ساعدوني بآرائكم!!!!!!!!!!

[اسراء لينا]

انا تلميذة منتقلة الى السنة 2 ثانوي و نحب نقرا و حابة في المستقبل نكون نخدم يعني يكون ليا منصب عمل بصح مشكل نتاعنا مكانش الخدمة و لي راهم متخرجين كامل مش لاقيين خدمة و راهم قاعديين حابة نسأل1- بلي الوحدة درك تقدر ماتخدمش اذا عاد لي رايحة تتزوجو موفرلها كل شيئ و مش مخليها مخصوصة حتى حاجة .[/size]2- وش رايكم في وحدة تتخطب و هي عندها 18 و تكمل قرايتها و تتزوج هل الكلام هذا منطقي و لا لالا و حتى و ماكملتش قرايتها هل تقدر تكملها و هي متزوجة يعني بعد ما تتزوج تكمل قرايتها .
ساعدوني اذا بغيتولي الخير و شكراااااااااااااااااا

[nasser17]

لا ماكانش منها تتزوج وتقرا

لانو ماتلقاش الوقت اكيد بين شغل الدار والقراية جهد كبير


ننصحك نصيحة اخوية كملي قرايتك كي تكبري وتنضجي مليح خممي فالزواج

مادام راكي عند باباك غير خممي فالقراية وبرك اما الي تخرجوا وما لقاوش خدمة

هذاك كلام فاشلين باش يطيحو المورال وماتديريش عليهم والي تخرج وماصابش الخدمة يصبر

والصابر ينال

[kader7989]

ايه تقدري تقري فالجامعة و نتي متزوجة
بصح شوفي مول الدار يلا يقبل تقراي فالجامعة

[kader7989]

لا ماكانش منها تتزوج وتقرا

لانو ماتلقاش الوقت اكيد بين شغل الدار والقراية جهد كبير


ننصحك نصيحة اخوية كملي قرايتك كي تكبري وتنضجي مليح خممي فالزواج

مادام راكي عند باباك غير خممي فالقراية وبرك اما الي تخرجوا وما لقاوش خدمة

هذاك كلام فاشلين باش يطيحو المورال وماتديريش عليهم والي تخرج وماصابش الخدمة يصبر

والصابر ينال

و اذا كبرت و ما صابتش الزوج هههههههههههههه نتا رايح تنفعها ههههههههههههههه

خليهم يخطبوك دروك و كملي قرايتك

[اسراء لينا]

انا حابة نخدم باش نقوم روحي بصح هو شارط عليا نقعد في الدار و يوفرلي كل شيئ ووعدني بلي مايخصني والو و الي نطلبها تحضرلي ثاني حاجة اخرى حابة نسقسي هل طبيعي نتخطب و انا عندي 18 سنة

[kader7989]

هههههههههههههههه راه يخرط عليك هههههههههههههههههههه

[kader7989]

ايه امر عادي تنخطبي و في عمرك حتى 16 سنة بصح الزواج كيما تحبي تكملي قرايتك عادي ولا تتزوجي و تقراي

[اسراء لينا]

ايه امر عادي تنخطبي و في عمرك حتى 16 سنة بصح الزواج كيما تحبي تكملي قرايتك عادي ولا تتزوجي و تقراي

بصح انا مرانيش مقتنعة قتلو خليني حتان نيدي الباك و من بعد اخطبني بصح هو مش باغي يستنا حتان الباك ؟؟؟؟؟؟؟

[kader7989]

بصح انا مرانيش مقتنعة قتلو خليني حتان نيدي الباك و من بعد اخطبني بصح هو مش باغي يستنا حتان الباك ؟؟؟؟؟؟؟

وشي الباك و مازال ما ديتيهش و راكي حابا تتزوجي

تاخذي برايي ادي الباك قبل

[اسراء لينا]

