[أسامة تلمساني13]

كيريك عامل مع الصحة يابنت بلادي

[أسامة تلمساني13]

تلمساني وافتخر ولي ماعجبو الحال ينتحر ويكتب على قبره واحد منقهر حاول يتحدى تلمساني وماقدر

[أسامة تلمساني13]

:dj_17:تلمساني ديما زاهي والودادي ديمافي العلالي:mh92:

[أسامة تلمساني13]

عبد البائي درب الاط بالارئاب معناه عبدالباقي اضرب القط بالنعل

[BEN LADEN 03]

سلام الله عليك أختي
حبيت نعرف كيفاه يهنؤن التلمسانيون بعضاهم في الأعياد و المناسبات
و أطلب منك بعض أسماء المؤكولات التلمسانية بما فيها الحلويات
و ما تنسايش سلمي على ناس تلمسان

[EXPERT26]

ايه تلمسان فوت فيها يامات ما يتنساوش EATC الكيفان+الامامة + المشور+ grn

[EXPERT26]

تعجبني بزااف تلمسان على خاطر ناسها ملاح ولاد فاميلية ويرحبو بالبراني سيرتو وليدات الكيفان

[أسامة تلمساني13]

ربي يخليكم لينا تلمسان راهي تستنا فيكم وترحب بيكم

[الفهد الاسود]

شكرا ... على كل المجهود ... ما رايكي في كلامنا نحن اهل الشريعة ولاية تبسة ...نقول واش راكم لباس ...


وربي يبارك فيك والسلام عليكم

[djilali12]

ياخي تلمسان بلد عريقة جدا ولها رجال والرئيس الحالي من تلمسان الله يحفظه من كل شر

[soleillune19]

http://up108.arabsh.com/s/wx2yxf21lz.gif (http://up108.arabsh.com/)

بسم الله الرحمن الرحيم

شكرا امينة منى على الموضوع حقا هو موضوع مفيد حيث يتسنى لنا تعلم اللهجات المختلفة

انا من تلمسان واحب التلمسانيين الي يتكلمو بالقاف

اما عن الالف فاجد فيها تكلف لدرجة تشويه بعض الكلمات

http://up108.arabsh.com/s/9v5pbvu5ka.gif (http://up108.arabsh.com/)

[ل..ب..ن..ى]

السلام عليكم
والله عندي بزاف وانا في المنتدى وجامي شفت هاد الموضوع

على كل شكرا حبيبة على الموضوع

تلمسان تعيش تعيش تعيش
هههههههه


السلام عليكم

تلمسانية مرت من هنا

[ahmedzawi32]

موضوع رائع جدا ولكن سؤالي جريء جدا ما مدى مصداقية وجود العنصرية في تلمسان

[مارس]

يقولون لي اني منحدر من ولاية تلمسان و انا اعشق ناس و لهجة تلمسان لقبي سني إذا تعرف هذا الإسم قولي لم ازر تلمسان إلا مرة واحدة لان ليس لي اهل هناك وكان ذالك العام الماضي و لقد حضرت عرس تلمسان بالخيل الابيض و الله لن انسى تلك الايام مدى الحياة وياريتها تتعاود

[مارس]

لقبي بالفرنسية هو sni

[ل..ب..ن..ى]

وشكون قالك معندكش اهل في تلمسان
احنا اهلك ومرحبا بيك عدنا في تلمسان

[مارس]

الله ايسلمك منين من تلمسان انتم انا من الجزائر

[جمال التلمساني]

السلام عليكم أريد أسماء الأعشاب الطبية باللهجة التلمسانية من فضلك

[بنت من الجزائر]

مرحبا و شكرا على الموضوع
أحنا كي تعجبنا حاجة أنقولو اتهبل أو تقتل و انتكم كيفاش أتقولوها :confused:
توحشتك= :confused:
نشتيك= :confused:
راني رايح= :confused:
شكرا

[أسامة تلمساني13]

وداد امال تلمسان اســــــــــــــــــامة Wat~~WAT

[أسامة تلمساني13]

vive wat WATاسماء مليار وناس تلمسان وعرب اولادميمون واسامة طيبي

[lamia13]

مرسي على الموضوع...
بغيت تنزيدلكم شي كليمات بتلمسانية تاعنا
نحكيو=نشيخو
بنت=بنيتة
بنات=بنيتات
نروح=نمشي

[Maya Suzzan]

سلااااااام
و الله اللهجو التلمسانية فووووووور نحبها و نحب ناس تلمسان تاني... تعلمت شوية منها على خاطر عندي des amis لتم...و تعجبني كلمة ' واسم' بزاااف
بغيت نسقسيك برك واسم تقولو عندكم لواحد باش تمدولو courrage؟

[lamia13]

شكرااااااااااااا ليك

اسم نستعملوها للاستفهام برك في بلاصة واش حنا نقولو اسم اي ماذا??

