اي مساعدة رانا هنا

[*سلامة*]

السلام عليكم

انا اعرف ان المقبلين على شهادة البكالوريا راهم خايفين و تنتظرون ولو كومة قش للنجاة من الغرق في بحر الباك


يعني حقيقتا انا نعرف هاذ الشعور مليح

ولذلك و لاستحالة التراسل انا وضعت هاذ المساحة باش تطرحو فيها انشغالاتكم اي صعوبة ليقيتوها رانا هنا نعاونوكم بالسبة ليا انا كنت شعبة علوم تجريبية ليكن في علم الجميع


اي مساعدة في الرياضيات او الفزياء او العلوم و حتى الفلسفة راح نحاول نجاوب عليها

وطبعا زملائي كذلك
لكن لا يخرج اطار الحديث عن محتوى الموضوع اي علم وباك وفقط

[<يوسف>]

ماتخافوش رنا قاع خايفين..

[البلبلة]

http://rlv.zcache.com/gracias_smiley_thank_you_sticker-p217876306167474288qjcl_400.jpg

[*سلامة*]

كيما قال خونا ما تخافوش رانا قاع خايفين

[bac2100]

haba n9oul l tout les candidats bali rana kamel khafna wnjahna hamdou lilah avec des bon moyens et lkhouf maysh 3ib wala dou3f non houwa marhala tfout 3la les candidats mais l'est matkhaliwsh lkhouf yaghlabkoum a3rfou tsaytrou 3lih wataklou 3la rabi hadi hya lhaja lmouhima wadhbou 3la salatkoum w jamais jamais tkhaliw dourous tatrakem wmatkhafoush man les questions maysh hayjiboulkoum haja bara programme et hna fi moussa3ada bon courage*

[*سلامة*]

haba n9oul l tout les candidats bali rana kamel khafna wnjahna hamdou lilah avec des bon moyens et lkhouf maysh 3ib wala dou3f non houwa marhala tfout 3la les candidats mais l'est matkhaliwsh lkhouf yaghlabkoum a3rfou tsaytrou 3lih wataklou 3la rabi hadi hya lhaja lmouhima wadhbou 3la salatkoum w jamais jamais tkhaliw dourous tatrakem wmatkhafoush man les questions maysh hayjiboulkoum haja bara programme et hna fi moussa3ada bon courage*

بارك الله فيك

كيما قالت زميلتي الخوف ماهوش عيب لكن لازم ما يتغلبش عيكم

و الدروس مالازمش تتراكم عليكم

و نحن هنا في الخدمة لمساعدتكم

[‘♥’حسناء‘♥’ او ‘♥’جسناء’22‘♥]

ممكن تساعدني في اختيار الكتب الخاجية والتي ساعدتك شكرا لك

[*سلامة*]

ممكن تساعدني في اختيار الكتب الخاجية والتي ساعدتك شكرا لك

اكيد راح نحاول انا ارا ان افضل كتاب في الفزياء هو كتاب المنهل او كتابي المتميز و هما من حجم صغير واحد في الفزياء والاخر في الكمياء وافضل ان تختار اما المنهل اما هاذ الكتابان لان كثرة الكتب راح تتخلطلك

اما العلوم الطبيعية هناك الممتاز فيه حلول تمارين الكتاب و الدروس بالتفصيل

اما الرياضيات لاادري الي شريتهم ما عجبونيش لكن راح تلقى التمارين عن طريق المواضيع

[‘♥’حسناء‘♥’ او ‘♥’جسناء’22‘♥]

شكرا لك وباك الله فيك اريد ان اسالك الرياضيات سهلة ام صعبة انا خائفة

[*سلامة*]

شكرا لك وباك الله فيك اريد ان اسالك الرياضيات سهلة ام صعبة انا خائفة

ما تخافي ما والو هو كلش ساهل الا ان ربما الخوف يخلي الانسان يرى كل شيء صعيب

يعني حتى لوكان يجيك صعيبة وتدي 00 في الفروض ما عليكي الا ان تعرفي خطاك لان كل شيء يتعاود و ان شاء الله تدي مليح