هذا وش راني حابة نسمع كلمة اسناي لخاطر علابالي بلي مازال الحال باش نخمم في الزواج و منيش حاب نخمم فيه درك لاخاطر مازال الحال بعيد على الهدرة هادي بصح كي عاد ولد عمي منيش باغية نخسرو هدا ماكان كون جا عبد اوخر نقولو لالا بسهولة و ما نخمم في حتى حاجة غير في قرايتي و ادعولي ربي يسهلي و يكون معايا

[nasser17]

كيما قتلك


واش كادر نعرف نرايي خخخخخخخخخ

[kader7989]

هذا وش راني حابة نسمع كلمة اسناي لخاطر علابالي بلي مازال الحال باش نخمم في الزواج و منيش حاب نخمم فيه درك لاخاطر مازال الحال بعيد على الهدرة هادي بصح كي عاد ولد عمي منيش باغية نخسرو هدا ماكان كون جا عبد اوخر نقولو لالا بسهولة و ما نخمم في حتى حاجة غير في قرايتي و ادعولي ربي يسهلي و يكون معايا

ربي يسهل لك نشاله و بالتوفيق

و نزيد نقولك

This is your life:19:

[kader7989]

كيما قتلك


واش كادر نعرف نرايي خخخخخخخخخ

تاع الصح خخخخخخخخخخخخخخخخخخ

[nnihal]

يااختي اسراء انت مازلت شابة كملي قرايتك خار صحي وجهك وقوليلو انا نكمل قرايتي خار

[اسراء لينا]

شكرا على آرائكم و على الردود و جزاكم الله كل خيرا انا نفضل نكمل قرايتي خيرلي و كنت مدايرة في بالي هاد الشيئ بصح حبيت ناس يساندوني و يحسوني بلي راو عندي الحق و مازالني صغيرة على الزواج و رمضان كرييييييييييييييم للجميع و نتمنى تدعولي ربي يسهلي و يوفقني في قرايتي اللي هي حلم حياتي و يكون معايا و نيدي العبد لي نبغيه و يبغيني و ماتصرى حتى مشكلة تفرقنا على بعضانا حتى آخر يوم في حياتنا و انا عن نفسي نتمنى هاد الشيئ للناس كامل من فضلكم رمضان على الابواب ما تنساونيش بدعائكم و شكراااااااااااااااااااااااااااا

[nnihal]

ياربي تسهلها وتوفقها في قرايتها واشاء الله تولي تخدمي وتدي العبد الي تبغيه

[asma1856]

او ختي راكي صغيرة و تخممي في الزواج مازاااااااااااال الحال اقراي قبل و ربي يسهل الحال

[samzoon]

يا ختي انا ننصحك تكملي قرايتك واش حابة تتزوجي وانت ما عندكش حتى الباك
خميلها مليح puisque الوقت هادا صعيب ويجي يوم وتدخل تخدم ومبعد يطلبو عليك الباك ومبعد واينو الباك ماكاش
نورمالمو تكون فهمتيني وربي يسهلك
سلام

[kader7989]

اذا و من خلال النضر الى اقتراحات الاعضاء

حكمة المكمة القضائية العليا بان عرس الاخت اسراء سيأجل الى ما بعد باك 2012 و من دون اي نقاش

رفعة الجلسة الى ما بعد باك 2012

ههههههههههههههههههه يجي عليا قاضي خخخخخخخخخخخخخخخخخخخخخخ

ايه ما تنسيش منا حتى مور باك 2012 القاطو

انا نحب القاطو بزاف هههههههههههههههههههه

الله يسهل في قرايتك

[رفيدة الأسلمية]

السلا عليكم ورحمة الله
أختي في الحقيقة في هاذ الوقت لو كان ما يكونش عندك ليسانس غير اقعدي في الدار بصح على الأقل الباك ،أما من ناحية الزواج نقولك حاجة شدي في ربي وخليه هو سمعك الذي تسمعين به وبصرك الذي تبصرين به وآمني به حق الإيمان يرضيك دائما و أبدا ومهما يعطيلك إن شاء الله تكوني راضية والأهم هو يكون راضي عليك يا أختي أنا نصحتك نصيحة غالية على قلبي لا أنصحها لأي كان وهذا هو الصح تمسكي في ربي تكوني دائما مقتنعة وناجحة وسعيدة
خلاصة الأمر:من خسر الله فماذا ربح ومن ربح الله فماذا خسر...

