مابين شاوشي ومبولحي.....مثل مابين الثرى و الثريا

[أحمد الوفاق]

السلام عليكم
والله عندما اجد هناك من يقارن بين مبولحي او شاوشي استغرب لهذه المقارنة الغيرعادلة تماما لأننا عندما نقارن بين شيئين على الأقل الشرط الأول ان يكونا متقاربين حتى تسهل علينا عملية المقارنة ، أما ان نقارن بين شاوشي ذو المستوى الجيد الذي أهلنا بنسبة 80 بالمائة للمونديال امام مصر بموقعة أم درمان، واهلنا للنصف نهائي من كأس إفريقيا 2010 امام كوت ديفوار ، ثم لا ننسى انه حائز على البطولة الوطنية مع شبيبة القبائل ، كأس الجمهورية ، كأس شمال إفريقيا، كأس السوبر، متأهل لدوري المجموعات مع ناديه وفاق سطيف ، أختير في الجزائر كأحسن حارس لموسمين متتاليين ، كل هذه الإنجازات مستحيل ان تقارن مع تألق واحد لمبولحي ضد أمريكا مستحيل هنا مجال للمقارنة......
مع العلم ان مستوى البطولة الجزائرية أحسن بكثير من المغمورة البلغارية
والنتيجة اين مبولحي ضد منتخب الغابون والله عيب ان نقارن بين الثرى والثريا.

[zianiomar10]

نحن لم ننسا شاوشي بل قلنا ان مبولحي يصد اكثر منه

[walidpresse]

منيش معاك خويا .. كيتهدر اهدر هدرة منطقية النقاد الاجانب الكبار اثنو على مبولحي انت حكمت عليه من هدفين فقط وهو اصلا لا يتحمل مسؤولية الهدفين امام الغابون ولو نعد اخطاء شاوشي في المبارايات فانها لا تعد ولا تحصى ونزيد نفكرك العام ليفات كيلعبت الترجي والوفاق في سطيف هدف الترجي براسية احد لاعبيه كان قادر شاوشي يجبد البالو يخي ناض يتفلسف وتسجل الهدف بطريقة ساذجة ضف الى ذلك هدف سلوفينيا وزيد وزيد وزيد .... الفرق ياخويا راهو في النيفو وعيب تقول البطولة الجزائرية افضل من البلغارية راهو عيب دير هذا في بالك ومتخليش الناس تضحك علينا مبولحي افضل من شاوشي شاء من شاء وكره من كره صحيح ان شاوشي حارس كبير بصح صدقني خويا مهوش خير من مبولحي كن متاكد من ذلك .. قبل كنت تقولو مبولحي مبولحي وضرك درت عليه ... مهوش هكذا خويا... مبولحي لا يتحمل مسؤولية الهدفين امام الغابون تماما الهدف الاول غلطة تاع بلحاج ضاعتلوالكرة.. والثاني بوقرة لم يقم بالتغطية الجيدة للمهاجم الذي سجل الهدف مبولحي خاطي طوول متفهمنيش غالط خويا احمد الوفاق هذه هي وجهة نظري ولكل واحد له وجهة نظره ...... وفي الاخير صح فطورك خويا احمد اكرر هي وجهة نظر فقط خويا احمد وارجو ان تتقبل وجهة النظر هذه

[خليل صلاح]

شاوشي حارس جيد لكنه...........يزيد فيها.
اما عن الغابوم فالهدفان يتحمل مسؤوليتهما الدفاع.فحتى لو كان شاوشي هناك لما صدها. -تسديدة ضعيفة في مباراة سلوفينيا دخلت-.

[خليل صلاح]

اجل كما قال الاخ وليد الا تتذكر هدف الترجي الذي دخل ....بطريقة ساذجة.لماذا .لان شاوشي يبغي يزيد فيها.
مبولحي رزين و ما يلعبهاش.