مع الاول تقراو واش قريتو سنة 2 تكملو الاشتاقية والنهايات ثم الدالة الاسية واللوغاريتم هايلين صدقيني

[bac2100]

ممكن تساعدني في اختيار الكتب الخاجية والتي ساعدتك شكرا لك

بالنسبة ليا كنت نقرا من الكتب المدرسية وles cours درت في المواد العلمية pasque الأساتذة مكانش يقريونا مليح و مع الاضرابات . والمواد الادبية قريتهم وحدي الاجتماعيات شريت الوجيز والباقي كلش من المنتديات خاصة منتدى الجلفة تلقى فيه كلش نجيبdes sujets ونحلهم
et surtout les expression écrits
كنت كل اسبوع ندير موضوع ولا موضوعين على الاقل في الفرنسية والانجليزية ونديها للاساتذة تاعي يصحوهالي وكنت نحفظهم ماننساهمش
وأي أسئلة أخرى رانا في الخدمة

[‘♥’حسناء‘♥’ او ‘♥’جسناء’22‘♥]

ممكن تضيفيني عند ك narimane2014

[bac2100]

شكرا لك وباك الله فيك اريد ان اسالك الرياضيات سهلة ام صعبة انا خائفة

اولا مانيش راح نقولك ساهلة pasque انا سوفريت معاها هاد العام . العام اللي فات ناكنتش فاهماتها مي اذا راكي فاهمتها ماكانش مشكل خلاص اللي قريتيه العام اللي فات راح تعاوديه مع شوي زيادة أنا صح تعبت معاها بصح الحمد لله جبت 16 مع أني كنت قادرة نجيب كتر

[bac2100]

ممكن نعرف المعدل السنوي تاعك

[<يوسف>]

أفضل الكتب هي الكتب المدرسية..

[‘♥’حسناء‘♥’ او ‘♥’جسناء’22‘♥]

شكرا لك جزيلا اختاه وجزاك الله الجنة

[اميرة]

السلام عليكم

انا اعرف ان المقبلين على شهادة البكالوريا راهم خايفين و تنتظرون ولو كومة قش للنجاة من الغرق في بحر الباك


يعني حقيقتا انا نعرف هاذ الشعور مليح

ولذلك و لاستحالة التراسل انا وضعت هاذ المساحة باش تطرحو فيها انشغالاتكم اي صعوبة ليقيتوها رانا هنا نعاونوكم بالسبة ليا انا كنت شعبة علوم تجريبية ليكن في علم الجميع


اي مساعدة في الرياضيات او الفزياء او العلوم و حتى الفلسفة راح نحاول نجاوب عليها

وطبعا زملائي كذلك
لكن لا يخرج اطار الحديث عن محتوى الموضوع اي علم وباك وفقط



[size="7"][color="magenta"]هههههههههههههههه صبتك والله غير مادا بيا تعاونيني فلباك

[gnawa_diffusion]

krit ghir 40% man le programme hayéb t3awan

[عاشق الضياع]

صاحبة الموضوع داتها الحملة ننتاع باب الواد
هههههههههه

[*سلامة*]

صاحبة الموضوع داتها الحملة ننتاع باب الواد
هههههههههه

ههههههههههههههه لا لا راني هنا مي نجاوب على الاسئلة برك على هاد ماندخلش ايا كاش سؤال

[°واحد من الناس °]

قداش معدلك الاخت في الباك

[اميرة]

ايه قداش المعدل تاعك بصح ختي ماجاوبتينيش علي السؤال تاعي انتي هي ؟؟؟ ولا راني غالطة

[*سلامة*]

اهلا اميرة واش راكي لباس اي مساعدة راني هنا قريتي واش كتبتلك في التقييم ديري واش قتلك اميرتي

[°واحد من الناس °]

مجاوبتيش عالسؤال الاخت ؟؟

[*سلامة*]