[اشراقة ميمي الصبح]

يا اختي انا ننصحك تكملي قرايتك لانه في هاذ الوقت ما تنفعك غير قرايتك
اما الزواج راكي ما تدي غير الي كاتبهولك ربي

[اسلامي سر حياتي]

انا نقولك حاجة اختي قوليلوا روح حوس على وحدوخرى ماكانش غي هو في الجزائر كل

نصيحة مني برك

علاخاطر رزق ربي كبير

ربي يجيبلك اللي خير منه

تقبلي مروري اختي

[kader7989]

انا نقولك حاجة اختي قوليلوا روح حوس على وحدوخرى ماكانش غي هو في الجزائر كل

نصيحة مني برك

علاخاطر رزق ربي كبير

ربي يجيبلك اللي خير منه

تقبلي مروري اختي

سلام

بصح هادا ولد عمها و ما حبتش ترده

[اسلامي سر حياتي]

سلام

بصح هادا ولد عمها و ما حبتش ترده

واه واذا كان ولد عمها

الله يسهل عليه راجل كيفه كيف الرجال لخرين

[اسراء لينا]

بصح انا نبغيه و هو تاني يبغيني et en plus ولد عمي و عقليتو مليحة و رانا متفاهمين كيفاه تقوليلي شوفي واحد اوخر

[arwa13]

في رأيي مازالك اصغيرة باش تخمي في الزواج دوك لأنوا معظم الحلات بائت بالفشل يعني القراية وانت متزوجة

[kader7989]

بصح انا نبغيه و هو تاني يبغيني et en plus ولد عمي و عقليتو مليحة و رانا متفاهمين كيفاه تقوليلي شوفي واحد اوخر

با با با با واعرة هادي نتاع et en plusهههههههههههههههههههه

الله يسهل بصح ما تنسيش حقنا نتاع الحلوة هههههههههههههههههه

[arwa13]

با با با با واعرة هادي نتاع et en plusهههههههههههههههههههه

الله يسهل بصح ما تنسيش حقنا نتاع الحلوة هههههههههههههههههه


هههههههههههههههههههههههههههههه

[kader7989]

اهلين ختي اروى واش راكي

هادي غيبة

و الله غيل توحشناك

[arwa13]

اهلين ختي اروى واش راكي

هادي غيبة

و الله غيل توحشناك


والله غير انا تاني بصح بانة عليكم تسولوا علينا بزاف
كنت في وهران

[kader7989]

ما فهمتش هادي تسولو

[arwa13]

معناتوا تسقسوا تسألوا

[kader7989]

اييه ها قولي تسولو خخخخخخخخخخخخخخخخخخخخخخخخخ

المهم الحمد لله لي رجعتو بالسلامة

[arwa13]

اييه ها قولي تسولو خخخخخخخخخخخخخخخخخخخخخخخخخ

المهم الحمد لله لي رجعتو بالسلامة
هههههههههههههه وانا واش قلت
الحمد لله رحنا وحوسنا وعجني الحال بزاف بعد في وهران

سوختوا كي سرقولي التليفون

[kader7989]

هههههههههههههه وانا واش قلت
الحمد لله رحنا وحوسنا وعجني الحال بزاف بعد في وهران

سوختوا كي سرقولي التليفون

سرقولك تيليفون .............. غاكي غافلة على روحك .............. ياك ما عمبالكش بلي وهرن غيل نتاع سرقة

صحا وين سرقوهلك فالبحر ولا وين

[arwa13]

سرقولك تيليفون .............. غاكي غافلة على روحك .............. ياك ما عمبالكش بلي وهرن غيل نتاع سرقة

صحا وين سرقوهلك فالبحر ولا وين


في فوردمار في الليل

[kader7989]