[imad cabiste]

لماذا تستغرب
هل ل3 مالاوي ام 4 مصر ام 3 ايرلندا ام ماذا
ليه ليه رديتو هوا اللي طلعنا كاس العالم؟؟؟؟
14 ماتش لعب فرد ماتش ولا هو اللي طلعنا (رغم هذا ماننكروش مساهمتو )
مانشستر يونايتد ماتخلطش كون جا ماوش مليح راهم مابعثولوش باه يدري التجارب معاهم
وبالزيادة نتا سطايفي راك تبريزونتي في لييجوار تاعكم وماعرفتش كيفاه
لان الداب ويعرف بلي مبولحي خير من شاوشي وحتى اذا ماكانش خير منو مايكونش المستوى متباعد بيناتهم (الانجازات تاعك اللي راك تحكي عليهم روحو فرقوهم على الاصاغر تاعكم يلعبو بيهم ) كاس شمال افريقيا ووووو غير معترف بها

[belkasem160]

نحن لم ننسا شاوشي بل قلنا ان مبولحي يصد اكثر منه

[miloudi61]

يا اخي لا تنسى بان ام مبولحي توفيت يومين قبل المقابلة فكر

[مايليس]

كل واحد منهم يتقاضا ما قيمته 1000 عائلة

[النور نور اليقين]

ربي يزيدهم

شاوشي ممتاز بصح غير منضبط و يحب الاستعراض

الهدفان لا يتحملهما امبولحي

هل تعتقد بان الحارس الجيد لا يدخل في مرماه اي هدف

كاسياس و يدخلولو اهداف

لا تطعنوا لاعبينا في ظهورهم

[khaoula49]

:mh92::mh92::mh92::mh92::mh92::19::19:شاوشي حارس جيد لكنه...........يزيد فيها.
اما عن الغابوم فالهدفان يتحمل مسؤوليتهما الدفاع.فحتى لو كان شاوشي هناك لما صدها. -تسديدة ضعيفة في مباراة سلوفينيا دخلت-.

[سيفاو]

مقارنتك هي التي ليست عادلة مبولحي لعب 3 مباريات رسمية
مبارياتين في المونديال وكان مستواه عالمي بكل ماتحمله الكلمة من معنى ام هذه المباراة فلا يجب ان تلوموه فمعنوياته منحطة بعد وفاة والدته

[miloudi61]

لماذا غاب البطل

http:///www9.0zz0.com/2010/08/12/21/803775821.jpg

[amrfre]

مبولحي معنويا ماكانش مليح

[etoile filante]

نحن لم ننسا شاوشي بل قلنا ان مبولحي يصد اكثر منه

راك غالط يا حبيبي
شاوشي الافضل والنتيجة مباراة الغابون اين هو مبولحي
2فرص=2اهداف

[هاجر البرايجية]

مبولحي من ولايتي لكني لن انسى فضل شاوشي
و الله 2ملاح بصح الوخدة قاواوي

[stella]

لالا راكم غالطين الاعبين التاوعنا هايلين لوكان ما دخلو حتى بيت تفرحو و تغنو و ديفيليو
بصح كي غلطو وليت تقطعو فيهم و الله ما مليح يا جماعة مبولحي مشي خير من شاوشي و شاوشي ماشي خير من مبولحي
كل واحد منهم عندو نقطة ضعف و كل واحد منهم عندو حاجة مليحة كيما مبولحي رزين على شاوشي بصح كتن هكدا ما يعني والو
و شاوشي صح مشي رزين بصح هدا ما يخليهش خير من مبولحي
يا اخواني هدي نقطة نظري انا و الي يخالفني فالراي انشاء الله يكون عندو اقتراح افضل مني

[أحمد الوفاق]

لماذا تستغرب
هل ل3 مالاوي ام 4 مصر ام 3 ايرلندا ام ماذا
ليه ليه رديتو هوا اللي طلعنا كاس العالم؟؟؟؟
14 ماتش لعب فرد ماتش ولا هو اللي طلعنا (رغم هذا ماننكروش مساهمتو )
مانشستر يونايتد ماتخلطش كون جا ماوش مليح راهم مابعثولوش باه يدري التجارب معاهم
وبالزيادة نتا سطايفي راك تبريزونتي في لييجوار تاعكم وماعرفتش كيفاه
لان الداب ويعرف بلي مبولحي خير من شاوشي وحتى اذا ماكانش خير منو مايكونش المستوى متباعد بيناتهم (الانجازات تاعك اللي راك تحكي عليهم روحو فرقوهم على الاصاغر تاعكم يلعبو بيهم ) كاس شمال افريقيا ووووو غير معترف بها

على الأقل عندما تتكلم احترم الأخرين ، ووظف كلمات بعيدة كل البعد عن الإساءة . زيد واش دارت الكاب نتاعك على مر التاريخ