[Maya Suzzan]

okeeeeey thx

[Maya Suzzan]

w kifach t9oulou l wa7ed ,bach tdiroulou courrage, par exemle wa7ed raye7 ydir Bac ??

[بقة الحاج]

بارك الله فيك أخت الكريمة

[nédromienne]

lol 3ajabatni tchiritche ya3tik chta

[nédromienne]

أنا تعبان وعايز أنام
دي بتقولها كيف وبكام
ani 3ayana w haba nan3ass gratuit pour toi

[nédromienne]

يقول التلمسانيون بدل واش راك تريد ولا واش راك تحوس: آسم راك دَوَّر
أليس كذلك
ويسمو الأم: يما كيما الدزيريين
والأب:أبَا
nichane haka ngolo

[nédromienne]

merci hbiba 3la hade sujet hasit rohi rani ga3da f tarbi3a wala mansoura jibina chi siniya dial ataye

[aissa2008]

اللهجة نتاع تلمسان زينة وشابة بزاف وانا نحب تلمسان و مادا بيكم تزيدونا كلمات بالتلمسانية

[salam alaikoum]

السلام عليكم من يتقن اللهجة المغربية ...يشرح لي هتين الكلمتين ossafi+ essaht وشكرا.

[nédromienne]

ossafi je croix wa khlass

[radia10]

مشكووووورة على الموضوع الجميل

[rachid_west]

وهراني وافتخر ولي ماعجبو الحال ينتحر ويكتب على قبره واحد منقهر حاول يتحدى وهراني وماقدر
vive oran 31

[nédromienne]

وهراني وافتخر ولي ماعجبو الحال ينتحر ويكتب على قبره واحد منقهر حاول يتحدى وهراني وماقدر

vive oran 31
achbik takol f rohak

[أم سهيــر]

أنا نحب نتعلم لهجتكم ممكن ؟؟؟؟ الله غالب تعجبنى بزاااااااااااف

[أم سهيــر]

وهراني وافتخر ولي ماعجبو الحال ينتحر ويكتب على قبره واحد منقهر حاول يتحدى وهراني وماقدر

vive oran 31

لالا ماشى هكدا

[souane]

ana na3ref maskhitch bfrakek lool

[سعااد]

اولا شكرا على الموضوع المميز ثانيا علاش انتم في تلمسان تقولو ح النهار كيم احنا في جيجل؟؟:d

[أم ريان الجنة]

merci hbiba 3la hade sujet hasit rohi rani ga3da f tarbi3a wala mansoura jibina chi siniya dial ataye

اييه ان شاء الله حبيبة


اللهجة نتاع تلمسان زينة وشابة بزاف وانا نحب تلمسان و مادا بيكم تزيدونا كلمات بالتلمسانية

شكرا على الحلو الحلو والجميل
السلام عليكم من يتقن اللهجة المغربية ...يشرح لي هتين الكلمتين ossafi+ essaht وشكرا.


صافي تعني خلاص عندنا سايي أحيانا يستعملها المغاربة في بداية نقاش غير مرغوب فيه
مثال
صافي بديت تجبد البلا
أي بدأت في اختلاق المشاكل
الكلمة الثانية لم أستطع نطقها هل بامكانك اعادة صياغتها أو كتابتها بالعربية أيضا

وهراني وافتخر ولي ماعجبو الحال ينتحر ويكتب على قبره واحد منقهر حاول يتحدى وهراني وماقدر
vive oran 31
أنا لن أقول تلمسانية وأفتخر
وإنما جزائرية عربية مسلمة وأفتخر باسلامي قبل كل شيء


أنا نحب نتعلم لهجتكم ممكن ؟؟؟؟ الله غالب تعجبنى بزاااااااااااف
ممكن جدا أختي

اولا شكرا على الموضوع المميز ثانيا علاش انتم في تلمسان تقولو ح النهار كيم احنا في جيجل؟؟:d


لا شكرا على واجب
ممكن يكون السبب هو وجود روابط تاريخية بين المنطقتين
فقد قرأت في أحد الكتب ولا أدري إن كان الكلام المكتوب فيه صحيح أم لا
أن أمراء تلمسان كانوا يتزوجون من أميرات ملية لكن لست متأكدة من المعلومة

[ل..ب..ن..ى]

السلام عليكم
راجية رضا ربها
كيريك لاباس؟؟

هههههههه
ماكنتش عارفاتك مشرفة !!!
هدا وين كتشفت بلي كاين مشرف من ولايتي

ايوا لاباس....!