مجاوبتيش عالسؤال الاخت ؟؟

اهلا اخي يعني معدلي 16 وضواحيها

[°واحد من الناس °]

ههههه
وضاوحيها

حتى 15 من ضواحيها

الله يبارك

الاخت


ان شاء الله تكوني درتي تخصص جامعي مليح

مالا درك نقدر نسقسيك


-الدعم مليح ولا مكلاه ؟؟ واسكو كشما يفيد في الباك

طريقتك باش جبتي 16

ومشكورة

[minar_2]

pour les annales kayene el z fel physic jay kbiiiiiiir w mlihhh bzzzf
w elmath aussi z mais tré petit fih les sujet bark coool wela eljadid bonne chan,ce

[*سلامة*]

ههههه
وضاوحيها

حتى 15 من ضواحيها

الله يبارك

الاخت


ان شاء الله تكوني درتي تخصص جامعي مليح

مالا درك نقدر نسقسيك


-الدعم مليح ولا مكلاه ؟؟ واسكو كشما يفيد في الباك

طريقتك باش جبتي 16

ومشكورة

ههههههههههههههه صح 15 من ضواحيها لكن 16 ماشي 15 نمسخر برك

على كل حال الدعم مليحة وماشي مليحة

شوف درك نفهمك انا مثلا لااحب الروتين يعني مانحبش نقعد غير نقراوطبعا لازم عليك تقرا في الباك
والدعم يخليك لازم عليك تقرا وحقيقتا ساعدني كثيرا في الفزياء هناك امور سهلة جدا لاتجدهم الا في التمارين و في حصص الدعم تتمكن من التعرف عليهم

وزيد مالازمش نكثرو علينا الهم يعني كتابات خارجية و مواضيع للباكالوريا والدعم وتزيد تخرج على ال5 ونص بزاف عليك

لذلك لازم تخير اما كتب خارجية ولا مواضيع وكي دير الدعم ماشي دير من تم وتنساه في الكراس كي حالتي

كنت ننساه في الكراس :mad::mad: وهذا ليس جيدا لازم تراجعو في البيت

هكذا وتقول ماعنديش الوقت

والنصيحة الي نقدمه للجميع تقرا الدرس من دير تمارين الكتاب المدرسي من في الباك ماشي حتى يقولك الشيخ. لالا الشطارة تاتي وحدها :rolleyes::rolleyes:

واذا ماخدمتش مليح في الفصول عادي ماتخلعش روحك لكن لازم كل فرض تعاود تحلو في الدار بعد التصحيح في القسم باش جيب فيه 20 /20 في الدار معليش باش تضمن انه لما يطيحلك في الباك تعرف تحلو

والهوامش مهمة جدا جدا في كلش حتى في العربية في الفرنسية كلش لخاطرش اومباعد تحتاج الى ادق التفاصيل

والانجليزية هايلة :o الكلمات الي تقراها في الدرس هي الي تتعاود وتساعدك في التعبير

العلوم الطبيعية ساهلة ديت فيها مليح والنصيحة هي تعاود التمارين تاع السنوات الي فاتت باش تتعلم طريقة الاجابة

لان طريقة الاجابة في العلوم هي المهمة

لما يسالوك سؤال في العلوم يستناو كلمة محددة والحمد الله بالممارسة تتعلم كيفاه تخلي المصحح يعطيك العلامة

هاذا واش تفكرت درك اي سؤال رانا هنا

سلام :mh92::mh92:

[°واحد من الناس °]

مرسي بوكو اختي


الحمد لله مسلكينها حنا بلا دعم قلت بلاك كشما لقيتي فيه افكار جديدة

وشي حاجة مي خلي نجوز الفصل الاول ومن بعد نشوف يديرلها ربي طريق

من ناحية تنظيم الوقت

والمواد العلمية صافا اختي

كلشي ماشي تمام

مام مكنتش نتبع ولا نراجع وعلامة فووور

مي هذا العام كلام اخر

ان شاء الله يديرلها ربي تاويل


وشكرا الاخت




ايه حقا

الاسئلة نتاع الباك الكل قريتوهم ولا كاين اسئلة لالا


وبالنسبة للفرنسية والانجليزية ساهلين ولا شويا معقدين

[*سلامة*]