فوردمار ؟؟؟؟؟؟؟؟؟؟؟؟؟؟؟؟؟؟؟

[arwa13]

ايييييييييييييييييييييييييييييييييه وعلاه

[ريم الفيفاء]

مادام نتي مصرة عليه انا نصيحتي تقوليلو يصبر عليك على الاقل حاتا تدي لباك و يجي يخطبك
و بالنسبة للقراية و الزواج انا نقولك كملي قرايتك اسع كيعاد صعيبا توفقي بيناتهم وانا شفت صحبت ختي زوجت و هي مازالت تقرا مالي كانت ماجورا تاهم والات يا ربي تلحق على 10 و قريب و حبست قرايتها على جال دارها و راجلها و نتي لوكان ولد عمك حابك راح يصبر عليك كوني متهنية و لاكان ماصبرش خيرو في غيرو و اللي فيه لخير يقربو ربي

[اسراء لينا]

الحمد الله قدرت نقنعو قالي نصبر حتان تكملي قرايتك في الجامعة بصح قالي نخطبك كي تدي الباك واششششششششششششششش رايكم مليح هكا ؟؟؟؟؟؟

[arwa13]

الحمد الله قدرت نقنعو قالي نصبر حتان تكملي قرايتك في الجامعة بصح قالي نخطبك كي تدي الباك واششششششششششششششش رايكم مليح هكا ؟؟؟؟؟؟
اذا راكي متأكدة بلي ميتلفلكش رايك وتولي ما تخجي معاه في كل وقت والتليفون في كل وقت معليش يخطبك لأنوا بعد الخطوبة يولي يتحكم فيك معلاباليش كيفاه مي متونيش على راحتك

[kader7989]

الحمد الله قدرت نقنعو قالي نصبر حتان تكملي قرايتك في الجامعة بصح قالي نخطبك كي تدي الباك واششششششششششششششش رايكم مليح هكا ؟؟؟؟؟؟

هايل شفتي كيما قتلك لازم تقنعيه حتى تدي الباك نشاله

و اذا ما ديتيهش ... بعيد الشر

قوليله يقارع هههههههههههههههههههههههههههه

[MEGHNIFIQUE]

الحمد الله قدرت نقنعو قالي نصبر حتان تكملي قرايتك في الجامعة بصح قالي نخطبك كي تدي الباك واششششششششششششششش رايكم مليح هكا ؟؟؟؟؟؟
ok hakda c'est bcp mieux*

elmouhim rebbi yewef9ek nechalah

[رفيدة الأسلمية]

ايه والله غ كيما هاك أحسن بزاف مليح كي راه يتفهم ،بصح في الأخير الراي رايك ما تديش راي لخرين و ممباعد تندمي هاذي حياتك ولا أحد يتحكم فيها غيرك

[bac 2011]

انا في تكملي قرايتك خير و راكي مازلتي صغيرة خلاص ع الزواج و ادا كان يبغيك صح كيما تقولي يسناك حتى تخلصي قرايتك و ربي يسهلك

[bac 2011]

الحمد الله قدرت نقنعو قالي نصبر حتان تكملي قرايتك في الجامعة بصح قالي نخطبك كي تدي الباك واششششششششششششششش رايكم مليح هكا ؟؟؟؟؟؟

الحمد لله وزيدي حاولي اقنعيه باه تقراي ف الجامعة ههههههههه

[موحدة الله]

لقرايا احسن من الزواج بالف مرة لانو اذا طلقت الوحدة ما تنفعها غير قرايتها
بالتوفيق للجميع

[مالكس لقبايلي]

شوفي اختي اسراء انتي راكي تقراي باش تولي تخدمي ولا راكي تقراي لان ربي ق لنا اقرو وباش متوليش جاهلة المهم سلاح المراة هو الشهادة و. ايضا ليحمها رجلها. بصح كون نشوفو كون تقراي ومبعد تتزوجي خير لخطر راكي رايحة تتزوجي تتزوجي بصح الدراسة متقدير ش ترجعليها

سلام