واخيييييييييرا

ههههههه
ربي يعاونك حنونة


سلاااااااااااام

[أم ريان الجنة]

يعطيك الصحة حبيبة

[سامرالحربي]

اخواني الاعزاء اسهل لهجه جزائريه مااسمها كي اتعلمها

[أم ريان الجنة]

أهلا أخي الفاضل بالنسبة لي فلهجتي هي الأسهل وكل واحد يقول لهجتي هذي الأسهل
إذا أردت أن تتعلم فلا تبحث عن الأسهل والأصعب وعلى العموم إذا عزمت على تعلم أي لهجة جزائرية فيمكنك ذلك لأن أغلبها يعتمد على اللغة العربية

[محمد علي 12]

في الأمان اتهلا في روحك
نتوحشوك ياسر ياسر

[Maya Suzzan]

Salam
حبيت نسقسي برك و ش معناها 'راكي تبيعي فالغالي' هدي بلهجتكم على ما أظن و شكراااا مسبقا

[sofian-dz]

السلام عليييييييييييكم

مرحباااااااااا بيييكم في تلمسسسسان

كيرييييكم لاباااااس علييييكم

اطهللللاو

[*حبيبة*]

تبآ على خير وطريء السلامة رايحين نتوحشوك بزاف تهلا في روحك
فيرد المسافر : ربي يتهلا فينا وفيكم إن شالله نتلاآو في ساعة الخير
هذا بالنسبة لمدينة تلمسان:
بالنسبة لمدينة ندرومة
تبقاو على خير وطريق السلامة رايحين نتوحشوك براف تهلا في روحك
فيرد المسافر: ربي يتهلا فينا وفيكم إن شاء الله نتلاقاو في ساعة الخير ( تنطق القاف كما
في مغنية وباقي المناطق تنطق ga )

مدينة الغزوات ينطقونها بهذا الشكل
تبكا على خير رايحين نتوحشوش بزاف تهلا في روحشتش
فيرد المسافر : ربي يتهلا فينا و فيتشم انشالله نتلاكاو في ساعة الخير
وبالنسبة لمدينة الغزوات يقولون كيريك بهذا الشكل ( تشيريتش)
منطقة مسيردة ينطقون القاف كافا
أتمنى أني قد أفدتكم هل تريدون شيئا آخر

انا من الغزوات و شخصياان و عائلتي
لا نتكلم هكذابالكاف

[* عبد الجليل *]

شكرا على الموضوع الشيق بارك الله فيك
نتشرفوا تعلمونا لهجة تلمسان لاننا من تيارت واظن ان لهجتنا متقاربة
تحياتي

[kader 126]

تبآ على خير وطريء السلامة رايحين نتوحشوك بزاف تهلا :confused:في روحك
فيرد المسافر : ربي يتهلا فينا وفيكم إن شالله نتلاآو في ساعة الخير
هذا بالنسبة لمدينة تلمسان:
بالنسبة لمدينة ندرومة
تبقاو على خير وطريق السلامة رايحين نتوحشوك براف تهلا في روحك
فيرد المسافر: ربي يتهلا فينا وفيكم إن شاء الله نتلاقاو في ساعة الخير ( تنطق القاف كما
في مغنية وباقي المناطق تنطق ga )

مدينة الغزوات ينطقونها بهذا الشكل
تبكا على خير رايحين نتوحشوش بزاف تهلا في روحشتش
فيرد المسافر : ربي يتهلا فينا و فيتشم انشالله نتلاكاو في ساعة الخير
وبالنسبة لمدينة الغزوات يقولون كيريك بهذا الشكل ( تشيريتش)
منطقة مسيردة ينطقون القاف كافا
أتمنى أني قد أفدتكم هل تريدون شيئا آخر

عذارا الاخت لكن في تلمسان نقولو تهلا ف راسك ماشي في روحك

[delphi33]

ما معنى بلا ما نعبى