مرسي بوكو اختي


الحمد لله مسلكينها حنا بلا دعم قلت بلاك كشما لقيتي فيه افكار جديدة

وشي حاجة مي خلي نجوز الفصل الاول ومن بعد نشوف يديرلها ربي طريق

من ناحية تنظيم الوقت

والمواد العلمية صافا اختي

كلشي ماشي تمام

مام مكنتش نتبع ولا نراجع وعلامة فووور

مي هذا العام كلام اخر

ان شاء الله يديرلها ربي تاويل


وشكرا الاخت




ايه حقا

الاسئلة نتاع الباك الكل قريتوهم ولا كاين اسئلة لالا


وبالنسبة للفرنسية والانجليزية ساهلين ولا شويا معقدين

كيما قتلك تلقا افكار جديدة ممكن في الفزياء لكن تقدر اكيد تدي 17 بلا دعم


تنظيم الوقت مهم بزاف خويا صدقني

قلي انت ترقد بكري ولا لالا

اما المواد العلمية صدقني حلوة هايلة انا نحبها اذ1ا كنت مليح في السنوات الي فاتو فيهم مالا هاذ العام دير حالة ساهلين على العام الي فات قاع

ماكنتش تبع هاذا العام الي فات هاذ عام لالا خويا اسمحلي لازم تبع باش تدي 17 ولا 18 ولا راني نقدم النصيحة في باطل خو لازم تدي مليح :):):):)


الاسئلة تاع الباك ماشي كلها صادفناها في العام مي بلاك 85 بالمئة الاسئلة تتعاود

الفرنسية والانجليزية ساهلين خاصة الانجليزية
الفرنسية تاني الاسئلة اغلبها فهم النص اذا فهمت النص تضمن 12 والتعبير تضمن 16 وبالقواعد تضمن 19 و20 الله اعلم :d:d

اي اسئلة اخرى رانا هنا وكي تدخل للمسيد تاني رانا هنا اذا دخلت طبعا للمنتدى

قلي تشوف المباريات ولا لالا لخاطرش يولو مشكل اومباعد

[°واحد من الناس °]

مالا حابة نحكيلك على العام لي فات

يوميا لي ماتش
منلي ندخل
ريال وبارصا وغيرهم
كنت عنبالي بلي كيف كيف القراية ولا عدمها لانو 16 تاعي ولا مش هي كيف كيف


الرقاد ساعات للربعة

وسعات كنت نرقد مع 12 باش نوض نصلي الصبح في الجامع




ايه ان شاء الله نتبع




اختي انا الحمد لله معندي حتى مشكل في حتى مادة عدا الانجليزية هذا العام متبعتهاش خلاص وكومام نجيب لانوت فيها


وشنو لي كان ميخلينيش نلحق لل 18 وغيرها

جامي كملت نص وقت في مادة ادبية
وجامي كملت الوقت في مادة علمية

قتلك كان بالنسبة ليا عادي المهم الانتقال

مي هذا العام ان شاء الله نديرو هدف واحد اخر



وشكرا الاخت على النصائح



شكون اذا دخل طبعا

انا ولا انتي

اذا عليا عادي ندخل

واذا عليك

حاجة اخرى



العام لي فات ديتو كل بالو
من الدوريات الاوروبية حتى للهم نتاع منتخبنا


مي هذا العام اي ليهم

نحيت لاكارت نتاع الجزيرة

خطرة وحدة



ومرسي بزاااف الاخت

والله يوفق الكل

[*سلامة*]

مالا حابة نحكيلك على العام لي فات

يوميا لي ماتش
منلي ندخل
ريال وبارصا وغيرهم
كنت عنبالي بلي كيف كيف القراية ولا عدمها لانو 16 تاعي ولا مش هي كيف كيف


الرقاد ساعات للربعة

وسعات كنت نرقد مع 12 باش نوض نصلي الصبح في الجامع




ايه ان شاء الله نتبع




اختي انا الحمد لله معندي حتى مشكل في حتى مادة عدا الانجليزية هذا العام متبعتهاش خلاص وكومام نجيب لانوت فيها


وشنو لي كان ميخلينيش نلحق لل 18 وغيرها

جامي كملت نص وقت في مادة ادبية
وجامي كملت الوقت في مادة علمية

قتلك كان بالنسبة ليا عادي المهم الانتقال

مي هذا العام ان شاء الله نديرو هدف واحد اخر



وشكرا الاخت على النصائح



شكون اذا دخل طبعا

انا ولا انتي

اذا عليا عادي ندخل

واذا عليك

حاجة اخرى



العام لي فات ديتو كل بالو
من الدوريات الاوروبية حتى للهم نتاع منتخبنا


مي هذا العام اي ليهم

نحيت لاكارت نتاع الجزيرة

خطرة وحدة



ومرسي بزاااف الاخت

والله يوفق الكل


مانكذبش عليك خويا نقولك بلي ماشفت لي ماتش كنا ديما لعياط في الدار على الماتش حتى اليوم قبل الاخير ودارونا هذاك الماتش ضد الامارات

وخاصة الليغا خويا هبلوني ندل نسيبورتي من ميسي والبرصا منا ميليتو والانتر مام اتحاد جدة وكنت نشوفو ههههههههه

المهم هبلوني

لذلك النصيحة المهمة جدا نحي لكارت تاع الجزيرة ومام الجزائر كي تلعب خلينا منهم ماراحش ينفعوك وخاصة البنت ماشي كيما الولد الولد يتبع الماتش من قلبو ويزيد يروح يديفيلي

والله غير اخطيك ماراحش ينفعوك بزاف راحلهم العام علاجال الماتش تاع الجزائر وحنا تاع العام الي فات كثر هبلونا وكي يقولك واش كاش خدمة الرد الوحيد مازال في السودان مازال :1::1:

المهم الجدية ثم الجدية عام واحد ماراحش يتعاود تتعب فيه وتنجح خير ملي لا قدر الله تروح هكذاك وهاهي النتيجة الحمد االله حن الي قراو هاهم فرحانين وخيرو الجامعة الي يحبوها اما الي ما قراوش وجوزوها غير في مع الماتش :rolleyes::rolleyes::rolleyes: هاهم يعاودو فيه ولا بعتوهم تخصص ما يحبوهش

اما دخول المنتدى كنت على روحي علابالك هاذ العام الجامعة ولهذا ما علاباليش كيفاه راح تكون الحالة

وانت تاني ادخل غير باش تقرا وماتتفوتش نص ساعة لخاطرش النت يديلنا قاع الوقت بلا مانفيقو والحمد الله الحمد الله كي راحتلنا الكونكسيو العام الي فات :):) مرض

والانجليزية ساهلة ماتخممش



حقى نصيحة مهمة جدا جدا الملخصات اخي لازم كل ماتكملو درس في الفزياء والرياضيات دير القوانين في ورق مقوى مام التعاريف مهمة جد جدا تاع الفزياء والكمياء اكيد هاذا سر نجاحي اخي خذ مني هاذ النصيحة صدقنيي

[°واحد من الناس °]

شكرا لك الاخت

مرسي بوكو والله يجازيك

متخافيش اختي نعرف نحكم وقتي مليح

والنت ثاني مش هتشلني

ان شاء الله يوفقنا ربي ويوفق الكل


اه علابالي الجامعة معنكش كيفاش تدخلي

باغ لي صالون ديالهم




حقا نسيت مقتلكش وشمن جامعة رحتي وشمن تخصص درتي

متقوليليش ميدسين برك


وشكرا على النصائح اختي

واذا عندك يرهم اني نستنى



ومرسي مرسي للمرة الالف

[*سلامة*]

ههههههه مانقلكش ميدسين مي الله غالب ميدسين حلم الطفولة

ملي كنت صغيرة وانا نتمنى نكون طبيبة قول امين

وغدوة نكمل اهم نصيحة ترقبوني

[°واحد من الناس °]

اميييين ربي يوفق اختي

بالتوفيق

يخي النات وشحال تموتو على الطب

ههههه



بالتوفيق اختي

[رامة1]

شكرااااااااااااااا جزيلالالالالالالا

[اميرة]

شكرااااااااااااااا جزيلالالالالالالا



صحة راما وش راكي هادا وين تدخلي قوليلي عرفتيني ولا لالا؟؟؟؟

[اميرة]

اهلا اميرة واش راكي لباس اي مساعدة راني هنا قريتي واش كتبتلك في التقييم ديري واش قتلك اميرتي

والله غير لاباس وانتي وش راكي الله يسلمك حتي انا الا كاش ما ستحقيت ياخي نتكل عليك ؟؟؟؟ لالا ماقريت والو وين ما شفتش ؟؟؟؟؟


صحة فطورك وسلمي عليهم

[*سلامة*]

والله غير لاباس وانتي وش راكي الله يسلمك حتي انا الا كاش ما ستحقيت ياخي نتكل عليك ؟؟؟؟ لالا ماقريت والو وين ما شفتش ؟؟؟؟؟


صحة فطورك وسلمي عليهم


رانا هنا اميرة خسارة عليك

وسلمي عليهم انت تاني

وان شاء الله تدي الباك بامتياز قاع

وصح فطورك

[اميرة]

ههههههه مانقلكش ميدسين مي الله غالب ميدسين حلم الطفولة

ملي كنت صغيرة وانا نتمنى نكون طبيبة قول امين

وغدوة نكمل اهم نصيحة ترقبوني


وااااااااااااااااااش وين راكي ؟؟؟؟؟؟

[اميرة]

رانا هنا اميرة خسارة عليك

وسلمي عليهم انت تاني

وان شاء الله تدي الباك بامتياز قاع

وصح فطورك


بصح ما قلتيليش عرفتيني ؟؟؟

[*سلامة*]

بصح ما قلتيليش عرفتيني ؟؟؟

اكيد اميرة مي ممكن تعدلي كتابتك الاولى قاع امحي واش كتبتي

[اميرة]

انشااااااااااااااء الله يا ربي عاونيني برك

[اميرة]

هاني عدلتهم واش عجبك الاسم الجديد بدلتو هاداك

[*سلامة*]

انشااااااااااااااء الله يا ربي عاونيني برك

اكيد رانا هنا اي حاجة تحتاجيها

قول لي

[*سلامة*]

ايه اسمك هكذا مليح محيتي اللقب برك

[اميرة]

قوليلي واش خيرتي في الجامعة

[*سلامة*]

خيرت ميدسين

[اميرة]

هياااااااااا باي خلاصت دالتي غدوة

[*سلامة*]

هههههههههه راكم بالدالة

ابقاي على خير انا تاني لازم نروح

[اميرة]

وااااااااااااااااش سلامة ولا ميمي والله غير رانا بالدالة راكي عارفة ...........................هههههههههه بونويييييي وتهلاي في روحك بااااي كي تدخلي في منتدى الجلفة تفكريني عجبتني الجماعة معاك فووووووووووووور سورتو كي جيتي من لافامي هههههههههههه

[foufaa]

مجهود رائع صراحة

[*سلامة*]

شكرا

المهم يا جماعة الخير اهم نصيحة هي الدعاء ثم الدعاء خاصة درك في هاذ العشر الاواخر من رمضان لان صدقوني تديرو واش ديرو بلا دعاء ماكان والو

ربي هو الي ينجح وهو الي يوفق والباقي قاع تكملة